‌بير اتک سئوگي آذربایجان:
"علی اکبر آقایی قره بولاق" ۱۳۲۵اینجی گونش ایلی مییانانین کاغیذکونانین ماحالینین قارابولاق کندینده بیر ده گیرمانچی عاییله ده دونیایا گؤز آچدی اوشاقلیغینی قارابولاق دا سوواندان سونرا عائیله سی ائیله بیرلیکده مییانایا کؤچوب و بیر مدت ایش آختارماق اوچون تهرانا گئتمیش آمما وطن حسرتی و ائلینه باغلیلیغی اونو تهراندان مییانایا گئری قایتاردی او زامان "آموزش و پرورش" ده ایشه باشلادی و عؤمور بویو صداقت له بو ایشده یدی.. و اوردان امکدار اولدو..
محمدباقر خلخالی نین ثعلبیه سینی اوخویاندان سونرا یئنی بیر صحیفه آچیلدی یاشامیندا آذربایجانین اولو شاعیرلرینین چوخونون اثرلرینی او جمله دن صابیر ،فیضولی، مؤجوز،سلیمان رستم ،صمد وورغون ، ... اوخویوب و هر بیریندن اولدوغو قدر ائتگیلندی علی اکبر آقایی شعر دونیاسیندا کلاسیک بیر شاعیر اولاراق چئشیدلی فورمالاردا : قوشما ، گرایلی، مثنوی، ...شعر لر یازیب یارادیب او شعیر و حکایه یازماقدا مییانا ادبیاتجی لاری آراسیندا اؤزل یئرآچمیشدی اؤزونه ،باخیشی کاملا رئالیستی بیر باخیش دیر شعرلرینده اجتماعی مسئله لره او انسانلاری سئویب و چئوره سینده اوز وئرن اولایلارادان راحاتجاسینا کئچمه دن اونلاری شعره چکیب و ائلینین دانیشان دیلی اولموشدور . بیر طرفدن ده آقایی نین شعرلرینده طبیعتین دیلی دانیشیر او توپراق ، داغ ، یاغیش و یاشیللیق شاعیری ایدی. آقایی نین ساتریک شعرلری و قیسا حئکایه لری هر اوخوجونو ماراقلاندیریب و اونوبیر خالق سئور انسان تانیتدیرمیشدی ادبی دونیاسیندا بو گون اون کیتابلیق یازی (شعر و نثر) چاپا حاضیر دیر آنجاق تاسسفله اجل زامان وئرمه دی اؤز الی ایله بو کیتابلار گونش اوزو گؤرسونلر . ایلک دفعه اولاراق علی اکبر آقایی نین شعرلریندن چنلی تئل آنتولوژیسینده چاپاگئدندن سونرا چنلی تئل درنگینده ثابت بیر چالیشقان عضو کیمی عؤمرونون سون لحظه لرینه قدر وطن آدی و آذربایجان قایغی سی اوره گیندن چکیلمه دی
و نهایت ۱۳۹۵/۱۲/۱۱ اوچ گون مییانا نین خاتم الانبیا خسته خاناسیندا یاتاندان سونرا اوره ک دانماق خسته لیگی اثرینده همئشه لیک حیاتا گؤز یوموب و ابدییه ته قوووشدو
روحو شاد و یولو دواملی اولسون

«دومان بختیاری»

@dashlibulaq

‍ #بایاتی‌لار

ســــازی آلا بیلمیرم
آلــیـب چالا بیلمیرم

گئدیرسن تئز قاییت گل
سنسیز قالا بیلمیرم

                          *

سازی آلانا قوربان
آلیپ چالانا قوربان

منی یامان گونومده
یـادا سالانا قوربان

                          *

من عاشیق ساز آلاندا
الـــینه ساز آلاندا

کـٶنلوم یامان داریخار 
محـــبت  آزالاندا
                          *


من عاشیقام ساز گٶندر
بمین -زیرین یاز گٶندر

قار-بوران داریخدیردی
اوره‌گیمه یاز گـٶندر


داشلی بولاق↙️
@dashlibulaq

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 23
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

آغاج بار گتیردیکجه باش ایه‌ر.
«درختی که بارش بیشتر باشد بیشتر خم می‌شود».
آغاجی ایچیندن قورد یئیه‌ر.
«کرم درخت را از درون می‌خورد».( کرم از خود درخت است)

(آغاج گونو قوتلو اولسون)

@DASHLIBULAQ🌱☘

ماللا نصرالدین‌ین ائششه‌گی چاتدادی!
بیری دئدی ماللا گؤرۆرم تک قالمیسان!
ماللا دئدی من سنین کیمی ائششه‌گین بیر تۆکون یۆز ائله ائششه‌گه وئرمه‌رم نییه تک قالام😄

@dasbulaq

خئیر (xəyyer) اوْلاق

بایرام قاباغی‌دیر و چوْخ ائولرده بایرام تدارکی گؤرۆنور، آیری یاندان چوْخ ائولرده وار بئله اقتصادی وضعیتده امرلری آشمیر و اللری بوْشدور!
کئچمیشده و ائله ایندیسه کندلرده آخیر چرشممه گئجه‌سینه سۆدداش(سۆتلو آش) پیشیریلردی و ائله بو گئجه وارلی‌لار خیر ایش‌لر گؤرردیلر!
سۆتو اوْلمایانا سۆت وئرردیلر، یاغی اوْلمایانا یاغ، بیرینه یۇمورتا گؤنده‌رردیلر و ...
آنجاق چوْخ کیچیک بیر زادلار دا اوْلسایدی آنجاق اوْ گئجه‌نی کندیده آج قالان، سۆته یاغا تامارزی قالان اوْلمازدی

نه دئمک ایندی کندلرده سۆت-یاغ اوْلسادا آنجاق چوْخ زادلارا تامارزی قالان دا چوْخدۇر!

کندلریمیزده یوْخسول و مستحق‌لر وار اوْلاری اوْنۇتمایاق، بیر خیر دوعالاری و بیر شیرین گۆلوشلری بیزه بس اوْلابیلر !

@dasbulaq

#آتالار_سٶزو

+ بوشلو(بورجلو) بوشلونون ساغلیغین ایستَر

+ مال گئدر بیر یانا ، ایمان گئدر مین یانا

+ مالین بَرک ساخلا ، قونشون اوغرو توتما

+ یولداشیوی باب ائله ، باخان دئسین ها بئله.

+ دلی ، دلی‌نی گٶرسه ، چوماغین گیزله‌در

+ تَزه یونجا ائششگه باش آغری گتیرر

+ اٶکوز اٶزونه کوروشنه اَکنده باشی آغرییار

+ الله ایکی یومروغو بیر باشا ویرماز

+ ایت ایت‌لیگین ترک ائتسه ده ، سومسوک‌لیگین ترک ائتمز.

داشلی بولاق
@dashlibulaq

کوراوغلو داستانینین 10اینجی بولومی👇👇

‌#کوراوغلو داستانی(10اینجی بولوم)
کوراوغلونون ایستانبول سفری(5)

نیگار خانیم دئدی؛ چوخ یئکه‌-یئکه دانیشیرسان! منی چنلی بئله نه ایله آپارارسان؟
کوراوغلو؛ سنی قیرآتا میندیروب آپاررام.
نیگار خانیم؛ سنین قیر آتین نئجه آت‌دیر؟
کوراوغلو ؛ قولاق آس دئییم قیر آت نئجه آت‌دیر،
گینه کوراوغلو سازی آلدی الینه گورک نه دئییر:
اوجا داغ باشیندا یئل کیمی اَسر
بو گونیمده منه اوره‌ک قیر آتیم
بیر آیلیق منزیلی بیر گونده کسر
کهلن بسله‌میشم گرَک قیر آتیم

یوللارین توزینی گویه قالدیرار
مخنت اوستینی بیردن آلدیرار
مئیدانین ایچینده دوشمن سالدیرار
اولار ییه‌سینه دیرک قیرآتیم .

قوچ کوراوغلو قونار اولسا یَهره
یاغی دوشمنلری سالار قَهره
آخوردا آرپاسین قویماز سحره
دارا دوشسم منه کومک قیر آتیم.

نیگار خانیم دئدی؛ سن‌کی قیرآتی بئله تعریفله‌دین گئدک اونا تاماشا ائیله‌ییم، گوروم باری تعریفینه گوره وارمی؟
کوراوغلو ؛ گئدک باخین تعریفیمه گوره اولماسا اوندا منه غضب ائیله‌یین.
نیگار خانیم قیرخ اینجه قیز باشیندا کوراوغلی ایله باغدان چیخوب قیرآتین یانینا گلدی، بو زامان کوراوغلو سیچرایوب قیر آتا میندی، اَلینی آتوب نیگار خانیمی قوش کیمی ترکینه چَکدی، چنلی بئله یول باشلادی.
بو طرفدن نیگار خانیمین قاچیریلماسینی قیزلار قاچوب خودکارا خبر وئردیلر ،خودکار او ساعت حوکم ائله‌دی قوشون آتلاندی، کوراوغلونون دالینجا دوشدی.
کور اوغلو شهردن خئیلی آرالانمیشدی ، گوردی عثمانلی قوشونی یئتیر ها یئتیردیر قیر آتین باشینی گئری دوندروب قوشون ایله دعوا ائیله‌مک ایسته‌دی.
نیگار خانیم دئدی کوراوغلو گرک منی قاچیرتمایایدین ایندی‌کی آپاریرسان قاییتما سور آپار گئت آتامین قوشونی چوخدور، سن تک‌سن اونلارلا باجارمازسان، دعوا ائیله‌مه.
کوراوغلو دئدی؛ من سنی چنلی بئله بوجور آپارا بیلمه‌رم ، دلیلر دییرلر کوراوغلو گئتدی خودکارین قیزین قاچیردوب گتیردی گرک دعوا ‌ائیله‌یم ، قوشون قیرام، قان توکم، پاشا اولدورم سنی ائیله
آپارام .
کوراوغلو بونی دئیوب نیگار خانیم ترکینده، مصر قیلینجی چکوب قاییتدی اوزینی عثمانلی قوشینینا ووروب غوغا ائله‌مگه باشلادی....

داشلی بولاق↙️
@DASHLIBULAQ💕💕💕💕

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 24
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

‌اولسادا جانیمـدا مین دردیم منیم

دردیمین درمانی ســـنسن وطنیم

قلبیمده مینلرجه عشقیم اولسادا

عشقیمین عنوانی سنسن وطنیم



سنــینله اولماقا چوخ چالیـــشارام

سنـــسیزلیگینده بیلكی آلیشـارام

خیالینـــــلا گؤلوب من ،دانــیشارام

سئوگیمین جانانی سنسن وطنیم



یقین بیل یولوندا جــــــــاندان یانارام

عشقیوی اؤزومه بیردوست سانارام

نازینـــــی چـــــــَكَر كَن،دردین آلارام

قلبیــــــمین افغانی سنسن وطنیم



سنســــیز من، اولارام،دلی-دیوانه

اؤزومـــــــــده،اؤزومه! یاد-ی بیگانه

دؤندرسم اؤزومی، هانسی بیریانه

روحومون ایمـــانی سنـسن وطنیم



سینـــــنده آرازام،آشیب داشـــــــارام

عشقیــــــنله دونیادا،بیل-كی یاشارام

فرمــان وئر،باخ گؤر من نئجه جؤشارام

آرازین توفـــــانی سنــــسن وطنــیــم



سن دوغما یوردومسان آذربایجانیم

دیلیــمده سؤزومسن،داماردا قانیم

عالمده فخریمسن،شهرتیم،شانیم

دالــــغانین سولــطانی سنسن وطنیم
گوندرن : ع آذربرا ٕ

داشلی بولاق↙️
@DASHLIBULAQ💕💕💕💕

#آتالار_سٶزو
سو

•   سو دهنه‌یه ،آدام آرخایا باغلی دیر.
•   سو آخاریندان سالینان ائل –اوبا بارلی –بهرلی اولار.
•   سو اولان یئرده دیریلیک اولار.
•   سو دا بوغولان آغلاماقلا یوخ ،چابالاماقلا خئیر تاپار.
•   سویون لام آخانی ،آدامین یئره باخانیندان قورخولور.
•   سو بیر یئرده قالسا ایله‌نَر.
•   سو آخدیغی یئردن بیرده آخار.
•   سودا بوغولان سامان چوپونه یاپیشار.
•   سوبارداغی سودا سینار.
•   سو موردارلیق گوتورمز.
•   سویو وئر سوسایانا، ایچسین قانا-قانا.
•   سو اویور،دوشمان اویوماز.
•   سو سانجینی،آجی آجینی کسر.
•   سو گلنده یولون تانیار.
•   سو اولان یئرده تیمم باطیل دیر.
•   سو آیدینلیق دیر ،توک اوز قاپووا!
•   سو آیدینلیق دیر.
•   سو باشدان بولانار.
•   سو ایله اودون ایمانی یوخ.
•     سو یارانیب آخماغا ،گوز یارانیب باخماغا.
•   سو کیچیگین دیر ،یول بویوگون.
•   سو گلیر لیله ندیریر،باغچانی گولله‌ندیریر.
•   سو گورنده بالیق دیر،قایا گورنده گئچی!
•   سو گورمه‌میش پاچالارین سیییریر.
•   سو دا باتماز،اوددا یانمازدیر.
•   سو دان آیریلان بالیق اوددان قورخماز.
•   سودا خئیر اولسایدی ،قورباغا اژدها اولاردی.
•   سودان قایماق ییغیر.
•   سودان چیخمیش سیچانا بنزیر.
•   سو سوز یئرده اوردک اولماز،قاز اولماز.
•   سو سنین دالینجا گلمزسه ،سن سو دالینجا گئت.
•   سو سویا قاریشاندا گوجلو اولار.
•   سو سویو تاپار؛سودا چوخورو.
•   سو هرشئیی پاک ائیلر،اوز قاراسیندان سووای.
•   سو  چکن ده من اولدوم، بره گزدیرنده!!
•   سو دا یاتان ،ایلانادا ساریلار.
•   سو  اولان یئرده آبادلیق اولار.
•   سو کیمی آیدین اول.
*علی برازنده

داشلی بولاق↙️
@dashlibulaq

@el_bilimi

🌟یئل چرشمبه‌نیز موبارک

🎼 سودان گلن سورمه‌لی قیز

✅ داشلے بولاق(کاغذکنان فولکولورو)

@dashlibulaq

یئل چرشنبه‌سی‌:

بایرام آیی نین اوچونجو چرشنبه سی یئل چرشنبه سیدیر.
یئل آرتیق يازي اؤزله‎ين تورپاغا يازين قوخوسون گتيرير، گوللری ترپه‌دير، چيچكله‎نن آغاجلاری یئلله‌نديرير. يئل چرشنبه‎سي گونونده اسن ايستي يئللر يازين گليشيندن خبر وئرير. بو چرشنبه " کولک اويادان چرشنبه " ، " کولکلي چرشنبه " کيمي تانينير. ايناما گؤره بو چرشنبه‎ده اويانان يئل، اويانميش سويو، اودو حرکته گتيرير. اسكي دؤنملردن يئلين تانري اولماسي ايله باغلي چئشيتلي نغمه، افسانه، اينانج، آتا _ بابا سؤزو يارانميشدير. نووروز شنليکلرينده اوينانان يئل‎بابا مراسيمي اؤز کؤکونو قديم بابالاريميزين يئل تانريسينا اينانديقلاريندان آلميشدير:

آ يئل بابا، يئل بابا،

تئز گل بابا، گل بابا.

سوْوور بيزيم خيرماني،

آتينا وئر ساماني.

دن داغيليب داغ اولسون،

يئل باباميز ساغ اولسون.

آ يئل بابا، يئل بابا،

قوربان سنه، گل بابا. (حاجیلار 2011 :1202)

اينانجلار:

يئل بابا خيرمانا گلمه‎ميشدن قاباق اورادان بوغدا، دن گؤتورمزلر. سووورولماميش بوغداگؤتوره‎نين اوغلو اؤلر.
يئلي اسديره‎ني سؤيمزلر.
يئل چرشنبه‎سي گئجه‎سي سؤيود آغاجي‎نين آلتينا گئديب نيّت ائله و يئل باباني چاغير. اگر يئل بابا سنين سسيني ائشيديب اسرسه سؤيودون بوداقلاريني تورپاغا توخوندورارسا، ديلگين يئرينه يئتر.
· يئل آتالار سؤزونده:
يئلينن گلن يولينن گئدر.
يئل گلنده بير طرفه اسر.
يئل قايادان نه آپارجاق؟!

محمد علیپور مقدم
@el_bilimi
@dashlibulaq

گون آیدین دوستلار☀️☀️☀️

@dashlibulaq

‌ديله‌نيرم
:
اؤزگه چيراغيندا پيلته‌يم، ياغام
ائويمده ياناندا پيله‌نيرم (من)
بيج‌لر آتا- بابا اييه‌سي اوْلوب
اؤز گرچک آتامي ديله‌نيرم من
+
سسسيزليک اوْتوروب سؤزومده منيم
گؤرمزليک ائو تيکيب گؤزومده منيم
ايندي کي پوْزولوب، ايزيم ‌ده منيم
سيرادان گئرييه تله‌نيرم من

+
صلح-و باريشيغي سئويرم چوْخ چوْخ
وارليغيم تالانار بيرجه سؤزوم يوْخ
قوْرخما؛ بارماغيني گؤزلريمه سوْخ
چوْخدان‌دي اؤلموشم، ايله‌نيرم من
+
آزرائللي‌سوْيو، کؤکو آتميشام
يئري - يوردو بير لوْپوغا ساتميشام
جاهان وطن‌لييه داها چاتميشام
اوْدور قاپيلاردا سوله‌نيرم من
Dilənirəm
:
Özgə çırağında piltəyəm yağam
Evimdə yananda pilənirəm mən
Biclər ata baba iyəsi olub
Öz gərçək atamı dilənirəm mən
+
Səssizlik oturub sözümdə mənim
Görməzlik ev tikib gözümdə mənim
İndi ki pozulub izim də mənim
Sıradan geriyə tələnirəm mən
+
Sülhü barışığı sevirəm çox çox
Varlığım talanar bircə sözüm yox
Qorxma barmağını gözlərimə sox
Çoxdandı ölmüməm ilənirəm mən
+
Azərelli soyu kökü atmışam
Yeri yurdu bir lopuğa satmışam
Cahan vətnliyə daha çatmışam
Odur qapılarda sülənirəm mən

اوستاد منوچهر فضلی خلف(آزر ائللی)
داشلی بولاق↙️
@DASHLIBULAQ💕💕💕💕

#کوراوغلو داستانی( 11 اینجی بولوم
کوراوغلونون ایستانبول سفری(6)

.....کوراوغلو بوردا دعوا ائله‌مکده اولسون، سیزه چنلی‌بئلده دلیلردن خبر وئریم
کوراوغلو گئدندن سونرا دلیلر دئدیلر: کوراوغلو تک گئتدی سونرا ائله گئچر دوتولار باشسیز قاللیق دالینجا گئتمک گرکدیر ، دلیلردن بیر نئچه‌سی چنلی‌بئلده قالدی، قالانی آتلاندی کوراوغلونون دالینجا گئتدی،
دلیلر او واقت یئتیشدیلرکی قیزغین دعوا ایدی کوراوغو ساغا-سولا قیلینج ووروردی، قوشون اونی اورتالیغا آلوب توت‌ها‌توت ایدی.
دلیلر نعره چکوب اوزلرینی عثمانلی قوشونینا ووردیلار. قوشون اهلی دلیلرین هوجوموندان قورخوب کور اوغلونون باشیندان آرالاندی،
کوراوغلو گوز گزدیردی دلیلری قیزغین دعوا ائیله‌ین گوردی کونلی آچیلدی آلدی گورک ترکینده آغلایان نیگار خانیما نه دئدی؛
آغلاما تئللی نیگاریم
گلدی دلیلریم گلدی
خودکار قیزی گوزل یاریم
گلدی دلیلریم گلدی

دوشمنه قیلینج چکمگه
باشلاری بیچوب توکمگه
پاشالارین قددین بوکمگه
گلدی دلیلریم گلدی

قوربانام مردین آدینا
دوستینی سالار یادینا
بو گون بیر ار ایمدادینا
گلدی دلیلریم گلدی.

کوراوغلو سوزینی قورتاروب بیر نعره چکدی کوراوغلونون نعره‌سینه دلیلر داهادا قیزیشدی، کور اوغلو بیر یاندان دلیلر بیر یاندان خودکارین قوشونوندان چوخ قیردیلار، قوشون دلیلرین هوجومینا دوام گتیرمدی قاچوب داغیلدی.
کوراوغلو ترکینده نیگار خانیم، باشیندا دلیلر چنلی‌بئله یوللاندی اوزاق یوللار گئچوب داغلاری یاماجلاری آشوب چنلی بئله گلدیلر
نیگار خانیم گوردی چاتدیقلاری یئر بیر اوجا داغین باشی گوللی، چیچکلی بیر اوولاقدیر دئدی:
کوراوغلو چنلی بئل بودورمی؟
نیگار خانیمین جاوابیندا آلدی قوچ کوراوغلو گورک نه دئدی:
چیسگینلی داغلارین باشی
نیگار چنلی بئل بودور بو
ایگیدلر آچار ساواشی
نیگار چنلی بئل بودور بو

چَکوب بزیرگان سویدوغوم
قافیله‌لر بوش قویدوغوم
پاشالار گوزی اویدیغوم
نیگار چنلی بئل بودور بو

خودکارلار باتا بیلمه‌ین
جومرودلر دوتا بیلمه‌ین
کوشکینه یاتا بیلمه‌ین
نیگار چنلی بئل بودور بو

اوجالاردان اوجا داغی
هئچ واقت گله‌ بیلمز یاغی
کوراوغلونون تک اوولاغی
نیگار چنلی بئل بودور بو.
دوسلار کوراوغلونون ایستانبول سفری سونا چاتدی .

توپلایان: G_D
داشلی بولاق↙️
@DASHLIBULAQ💕💕💕💕

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 25
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

آشیق یدالله عیوض پور
@dashlibulaq

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 26
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅