آشیق فرج‌اله مرادی

🌸گلین - قایننه🌸

داشلی بولاق↙️

@dashlibulaq

سو چرشنبه سی سوفراسی
گؤندرن: عباس بئی حوسئینلو
@El_bilimi
@N_sinafar

سو چرشنبه سی گلنکلری:
بو گون تاباق یا سوفرانین اورتاسیندا سو اولمالی دیر . سحر آخار سودان گتیریب قاپ باجایا سپرلر.
خسته قوجالاری سودان اوتای بو تایا گئچیریب آیدینلیق و ساغلیق آرزیلارلار.

عباس بئی حوسئینلو
@El_bilimi
@N_sinafar

#کوراوغلو داستانی2⃣

...علی دئدی: اوغول عومریمین اولیندن آخیرینه‌قدر حسن خانا قوللوق ائلدیم عوضینده گوزلریمی چیخارتدیردی. ایندی بیز بورادا قالا بیلمه‌ریک، آتلاری چک منیم الیمدن دوت گئدک. روشن آتاسینین الیندن توتدی آتلاری چکدی اورادان یولا دوشدیلر. آخشاما قدر یول گئتدیلر، آخشام بیر چای قیراقینا چاتدیلار علی کیشی اوغلوندان گلدیگلری یئرلری خبر آلدی، روشن دئدی:آتا بورا چای قیراقیدور هر طرف آغاچلیق اوتلیق بیر یئردیر، قوجا علی دئدی : اوغول بورادا یورد سالماق اولماز، ایلخین مال قاطیرین الیندن دینجه‌له بیلمه‌ریک حسن خان خبر دوتار بیزه نامردلیک ائیلر. آتا ،اوغول او گئجه چای قیراغیندا قالدیلار، صاباح آچیلدی دوروب یولا دوشدیلر او گونی یول گئتدیلر آخشام بیر دوزه‌نگاها یئتیشدیلر علی اورانین نجور چول اولدیغینی سوروشدی ، روشن دئدی: آتا بورانین اوجی بوجاغی بیلینمییر دوزنگاه‌دور، قوجا علی دئدی بورادادا قالماق اولماز آت مینن بوردا دوشر کروانلار آیاغی آلتیندا قالاریق ، اتا اوغول اوگئجه نی اوردا صاباح ائله‌ییب گینه یولا دوشدیلر ، گئتدیلر گئتدیلر بیر اوجا داغین بئلینه چاتدیلار قوجا علی گینه سوروشدی اوغول بورا نئجه یئردیر؟ روشن دئدی: بورا سیلدیریم قایالیق، چئنلی چیسکینلی بیر داغ بئلیدر . علی دئدی: من آختاردیغیم یئر اله بورادیر اصل یورد سالمالی اله بو چئنلی بئلدیر . اوزیمیز اولماغا بیر اولاجاق(ائو) آتلار سالماغا بیر پَیه (توله) تیک روشن اولاری دوزلتدی. داملار باشا گلندن سونرا علی دئدی: اوغول آتلاری تویله‌یه چک باغلا قاپو باجانی باسدیر یاخشی موغایات اول گوزله آتلارین اوستونه هئچ ایشیق دوشمه‌سون، روشن آتاسینین دئدیگین یئرینه یئتیردی وآتلارا قوللوق ائله‌مَگه باشلادی. بوندان بیر چوخ زامان گئچدی بیر گون علی دئدی: اوغول منی آتلارین یانینا آپار، روشن آتاسینین الیندن دوتوب تویله‌یه آپاردی علی آتلاری سیغارلاییب روشنه دئدی آتلارا گینه یاخشی باخ ،روشن گینه آتلارا داها یاخشی موغایات اولماغا باشلادی،آتلارین بیریسینین آدی قیر آت بیریده دورآت قویموشدیلار علی گینه سوروشدی اوغول آتلار نئجه دیر نئجه یئییللر؟ روشن دئدی قیر آت دگیرمان کیمی اولوب آرپا سامان یئتیرمک اولمیر دورآتدا یاخشی دیر آنجاق قیرآتدان آز یئییر اوزیده دینج‌دیر آما قیر آت دوروب دینجَلمیر قیزمیش نر کیمی اویور اویور اویناییر . علی روشنه دئدی اوغول آتلار بوییبلر مینیلمک حددینه گلوب ایندی اونلاری بیر بیر برک بوشا سالماق لازیمدور...

دوسلار کوراوغلو داستانین هر گون بیر قدر یازیب گوندره‌جه‌ییک گوره‌ک کور اوغلی بو بسله‌دیگی قیرآتینان نئجه گئدیب حسن خاندان آتا سینین اینتیقامین الاجاق؟؟

بیزینن یول بیر اولون داشلی بولاق آخاقیندا↙️
@DASHLIBULAQ✅

‍ #آتالار_سٶزو

پیشیک

• پیشیک آتاسینین خئیرینه سیچان توتماز


• پیشیک اؤلوب ، سیچانلارین بایرامیدیر

• پیشیک ائودن چیخاندا ، سیچانلار باش قالدیرار

• پیشیک بالاسی اؤزونو آناسینین دؤشونده گیزلَدر


• پیشیگین قانادی اولسایدی سئرچه‌دن علامت قالمازدی

• پیشیگین گؤزو سیچان دئشیگینده اولار

داشلی بولاق↙️
@DASHLIBULAQ

آشیق یدالله عیوض پور👇👇

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 15
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

‌#یاشماق
یاشماق دوتماق آزربایجانین لاپ قدیم رسم و روسوملارندانیدی کی ایندیده چوخلی عشاییر موغان و شاهسئون قادینلارین آراسیندا دوام ائدیر و آنلامیدا بودورکی قادینلار نامحرملرین یانیندا چوخ دانیشمازدیلار و بوییکلرین حورمتین ساخلاردیلار .
تاسسوفله بئله گوزل و دَیرلی روسوماتلاریمیز آرادان گئدیر و تکجه بویوک آنالاریمیز (مَشه‌ننه‌لر) آراسیندا شاید قالمیش اولا .

داشلی بولاق ↙️

@DASHLIBULAQ💕🌹

بدن عضولری

*باش بارماق = انگشت شست
* چه‌چه‌له-چیلیک-جیلی بارماق= انگشت کوچک
* شهادت بارماقی = انگشت اشاره
* اورتا بارماق = انگشت وسط
* دیرناق = ناخن
* اووج = کف دست
* بیلَک مچ دست
* قول = بازو
* بوغاز = گلو
* خیرتلاق-خیرتلَک = خرخره
*دوداق = لب
* یاناق = گونه
*اَنگ = فک
* باش =سر
* کیپریک = پلک
* گٶز =چشم
* قاش = ابرو
* آلین = پیشانی
* توک -ساچ = مو
* بورون = بینی
* قولاق = گوش
* بویون = گردن
* چئیین = شانه
* قولتوق = زیر شانه
* دوش =سینه
* ممه = پستان
* دیرسَک = زانو
* بئل = کمر
* قارین = شکم
* گٶبک = ناف
* قیچ = ران
* آیاق = پا
* دابان = پاشنه
* دیز = زانو
* توپوق = قوزک پا
* بالدیر = ساق پا
* بود = ران
*اومبا = لگن
* باغیر = آغوش

داشلی بولاق
@dashlibulaq

⚜انواع شعر آشیقی

🖌حربه-زوربا

حربه-زوربا تهدید و ترغیب در حقیقت نوعی "دئییشمه"‏ است که در آن عاشیقها ضمن مناظره، یکدیگر را تهدید می‏کنند. حربه-زوربا یادآور رجزخوانیهای میدان نبرد است.

🖌نمونه‏‌ای از حربه زورباها،میان
خسته قاسم و عاشیق علی

عاشیق علی

گل سنه سؤیله‌ییم،آی دده قاسیم
عاشیقلاردا حکم روان منم من
چوخلار دوشوب منیم‌ تور چنگیمه
شکارلار اوولایان ترلان منم من

خسته قاسیم

آل جوابین دئییم آی عاشیق علی
معرفت تختینده سلطان منم من
عرب،عجم،فارس،سریان دیلی له
عالم ایچره اهل عرفان منم من

عاشیق علی

علی‌یم الیمدن گئدرسن دادا
باغلاییب قوللارین وئررم جلادا
دولاندیرام آیاق یالین پیادا
قاف داغی‌یام،اوستو طوفان منم من

خسته قاسیم

گون کیمی شاخیسام ارییر قارین
قورویار بوداغین ‌تؤکولر بارین
زمستان ائیله‌رم بو‌ ایلک باهارین
قاسیم دئیر:شمع سوزان منم من.


داشلی بولاق

@dashlibulaq

آتا بابا ناغیل لاری


بیر گون کندده بیر قوْجانین اؤلۆم واختی یئتیشدی، انسانلاردان حالال‌لیق آلیب قۇتاریب، حیوانلاردان حالاللیق آلماغا باشلادی
حیوانلارین هاممیسی حلال ائله‌‌دی، گلدی دوه‌یه چاتدی
دوه قوْجایا دئدی: منی آج ساخلادون حالال خوْشون اوْلسون،
سۇسوز ساخلادون حالال خوشون اولسون،
گؤردۆیون ایشلرین هاممیسی حالال خوشون اولسون
آنجاق بیر گون منیم ایپیمی قوْدوغون قویروغونا باغلادین
قیامته‌جک سنی اوْنا گؤره حالال ائله‌مه‌رم

@dasbulaq
قایناق:
https://telegram.me/joinchat/BfnUXzxtymmc_cYneYz9uA کانال حیدرباغی

*داشلی‌ بولاق* (کاغازکونان فولکلورو):
#کوراوغلو داستانی3⃣

... قوجاعلی اوغلو روشنه دئدی ؛ایلک دفعه قیرآتی اوندان سونرا دور آتی مین، سونرادا سولانمیش شومدا سئیریت سونرا قارا تیکانلیغا سور ، اوندان سونرا سیلدریم داشلی داغا چاپ،
روشن آتاسینین اوره‌تدیگی کیمی اول قیر آتی میندی سونرا قوجا ایلیخچی‌نین یانینا قایتاردی قوجا علی قیر آتین بورنینی دوتدی اورگینه قولاق آسدی دیرناقلارینی یوخلادی قیر آتین بورنینی سیخاندا هئچ ئوسکورمدی، سینه سی تویشه‌مدی دیرناقلاریندا بیر قیراقدا پالچیق تاپیلمادی بالدیرلارینی یوخلادی هئچ بیر یئرینده تیکان ایزی بیر یارا گورمدی،روشن بو دفعه دور آتین اوستونه سیچیرادی قیر آتی چاپدیردیغی یئرلره آپاردی سونرا قوجا علینین یانینا قایتاردی،
قوجا علی قیر آت گیبی دور آتیدا یوخلادی ، اوغلو روشنه دئدی قیر آت سیناقدان (آزمایش،امتحان)چوخ یاخشی چیخدی ایسته‌دیگیم کیمی منی سئویندیردی دور آتدا یاخشی چیخدی امک ایتیرمدی آنجاق قیرآتا تای اولا بیلمز قیر آتین برابری چرخ آلتیندا تاپیلماز ، قورخولی سفرلره ، دوشمن اوستونه،قالالاری آلماغا همیشه قیر آتی مین گئت، قیرآت سنی چوخ داردان اولومدن قورتارار، قیر آتین آدی عالمه یاییلار ،قیرآتین قدرینی یاخشی بیل، اونی جاننان عزیز ساخلا.
بوندان بیر چوخ وقت کئچدی بیر گون ایلیخچی علی دئدی:اوغول روشن قیر آتدا دور آتدا بویودی، ایندی سیناقداندا چیخدیلار ، ایندی حسن خاندان قصاص آلماق وقتی چاتوب چک آتلاری یهرله مین حسن خانیین اوستینه گئدک ......

داشلی بولاق↙️

@DASHLIBULAQ✅

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 16
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

‍ قادیر آللاه دوغرو یولدان دییَنده .

قولاق آسان چوخدی قانان آز اولار.

چوخلار دییر اوخوموشام عالیمم.

معریفت بحرینه واران آز اولار .

🍂🍂🍂

دین اولوب افسانه دونوب داستانا.

توز قونور ائولرده ایندی قورآنا .

هر دیده آغلاماز دینه ایمانا.

دوغرو یولا دوغرو ایمان آز اولار.

🍂🍂🍂

داده یئتیش گؤزل شاه ذوالکرم .

بدعت اهلی دوتوب الینده قلم .

فتوا وئریر اوخومامیش دم به‌دم.

الده قلم دوغرو یازان آز اولار .

🍂🍂🍂

کاتب اوغلو یامان حالیم قاریشار.

بیلن لر لال اولار جاهیل دانیشار.

جانیم فغان ائیلر جسد آلیشار .

انسانین دردینه یانان آز اولار .

( کاتب اوغلو)

داشلی بولاق↙️
@DASHLIBULAQ💕

‌اوْخۇردوق:

ایکی خوْروز ساواشدی
بیری قانا بله‌شدی

بله‌شمک: بولاشماق، آغشته شدن
بله‌نمک: بولانماق، سریلمک، پیچیده شدن (بله‌ک)
قانا بله‌شمیش بله‌گین: قنداق به خون آغشته ات
اؤز قانینا بله‌ندی: به خون خود آغشته شد

بولاشماق، بولانماق: آلوده شدن (بولاشیم: آلودگی)
بله‌شمک، بله‌نمک: آغشته شدن

بلشتی: بله‌ش+تی (پیوند اسم ساز ترکی مثل آغارتی)، پلشتی، آلودگی

این کلمه در فارسی به صورت " پلشتی " دخیل می باشد.

@dasbulaq

شکیل : کاغازکونانین گوو کندیندن

بیریسی دوه‌نین اۆستۆندە قاووُت (قوْووُت)یئییرمیش،آغ یئل‌ده بتر اسیرمیش. یولداشی سوروشدو نه یئییرسن؟
دئدی بئله کی یئل اسیر هئچ زاد


قاووت(قوووت):بوغدانی قاووروب قاوورقا ائدیب و اونو ال داش دییرمانیندا اون ائدرلر یئیرلر یادا دوشابا قاتیب یئیرلر. بترده دادلی و یئمه‌لی اولار



https://telegram.me/qarlisavalan

دوستون سفراسینین دوزوندان دادام
ارزیشین بیلمه‌سم اٶزومه لعنت
دوستون ناموسونان چپ باخا گٶزوم
اوندا باخیشیما ، گٶزومه لعنت

نَییمه لازیمدی گٶیدن زر یاغا
یاقوت ، یمن، لعل ،مرجان دور یاغا
دانیشاندا سوزله‌ریمدن شر.. یاغا
دوزده اولسا ،سوزوم، سوزومه لعنت


اوره‌گیم. . یانمییا. .گوزوم. . دولمویا
دردی. .گٶره- گوره. رنگیم. سولمویا
آستاریمدا . اوزوم. .کیمی. . اولمویا
استاریما، لعنت، اوزومه لعنت

باخیشیمدا، گرک، نجابت ، اولا
آغیر ،معنا ،اینجه ظرافت اولا
اَیریم اَیری اولا ،دوزوم ،دوز اولا
اولماسا، اََیریمه ، دوزومه ، لعنت

گله جه‌یه یاخچی سٶزوم قالماسا
دوز آستاریم یاخچی اوزوم قالماسا
مندن سورا یاخچی ایزیم قالماسا
قوجا اغلار ، دییَر ایزیمه لعنت


داشلی بولاق
@dashlibulaq
بوتون تورک ایگدلرینین ساغلیقینا

اینانج‌لار(باورها)

#اوزرلیک(اوزَرریک)

اوزرریک سن هاواسان
یوز مین درده داواسان
درد قاپودان گیرنده
سن باجادان قوواسان

داشلی بولاق
@dashlibulaq

#کوراوغلو داستانی4⃣


....روشن شئشپر گوتوردی ،قالخان آسدی قیلینج باغلادی ، چکدی آتلاری یهرله‌دی . قوجا علی دور آتا ، اوزی ده قیر آتا میندی . سوروب گئتدیلر حسن خانین عیمارتینه چاتدیلار.؛
روشن بیر طرفده دایاندی ، قوجا علی دورآتی عیمارتین قاباغینا چاپدی حسن خانی چاغیردی.:
حسن خان عیمارتدن ائشیگه چیخدی هوندور بیر آتین اوستونده گوزلرینی چیخاتدیردیغی قوجا علینی گوردی ،اوندان بیر آز آرالی دا روشنی گوردی انلی -دوشلی، دولی اورتالی ، نر بیچیملی بیر آتین بئلینده.
قوجا علی دئدی؛حسن خان بو آتلار سنین بگئنمه دیگین
اوستینده منیم گوزلریمی چیخارتدیغین او آریق قولانلاردیر، ایندی بئله آت اولوبلار سندن قیصاصیمی آلماغا گلمیشم .
حسن خان علی‌نین بو سوزیندن آجیقلاندی، اونا قیلینج چکوب هوجوم ائتمک ایسته‌دی ، روشن بونی گوروب آمان وئرمدی قیر آتی حسن خانین دوز اوستونه سوردی میصری قیلینجی چکدی بوینونا بیر قیلینج ووردی باشی یئره دیغیرلاندی ،
سس، کوی قوپدی روشنین حسن خانی اولدیردیگینی هامی بیلدی ، قوشون یئریدی روشن قورخمادی قوشونون قاباغیندا مرد مردانا دایاندی ووروشماغا باشلادی ، بیر یاندان قیر آت بیر یاندان دور آت ،
بیر یاندان روشن اوزی شئشپر ایله ، میصر قیلینج ایله قوشون دسته سینی الدن آیاقدان سالدی قیردی داغیتدی،بو زامان ایکینجی دسته گلدی بیر آز گئچدی اوچونجی ، دوردونجی،بئشینجی دسته لر روشنه هوجوم ائله دیلر.
قوجا علی بونی بیلوب دئدی؛
اوغول بو قدرقوشونا سن تک جاواب وئره بیلمزسن ، آخیردا یا اولدوررلر یا دوتارلار، سور آتلاری اوزوموزی قوشوندان قورتاراق.
روشن ایلک دفعه آتاسینین سوزونه باخمادی، میصری قیلینجی ایله دریا قوشونا هوجوم ائلدی . باشلار کسدی ، قوللار قیردی، بدنلر یئره سالدی ، مرد مردانا مـئیداندا دایاندی چوخ ایگید‌لیکلر گوستردی ، سونرا گوردی بو قدر قوشونون قاباغیندا تکجه دایانماق اولمایاجاق ، آخیردا علاجسیز قالوب آتاسیله برابر دعوادان ال چکوب آتلاری سوردولر، اوز چوله قویوب قوشون اونلارین دالینجا دوشدی .....

داشلی بولاق↙️

@DASHLIBULAQ✅