ائلیمیزین #دب‌لری
مسافر آشی

ائلیمیزین چوخ گٶزل دب‌لریندن بیری ، مسافره حورمت ائله‌مکدی.
اَسکی زامانلار اینسانلار چوخ آز مسافرته گئدردیلر ، بو مسافرتلردن بیری مشهد یا کربلا زیارتینه گئتمک یا دا سربازلیق‌ایمیش.
کندین خانیملارین ییغیشیب بیر یئره مسافرین دالسییجا آش بیشیرردیلر ، بو آشدان اٶزلری ایچیب قالانین دا کند اهلینه پایلاردیلار ، بو ایشین حکمتی‌ده شاید ، مسافرته گئدن ائوین داریخماماسی اولئیدی ، چون ائولرینده بیر نئچه گون گل-گئت و ییغینتی اولاردی ، بو سبب اولاردی مسافرین یئری چوخ گٶرونمه‌سین.
مسافرته گئدن آدامین دالیسیجا سو سپه‌رلر ، بو اینانج وار ، مسافیر ساغ گئدیب سالامات قاییدار.

بیر دب‌ده واریدی ، ایندی دای یوخدو ، بیر مسافیر ، (مخصوصا سربازلار)مسافیرتدن قاییداندا ،هرکیم تئز بیلسه‌یدی قاچیب بو خبری عائیله‌سینه وئرسه‌یدی ، یاخچی بیر موشتولوق آلاردی.
ایندی مسافیرلر تلفن‌لا گلمک‌لرینین دیقه‌سینه کیمی دئییرلر ، دای موشتولوق اهمیت‌دن دوشوب.



داشلی بولاق↙️
@dashlibulaq

سربازچیلیق 

یازان : سولماز پورنعمت


 سربازلیغا گئدن جاوان ، ایکی ایللیک خیدمتینی قوتاراندان سونرا همان اعزام اولان آیدا سربازلیق پالتارینی دوولته تحویل وئریردی و ساغ سلامت عائیله قوجاغینا قاییدیب کیمی آتا ، آنادا اوغلونون خیدمتدن قورتولماسینا گٶره قوربانلیق کسیب ، قوهوم قونشو و اقرابالارا پایلاردیلار.......

اوزاق منطقه‌ده خیدمت ائدنلرکی گاهدان آلتی آی ، و بیر ایل و حتی ایکی تامام ، عائیله‌دن اوزاق قالیردیلار مکتوب-نامه واسیطه‌سیله بیر -بیرلرینین احوالاتیندان خبردار اولوردولار ، یازی پوزودان محروم اولان عائیله نامه‌نی میرزه‌یه یازدیریب اوخوتدوراردیلار . مکتوبلار چاپار واسیطه‌سیله مقصده چاتدیریلیردی ،البته مکتوبدان علاوه ( سربازلارا ) پول و یوندن توخونموش کٶینک ، الجک، جوراب ، و باشقا شئی‌لرده گٶندریلیردی.

بو آچیق مسئله‌نی نظره آلاراق کی مملکته خیدمت ائتمک هر بیر کیمسه‌یه میللی بیر وظیفه‌دیر آنجاق او عائیله‌نین کی ایشله‌یه نی خیدمته گئدیریردی قورتارانا کیمی مالی جهت‌دن مضیقه‌ده اولوردولار.

اسکی ایللرده سربازلیق یاشینا چاتان جاوانلارین آدی پاسگاه طرفیندن کندین آق‌سققل‌لرینه اعلان اولونوردو کی سرباز عائیله‌سینی خبردار ایله سینلر . سربازدا خبری ائشیدن کیمی اٶٌزونو وطنه خیدمت ائتمه‌یه حاضر لاییردی . آدی چیخانلار هانسی آیدا دونیایا گلمه‌سینه باخمایاراق ایل‌ده بیر دفعه ( بیر بورج دا ) اعزام اولونوردولار


 سرباز گلیر آشا -آشا
پوتون لاری ده‌ییر داشا
جانیمی قوربان ائیله‌رم
گلرسن قوناق ائیله‌رم
 باشین ییغیناق ائیله‌رم
ییغارام ائل طایفامی
 دوٌوری گول بزه‌رَم
قاباقیندا قند اَزه‌رم

سروان گلیر قاطار قاطار
قاطار لاری یولدا یاتار
 آش گل، آش گل بو داغلاری
دانیش دیلی نین قوربانی

گئدیرم دریایا اوزومو آتام
سویوندا غرق اولام لئهینه باتام
 آش گل، آش گل بو داغلاری
 دانیش دلی‌نین قوربانی

ساوالانین دیبین اویدوم
مژمه‌هی‌ده ناهار قویدوم
 اوجا داغین باشینداسان
اولدوز کیمی پاریلدارسان

گئدنده کوسولو گئتدی
گلنده نئجه دیندیرم
  گولوستان باغیندا آلاق ائیله‌رم
گلندن گئدندن سوراغ ائیله‌رم
گولوستان باغیندا گول اکن جانیم
گول لرین دیبینه سو سپن جانیم
 گولوستان باغی توکر یارپاغی
سینه‌مه چکیلیب آیریلیق داغی

  آی اوجا داغلار کولگه‌لی باغلار
من غریب اٶلسم منه کیم آغلار
 چکیل قال کناردا داغلار
. قوی سفره گئدن گلسین
  قوی الی الیمه ده‌یسین 
                                  
 سرباز گلیر آشا آشا
پوتون لاری ده‌ییر داشا
آنا دور اوتاغی دوشه
اومودوم وار بورا دوشه

داشلی بولاق↙️
@dashlibulaq

آشیق عرب

سرباز ماهنی‌سین اوخویور

داشلی بولاق↙️
@dashlibulaq

#آتالار سٶزو - عاغیلین گٶزو

💠 اٶز چٶره‌گینی ،اٶزگه سوفره‌سینده یئمه

💠 اٶز عاغلینی ، اٶزگه عاغلینا وئرمه

💠 اٶز قورو چٶره‌گیم ، اٶزگه‌نین پیلوووندان یاخچی‌دیر

💠 اٶز گٶزونده دیره‌گی گٶرمور، اٶزگه گٶزونده چوپو گٶرور

💠 اٶزو قازانمایان ، مال قدرینی بیلمز

💠 اٶزو ییخیلان آغلاماز

💠 اٶزونو اٶزگه‌یه نردوبان ائله‌مه

💠 اٶزونه قییمادیغینی اٶزگه‌یه ده قییما

💠 اٶز ائوینده باشینی باغلایا بیلمیر ، اٶزگه ائوینده گلین باشی باغلاییر


داشلی بولاق↙️
@dashlibulaq

Adil fəthi:
قومبارا

قدیم تورکجه سؤزجوکلردن دیر، ایندیسه فارسجادا خمپاره کیمی ایشلنیر. کوپون ایچینه باروت دولدوروب آغزینی برکیدیب پارتلاییجی کیمی ایشلدرمیشلر.

هولاکو ،بغدادی توتماق اوچون قومبارالاردان چوخ ایشله‌تمیشدی .
💣💣

قارلی ساوالان آخاقیندان

داشلی بولاق↙️
@dashlibulaq

آنام منیم اٶز آنام

گٶزلری اولدوز آنام

یاد گلر یالان آغلار

قوی آغلاسین اٶز آنام


داشلی بولاق↙️
@dashlibulaq

آی منیم او، گولده چیمن گونلریم
آغاج مینیب آت گزدیرن گونلریم

داشلی بولاق↙️
@dashlibulaq

کند
قالاق
تایا

خاطیره لر اویلاغی


@dashlibulaq
@dasbulaq

#بایاتی فالی

میر علی سیدنیا خوراسان توركلرینده رایج اولان بایاتی فالینی بئله ایضاح ائدیر :

دَره‌گزده بایراما یاخین سمنی پیشیررلر .سمنی پیشیرن ائوده قیزلار ییغیلار باشی گن بیر
كوزه نی سویلا دولدورار،اونون ایچینه نیشان اولاراق ،كیمی اوزوك كیمی تئل سانجاغی
كیمی مینجیق، كیمی سکه سالارلار . بیر قیز اوشاغی كوزه نین باشیندا اوتورار،دونیا گورموش  قادینلاردان بیری باشلار بایاتی اوخوماغا، هر بایاتی اوخوناندا قیز نیشانلاردان بیرین چیخارار،  او نیشان كیمین اولورسا بایاتی اونون وصف حالیدیر.میثال اوچون:

قرنفیل اویوم-اویوم

دریم قوینووا قویوم

یاغیش یاغار، یئر دویماز

من سندن نئجه دویوم.

معناسی بودور كی ایكی سئون عاشیق بیر-بیریندن آیریلانماز.

٭٭٭٭٭٭

قیزیل گولو دررلر،

مخمل اوسته سررلر.

خوش اوقیزین حالینا،

سئودیگینه وئررلر.

معناسی بودور كی اٶًز مورادینا یئته‌جكسن

٭٭٭٭٭٭

قرنفیل قوتودادی،

خومار گٶز یوخودادی.

غم یئمه غمخار گٶًیلوم،

مطلب وئرن خودادی.

معناسی بودور كی آللاهین عئینایتینه اومود باغلامالییق.

٭٭٭٭٭٭

همین بایاتی فالی آذربایجاندا دا واردیر .

اوتورموشدوم سكیده،

اورگیم سك-سكیده .

اوچ قیزیل آلما گلدی،

بیر گوموش نلبكیده.

معناسی بودور كی خوش خبر گله جك.

٭٭٭٭٭٭٭

آناسی یانار آغلار،

حریفی قانار آغلار.

آنا دئییَر گٶیًرچین

تابوتا قونار آغلار.

معناسی بودور كی قیزین آداخلیسینا یامان حادیثه اوز وئره جك.

٭٭٭٭٭٭٭٭٭

عزیزیم وطن یاخشی،

كوًینگی كتان یاخشی.

غوربت یئر جنت اولسا،

یئنه ده وطن یاخشی.

معناسی بودور كی سفره گئدن قاییداجاق.

٭٭٭٭٭٭٭٭

جان قارداش،جانیم قارداش،

آغلادیر جانیم قارداش.

باش قویوم دیزین اوسته،

قوی چیخسین جانیم قارداش.

معناسی بودور كی اوًرگینده كی نیتی یئرینه یئتیرمك چوخ چتیندیر.

٭٭٭٭٭٭٭

آپاردی تاتار منی،

قول ائیلر ساتار منی.

وفالی یاریم اولسا

آختاریب،تاپار منی.

معناسی بودور كی غوربته دوشه جكسن.

٭٭٭٭٭

آذربایجان بایاتیلاری وبلاگیندان



داشلی بولاق↙️
@dashlibulaq

قاری ننه اوزاداندا ایشینی
گون بولوتدان اییرَردی تئشینی
قورد قوجالیب , چکدیرنده دیشینی 
سوری قالخیب دولائیدا ن آشاردی
بایدالارین سوتو آشیب ,داشاردی
🔹شکیل: گوو کندی


داشلی بولاق↙️
@dashlibulaq

نار روببو چیخارتماسی - کاغازکونان
گوو کندی

داشلی بولاق↙️
@dashlibulaq

بیر کیشی‌نین ائوینین قاپیسین اوغرو آپاردیْ
کیشی گئدیب مسجیدین قاپیسین چیْخاردیب گتیردی!
دئدیلر بو نه ایشدی گؤرورسن آللاهدان اۇتان!
دئدی: آللاه اۇزو اوْغرونو تانیْییر اوْنۇ منه بیلدیرسین ‌منده ائوینین قاپیْسین قایتاریْم!

رساله دلگشا ، عبید زاکانی

@dasbulaq

#داســتان.شـیڪاری

🎼اوخویور

🎸🎙آشیق، یداله عیوض پور

✅ نومره 3⃣
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

#موبایل_دالغا(موج)‌لارینین ائتکیسی(تأثیری) قاریشقا‌لارا

#بیلیمسل(علمی)
@dashlibulaq

قدیم #اویونلار

قجمه داش (بئش‌داش)

بو اویونو قدیم قیز اوشاقلاری اویناردی.نئچه قیز اوشاقی بیر یئره ییغیشیب وبئش دَنه خیرداجا یومورو داش تاپیب ،یئره اوتوراردیلار و نوبت‌ایلن اویونو باشلاردیلار.ایلکی نفر او بئش داشی یئره آتاردی و بیرینی گوتوروب و او داشی اوتوز سانتیمترجه گٶیه آتاردی وبیرینی یئردن گٶتوروب و او گٶیه آتان داشی‌کی ایستیردی یئره دوشسون توتاردی و سونرا دورد دفعه بونو تکرار ائدردی چون داشلارین بیرینی گوتورندن سونرا یئرده دورد داش قالاردی.ایکینجی دفعه داشلاری یئره آتاردی و بیرینی‌سین گٶتوروب و بو دفعه داشلارین ایکی‌سینی یئردن تئز گوتوروب و گٶیه آتان داشی توتاردی اوچونجو دفعه یئنه داشلاری یئره آتاردی و بیرینی گٶتوروب و گٶیه آتاردی و داشلارین اوچونو یئردن گوتوروب  و گٶیه آتان داشی‌کی ایستیردی یئره دوشسون توتاردی.دوردونجو دفعه یئنه داشلارین بیرینی گویه آتاردی و بو دفعه یئرده‌کی داشلارین دوردون‌ده گٶتورَردی وگٶیده‌ن گله‌ن داشی توتاردی.اگر بو دٶرد مرحله نی دوز اجرا ائدسه‌یدی ،ایونون ادامه‌سین اویناردی اگر اجرا ائده بیلمه‌ییدی یاناردی و او بیری اوشاق داشلاری آلیب واویونی باشلاردی.

گئچه ن مرحله دن سونرا اویونی اوینویان اوشاق سول الینین ،باش و اوچونجی بارماقلارینی یئره قویاردی و الینین ایچینی اوجالیق ساخلاردی .دئمک اولار بو ایکی بارماغین آلتی کؤرپو کیمی اولاردی.اوبیری الینده کی داشلاری یئره آتیب و اویوندا اشتراک ائده ن یولداشینا دیییه ردی هانس داش؟ او داشلارین بیرینی کی کؤرپو نون یاخین‌ایدی دییه‌ردی بوداش. اویونو اوینایان داشلارین بیرینی گٶتوروب و گٶیه آتیب و اَلینن ،داشلارین بیرینی ووراردی تا کؤرپونون آلتیندان گئچسین و او بیری داشلاری دا بو جور بیر -بیر ووراردی.اگر ووردوغو داش کی ایستیردی کؤرپونون آلتیندان سوویشسین ،اوبیری داشلارا دَیَردی یاناردی اگر بو مرحله‌نی دوز اجرا ائده بیلسه‌یدی اوچونجو مرحله‌نی باشلاردی.

بو مرحله ‌ده داشلارین بئشی‌نی‌ده  الینین ایچینه ییغیب و گٶیه آتاردی و بیر الینین دالیسینی چؤنده‌ریب و دوز توتاردی .داشلارین هر نئچه‌سی  الینین اوستونده قالسایدی ،داشلارین هر بیری اون شماره حساب اولاردی.بو نوعیلن اویونون ادامه‌سی اولاردی و هر نئچه شماره یه جه‌ن کی اویوندان قاباق معین ائتمیشدیلر اوینویاردیلار و هر قیز او شماره یه تئز یئتیشردی او قیز برنده اولاردی.

داشلی بولاق↙️
@dashlibulaq

قَجمه‌داش(بئش داش)
@dashlibulaq

قجَمه داش (بئش داش)
@dashlibulaq

#داســتان.شـیڪاری

🎼اوخویور

🎸🎙آشیق، یداله عیوض پور

✅ نومره 4⃣
📥📥📥
📀mp3

🌹 گُــوزل اسکی (قدیمی) آشیق
ماهنیلاری🔷🎶


داشلی بولاق↙️

@dashlibulaq✅

آتالار دئییب لر:

" گۆنو باجادا گؤرن اوْغول چؤرک صاحابی اوْلا بیلمز "

گۆنو باجادا گؤرمک: مجازا گئج یۇخودان دۇرماق، گۆن چیْخاندان سوْرا یۇخودان دورماق

شکیل: گوو کندیندن

@dasbulaq

وطن حاقیندا #بایاتی‌لار:

غوربته دوشدو یولوم
دشمن آلیب ، ساغ -سولوم
ائلدن آیری دوشه لی
بورخوو لانیبدی قولوم

تبـریز اوستو مـراغا
زولفون گلمیر دراغا
آختاریــرام یاریمی
یوخ طاقتیم فراغا

من عاشق آه و زاردا
جانیم دردده ، آزاردا
اوگوندن کی قول اولدوم
ساتیلدیم هر بازاردا

عزیزیم وطن یاخشی
کٶینه‌گی کتان یاخشی
غوربت یئر جنت اولـــسا
یئنه‌ده وطــن یـــاخشی

سوتک آرخا دولاندیم
ساپ تک چارخا دولاندیم
ظالــــیم فلک الیندن
قورخا ، قورخا دولاندیم

طوفان قوپار ، یئل آغلار
چایلار داشار ، سئل آغلار
غریب‌لیک‌ده ، ئوله‌نین
یاسین توتار ، ائل آغلار

داشلی بولاق↙️
@dashlibulaq