بؤیۆک باهالیق

ناهاردان بیر ایکی ساعات کئچمیشدی آتام کنده گلن قوْجا بیر نابلد چرچی‌نی ناهارا قوْناق گتیردی
آنجاق تله‌سیک اوْلاراق آنام اوْنا یوْمورتا قیغاناغی پیشیریب بیر شربتی قاتیق ایلا گتیردی!
سفره‌نی آچیب چؤره‌گی یاوانلیغی قوْیاراق دئدی: مشدی قارداش باغیشلادا گئج اوْلدۇغونا گؤره ناهار یئمیشدیک سنه قوْلای بیر یاوانلیق اوْلدو!

ائله بیل کیشی‌نی اوْدلادیلار بیر ال-هایا قالاراق دئدی:

یوْخ باجی آمانین بیر گۆنودو بئله دئمه، سن باخ گؤر آللاهین گۆل نعمتلرینده نئچه سین سفره‌یه قوْیوبسان، آماندیر ائله دئمه آللاها آجیغ گئدر. ائله بو تندیر چؤره‌گی منه بسی‌دی!

چؤره‌گی جانا سینن یئدی آللاها شوکورلر ائله‌دی، ائویز آباد اوْلسون سفره‌ز آچیق نعمتیز بوْل دئییب، چکیلیب یاستیغا دایاندی!

اوْتدۇم یانیندا دانیشدیردیم و دانیشدی قان آغلادی

بؤیۆک باهالیق دان دانیشدی
آجیندان اؤلنلردن آج قالانلاردان

و دئدی سیز آللاه بو زامانین و بو نعمتلرین قدرین بیلین چؤره‌گین قدرین بیلین بیر کیچیک تیکه‌سینده حیف ائله‌مه‌یین
چؤره‌گی گؤز اۆسته ساخلایین!

کاش بؤیۆک باهالیقدا چؤره‌ک اوْلایدی ائله تک قۇرو چؤره‌ک

@dasbulaq

💢 شهریار سددی

ننم قیشدا اینکلری ساغاردی
میس بایدادا گورَردیک سوت آغاردی
سحرتئزدن سوتون اوزون ییغاردی
نه کئف ایله قایماقلاری یئیَر‌ردیک
یوز مین دفه شکر آللاها دئیَردیک


تانییاردی هر اینک اٶز بالاسین
چوخ ایستَردی بالاسینی یالاسین
قویمازدیلار بیزو* امسین کالاسین*
آغزیمدا وار دادی هنوز آغوزون*
کونلوم ایستیر کالالارین آغ اوزون

٭٭٭٭٭٭٭٭٭٭٭٭

قیشدا حشم* طویله‌لرده قالاردی
ساری اینک چوخ بعیلتی سالاردی
بوینوزونو آخورلارا چالاردی
اینکلره اوهه دئیَن دیللره
قربان اولوم سوتون یئیَن ائللره


مرد اوغوللار داغی داشی یاراردی
قشو دریب حشم اوستون داراردی
اولاغیندا باشینا بیر قاراردی
خره‌کلری* آسلایاردی اولاغدان
قالونلاری دولدوراردی بولاقدان

٭٭٭٭٭٭٭٭٭٭

آخشام اوستو وقتین بئله سوواردی
قاب گوتوروب نووالانی* اوواردی
اوندان سونرا الین اوزون یوواردی
شامین یئییب تیرینگه‌سین اوخوردی
گٶیچک -گٶیچک گٶزه‌ندیلیک* توخوردی


حیف اولسون او گونلره گون چاتماز
وطن سنی هئش کس یاددان چیخاتماز
ناله‌سسین یالان یئره اوجالتماز
کیم اولدو کی بیر سس وئرسین بوسسه!؟
نیه قویدون بوجور دوشک قفسه؟!

*********

روا بیلمه ائولروه سو دولسون
چلتیک*لیگون ، کند یئرلرون قوتولسون
سد ووریلدی ، قویما یولون توتولسون
بلکه گلیب بیر ائوممیزی گوروم من
اوشاقلیقین یوره‌گینی* سوروم من


هئش یئر چیخماز تورپاقوون دادینا
سد ووریلدی اول اوستور* آدینا
سونرا دوشدوک شهریارین* یادینا
سددین آدی ثبت اولوندو شهریار
کوچون چاتان وطن دئییب آغلیار

٭٭٭٭٭٭٭٭٭٭٭٭

قالارنلارا دینن: کوچون چاتماسین
چول کوشه‌نین مفته- مفته ساتماسین
گلیب اٶزون غریبلره قاتماسین
بو غربتدن چوخلار بیزار اولوبلار
انتظاردان سارالیبلار سولوبلار

✅فهیمه اختیاری ممان(رعنا)

1388 ه.ش

*بیلیملر👇7

بیزو*= گوساله

کالا*: آغوز، شیر گاو تازه زاییده

آغوز*: کاله یا شیر گاو تازه زاییده که خیلی غلیظ و باطعم و مزه مخصوصی میباشد، بنا به دلایلی آن شیر را به مدت سه چهار روز به خورد گوساله نمیدادند
به همان شیر غلیظ، آغوز یا کاله میگفتند و پختن آن شیوه خاصی داشت
آغوز را با شیرمعمولی در حرارت پایین میپختند و محلولی خوشمزه و غلیظ درست میکردند که در زبان ترکی --بولاما-- نام داشت
و یا درتنور میگذاشتند پخته میشد وچیزی فوق العاده خوشمزه مانند پنیر تازه ولی به رنگ سفید و زرد درست میشد که در زبان ترکی --کالا--میگفتیم
➖➖➖➖➖➖➖➖➖➖➖
حشم *: مفرد احشام

قشو: یا --وره ک -- در کوه و بیابان یافت میشود و برای شانه زدن احشام از آن استفاده میشد

خره ک: وسیله ای از جنس چوب یا آهن بود که
بجای خورجین آنرا روی اولاغ مینداختند و برای حمل دبه آب استفاده میکردند

قالون: دبه

نووالا *: سبوس برنج ، که با کمی آب مخلوط میکردند و برای خوراک دام و طیور استفاده میشد

گوزه ندلیک : در فصل تابستان از این بافت مخصوص برای محافظت چشم دام از گزند مگس و زنبور استفاده میشد

چلتیک*: شلتوک / چلتیک یئری: شالیزار

یوره ک: روروئک که در ایام قدیم از چوب درست میکردند

اوستور: نام روستایی که سد شهریار در همان روستا ساخته شده

شهریار: زنده یاد محمدحسین بهجت تبریزی شاعر نامدار آذربایجان


داشلی بویلاق↙️
@dashlibulaq

آغاج داراق
@dashlibulaq

#آتالارسٶزو

چیراق اٶز دیبینه ایشیق سالماز

@dashlibulaq

‍ چاریق- آیاق قابی


چاریق - چارق -آیاق قابی،  قدیم زمانلار آدام بالاسی آیاق قابی‌سینی مال داوار گؤنییلن تیكیب وآیاقلارینی سویوقدان توز تورپاقدان و كسه‌ر داشلاردان قوروردیر بو باشاریق كئچمیشدن بو گؤنه قدر قالمیشدیر و بو گؤنده اٶز فورماسینی قورموشدور و بیر او قدر شكیل باخیمیندان فرق ائلمه ‌میش . بو چاریق نئچه ایللر بوندان ازل‌دن قالمیش و گؤردویونوز كیمی ایكینجی چاریقلا كی بوزامان  چاریغیدیر  چوخ آز فرقی وار  حالا اوستا آیاق قابی‌چی بو پئشه‌نی داوام ائتدیریر و گؤزل گؤیچك آیاق قابیلار تیكیر اللری آغریماسین بو فورم  ایاق قابی ایستی هاوالاردا آیاغا گئییلیر شكیل وفورما باخیشیندان كئچمیش زامانلارا چوخ فرق ائتمیش بو فورمدا آیاق قابیلار سویوق و قار- یاغیش زامانلار، آیاقا گئییلیر،گؤردیینیز كیمی داواملی و رنگلی و ناخشیلی‌دیر بو گؤن آذربایجان‌دا بیر چوخ دیل‌داشلار آیاق قابینا باشماق‌دا ‌دئییر 

http://azerbaijani.arzublog.co

داشلی بولاق↙️
@dashlibulaq

زنگاندا تیکیلن مدرن چاریق- آیاق‌قابی‌لار

داشلی بولاق
@dashlibulaq

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ نومره 12
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

قارا چوخا
سون بٶلوم

هیبت دئدی: حکیم باشی! قاراچوخا، دای سؤزون یوخ؟ خوداحافیظ..
گلدی چاتدی او آغاجا، آغاج دئدی: سؤیله گؤرک، دردیمه درمان اولاجاق؟ هیبت ائشیتدیگین دئدی، جوابیندا شۆلکوت آغاج سئوینیرکن بئله دئدی:

سن‌کی بیلریرسن کؤکومده آغیر قیمت خزینه وار
گل قازگیلان نوش جانین شانسین ایچین بهانه وار
من نئیلیرم خزینه‌نی، سنین اولسون من دێرچه‌لیم
اقبالیندان اۆز دٶندَرمه، خئیری اونون جهانه وار
لوطفو بیزه شامیل اولوب، ایکیمیز ده بخته‌وَریک
شۆکر ائیله‌یک شان تانری‌یا، کرمیندن نیشانه وار

هیبت دئدی: هوشون جاییب؟ کیم گئده‌جک قازما آلا! بئل گتیره! توزا باتا! بلکه اوردا طیلیسم اولدو، من یازیغی ایلان چالدی؟ قارچوخام دوروب منیم اوچ پیالا مئی‌ییم اولسا هئچ شاهادا باش اگمه‌رم.. تله‌سیرم سالامات قال مئیخانا گؤزله‌ییر منی!!

گلدی چاتدی قاشقا آتا، آت سؤیله‌دی: هیبت الله خوش خبرسن؟ هیبت دئدی: سنین دردین، مێنیک! مێنیک! بیر نفره مێنیک وئرسن ،قێورالارسان! آت سئویندی، شیهه چکدی، فینجیدارکن شیللاق آتدی سؤیله‌دی: -آی اومود ائویم هیبت الله....
آت کیشی‌نین یولداشیدی 
دار گۆنونده قارداشیدی
داغ دربنـدین اویناشیـدی
مرکب ائله مێنیک وئریم
 شاه یانیندا واردی یئریم
بیر منّـت قـوی بوگردنه 
یهَر اوزه‌نگی آل منه
قوللـوق ائـدیم اؤزوم سنـه
جنگه گئتسن من ده وارام
فایتون قوشسون خیدمتکارام
بیر توفنگ آل چئینیوه آس
گردنیمی باغرووا باس
یـورغالاییم سن قـولاغ آس
قوی دئسینلر هیبته باخ
غیـرتلیــدیر غیــرته باخ

هیبت دئدی:
چوخ دانیشما باس باییرا
 کیم سنه طؤوله قاییرا
آخــور تیــکه یئـر آییـرا!
سنی چیمنده اوتارا
کــؤکه‌لَنـــده قــورد آپارا
منه نه لازیمـدی توفنگ!
دانیشیغین بوتون جفنگ
مئیخانایا گـــلن مفنگ
بیر قورتوما باش اَندیرر
ســاقـــــــی منه قاش اَندیرَر!
من گئـدیرم سالامات قال
مطلبووی اؤزگه‌دن آل
اولمادیم کی سنه حاممال
پوخ- پۆسورون تؤکم چؤله
یالان دئسم جواب سؤیله

قاشقا آتا بوتون دگدی، پارا دگدی، باشی سالدی اشاغی‌یا، هیبت دئدی: سالامات قال، مئیخانا گؤۀزله‌ییر منی!

گلدی یئتیشدی اسلانا،گؤردو آسلان گئنه دالاغی وورولان کیمی باغیریر! هیبت دئدی: سولطان اسلان موشتولوق وئر! قارا چوخام گؤزون آچدی.
اسلان دئدی:
آللاه قووات وئرسین سنه، نئجه گئتدین نئجه گلدین؟
هیبت دئدی: بئله گئتدیم، بئله گلدیم، بئله اولدو.. باشلادی بیرماهنی بئله...

باغیــرما آی اسـلان، قولاق وئر منـه
گؤردویوم گون‌لردن بیر دئییم سنه
ائـتــدیییم گــــوناهی آللام گــــردنه
مالیمی داغیدیب بادا وئرمیشم
کـؤنلــومو آشنــــادان یادا وئرمیشــــم
دده‌مین هێمـینه سو باغـــلامیشـــام
ساققال آلازلاییب بیغ یاغلامیشام
اینـــــانمــا آناما مــن آغــلامیشـــــام
او اؤلنده من ده ساغر ایچیردیم
کیشی‌له‌نیب ساقی‌یــه خوب بیچــــیردیم
منیـــــم حۆجره مئیخـــانالار بوجـــاغی 
خارابالار اولدو هیبت یاتاغی
کیــفیر باســـدی اولدوم زیبــیل چاناغی
بیت -بیره پیس پیسا یولداشیم اولدو
اێت- کۆچوک پیشیک‌ ده اویناشیم اولدو
اؤرتوگــوم جیــریلمیش بیر پارا میتـیل
 هرکیمسه گؤرسه‌یدی دئییردی اێتیل
گـؤزلرده اولموشـدوم بیر هـرزه شیتیل
آخیریندا فالچی چاتدی دادیما
باختیـــمین یاتماغیـــــن سالـــدی یادیما
قاراچوخام دوروب ایچمه‌میش خوشام
گئدیرم گئنه‌ده باش- باشا قوشام
جامی شاققیــللادام وولــقانسا جــــوشام
هامی دئیه هیبته باخ هیبته!
اســـلان منــده غیــــرته باخ، غیـــــــرته

اسلان دئدی:
- منیم دردیمین چاراسین دئمه‌دین؟
هیبت دئدی:
- سن بیر پَخمه‌نین بئینین یئسَن توختارسان!
اسلان ایلدیریم تک سیچیرادی اَلین آتدی هیبتین خیرتلده‌گینه دئدی:
- سندن پخمه هاردان تاپیم؟
باشلادی بیرماهنی بئله...

داش باشینا اولسون بئله اینسانین
پاخمادا اؤزونه اینسانام دئییر
بازرگان اوغلونو بیت- بیره باسیب
دۆز یولون ایتیریب حئیرانام دئییر
آناسی اؤلنــــده ساغلیــق وئره‌نیــن
باشیندا تۆکلری شیطانام دئییر
بو کیفــیر بئیـــنووین ایرین- ایلیــــگی
اسلانین دردینه درمانام دئییر
قارین- باغیـرساغین شان- شان ائیله‌ین
آغی‌نین جامینا پیمانام دئییر
خــــزینه به‌ینمــیر مــــرکبی آتیــــر  
قیریق اوغلو قیریق سولطانام دئییر
پاخمالیـق خاخوللوق نیکبت خبیث‌لیک 
هیبتین جانیندا جانانام دئییر
تونبــه‌تین اوغلــویام بونو یئمـه‌سم 
بیر بئله بو آخماق مئیخانام دئییر
بئینی منیــم جــرجنــده‌گی کافتـارین
سۆله‌نیر، " اسلانا مهمانام" دئییر
 

هیبتین خیرتله‌گی، آسلانین دیشی
گؤستردی، فلک ده باجاریر ایشی

سون👋

داشلی بولاق↙️
@dashlibulaq

بیر گوزل دیکلمه آنا دیله باغلی👌

لاله‌زار مصطفی اووا🌹

نییه منیم آنا دیلیم گَلمه دیلین قاباقیندا تیتیم‌تیتیم تیتره‌مَلی.....

داشلی بولاق↙️
@dashlibulaq💕

اولسام اگر اینسان




دونیایا نه‌چون گلمه‌گینی بیلسه هر اینسان .
ائتمز گؤزه‌ل عومرون بو جاهاندا هدر اینسان .

داییم چالیشار عشقیله اینسانلیقا خاطیر .
قویماز یازا تاریخ آدینی بی‌ثمر اینسان .

علمیله یاشار سانکی خورافاته باش اَیمز .
جهلیله خورافاتی کؤکوندن کسر اینسان .

ایمز باشینی خان بئیه سولطانا اینان کی .
شوهرتدن اؤتور بیر کسه اولماز یه‌هر اینسان .

عومرو نه‌قه‌در وارسا ریاست طلب اولماز .
ساتماز شرفین ثیروته والا گوهر اینسان .

خیدمت ائدر اینسانلا را کی قلبی سئوینسین .
لذذت آپارار ائدسه بیرین بخته ور اینسان .

اینسانلاری حئیران ائلییر سؤز دانیشاندا .
من من دئمز ائیلر بو کلامدان حذر اینسان .

آیریلمازا چوخ طعنه ویریب قلبینی سیخما .
خیدمت ائلییر اینسانا اولسا اگر اینسان

آیریلماز🌹
داشلی بولاق↙️
@dashlibulaq💕

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 13
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

21فئورال دونیا آنا دیلی گونو قوتلو اولسون🌺🌺💐💐

داشلی بولاق
@dashlibulaq💕

#آتالار_سٶزو سٶزو باياتي‌لاردا:


عزیزیم کاسا دولماز
مرد علی کاساد اولماز.
یوز نامردین چؤره‌یین(چٶره‌گین)
دوغراسان کاسا دولماز.


بو داغی آشماق اولماز
نارینجی باشماق اولماز
باشا گلن گله‌جک
قضا‌دان قاچماق اولماز


آل كمري، بئل باغلا
ساچلارينا تئل باغلا
نه يادا سيرريني وئر
نه نامرده بئل باغلا

گونلري بير-بير سانا
ياد وئردي بير سير سانا.
بير علم، بيرده صنعت
خزينه­‌دير اینسانا.

عزيزيم ياخشي آتا
يار اوخون ياخشي آتا
سؤزو دئ قوچ ايگيده
پولو وئر ياخشي آتا.

من آشيق بيلن اولسا
قدريني بيلن اولسا
بيرليگي توپ داغيتماز
اونا سس وئرن اولسا.

ياخشي دوستدان ياد اولماز
ياد اوره‌­گي شاد اولماز
دوشمن يوز نعمت وئرسه
هئچ بيرينده داد اولماز.

پايام وار، دميردَندي،
مايام وار، خميردندي.
گلن گونه ياخشي باخ
كئچن گون عؤموردندي.

له‌­له اؤلدو، بئز گتير،
آرشين آپار، تئز گتير
نه قونشودان سؤز آپار
نه قونشودان سؤز گتیر

داشلی بولاق
@dashlibulaq

حاضيرلايان : محمدرضا اسماعيل زاده

#آی_ساری_کٶینک

فولکولوریک ماهنی

داشلی بولاق
@dashlibulaq

عمومی #سٶزجوکلر

* اییه‌شمک-ایجه‌شمک = مزاحم شدن - سربه‌سر کسی گذاشتن

* اٶده‌مک = پرداخت کردن - جبران کردن

* ائرته = زود

* ایشخیرماق = سکسکه

* ائونه = وعده
آغشام ائونه = وعده غروب

* ائمین = آرام - ساکت

* اَرینمک = تنبلی کردن
اَرینگج =تنبل

*آزماق = گم شدن

* آزقین = گمراه

* آسقیرماق = عطسه کردن

* اَسنه‌مک =خمیازه کشیدن

داشلی بولاق
@dashlibulaq

Adil fəthi:
اولین چهارشنبه از چهارشنبه های اسفند ماه را «سو چرشنبه سی» یا « ازل چرشنبه » یا « چیلله قاچدی » یا « اول چرشنبه » یا «یالانچی چرشنبه» مینامند. صبح چنین روزی قبل از اینکه آفتاب بالا بیاید. کنار آب رفته و کوزه های سفالی را پر از آب میکنند، روی هم آب پاشیده و در نهایت ناخنهای خود راگرفته از روی آب می پرند و حین این کارها چنین میگویند 🌊🌊💦💧💦🌊🌊

آغیرلیغیم- اوغورلوغوم سویا/ آزاریم- بئزاریم سویا/ آغیرلیغیم- اوغورلوغوم/ دوشسون سو اوستونه
***
سئل چارپار،سوچارپار/ بیرگوناه ایشلتدیم/ گَل اونو توت آپار/ سئل چارپار،سوچارپار/ گل آپار،گل آپار.


https://telegram.me/qarlisavalan

"دوستاغام من"

ايللردير کی حسرتم من اؤز ائليمده ديليمه،
ايچريمده باغيريرام،هئچ درديمي بيلن يوخ.

داغی،داشی دولانيرام،ايتگينيمي تاپام من
های ساليرام دره- دوزه،هاراييما گلن يوخ.

من اؤزومه،اؤز ائليمه،اؤز ديليمه يانيرام.
ايچين- ايچين آغلاييرام،گؤز ياشيمي سيلن يوخ.

نييه گرک اؤز ديليمي،اويرنمه ييم،يازماييم?!
نه اولوبدور،حاق سؤزومه،جاوابا حوصله ن يوخ.

بيزيم باغدا گوللر يانير،قونشو باغی گلستان
بونا سبب اولانلاردا اوتانان يوخ،اؤلن يوخ.

اورييمده آغلاييرام،گولورمسه اوزده من،
"ياشيل" بیل کی،بيزيم ائلده هئچ اورکدن گولن يوخ.

شعر:عسگر عليائي کليان(عماد ياشيل)
داشلی بولاق↙️
@dashlibulaq💕

سؤزجۆگ

ماغيل: جمله ده گلنده چوْخلو اوْنو منفی ائدیر

☆ ماغيل دايي بيزه گلمير سيزه گله
☆ ماغيل اوْ اؤز ايشين گؤره بيلمير سنه ائمه‌جي گله

@dasbulaq

‍ لور نئجه دوزه‌لیر

پنیری توتاندا سویو سوزولور- بو سویو بیر قابا ییغیب توکورلر قازانا ،قاینادیرلار
پنیرین سویو بیر توو قاینایاندان سورا بَرکیییر . اونا لور دییَرلر.
لور پنیردن دوزسوز و یاغسیز اولار

داشلی بولاق
@dashlibulaq

‍ شور نئجه دوزه‌لیر؟

آیرانی قاینادیب توکورلر توربایا بیرآز دا دوز آرتیریرلار
نئچه گون قالاندان سورا بونون سویو گئدیر، ایسته‌یه‌سن شور لاپ یئمه‌لی اولا گرَک چوخ زامان توربادا قالا ..

داشلی بولاق
@dashlibulaq

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ناوارین نومره‌سی 14
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅