#کاغازکونان دَب و رسم‌ و روسوملاری

کاغازکونان بولکه‌سینده و چوخلو آزربایجان ماهالیندا هر عاییله‌‌نین اوتن ایلین ایچینده دونیادان گئدنی اولورسا قوهوم قونشیلاری ایلین سون چرشنبه‌سینده گئدللر او ائوه و چرشنبه‌نی موبارک اولسون دئییب و اونلارین یئرینه داملاریندا اوت یاندیرارلار و بو گوزل ایشینن اونلاریندا اورکلرین اله‌ گتیرَللر و ایل بایرامیندا ایلک دفعه اونلارین ائوینه گئدیب وبایراملاشیب و موبارک اولسون دئییب و قالانلارینا باش ساغلیقی وئریب و اوزون عومور آللاه‌دان ایسته‌یللر.

داشلی بولاق↙️

@DASHLIBULAQ💕💕💕💕

🌹آشيق موسيقى سى🌹


#اوستاد_التفات داوودى


سؤزلر:خسته قاسيم دان👉


🆔 @dashlibulaq 🔽🔽

آشیق التفات داودی

@dashlibulaq🌹🌹

#خالق بایاتیلاری ؛

✨بير ايچيم سؤز✨

عزيزيم كاساد اولماز🎐

مرد الى كاسـاد اولماز🎐

يوز نامردين چؤره گين🎐

دوغراسان كاسا دولماز🎐


🆔 @DASHLIBULAQ🌹🌹

#قارا_گیله

ماهنی‌لار هر ائلین وارلیغیندا معنوی یئر توتاراق خالقین سئوینجینی ، کدرینی ، سئوگی‌سینی ، اٶزلَمینی ، اٶزونده یاشادیر ، ماهنی‌لار بئشیک اوسته آنا سسی‌ایله کٶرپه اوشاقلارین قولاقلارینا اوخشایارکن انسان یاشامیندا اٶز ائتگی‌سینی بوراخیر.

انسانین کٶرپه چاغلاریندا اومودلو، آرخایینلی ، گله‌جگه‌ دوغرو یئریدَرک ، بیر ملهم کیمی آجیلارینا تسکین‌لیک وئریر
بو آرادا غوربتده یاشایان انسانین دوغما ائللرینی آنیمساییب دوغما یوردون ایزینی ،قوخوسونو اٶزونده یاشادان ماهنی‌لار غریب انسانین دٶزومونه بٶیوک یاردیم ائدیر.

"قارا گیله" آذربایجان خالقی‌نین دیلینده ازبر اولونان ماهنی‌لاردان بیری‌دیر ، بو ماهنی قدیم چاغلاردا آغیزلاردا گزیب ، بیزه یئتیشیب
قارا گیله سٶزو دیلیمیزده نئچه آنلامی اٶزونده داشیییر ، "قارا" سٶزونو نئچه-نئچه آنلامی اولدوغونو نظره آلساق،انسانین گٶزونه ایشلندیکده ،هم بٶیوک ، هم ده قارا رنگ-بویا دا اولدوغونو بیلدیریر.
"گیله" سٶزونه گلدیکده ، انسانین گٶز بَبگی آنلامینی اٶزونده داشیییر، قارا گٶز ، انسانین گٶزونون قارا اولدوغوندان ، چوخ بٶیوک گٶزلو ، ایری گٶزلو انسان، معناسینی چاتدیریر.

قارا گیله تبریزین دالن با دالن کوچه‌لرینده اوخوناراق بوتون تبریزلی‌لرین سئودیگی ماهنی‌لاردان بیری ساییلیردی، بو ماهنی باکی‌یا آپاریلیب ،صنعتکار اوستادلارین تارینین تئللرینده یئنیدن جانلانمیش.


ائل بیلیمی درگی‌سی- ۶۳،۶۴ سایی‌سی( داشلی بولاق آخاقیندا یایماق اوچون اٶزتلنمیش)
محمدعلیپور مقدم
توپلایان: r-p

داشلی بولاق↙️
@dashlibulaq

🎶 قارا گیله

🌐 کاغذکنان فولکلورو

#داشلے_بولاق
@dashlibulaq

#قارا_گیله


گلمیشم یانیوا یئریوی سالام قاراگیله، یئریوی سالام
یئر سالماق بهانه‌دیر، یانیندا قالام ، قاراگیله یانیندا قالام
ْ اگر قیسمتیم اولسان، من سنی آلام قاراگیله، من سنی آلام
میز اوسته لیوان
سویو بوزلودو
سئوگیلیم قره‌دی
اما دوزلودو.
سئوگیلیم دوروبدو میار- میاردا قاراگیله، میار - میاردا
الینده مجله فیکر و خیالدا
قاراگیله، فیکرو خیالدا
عکسیوی وئر منه میدال ائله‌ییم، قاراگیله، میدال ائله‌ییم
اول‌کی سئوگیمه جواب ائله‌ییم، قاراگیله، جواب ائله‌ییم
منی آتیب گئتسن بس من نئیله‌ییم، قاراگیله، بس من نئیله‌ییم،
الون وئر منه
چمخم ائله‌مه
نامردین قیزی
رحم ائله منه.
آی ساری کؤینک
وورموسان عینک،
سن منی آتدون
گؤر آلاله نئیلر

داشلی بولاق
@dashlibulaq

🎶 قارا گیله

🌐 کاغذکنان فولکلورو

#داشلے_بولاق
@dashlibulaq

🎼 گَل گَل جیرانم❤️🌺

#عالیم_قاسیم‌_اف(بلبل شرق)

@dashlibulaq🌹🌹

آتالار ساغلیغینا

🌾🌾🌾🌾🌾🌾🌾🌾🌾🌾

کیمدیر کی دئسین دردیم اولاندا آتا بیلمز

هئچ کیم آتا تک عومرونی بیزچون ساتا بیلمز

پیس گونده آتاسین اونودوب آتسادا ائولاد!

اما آتا اٶز اهلی-عیالین آتا بیلمز!

بسکی چالیشار دونیادا ائولادینا خاطیر

قبرینده ده شاید آتا راحت یاتا بیلمز!

ائولادی اوچون هر آتا بیر داغدی دایاقدی

والله آتا ساغ کن قیزا دونیا باتا بیلمز

اول کیم کی اونون قدرینی بیلمز دیری چاغدا!

دونیاده باشین باشلارا هرگیز قاتا بیلمز!

گویلرده ملکدیر آتالار یئرده ده الله

آتانین شانینه هئچ کیم چاتا بیلمز.

❄️❄️❄️❄️❄️❄️❄️❄️❄️

گٶندرن:عباس آزربرا


داشلی بولاق↙️
@dashlbulaq

‌#توی_دئییملری

🔸آداقلی-آداخلی =نامزد
🔸آداق = نامزدی
🔸آداقلانماق=نامزد کردن
🔸آیاق آشما = پاگشایی
🔸توی = عروسی
🔸گلین = عروس
🔸بَئی = داماد
🔸ساغ دوش = آنکه در طرف راست داماد می ایستد.
🔸سول دوش = آنکه در طرف چپ داماد ایستد.
🔸خینا یاخدی:حنابندان
🔸خینا گئجه سی = شب حنابندان
🔸دوواق=شال سرخ مخصوص عروس که در روز عروسی بر سر او میپوشند .
🔸دوواق آشما- دوواق قاپما = پاتختی
🔸باشلیق = شیربها
🔸ائولنمک = ازدواج کردن
🔸ائولی = متأهل
🔸سوبای = ‌مجرد
🔸اَرلیک = دختر بزرگسال که به سن ازدواج رسیده باشد.
🔸اَرگین =‌ پسر دم بخت
🔸ائولنمه‌لی= پسر بزرگسال که به سن ازدواج رسیده باشد.
🔸چال چاغیر =‌ مهمانی جشن و سرور
🔸ائلچی = ‌خواستگار
🔸هن-یوخ = بله برون
🔸کبین = مهریه
🔸کوره‌کن - یئزنه = داماد

داشلی بولاق↙️
@dashlibulaq

اونودولموش سٶزجوک‌لر

💠 جفته:قاپینی باغلاماق اوچون اونا وورولان زنجیر تیکه‌سی

💠جورجَنک:تلیسین بیر-بیرینه یاخین اولان ایکی بوجاغین (گوشه‌سین)بیرینی او بیریسی‌نین ایچینه سالماق، یاغیشلیق هاوادا ائشیگه چیخاندا جورجَنک استفاده اولوناردی

💠دیبَردین :بینه ، بونٶره ، یاپی، اساس، دیبردین داغیلیسین(قارقیش)

💠چاش :اَیری ، میزانسیز (چاش دانیشماق ، چاش-پاش ویرماق= یئرسیز و اصولسوز دانیشماق)

💠دیشه‌مک/دیشَتمک : دَییرمان داشی و اونون کیمی دیشی اولان وسیله‌لری دیشی کوته‌لنده اونلارین دیشینی و یا چوپورلارینی یئنی‌له‌مک .

💠دوشوک : تویوغون یومورتلادیغی یومورتانین قابیغی برکیمه‌سه ، اَت کیمی اولسا ، دئیرلر:دوشوک سالیب

💠ائونه : گونون بیر معین واقتی، وعده /آغشام ائونه / یا مثلا : دئییریک : من گونده ایکی ائونه یئمک یئییرم

💠 اینیشیل : بیلدیردن اٶنجه‌کی ایل ، گئچن ایلدن قاباق‌کی ایل

💠 ایشگیله/ایشگیل : پنجره یا قاپی‌نین دالینداکی دیل(زبانه) قاپی‌نی باغلاماق اوچون

💠 کانکان‌چی : قویو و یا کهریز قازان آدام


#داشلی_بولاق
@dashlibulaq

بایرام دبلریمیز

بایرام گۆنو ائرته‌کن قبرستانا گئدیب بیر یئرده اوْتوروب قبرستان اهلی و قوْنشو کندلرین قبرستانلارینا دعا وئررلر
سونْرا گؤرۆشوب بایرام تبریکی دئییب گلیب ائولره بایرام گوروشونه گئدرلر

🌷آنالار گونو _ عزیز آنالارا
قوتلو اولسون

🌺آنامیدا سئویرم
🌼آنامین دیلینده سئویرم

@DASHLIBULAQ
🌷🌺🌺🌷🌺🌺🌹

🌸گوزل آنا ماهنی سی

@dashlibulaq
🌷❤️❤️❤️🌷

قاضي و خوروز حیکایه سی
#ائل_ناغیلی

قديم زامان‌لاردا، قاضي‌نين حیطينده بير خوروز واریدی. بير گون حیطی دئشرکن، بير قارا پول تاپیر. خوروز پولو ديمديیينده گوتوروب حیطين اورتاسینا قویور و بانلاماغا باشلاییر:" قوقولوقو بير دنه پول تاپمیشام! "قاضي آدام‌لارینی گوندردي، پولو خوروزدان آلدیلار.

خوروز یئنه بانلادی: "قوقولوقو، قاضي منه موحتاج ايميش".

قاضي آدام‌لارینا دئدي: "آپارین خوروزون پولونو قایتارین".

خوروز پولو آلیب یئنه بانلاماغا باشلادی: "قوقولوقو، قاضي مندن قورخورموش!"

قاضي یئنه اوز آدام‌لارینا دئدي: "بو خوروز مني تنگه گتيردي. گئدين، باشینی کسين، بيشيريب پيلوو اوستونه قویون. اونو یيیه‌جه‌یم".

خوروزون باشینی کسنده او یئنه برکدن بانلاییب دئدي: "قوقولوقو نه ايتي پیچاقمیش!"

خوروزون باشینی کسندن سونرا قازانا سالیب بيشيريب‌لر. خوروز قازاندا دا بانلادی "قوقولوقو، نه ايستي حامامچادیر!"

پيلووو بير بویوک نيمچه‌یه چکيب خوروزو اوستونه قویدولار. خوروز بانلادی: "نه آغجا تپه‌دير!"

قاضي خوروزو پارچالاییب یئمه‌یه باشلادی. اونو چئینه‌یيب اوداندا خوروز بانلادی: "نه دارجا کوچه‌دير!..

خوروز پيلوو قاریشیق قاضي‌نين قارنینا دوشنده بير ده بانلادی: "قوقولوقو نه لئهمه دره‌دير!"

قاضي او قدر یئدي کي، قارنی پارتلادی. خوروز قاضي‌نين قارنیندان چیخیب بانلادی: "قوقولوقو، قاضي‌نين قارنی ییرتیلدی! منيم جانیم قورتاردی!"

داشلی بولاق
@dashlibulaq

آنا ماهنیسی
اوستاد ودود مؤذّن زاده
آنا گونو بوتون جاندان عزیز آنالاریمیزا قوتلو(موبارک) اولسون.

@dashlibulaq🌺❤️🌹❤️🌺

#خان_ننه

خان ننه ، هایاندا قالدین
بئله باشیوا دولانیم
نئجه من سنی ایتیردیم !
دا سنین تایین تاپیلماز
سن اؤلن گون ، عمه گلدی
منی گه تدی آیری کنده
من اوشاق ، نه آنلایایدیم ؟
باشیمی قاتیب اوشاقلار
نئچه گون من اوردا قالدیم
قاییدیب گلنده ، باخدیم
یئریوی ییغیشدیریبلار
نه اؤزون ، و نه یئرین وار
« هانی خان ننه م ؟ » سوروشدوم
دئدیلر کی : خان ننه نی
آپاریبلا کربلایه
کی شفاسین اوردان آلسین
سفری اوزون سفردیر
بیرایکی ایل چکر گلینجه
نئجه آغلارام یانیخلی
نئچه گون ائله چیغیردیم
کی سه سیم ، سینم توتولدو
او ، من اولماسام یانیندا
اؤزی هئچ یئره گئده نمه ز
بو سفر نولوبدو ، من سیز
اؤزو تک قویوب گئدیبدیر ؟
هامیدان آجیق ائده ر کن
هامییا آجیقلی باخدیم
سونرا باشلادیم کی : منده
گئدیره م اونون دالینجا
دئدیلر : سنین کی تئزدیر
امامین مزاری اوسته
اوشاغی آپارماق اولماز
سن اوخی ، قرآنی تئز چیخ
سن اونی چیخینجا بلکی
گله خان ننه سفردن
ته له سیک روانلاماقدا
اوخویوب قرآنی چیخدیم
کی یازیم سنه : گل ایندی
داها چیخمیشام قرآنی
منه سوقت آل گلنده
آما هر کاغاذ یازاندا
آقامین گؤزو دولاردی
سنده کی گلیب چیخمادین
نئچه ایل بو اینتظارلا
گونی ، هفته نی سایاردیم
تا یاواش – یاواش گؤز آچدیم
آنلادیم کی ، سن اؤلوبسن !
بیله بیلمییه هنوزدا
اوره گیمده بیر ایتیک وار
گؤزوم آختارار همیشه
نه یاماندی بو ایتیکلر
خان ننه جانیم ، نولیدی
سنی بیرده من تاپایدیم
او آیاقلار اوسته ، بیرده
دؤشه نیب بیر آغلایایدیم
کی داها گئده نمییه یدین
گئجه لر یاتاندا ، سن ده
منی قوینونا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا ( لولی ) آتارکن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
ساواشان منه کیم اولسون
سن منه هاوار دوراردین
منی ، سن آنام دؤیه نده
قاپیب آرادان چیخاردین
ائله ایستیلیک او ایسته ک
داها کیمسه ده اولورمو ؟
اوره گیم دئییر کی : یوخ – یوخ
او ده رین صفالی ایسته ک
منیم او عزیزلیغیم تک
سنیله گئدیب ، توکندی
خان ننه اؤزون دئییردین
کی : سنه بهشت ده ، الله
وئره جه ک نه ایستیور سن
بو سؤزون یادیندا قالسین
منه قولینی وئریبسه ن
ائله بیر گونوم اولورسا
بیلیرسن نه ایستیه رم من ؟
سؤزیمه درست قولاق وئر :
سن ایله ن اوشاخلیق عهدین
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورس
داها من اؤز الله هیمدان
باشقا بیر شئی ایسته مزدیم

#شهریار
#آنا گونو قوتلو اولسون🌹


@ana_dilim2🌹

@dashlibulaq🌹