گون آیدین ائلیمیزه🌷🌷🌷🌷

داشلی بولاق
@dashlibulaq

 بیر  عَطیر

بیر  عَطیر ، بیرجه باخیش ، یاز هوسیم   وار  نئیلیم

نانا -نرگیز  کیمی   بیر  آز   هوسیم    وار  نئیلیم

باخمیرام   کی   داها   تویدا    آشیق   اویناتمیرلار

هله ده   سؤز هوسیم ، ساز   هوسیم   وار   نئیلیم

گؤلَه  دؤنسم ، بیر  ایکی  جیرانا   حسرت   چکیرم

گؤله  دؤنسم ،بیر  ایکی   قاز   هوسیم   وار   نئیلیم

آلما  آتماق هوسیم  یوخ ....."هَه" دئمه  سئودیجه‌ییم

"یوخ"  دِئ   سندن  هَلَه ده  ناز  هوسیم  وار   نئیلیم

بالتا  قارداش! بیر آز  ال  ساخلا   یامان  داشلانیرام

آخی   سالخیم   سؤیودَم ، یاز   هوسیم    وار   نئیلیم

نادر الهی

داشلی بولاق
@dashlibulaq

جاوان ایكن قوجالماغا گوج ساخلا
وارلی گونده یوخسوللوغا پول ساخلا
ساواشاندا باریشماغا اوز ساخلا.

داشلی بولاق
@dashlibulaq

‍ خانیم‌لار داوار ساغاندا ، قويون دينج دورسون دئيه ، بیر اوخوماقلاری واریدی ، بئله اوخویاردیلار؛

ننه‌م‌،‌ننه‌م
سني ساغان منم‌، منم
گول مونجوقوم بوينوندادي
ممه‌لرين قوينوندادي
قويروغونو فراغات قوي
آياغيني ايراحات قوي
بوينوزوندا اوٍزرليگيم
ائو –ائشيگيم‌، بزرليگيم
ننه‌م‌،‌ننه‌م
سني ساغان منم‌، منم

داشلی بولاق↙️
@dashlibulaq

خوناخا: xonaxa

خوناخا ، فارس دیلینده" میزبان" سٶزجو‌ک‌ایله معناسی بیر اولور.  

قوناق + قا = قوناغقا
گئتدیکجه بو کلمه خوناخایا چئوریلیب .
قدیم ماشین- موتور اولمادیغینا گٶره مسافرلر بیر کنددن او بیری کنده یا شهره گئدنده هر کندده گئجه اولدو ، فامیل یا خوناخا ائوینده قوناق اولاردیلار .

@dashlibulaq

سلام
دوسلار بو پست‌دا اوزنگی سوزجوگون آنلامی (رکاب اسب) دیر
یانلیش نوخدا و افسار معنا اولمیشدی 🙏🌹

‌‍ یوخدان خلق ایله ین کل عالمی

یئره قرارقویان سبحانه به به

اولـده یاراتدی آدم حووانی

اؤزی احسن دئدی انسانه به به

💫💫💫💫💫💫

دنیانن اؤزونه قویوبدی قرار

بؤتون یارانمشلار دنیادا نه وار

بیر کیمسه حکموندن اولانمازکنار

عالمه حکم ائدن سلطانه به به

💫💫💫💫💫💫

خلق ایله دی یوزایگیرمی دورت مین نبی

آخری محمد دی اوولی صفی

جبرییل رسوله گتیردی وحی

حقدن صادر اولان فرمانه به به

💫💫💫💫💫💫💫

گؤیدن نازل اولدی یئره دورت کتاب

اولاردا یازلیب گناه وثواب

هر کس قائل اولسا وئرجک جواب

کتاب آسمان قرانه به به

💫💫💫💫💫

ازلدن قائلم منده اسلاما

جانم قوربان اولسون هر مسلمانا

یازیرام بو شعری دؤشه داستانا

اوخویانلار دئیه قوربانه به به


✨قـوربان اسبـقی اوشـاردلی✨

داشلی بولاق↙️

@DASHLIBULAQ💕💕💕💕

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 22
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

کوراوغلو داستانی(9⃣اینجی بولوم)
کوراوغلونین ایستانبول سفری(4)

@DASHLIBULAQ❤️

.....کوراوغلو دوشدو قیر آتی بیر یاندا باغلادی، اوزی باغا گیردی گوزلدی ، بیردن گوردی#نیگار خانیم آلدان ، قوماشدان گئیوب، اوزینه قلمدن زینت ویروب، باشیندا قیرخ اینجه قیز بودور باغا گلدی.
ایره‌لی یئرییوب قیزا سلام وئردی نیگار خانیم اوجا بویلی، اَنلی کورَکلی، یاراقلی-یاساقلی، چئگنی سازلی کوراوغلونو گوروب باشین آشاغی سالوب سلامینی آلمادی،
کواوغلو سازینی دوشینه باسوب گورک نیگار خانیما نه دئدی:

سلام وئردیم سلام آلماز
گوریم کسسون سلام سنی
آغچاسیز، پولسیز عاشیقم،
پولوم یوخدیر آلام سنی.

گوللی باغلاردا گزیرسن
جاهیللر باغرین ازیرسن
یوخا، کاغازا بنزیرسن
یازا بیلمز قلم سنی

خزینم یوخ آغزین آچام
دولتیم یوخ توکم، ساچام
علاج بودور آلام قاچام
چنلی بئله سالام سنی.

هانسی داغلارین قاریسان؟
هانسی باغلارین باریسان؟
نیگار، کوراوغلو یاریسان
بیلیر کل عالم سنی.

نیگار خانیم کوراوغلودان بو سوزلری ائشیدوب قهقه‌ایله گولدی،
دئدی؛ سن بیر عاشیق من بیر خودکار قیزی مالسیزدا پولسیزدا من سنه گئتدیم، سن منی خودکاردان نئجه آلا بیلرسن؟ عثمانلی قوشونون ایچیندن نئجه چیخاردارسان؟ هارا آپارارسان؟
نیگار خانیمین جاوابیندا کوروغلو گوتوردی گینه سازین گورک نه دئدی:

کور اوغلینین آتی اولسا
دمیر پولاد قاتی اولسا
بیر ایگیدین ذاتی اولسا
پوللودا اولار پولسوزدا اولار

آلا گوزلی نیگار ، سنی
من چنلی‌بئله آپارارام
چکرم قیرات ترکینه،
دونرم یئله آپاررام

سایمارام خودکاری ، خانی
قوشونا وئرمم آمانی
مئیدان ایچینده آل قانی
دوندررم سئله آپاررام......

داشلی بولاق↙️
@DASHLIBULAQ💕💕💕💕

‌‍ بایرامیدی گئجه قوشو اوخوردی

آداخلی قیز بئی جورابین توخوردی

هرکس شالین بیر باجادان سوخوردی

آی نه گؤزل قایدادی شال ساللاماق

بئی شالینا بایراملیغین باغلاماق

شال ایسته دیم منده ائوده آغلادیم

بیر شال آلیب تئز بئلیمه باغلادیم

غلام گیله گئدیب شالی ساللادیم

فاطمه خالا منه جوراب باغلادی

خان ننه می یادا سالیب آغلادی

بایرام اولوب قیزیل پالچیق ازللر

ناقیش ووروب اتاقلاری بزللر

تاقچالارا دوزمه لری دوزللر

قیز – گلینین فندیقچاسی ، حناسی

هوسله نر آناسی قایناناسی

باکی چی نین سوزی ، سووی ، کاغاذی

اینکلرین بولاماسی آغیزی

چرشنبه نین گیردکانی مویزی

قیزلار دئیه ر آتیل باتیل چرشنبه

آینا تکین بختیم اچیل چرشنبه

یومورتانی گؤیچک گوللی بویاردیق

چاققیشدیریب سینمانلارین سویاردیق

اویناماقدان بیرجه مگر دویاردیق ؟

علی منه یاشیل آشیق وئره ردی

ایرضا منه نوروز گولی دره ردی

داشلی بولاق↙️
@DASHLIBULAQ💕💕💕💕

جئیران 💃💃

گوزل بیر شاد ماهنی

@dashlibulaq

خشيل
تورک یئمکلریندن
گؤندرن: نوصرت بئی
(ائل بیلیمی فیس بوک قوروپو)
@El_bilimi
@N_sinafar

‌بير اتک سئوگي آذربایجان:
"علی اکبر آقایی قره بولاق" ۱۳۲۵اینجی گونش ایلی مییانانین کاغیذکونانین ماحالینین قارابولاق کندینده بیر ده گیرمانچی عاییله ده دونیایا گؤز آچدی اوشاقلیغینی قارابولاق دا سوواندان سونرا عائیله سی ائیله بیرلیکده مییانایا کؤچوب و بیر مدت ایش آختارماق اوچون تهرانا گئتمیش آمما وطن حسرتی و ائلینه باغلیلیغی اونو تهراندان مییانایا گئری قایتاردی او زامان "آموزش و پرورش" ده ایشه باشلادی و عؤمور بویو صداقت له بو ایشده یدی.. و اوردان امکدار اولدو..
محمدباقر خلخالی نین ثعلبیه سینی اوخویاندان سونرا یئنی بیر صحیفه آچیلدی یاشامیندا آذربایجانین اولو شاعیرلرینین چوخونون اثرلرینی او جمله دن صابیر ،فیضولی، مؤجوز،سلیمان رستم ،صمد وورغون ، ... اوخویوب و هر بیریندن اولدوغو قدر ائتگیلندی علی اکبر آقایی شعر دونیاسیندا کلاسیک بیر شاعیر اولاراق چئشیدلی فورمالاردا : قوشما ، گرایلی، مثنوی، ...شعر لر یازیب یارادیب او شعیر و حکایه یازماقدا مییانا ادبیاتجی لاری آراسیندا اؤزل یئرآچمیشدی اؤزونه ،باخیشی کاملا رئالیستی بیر باخیش دیر شعرلرینده اجتماعی مسئله لره او انسانلاری سئویب و چئوره سینده اوز وئرن اولایلارادان راحاتجاسینا کئچمه دن اونلاری شعره چکیب و ائلینین دانیشان دیلی اولموشدور . بیر طرفدن ده آقایی نین شعرلرینده طبیعتین دیلی دانیشیر او توپراق ، داغ ، یاغیش و یاشیللیق شاعیری ایدی. آقایی نین ساتریک شعرلری و قیسا حئکایه لری هر اوخوجونو ماراقلاندیریب و اونوبیر خالق سئور انسان تانیتدیرمیشدی ادبی دونیاسیندا بو گون اون کیتابلیق یازی (شعر و نثر) چاپا حاضیر دیر آنجاق تاسسفله اجل زامان وئرمه دی اؤز الی ایله بو کیتابلار گونش اوزو گؤرسونلر . ایلک دفعه اولاراق علی اکبر آقایی نین شعرلریندن چنلی تئل آنتولوژیسینده چاپاگئدندن سونرا چنلی تئل درنگینده ثابت بیر چالیشقان عضو کیمی عؤمرونون سون لحظه لرینه قدر وطن آدی و آذربایجان قایغی سی اوره گیندن چکیلمه دی
و نهایت ۱۳۹۵/۱۲/۱۱ اوچ گون مییانا نین خاتم الانبیا خسته خاناسیندا یاتاندان سونرا اوره ک دانماق خسته لیگی اثرینده همئشه لیک حیاتا گؤز یوموب و ابدییه ته قوووشدو
روحو شاد و یولو دواملی اولسون

«دومان بختیاری»

@dashlibulaq

‍ #بایاتی‌لار

ســــازی آلا بیلمیرم
آلــیـب چالا بیلمیرم

گئدیرسن تئز قاییت گل
سنسیز قالا بیلمیرم

                          *

سازی آلانا قوربان
آلیپ چالانا قوربان

منی یامان گونومده
یـادا سالانا قوربان

                          *

من عاشیق ساز آلاندا
الـــینه ساز آلاندا

کـٶنلوم یامان داریخار 
محـــبت  آزالاندا
                          *


من عاشیقام ساز گٶندر
بمین -زیرین یاز گٶندر

قار-بوران داریخدیردی
اوره‌گیمه یاز گـٶندر


داشلی بولاق↙️
@dashlibulaq

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 23
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

آغاج بار گتیردیکجه باش ایه‌ر.
«درختی که بارش بیشتر باشد بیشتر خم می‌شود».
آغاجی ایچیندن قورد یئیه‌ر.
«کرم درخت را از درون می‌خورد».( کرم از خود درخت است)

(آغاج گونو قوتلو اولسون)

@DASHLIBULAQ🌱☘

ماللا نصرالدین‌ین ائششه‌گی چاتدادی!
بیری دئدی ماللا گؤرۆرم تک قالمیسان!
ماللا دئدی من سنین کیمی ائششه‌گین بیر تۆکون یۆز ائله ائششه‌گه وئرمه‌رم نییه تک قالام😄

@dasbulaq

خئیر (xəyyer) اوْلاق

بایرام قاباغی‌دیر و چوْخ ائولرده بایرام تدارکی گؤرۆنور، آیری یاندان چوْخ ائولرده وار بئله اقتصادی وضعیتده امرلری آشمیر و اللری بوْشدور!
کئچمیشده و ائله ایندیسه کندلرده آخیر چرشممه گئجه‌سینه سۆدداش(سۆتلو آش) پیشیریلردی و ائله بو گئجه وارلی‌لار خیر ایش‌لر گؤرردیلر!
سۆتو اوْلمایانا سۆت وئرردیلر، یاغی اوْلمایانا یاغ، بیرینه یۇمورتا گؤنده‌رردیلر و ...
آنجاق چوْخ کیچیک بیر زادلار دا اوْلسایدی آنجاق اوْ گئجه‌نی کندیده آج قالان، سۆته یاغا تامارزی قالان اوْلمازدی

نه دئمک ایندی کندلرده سۆت-یاغ اوْلسادا آنجاق چوْخ زادلارا تامارزی قالان دا چوْخدۇر!

کندلریمیزده یوْخسول و مستحق‌لر وار اوْلاری اوْنۇتمایاق، بیر خیر دوعالاری و بیر شیرین گۆلوشلری بیزه بس اوْلابیلر !

@dasbulaq

#آتالار_سٶزو

+ بوشلو(بورجلو) بوشلونون ساغلیغین ایستَر

+ مال گئدر بیر یانا ، ایمان گئدر مین یانا

+ مالین بَرک ساخلا ، قونشون اوغرو توتما

+ یولداشیوی باب ائله ، باخان دئسین ها بئله.

+ دلی ، دلی‌نی گٶرسه ، چوماغین گیزله‌در

+ تَزه یونجا ائششگه باش آغری گتیرر

+ اٶکوز اٶزونه کوروشنه اَکنده باشی آغرییار

+ الله ایکی یومروغو بیر باشا ویرماز

+ ایت ایت‌لیگین ترک ائتسه ده ، سومسوک‌لیگین ترک ائتمز.

داشلی بولاق
@dashlibulaq

کوراوغلو داستانینین 10اینجی بولومی👇👇

‌#کوراوغلو داستانی(10اینجی بولوم)
کوراوغلونون ایستانبول سفری(5)

نیگار خانیم دئدی؛ چوخ یئکه‌-یئکه دانیشیرسان! منی چنلی بئله نه ایله آپارارسان؟
کوراوغلو؛ سنی قیرآتا میندیروب آپاررام.
نیگار خانیم؛ سنین قیر آتین نئجه آت‌دیر؟
کوراوغلو ؛ قولاق آس دئییم قیر آت نئجه آت‌دیر،
گینه کوراوغلو سازی آلدی الینه گورک نه دئییر:
اوجا داغ باشیندا یئل کیمی اَسر
بو گونیمده منه اوره‌ک قیر آتیم
بیر آیلیق منزیلی بیر گونده کسر
کهلن بسله‌میشم گرَک قیر آتیم

یوللارین توزینی گویه قالدیرار
مخنت اوستینی بیردن آلدیرار
مئیدانین ایچینده دوشمن سالدیرار
اولار ییه‌سینه دیرک قیرآتیم .

قوچ کوراوغلو قونار اولسا یَهره
یاغی دوشمنلری سالار قَهره
آخوردا آرپاسین قویماز سحره
دارا دوشسم منه کومک قیر آتیم.

نیگار خانیم دئدی؛ سن‌کی قیرآتی بئله تعریفله‌دین گئدک اونا تاماشا ائیله‌ییم، گوروم باری تعریفینه گوره وارمی؟
کوراوغلو ؛ گئدک باخین تعریفیمه گوره اولماسا اوندا منه غضب ائیله‌یین.
نیگار خانیم قیرخ اینجه قیز باشیندا کوراوغلی ایله باغدان چیخوب قیرآتین یانینا گلدی، بو زامان کوراوغلو سیچرایوب قیر آتا میندی، اَلینی آتوب نیگار خانیمی قوش کیمی ترکینه چَکدی، چنلی بئله یول باشلادی.
بو طرفدن نیگار خانیمین قاچیریلماسینی قیزلار قاچوب خودکارا خبر وئردیلر ،خودکار او ساعت حوکم ائله‌دی قوشون آتلاندی، کوراوغلونون دالینجا دوشدی.
کور اوغلو شهردن خئیلی آرالانمیشدی ، گوردی عثمانلی قوشونی یئتیر ها یئتیردیر قیر آتین باشینی گئری دوندروب قوشون ایله دعوا ائیله‌مک ایسته‌دی.
نیگار خانیم دئدی کوراوغلو گرک منی قاچیرتمایایدین ایندی‌کی آپاریرسان قاییتما سور آپار گئت آتامین قوشونی چوخدور، سن تک‌سن اونلارلا باجارمازسان، دعوا ائیله‌مه.
کوراوغلو دئدی؛ من سنی چنلی بئله بوجور آپارا بیلمه‌رم ، دلیلر دییرلر کوراوغلو گئتدی خودکارین قیزین قاچیردوب گتیردی گرک دعوا ‌ائیله‌یم ، قوشون قیرام، قان توکم، پاشا اولدورم سنی ائیله
آپارام .
کوراوغلو بونی دئیوب نیگار خانیم ترکینده، مصر قیلینجی چکوب قاییتدی اوزینی عثمانلی قوشینینا ووروب غوغا ائله‌مگه باشلادی....

داشلی بولاق↙️
@DASHLIBULAQ💕💕💕💕