توْیوق ایلی

دئیَرلر توْیوق ایلینده قیش دالیْ قاییدار
نئجه توْیوق دئشه‌نَک آتاندا دالی آتیر!

@dasbulaq

گوزل شاد ماهنی...❤️💃💃

واردی پولدی بودونیا یالاندی سئوگیسیز عومور یاشاماق یاماندی
داشلی بولاق↙️
@DASHLIBULAQ
🌺🌷🌼🌷🌺🌹🌺

کنایه‌لر

🔹آرادا یئییب , اوجدا گزمک = کنایه دیر , فرصت طلب لیک دن

🔹 آدام اوغلو,چی سوت اَمیب = کنایه دیر,اینسانین جایز الخطا اولماسین دان

🔹 آت اوسته وریان باغلاماق = کنایه دیر , تله سیک و عجله‌لی بیر ایش‌دن

🔹 آت آلمامیش آوخورون باغلاماق = کنایه دیر , حاضیرسیز بیر ایش دن

🔹 آرپاسی چوخالماق = کنایه دیر , خط‌دن چیخیب , مغرور اولماقدان

🔹 آری یوواسینا چوپ اوزاتماق = کنایه دیر , خطرلی بیر ایشی باشلاماق دان

🔹آریم وار , آریم ور -اودا ائششک آریسی = کنایه دیر , بیرینه اومود باغلاماق اودا گلییب بئجریک‌سیز چیخماق

🔹 آغزی گؤیچک = کنایه دیر , آغزی بوش و سؤز ساخلامایان آدام دان

🔹الیم خمیر , قارنیم آج = کنایه دیر , همئشه ایشله‌ییب آمما آج آدامین حالیندان

🔹"الف"‌دن "ب"ِ‌‌یه گلمیر= کنایه دیر , بیر نَفرین اؤز سؤزون‌دن اَل چکمه‌مه‌سین‌دن

🔹ایتین قودوران یئری = کنایه دیر , چوخ اوزاق و غریبه بیر یئردن

🔹 ایت ایلی = کنایه دیر , اوزاق و نامعلوم بیر زامان دان

🔹 اَلیمه سویوق سو توکولدی = کنایه دیر , اومودسیز اولماقدان

🔹ایستی قانلی = کنایه دیر , محبتلی آدام‌دان

🔹ایته‌ده بیر کوت بورجلو اولماق = کنایه دیر , چوخ بورجلو اولماق دان
🔹ایتیرن تاپاندان چوخ سئوینیر = کنایه دیر , ده‌یه‌رسیز(ارزیش سیز) بیر زادین ایتیرمه سیندن

🔹اوت باش اولماق = کنایه دیر , بیر آجی سؤز ائشیدیب عصبانی اولماق دان

🔹اوره‌گین قابیغی سویولماق = کنایه دیر , اینسانا ترحم حسی اَل وئرمک دن

🔹اوزو بوز = کنایه دیر , اوتانماز آدام دان

🔹اوزو قارا = کنایه دیر , شرمنده اولان آدامدان ...


آردی اولاجاق ..
💠 توپلایان : ش-بابایی

داشلی بولاق↙️
@dashlibulaq

نوروز ماهنیسی 💐💐

داشلی بولاق↙️
@DASHLIBULAQ💕💕

هر گونوز بایرام اولسون.

🌺🌺🌺🌺🌺

گول غونچاسی گولوب دئدی موشتولوق.
باهار گلیر چوللر گولور سنده گول.
قیزیل لاله زینت وئریر هر یانا.
باغدا آچان گوللر گولور سنده گول.
🌺🌺🌺🌺🌺

ژاله قونوب قیزیل گوله سونبوله.
بنووشه لر بویون أییر بولبوله.
گوزل کهلیک داغا سالیب ولوله.
یاغمور یاغیر سئللر گولور سنده گول.
🌺🌺🌺🌺🌺

باغچالاردان مئیوه گلیر بار گلیر.
تاخچالاردان غوبار سیلئک یار گلیر
سئوینجیدن دونیا منه دار گلیر.
قالخ آیاقا ائللر گولور سنده گول.
🌺🌺🌺🌺🌺

کاتب اوغلو بایرام گلیر یاز گلیر.
بولبول نغمه اوخور خوش آواز گلیر.
باشدا پاپاق آشیق الده ساز گلیر.
اوخور تورکی دیللر گولور سنده گول.
( کاتب اوغلو)
🌷🌷🌷🌷🌷🌷🌷🌷🌷🌷🌷🌷
داشلی بولاق↙️
@DASHLIBULAQ💕💕

#ماللا_نصرالدین

بیر گون ماللایا دئدیلر:
- گل بیر منبر بیزه دانیش
ماللا دئدی:
-گلرم آنجاق مین آغچا پول آلارام
دئدیلر:
- ماللا آخی بیز بیر بئله پولو هاردان گتیرَک، بیرده سن نه دانیشاجاقسان کی مین آغچا پول ایستیرسن؟
ماللا دئدی:
- پولو وئرسز گلرم
دئدیلر:
- بلکه ده ماللا چوخ اٶنملی سوزلر دانیشاجاق بیر بئله پول ایسته‌ییر

پولو ماللایا وئردیلر. ماللا اونو جیبینه قویدو و منبره چیخیب گوزل بیر دانیشدی، هامیدان احسنت- ماشالله سسی گٶیه قالخدی
ماللا منبردن ائنمک همن سسلندی: گئتمه‌یین گلین پوللاریزی آپارین.

دئدیلر ماللا بو نه ایشدیر! پولو آلماق نه! قایتارماق نه!

ماللا دئدی: من سیزدن پول آلماسایدیم سٶزومه قولاق وئرن اولمازدی. اٶزوم ده یاخچی سوز دانیشا بیلمزدیم.
منی دانیشدیران و سیزی دێنله‌دن پول‌ایدی.

داشلی بولاق
@dashlibulaq

💫🌹دؤى قاپينى آچارلار
🍃
💫🌹باغلى اولسا آچارلار
🍃
💫🌹قيشدا ياتان چيچکلر
🍃
💫🌹باهار اولسا آچارلار


🌿 @DASHLIBULAQ🍀🍀🌸🌸

#آتالار_سٶزو

آغاجین چوٚرویو(چوروگو)اوزوندَن ، اینسانین چوٚروٚیو سؤزوندَن بللی اوْلار


داشلی بولاق↙️
@dashlibulaq

#یالانچی‌لار

ایکی یالانچی
ْ بیر گۆن بیر یالانچی، مجلیسده دئدی : منیم دده‌مین بیر طویله‌سی واریدی، او طویله ائله بٶیوک‌ایدی کی آت طویله‌نین بو باشیندا بوغاز اولسایدی او بیری باشا یئتیشه‌نه دوغاردی!!

بیری‌ده یئریندن قووزانیب دئدی:
ْ او بیر زاد دئییل‌کی، منیم دده‌مین
بیر اوزون کارواشانی؟ (چَلیک) واریدی هر واقت گٶی بولود اولسایدی ، چَلیگی اوزادیب بولودلاری داغیداردی!
اوّلکی یالانچی دئدی:
ْ پههه اتووینان یالان صاحیبی...
ْ او یئکه‌لیکده آغاجی هارا قویاردی؟

ایکینجی یالانچی دئدی:
سنین دده‌نین طٶیله‌سینه😂

ائل‌بیلیمی‌ درگی‌سی85نجی‌سایی

داشلی بولاق↙️
@dashlibulaq

#دئییملر

▪️اوزو یولا = سؤزه باخان آدام

▪️ الی سولو = باجاریقلی آدام- ایش باشاران

▪️باش قاندا = قورخماز و جسور آدام

▪️باشی اوجا = موفق و آنلی آچیق آدام

▪️باشی سویوق = اٶز ایشلرین چوخ جدی توتمایان آدام(سهل‌انگار)

▪️ بالدیری آچیق = حیاسیز آدام

▪️ بیر دری بیر سوموک = چوخ آریق آدام

▪️ پیچاق سوموگه دایاندی = جانا گلمک

▪️دووشان چومماغا توش گلدی = ایسته‌مه‌دن بیر ایشه راست گلمک

▪️دمیر قیناق آدام = اَل ایاقلی و زرنگ آدام

▪️ دری سینه سامان تَپمک = بیری‌نی چوخ اذیت و ایشکنجه ائتمک

▪️حیانی بئله باغلاماق = حیاسیز اولماق

▪️صاندیق تولاسی= آتا - آنادان ال چکمه‌ین اوشاق

▪️پَل؟پر؟ وورماق = ایکی نفرین معامیله‌‌سین‌پوزماق

▪️میرزه قلمدان = مداح و یالتاق شاعیر و یازار
🔹توپلایان: ش. بابایی


داشلی بولاق↙️

@dashlibulaq

‍ #چیل_یاسین

چیل یاسین کلمه‌سینی چوخلاری چهل یاسین (قیرخ یاسین) یازیرلار. منیم نظریمجه بیر آز تورکلر یاشایان ماحاللاردا و اٶلکه‌لرده ایشله‌نن سٶزلره دقت ائدیلیرسه ،گٶره‌جَگیک چیل کلمه‌سی چهل کلمه‌سیندن یوخ ، بلکه "چیله‌مک" کلمه‌سیندن اولمالی‌دیر،(چیله‌مک=سَپمک)و حتی چیلله‌ده هامان کلمه‌دن آلینیبدیر . مثلا اگر چیلله قیرخا دئسه‌یدیلر ،پس نییه ۲۰ گونه‌ده چیلله‌ دئییلیر؟!(بٶیوک چیلله = قیرخ گون. کیچیک چیلله اییرمی گون)
ایندی ایسه آذربایجان دیلی‌نین ایضاحالی لوغتی (دکتر بهزاد بهزادی) ٨۹۶و ٨۹۷نجی صحیفه‌لرینه توجه ائیله‌یک؛
"چیل= صفت(لی = اک :پسوند)
۱. چیله‌مک : (فعل): سیچرانتی حالیندا ، دامجی -دامجی تٶکمک ، سَپمک ، باشینا ، اوستونه سیچراتماق ، چٶره‌گین اوستونه سو چیله‌مک.
آز- آز ، سئیرک- سئیرک یاغماق ، سپه‌له‌مک(یاغیش حاققیندا)
او چیلله‌ده همن چیله سٶزوندن‌دیر و یاغیشین چیله‌مه‌سیندن و سپمه‌سیندن آلینیبدیر، صفت‌دیر اسم اولوبدور

"چیل یاسین" سویو

یایرام گونو ایل تحویل اولمادان قاباق ،کیشی‌لر تمیز یویونوب و تَزه پالتار گئیندن سورا کندین یا محله‌نین بٶیوک مسجیدینه ییغیشارلار ، بیر یا نئچه بٶیوک تشت یا قازان قاباقلارینا قویوب و اونلارین ایچینه تمیز و دورو سو دولدورارلار و اونون چئوره‌سینه(اطرافینا)ییغیشارلار ، بیر نفر عالیم قرآنین یاسین سوره‌سین اوجادان سایلی-سایلی اوخویارکن ، نئچه نفرده اوردا اوسالار اونونلا سسله‌شرلر او عالیم اوخودوغو یاسینی اوخویارلار و او قازاندا اولان سویا پوفله‌یرلر (حقیقتا دوعانی و یاسینی او سولارین اوستونه چیله‌یرلر - سپرلر) بئله‌لیکله او سویو پاک و مقدس‌لشدیررلر . جماعات تبروک اوچون او سودان تَزه کوزه‌لره دولدورارلار و ائولرینه آپارارلار . او سودان اٶنجه اٶز- اٶزلرینه ،اوتاغین دٶرد بیر بوجاغینا ،بوغدایا و یئمه‌لی‌لرین اوستونه نئچه دامجی چیله‌ییب ، سپرلر کی برکتلی و داواملی اولسون.
اعتقادلاری واریدی کی ایل تحویل اولاندا بالیقلار بیر دفعه آرخاسی اوسته چٶنر یا دٶنر و بو فیرلانمالاری او چیل یاسین اوخویانلار و تئشتین دٶره‌سینده اوتورانلار گٶررلر .بعضی کتابلار؟دا یازیلییلیب بالیقلاری او چیل یاسین تشتینین ایچینه سالارمیشلار ، منیم نظریمجه بالیقلار آیری قابدا اولمالییلار چونکو او سویو ایچردیلر لیکن ایچینده بالیق اولان سویو ایچمک اولماز ، بو سٶزو قدیم آداملاردا بیلیردیلر.

✍عبدالعلی مجازی ، ائل بیلیمی‌درگی‌سی

✅ داشلی بولاق کاغازکونان فولکولورو

@dashlibulaq

وارلی اوغلان- کاسیب اوغلان
#ائل_ناغیلی

گونه گون دولانيب بير اوغلان كه دونيا مالين دان هئچ زادى يوخدور،آما آللاهين بيلن و سايغيلى اينسان اولاراق بير قيزين ائلچى ليينه گئدير.
قيزين آتاسى دئيير:
سن يوخسول سان و هئچ زادين يوخ و قيزيم چتين‌ليك و آجليق چئكه بيلمز آنجاق قيزيمى سنه وئرميرم.

نئچه گوندن سونرا باشقا بير اوغلان كی چوخ دؤولتدى و وارلی- كارلى آمما فيريلداق و يالانچى آدام اولاراق بو قيزين ائلچى‌لييينه گلير .

او اوغلان قيزين آتاسيندان هه‌يين آليير.

قيز گئجه آتاسينا دئيير:

آتا اوغلان دوز اوغلان دئيل يالانچى دير و هامى اونون حارام مال يئمه‌يين بيلير.

قيزين آتاسى حيرصلى دئيير:

آللاه اونو هيدايت ائدر و يولا گتيرر، قورخما قيزيم.

قيز دئيير:

- آتا جان، مَیه‌ او آللاه كه هيدايت ائدر
و او آللاه كى روزى وئرر فرقيلى دير؟؟!!

#حسرت_زنگانلی

داشلی بولاق↙️
🆔 @DASHLIBULAQ

"خدیجه قاری" یوخسا "سیزده بدر"

دئییشلره گؤره آذربایجاندا بیر ایل قیش تئز گلدیگی و هاوا چوخ سویوق اولماسینا باخمایاراق هامان ایل قیش فصلی چیخمادان بایرام قاباغی هاوالار ایسینه‌رک طبیعت آییلماغا باشلار.
بو آرادا "خدیجه خاتین" آدلی مال و حئیوان ساخمالاقلا اوغراشان و مشغول اولان وارلی کارلی بیر قادین وار ایمیش. خدیجه خاتین کئچن یایدا ییغدیقلاری اوت و علفلری حئیوانلارینا یئدیردیگی و داها یئدیرمگه اوت و علفی قالمادیغی اوچون حئیولانلارینی طبیعت اوتلاغیندا دویورماق اوچون گون سایارمیش.
یازدان یئددی گون (بیر هفته) گئتدیکدن سونرا آرتیق هر یئری اوت و علف باسماغا و انسانلار یایین گلیشی خیالینا قاپیلماغا باشلارلار. بئله‌لیکله خدیجه خاتین یازین سون آیی گلمیش، یایلاق واقی اولموش دئیه آتینی مینه‌رک یایلاغا گئدر و یایلاغین نئجه اولدوغونو یئرینده اؤیرنمک ایستر.
خدیجه خاتین یایلاغین دوروم و وضعیتی‌نی دوغرودان‌دا یایا اویقون گوللو، چیچکلی، اوتلو و علفلی گؤرر.
بئله لیکله تئزلیک و عجله‌ایله قیشلاغا دؤنه‌رک کؤچونو چاتماغا و یایلاغا چیخماغا قرار وئرر. خدیجه خاتین یازین اون ایکیسینده یایلاغا چاتار. خدیجه خاتین یایلاقدا بیرینجی گئجه‌نی گئجه‌لرکن گئجه قار یاغماغا باشلار. خدیجه خاتین صاباح یوخودان قالخاراق هر یئری قارلی و مال حئیوانلارینی اؤلموش گؤررکن قاباقکی گول، چیچکدن هر هانکی بیر ایز و اثر گؤرمز. بئله‌لیکله خدیجه خاتین جانی‌نی گؤتوره‌رک سویو سوزولموش بیر داها تلم- تلسیک قیشلاغا گئری دؤنر.

او گوندن باشلایاراق آذربایجان تورکلوگو آراسیندا یازین بیرینجی آیی‌نین اون اوچونجو گونونه قوشقو و شک‌ایله یاناشار. بئله‌لیک‌له هر ایل بیر سیرا انسانلار بایرام قاباغیندا ائولرینده گؤی گؤیه‌رنتی بسله‌مک، سمنی پیشیرمک و گؤی گؤیه‌رنتی‌نی ده اؤزلری ایله گؤتوره‌رک یازین بیرینجی‌ آیی‌نین اون اوچونده طبیعته چیخار، طبیعتی گزیب و سئیر ائتدیکدن و شادلیق ائتدیکدن سونرا آپاردیقلاری گؤیرتیلری طبیعته آتماقلا یاز فصلی ایله باریشمیش اولار.

ایشیق سؤنمز، 20.03.2017
@el_bilimi

گوزل بیر دیکلمه : فرشاد یالقیز

تورک بالاسی فارس دانیشیر قیرجانیر....

داشلی بولاق↙️
@DASHLIBULAQ💕💕💕💕

‌باهار اولدو گل ای بولبول تماشا قیل بو گولزاره
بوراخدی غنچه لر پرده بشارت وئردی بو زاره
شقایق پرده دن چیخدی بویاندی باغ ایله بوستان
ایریشدی گولشنین حوسنو بویاندی رنگ ازهاره
عماد الدین سید علی نسیمی

@dashlibulaq🌺🌺🌺🌺

#دئییملر

دانیشقلاردا ، بعضا اینسانلارین نئجه داوراندیقلاری‌نین اوزَرینده، سٶزو یاخچی ایفا ائتمک اوچون حیوانلارین شخصیت‌لریندن استفاده اولونور ⬇️

🔹 اَفی ایلان :تهلوکه‌لی اینسان

🔹تولکو :چوخ بیلمیش، حیله‌لی اینسان

🔹قوزو : یوموشاق باش، سٶزه باخان، اٶز ایشینده اولان

🔹 اٶکوز:چوخ قودرتلی

🔹 آیی:سوموگی ایری، هیکللی

🔹 دَله : هرایشه باش اوزادان

🔹اینَک : چوخ ییه‌ن آدام

🔹 ائششک: آز دوشونن ،چوخ ایشله‌یَن آدام

🔹 دَوه:کٶنَز ،کینلی آدام

🔹 ایت : اخلاق‌سیز، اخلاقدان ایتی

🔹که‌نه‌(کنه) :اوندان بوندان آسلانان یاپیشیب بوشلامییان

🔹قورد-جاناوار : چوخ زیرنگ، هوشلو باشلی، باجاریقلی

حاضیرلایان: ش - بابایی

داشلی بولاق↙️
@dashlibulaq

#بایاتی:
باخدیم قیزیل گوللره
دوشدوم قارا گونلره
یاریم وفاسیز چیخدی
منی سالدی چوللره

یار منه گولدی گئتدی
دردیمی بیلدی گئتدی
عکسین چکدیم بالینجا
گوز یاشیم سیلدی گئتدی

@DASHLIBULAQ