#آتالار_سٶزو
🔹 آجا دوققوز یورغان بۆرویوبلر گئنه یوخلایا بیلمهییب
🔹 آجا نه حلال، نه حرام ؟
🔹آجی دیندیرمه، توخو ترپتمه
🔹 آجین آندی، آند اولماز
🔹 آجین گؤزو چؤرک تیکهسینده اولار
🔹 آجین ایمانی اولماز، توخون آمانی
🔹 آجین قارنی دویار، گؤزو دویماز
🔹 آجلیغیندا ائلدن یئییر، توخلوغوندا ائلدن دئییر
گٶندرن: سارای-چ
داشلی بولاق
@dashlibulaq
🔹 آجا دوققوز یورغان بۆرویوبلر گئنه یوخلایا بیلمهییب
🔹 آجا نه حلال، نه حرام ؟
🔹آجی دیندیرمه، توخو ترپتمه
🔹 آجین آندی، آند اولماز
🔹 آجین گؤزو چؤرک تیکهسینده اولار
🔹 آجین ایمانی اولماز، توخون آمانی
🔹 آجین قارنی دویار، گؤزو دویماز
🔹 آجلیغیندا ائلدن یئییر، توخلوغوندا ائلدن دئییر
گٶندرن: سارای-چ
داشلی بولاق
@dashlibulaq
داشلے بولاق
قارا چوخا #ائل_ناغیلی آلتی- یئددی یاشیم اولار اولماز اوشاغیدیم، چیلله آخشامی آتام دئدی: - بالا گئدرسن، بیبیون,قارداشون و باجون گیلی قوناق چاغیرارسان. دئدیم: بلی..آتام دئدی: ها بالامسان ایندی هاوا کؤلکلر, بونا گؤره من ده دوردوم تووو دابانا، آمما هاوا نئجه…
قارا چوخا
#ائل_ناغیلی
ایکینجی بٶلوم
القصه، سؤز اوزانماسین, بؤلوشدولر! قارداشلارین آدین دئییم، بؤیوک قارداش " نصرت الله" کیچیک قارداش " هیبت الله" هیبت دئدی: من مالیمی ساتمالییام. نصرت دئدی: پاخما اولما، آتا بابالاردان قالما سؤزدور، هرکیمی ایستهسن ییخاسان مالین سات، پولون وئر اَلینه! هیبت دئدی: آیاق اوسته دورمام کی ییخیلام، اۆزو قویلو اوزانارام! نصرت دئدی: دای اؤزون بیل، هیبت الله!
هیبت دئدی: نقدی منیم، املاک سنین. هیبت الله پولون آلدی، یولا دوشدو، اؤز-اؤزونه فیکیرلشدی، بیربئله ده پول قورتولار؟ باشلادی بیر ماهنی بئله...
- اون گونده بیر شیشک یئیَـم
اون گونده بیر خوم شراب
گاهــدان دا بیـرجئـیران اَتی
بئش- اون سیخ ائیلهرم کاباب
میــخانانیــن ساقیسیــــنه
نئچه مانات بهر ثواب
ارک اؤوونلو باغیشلارام
سلامیمه وئرسه جواب
دئسه، هیبت پـولون وئریم؟
دئیرم، یوخ اولدو حساب
دون- تـومان آللام اؤزومـه
لاپ اولارام تازه مٱب
یون آرخالیق داریخــدیریر
گۆنده منه وئریر عـذاب
خینـا قــویوب اللریمه
باش- ماشی ائیلرم خیضاب
کاتیـبه ده پـول وئررم
هئیـبتیمدن یازارکیتاب
هیبت اۆز قویدو بازارا ساری، دون- تومان الدی اؤزونه، اوردان گئتدی عطّارییه عطر آلماغا, اوردان کئچدی، بیرحامامدا چیمدی اولدو لاپ شاماما. گئتدی تاپدی یولداشلارین, دئدی: گلون، آ، یولداشلار، هاموز منیم قوناغیمسیز! ساغ طرفده "آل قولو بئی" سۆل طرفده "مال قولوبئی" اۆز قویدولار میخانایا! یئیَن یئدی، ایچن ایچدی، گؤزلر اولدو قابان گؤزو! باش قیزیشدی, اورد یئللندی، قارین کؤپدو! هیبت دئدی: ساغلیق وئرین! پیالالار اَل اوستونده شاققیللادی!
بیری دئدی: بیغی بورما هیبتیمین ساغلیغینا
بیری دئدی: اَرن خوجا هیبتیمین ساغلیغینا
بیری دئدی: قلم قاشلی هیبتیمین ساغلیغینا
بیری دئدی: باشی ساچلی هیبتیمین ساغلیغینا
هیبت دئدی: باغری باداش یولداشلارین ساغلیغینا
ظولوم گئجه اولدو یاری. هیبت دئدی: دورون گئدک، هیبت الله هیبتیلن بیر گییردی، الین سالدی جیبلرینه ساقییه بیر اَنام وئردی! میخاناچی ادبایلن باش اندیردی دئدی:خوجا هیبت بویور، بویور! هیبت الله حسابلادی سونرا دئدی آرتیغیدا سنون السون! آل قولو بئی یانپؤرتودن یانالادی دئدی: هیبت، سن بیلگیلن منیم جانیم، قدملرین گؤزوم اوسته، دودمانیم سنه پیشکئش!
بوگون بئله، صاباح ائله، نئچه موددت بئله کئچدی. پول قورتولدو ، خوجا هیبت خومار اولدو. اومود ائوی آل قولو بئی سالدی چؤله! قیش باشلادی قار-کۆلهیین, هیبت قالدی دالداناجاقسیز، جیبلری بوش، اۆستو یالین، شاختا اونو فنیکدیردی. سیخیلمیشدی بیر بوجاغا، آناسی یادینا دۆشدو، گلدی گؤردو ننه اؤلوب، قاپی باغلی!
دئدی: گؤرن نصرت واردی؟ گئدیم گؤروم او هاردادیر؟ گلدی تاپدی قارداشینی. دئدی: قارداش اۆزوم قارا، بیرآز منه کؤمک ائله. نصرت اونا کؤمک ائتدی. دئدی: قارداش گئت اؤزووه اَل- چال ائله، بو تولوقدان کره چیخماز. هیبت الله خوماریدی،گلدی گئنه میخانایا، بیرگۆن گؤردو بیرفالچی کیشی فالا باخیر، دئدی: فالچی منیم فالیمه باخ، فالچی دئدی: سنون قارا چوخون یاتیب! هیبت دئدی: فالچی داداش هاردا یاتیب؟
فالچی دئدی: دستمازسیز ناماز اولار؟ هیبت دئدی: پولوم یوخدو! بو اۆزوگوم سنه پئشکاش. بیرنام-نیشان فالچی وئردی، هیبت آقا یولا دوشدو! بو باییردان او باییرا، بوکؤوشندن، اوکؤوشنه، بیر مئشهیه گلدی چیخدی، باخدی گؤردو بو مئشهده، اوزون یاللی اوزون کوپال بیر شئر واردیر، یانیندا اوو شیللاق آتیر، جئیرانلار بیرطرفده توققوشوللار, شئرده باشین قویوب یئره هزین سسیله باغیریر، گلدی شئرین باشی اوسته دئدی:
اسلان نه یاتیبسان؟
دردین نهدیر باغیریرسان؟
چوخ باغیرما باغریم چاتلار
یال -کوپالین هرکیم گؤرسه
هیبتیندن قارنی پاتلار
ائشیــتمیشم ائـرکک اسلان
اون جئیرانی بیردن قاتلار
اســـلان سنــه نه گلیبــدیر؟
کورهگوندن اوولاق آتلار!
اسلان دئدی:
آرتیـرما چوخ منیم دردیم
بومئشهده شن گزَردیم
منی یازیق گؤزده گؤرمه
قافلانلاری من ازَردیم
اینــدی منیم آغــریر باشیم
دای قالماییبدیر هوش- باشیم
قوزو- جئیران، تولکو- مولکو
ایندی اولوبلار یولداشیم!
اینسان اوغلو سن سهل سانما
درد آسلانین بئلین بۆکر
درد گلنده اسلان چؤکر!
دردیمین ده درمانی یوخ..
ایکی ایاقلی انسان اوغلو
سن هارا بو جنگل هارا؟
هیبت دئدی: فالچی دئیب، قاراچوخام بومئشهده باش قایانین آلتیندا کؤهول ایچره یاتیب من گئدیرم اونو آییندیرام اوکؤهولو تانیرسان می؟
اسلان دئدی: قنشرده کی اوجا قایا او قایا دیر, بیرده قاراچوخوندان بیر سوروش من یازیغین درمانی وار؟ هیبت دئدی: گؤزوم اۆسته.
هیبت یولا دوشدو،گئتدی چاتدی بیرچیمنه، باخدی گؤردو هر طرفدن سو سۆزولور.اوت علفدن کئچمک اولمور, بو چیمنده بیر آت گؤردو باشی قاشقا یال ساللانیب اؤزو دوشگون!یانچاقلاری بیر دریدیر بیرده سۆموک!قابێرقالار دریسیندن باسیب چؤله!
بو ناغیلین دوامی وار..
#ائل_ناغیلی
ایکینجی بٶلوم
القصه، سؤز اوزانماسین, بؤلوشدولر! قارداشلارین آدین دئییم، بؤیوک قارداش " نصرت الله" کیچیک قارداش " هیبت الله" هیبت دئدی: من مالیمی ساتمالییام. نصرت دئدی: پاخما اولما، آتا بابالاردان قالما سؤزدور، هرکیمی ایستهسن ییخاسان مالین سات، پولون وئر اَلینه! هیبت دئدی: آیاق اوسته دورمام کی ییخیلام، اۆزو قویلو اوزانارام! نصرت دئدی: دای اؤزون بیل، هیبت الله!
هیبت دئدی: نقدی منیم، املاک سنین. هیبت الله پولون آلدی، یولا دوشدو، اؤز-اؤزونه فیکیرلشدی، بیربئله ده پول قورتولار؟ باشلادی بیر ماهنی بئله...
- اون گونده بیر شیشک یئیَـم
اون گونده بیر خوم شراب
گاهــدان دا بیـرجئـیران اَتی
بئش- اون سیخ ائیلهرم کاباب
میــخانانیــن ساقیسیــــنه
نئچه مانات بهر ثواب
ارک اؤوونلو باغیشلارام
سلامیمه وئرسه جواب
دئسه، هیبت پـولون وئریم؟
دئیرم، یوخ اولدو حساب
دون- تـومان آللام اؤزومـه
لاپ اولارام تازه مٱب
یون آرخالیق داریخــدیریر
گۆنده منه وئریر عـذاب
خینـا قــویوب اللریمه
باش- ماشی ائیلرم خیضاب
کاتیـبه ده پـول وئررم
هئیـبتیمدن یازارکیتاب
هیبت اۆز قویدو بازارا ساری، دون- تومان الدی اؤزونه، اوردان گئتدی عطّارییه عطر آلماغا, اوردان کئچدی، بیرحامامدا چیمدی اولدو لاپ شاماما. گئتدی تاپدی یولداشلارین, دئدی: گلون، آ، یولداشلار، هاموز منیم قوناغیمسیز! ساغ طرفده "آل قولو بئی" سۆل طرفده "مال قولوبئی" اۆز قویدولار میخانایا! یئیَن یئدی، ایچن ایچدی، گؤزلر اولدو قابان گؤزو! باش قیزیشدی, اورد یئللندی، قارین کؤپدو! هیبت دئدی: ساغلیق وئرین! پیالالار اَل اوستونده شاققیللادی!
بیری دئدی: بیغی بورما هیبتیمین ساغلیغینا
بیری دئدی: اَرن خوجا هیبتیمین ساغلیغینا
بیری دئدی: قلم قاشلی هیبتیمین ساغلیغینا
بیری دئدی: باشی ساچلی هیبتیمین ساغلیغینا
هیبت دئدی: باغری باداش یولداشلارین ساغلیغینا
ظولوم گئجه اولدو یاری. هیبت دئدی: دورون گئدک، هیبت الله هیبتیلن بیر گییردی، الین سالدی جیبلرینه ساقییه بیر اَنام وئردی! میخاناچی ادبایلن باش اندیردی دئدی:خوجا هیبت بویور، بویور! هیبت الله حسابلادی سونرا دئدی آرتیغیدا سنون السون! آل قولو بئی یانپؤرتودن یانالادی دئدی: هیبت، سن بیلگیلن منیم جانیم، قدملرین گؤزوم اوسته، دودمانیم سنه پیشکئش!
بوگون بئله، صاباح ائله، نئچه موددت بئله کئچدی. پول قورتولدو ، خوجا هیبت خومار اولدو. اومود ائوی آل قولو بئی سالدی چؤله! قیش باشلادی قار-کۆلهیین, هیبت قالدی دالداناجاقسیز، جیبلری بوش، اۆستو یالین، شاختا اونو فنیکدیردی. سیخیلمیشدی بیر بوجاغا، آناسی یادینا دۆشدو، گلدی گؤردو ننه اؤلوب، قاپی باغلی!
دئدی: گؤرن نصرت واردی؟ گئدیم گؤروم او هاردادیر؟ گلدی تاپدی قارداشینی. دئدی: قارداش اۆزوم قارا، بیرآز منه کؤمک ائله. نصرت اونا کؤمک ائتدی. دئدی: قارداش گئت اؤزووه اَل- چال ائله، بو تولوقدان کره چیخماز. هیبت الله خوماریدی،گلدی گئنه میخانایا، بیرگۆن گؤردو بیرفالچی کیشی فالا باخیر، دئدی: فالچی منیم فالیمه باخ، فالچی دئدی: سنون قارا چوخون یاتیب! هیبت دئدی: فالچی داداش هاردا یاتیب؟
فالچی دئدی: دستمازسیز ناماز اولار؟ هیبت دئدی: پولوم یوخدو! بو اۆزوگوم سنه پئشکاش. بیرنام-نیشان فالچی وئردی، هیبت آقا یولا دوشدو! بو باییردان او باییرا، بوکؤوشندن، اوکؤوشنه، بیر مئشهیه گلدی چیخدی، باخدی گؤردو بو مئشهده، اوزون یاللی اوزون کوپال بیر شئر واردیر، یانیندا اوو شیللاق آتیر، جئیرانلار بیرطرفده توققوشوللار, شئرده باشین قویوب یئره هزین سسیله باغیریر، گلدی شئرین باشی اوسته دئدی:
اسلان نه یاتیبسان؟
دردین نهدیر باغیریرسان؟
چوخ باغیرما باغریم چاتلار
یال -کوپالین هرکیم گؤرسه
هیبتیندن قارنی پاتلار
ائشیــتمیشم ائـرکک اسلان
اون جئیرانی بیردن قاتلار
اســـلان سنــه نه گلیبــدیر؟
کورهگوندن اوولاق آتلار!
اسلان دئدی:
آرتیـرما چوخ منیم دردیم
بومئشهده شن گزَردیم
منی یازیق گؤزده گؤرمه
قافلانلاری من ازَردیم
اینــدی منیم آغــریر باشیم
دای قالماییبدیر هوش- باشیم
قوزو- جئیران، تولکو- مولکو
ایندی اولوبلار یولداشیم!
اینسان اوغلو سن سهل سانما
درد آسلانین بئلین بۆکر
درد گلنده اسلان چؤکر!
دردیمین ده درمانی یوخ..
ایکی ایاقلی انسان اوغلو
سن هارا بو جنگل هارا؟
هیبت دئدی: فالچی دئیب، قاراچوخام بومئشهده باش قایانین آلتیندا کؤهول ایچره یاتیب من گئدیرم اونو آییندیرام اوکؤهولو تانیرسان می؟
اسلان دئدی: قنشرده کی اوجا قایا او قایا دیر, بیرده قاراچوخوندان بیر سوروش من یازیغین درمانی وار؟ هیبت دئدی: گؤزوم اۆسته.
هیبت یولا دوشدو،گئتدی چاتدی بیرچیمنه، باخدی گؤردو هر طرفدن سو سۆزولور.اوت علفدن کئچمک اولمور, بو چیمنده بیر آت گؤردو باشی قاشقا یال ساللانیب اؤزو دوشگون!یانچاقلاری بیر دریدیر بیرده سۆموک!قابێرقالار دریسیندن باسیب چؤله!
بو ناغیلین دوامی وار..
#همگو
دده-بابالاریمیز هر بیر ایشی پولایلا گٶرمزدیلر، ایَر بیر آغیر ایشلری اولسایدی بیلیردیلر تک قالمایاجاقلار ، چون بیلیردیلر ، ائل بو ایشی اٶز ایشی بیلیر و کمکلیگه گلهجکلر ، کندین بعضی ایشلری چوخ کمکه احتیاجی واریدی ، پالچیق ایشلری، دام باسدیرما ، داما سوواق چکمک ، خرمن دویمک ، گاهدان بیچین ایشینده، کند آدامی کمکه گلَردیلر و قویمازدیلار ایش صاحابین ایشی یئرده قالسین .
دئمهلییَم کمکه گلنلرین هئچ بیرینین مزد آلماقدا گٶزلری اولمازدی.
همگو ، بورج ساییلیردی، بیر نفر گئدیب قونشوسو یا آیریسینا کمک ائلیردی او بیری طرفده بونون ایشین ، یئری دوشنده جبران ائدیردی.
قدیمکیلرین بو اینانجی واریدی: "اَل-اَله وئرمک علیدن قالیب"
یعنی آغیر ایشلرینده بیر-بیرینه ، کمک ائلهسیدیلر اونو ثاواب ایش بیلیردیلر .
داشلی بولاق↙️
@dashlibulaq
دده-بابالاریمیز هر بیر ایشی پولایلا گٶرمزدیلر، ایَر بیر آغیر ایشلری اولسایدی بیلیردیلر تک قالمایاجاقلار ، چون بیلیردیلر ، ائل بو ایشی اٶز ایشی بیلیر و کمکلیگه گلهجکلر ، کندین بعضی ایشلری چوخ کمکه احتیاجی واریدی ، پالچیق ایشلری، دام باسدیرما ، داما سوواق چکمک ، خرمن دویمک ، گاهدان بیچین ایشینده، کند آدامی کمکه گلَردیلر و قویمازدیلار ایش صاحابین ایشی یئرده قالسین .
دئمهلییَم کمکه گلنلرین هئچ بیرینین مزد آلماقدا گٶزلری اولمازدی.
همگو ، بورج ساییلیردی، بیر نفر گئدیب قونشوسو یا آیریسینا کمک ائلیردی او بیری طرفده بونون ایشین ، یئری دوشنده جبران ائدیردی.
قدیمکیلرین بو اینانجی واریدی: "اَل-اَله وئرمک علیدن قالیب"
یعنی آغیر ایشلرینده بیر-بیرینه ، کمک ائلهسیدیلر اونو ثاواب ایش بیلیردیلر .
داشلی بولاق↙️
@dashlibulaq
#اوشاق_نغمهسی
توسباغا قارداش! هاردان گلیرسن؟
- مشهددن
هانی سوغاتین؟
- آلدیلار
نێیه وئریردین؟
- ووردولار
- اونلار ایکیدی، من بیریدیم ، اونلار ووردوقجا، من کێریدیم
داشلی بولاق
@dashlibulaq
توسباغا قارداش! هاردان گلیرسن؟
- مشهددن
هانی سوغاتین؟
- آلدیلار
نێیه وئریردین؟
- ووردولار
- اونلار ایکیدی، من بیریدیم ، اونلار ووردوقجا، من کێریدیم
داشلی بولاق
@dashlibulaq
چؤرک
بیلدیییز کیمی چؤرک بیزیم یاشام دا چوْخ اؤنملی و قۇتسال ساییْلیر
اوْنا گؤره اؤزل (خاص) ایناملار واریمیز و چؤرکله آتالار سؤزۆ و دئییم لر بوْل دور!
چؤرک نئجه اؤنملی اوْلوب، ائونه ده یئییلن هر بیر زادا چؤرک دئمیشک. (بۇیورون گئدک بیزده چؤرک یئیین)
چؤرگه آند ایچیریک (آند اوْلسون چؤرگه / چؤرک حقی و ..) و اینانمیشیق چؤرک آدامی تۇتار (چؤرگیم سنی تۇتسون)
☆ بوْیلۇ خانیم اۇشاغی اوْلان دا ایش چتینه دۆشنده و اۇشاق و آناسی جان خطرینه قالاندا بیر نئچه بلگه چؤرک گتیریب خانیمین باشیْنا دوْلاندیریب سوْنرا اوْنو قاپیْنین اۆستونه قوْیارلار! ایش قۇرتولاندان سوْرا و آنا-بالا سۆتون (سالم) دؤشهگه باش قوْیاندان سوْرا اوْ چؤرگی گؤتۆروب تمیز یئرده ایتلره آتارلار یئسینلر
☆ ساواشدا و جیرلهشمه ده سؤز-ساوال یاتسیْن دئیرلر چؤرک گتیرین کیم حاقلیدیر چؤرگه ال قوْیوب آند ایچسین!
☆ چؤرگی اوْومازلار
☆ چؤرگی آیاقلامازلار
☆ چؤرگی پیچاقلا کسمزلر
☆ چورگی ایت و داوارا وئرنده دوْغرارلار حئیوان چکیب جیرمهسین
☆ غذا یییهنده ال-آغیز یاغلیْ اوْلسا چؤرگله سیلمزلر
☆ سفره ده اوْتوراندا چؤرک قابین/بۇخچاسیْن دالدا قوْیمازلار (چؤرگه دال چئویرمزلر)
☆ ائشیکده یئره تؤکۆلن چؤرگی گؤتۆروب اؤپۆب بیر اۇجا یئره قوْیارلار، قۇشلار یئسین!
آنالار چؤرک یاپاندا بیرینجی پیشن چؤرگی قویمازلار بیرکس یییه! (دئیرلر اوْندا یاپدیغیم چؤرک برکت سالماز)
@dasbulaq
@dashlibulaq
بیلدیییز کیمی چؤرک بیزیم یاشام دا چوْخ اؤنملی و قۇتسال ساییْلیر
اوْنا گؤره اؤزل (خاص) ایناملار واریمیز و چؤرکله آتالار سؤزۆ و دئییم لر بوْل دور!
چؤرک نئجه اؤنملی اوْلوب، ائونه ده یئییلن هر بیر زادا چؤرک دئمیشک. (بۇیورون گئدک بیزده چؤرک یئیین)
چؤرگه آند ایچیریک (آند اوْلسون چؤرگه / چؤرک حقی و ..) و اینانمیشیق چؤرک آدامی تۇتار (چؤرگیم سنی تۇتسون)
☆ بوْیلۇ خانیم اۇشاغی اوْلان دا ایش چتینه دۆشنده و اۇشاق و آناسی جان خطرینه قالاندا بیر نئچه بلگه چؤرک گتیریب خانیمین باشیْنا دوْلاندیریب سوْنرا اوْنو قاپیْنین اۆستونه قوْیارلار! ایش قۇرتولاندان سوْرا و آنا-بالا سۆتون (سالم) دؤشهگه باش قوْیاندان سوْرا اوْ چؤرگی گؤتۆروب تمیز یئرده ایتلره آتارلار یئسینلر
☆ ساواشدا و جیرلهشمه ده سؤز-ساوال یاتسیْن دئیرلر چؤرک گتیرین کیم حاقلیدیر چؤرگه ال قوْیوب آند ایچسین!
☆ چؤرگی اوْومازلار
☆ چؤرگی آیاقلامازلار
☆ چؤرگی پیچاقلا کسمزلر
☆ چورگی ایت و داوارا وئرنده دوْغرارلار حئیوان چکیب جیرمهسین
☆ غذا یییهنده ال-آغیز یاغلیْ اوْلسا چؤرگله سیلمزلر
☆ سفره ده اوْتوراندا چؤرک قابین/بۇخچاسیْن دالدا قوْیمازلار (چؤرگه دال چئویرمزلر)
☆ ائشیکده یئره تؤکۆلن چؤرگی گؤتۆروب اؤپۆب بیر اۇجا یئره قوْیارلار، قۇشلار یئسین!
آنالار چؤرک یاپاندا بیرینجی پیشن چؤرگی قویمازلار بیرکس یییه! (دئیرلر اوْندا یاپدیغیم چؤرک برکت سالماز)
@dasbulaq
@dashlibulaq
Forwarded from دستیار زیر نویس و هایپر لینک
musictabriz.ir
javid
Forwarded from عکس نگار
آرییام من، اوچارام
گول اوستونده قاچارام.
ییغارام گول توزونو
دئییم سیزه دوزونو:
او توزدان دوزرَم بال
سن بالی یئه،گوجلو قال!
چالیشماقدان دویمارام
باش یاستیغا قویمارام.
اوچارام گولدن-گوله
دوشرم دیلدن- دیله.
دولاشارام هر یانی
باغی، چؤلو، باغچانی.
هئچ آرزوم یوخدور منیم
اَمهییم چوخدور منیم!
داشلی بولاق↙️
@dashlibulaq
گول اوستونده قاچارام.
ییغارام گول توزونو
دئییم سیزه دوزونو:
او توزدان دوزرَم بال
سن بالی یئه،گوجلو قال!
چالیشماقدان دویمارام
باش یاستیغا قویمارام.
اوچارام گولدن-گوله
دوشرم دیلدن- دیله.
دولاشارام هر یانی
باغی، چؤلو، باغچانی.
هئچ آرزوم یوخدور منیم
اَمهییم چوخدور منیم!
داشلی بولاق↙️
@dashlibulaq
Forwarded from دستیار زیر نویس و هایپر لینک
Audio
*داشلی بولاق* (کاغازکونان فولکلورو):
#داســتان.شـیڪاری
🎼اوخویور
🎸🎙آشیق، یداله عیوض پور
✅ نومره 11
📥📥📥
📀mp3
🌹 گُــوزل اسکی (قدیمی) آشیق
ماهنیلاری🔷🎶
داشلی بولاق↙️
@dashlibulaq✅
#داســتان.شـیڪاری
🎼اوخویور
🎸🎙آشیق، یداله عیوض پور
✅ نومره 11
📥📥📥
📀mp3
🌹 گُــوزل اسکی (قدیمی) آشیق
ماهنیلاری🔷🎶
داشلی بولاق↙️
@dashlibulaq✅
ﺗﮏ ﺍﻭﻟﻮب ﺩﺭﺩﻩ ﺩﻭﺷﻮﺏ ﻋﺸﻘﻴﻠﻪ ﺣﻴﺮﺍﻥ ﮔــﺰﻳﺮﻡ
ﺑـﺎﺧـﺎﺭﺍﻡ ﺩﺍﻍ ﺩﺍﺷـﺎ ﭼﻮﺥ ﺳﻮﻣﺌﮕﻪ ﺟﻴﺮﺍﻥ ﮔـﺰﻳﺮﻡ
ﻫﺎﺭﺍچاغ ﮔﺌﺘﺴﻪ نیگـــﺎﺭﻳﻢ ﮔﺌﺪﺭﻡ ﮐـﻮﻟﮕﻪ ﮐﻴﻤﻴـﻦ
ﺍﻭﭼﻮﻻﻥ ﺍﻭﻟﮑﻪ ﻣﻴﺰﻩ ﺭﻳﺸﻪ لی ﺳﺎﻣﺎﻥ ﮔــــﺰﻳﺮﻡ
@dashlibulaq💕
ﺑـﺎﺧـﺎﺭﺍﻡ ﺩﺍﻍ ﺩﺍﺷـﺎ ﭼﻮﺥ ﺳﻮﻣﺌﮕﻪ ﺟﻴﺮﺍﻥ ﮔـﺰﻳﺮﻡ
ﻫﺎﺭﺍچاغ ﮔﺌﺘﺴﻪ نیگـــﺎﺭﻳﻢ ﮔﺌﺪﺭﻡ ﮐـﻮﻟﮕﻪ ﮐﻴﻤﻴـﻦ
ﺍﻭﭼﻮﻻﻥ ﺍﻭﻟﮑﻪ ﻣﻴﺰﻩ ﺭﻳﺸﻪ لی ﺳﺎﻣﺎﻥ ﮔــــﺰﻳﺮﻡ
@dashlibulaq💕
عکس نگار
آرییام من، اوچارام گول اوستونده قاچارام. ییغارام گول توزونو دئییم سیزه دوزونو: او توزدان دوزرَم بال سن بالی یئه،گوجلو قال! چالیشماقدان دویمارام باش یاستیغا قویمارام. اوچارام گولدن-گوله دوشرم دیلدن- دیله. دولاشارام هر یانی باغی، چؤلو، باغچانی. هئچ آرزوم یوخدور…
بال
بال : عسل
* سٶز اولار بالدان شیرین، سٶز اولار آغو=آغیدان آجی
* سٶز اولار قایماقلا-بال ، سٶز اولار اودلا-آلاو
* موفده ائششَک ، آتدان یوروک(یئریک ) اولار - موفده سیرکه ،بالدان شیرین
* بیر اَلی یاغدا - بیر اَلی بالدا
بول یاشاماق
* دیلیندن بال آخماق
دادلی ، سئویندیریجی دانیشماق
* بال کیمی
چوخ شیرین- دادلی
* بال دئمکله ، آغیز دادلانماز- شیرین اولماز
* بال تٶک ، یالا
چوخ تمیز، آرین
* بال یئیَن ، آری ایگنهسینه(سانجماغینا) دٶزَر
* بالچییا دوشاب (پکمز) ساتیلماز
* بالیدا سنین، بلاسیدا
* بالسیز پتکده آری دورماز
قازانجسیز یئرده کیمسه قالماز
* بال دئمک ،بال ورمکدن یاخچیدی
* اینجی ساچان دیلی وار ، بال- کرهلی دادی وار ، داغلار آشان آدی وار.
داشلی بولاق
@dashlibulaq
بال : عسل
* سٶز اولار بالدان شیرین، سٶز اولار آغو=آغیدان آجی
* سٶز اولار قایماقلا-بال ، سٶز اولار اودلا-آلاو
* موفده ائششَک ، آتدان یوروک(یئریک ) اولار - موفده سیرکه ،بالدان شیرین
* بیر اَلی یاغدا - بیر اَلی بالدا
بول یاشاماق
* دیلیندن بال آخماق
دادلی ، سئویندیریجی دانیشماق
* بال کیمی
چوخ شیرین- دادلی
* بال دئمکله ، آغیز دادلانماز- شیرین اولماز
* بال تٶک ، یالا
چوخ تمیز، آرین
* بال یئیَن ، آری ایگنهسینه(سانجماغینا) دٶزَر
* بالچییا دوشاب (پکمز) ساتیلماز
* بالیدا سنین، بلاسیدا
* بالسیز پتکده آری دورماز
قازانجسیز یئرده کیمسه قالماز
* بال دئمک ،بال ورمکدن یاخچیدی
* اینجی ساچان دیلی وار ، بال- کرهلی دادی وار ، داغلار آشان آدی وار.
داشلی بولاق
@dashlibulaq
داشلے بولاق
قارا چوخا #ائل_ناغیلی ایکینجی بٶلوم القصه، سؤز اوزانماسین, بؤلوشدولر! قارداشلارین آدین دئییم، بؤیوک قارداش " نصرت الله" کیچیک قارداش " هیبت الله" هیبت دئدی: من مالیمی ساتمالییام. نصرت دئدی: پاخما اولما، آتا بابالاردان قالما سؤزدور، هرکیمی ایستهسن ییخاسان…
قاراچوخا
#ائل_ناغیلی
اوچونجو بٶلوم
اۆز قویدو او آتا ساری، گٶردو آتدا نای قالماییب. دئدی:
ای آت، سٶیله منه
دیشین واردی، اَتین یوخدو
بو اوت علف دیزدن آشیب
اوتلامیرسان گؤزون توخدو؟ قابیرقاوین اوجـو چیخیب
ائله بیل کی سینیق اوخدو.
تاریدوهنین یانــبیزینــــــدا
سندن اَتی دایچا، چوخدو
داش باشــووا اوتـلا کؤکل
بیرگۆن گؤردون علف یوخدو
دۆگون دوشر باغیرساغین
گؤررسن کی اَتین قوخدو
آت سؤیلهدی:
آداماوغلو، بیر دردیم وار درمانی یوخ! دۆز دئییرسن داش باشیما
هئی اوتلیرام کؤکلمیرم. یێیَم اٶلدو, آزدیم ،تئزدیم
بو جنگله داریش گلدیم، هئی یئییرم,هئی ایچیرم دیرچلمیرم!
قورددا مندن بئزار اولوب
نه دینَن وار نه دیندیرن!
تاریدوه سیندن بترم. سن هارا؟ بو مئشه هارا؟
هیبت اٶز ماجراسین دئدی، آت سؤیلهدی، قارا چوخادان منیم ده دردیمی سوروش.
هیبت دئدی، گؤزوم اۆسته. یولا دوشدو. گئتدی چاتدی بیر یئره کی گؤردو اوردا بیر آغاج وار، بوداقلاری قورویوبدو، اوچ -دؤرد دنه یارپاغی وار، باخدی گؤردو کۅکوندن بیر بولاق چیخیر! تورپاغی دا نئجه توپراق؟!
فیکره قالدی، اۆز دؤندردی دئدی:
آغاج سؤیله منه...
بیـربئــله مـربوط تورپاقـدا
بوداغیندا یارپاغین یوخ!
کــؤکــون اێلیـشیب بـولاغا
نێیه سنین قیناغون یوخ؟
سن یئمیشاندان اسکیکسن؟
باشیندا بیر بایراغین یوخ
گــیزیکــیبدی قـول- قانادین
گونجهده اویناغین یوخ
آغاج دئدی:
- آدام اوغلو منیم باشیم بلالیدیر, دیرچلمهیه گومانیم یوخ، اوچ- دؤرد دنه یارپاغیم وار،گون منه قاللاق ائدیر! هانی طبیب بو دردیمه درمان ائده؟ سن هارا؟ بو کؤوشن هارا؟ هیبت اٶز ماجراسین دئدی ,آغاج دئدی ، قارا چوخادان منیم ده دردیمی سوروش. هیبت دئدی: سوروشارام، یولا دوشدو , گئتدی چاتدی گؤبک داشا، باخدی گؤردو قاراچوخا اوردا یاتیب.
دئدی:
اویان، اویان منیــم باختیــم
اۆزو قویلو دۆشوب تاختیم
کئفی چاقــلی زامانیمــــدا
ساچلاریما خینا یاخدیم
مئیـخانالارگــوشهسینــده
ایلدیریم تک چاخیب شاخدیم
دان اولدوزویدوم دییه سن
گئجدن چیخدیم تئزدن آخدیم
سن بیل قیریلمیشین جانی
آییل آییل منیم باختیم!
قاراچوخا بیرسیلکهلندی توز اَلَندی دئدی، کیم سن؟ هیبت دئدی من هیبتم, سن ده منیم قاراچوخام. آی ظالیم بالاسی ایندی یاتماق واقتیدیر؟
اینصافین اولسون آی کیشی
من یازیغین حالینه باخ!
خومارلیقــدان بئل بوکولوب
هیبتووون دالینه باخ
جیبلـــریم یوخســول ائویدیر
بازرگانین مالینه باخ
ساچ آغــاریب جاوانلیقـــــدا
مئیخانانین زالینه باخ
دئییلـــرکی کال قالمـــــیشام
بوستانووون کالینه باخ
آغـــی قاتیبــــسان آشیـــــما
پتگینین بالینه باخ
قاراچوخا دئدی:
- آی منیم یازیق جانیم گؤر منیم شانسیما کیم چیخیب! بو دا منه شیللاق آتیر! هیبت الله بسدی منی چوخ دانلاما,بیرین دئدین بیرین ائشیت...
کهــــرلهنیب قازیلانمـا آز دانیش
دانیشـساندا آدام کیمی ساز دانیش
من دئییـــرم گئت قبـریوی قاز دانیش
اؤز گوروندا قیچین اوزات اؤلگیلن
قالمـاغیندا ثمر یوخــدو بیلــگیلن
دبَک کیشی اؤز آدینــدان اوتانمــیر
خومارلیقدان بیت- بیرهسین توتانمیر
کیفیر توتوب قوخوسوندان یاتانمــیر
جیبلرین اوخشادیر یوخسول ائوینه
دئییـر بازرگانام بخــتی سئـــــوینه
ساچین آغارماییب کۆل قونوب اونا
آرخالیغی آتدون گئییندون دونا
اولایـدی بیــر کرکی عاغـلووی یونا
گؤرهسن کی سنی یولداشلار یئییب
بیلمیرسن داش سنه هایاندان دَییب؟
حاییفــدی دئییـهلـر کال قارپیز سنــه
نه قارداش تانیدین نهدهکی ننه
تانیتـدیردین اؤزون دوستا دوشمنه
آغـینی آشووا مئیخانا قاتیب
قانماز اوغلو دئمهکی باختیم یاتیب
یاتمامیشـدیم سـن گلهســــن اویانام
سن دگیلم بویدان بویا بویانام
یولوم دۆزدو خالقــا عاغیــل قــویانام
عاغلون اولسون دۆز یولا گئت آی کیشی
توبه ائـــله تانــری دۆزَلــــدر ایشی
هیبت الله خوماریدی چوخدا بتر تلهسیردی باشین سالدی اشاغییا دئدی:
- خوجا بختیم قاراچوخا
اومود ائویم قاراچوخا
دالداناغیم قاراچوخا
سون گومانیم قاراچوخا
ایندی کی سن اویانیبسان اذن وئرسن گئتمهلییم. قاراچوخا دئدی:
هیبت الله عاغلووی بیر ییغ باشووا
کئچمیشووی آل نظره
سنده قوشول آداملارا
بوگئتمکده قاییدیش یوخ!
هیبت دئدی: گؤزوم گؤرسه ،گؤزوم اوسته! سؤال سوروشانلارین سؤالی یادینا دوشدو دئدی: قادان منه، قارچوخا,اوچ دنه ده سؤالیم وار، جواب سٶیله من مرخص...
سؤاللارین جوابیندا قاراچوخا بئله دئدی:
هیبت الله او آغاجین دێبینده بیرخزینه وار ریشهلری اؤج ائلهمیر, خزینه قازیلماسا او آغاج جانا گلمز! او آتیندا مینهنی یوخ, اگر او آت مێنیک وئرسه قوش کیمی قیبراق اولار! او آسلان دا بیر پاخمانین بئینین یئسه دردینه درمان اولاجاق..
بو ناغیلین دوامی وار...
@dashlibulaq
#ائل_ناغیلی
اوچونجو بٶلوم
اۆز قویدو او آتا ساری، گٶردو آتدا نای قالماییب. دئدی:
ای آت، سٶیله منه
دیشین واردی، اَتین یوخدو
بو اوت علف دیزدن آشیب
اوتلامیرسان گؤزون توخدو؟ قابیرقاوین اوجـو چیخیب
ائله بیل کی سینیق اوخدو.
تاریدوهنین یانــبیزینــــــدا
سندن اَتی دایچا، چوخدو
داش باشــووا اوتـلا کؤکل
بیرگۆن گؤردون علف یوخدو
دۆگون دوشر باغیرساغین
گؤررسن کی اَتین قوخدو
آت سؤیلهدی:
آداماوغلو، بیر دردیم وار درمانی یوخ! دۆز دئییرسن داش باشیما
هئی اوتلیرام کؤکلمیرم. یێیَم اٶلدو, آزدیم ،تئزدیم
بو جنگله داریش گلدیم، هئی یئییرم,هئی ایچیرم دیرچلمیرم!
قورددا مندن بئزار اولوب
نه دینَن وار نه دیندیرن!
تاریدوه سیندن بترم. سن هارا؟ بو مئشه هارا؟
هیبت اٶز ماجراسین دئدی، آت سؤیلهدی، قارا چوخادان منیم ده دردیمی سوروش.
هیبت دئدی، گؤزوم اۆسته. یولا دوشدو. گئتدی چاتدی بیر یئره کی گؤردو اوردا بیر آغاج وار، بوداقلاری قورویوبدو، اوچ -دؤرد دنه یارپاغی وار، باخدی گؤردو کۅکوندن بیر بولاق چیخیر! تورپاغی دا نئجه توپراق؟!
فیکره قالدی، اۆز دؤندردی دئدی:
آغاج سؤیله منه...
بیـربئــله مـربوط تورپاقـدا
بوداغیندا یارپاغین یوخ!
کــؤکــون اێلیـشیب بـولاغا
نێیه سنین قیناغون یوخ؟
سن یئمیشاندان اسکیکسن؟
باشیندا بیر بایراغین یوخ
گــیزیکــیبدی قـول- قانادین
گونجهده اویناغین یوخ
آغاج دئدی:
- آدام اوغلو منیم باشیم بلالیدیر, دیرچلمهیه گومانیم یوخ، اوچ- دؤرد دنه یارپاغیم وار،گون منه قاللاق ائدیر! هانی طبیب بو دردیمه درمان ائده؟ سن هارا؟ بو کؤوشن هارا؟ هیبت اٶز ماجراسین دئدی ,آغاج دئدی ، قارا چوخادان منیم ده دردیمی سوروش. هیبت دئدی: سوروشارام، یولا دوشدو , گئتدی چاتدی گؤبک داشا، باخدی گؤردو قاراچوخا اوردا یاتیب.
دئدی:
اویان، اویان منیــم باختیــم
اۆزو قویلو دۆشوب تاختیم
کئفی چاقــلی زامانیمــــدا
ساچلاریما خینا یاخدیم
مئیـخانالارگــوشهسینــده
ایلدیریم تک چاخیب شاخدیم
دان اولدوزویدوم دییه سن
گئجدن چیخدیم تئزدن آخدیم
سن بیل قیریلمیشین جانی
آییل آییل منیم باختیم!
قاراچوخا بیرسیلکهلندی توز اَلَندی دئدی، کیم سن؟ هیبت دئدی من هیبتم, سن ده منیم قاراچوخام. آی ظالیم بالاسی ایندی یاتماق واقتیدیر؟
اینصافین اولسون آی کیشی
من یازیغین حالینه باخ!
خومارلیقــدان بئل بوکولوب
هیبتووون دالینه باخ
جیبلـــریم یوخســول ائویدیر
بازرگانین مالینه باخ
ساچ آغــاریب جاوانلیقـــــدا
مئیخانانین زالینه باخ
دئییلـــرکی کال قالمـــــیشام
بوستانووون کالینه باخ
آغـــی قاتیبــــسان آشیـــــما
پتگینین بالینه باخ
قاراچوخا دئدی:
- آی منیم یازیق جانیم گؤر منیم شانسیما کیم چیخیب! بو دا منه شیللاق آتیر! هیبت الله بسدی منی چوخ دانلاما,بیرین دئدین بیرین ائشیت...
کهــــرلهنیب قازیلانمـا آز دانیش
دانیشـساندا آدام کیمی ساز دانیش
من دئییـــرم گئت قبـریوی قاز دانیش
اؤز گوروندا قیچین اوزات اؤلگیلن
قالمـاغیندا ثمر یوخــدو بیلــگیلن
دبَک کیشی اؤز آدینــدان اوتانمــیر
خومارلیقدان بیت- بیرهسین توتانمیر
کیفیر توتوب قوخوسوندان یاتانمــیر
جیبلرین اوخشادیر یوخسول ائوینه
دئییـر بازرگانام بخــتی سئـــــوینه
ساچین آغارماییب کۆل قونوب اونا
آرخالیغی آتدون گئییندون دونا
اولایـدی بیــر کرکی عاغـلووی یونا
گؤرهسن کی سنی یولداشلار یئییب
بیلمیرسن داش سنه هایاندان دَییب؟
حاییفــدی دئییـهلـر کال قارپیز سنــه
نه قارداش تانیدین نهدهکی ننه
تانیتـدیردین اؤزون دوستا دوشمنه
آغـینی آشووا مئیخانا قاتیب
قانماز اوغلو دئمهکی باختیم یاتیب
یاتمامیشـدیم سـن گلهســــن اویانام
سن دگیلم بویدان بویا بویانام
یولوم دۆزدو خالقــا عاغیــل قــویانام
عاغلون اولسون دۆز یولا گئت آی کیشی
توبه ائـــله تانــری دۆزَلــــدر ایشی
هیبت الله خوماریدی چوخدا بتر تلهسیردی باشین سالدی اشاغییا دئدی:
- خوجا بختیم قاراچوخا
اومود ائویم قاراچوخا
دالداناغیم قاراچوخا
سون گومانیم قاراچوخا
ایندی کی سن اویانیبسان اذن وئرسن گئتمهلییم. قاراچوخا دئدی:
هیبت الله عاغلووی بیر ییغ باشووا
کئچمیشووی آل نظره
سنده قوشول آداملارا
بوگئتمکده قاییدیش یوخ!
هیبت دئدی: گؤزوم گؤرسه ،گؤزوم اوسته! سؤال سوروشانلارین سؤالی یادینا دوشدو دئدی: قادان منه، قارچوخا,اوچ دنه ده سؤالیم وار، جواب سٶیله من مرخص...
سؤاللارین جوابیندا قاراچوخا بئله دئدی:
هیبت الله او آغاجین دێبینده بیرخزینه وار ریشهلری اؤج ائلهمیر, خزینه قازیلماسا او آغاج جانا گلمز! او آتیندا مینهنی یوخ, اگر او آت مێنیک وئرسه قوش کیمی قیبراق اولار! او آسلان دا بیر پاخمانین بئینین یئسه دردینه درمان اولاجاق..
بو ناغیلین دوامی وار...
@dashlibulaq
جاوانلیق
مغرور اولما جوانلیقدا گئچهجک
گوزللری بیر-بیر فلک سئچهجک
غم بادهسین جوان- قوجا ایچهجک
شیرین-آجی آغیزلاردا ، داد قالار
گئدنلردن تک بیر قورو آد قالار
داغ دالیندان شفق گٶیه اوجالار
گون دولانان لحظه دلدن باج آلار
جوانلاردا یواش -یواش قوجالار
اٶز-اٶزونه رسا قامت بوکولر
خزان گلدی یاپراق یئره توکولر
بیرگون اولار اَلون الدن اوزولر
باخان گٶزلر اٶز-اٶزونه سوزولر
قبرون اوسته بیوک داشلار دوزولر
عمللرون بیر-بیر دوشر یادووا
توپراق آلتدا گلن اولماز دادووا
بیرگون اولار خومار گٶزلر یاشلانار
داغلی دلده کاری یارا آسلانار
ثروت اوسته جنگ و جدل باشلانار
ورثهلر هی اوز -اوزه دایانار
روحون قوشو اوچوب گٶیده دولانار
بوتون دنیاسین دییشن آتا آنالارین مکانی جنت
گٶندرن : ع ،آزربرا
@dashlibulaq
مغرور اولما جوانلیقدا گئچهجک
گوزللری بیر-بیر فلک سئچهجک
غم بادهسین جوان- قوجا ایچهجک
شیرین-آجی آغیزلاردا ، داد قالار
گئدنلردن تک بیر قورو آد قالار
داغ دالیندان شفق گٶیه اوجالار
گون دولانان لحظه دلدن باج آلار
جوانلاردا یواش -یواش قوجالار
اٶز-اٶزونه رسا قامت بوکولر
خزان گلدی یاپراق یئره توکولر
بیرگون اولار اَلون الدن اوزولر
باخان گٶزلر اٶز-اٶزونه سوزولر
قبرون اوسته بیوک داشلار دوزولر
عمللرون بیر-بیر دوشر یادووا
توپراق آلتدا گلن اولماز دادووا
بیرگون اولار خومار گٶزلر یاشلانار
داغلی دلده کاری یارا آسلانار
ثروت اوسته جنگ و جدل باشلانار
ورثهلر هی اوز -اوزه دایانار
روحون قوشو اوچوب گٶیده دولانار
بوتون دنیاسین دییشن آتا آنالارین مکانی جنت
گٶندرن : ع ،آزربرا
@dashlibulaq
بؤیۆک باهالیق
ناهاردان بیر ایکی ساعات کئچمیشدی آتام کنده گلن قوْجا بیر نابلد چرچینی ناهارا قوْناق گتیردی
آنجاق تلهسیک اوْلاراق آنام اوْنا یوْمورتا قیغاناغی پیشیریب بیر شربتی قاتیق ایلا گتیردی!
سفرهنی آچیب چؤرهگی یاوانلیغی قوْیاراق دئدی: مشدی قارداش باغیشلادا گئج اوْلدۇغونا گؤره ناهار یئمیشدیک سنه قوْلای بیر یاوانلیق اوْلدو!
ائله بیل کیشینی اوْدلادیلار بیر ال-هایا قالاراق دئدی:
یوْخ باجی آمانین بیر گۆنودو بئله دئمه، سن باخ گؤر آللاهین گۆل نعمتلرینده نئچه سین سفرهیه قوْیوبسان، آماندیر ائله دئمه آللاها آجیغ گئدر. ائله بو تندیر چؤرهگی منه بسیدی!
چؤرهگی جانا سینن یئدی آللاها شوکورلر ائلهدی، ائویز آباد اوْلسون سفرهز آچیق نعمتیز بوْل دئییب، چکیلیب یاستیغا دایاندی!
اوْتدۇم یانیندا دانیشدیردیم و دانیشدی قان آغلادی
بؤیۆک باهالیق دان دانیشدی
آجیندان اؤلنلردن آج قالانلاردان
و دئدی سیز آللاه بو زامانین و بو نعمتلرین قدرین بیلین چؤرهگین قدرین بیلین بیر کیچیک تیکهسینده حیف ائلهمهیین
چؤرهگی گؤز اۆسته ساخلایین!
کاش بؤیۆک باهالیقدا چؤرهک اوْلایدی ائله تک قۇرو چؤرهک
@dasbulaq
ناهاردان بیر ایکی ساعات کئچمیشدی آتام کنده گلن قوْجا بیر نابلد چرچینی ناهارا قوْناق گتیردی
آنجاق تلهسیک اوْلاراق آنام اوْنا یوْمورتا قیغاناغی پیشیریب بیر شربتی قاتیق ایلا گتیردی!
سفرهنی آچیب چؤرهگی یاوانلیغی قوْیاراق دئدی: مشدی قارداش باغیشلادا گئج اوْلدۇغونا گؤره ناهار یئمیشدیک سنه قوْلای بیر یاوانلیق اوْلدو!
ائله بیل کیشینی اوْدلادیلار بیر ال-هایا قالاراق دئدی:
یوْخ باجی آمانین بیر گۆنودو بئله دئمه، سن باخ گؤر آللاهین گۆل نعمتلرینده نئچه سین سفرهیه قوْیوبسان، آماندیر ائله دئمه آللاها آجیغ گئدر. ائله بو تندیر چؤرهگی منه بسیدی!
چؤرهگی جانا سینن یئدی آللاها شوکورلر ائلهدی، ائویز آباد اوْلسون سفرهز آچیق نعمتیز بوْل دئییب، چکیلیب یاستیغا دایاندی!
اوْتدۇم یانیندا دانیشدیردیم و دانیشدی قان آغلادی
بؤیۆک باهالیق دان دانیشدی
آجیندان اؤلنلردن آج قالانلاردان
و دئدی سیز آللاه بو زامانین و بو نعمتلرین قدرین بیلین چؤرهگین قدرین بیلین بیر کیچیک تیکهسینده حیف ائلهمهیین
چؤرهگی گؤز اۆسته ساخلایین!
کاش بؤیۆک باهالیقدا چؤرهک اوْلایدی ائله تک قۇرو چؤرهک
@dasbulaq
❤1👍1
💢 شهریار سددی
ننم قیشدا اینکلری ساغاردی
میس بایدادا گورَردیک سوت آغاردی
سحرتئزدن سوتون اوزون ییغاردی
نه کئف ایله قایماقلاری یئیَرردیک
یوز مین دفه شکر آللاها دئیَردیک
تانییاردی هر اینک اٶز بالاسین
چوخ ایستَردی بالاسینی یالاسین
قویمازدیلار بیزو* امسین کالاسین*
آغزیمدا وار دادی هنوز آغوزون*
کونلوم ایستیر کالالارین آغ اوزون
٭٭٭٭٭٭٭٭٭٭٭٭
قیشدا حشم* طویلهلرده قالاردی
ساری اینک چوخ بعیلتی سالاردی
بوینوزونو آخورلارا چالاردی
اینکلره اوهه دئیَن دیللره
قربان اولوم سوتون یئیَن ائللره
مرد اوغوللار داغی داشی یاراردی
قشو دریب حشم اوستون داراردی
اولاغیندا باشینا بیر قاراردی
خرهکلری* آسلایاردی اولاغدان
قالونلاری دولدوراردی بولاقدان
٭٭٭٭٭٭٭٭٭٭
آخشام اوستو وقتین بئله سوواردی
قاب گوتوروب نووالانی* اوواردی
اوندان سونرا الین اوزون یوواردی
شامین یئییب تیرینگهسین اوخوردی
گٶیچک -گٶیچک گٶزهندیلیک* توخوردی
حیف اولسون او گونلره گون چاتماز
وطن سنی هئش کس یاددان چیخاتماز
نالهسسین یالان یئره اوجالتماز
کیم اولدو کی بیر سس وئرسین بوسسه!؟
نیه قویدون بوجور دوشک قفسه؟!
*********
روا بیلمه ائولروه سو دولسون
چلتیک*لیگون ، کند یئرلرون قوتولسون
سد ووریلدی ، قویما یولون توتولسون
بلکه گلیب بیر ائوممیزی گوروم من
اوشاقلیقین یورهگینی* سوروم من
هئش یئر چیخماز تورپاقوون دادینا
سد ووریلدی اول اوستور* آدینا
سونرا دوشدوک شهریارین* یادینا
سددین آدی ثبت اولوندو شهریار
کوچون چاتان وطن دئییب آغلیار
٭٭٭٭٭٭٭٭٭٭٭٭
قالارنلارا دینن: کوچون چاتماسین
چول کوشهنین مفته- مفته ساتماسین
گلیب اٶزون غریبلره قاتماسین
بو غربتدن چوخلار بیزار اولوبلار
انتظاردان سارالیبلار سولوبلار
✅فهیمه اختیاری ممان(رعنا)
1388 ه.ش
*بیلیملر👇7
بیزو*= گوساله
کالا*: آغوز، شیر گاو تازه زاییده
آغوز*: کاله یا شیر گاو تازه زاییده که خیلی غلیظ و باطعم و مزه مخصوصی میباشد، بنا به دلایلی آن شیر را به مدت سه چهار روز به خورد گوساله نمیدادند
به همان شیر غلیظ، آغوز یا کاله میگفتند و پختن آن شیوه خاصی داشت
آغوز را با شیرمعمولی در حرارت پایین میپختند و محلولی خوشمزه و غلیظ درست میکردند که در زبان ترکی --بولاما-- نام داشت
و یا درتنور میگذاشتند پخته میشد وچیزی فوق العاده خوشمزه مانند پنیر تازه ولی به رنگ سفید و زرد درست میشد که در زبان ترکی --کالا--میگفتیم
➖➖➖➖➖➖➖➖➖➖➖
حشم *: مفرد احشام
قشو: یا --وره ک -- در کوه و بیابان یافت میشود و برای شانه زدن احشام از آن استفاده میشد
خره ک: وسیله ای از جنس چوب یا آهن بود که
بجای خورجین آنرا روی اولاغ مینداختند و برای حمل دبه آب استفاده میکردند
قالون: دبه
نووالا *: سبوس برنج ، که با کمی آب مخلوط میکردند و برای خوراک دام و طیور استفاده میشد
گوزه ندلیک : در فصل تابستان از این بافت مخصوص برای محافظت چشم دام از گزند مگس و زنبور استفاده میشد
چلتیک*: شلتوک / چلتیک یئری: شالیزار
یوره ک: روروئک که در ایام قدیم از چوب درست میکردند
اوستور: نام روستایی که سد شهریار در همان روستا ساخته شده
شهریار: زنده یاد محمدحسین بهجت تبریزی شاعر نامدار آذربایجان
داشلی بویلاق↙️
@dashlibulaq
ننم قیشدا اینکلری ساغاردی
میس بایدادا گورَردیک سوت آغاردی
سحرتئزدن سوتون اوزون ییغاردی
نه کئف ایله قایماقلاری یئیَرردیک
یوز مین دفه شکر آللاها دئیَردیک
تانییاردی هر اینک اٶز بالاسین
چوخ ایستَردی بالاسینی یالاسین
قویمازدیلار بیزو* امسین کالاسین*
آغزیمدا وار دادی هنوز آغوزون*
کونلوم ایستیر کالالارین آغ اوزون
٭٭٭٭٭٭٭٭٭٭٭٭
قیشدا حشم* طویلهلرده قالاردی
ساری اینک چوخ بعیلتی سالاردی
بوینوزونو آخورلارا چالاردی
اینکلره اوهه دئیَن دیللره
قربان اولوم سوتون یئیَن ائللره
مرد اوغوللار داغی داشی یاراردی
قشو دریب حشم اوستون داراردی
اولاغیندا باشینا بیر قاراردی
خرهکلری* آسلایاردی اولاغدان
قالونلاری دولدوراردی بولاقدان
٭٭٭٭٭٭٭٭٭٭
آخشام اوستو وقتین بئله سوواردی
قاب گوتوروب نووالانی* اوواردی
اوندان سونرا الین اوزون یوواردی
شامین یئییب تیرینگهسین اوخوردی
گٶیچک -گٶیچک گٶزهندیلیک* توخوردی
حیف اولسون او گونلره گون چاتماز
وطن سنی هئش کس یاددان چیخاتماز
نالهسسین یالان یئره اوجالتماز
کیم اولدو کی بیر سس وئرسین بوسسه!؟
نیه قویدون بوجور دوشک قفسه؟!
*********
روا بیلمه ائولروه سو دولسون
چلتیک*لیگون ، کند یئرلرون قوتولسون
سد ووریلدی ، قویما یولون توتولسون
بلکه گلیب بیر ائوممیزی گوروم من
اوشاقلیقین یورهگینی* سوروم من
هئش یئر چیخماز تورپاقوون دادینا
سد ووریلدی اول اوستور* آدینا
سونرا دوشدوک شهریارین* یادینا
سددین آدی ثبت اولوندو شهریار
کوچون چاتان وطن دئییب آغلیار
٭٭٭٭٭٭٭٭٭٭٭٭
قالارنلارا دینن: کوچون چاتماسین
چول کوشهنین مفته- مفته ساتماسین
گلیب اٶزون غریبلره قاتماسین
بو غربتدن چوخلار بیزار اولوبلار
انتظاردان سارالیبلار سولوبلار
✅فهیمه اختیاری ممان(رعنا)
1388 ه.ش
*بیلیملر👇7
بیزو*= گوساله
کالا*: آغوز، شیر گاو تازه زاییده
آغوز*: کاله یا شیر گاو تازه زاییده که خیلی غلیظ و باطعم و مزه مخصوصی میباشد، بنا به دلایلی آن شیر را به مدت سه چهار روز به خورد گوساله نمیدادند
به همان شیر غلیظ، آغوز یا کاله میگفتند و پختن آن شیوه خاصی داشت
آغوز را با شیرمعمولی در حرارت پایین میپختند و محلولی خوشمزه و غلیظ درست میکردند که در زبان ترکی --بولاما-- نام داشت
و یا درتنور میگذاشتند پخته میشد وچیزی فوق العاده خوشمزه مانند پنیر تازه ولی به رنگ سفید و زرد درست میشد که در زبان ترکی --کالا--میگفتیم
➖➖➖➖➖➖➖➖➖➖➖
حشم *: مفرد احشام
قشو: یا --وره ک -- در کوه و بیابان یافت میشود و برای شانه زدن احشام از آن استفاده میشد
خره ک: وسیله ای از جنس چوب یا آهن بود که
بجای خورجین آنرا روی اولاغ مینداختند و برای حمل دبه آب استفاده میکردند
قالون: دبه
نووالا *: سبوس برنج ، که با کمی آب مخلوط میکردند و برای خوراک دام و طیور استفاده میشد
گوزه ندلیک : در فصل تابستان از این بافت مخصوص برای محافظت چشم دام از گزند مگس و زنبور استفاده میشد
چلتیک*: شلتوک / چلتیک یئری: شالیزار
یوره ک: روروئک که در ایام قدیم از چوب درست میکردند
اوستور: نام روستایی که سد شهریار در همان روستا ساخته شده
شهریار: زنده یاد محمدحسین بهجت تبریزی شاعر نامدار آذربایجان
داشلی بویلاق↙️
@dashlibulaq
Forwarded from عکس نگار
چاریق- آیاق قابی
چاریق - چارق -آیاق قابی، قدیم زمانلار آدام بالاسی آیاق قابیسینی مال داوار گؤنییلن تیكیب وآیاقلارینی سویوقدان توز تورپاقدان و كسهر داشلاردان قوروردیر بو باشاریق كئچمیشدن بو گؤنه قدر قالمیشدیر و بو گؤنده اٶز فورماسینی قورموشدور و بیر او قدر شكیل باخیمیندان فرق ائلمه میش . بو چاریق نئچه ایللر بوندان ازلدن قالمیش و گؤردویونوز كیمی ایكینجی چاریقلا كی بوزامان چاریغیدیر چوخ آز فرقی وار حالا اوستا آیاق قابیچی بو پئشهنی داوام ائتدیریر و گؤزل گؤیچك آیاق قابیلار تیكیر اللری آغریماسین بو فورم ایاق قابی ایستی هاوالاردا آیاغا گئییلیر شكیل وفورما باخیشیندان كئچمیش زامانلارا چوخ فرق ائتمیش بو فورمدا آیاق قابیلار سویوق و قار- یاغیش زامانلار، آیاقا گئییلیر،گؤردیینیز كیمی داواملی و رنگلی و ناخشیلیدیر بو گؤن آذربایجاندا بیر چوخ دیلداشلار آیاق قابینا باشماقدا دئییر
http://azerbaijani.arzublog.co
داشلی بولاق↙️
@dashlibulaq
چاریق - چارق -آیاق قابی، قدیم زمانلار آدام بالاسی آیاق قابیسینی مال داوار گؤنییلن تیكیب وآیاقلارینی سویوقدان توز تورپاقدان و كسهر داشلاردان قوروردیر بو باشاریق كئچمیشدن بو گؤنه قدر قالمیشدیر و بو گؤنده اٶز فورماسینی قورموشدور و بیر او قدر شكیل باخیمیندان فرق ائلمه میش . بو چاریق نئچه ایللر بوندان ازلدن قالمیش و گؤردویونوز كیمی ایكینجی چاریقلا كی بوزامان چاریغیدیر چوخ آز فرقی وار حالا اوستا آیاق قابیچی بو پئشهنی داوام ائتدیریر و گؤزل گؤیچك آیاق قابیلار تیكیر اللری آغریماسین بو فورم ایاق قابی ایستی هاوالاردا آیاغا گئییلیر شكیل وفورما باخیشیندان كئچمیش زامانلارا چوخ فرق ائتمیش بو فورمدا آیاق قابیلار سویوق و قار- یاغیش زامانلار، آیاقا گئییلیر،گؤردیینیز كیمی داواملی و رنگلی و ناخشیلیدیر بو گؤن آذربایجاندا بیر چوخ دیلداشلار آیاق قابینا باشماقدا دئییر
http://azerbaijani.arzublog.co
داشلی بولاق↙️
@dashlibulaq
