سئودا نسیمی

بـایرام یئلی قـیـشدا  قوو٘رولان  چٶللره گلدی
شنلیک گولو غم -غصه چه‌کن ائـللره گلدی

سـازلاردا چالیـنـدی، ساری‌کٶینک   هـاوالاری
صولحه یازیلان سٶز اوخونوب دیـللره  گلدی

تـوپـراقدا بـیـتَـن روزی ده‌نی  اولدو  یـاشـیللیـق
بـئـل وورماغا گوج ، الده اولان  بـئـللره   گلدی

داغلار دٶشو یازلیق بیتیریب،گول-چیچک آچدی
گول –عطریـنی  یـایـماق مقـامی ،  یـئـللره گلدی

بچـای زمزمه سـیـن  آلدی سـازا ،  چالـدی شـلاله
داغلاردان آخان سو، قوشولوب سئللره   گلدی

شنلیک هاواسین چالدی چوبان  نئی بـوغازیـنـدا
بـَمـده چالـیـبـان خوش  هاوا  هم  زیـللَره   گلدی

عشق آتشی یـانـدیـردی  کٶنول کٶشه‌نین   آنجاق
سئودالی هـوس ،  نـغـمـه‌لی  بـولـبـوللره  گلـدی

یاز فصلی بوتون ائل-اوبادا   توی- دویون اولدو
شـنـلیـکـده  سـوزولمک اداسی ،  بـئـلـلـره  گلدی


ائوسـه‌نـدی چمن ،آچدی چیچک ، گولدو طبـیـعت
سئودا (نسیم)ی خوش ساچی سونبوللره گلدی


داشلی بولاق
@dashlibulaq

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 18
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

‌‌ناز بالالار اوچون🌹🌹

اوشاقـــلار آی  اوشاقلار          

دیلیمـــــده  خــــوش  خبروار

 

خبـــــر بودی ،  یــــاز  گلیر           

دورنا  گلیــــر ،  قـــــاز گلیر

 

حاضیرلایاق  یئددی« سین »        

دوزک   بایـرام   سفـره‌سین

 

سو ،  سمنی ،   ساریمسـاق          

سیرکه، سونبول،دوز قویاق

 

گوزگو ، قرآن ،  بیـر بالیق           

ایشیقـلانسین      اورتـــالیق

 

سیککه    قویاق    سوفــرایا            

سومـاق    گلسین   اورتایـــا

 

اولسون    سوفرامیز   تامام

بایرام    اولسـون   والسـلام

شاعر :  نیراوغلو

داشلی بولاق↙️
@DASHLIBULAQ💕

‌#کوراوغلو داستانی6⃣

کوراوغلونون ایستانبول سفری(۱)

کوراوغلونون جاوان واقتی‌يدی چنلی بئلده یئنگیجه یورد یووا سالمیشدی، آتاسی علی ده یانیندایدی ، باشینداکی دلیلری‌نین سایی آز ایدی کوراغلونون بو وقتلر اوزاقلارا سفری آز اولوردو. استانبول خوکاری‌نین #نیگار خانیم آدلی بیر گؤزل قیزی واریدی، کور اوغلو نیگار خانیمین گوزللیگی‌نین سوراغینی آلمیشدی، قیزی آلماق ایسته‌ییردی.
کور اوغلونون خودکار قیزی نیگار خانیمی ایسته‌دیگینی باشینداکی دلیلر بیلدیلر؛ دئدیلر:
آی کوراوغلو، غم چکمه اذن وئر گئدک یا قیریلاق یا نیگار خانیمی سندن اؤترو گتیرک
دلیلرین جاوابیندا، کوراوغلو سازی آلدی الینه گؤرک نه دئدی:
ایگیت گرک‌دير سئومگه
اؤزو تک گئده تک گئده
محنتين قددین اگمگه
اؤزو تک گئده تک گئده

نیگارین شیرین دیللری
باغریما سانجيب میللری
اوزاق اوزاق منزیللری
اؤزو تک گئده گئده

قنیمینه قیلینج چالا
اؤلکه‌سینه تالان سالا
دوشمنلراوسته باش آلا
اؤزو تک گئده تک گئده

دولا پولاد یاراغینا
دوشه ایگیت سوراغینا
یوز تولکونون قاباغینا
اؤزو تک گئده تک گئده

کور اوغلویام حاشا حاشا
گیررم خودکارلا ساواشا
آتا دؤشلتمگه پاشا
اؤزو تک گئده تک گئده

کور اوغلو سازی‌يلا دئدیگی‌کیمی سؤزله ده دئدی:
دلیلریم، نیگار خانیمی گتیرمگه اؤزوم گئده‌رم سیز قالین چنلی بئلی دوشمنلردن قورویون............

کوراوغلونون ناغیلین داشلی بولاق آخاقیندا بگله‌يين🌷
@DASHLIBULAQ

خودکار: پاشا، پادشاه

چنلی بئل(دامنة مه‌آلود): منطقه و مکانی که کوراوغلو ساکن بود

یئنگیجه: به همين تازگی

دللیلر: مجنون‌ها(جنگجوياني که با عشقي مجنون‌وار براي هدفهاي کوراوغلو مي‌جنگيدند)

دؤشلتمگه: منظور از دؤش، سينه اسب است، سواره‌هاي غالب، اسراي مغلوب را که پياده بودند، جلوي اسبها خود در راه ميبردند

@DASHLIBULAQ💞💞💞💞

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 19
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

شاعیر کونلوم ،مندن سنه وصیت،
آلچاغلا دوست اولما زده لر سنی،

یوز یولدا جان دئسن ذاتی
قیریخدی،
عداوت بسله‌ییب هده‌لر سنی،


آز یاشا دونیادا غئیرتین اولسون،
ثروته آلدانما حورمتین اولسون،

عاریفلر یانیندا قیمتین اولسون،
قوی آلچاق تانیسین گئده لر سنی،

نفسینه غالیب اول اجل گلینجه،
آغلا اوز دردینه خالقا گولونجه،

ائل اوبا سیرّینی ساخلا الونجه،
قورخما نه الدورَر نه دَلر سنی،


جیبینده بئش قیران اولاندا پولون،
چیخما جیزیغیندان دوشمه‌سین چولون،

بیر حقی بوراخما بیر حقین یولون،
قوی دده دئسینلر دده لر سنی،


«اومود» آنلیانا سوزلرین اوخدو،
نیلیرسن کیمی آج کیمیسی توخدو،

آز دانیش دونیانین قولدورو چوخدو،
قورخورام توکولوب دیده‌لر𑸳سنی،

گوندرن:ع آزربرا ٕ

داشلی بولاق↙️
@DASHLIBULAQ

کاغازکونانین توی رسم‌لریندن
بئی‌یین گلین باشینا آلما آتماغی

کاغازکونانین قدیم گٶزل توی رسم‌لریندن بیری بئی(بیگ)گلین‌نین باشینا آلما آتماغی‌دیر

توی گونو گلین گتیرنده بئی ساقدوش ، بیر طرفینده و سٶلدوش بیر طرفینده چیخاردی دام اوستونه یا بیر اوجا یئردن نئچه‌دنه قیرمیزی آلما گلین‌نین باشیندان آتاردی ، بو گله‌نه‌یین(رسم) لاپ شیرین یئری جاوانلار یا اوشاقلاردان او طرفده آلما دوشن یئرده دورماقلاریدی ، بونلار چوخ تالاش ائلَردیلر بو بئی آتان آلمالاری گٶیده توتالار .بو آلمانی دوتان آداملار چوخ افتخالا بو آلمانی یئیردیلر.

قدیم یونان فولکولوروندا اوغلان سئوگیلی‌سی‌نین باشیندان بیر قیرمیزی آلما آتارمیش ، بو آلما آتماق نیشان وئررمیش بو اوغلان او قیزی سئویر ، آذربایجاندادا بو قیرمیزی آلمانین آتماغی بئی‌یین گلینه اولان سئوگی‌سین گٶرسه‌دیر.

شهریارین حیدربابا شعرینده بو رسم بئله گلیب.
حیدربابا کندین تویون توتاندا
قیز- گلین‌لر ،حنا پیلته ساتاندا
بیگ گلینه دامدان آلما آتاندا

منیم‌ده او قیزلاروندا گٶزوم وار
آشیقلارین سازلاریندا سٶزوم وار

داشلی بولاق↙️
@dashlibulaq

#آتالار_سٶزو

🔹 اوزاقدان دٶیوش - ساواش آسان گلیر

🔹 یوز دوست آزدیر ، بیر دوشمن چوخ

🔹 قوردون بالاسی قورد اولار

🔹 مال گئدر بیر یانا ، ایمان گئدر مین یانا

🔹 قاچانی قوومازلار ، ییخیلانی وورمازلار

🔹 پیشیگه دئدیلر پو..ون درماندی ، سیشدی اوزون قویلادی

🔹 ایلان هر یئره اَیری گئدسه‌ده ، اٶز یوواسینا دوز گئدر

🔹 گئچمه نامرد کٶرپوسیندن قوی آپارسین سئل سنی

🔹 ایت هورر کروان گئچر



داشلی بولاق↙️
@dashlibulaq

#کوراوغلو داستانی7⃣
کوراوغلونون استانبول سفری💜(2)
@DAHLIBULAQ

کوراوغلو قیلینج قورشادی ،قالخان آسدی،نیزه گؤتوردو. اوستوندن ده ساز گئچیرتدی، قیرآتا میندی، دلیلرله سلامتلشدی، قیر آتی ایلدیریم کیمی سوردو، عثمانلی تورپاغینا کئچدي، هر یاندان آتلادی گلدی استانبولا یئتیشدي

آغشام ایدی، قیرآتی بیر دگیرمانچی نین قاپیسینا سوردو، دئدی: آی دگیرمانچی، غریبم، منی بو گئجه‌لیگه قوناق ائلرسنمی؟
دگیرمانچی دئدی: نه‌یه ائیله‌میرم دوش قال

کوراوغلو دوشدو، قیرآتی تؤیله‌یه چکدی، اؤزو ده دگیرمانچی‌نین ائوینه گليب بیر طرفده اوتوردو

دگیرمانچی‌نین آروادی کوراوغلویا چؤرک گتیردی، یئمکدن سونرا صوحبت دوشدو، قوجا دگیرمانچی دئدی: آی قوناق،آدین نه‌دیر؟ هارالیسان؟ بورا نه ایچين گلمیسن؟

کوراوغلو، دگیرمانچی‌نین جاوابیندا، سازی الینه گؤرک نه دئدی:

قوجا بابا، اؤلکه‌نیزه اوز توتوب
بیرقیز سوراغینا گلدیم ها گلدیم

عثمان گؤزلی‌نین دوشدوم عشقینه
آچیق ، قاباغینا گلدیم ها گلدیم

قیرآتی چاپدیريب یوللاردا یوردوم
دوشمن قارشیسیندا مردانه دوردوم
آدیم روشن ایگیت،چنلی بـئل یوردوم
لاچین اوْولاغینا گلدیم ها گلدیم

اسکیک اولماز کور اوغلونون قوغاسی
دوشر پاشالارلا جنگی، دعواسی
استانبول شهرینده خودکار بالاسی
نیگار فراقینده گلدیم ها گلدیم

کور اوغلو سازلا دئدیگی کیمی سؤزله ده دئدی: آی قوجا، خودکارین قیزی نیگار خانیمی آپارماغا گلمیشم، اونو نئجه اله گتیره بیلرم؟

قوجا، دئدی: آی اوغول، سن تک بیر اوغلانسان، عثمانلی قوشونونون ایچیندن نیگاری نئجه چیخارديب آپارا بیلرسن؟

کوراوغلو، دئدی: سیز نیگاری منه گؤسترین نـئجه آپارماغی‌لا ایشينیز اولماسون........

داشلی بولاق↙️
@DASHLIBULAQ💕

سَسیمه یوخدی سس وئرن
دانیش منیله فاطمه(س)...

رحمتلیک اوستاد سلیم موذن زاده

داشلی بولاق↙️

@DASHLIBULAQ⬛️⬛️⬛️

‍ قوورتماش

قوورتماشین آدیندان بللی اولان قوو٘رولان سوته دئییلیر، بو آشا چوبانلارین آشی دئسَک لاپ یاخچی اولار.
چوبانلار داوارین سوروسون یاتاقدا یاتیرداندان سورا ، بو داورلارین نئچه‌سیندن بیرآز سوت ساغیب ، سوراسی نئچه دنه داش آتارلار اوجاغدا اودون ایچینه.

بو داشلار گرَک اَهک‌لی داش اولماسینلار ، داشلار یاخچی قیزیب، داغ اولاندان سورا اولاری سیلیب، آتارلار سوتون ایچینه ، بو داشلار نئچه ثانیه‌نین ایچینده سوتو شیدتله قاینادارلار ، بو قایناماق سوتون سویون بخار ائدیب و چوخ دادلی و یئمه‌لی بیر آش کی چوبانلارین بدن‌لرینین گوجون ساغلاسین اَله گلیر .
بئله بیر سٶزده وار : قارا گوزملی قویونون سوتو درمان ایچین یاخچی خاصیتی وار ، اونا خاطیر چوبانلار قارا قویونلارین سوتوندن بیشمیش قوورتماشا چوخ علاقه گٶرسه‌درلر.

داشلی بولاق↙️
@dashlibulaq

رحمتلی اوستاد شهریارین سهندیه منظومه‌سینده قوورتماش بئله گلیب:

قیشده کهلیک هوسیله چؤله قاچدیقدا جاوانلار

قاردا قاققیلدایاراق نازلی قلمقاشلارین اولسون

یاز، او دؤشلرده ناهار منده‌سین آچدیقدا چوبانلار

بوللو سودلو سورولر، دادلی قاوورتماشلارین اولسون

#بایاتیلار

جیبیمده جیب بیچاغی
اولدوم ائللر قاچاغی
بیر سحر گل بیر آغشام
بیرده گون اورتا چاغی


آغاج ساری گول ساری
آغاجا قوندو آری
اصلیمی خبر آلسان
آذربایجان مارالی


عزیزیم یارا سیزلار
گون دوشَر یارا سیزلار
یارالی‌نین دردینی
نه بیلر یارا سیزلار؟


داغ اوستونده یارا باخ
یانیمدا بو یارا باخ
هر کس بیزی ایسته‌میر
گٶزونده بی‌بارا باخ


داشلی بولاق↙️
@dashlibulaq

قوْجا دئدی :

اوْغول هر ایشده قۇرد کیمین اوْل،
نئجه قۇرد الینه گیره‌وه سالان همی قوْیونو کئچی‌نی تۇتوب و بیر آن دایانماز، بیلیر فیرصتی الدن وئردی دای فیرصت اله دۆشه-دۆشمه‌یه یا قیسمت!

@dasbulaq

آل آلمایا داش آتان چوخ اولار
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

#کوراوغلو داستانی8⃣

کور اوغلونن ایستانبول سفری(3)
@dashlibulaq❤️

....کور اوغلو ایسته ییردی دگیرمانچینین آروادینین کؤمگیله نیگاری گؤرسۆن .
آرواد کوراوغلونون منظورون آنلاییب دئدی؛
آی اوغول من نیگارخانیمی سیزه گؤستره بیلمرم؛ خودکار (پاشا) ائشیدر بواوچوق داخمامێزێدا باشیمیزا اوچوتدورار . صاباح جۆمه گۆنۆدۆر، نیگار خانیم باشیندا قیرخ اینجه قیز گوللی باغا گزمگه چیخاجاق، باجارسان اؤزۆن گئت ، اوردا نیگاری گؤر آپارابیلیرسن آپار.
کوراوغلو گئجه دگیرمانچینین ائوینده یاتدی ، صاباح آچیلدی قالخدی قێر آتی چکوب میندی، دگیرمانچی خودکار قیزی نیگارین گۆللۆ باغینی اونا گؤستردی ، کوراوغلو قیر آتی دگیرمانچی دئدیگی طرفه سۆردۆ بیر باغین قاپێسێندا بیر باغبانا توش گلدی دئدی:
آی باغبان، خودکار قیزی نیگار خانیمین گۆللۆ باغینی منه نیشان وئر.
باغبان گؤردۆ بو آتلی اوجا بویلو انلی کۆرکلی، یاراقلێ ، یاساقلێ بیر ایگیتدیر . کوراوغلو باغبانین خوشونا گلدی، دئدی:
گۆللۆ باغێ سنه نیشان وئره بیله رم اول سویله گوروم سن کیمسن؟
بو بوی بوخونلا، بو آتلا، یاراقلا سنه سلطنت صاحیبی اولماق یاراشێر.
باغبان جاوابیندا کوراوغلو سازێ آلدێ الینه گورک نه دئدی:

قیر آتا چکدیررم بیر جۆت اۆزنگی
اوجا داغ باشیندا دوتارام جنگی
قیرارام عثمانلینی، هندی فرنگی،
استانبولدا قیلینج چالارام اینشاالاه

قیر آتیمی بسله میشم قهرینده
گؤزل گؤرممیشم یارێن تهرینده
جۆمه گۆنۆ ایستانبولون شهرینده
خودکاری تختیندن سالارام اینشاللاه

قاریشمایین کور اوغلونون ایشینه
داو گئللم دۆشمنین اللی بئشیه
قوزقون قونار یاغیللارین لئشینه
سلطنت صاحیبی اولارام اینشاللاه

باغبان دئدی:
اوغول سنون گزدیگین نیگار خانیمین گۆللۆ باغی ائله بورادی اونون باغبانیدا منم. نیگار خانیم بو گون باغا گزمگه گله جک.
کور اوغلو دئدی: باغا گیریب من اونو گوزله یه بیلرم می؟
باغبان دئدی: خودکار بیلسه سنی باغا بێراخمێشام منی دارا چکدیرر اما سن خوشوما گلیرسن ، قێیمارام بوش قایێداسان آتێنێ بیر یاندا باغلا گؤزله، ایندی نیگار خانیم گلر گؤررسن..........

بوخون: اندام

یاراقلی: مسلح ( اسلحه لی )

اۆزنگی : نوخدا ( افسار )

تهرینده: شکلینده، اونا بنزر

داو: حریف

یاغیللار: اؤلن بیر موجود

قێیمارام: اۆره گیمدن گلمز

داشلی بولاق↙️

@DASHLIBULAQ💕💕💕💕

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 20
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

بایرام آیی

قیشین سوْن آیی کند یاشامیندا چوْخ اؤنملی(مهم) بیر آی‌دیر!
هاوا سوْیۇقدان دۆشوب کۆم تؤیله‌دن حئیواناتی گۆن قاباغینا چیْخارتماق اوْلار!
قاپ-باجانی آچیق قوْیوب، مال-داواری گۆو قاباغیندا دوْلاندیرارلار، یئردن بوغ قالخار
بایرام آیی آلا چلپوو (چرپوو) آیی دیر، قار یاغیرسا تئزجه ارییه‌ر، داملار دامار، یئل اسَر
گۆنوز ایستی اوْلدۇغونا گؤره خانیملار ائو ایشلرین باشلارلار ...
ائو آغاردارلار ، یوْمالیلارین یۇوارلار و.... بایرام اۆچون ساهمانلاشارلار ...

بایرام آیی دیریلیک، چالیشماق، اۆمودلۆک آیی‌دیر..

قدیم چاغلار بو آیدا بیر ایللیک نؤکرلرین آیلاری چیْخاردی (قراردادلاری قورتولاردی)
اوْنا گؤره بۇ آیا "آغا .... آیی" دئیردیلر: ایشلییه‌م ایشله‌مییه‌م قۇتولور..

قدیم چاغلار بو آی لابی آیی دیر، کندلرده ایش‌ اوْلمامادان چوْبان ناخیرچی اوْلماق ایسته‌ین چوْخ اوْلاردی، اوْنا گؤره اوْلار هامپالارا یالواریب اوْلارین کۆم -تؤیله‌ ایش‌لرین گؤرمکله منی یازدا چوْبان سئچین بیلدیرردی...

بایرام آیی اؤکۆزلر آیی‌دیر. ..
اؤکۆزلری چایا سۇوا آچاردیلار و اوْلاردا قیشدان چیْخماق سئوینجینه و دینجلیگینه گؤره ساعاتلار بیربیرینن باش-باشا قوْیوب هئلله‌شردیلر ...

بایرام آیی توْپراق آیی ایدیر، گۆن تۇتان یئرده قار آلتیندان چیخان توْپراقلار اۇشاقلارا اوْیۇن یئری و توْیوق هئشترخانا دئشه‌نک آتما یئریدی، ایستی اوْلدوغونا گؤره...

بایرام آیی سۇ آیی ایدیر، قارلار اریمه‌گه باشلاردا آرخ‌لار دره‌لر دوْلو سۇ گلردی ...

بایرام اوْد آیی‌‌دیر و سوْن چرشممه گئجه سی دام اۆستونده، تپه باشیندا و ... توْنقال قالاردیق ...

بایرام آیی طبیعتین لاپ سئویملی آیی ایدیر

@dasbulaq

بایرام قاباغی ائو آغارتماق

قدیم زامانلار ایندی‌کی کیمی ائولرین ایچی گچ دئییلدی

بیر طرفدن ائولرده تندیر سالیناردی ، ایل باشا چاتاندا ائولر قارالاردی و هیس باساردی ، خانیملار اولده ائوی بوشالداردیلار ، سونرا هیسین آلاردیلار
هیسی آلدیقدان سونرا "آغ توپراق" کی قاباغدان گئدیب چولدن (آغ توپراقلیقدان) گتیرمیشدیلر ،سو ایلا قاتیشدیریب ائوی آغارداردیلار

بیز اوشاقلاردا ائو آغاردان گونو ائشیکده بایرام قاباغی گٶزل هاوالاردان استفاده ائله‌ییب ، اوینایاردیق یادا کی چٶلده "نوروز گولو " آختارماقلا گونوموز سوواردیق

بو آغ توپراغین تَزه آغاریلان ائودن گٶزل بیر اییی گلردی ....

داشلی بولاق↙️
@dashlibulaq