#بایاتیلار

باشیم آغریر آغریدان
آغریسی وار آغریدان
الینی قوی باشیما
خلاص اولسون آغریدان
*
داغلاردا جئیران گزر
آیاقلارین داش ازر
من یارا نئیله‌میشم
یار مندن کنار گزر
*
کؤینگین ساری جانیم
توتوپدو ساری جانیم
بیر بئله دَرد چکیرم
قالماییب یاری جانیم

داشلی بولاق↙️
@dashlibulaq

آتالار دان آنالار دان گؤزل دئییم لر

آنا دیلیمیزه صاحاب چیخاق:

یاسدیغین یۆنگول اوْلسون : الله صحت وئرسین، تئزلیکه یوْرغان دؤشه‌کدن دوراسان

باشی یاسدیق گؤرمز: مجال خواب و استراحت ندارد

یوْرغان باسیب: همیشه تو خوابه

باشی یاسدیغا گلمیر: از درد و اذیت نمی تونه بخوابه

یاسدیق قوجاقلاماق: از تنهائی و ترس در زمان خواب به یاسدیق پناه بردن

یوْرغان آلتیندا یئیه‌سن: یامان بلاها (بالایا) دۆشه‌سن (بیری آرتیق و ناحق یئره پول و مال بیرندن آلسا اوْنا قارقیش دئیرلر)

دؤشه‌کدن دورمایاسان: دایم مریض اوْلاسان

الی یانیغین الی یانیغدان خبری اولار: دردمند حال دردمند را دریابد

تاری قوْرویانی قورد یئمز: آنکه را خدا خواهد گرگ هم نمی خورد

اۆزده خالا، دالدا چالا: در ظاهر دوست و مهربان و پشت سر دشمن و بدخواه

ائله یئمه‌گین بئله قوسماغی دا اولار: چنین بی ملاحظگی اینچنین مکافاتی هم دارد


@dasbulaq

(شاهسون ائللرینین تویو)
عروسی ایل شاهسون که این نوع عروسی درروستاهاهم راوج داشت وپرتاب سیب ازبالای سرعروس. روبندزیبای عروسها"دوواق"که همگی امروزه فقط جزء خاطرات است یادش بخیر.

#آشاغیدا گلن پئشه‌لر آز-چوخ قدیم زامانلار کاغازکوناندا رایج‌ایدیلر

+ آل وئرچی
+ بویاقچی
+ ایشچی(فهله)
+اکینچی‌
+چوبان
+بویاقچی
+ناخیرچی
+ چودار
+چرچی
+ توکانچی
+سوتچو
+ سینیق چی
+ حامامچی
+ دمیرچی
+ دوعا یازان
+ قوروقچو
+ بیچین‌چی
+کوزه‌چی
+ خیاط
+ بنا
+دییرمانچی
+پالان تیکن
+ چیراغ ،سمار دوزلدنلر
+ سلمانی‌لر
+ فرش ،جئجیم توخویانلار

داشلی بولاق↙️
@dashlibulaq

«گئتدی»

ظالیـم فـلک منـله یـامـان باشلادی
عـؤمروم عـبث یئره تـالاندا گئتدی
هـا چـالـیشدیم الیم خمیر،قارنیم آج
ایـستـه‌دیم آت آلام پـالاندا گئتدی.
٭٭٭٭

هئچ- هئچه،هئچ ائتدیم جاوان چاغیمی
زامــان قــارالادی آیــدیـن آغیمی
شـاخـتـا ائـله ووردو اومود باغیمی
آچـیـلانـدا گئتـدی، سـولاندا گئتدی.
٭٭٭٭٭٭٭

کیـم گیـلئیـلی اولماز بئلنچـی پایدان
سکـوتوم گوجلودور مین بیر هارایدان
کـوزه می دولدوردوم بیر آخار چایدان
بـوشـو منیم ایـدی ، دولانـدا گئتدی.
٭٭٭٭٭٭

گـؤیـدن ، یئـره قـمـله، کـدر الَندی
بـلالـی بـاشیـمـا درد سه‌په‌لندی
بـو غـم، کـدر اوره‌یـیـمـی ده‌لندی
آغـلایـیـب سـاچـینی یولاندا گئتدی.
٭٭٭٭٭٭

گه‌ل تانیش اول بختیوین حال خویونا
بـو یـوخسوللوق بیچـیلیبدیر بویونا
یازیق«خوشنام»دوشدون مین بیراویونا
آزمـی چـوخ الینـده اولاندا گئتدی.

"21/1/1374"خوشنام"

داشلی بولاق↙️

@dashlibulaq

Adil fəthi:
<<اصطلاحات قالیبافی و صنایع دستی>>

یوماق:گلوله نخ و پشم الوان

یون:پشم گوسفند

شیش: سیخ نوک کج

پیچاق:کارد

گوزَم: پشم بهاره بسیار لطیف(پشم بره)

قَزیل: پشم بز

پیتراق:غوزه خار چسبیده به پشم گوسفندان

تیفتک: کرک بسیار لطیف بز

قارلی ساوالان آخاقیندان
@dashibulaq

شعر: سنی سئوییوردوم❤️
سس: ایجلال آیدین.
گؤزل شعر، گؤزل دویغو(احساس)، گؤزل سس👌
روحونوزو اوچوردون

داشلی بولاق↙️
@dashlibulaq💕

مختصری درباره ریشه یابی گووهان

گوْوهان

کلمه ایست که در ترکی به معنی "گاوآهن" در فارسی استفاده می شود
البته تلفظهای دیگری هم برای این کلمه هست : گاوایین، گافایین، گاوئیین و ... که همه محرف گوْوهان می باشند

این وسیله در اصل قسمت آهنی سر خیش است که در عمل شخم زدن به زمین دارد شده و آنرا می کند.
باور عمومی بر این است که اصل کلمه گاو آهن بوده و وارد ترکی شده است در حالیکه نظر زبانشناسان کاملا برعکس می باشد.

این کلمه در ترکی از فعل قاوماق/ قوْوماق به معنی کندن و بیرون ریختن و از جای خود به کنار انداختن، کاویدن (این فعل فارسی نیز ازین کلمه فعل ترکی اخذ شده است) گرفته شده است .
قوْوان.... گوْوهان : وسیله ای که خاک را می کاود...
و کلمه به صورت گاوآهن دارد فارسی شده است و ربطی به گاو+آهن ندارد.

همچنین باید اشاره کنم کلمه خیش خود از فعل ائشمک(نوعی کندن، کاویدن) با افزوده حرف خ به اول آن ساخته است (خ+ائش)
به سان :
خیس که از اضافه حرف خ به اول فعل ایس (ایسلانماق)

خواستن: خ+ ایس{ت} (ایسته‌مک)

خویش: خ+ ائش (ائش= همسر، و ...) (اصطلاح قوم و خویش)

@dasbulaq

در این نوشته از کتاب "دیل دنیز" استاد اسماعیل هادی استفاده گردیده است.
گوندرن : اقاي محمود فَقيه چاراويماق دان
@dashlibulaq

سینه دفتریندن ائلیمیزین سؤز خزينه 69نجی بؤلوم

آپاریجی لار :فاطیمه خانیم‌ فخیمی-جناب علیرضا نوراللهی
یازیچی:فاطیمه خانیم فخیمی
حاضیرلایان:جناب مصطفی سلطانی

@dashlibulaq
@el_bilimi

#گـلین.و.قـای.نـنه ناغیلے🎼

شماره3⃣ سون کاست

🎤اوخویور

🎸آشیق، فرج.اله.مرادی
🎸🎸
💽mp3
🎹 گُــوزل مـاهنـیـلار فقــط👇👇

داشلی بولاق↙️
@dashlibulaq💕

✅ ثبت اصالت سفال آذربایجان در لیست اصالت یونسکو
#خبر

@Yolpress
@El_bilimi

دويمه‌لی سؤزلرده بير يا ايكی حرفين تكرار گلمه‌سی تلفظ ائده‌نی قاريخديريب و بو ايشله ائشيدنلرين گولمک‌لرينه سبب اولور.

آمما بو نوع سؤزلرين تكرار دئييلمه‌سی اوشاغين آغيزدا ديلين راحات دولانماسينا بوللوجا كمک ائديب دئييمی بير- بيرينه اوخشايان سؤزجوكلرين تلفظ ائتمه‌سين راوانلاشديرار.

آنجاق اوشاقلار چاليشارلار دويمه‌لی سؤزلری دئيه‌ن زامان آرتيق هوشلارين ايشه ساليب و سؤزجوكلری دوز تلفظ ائتسين‌لر.

نمونه:

1-گئتديم گؤردوم ايكی؛ كار، كور، كيرپی ياتيپ. هئچ بيلمه ديم؛ اركک كار، كور، كيرپی ديشی كار، كور كيرپينين كوركونو يامير، يا ديشی كار، كور كيرپی اركک كار، كور كيرپينين كور كونو.

2-قلمه؛ قلمه‌لنمه! قلمه‌لَنسنده قلمه‌لنه‌جه‌يم، قلمه‌لنمه‌سنده قلمه‌لنه‌جه‌يم.

3- گئتدیم گٶردوم یوکون اوستونده دٶرد۴ دنه گٶم گٶی بٶرک ، آخ نئجه گٶردوم دورددنه گٶم گٶی بٶرک

داشلی بولاق
@dashlibulaq
 

#آتالار_سٶزو

٭ تولکو وار باش قوپاریر ، قوردون آدی بد نامدیر

٭تویوغو بیر خالوار بوغدانین ایچینه سالسان ، یئنه دئشمه‌گیندن ال چکمز

٭ تیکه قارین دویورماز ، محبت آرتیرار

٭ چولاق کئچی سیّده نذیردی

٭ اٶرکن نه قدر اوزون اولسا ، گلیب دوغاناقدان گئچه‌جک

٭ دانیشماق گوموشدن اولسادا ، دانیشماماق قیزیلداندیر

٭ داغ ییخیلماسا دره دولماز

٭ داش اوره‌کلی دوشمنین اوره‌گینی یارار یوموشاقلیق

٭ دادلی سٶز جان آرزوسو، دادسیز سٶز باش آغریسی

داشلی بولاق↙️
@dashlibulaq

سلاملار سایقیلار❤️🌹

گون آیدین🌺🌺

داشلی بولاق↙️

@dashlibulaq💕

#داســتان.شـیڪاری

🎼اوخویور

🎸🎙آشیق، یداله عیوض پور

✅ نومره 1⃣
📥📥📥
📀mp3

🌹 گُــوزل اسکی (قدیمی) آشیق
ماهنیلاری🎶


داشلی بولاق↙️

@dashlibulaq✅

#اوشاقلار اویونو
بربرینجی

بیر اوشاغین ،بارماقلارین سایاراق، بئله اوخویارلار.

ایگنه (ایینه)-ایگنه
اوجو دٶیمه
بربرینجی
شام آغاجی
شاطیر کئچی
قوز آغاجی
قوتور کئچی
هاپبان
هوپبان
یاریل
ییرتیل
سو ایچ
قورتول
سینیق قول

داشلی بولاق↙️
@dashlibulaq

آشیق یدالله عیوض پور🖕

#یانیلماجیلار

+ اَل اوزوموزو یوواق ، اوزوموموزو(انگور) یئیه‌ک
یا ،اوزوموموزو یئیه‌ک اَل اوزوموزو یوواق

+ قیرخ کوپ ، قیرخ قیرپی قیریق کوپ

+ آشباز عاباس آش آسمیش
یاخچی آسمیش ، خوش آسمیش

داشلی بولاق↙️
@dashlibulaq

تانری نه ایش گؤرور؟
#ائل_ناغیلی

بیر گون بیر شاه وزیریندن سوروشور: وزیر تانری نه ایش گؤرور؟ (شاه بو سوالین جاوابینی بیلمیرمیش) وزیر بیر آز فیکیره گئدیر سونرا دئییر: قیبلئی عالم ساغ اولسون منه اوچ گون واخت وئر بو سورونون جاوابینی تاپیم. شاه قبول ائدیر. بئله‌لیکله شاه وزیر بیر-بیریندن آیریلیرلار.

سحر-سحر ناماز واختی، شاه گونده‌کی کیمی اویانیر دسته‌ماز آلماق اوچون یاتاق پالتاری  ایله سارایین حیطینده اولان حوضون باشینا گئدیر. دسته‌مازی آلدیقدان سونرا، حوضون قیراغیندا اوتورموش بیر گؤی بویالی قوشا گؤزو دوشور. شاه بو قوشو بیر آن سئویر و اونو توتماغی دوشونور، اونا گؤره اگیله-اگیله گئدیب بیردن قوشون قیچیندان یاپیشیر.

قوش قاناد چالیب اوچور، شاهی‌دا گؤیه قالخیزیر. شاه قوشون بالاجالیغینا گؤره اوندا اؤزونو گؤیه قالخیزاجاق قدر گوجه اینانمیردی. آما شاهین آیاقلاری یئردن اوزولوب گؤیه قالخاندان سونرا  قوشون آیاقلارینی دا بوشلاماغی اونوتدو. ائله اونا گؤره ده او بالاجا گؤی بویالی قوش شاهی گؤتوروب آپاردی.

آز گئدیر-چوخ گئدیر، شاهی آپاریب بؤیوک مئشه‌لیگین اورتاسیندا آچیقلیق بیر یئره یاخینلاشیب سالیر و اؤزو اوچوب گئدیر.

او چاغا کیمی شاهلیق ساراییندا، دؤوره‌سینده سایسیز قوللوقچولاری اولاراق دونیانین هر جورا وارلیغیندان فایدالانان شاه، ایندی مئشه‌نین اورتاسیندا اؤزونو یالقیز و چاره‌سیز گؤروردو.

وئیلان قالان شاه هر یئره اوز قویور مئشه‌لیکدن و گؤیدن باشقا بیر یئر گؤرمور. آغاجلارین مئیوه‌لریندن بیر آز یئییب گونو باتیریر. هاوا قارانلیقلادیقدان سونرا، شاهین گؤزونه اوزاقدان بیر ایشیق گؤرونور. شاه آغاجلارین آراسیندان کئچه‌رک ایشیغا دوغرو یؤنه‌لیر. شاه ایشیغا چاتمادان اونو گونشین پارلاق ایشیغی ایتیریر. دئمه‌لی شاه گئجه‌نی سحره کیمی یول گئدیب. یورغون-آرغین اولدوغو یئرده یاتیب دینجلمه‌گه مجبور قالیر. شاه او گونو ده باتیراندان سونرا گئنه ایشیغا دوغرو یول گئدیر. سونوندا، دان یئری آغاراندا شاه او ایشیغا چاتیر.

او ایشیق گلن یئر بؤیوک بیر شهر ایمیش. اونون بؤیوک قاپیلارینی قاپیچیلار باغلییاندا شاه سسله‌نیر: دایانین من چؤلده قالمیشام. قاپیچیلار اونو شهره آلیب قاپیلاری باغلاییرلار. شاه قاپیچیلارا آج اولدوغونو و پولسوز اولدوغونو دئییر. قاپیچیلار یئمه‌گین صالاواتا اولدوغونو بیلدیریرلر.

شاه شهر ده گزیب دولانیر و هر نه‌یین صالاواتا اولدوغونا اینانیر. بئله‌لیکله آز زاماندا شاه اورادا یاشایان جاماعاتا قوشولوب اؤزونه ائو-دولانیشیق قوروب و اورانین یاشایانلاری کیمی یاشاییر. آیلار-گونلر اؤتور، شاه بازارداکی دوکان قونشوسونا ائولنمک ایسته‌دیگینی سؤیله‌ییر. قونشو بئله دئییر: هر گون ناماز واختی مچیده گئدرکن ناماز قیلانلارین باشماقلارینا فیکیر وئرسن اورادا بیر نئچه جوت خاتون باشماقلاری دا اولور. او خاتونلار ائولنمک ایسته‌دیکلری اوچون باشماقلارینی اورادا چیخاریرلار. سن او باشماقلارین بیر جوتونو گؤتوروب ساخلاسان اونون ییه‌سی سنینله ائوله‌نه‌جک.

شاه بیر گون نامازدان سونرا او باشماقلارین بیر جوتونو گؤتورور ساخلاییر. سونوندا باشماق ییه‌سی و بیر نئچه آدام قالیر، شاه او خاتونلا ائولنمه‌گینی سؤیله‌ییر. خاتون دئییر: «ردّه»* سؤیله‌مه‌مک شرطیمی قبول ائدرسن سه، سنینله ائولنمه‌گه راضی‌یام.

شاه دا اونون شرطینی قبول ائدیب بئله‌لیکله ائوله‌نیرلر. گونلر خوشلوقلا کئچیردی. بیر گون یای هاوالاریندا گونون ایستی‌سی دولانیشیغی چتینلشدیرمیشدی. شاه توکاندان ائوه گلرکن دئییر: آرواد بو گون نه یامان ایستی‌دیر. آرواد دئییر سنه نه وار؟ یارادان اؤزو بیلر و دالیسیجا شاها دئییر سن «ردّه» سؤیله‌دین، شرطیمیزی پوزدون، من سنده قالمیرام گئدیرم. شاه یالوار-یاخار ائدیر بیر داها «ردّه» سؤیله‌مه‌مگینه سؤز وئریر. آما زامان کئچیر، شاه وئردیگی سؤزو اونودوب ایکینجینی و اوچونجو دؤنه تانری‌نین ایشینه قاریشیب «ردّه» سؤیله‌دیگیندن سونرا خاتون بوشانماقدان اؤتورو شاهی محکمه‌یه آپاریر.

محکمه اونلاری بوشاییر و شرطینی پوزدوغو اوچون شاهی آسیلماغا محکوم ائدیر. جللادلار شاهی اؤلدورمک‌دن اؤتورو شهردن چؤله چیخاریرلار. جللادلار شاهی سویوندوروب اونا سون سؤزونو دئمه‌گه ایمکان وئردیلر. اودا اولو تانری اوچون ایکی رکعت ناماز قیلماغی سئچدی. نامازدان سونرا سون دؤنه گؤزون سوزوب دونیایه-عالمه باخماق ایسته‌دی. آما لاپدان، اونو ایلک دؤنه اورالارا گتیردیگی گؤی بویالی قوشا گؤزو ساتاشدی. جللادلارا او قوشو توتماق ایسته‌دیگینی بیلدیریب یالواردی. جللادلار گولدولر و بیری دئدی: سنی اؤلوم گؤزله‌ییر سن قوش توتماق ایسته‌ییرسن، گئد توت. شاه اگیله-اگیله گلیب بیردن قوشون قیچلاریندان یاپیشدی.

قوش قاناد چالیب گؤیه اوجالدی، آز-چوخ گئتدیکدن سونرا شاهی اؤز سارایینا گتیریب چیخارتدی. و اونو سارایین ایچینده کی حوضون قیراغیندا، ایلک اؤنجه گؤتوردو

گو یئره قویدو. شاه گؤردو گئدنده یئرده قالدیغی باشماغی یئرینده‌دیر. اونو گئییب ائوه ساری گلدی. بیر آز اوجا سسله دئدی: نه یاتمیسیز دورون گؤرون نه‌لر باش وئریب. شاهین آروادی دوروب دئییر ساده‌جه ناماز واختی‌دیر. سن هئچ بئله های سالمازدین نه اولوب؟ شاه سوسدو. بیر آز اویان-بویانا، و اَینینده کی پالتارا باخدی هئچ زادین دییشمه‌مه‌سینی و هر شئی‌ین اؤز قایداسیندا اولماسینی و بورالاردا زامانین کئچمه‌مه‌سینی گؤروب، اولوب-بیتنلری دوشونوب گئنه سوسدو.

شاه نامازینی قیلیب ایش یئرینه گلدی، بیر آزدان سونرا وزیر ده گلدی. شاه دئدی وزیر نییه گئج گلمیسن؟ وزیر دئدی قیبلئی عالم ساغ اولسون من گونده کی چاغ گلمیشم سن تئز گلمیسن سونرا گؤتوروب دئدی: قیبلئی عالم ساغ اولسون دونن بیر سورو سورموشدون، من اونو اوچ گونده یوخ بیر گونده فیکیرلشدیم تاپدیم. اجازه بویورسان سؤیله‌ییم !

شاه دئدی: وزیر بو سورونون جاوابی لازیم دئییل هر شئیی اؤزوم بیلدیم.

داشلی بولاق↙️
@dashlibulaq