"دورنالار"

داغلارین باشینی پیتیراقلار آلیب
قاییدین دورنالار قاییدین بوردان
شنلیک لر یوردونا غم کولگه سالیب
قاییدین دورنالار قاییدین بوردان

بورداکی دورنالار سوسوب دانیشمیر
دورنا وار دورنایا یانیب الیشمیر
دورنا وار ساتغین دی بیزه قاریشمیر
قاییدین دورنالار قاییدین بوردان

بولاغلار قورویوب حسرتدی سووا
چالیللار کول با کول باغلاییب جووا
نه بیزه حایات وار نه سیزه یووا
قاییدین دورنالار قاییدین بوردان

چالاغان چالیبدیر شن بولبوللری
کیم سنه اوخومور بیزیم دیللری
شاختالار سولدورور آچان گوللری
قاییدین دورنالار قاییدین بوردان

داغلاردا دورنالار شاختادان دونور
دورنالار یوردونا قجیرلر قونور
بورداکی قاریلتی بئینیمی یونور
قاییدین دورنالار قاییدین بوردان

دومانلار چولغاییب اوجا یایلاغی
سپیلیب داغلارا نیفرت پایلاغی
یایلاغلار اولوب دور قوزغون اویلاغی
قاییدین دورنالار قاییدین بوردان

قورخورام دوماندا آزاسیز یولو
گورمییه گوزلریز ساغ ایله سولو
قارشیزا چیخا بیر میندارچا کولو
قاییدین دورنالار قاییدین بوردان

کیم دوشور قاباغا چالاغان چالیر
بوغجالیر, بودارلیر, نفسین آلیر
دورنالار صف باغلیر سورگونده قالیر
قاییدین دورنالار قاییدین بوردان

شعیر:"هوشنگ جعفری"

داشلی بولاق↙️
@dashlibulaq💕

#بایاتی‌لار

قیزلارا باخ قیزلارا
قیزلار باتیب دوزلارا

قیز اولماسا دوز اولماز
گٶیلرده اولدوز اولماز

قیز آتانین گٶزودو
آنانین سئوگولودو

قیزین گٶزو دریادی
اوره‌ک دولو سئودادی


@dashlibulaq

قارا چوخا
#ائل_ناغیلی

آلتی- یئددی یاشیم اولار اولماز اوشاغیدیم، چیلله آخشامی آتام دئدی:
- بالا گئدرسن، بی‌بی‌ون,قارداشون و باجون گیلی قوناق چاغیرارسان. دئدیم: بلی..آتام دئدی: ها بالامسان ایندی هاوا کؤلک‌لر, بونا گؤره من ده دوردوم تووو دابانا، آمما هاوا نئجه پیرسیمیشدی! شاختا پورسر گتیریردی اللریمی هووخالارکن تئز گلدیم بی‌بی‌م گیله، گؤردوم بی‌بی‌م قول چیرماییب‌ دستماز آلیر..
دئدیم: بی‌بی سالام، بی‌بی‌م دئدی: سالام دئیَن دیللرووه بی‌بی‌ون قوربان، اۆشویوبسن گل ایچه‌ری..
- خئیر بی‌بی اۆشومورم، آتام
دئدی شاما بیزه قوناق گلون. سونرا اۆز چؤندردیم داداشیم و ها بئله باجیم گیله، اۆزو یوخاری قاییداندا شاختا ووردو صیفتیمه بورنومون اوجو بوز باغلادی!
من بوروغو دؤنن همن گؤردوم اوجاغین توستوسو ایله اریشته پیلووون اییی یاییلیب تنگه‌یه! تئز تپیلدیم ایچه‌ری‌یه، کۆرسو دورما من ده‌ گلدیم. قوناق‌لار گلن همن، ننم شام سوفراسین سالدی.

سوفرامیزدا اریشته پیلووو, اریک ایسلاتماسی پتک شورو، قوورمانج, بیر کاسا دا ساری یاغ، بیر نئچه نلبکی‌ ده شو
اۆره‌گیمده دئدیم:
- به‌به بونا دئیرلر شام!
شامی یئدیک.گل ها گل, سالام- علیک سالام باشلاندی، قونشولار دا قوشولدو بیزه، ائویمیزده ایگنه سالماغا یئر قالمادی ننه‌م ده نیمچه- نیمچه قوورقا، بئی آلماسی، اریک دنی، پیشمیش مرجی، نوخود، شکری ایگده !!

آتام دئدی:چیلله آخشامی‌دیر.اؤلنلریمیزین و بو دب تؤره‌نی یارادانلارین روحونه بیرصلوات دئیون."وجه الله" داداشیم دا کیتاب گتیردی باشلادی: - مختارنامه‌دن, او یئرده‌کی ابوعمره شورتا باشی قاتیللری اؤلدورنده اوجا صلوات دئییلیردی. اوره‌گیمده هئی دئییردیم یاشا مختار!یاشا شورتا! مشد مراد گئتدی سو باشینا گلدی دئدی: واه واه قیامتدی ,پوففه- پوفدی، ،شپه گلیب آدام بویو! هامی دئدی، شوکور آللاها چیلله گئجه‌سی برکت ده نازیل اولدو! اینانیرسیز او گئجه‌ده گؤردیوم عنعنه‌لرین دادی هله‌ده داماغیمدادیر! یاواش- یاواش گلن قوناقلارگئتدی ائو بوشالدی ،سس- سلم آزالدی، چیلله‌ گئجه‌سی‌نین احتیشامی شاختا و قارلی اولماسیندادیر...

آتام بی‌بی‌مه دئدی:
- باجی هاوا کولکلیر، سن گئتمه. بی‌بی‌م قبول ائلدی، بیزده قالدی، ننم گتیردی یئری سالسین، من باشلادیم:
- بی‌بی من سن‌ایلن یاتاجییام، بی‌بی‌م دئدی:
-بی‌بی‌ون قوربان گل قوینوما، منی باسدی باغرینا، تپدی کۆرسونون آلتینا دوداغی‌لا یاناغیما موهور باسدی، بوش بؤیرومدن قیدیخلادی باشلادی بیر ماهنی بئله...

گـول یاناغی گـوللو بالام
 بالدان شیرین دیللی بالام
دوداقـلاریم ووراجاقـدی
 یاناغیوا سیللی بالام
تانریمـیزدان بیزه پایسان
قوینوم ایچین قیشدا یایسان
ائشیک اولسا قرانقولوق
 ایچه‌ریده پارلاق آی‌سان 
مٶهلت وئردی شان‌ تانریمـیز  
کندی‌لرده زوماریمیز
یۆن شالواردی یۆن آرخالیق 
ایستی- میستی پالتاریمیز
پاییـــز گـئتدی، گــلدی چیــلله 
قیشدا وورار شاختا سیلله
صاباح کـۆره دامــدان قاری 
 تنگه‌میزده گؤیه میلله
طؤوله‌مـیزده قیزیل قـویون 
بیرگؤره‌یدیم سنون تویون
شاخـتا گـــئدر گــونش چالار 
 بو فلَگین ایشی اویون

دئـدیم: بی‌بی! ســؤیله ناغــــیل 
دئدی: وئرسین تانری عاغیل
یاخشـینی پیـس‌دن سئـچه‌سن
سؤیله‌یه‌سن کدر داغیل
قـیدیخلادیم بوش بؤیروندن 
 بال بی‌بی‌م سن سؤیله ناغیل
 

باشلادی بیرناغیل بئله...
قارا چوخا
بیرینجی بٶلولوم

بیری واریدی بیری یوخ‌ایدی، تانری‌نین مخلوقا لوطفو چوخ‌ایدی
قدیم آیام، آذربایجان دیاریندا، تبریز بازاریندا، آدلی- سانلی چوخ ایمکانلی بیر مٶحترم، اهل ایمان، اهل قران، حلال بیلن، حرام قانان، شان- شرفلی بیر بازرگان آزارلادی، یورقانا دوشدو، گۆنو- گوندن بترلشدی، بیلدی عٷمرو باشا چاتیب، شریعت‌دن ایلهام آلیب گئتدی یازدی وصیتین، اهل- عیالین باشا سالدی دئدی:
- دای من گئتمه‌لی‌یم!
بازرگانین ایکی اوغلو و بیر عیالی کسدی یانین.
عزرائیلا امر اولوندو گلدی آلدی اونون جانین!

بازرگانین کفن- دفنی باشا چاتدی، بٶیوک اوغلو دئدی:
- قارداش! ایندی کی آتامیز اؤلدو، گل اَل- اله وئرک آتامیز یێغان مال- دؤولته صاحاب دوراق..
کیچیک اوغلو دئدی:
- قارداش آرتیق تاماحلیق خوش گۆنون قاتیلی‌دیر، ایرحمتلیک آتام چوخ ایشله‌دی نه آپاردی؟ نئچه آرشین آغ بئزیلن بیرنئچه تکبیر! من ایستیرم خوش گون گؤرم.گل مالیمیزی بؤلک!سنین حاققین سنین اولسون، منیم حاققیم منیم اولسون! آنامیز دا (هشت یک‌)ین وئرسک اونون بسی اولار، بوگون صاباح او دا گئتمه‌لی‌دیر!
بٶیوک اوغول دئدی:
- یوخ قارداشیم! دودیمانا بالتا وورما، هر دیوار کی آرالانسا بیرگون اوچار، دام یێخیلار!
کیچیک قارداش دئدی:
منیم دامیم یێخیلاندا دێرک وورارام!..

(گون یاماجی ، یانبلاغ وبلاگیندان-هوشنگ باقری)
بو ناغیلین ادامه‌سی وار..

داشلی بولاق
@dashlibulaq

عاشیق محمد فرزانگان و استاد هوشنگ جعفری


داشلی بولاق↙️
@dashlibulag

#دئییملر



🔸 آجیندان کٶپوک قوسور
چوخ یوخسول و پولسوز بیری

🔸 بیر شاهی‌یا گۆلله آتیر
چوخ پولسوزدی

🔸 چیچه‌ییمیز چیتدادی
چوخ سئویندیک

🔸 باشینی پیچاغا سۆرتور
ساواشماق آختاریر

🔸 عاغلی توپوغوندادی
عاغیل جهتیندن ضعیف اولان بیری

🔸 قولاغی تۆکلو
داها آز آنلاییشا صاحیب اولان بیری

🔸 بازارین گٶزونو چیخاردیب
بازاردان یاخچی بیر زاد آلا بیلمه‌ییب

🔸 سویوموز بیر آرخا گئتمیر
سٶزوموز بیر-بیریمیزه خوش گلمیر

🔸 آغزیندان سوت قوخوسو گلیر
هله چوخ اوشاق‌دی


داشلی بولاق↙️
@dashlibulaq

□ قورد آغزی باغلاماق

او گئجه کی یاغیش گلدی سورودن اوچ قویون گئری قالدیلار. نه‌نه‌م دئدی: قورخما. بیچاغی ساپا دولامیشام، بیر دسمالا قویموشام، قویونلار آماندا؛ جاناوارلارین آغزینی باغلامیشام.

¤ یازان: کیوان شمشیر بیگی
¤ ترجمه: چیراق
@Chiragh1

👇👇👇👇👇👇👇👇👇

اینانج لار، کاغازکونان:

کؤیشنده داوار و مال قالاندا جاناوارین آغزین باغلارلار، دئیرلر اوْندا جاناوار حئیوانا تۆش گلسه‌ده یئمه‌گه آغزی آچیْلماز!

بیزیم کندلرده جاناوارین آغزین باغلاماق اوچون قرآن دان "والشمس و والضحی" سوره‌سین آغزی آچیق پیچاغا اوخویوب سوْنرا اوْنون آغزین باغلاییب بیر اوجا و دالدا یئره قوْیارلار (آغزی آچیلسا اثر دن دۆشر)

دئیرلر:
آغزی باغلی قۇرد یئتدی دره آتیْلسا، آغزی آچیلار و اوْ پیچاق ایلا آغیز باغلاماسی اثر دن دۆشر

داشلی بولاق↙️
@dashlibulaq
@dasbulaq

اووسونچو

قدیم ائولرده ایلان چیخسیدی اووسونچو گَتیرَردیلر ، وئرد اوخویوب ،ایلانی اووسونلاردی، سونرا ،ایلانی توتوب توربایا سالاردی آپاریب ساتیب یادا چولده بوراخاردی

⚜آشيق كيست؟
قسمت اول

بدون شک فولکلور آذربايجان يکي از غني‌ترين ادبيات شفاهي (عاميانه) در بين همه ملل جهان است. فولکلور آذربايجان علاوه بر انواعي که مشابه آنها در بين ساير ملل دنيا نيز رايج است, دو شاخه عمده ويژه‌ا نيز دارد که دريايي بي‌کران از ادبيات مردمي, معدني سرشار از زيبايي و ظرافت است که جنبه‌هاي گوناگوني از پروسه‌هاي اجتماعي از قبيل رويدادهاي تاريخي و آداب و رسوم و عادات و عنعنه‌جات و مبارزات و قهرماني‌ها و رنج‌ها و شادي‌ها و ناکاميها و کاميابي‌هاي مردم آذربايجان را در خود منعکس مي‌سازد که نظير آن, در بين ملل ديگر بجز بعضي از ملت‌هاي ترک زبان آنهم نه به اين وسعت, مشاهده نمي‌شود.
يکي از آن دو شاخه مهم فولکلوريک مورد بحث هنر (عاشيقي) است که خود جامع چندين هنر مهم از جمله شاعري, آهنگسازي, داستانگوي, نوازندگي, خوانندگي, اکتوري و ديگلماسيون و لطيفه‌گويي و غيره مي‌باشد.
آشيق‌‌ها محبوبترين هنرمندان مردمي هستند و با مردم رابطه بسيار نزديکي دارند زيرا آشيقي خود زاييده از بطن اجتماع بوده و پديده ايست که از داخل زندگي مردم جوشيده و موجودت يافته و با آن‌ها رشد و نمو کرده و متبلور شده است, آشيق کس است که در روستاها و کشتزارها و در شهرها و در ميان مردم زندگ مي‌کند.
يک آشيق، مداح و ستايشگر اجتماع خويش است که در دردها و رنج‌ها و آرزوها و شادي‌ها و سرگذشت‌هاي قومي آنها را با نواي ساز و صداي ملکوتي و ترانه‌هاي ملکوتي و ترانه‌هاي دلنواز خويش در مجالس و محافل بازگويي مي‌کند و افتخارات و قهرماني‌هاي آنها را به وصف کشيده و برمي‌شمارد. در اغلب اشعار و تصانيف آشيقي طبيعت زيباي آذربايجان, کوههاي بنام, جنگل‌هاي سرسبز, چمن‌ها و مرعزارهاي پرعلف و ييلاقها و قشلاقها و رودخانه و حتي شعرها و روستاها با نامشان, مضمون اشعار آشيقها قرار گرفته و توصيف و ستايش مي‌گردد.
آشيق در حقيقت نماينده و سخنگوي اجتماع است و هر چه مي‌گويد از جانب «او» و درباره «او» مي‌گويد داستانهاي آشيقي, تبلوري است از آرزوها و آرمانهاي مردم و ملهم از رنج‌ها و شاديهاي آنان, سخن آشيق سخني است که از دل سرچشمه مي‌گيرد و لاجرم بر دل نيز مي‌نشيند.
در قديمي‌ترين اثر کتبي ماند هبه زبان آذربايجاني (اوغوزي) موسوم به کتاب «دده قورقود علي لسان‌العز» که در تمام دنيا دو نسخه بيشتر (در آلمان و واتيکان) از آن در دست نيست, براي آشيق در آنزمان «اوزان» بر وزن مغان خوانده مي‌شدند مقامي بس بلند و ارجمند قائل شده است. اوزانها ريش سفيد قوم و مورد مشورت مردم هستند و هر جا که مشکلي پيش مي‌آيد و گرهي در کار باشد بسراغ آنها مي‌روند تا بر سر انگشتان تدبيرشان گشوده شود. «او» در ميان مردم مقام مقدسي دارد, همه از او حرف‌شنوي دارند هر جا حادثه‌اي وحدت ملي و قومي را تهديد مي‌کند اوست که با پا در مياني خود غائله را ختم و از بروز کينه و نفاق در ميان ايل خود جلوگيري مي‌کند. اوزان‌ها سازي داشته‌اند که «قوپوز» ناميده مي‌شده است.
هنر آشيقي پديده و صورتي ويژه و استثنائي از اشکال فولکلوريک است که به تنهايي دنيايي از ادبيات شفاهي مردم و نمايشگر پروسه‌هاي متنوع و متعددي از حالات اجتماعي و مراحل مختلف معيشت و فعاليت‌ها و مبارزات مردم براي رهايي از قيد ستم خودکامگان تاريخ و منعکس کننده حوادث خوب و بدي است که بر مردم گذاشته است, به عبارتي خود يک فولکلور کامل است.
يک نفر آشيق, داستانگوي دوره گرد است که سازي سنتي به همراه دارد. اين ساز در آذربايجان معمولا 7 سيم دارد و در بين ترکمانها 2 تار مي‌باشد. در ميان ترکان قشقايي که زماني از ترکان آذري جدا شد هو در ايالت فارس و قسمت‌هاي شمالي خليج فارس توطن اختيار کرده‌اند نيز آشيقهايي هستند که با ساز يا «چگور»هاي خود در ييلاق و قشلاق ايل خود را همراهي مي‌کنند.
اين سازها براي آشيق اهميت و ارزش ويژه‌اي دارند, در حکم سلاح است براي يک مرد جنگي به تعبيري ديگز ساز ناموس آشيق است و معمولا با قطعات صدف و نقره و نگين‌ها و تصوير خود آشيق و غيره مزين و آراسته گرديده است. پوشش مخصوصي دارد که موقع غير کار درون آن گذاشته و معمولا از ميخي بر ديوار آويزان مي‌کنند.
آشيق هنرمندي است که همراه با ساز خود در جشن‌ها و عروسي‌ها و مجالس ديگر و در بعضي قهوه‌خانه‌ها (در گذشته) داستانهاي فولکلوريک مخصوصي را با لحن دل‌انگيزي نقل مي‌کند و اشعار مخصوص هر داستان را با آهنگ آن که غالبا آن نيز مخصوص است و در جاي خود در داستان, از زبان قهرمانان داستان و همراه با ترنم دلنواز ساز و با صوت داودي خويش مي‌خواند. اين داستان‌ها مانند «کوراوغلي», «اصلي و کرم», «شاه اسماعيل», «شاه عباس و زهره خان», «عاشيق غريب و صنم» و غيره که از وراء قرنها سينه به سينه نقل و تا به امروز رسيده است و امروز اپراهايي براي بعضي از آنها تصنيف شده است از کثرت تکرار, ازبر يکايک روستائيان و مردم عادي ديگري هست.


داشلی بولاق↙️
@dashlibulaq

ایتحاف اولور گوزل باخیشلارا🌹

@dashlibulaq🌺💕

من جهنّمده ده باش یاستیغا قویسام سن‌ایله
هئچ آییلمام‌کی دوروب جنّت مأوایا گلیم

رحمتلیک اوستاد شهریار
@dashlibulaq💕

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ نومره 🔟
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

دوغایا(طبیعت) ایلگی‌‌سی اولان#سٶزجوک‌لر

+ کٶهول = غار

+ داغلیق = کوهستان

+ گٶزه = چشمه کوچک

+ توز-توپراق = گرد و خاک

+ شپه- لپه -دالغا = موج

+ قایا - قَیه - یالچین = صخره

+ کٶرفَز = خلیج

+ مئشَه -اورمان= جنگل

+ یورد = سر زمین

+ تپه - گَدیک = تپه

+ دَرین = عمیق

+ دایاز = کم عمق

+ گٶل = دریاچه- استخر

+ کهریز = قنات

+ قنوو - آرخ = آبراه

+ زیروَه = قله

+ دٶش = دل کوه

+ دورو = زلال

+ دٶنگه = پیچ تند راه

+ یاماج = دامنه کوه یا زمین با شیب کم

+ کویر = خاک ضعیف ( از مصدر کٶرومک = ضعیف شدن)

+ آران = دشت نسبتا گرم

+ کٶوشن = زمینهای زراعی

داشلی بولاق↙️

@dashlibulaq

#آتالار_سٶزو

🔹 آجا دوققوز یورغان بۆرویوبلر گئنه یوخلایا بیلمه‌ییب

🔹 آجا نه حلال، نه حرام ؟

🔹آجی دیندیرمه، توخو ترپتمه

🔹 آجین آندی، آند اولماز

🔹 آجین گؤزو چؤرک تیکه‌سینده اولار

🔹 آجین ایمانی اولماز، توخون آمانی

🔹 آجین قارنی دویار، گؤزو دویماز

🔹 آجلیغیندا ائلدن یئییر، توخلوغوندا ائلدن دئییر

گٶندرن: سارای-چ

داشلی بولاق
@dashlibulaq

قارا چوخا
#ائل_ناغیلی
ایکینجی بٶلوم

القصه، سؤز اوزانماسین, بؤلوشدولر! قارداشلارین آدین دئییم، بؤیوک قارداش " نصرت الله" کیچیک قارداش " هیبت الله" هیبت دئدی: من مالیمی ساتمالییام. نصرت دئدی: پاخما اولما، آتا بابالاردان قالما سؤزدور، هرکیمی ایسته‌سن ییخاسان مالین سات، پولون وئر اَلینه! هیبت دئدی: آیاق اوسته دورمام کی ییخیلام، اۆزو قویلو اوزانارام! نصرت دئدی: دای اؤزون بیل، هیبت الله!
هیبت دئدی: نقدی منیم، املاک سنین. هیبت الله پولون آلدی، یولا دوشدو، اؤز-اؤزونه فیکیرلشدی، بیربئله ده پول قورتولار؟ باشلادی بیر ماهنی بئله...

- اون گونده بیر شیشک یئیَـم
اون گونده بیر خوم شراب
گاهــدان دا بیـرجئـیران اَتی 
بئش- اون سیخ ائیله‌رم کاباب
میــخانانیــن ساقی‌سیــــنه
نئچه مانات بهر ثواب
ارک‌ اؤوونلو باغیشلارام
سلامیمه وئرسه جواب
دئسه، هیبت پـولون وئریم؟ 
دئیرم، یوخ اولدو حساب
دون- تـومان آللام اؤزومـه
 لاپ اولارام تازه مٱب
یون آرخالیق داریخــدیریر
گۆنده منه وئریر عـذاب
خینـا قــویوب اللریمه
 باش- ماشی ائیلرم خیضاب
کاتیـبه ده پـول‌ وئررم
هئیـبتیمدن یازارکیتاب

هیبت اۆز قویدو بازارا ساری، دون- تومان الدی اؤزونه، اوردان گئتدی عطّاری‌یه عطر آلماغا, اوردان کئچدی، بیرحامامدا چیمدی اولدو لاپ شاماما. گئتدی تاپدی یولداشلارین, دئدی: گلون، آ، یولداشلار، هاموز منیم قوناغیمسیز! ساغ طرفده "آل قولو بئی" سۆل طرفده "مال قولوبئی" اۆز قویدولار میخانایا! یئیَن یئدی، ایچن ایچدی، گؤزلر اولدو قابان گؤزو! باش قیزیشدی, اورد یئللندی، قارین کؤپدو! هیبت دئدی: ساغلیق وئرین! پیالالار اَل اوستونده شاققیللادی!
بیری دئدی: بیغی بورما هیبتیمین ساغلیغینا
بیری دئدی: اَرن خوجا هیبتیمین ساغلیغینا
بیری دئدی: قلم قاشلی هیبتیمین ساغلیغینا
بیری دئدی: باشی ساچلی هیبتیمین ساغلیغینا
هیبت دئدی: باغری باداش یولداشلارین ساغلیغینا

ظولوم گئجه اولدو یاری. هیبت دئدی: دورون گئدک، هیبت الله هیبتیلن بیر گییردی، الین سالدی جیب‌لرینه ساقی‌یه بیر اَنام وئردی! میخاناچی ادب‌ایلن باش اندیردی دئدی:خوجا هیبت بویور، بویور! هیبت الله حسابلادی سونرا دئدی آرتیغیدا سنون السون! آل قولو بئی یانپؤرتودن یانالادی دئدی: هیبت، سن بیلگیلن منیم جانیم، قدملرین گؤزوم اوسته، دودمانیم سنه پیشکئش!

بوگون بئله، صاباح ائله، نئچه موددت بئله کئچدی. پول قورتولدو ، خوجا هیبت خومار اولدو. اومود ائوی آل قولو بئی سالدی چؤله! قیش باشلادی قار-کۆله‌یین, هیبت قالدی دالداناجاقسیز، جیبلری بوش، اۆستو یالین، شاختا اونو فنیکدیردی. سیخیلمیشدی بیر بوجاغا، آناسی یادینا دۆشدو، گلدی گؤردو ننه اؤلوب، قاپی باغلی!

دئدی: گؤرن نصرت واردی؟ گئدیم گؤروم او هاردادیر؟ گلدی تاپدی قارداشینی. دئدی: قارداش اۆزوم قارا، بیرآز منه کؤمک ائله. نصرت اونا کؤمک ائتدی. دئدی: قارداش گئت اؤزووه اَل- چال ائله، بو تولوقدان کره چیخماز. هیبت الله خوماریدی،گلدی گئنه میخانایا، بیرگۆن گؤردو بیرفالچی کیشی فالا باخیر، دئدی: فالچی منیم فالیمه باخ، فالچی دئدی: سنون قارا چوخون یاتیب! هیبت دئدی: فالچی داداش هاردا یاتیب؟
فالچی دئدی: دستمازسیز ناماز اولار؟ هیبت دئدی: پولوم یوخدو! بو اۆزوگوم سنه پئشکاش. بیرنام-نیشان فالچی وئردی، هیبت آقا یولا دوشدو! بو باییردان او باییرا، بوکؤوشندن، اوکؤوشنه، بیر مئشه‌یه گلدی چیخدی، باخدی گؤردو بو مئشه‌ده، اوزون یاللی اوزون کوپال بیر شئر واردیر، یانیندا اوو شیللاق آتیر، جئیران‌لار بیرطرفده توققوشوللار, شئرده باشین قویوب یئره هزین سسیله باغیریر، گلدی شئرین باشی اوسته دئدی:

اسلان نه یاتیبسان؟
دردین نه‌دیر باغیریرسان؟ 
چوخ باغیرما باغریم چاتلار
یال -کوپالین هرکیم گؤرسه
هیبتیندن قارنی پاتلار
ائشیــتمیشم ائـرکک اسلان
اون جئیرانی بیردن قاتلار
اســـلان سنــه نه گلیبــدیر؟
کوره‌گوندن اوولاق آتلار!

اسلان دئدی:
آرتیـرما چوخ منیم دردیم 
بومئشه‌ده شن گزَردیم
منی یازیق گؤزده گؤرمه 
قافلانلاری من ازَردیم
اینــدی منیم آغــریر باشیم
دای قالماییبدیر هوش- باشیم
قوزو- جئیران، تولکو- مولکو
 ایندی اولوبلار یولداشیم!
اینسان اوغلو سن سهل سانما
درد آسلانین بئلین بۆکر
درد گلنده اسلان چؤکر!
دردیمین ده درمانی یوخ..
ایکی ایاقلی انسان اوغلو
سن هارا بو جنگل هارا؟

هیبت دئدی: فالچی دئیب، قاراچوخام بومئشه‌ده باش قایانین آلتیندا کؤهول ایچره یاتیب من گئدیرم اونو آییندیرام اوکؤهولو تانیرسان می؟

اسلان دئدی: قنشرده کی اوجا قایا او قایا دیر, بیرده قاراچوخوندان بیر سوروش من یازیغین درمانی وار؟ هیبت دئدی: گؤزوم اۆسته.

هیبت یولا دوشدو،گئتدی چاتدی بیرچیمنه، باخدی گؤردو هر طرفدن سو سۆزولور.اوت علفدن کئچمک اولمور, بو چیمنده بیر آت گؤردو باشی قاشقا یال ساللانیب اؤزو دوشگون!یانچاقلاری بیر دری‌دیر بیرده سۆموک!قابێرقالار دریسیندن باسیب چؤله!


بو ناغیلین دوامی وار..

سوواق چکمک ، کند آدامی اَل-اله وئریب بیر دامی سوواییرلار

@dashlibulaq

#همگو

دده‌-بابالاریمیز هر بیر ایشی پول‌ایلا گٶرمزدیلر، ایَر بیر آغیر ایشلری اولسایدی بیلیردیلر تک قالمایاجاق‌لار ، چون بیلیردیلر ، ائل بو ایشی اٶز ایشی بیلیر و کمک‌لیگه گله‌جکلر ، کندین بعضی ایشلری چوخ کمکه احتیاجی واریدی ، پالچیق ایشلری، دام باسدیرما ، داما سوواق چکمک ، خرمن دویمک ، گاهدان بیچین ایشینده، کند آدامی کمکه گلَردیلر و قویمازدیلار ایش صاحابین ایشی یئرده قالسین .
دئمه‌لییَم کمکه گلنلرین هئچ بیرینین مزد آلماقدا گٶزلری اولمازدی.
همگو ، بورج ساییلیردی، بیر نفر گئدیب قونشوسو یا آیریسینا کمک ائلیردی او بیری طرفده بونون ایشین ، یئری دوشنده جبران ائدیردی.
قدیم‌کی‌لرین بو اینانجی واریدی: "اَل-اَله وئرمک علی‌دن قالیب"
یعنی آغیر ایشلرینده بیر-بیرینه ، کمک ائله‌سیدیلر اونو ثاواب ایش بیلیردیلر .

داشلی بولاق↙️
@dashlibulaq

کندده سوواق چکمک ایشی

داشلی بولاق↙️
@dashlibulaq

#اوشاق_نغمه‌سی

توسباغا قارداش! هاردان گلیرسن؟
- مشهددن
هانی سوغاتین؟
- آلدیلار
نێیه وئریردین؟
- ووردولار
- اونلار ایکیدی، من بیریدیم ، اونلار ووردوقجا، من کێریدیم

داشلی بولاق
@dashlibulaq

چؤرک

بیلدیییز کیمی چؤرک بیزیم یاشام دا چوْخ اؤنملی و قۇتسال ساییْلیر

اوْنا گؤره اؤزل (خاص) ایناملار واریمیز و چؤرکله آتالار سؤزۆ و دئییم لر بوْل دور!

چؤرک نئجه اؤنملی اوْلوب، ائونه ده یئییلن هر بیر زادا چؤرک دئمیشک. (بۇیورون گئدک بیزده چؤرک یئیین)

چؤرگه آند ایچیریک (آند اوْلسون چؤرگه / چؤرک حقی و ..) و اینانمیشیق چؤرک آدامی تۇتار (چؤرگیم سنی تۇتسون)

☆ بوْیلۇ خانیم اۇشاغی اوْلان دا ایش چتینه دۆشنده و اۇشاق و آناسی جان خطرینه قالاندا بیر نئچه بلگه چؤرک گتیریب خانیمین باشیْنا دوْلاندیریب سوْنرا اوْنو قاپیْنین اۆستونه قوْیارلار! ایش قۇرتولاندان سوْرا و آنا-بالا سۆتون (سالم) دؤشه‌گه باش قوْیاندان سوْرا اوْ چؤرگی گؤتۆروب تمیز یئرده ایتلره آتارلار یئسین‌لر

☆ ساواشدا و جیرله‌شمه ده سؤز-ساوال یاتسیْن دئیرلر چؤرک گتیرین کیم حاقلی‌دیر چؤرگه ال قوْیوب آند ایچسین!

☆ چؤرگی اوْومازلار

☆ چؤرگی آیاقلامازلار

☆ چؤرگی پیچاقلا کسمزلر

☆ چورگی ایت و داوارا وئرنده دوْغرارلار حئیوان چکیب جیرمه‌سین

☆ غذا یییه‌نده ال-آغیز یاغلیْ اوْلسا چؤرگله سیلمزلر

☆ سفره‌ ده اوْتوراندا چؤرک قابین/بۇخچاسیْن دالدا قوْیمازلار (چؤرگه دال چئویرمزلر)

☆ ائشیکده یئره تؤکۆلن چؤرگی گؤتۆروب اؤپۆب بیر اۇجا یئره قوْیارلار، قۇشلار یئسین!

آنالار چؤرک یاپاندا بیرینجی پیشن چؤرگی قویمازلار بیرکس یییه! (دئیرلر اوْندا یاپدیغیم چؤرک برکت سالماز)

@dasbulaq
@dashlibulaq