قووورقا

قدیم زامانلار ایندی‌کی کیمی اوشاقلار توکان وسایل‌لری تاپیب یئیه بیلمزدیلر ، اوشاق یئینتی‌لری چوخلو ائوده اولان بیر شئی‌لریدی، آنالار اوشاقلار مدرسه‌یه گئدنده یا ائشیکده اویناماغا گئدنده یاغ‌ ، قاتیق و یا ... بٶرمه‌جی = دورمه‌جی وئرردیلر و اوشاقلاردا اونلاری یئیه‌ردی

گاهدان اوشاغین جیبینه "قووورقا" یئمیش ، گیرده‌کان(جویز)ایچی و یا باشقا بیر شئی‌لر دولدوراردیلار

قووورقانی ائوده تندیر سالیب چٶره‌ک یاپان گونلری قوووراردیلار ، تندیرین ایستی وقتی ساجی قویاردیلار ، تمیزلنمیش بوغدانی توکردیلر ساجین اوستونه ، قاریشدیراردیلار یانماسین.
بعضی خانیملار بوغدانی سوتده ایسلادیب ، یاتیرداردیلار گئجه‌نی قالاردی ، بو قووورقا چوخ کٶیرَک و یئمه‌لی اولاردی.

داشلی بولاق↙️
@dashlibulaq

قووورقا
@dashlibulaq

‍ ‍ ( بیل! اوجاقدان آيريلان اود تئز سؤنَر

آيريليب دوشمه اوزاق ، يورتدان گؤزل)


شعر - موسیقی
تورک ادبیاتی
کولتور
تاپماجالار
بایاتی‌لار
داهی‌لر سٶزو
ناغیل
ده‌ده-بابا اوجاغی
قدیم اویونلار

بیزه قوشولون👇👇👇👇

@dashlibulaq
@dashlibulaq
شکیل : گوو کندیندن

بو دیل بیزیم روحوموز، عشقیمیز‌دی.....❤️

چوخ گوزل بیر دیکلمه 👌

گوندرن:ج. سلمانی

داشلی بولاق↙️
@dashlibulaq💕

دانیش منیله فاطمه (س)...

مداح: مرحوم حاج سلیم

گوندرن: یلدا خانیم

داشلی بولاق↙️
@dashlibulaq

کاغازکوناندا یاشایان حیوانلار - قوشلار

۱- قارقا (کلاغ)
۲-قَجله (زاغ)
۳ - کهلیک (کبک)
۴- قوزقون - پالانلی قوزقون( عقاب)
۵-بایقوش (جغد)
۶-باغری قارا
۷- بیلدیرچین
۸- چالاغان
۹- قاشقالداق
۱۰ - قیرقی
۱۱-سئرچه قوشو
۱۲- چوبان اللادان
۱۳ -بوببو -چنه بوببو
۱۴- گئجه قوشو
۱۵ - سیغیرچین
۱۶- آغاج دَلن
۱۷- بولبول
۱۸ - ساری کٶینک


چٶل حیوانلاری

۱- قورد (گرگ)
۲ - تولکو ( روباه)
۳- اوو (آهو )
۴ - دووشان (خرگوش)
۵ - چاققال ( شغال)
۶- کیرپی (جوجه تیغی)
۷ - سووسار ( راسو)
۸ - ایلان ( مار )
۹ - ایلان آغو وئرن(آفتاب پرست)
۱۰ - کرتنکه‌له ( سوسمار)
۱۱ - قیز بوغان=اوغلان یولداشی(مارمولک)
۱۲ - عاقرب (عقرب)
۱۳ - اَیری قویروق ( گژدم)
۱۴ - بووه = قویون عاقربی
۱۵ -آیی (خرس)
۱۶ - کافتار
۱۷ - پورسوق ( سمور)
۱۸ - دوووز =دونقوز (خوک)
۱۹- قابان - (گراز)

داشلی بولاق↙️
@dashlibulaq

قاتیق قویماغی


قاتیق قویماغی

قاتیق قویماغی دیرناغ اتلرینین چیرکی اوچون دوزه‌لیر
قیچ دیرناغینین اته باتماسی یادا یان یؤوره سیندنه هر ندنه گؤره یارانان چیرک اوچون بو درمان یارارلیدیر

ایچینده کی لر:
ساری یاغ
ساری کؤک
اون
قاتیق
هر بیریندن بیر یا ایکی یئمک قاشیغی،
تکجه ساری کؤک قاشیق اوجوندا تؤکولور
ساري ياغي اريديب اونلا قاتيب خمير دوزه‌لديرلر، سونراسي ساري کؤکو قاتیرلار بیر آز اوجاق اوسته قوورلاناندان سونرا اوجاق اوستوندن گؤتوروب قاتیغینی تؤکورلر .
بئله جه قاتیق قویماغی دارمانی دوزه‌لیر.

(اورمو)
داشلی بولاق↙️
@dashlibulaq
@El_bilimi

ائل بیلیمی آخاقیندان
@dashlibulaq

#داســتان.شـیڪاری

🎼اوخویور

🎸🎙آشیق، یداله عیوض پور

✅ نومره 5⃣
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

‍ ‍ بایاتی ،نازلاما


لای-لای دئدیم یاتینجا
گؤزله‌رم آی باتینجا.
جانیم زینهارا گلدی
سن حاصیله چاتینجا.



لای-لای دئدیم بویونجا
باش یاستیغا قویونجا.
پارداخلان, قیزیلگولوم,
بیر اییله‌ییم دویونجا.



بیر گول اکدیم بویونجا
اییله‌مه‌دی دویونجا.
عومروم, گونوم اوزانسین
بو بالامین تویونجا

**


ائوینده, ائشیگینده,
یات قوزوم, بئشیگینده.
دان اولدوزو, بیر ده من
دورموشوق کئشیگینده.


داشلی بولاق↙️
@dashlibulaq

شکیل: گوو کندیندن

فیکرین شوجاعته احتیاجی وار
#ائل_ناغیلی


بیر گون قاپلان (پلنگ) شیکار اوچون جنگله چیخدی. یولدا بیر تولکویه راستلاشدی و اونو جایناغینا آلدی. توکلو یقین تاپدی کی اؤله‌جک. یاخیندا اؤلمگین بیلدیگینه رغماً فیکیرلشدی کی نئجه اؤزونو قورتارا بیلر.

تولکو چوخ مؤحکم و قاطع صورتده قاپلانا دئدی : نئجه جورأت ائدیرسن منی اؤلدوره‌سن؟!
قاپلان بو سؤزدن تعجوب ائدیب عیلّتینی سوروشدو. تولکو سسین قووزاییب و غرورلا دئدی : « حقیقتده من آللاهین حیوانلارا تعیین ائله‌دیغی پادیشاهام! منی اؤلدورسن آللاهین ایراده‌سینه ضید چیخمیش اولارسان, بونو بیلیرسن؟ »
تولکو قاپلانین صیفتینده‌کی چاشقنلیغی گؤرونجه آیدین صورتده قاپلانین اوزونه باخیب دئدی : « گل ایمتحان ائدک. گل جنگلی دولاناق. گل منیم دالیمجا و گؤر کی حیوانلار مندن نئجه قورخورلار». قافلان قبول ائله‌دی و اونلار یولا دوشدولر.

تولکو قاباقدا و قاپلان اونون دالیسیجا یئریدیلر. حیوانلار تولکونو قاپلانین قاباغینجا یئری‌دیگین گٶرونجه، قورخودان قاچیب گیزله‌نیردیلر.

تولکو گوپلویا- گوپلویا دئدی : شکسیز کی من سنه دئدیگیم سؤز تماماً حقیقتدیر. ائله دئییل‌می؟»
پلنگین بو مسأله‌یه اعتیراف ائتمکدن سونرا آیری چاره‌سی قالمادی, باشین توولاییب دئدی : « دوز دئییرسن سن پادیشاهسان.»

داشلی بولاق↙️
@dashlibulaq

بیر چیخئیدیم دام قیه‌نین باشینا
بیر باخئیدیم گئچمیشینه، یاشینا
بیر گٶرئیدیم نه‌لر گلمیش باشینا
من‌ده اْونون قارلاری‌لان آغلاردیم
قیش دوْندوران اوْرک‌لرى داغلاردیم
شکیل: گوو کندی

@dashlibulaq

‍ قوردون گٶز ایشیغی

آتالاریمیز دئییر : قوردون گٶزو قارانلیقدا ، قارا قویونو قارا شوخومدا سئچیر ، دئمه‌لی قوردون گٶزو چوخ ایشیقلی‌دیر

قورد ایته دئییب ؛ " من گٶزومون ایشیغین‌دان بیر آز سنه وئریم ،سن‌ده ایی‌بیلمه‌ گوجوندن بیر آز منه وئر . ایت قبول ائتمه‌ییب . دئییب‌کی ، ایی بیلسن منی یاتدیغیم یئرده باسیب یئیه‌رسن.


داشلی بولاق↙️
@dashlibulaq

#آتالار سٶزو

+آج تویوق یاتار ، یوخودا داری گٶرَر

+ کهلیک باشین سوخار قارا ، دییَر منی گٶرن یوخدو

+ آت تٶیله‌میخین چیخاردار، بیرین اٶزونه وورار ایکی‌سین یئره

+ روزی‌یه ضامین الله‌دی

+ ایلان ویران آلا چاتیدان قورخار

+ ساخلا سامانی ، گلَر زامانی

+ یامان گونون عمری آز اولار

+ بئی وئره‌ن آتین ، دیشینه باخمازلار

+ دییرماندا یوخدو دنین ، نییه باشیوی آغریدیرسان

+ قورد سورویه گلسه ، کاسیبین بیر قویونون آپارار

+ آروادی اَری ساخلایار ، پنیری دری

داشلی بولاق↙️
@dashlibulaq

*داشلی‌ بولاق* (کاغازکونان فولکلورو):
#داســتان.شـیڪاری

🎼اوخویور

🎸🎙آشیق، یداله عیوض پور

✅ نومره 6⃣
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

کؤنول عومرون کاروانینا.
دایان دئدیم دایانمادی.
آخیب گئدن گونه آیا .
یوبان دئدیم یوبانمادی.


درد الینده اولدم سفیل .
غم اولوبدی منه کفیل
یازیق بختیم یاتیب غافیل.
اویان دئدیم اویانمادی.


عومور بویو چکدیم چیله.
فلک سالدی دیلدن دیله.
بیاض اولان قارا تئله.
بؤیان دئدیم بؤیانمادی.


کاتب اوغلو بو جیهاندان.
یاخچیسیندان یامانیندان
یازیلمامیش کیتابیندان.
دؤیار دئدیم دؤیانمادی.

داشلی بولاق↙️
@dashlibulaq

اونودلموش یا انودولماق حالینده اولان #سٶزجوک‌لر

٭ موشتولوق = مژده

* بوجاق = گوشه

٭ قوتور = بیماری قارچی در صورت و بدن انسان یا حیوان

* دمیرو = نوعی بیماری قارچی

٭ قولپ = دسته

٭ قور = جرقه

٭ قورجاناق = اخگر

٭ قاش - اوزوگون قاشی = نگین انگشتر

٭ سیندیرمک = هضم کردن

٭قولپ = دسته

٭ "کَلَته دارتماق"

کلته بیزیم ماحالدا، چوخ ایشین ایچینده آز ایش گٶرمه‌گه دئیَرلر.

قدیم دَییرماندا بوغدالاری چووالدا گتیریب ییغاردیلار دییرمانین بیر طرفینده نوبت توتاردیلار، هر کیمین نوبه‌سی یئتیشدیکجه دییرمانچی اونون بوغداسین دارتاردی.
آرادا بعضی آز بوغداسی اولان آداملار گلیب نوبه‌ده دورمادان بوغدالارین دارتدیراردیلار، بونلارین بوغداسی بیر تای یا یاریم تای اولاردی ، بو بوغدانی (نوبه ‌آراسیندا) دارتماغا "کلته دارتماق" دئیَردیلر.

داشلی بولاق↙️
@dashlibulaq

اوشاقلار ایچون بیر ماهنی👆
@dashlibulaq

یاد ساخلاماز ائل اوبانین هاواسین
باشا آلیب ازدیرمه یه،آماندیر
ائللر آرا بئلنچی بیر مثل وار:
چاغیرمامیش قوناق سئل‌دن یاماندیر

🌹حیدر عباسی (اوستاد باریشماز) 🌹
@dashlibulaq

کونول محبتدن دانیشان آندا
عقل قوپوزونون سیمی قاریشیر
عشق اای تئللره زخمه ویراندا
کیمیسی قیریلیر،کیمی قاریشیر
💐💐💐💐💐💐💐💐💐💐💐💐💐💐
@dashlibulaq

#اوشاق_نغمه‌لری

اَتَک اتک پولوم وار
بیر سورو قویونوم وار


قدیم اوشاقلار بو قوشمانی اوخویاردیلار کی نیشان وئریر قویون کندلی‌نین گٶزونده نه قدر دَیَرلی- ارزشلی بیر حیواندی.

داشلی بولاق
@dashlibulaq