اونودولموش سٶزجوک‌لر

💠 جفته:قاپینی باغلاماق اوچون اونا وورولان زنجیر تیکه‌سی

💠جورجَنک:تلیسین بیر-بیرینه یاخین اولان ایکی بوجاغین (گوشه‌سین)بیرینی او بیریسی‌نین ایچینه سالماق، یاغیشلیق هاوادا ائشیگه چیخاندا جورجَنک استفاده اولوناردی

💠دیبَردین :بینه ، بونٶره ، یاپی، اساس، دیبردین داغیلیسین(قارقیش)

💠چاش :اَیری ، میزانسیز (چاش دانیشماق ، چاش-پاش ویرماق= یئرسیز و اصولسوز دانیشماق)

💠دیشه‌مک/دیشَتمک : دَییرمان داشی و اونون کیمی دیشی اولان وسیله‌لری دیشی کوته‌لنده اونلارین دیشینی و یا چوپورلارینی یئنی‌له‌مک .

💠دوشوک : تویوغون یومورتلادیغی یومورتانین قابیغی برکیمه‌سه ، اَت کیمی اولسا ، دئیرلر:دوشوک سالیب

💠ائونه : گونون بیر معین واقتی، وعده /آغشام ائونه / یا مثلا : دئییریک : من گونده ایکی ائونه یئمک یئییرم

💠 اینیشیل : بیلدیردن اٶنجه‌کی ایل ، گئچن ایلدن قاباق‌کی ایل

💠 ایشگیله/ایشگیل : پنجره یا قاپی‌نین دالینداکی دیل(زبانه) قاپی‌نی باغلاماق اوچون

💠 کانکان‌چی : قویو و یا کهریز قازان آدام


#داشلی_بولاق
@dashlibulaq

بایرام دبلریمیز

بایرام گۆنو ائرته‌کن قبرستانا گئدیب بیر یئرده اوْتوروب قبرستان اهلی و قوْنشو کندلرین قبرستانلارینا دعا وئررلر
سونْرا گؤرۆشوب بایرام تبریکی دئییب گلیب ائولره بایرام گوروشونه گئدرلر

🌷آنالار گونو _ عزیز آنالارا
قوتلو اولسون

🌺آنامیدا سئویرم
🌼آنامین دیلینده سئویرم

@DASHLIBULAQ
🌷🌺🌺🌷🌺🌺🌹

🌸گوزل آنا ماهنی سی

@dashlibulaq
🌷❤️❤️❤️🌷

قاضي و خوروز حیکایه سی
#ائل_ناغیلی

قديم زامان‌لاردا، قاضي‌نين حیطينده بير خوروز واریدی. بير گون حیطی دئشرکن، بير قارا پول تاپیر. خوروز پولو ديمديیينده گوتوروب حیطين اورتاسینا قویور و بانلاماغا باشلاییر:" قوقولوقو بير دنه پول تاپمیشام! "قاضي آدام‌لارینی گوندردي، پولو خوروزدان آلدیلار.

خوروز یئنه بانلادی: "قوقولوقو، قاضي منه موحتاج ايميش".

قاضي آدام‌لارینا دئدي: "آپارین خوروزون پولونو قایتارین".

خوروز پولو آلیب یئنه بانلاماغا باشلادی: "قوقولوقو، قاضي مندن قورخورموش!"

قاضي یئنه اوز آدام‌لارینا دئدي: "بو خوروز مني تنگه گتيردي. گئدين، باشینی کسين، بيشيريب پيلوو اوستونه قویون. اونو یيیه‌جه‌یم".

خوروزون باشینی کسنده او یئنه برکدن بانلاییب دئدي: "قوقولوقو نه ايتي پیچاقمیش!"

خوروزون باشینی کسندن سونرا قازانا سالیب بيشيريب‌لر. خوروز قازاندا دا بانلادی "قوقولوقو، نه ايستي حامامچادیر!"

پيلووو بير بویوک نيمچه‌یه چکيب خوروزو اوستونه قویدولار. خوروز بانلادی: "نه آغجا تپه‌دير!"

قاضي خوروزو پارچالاییب یئمه‌یه باشلادی. اونو چئینه‌یيب اوداندا خوروز بانلادی: "نه دارجا کوچه‌دير!..

خوروز پيلوو قاریشیق قاضي‌نين قارنینا دوشنده بير ده بانلادی: "قوقولوقو نه لئهمه دره‌دير!"

قاضي او قدر یئدي کي، قارنی پارتلادی. خوروز قاضي‌نين قارنیندان چیخیب بانلادی: "قوقولوقو، قاضي‌نين قارنی ییرتیلدی! منيم جانیم قورتاردی!"

داشلی بولاق
@dashlibulaq

آنا ماهنیسی
اوستاد ودود مؤذّن زاده
آنا گونو بوتون جاندان عزیز آنالاریمیزا قوتلو(موبارک) اولسون.

@dashlibulaq🌺❤️🌹❤️🌺

#خان_ننه

خان ننه ، هایاندا قالدین
بئله باشیوا دولانیم
نئجه من سنی ایتیردیم !
دا سنین تایین تاپیلماز
سن اؤلن گون ، عمه گلدی
منی گه تدی آیری کنده
من اوشاق ، نه آنلایایدیم ؟
باشیمی قاتیب اوشاقلار
نئچه گون من اوردا قالدیم
قاییدیب گلنده ، باخدیم
یئریوی ییغیشدیریبلار
نه اؤزون ، و نه یئرین وار
« هانی خان ننه م ؟ » سوروشدوم
دئدیلر کی : خان ننه نی
آپاریبلا کربلایه
کی شفاسین اوردان آلسین
سفری اوزون سفردیر
بیرایکی ایل چکر گلینجه
نئجه آغلارام یانیخلی
نئچه گون ائله چیغیردیم
کی سه سیم ، سینم توتولدو
او ، من اولماسام یانیندا
اؤزی هئچ یئره گئده نمه ز
بو سفر نولوبدو ، من سیز
اؤزو تک قویوب گئدیبدیر ؟
هامیدان آجیق ائده ر کن
هامییا آجیقلی باخدیم
سونرا باشلادیم کی : منده
گئدیره م اونون دالینجا
دئدیلر : سنین کی تئزدیر
امامین مزاری اوسته
اوشاغی آپارماق اولماز
سن اوخی ، قرآنی تئز چیخ
سن اونی چیخینجا بلکی
گله خان ننه سفردن
ته له سیک روانلاماقدا
اوخویوب قرآنی چیخدیم
کی یازیم سنه : گل ایندی
داها چیخمیشام قرآنی
منه سوقت آل گلنده
آما هر کاغاذ یازاندا
آقامین گؤزو دولاردی
سنده کی گلیب چیخمادین
نئچه ایل بو اینتظارلا
گونی ، هفته نی سایاردیم
تا یاواش – یاواش گؤز آچدیم
آنلادیم کی ، سن اؤلوبسن !
بیله بیلمییه هنوزدا
اوره گیمده بیر ایتیک وار
گؤزوم آختارار همیشه
نه یاماندی بو ایتیکلر
خان ننه جانیم ، نولیدی
سنی بیرده من تاپایدیم
او آیاقلار اوسته ، بیرده
دؤشه نیب بیر آغلایایدیم
کی داها گئده نمییه یدین
گئجه لر یاتاندا ، سن ده
منی قوینونا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا ( لولی ) آتارکن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
ساواشان منه کیم اولسون
سن منه هاوار دوراردین
منی ، سن آنام دؤیه نده
قاپیب آرادان چیخاردین
ائله ایستیلیک او ایسته ک
داها کیمسه ده اولورمو ؟
اوره گیم دئییر کی : یوخ – یوخ
او ده رین صفالی ایسته ک
منیم او عزیزلیغیم تک
سنیله گئدیب ، توکندی
خان ننه اؤزون دئییردین
کی : سنه بهشت ده ، الله
وئره جه ک نه ایستیور سن
بو سؤزون یادیندا قالسین
منه قولینی وئریبسه ن
ائله بیر گونوم اولورسا
بیلیرسن نه ایستیه رم من ؟
سؤزیمه درست قولاق وئر :
سن ایله ن اوشاخلیق عهدین
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورس
داها من اؤز الله هیمدان
باشقا بیر شئی ایسته مزدیم

#شهریار
#آنا گونو قوتلو اولسون🌹


@ana_dilim2🌹

@dashlibulaq🌹

#آتا_بابا_سٶزو


💎آلچاقدا یاتانی سئل آپارار ، اوجادا یاتانی یئل.

داشلی بولاق
@dashlibulaq

اوغوز بایرامینین تؤره‌سی
جمهوریه آزربایجاندا

(جشن مراسم نوروز در آذربایجان)

مستندی به گزارش فارسی (شبکه یورو نیوز)

👇👁
🌐 @oyuxlu
💎 @dashlibulaq

«آناجان» ماهنی سی

#چنگیز_حبیبیان

❤️تقدیم اولور بوتون آنالارا ❤️

@DASHLIBULAQ
🌷🌼❤️🌼🌷❤️

آنالار گولسه ایر عالم ایمکان گوله‌جک
عشق وعرفان بیله‌جک کیم آنا قدرین بیله‌جک
قلبلر مولکونی یکسر آنا تسخیر ائله‌یوب
آنا اولمز ، کیم ائده حققینی اینکار اوله‌جک
داشلی بولاق↙️
@DASHLIBULAQ💕💕💕

عالیم قاسیم او ایلین تحویل دوعاسی ( تورکجه و عربجه)

داشلی بولاق↙️
@dashlibulaq 🌹🌹🌹🌹

🥀🥀🥀🥀🥀🥀🥀🥀🥀🥀🥀


🌞گلدی باهار بایرامے

🌷 ایلین گٶزل بایرامے

🌼 قدملرین خوش اولسون

💐 نوروزا دئییر هامے

🌍 نوروز بایرامیز قوتلو اولسون

@dashlibulaq
🍃🍀🌱🌿☘🍀🍃🌱🌿☘🍃🍀

😍بایرام ماهنی‌سی
بایرامیز مبارک اولسون💃💃💃


@dashlibulaq

‌🌹☘🌹☘🌹☘🌹☘🌹☘🌹☘🌹☘🌹☘🌹☘🌹
ای چئویرن اورکلری، گؤزلری

دولاندیران ائی گئجه-گوندوزلری

ائی یئنیدن دَییشدیرن حاللاری

دَییشدیر اَن یاخشی حالا بیزلری.
💐🌺🌹🌸💐🌺🌹🌸💐🌺🌹🌸
⚘⚘⚘⚘⚘⚘⚘⚘
سئوگیلی دوستلار،❤️🍀🌸
بیر ایل ده باشا چاتیر، اولکه میزه یئنی بیر ایل آیاق قویور. اومودوم وار اولو تانری حیاتینیزین گؤزل چیچکلرینی سولدورماسین و هئچ بیر زامان غم آغاجی گؤنول ائوینیزه کؤلگه سالماسین.🌸🍀
بو یئنی ایلده تانریدان ائل-اوبامیزا یاغیشلی و یام-یاشیل بیر یاز،🌱🌱
سیزه و سایغیلی عایله نیزه و خالقیمیزا عؤمور بویو شنلیک و
ساغلیق دیله ییرم.🌺
انشاالله یئنی ایلده تام دیلک آرزیلارینیزا چاتاسینیز🌹

🌺 قارشیدان گلن بایرامینیز موبارک اولسون.
🍃🌹🍃🌹🍃🌹🍃🌹🍃🌹🍃🌹🍃🌹🍃🌹🍃

داشلی بولاق ↙️

@DASHLIBULAQ💕💕💕💕

بایرام ماهنی‌سی 🌺

علی پرمهر💐

داشلی بولاق💕
@DASHLIBULAQ

توْیوق ایلی

دئیَرلر توْیوق ایلینده قیش دالیْ قاییدار
نئجه توْیوق دئشه‌نَک آتاندا دالی آتیر!

@dasbulaq