‍ سحر گوردوم سودان گلیر

بیر جوت مارال قوشا داغلار

ایـکی سیده تئـزه دولـوب

اون دورد اون بئش یاشا داغلار


🍁🍁
اولـمایـاسیز دئدیم یورغون

سیزی گوردوم اولدوم وورغون

بیری گـولدو اوغرون اوغرون

بـیری دئـدی یاشـا داغـلار

🍁🍁
بیری نیـن الینده کـؤزه

تئـل لرینی توکوب اوزه

شامامالار چیخیب تئزه

چاتیبلار باش باشا داغلار


بیری نین یاشماغی تیـرمه

بیری نین ساچلاری هـورمه

بیری چکیب گوزه سورمه

بـیری قـلـم قاشا داغلار

🍁🍁
ببری نین نازی چوخودو

بیرینده عشوه یوخودو

اویاندیم گوردوم یوخودو

بیرده گئتدیم هوشا داغلار
🍁🍁

قنبری یـاز دونیا هـئـچدی

قالان اولماز کوچ ها کوچدی

افسوس اولسون عمور کئچدی

نـه تئـز چاتـدی باشا داغلار

🍁🍁
✍قنبـری

داشلی بولاق↙️
@dashlibulaq💕💕💕💕

🥀هر هارادا گؤزللیک و دیریلیک وارسا
اورادا قادین ایزی واردیر دئمک...🥀

#داشلی_بولاق
@dashlibulaq

دئییم لر

▪️ بير داش آلتدان، بیر داش اوستدن قویماق:
بیر سؤزو عؤمورلوک دانيشماماق و گیزلتمک

▪️قاش‌ایلا گؤز آراسیندا:
چوخ تئز ، بیر آندا

▪️قانی قیرمیزی اولماق:
اؤزونو یوخاری گؤرمک

◾️دوه‌نی پالاز آلتیندا گیزلَتمک :
یئرسیز ایش گؤرمک ،اولمایان ایشی گؤرمه‌یه چالیشماق

#دئییم_لر
@El_bilimi
@N_sinafar

#بایاتی

عزیزیم گولدن گٶزل
اوخور بولبولدن گٶزل
یار منه بیر گول وئریب
اٶزو او گولدن گٶزل


عزیزیم داغدا لالا
اوخشور گول اوزده خالا
کیم یئتیشسه ویصالا
درد-غمی آزالار


او خومار گٶزلریندن
دویمارام سٶزلریندن
بیلسیدیم آیریلیق وار
اٶپردیم گٶزلریندن

آغ دسمالین منده‌دیر
سرمیشم چمنده دیر
دونیادا مین گٶزل اولسا
منیم گٶزوم سنده‌دیر


داشلی بولاق
@dashlibulaq

#کاغازکونان دَب و رسم‌ و روسوملاری

کاغازکونان بولکه‌سینده و چوخلو آزربایجان ماهالیندا هر عاییله‌‌نین اوتن ایلین ایچینده دونیادان گئدنی اولورسا قوهوم قونشیلاری ایلین سون چرشنبه‌سینده گئدللر او ائوه و چرشنبه‌نی موبارک اولسون دئییب و اونلارین یئرینه داملاریندا اوت یاندیرارلار و بو گوزل ایشینن اونلاریندا اورکلرین اله‌ گتیرَللر و ایل بایرامیندا ایلک دفعه اونلارین ائوینه گئدیب وبایراملاشیب و موبارک اولسون دئییب و قالانلارینا باش ساغلیقی وئریب و اوزون عومور آللاه‌دان ایسته‌یللر.

داشلی بولاق↙️

@DASHLIBULAQ💕💕💕💕

🌹آشيق موسيقى سى🌹


#اوستاد_التفات داوودى


سؤزلر:خسته قاسيم دان👉


🆔 @dashlibulaq 🔽🔽

آشیق التفات داودی

@dashlibulaq🌹🌹

#خالق بایاتیلاری ؛

✨بير ايچيم سؤز✨

عزيزيم كاساد اولماز🎐

مرد الى كاسـاد اولماز🎐

يوز نامردين چؤره گين🎐

دوغراسان كاسا دولماز🎐


🆔 @DASHLIBULAQ🌹🌹

#قارا_گیله

ماهنی‌لار هر ائلین وارلیغیندا معنوی یئر توتاراق خالقین سئوینجینی ، کدرینی ، سئوگی‌سینی ، اٶزلَمینی ، اٶزونده یاشادیر ، ماهنی‌لار بئشیک اوسته آنا سسی‌ایله کٶرپه اوشاقلارین قولاقلارینا اوخشایارکن انسان یاشامیندا اٶز ائتگی‌سینی بوراخیر.

انسانین کٶرپه چاغلاریندا اومودلو، آرخایینلی ، گله‌جگه‌ دوغرو یئریدَرک ، بیر ملهم کیمی آجیلارینا تسکین‌لیک وئریر
بو آرادا غوربتده یاشایان انسانین دوغما ائللرینی آنیمساییب دوغما یوردون ایزینی ،قوخوسونو اٶزونده یاشادان ماهنی‌لار غریب انسانین دٶزومونه بٶیوک یاردیم ائدیر.

"قارا گیله" آذربایجان خالقی‌نین دیلینده ازبر اولونان ماهنی‌لاردان بیری‌دیر ، بو ماهنی قدیم چاغلاردا آغیزلاردا گزیب ، بیزه یئتیشیب
قارا گیله سٶزو دیلیمیزده نئچه آنلامی اٶزونده داشیییر ، "قارا" سٶزونو نئچه-نئچه آنلامی اولدوغونو نظره آلساق،انسانین گٶزونه ایشلندیکده ،هم بٶیوک ، هم ده قارا رنگ-بویا دا اولدوغونو بیلدیریر.
"گیله" سٶزونه گلدیکده ، انسانین گٶز بَبگی آنلامینی اٶزونده داشیییر، قارا گٶز ، انسانین گٶزونون قارا اولدوغوندان ، چوخ بٶیوک گٶزلو ، ایری گٶزلو انسان، معناسینی چاتدیریر.

قارا گیله تبریزین دالن با دالن کوچه‌لرینده اوخوناراق بوتون تبریزلی‌لرین سئودیگی ماهنی‌لاردان بیری ساییلیردی، بو ماهنی باکی‌یا آپاریلیب ،صنعتکار اوستادلارین تارینین تئللرینده یئنیدن جانلانمیش.


ائل بیلیمی درگی‌سی- ۶۳،۶۴ سایی‌سی( داشلی بولاق آخاقیندا یایماق اوچون اٶزتلنمیش)
محمدعلیپور مقدم
توپلایان: r-p

داشلی بولاق↙️
@dashlibulaq

🎶 قارا گیله

🌐 کاغذکنان فولکلورو

#داشلے_بولاق
@dashlibulaq

#قارا_گیله


گلمیشم یانیوا یئریوی سالام قاراگیله، یئریوی سالام
یئر سالماق بهانه‌دیر، یانیندا قالام ، قاراگیله یانیندا قالام
ْ اگر قیسمتیم اولسان، من سنی آلام قاراگیله، من سنی آلام
میز اوسته لیوان
سویو بوزلودو
سئوگیلیم قره‌دی
اما دوزلودو.
سئوگیلیم دوروبدو میار- میاردا قاراگیله، میار - میاردا
الینده مجله فیکر و خیالدا
قاراگیله، فیکرو خیالدا
عکسیوی وئر منه میدال ائله‌ییم، قاراگیله، میدال ائله‌ییم
اول‌کی سئوگیمه جواب ائله‌ییم، قاراگیله، جواب ائله‌ییم
منی آتیب گئتسن بس من نئیله‌ییم، قاراگیله، بس من نئیله‌ییم،
الون وئر منه
چمخم ائله‌مه
نامردین قیزی
رحم ائله منه.
آی ساری کؤینک
وورموسان عینک،
سن منی آتدون
گؤر آلاله نئیلر

داشلی بولاق
@dashlibulaq

🎶 قارا گیله

🌐 کاغذکنان فولکلورو

#داشلے_بولاق
@dashlibulaq

🎼 گَل گَل جیرانم❤️🌺

#عالیم_قاسیم‌_اف(بلبل شرق)

@dashlibulaq🌹🌹

آتالار ساغلیغینا

🌾🌾🌾🌾🌾🌾🌾🌾🌾🌾

کیمدیر کی دئسین دردیم اولاندا آتا بیلمز

هئچ کیم آتا تک عومرونی بیزچون ساتا بیلمز

پیس گونده آتاسین اونودوب آتسادا ائولاد!

اما آتا اٶز اهلی-عیالین آتا بیلمز!

بسکی چالیشار دونیادا ائولادینا خاطیر

قبرینده ده شاید آتا راحت یاتا بیلمز!

ائولادی اوچون هر آتا بیر داغدی دایاقدی

والله آتا ساغ کن قیزا دونیا باتا بیلمز

اول کیم کی اونون قدرینی بیلمز دیری چاغدا!

دونیاده باشین باشلارا هرگیز قاتا بیلمز!

گویلرده ملکدیر آتالار یئرده ده الله

آتانین شانینه هئچ کیم چاتا بیلمز.

❄️❄️❄️❄️❄️❄️❄️❄️❄️

گٶندرن:عباس آزربرا


داشلی بولاق↙️
@dashlbulaq

‌#توی_دئییملری

🔸آداقلی-آداخلی =نامزد
🔸آداق = نامزدی
🔸آداقلانماق=نامزد کردن
🔸آیاق آشما = پاگشایی
🔸توی = عروسی
🔸گلین = عروس
🔸بَئی = داماد
🔸ساغ دوش = آنکه در طرف راست داماد می ایستد.
🔸سول دوش = آنکه در طرف چپ داماد ایستد.
🔸خینا یاخدی:حنابندان
🔸خینا گئجه سی = شب حنابندان
🔸دوواق=شال سرخ مخصوص عروس که در روز عروسی بر سر او میپوشند .
🔸دوواق آشما- دوواق قاپما = پاتختی
🔸باشلیق = شیربها
🔸ائولنمک = ازدواج کردن
🔸ائولی = متأهل
🔸سوبای = ‌مجرد
🔸اَرلیک = دختر بزرگسال که به سن ازدواج رسیده باشد.
🔸اَرگین =‌ پسر دم بخت
🔸ائولنمه‌لی= پسر بزرگسال که به سن ازدواج رسیده باشد.
🔸چال چاغیر =‌ مهمانی جشن و سرور
🔸ائلچی = ‌خواستگار
🔸هن-یوخ = بله برون
🔸کبین = مهریه
🔸کوره‌کن - یئزنه = داماد

داشلی بولاق↙️
@dashlibulaq

اونودولموش سٶزجوک‌لر

💠 جفته:قاپینی باغلاماق اوچون اونا وورولان زنجیر تیکه‌سی

💠جورجَنک:تلیسین بیر-بیرینه یاخین اولان ایکی بوجاغین (گوشه‌سین)بیرینی او بیریسی‌نین ایچینه سالماق، یاغیشلیق هاوادا ائشیگه چیخاندا جورجَنک استفاده اولوناردی

💠دیبَردین :بینه ، بونٶره ، یاپی، اساس، دیبردین داغیلیسین(قارقیش)

💠چاش :اَیری ، میزانسیز (چاش دانیشماق ، چاش-پاش ویرماق= یئرسیز و اصولسوز دانیشماق)

💠دیشه‌مک/دیشَتمک : دَییرمان داشی و اونون کیمی دیشی اولان وسیله‌لری دیشی کوته‌لنده اونلارین دیشینی و یا چوپورلارینی یئنی‌له‌مک .

💠دوشوک : تویوغون یومورتلادیغی یومورتانین قابیغی برکیمه‌سه ، اَت کیمی اولسا ، دئیرلر:دوشوک سالیب

💠ائونه : گونون بیر معین واقتی، وعده /آغشام ائونه / یا مثلا : دئییریک : من گونده ایکی ائونه یئمک یئییرم

💠 اینیشیل : بیلدیردن اٶنجه‌کی ایل ، گئچن ایلدن قاباق‌کی ایل

💠 ایشگیله/ایشگیل : پنجره یا قاپی‌نین دالینداکی دیل(زبانه) قاپی‌نی باغلاماق اوچون

💠 کانکان‌چی : قویو و یا کهریز قازان آدام


#داشلی_بولاق
@dashlibulaq

بایرام دبلریمیز

بایرام گۆنو ائرته‌کن قبرستانا گئدیب بیر یئرده اوْتوروب قبرستان اهلی و قوْنشو کندلرین قبرستانلارینا دعا وئررلر
سونْرا گؤرۆشوب بایرام تبریکی دئییب گلیب ائولره بایرام گوروشونه گئدرلر

🌷آنالار گونو _ عزیز آنالارا
قوتلو اولسون

🌺آنامیدا سئویرم
🌼آنامین دیلینده سئویرم

@DASHLIBULAQ
🌷🌺🌺🌷🌺🌺🌹