دییرمان
@dashlibulaq

گون چیخدے
لاله چیخدے

قیزیل پیاله چیخدے

گون آیدین دوستلار

☀️☀️☀️☀️☀️☀️☀️☀️☀️☀️☀️

داشلی بولاق↙️
@dashlibulaq

سینه دفتریندن ائلیمیزین سؤز خزينه سي-70ینجی بؤلوم

آپاریجی لار :فاطیمه خانیم‌ فخیمی-جناب علیرضا نوراللهی
یازیچی:فاطیمه خانیم فخیمی
حاضیرلایان:جناب مصطفی سلطانی


@dashlibulaq
@el_bilimi

#گـلین.و.قـای‌نَنه ناغیلی.🎼

شماره:1⃣ 2کاست

🎤اوخویور

🎸آشیق، فرج.اله.مرادی
🎸🎸
📀mp3
🎹 گُــوزل مـاهنـیـلار فقــط👇

داشلی بولاق ↙️
@dashlibulaq💕

#اویونلار قدیم

قئییش ووردو

قئییش ووردو اوغلانلارا عایید اولان اویوندور. بو اویونو اویناماغا آزی آلتی اویونچو لازیمدی. بو آلتی اویونچو اوچ-اوچه بؤلوشوب اوینایارلار. اویون اوچون بیر یئكه داییره چكیب بیر گروه ایچَری‌ده، بیر گروهدا ائشیكده اولار. ایچری‌ده‌كیلر یئره دوزولن قئییشلرین اوستونده دوزلوب دورار، ائشیكده‌كیلر ده قئییشلری گؤتورمه‌گه چالیشارلار. چالیشمالارینن اثرینده بیر قئییشی گؤتورسه‌لر او بیریسی قئییشلری بو قئییش ایله چیخاردا بیلرلر. قئییشلر گروه‌لارین اویونچولارینین ساییسیجا اولار. اگر ایچریده‌كی گروه ائشیكده‌كی گروهون آیاقلارینی آیاقلایا بیلسه‌لر ،اوندا گرك گروه‌لار یئرلرینی دئییشسینلر. آما ائشیكده‌كی گروه قئییشلری گؤتوره‌ بیلسه‌لر اوندا ایچریده‌كیلری قئییش ایله وورارلار. بو ایش آیاقلاری آیاقلانمایا قدر داوام ائدر. قئییش وورما دیزدن آشاغا اولار، دیزدن یوخاری ووران اولورسا اویونو ساخلاییب، اونا بیر قاییش وورارلار. هابئله ایچریده‌كیلردن‌ده بیری داییره‌دن ائشیگه چیخسا اوندا اونو بئلدن آشاغا دا وورا بیلرلر. قروپلارین اویونچولاری ائلییه بیلرلر کی ال وئریب زورلارینی امتحان ائله‌سینلر اگر ایچریده‌کی او بیریسی قروپون اویونچوسون ایچرییه چكه‌بیلسه آیاغینی آیاقلایار بئله‌لیکله ده گروهلار یئرلرینی دَییشرلر. بوندان سورا ائشیکده‌کی بئله بیر تكلیفی یئرینه یئتیریب ایچریدن بیرینی چیخارا بیلسه اوندا بوتون قاییشلار اله کئچیریلمه‌ینه کیمی ائشیکده قالمالیدیر. بو اساسدا اویون داوام ائدر.

داشلی بولاق↙️
@dashlibulaq

#برهان
آیریلیق شارکیسی



داشلی بولاق↙️
@dashlibulag

بو #سٶزجوک‌لر انودولماق حالینده‌دیر(کلمات در حال فراموشی در زبان تورکو)

٭ چاخماق = فندک

٭ شَلَه = باری که در پشت حمل کنند.

٭ قئییش = کمربند

٭ تر کٶینک = عرق گیر

٭ قاتما = نخ کلفت ، نخی که از قاتماق چند رشته به هم بوجود آید.

٭ ساپ = نخ ، در معنای دیگر:
ساپ = دسته ، بئل ساپی = دسته بیل

٭ پاپاق = نوعی کلاه

٭یایلیق = روسری

٭ سیرقا = گوشواره

٭ اۆزوک = انگشتر

٭ اویونجاق = اسباب بازی

٭ لئچَک = اوچ بوجاق یایلیق

٭ ایپک = ابریشم

٭ ائلچی = خواستگار

داشلی بولاق ↙️
@dashlibulaq

جاواب : آنا سودو -سوتو

‌ رحمتلیک حسن ارسلانی گٶزل بیر آشیق هاواسی اوخویور(سن منیم حبیبیم)

آقکند - توره داغی

داشلی بولاق ↙️
@dashlibulaq

‌‌🌺 قووود اونو 🌺

بویوک باجیم مئیوه‌لری سویاردی

قوروداردی ، بوگون قووود قویاردی

ایده ، قورقا...دارتیب اونون اوواردی

قووود اونو طامیندان کیم دویاری!؟

اوشاقیدیق خیدیر نبی هایلاردیق

بشقاب بشقاب قونشولارا پایلاردیق

@mamansorahisi
فهیمه اختیاری ممان(رعنا)

خیدیرنبی(خضرنبی)
پاییز 1390
@dashlibulaq

‌کاغازکونانین فولکولوری
(داشلی بولاق آخاقی)
@dashlibulaq🌹

آذربایجان خالقی‎نین عادت عنعنه‌لری، ائل بایراملاری، داستانلاری ناغیللاری بایاتیلاری، مراسیم نغمه‌لری… دونیانین ان اسکی تاریخله زنگین مدنی ایرثینه یییه‌له‌نن خالقلارینداندیر. بیزیم معنوی کولتوروموزون بیر بیرینه قوووشموش حیصه‌سی اولان بایراملار خالقیمیزین حیاتیندا اوزل یئر توتور. آراشدیرمالار گوستریر؛ بو گون خالقیمیزین یاشاییشیندا اولان بیر سیرا بایراملارین باشلانقیجی چوخ درین کوکلو اولوب مین ایل‌لیکلره سویکََنیر. بایراملار اوز مضمونونا گوره دینی دونیوی بایراملارا بیلینیر. آذربایجاندا اوروجلوق بایرامی، قوربان بایرامی کیمی دینی بایراملارلا یاناشی ( خیدیر نبی )نووروز کیمی خالق بایراملاری دا واردیر. نووروز بایرامینا حاضیرلیق ۲-۳ آی قاباقدان باشلانیر. یعنی اینسانلار قیش آیلارینی هفته‌لره چیلله‌لره سون مرحله‌ده ده چرشنبه‌لره بولرک نووروزا یئتیشیرلر. بئله کی، قیش فصلی‌نین ۳ اوولادی وار دئییرلر: بویوک چیلله، کیچیک چیلله ، بوز آی ( بوزچیلله ).خالق آرا بئله بیر سوز وار:بویوک چیلله دئییر : دولو قازانلار اوستونه گلمیشم، قاریلاری، قوجالاری ساغلام گورموشم. ۴۰ گوندن سونرا بویوک چیلله گئدیر یولدا کیچیک چیلله ایله راستلاشیر.کیچیک چیلله اونا دئییر: سن نه ائله‌میسن. من گئدیب قازانلاری آغزی اوسته چئویرجه یم، قاریلاری تندیره باسیب، کوپدن چیخاراجاغام.بوز آی دا بو یاندان چیخیب دئییر: سنین آجیغینا من ده گئدیب هر شئیی یئر به یئر ائده‌جه یم، آغاجلاری، اکینلری تارلالاری جوجرده‌جه یم.قدیم تاریخه یییه‌لنن ائل آراسیندا گئنیش یاییلمیش بایراملاردان بیری ده خیدیر نبی آدلاندیریلان مراسیم‎دیر. بو بایرام بیر _ بیریندن آزجا فرقلرله، آذربایجانین چوخلو یئر‌لرینده کئچیریلیر. خیدیر ایلیاس طبیعتین اویانماسی، اوتلارین جوجرمه‎سی، آخار سویون تمیزلنمه‌سی ، … تدقیقاتلاردا خیدیر نبی بیر شخصیت اولاراق »سویون، کولگین بیر ده هاوانین یاردیمچیسی« کیمی اوزه چیخیر.

آزربایجانین بوتون شهر و کندلرینده
بویوک و کیچیک چیلله‌نین اوچ آخیر گئجه‌لرینده خیدیر نبی مراسیمی توتارلار. جاوان قیزلار کی اره گئتمک واخت‌لاریدی یئددی جوره شئی‌دن کی، عیبارت‌دی مکه، بوغدا، نوخود، کدو توخومو، گونه باخان توخومو، دوز و آرپادان قوووت جورله‌یه‌رلر. بو ایش اوچون توخوم‌لاری قوووروب اویوده‌رلر و چوخلو دوز ایله قاتارلار.
گئجه یاتاندا باش بارماقلاری‌نین دیرناق‌لاری اوزه‌ر‌ینه قوووت توکوب بیر دیرناق یئیه‌لر. البته قوووتو یئمه‌میشدن هره اوز اوره‌یینده نییت ائده‌ر کی:‌ »ائی آللاه من اوز سئودی‌ییم جاوانین قیسمتی اولاجاغام یا یوخ؟«او اومید ایله کی، گله‌جک احوالات‌لارینی یوخودا گورموش اولالار باش آتیب یاستیغا یاتارلار. بو ایشی بویوک و کیچیک چیلله‌نین اوچ آخیر گئجه ‌لرینده تکرار ائده‌رلر کی، اگر بیر گئجه‌ده یوخوگورمه‌سه‌لر باشقا بیر گئجه گوره‌لر...
آردی‌سی وار(ادامه دارد..)

داشلی بولاق ↙️

@dashlibulaq💕

گون آیدین 🌞

سحریز خئیر🌺

قازانجینیز برکتلی اولسون💐

داشلی بولاق↙️
@dashlibulaq💕

#گـلین.و.قـای.ننه ناغیلی🎼

شماره:2⃣

🎤اوخویور

🎸آشیق، فرج.اله.مرادی
🎸🎸
📀mp3
🎹 گُــوزل مـاهنـیـلار فقــط👇👇

داشلی بولاق↙️
@dashlibulaq✅

آزربایجانین بعضی بولکه‌لرینده کیچیک چیله‌نین باشلانیشی پیشیک‌لرین »میروو« واختینا دوشر و عقیده‌‌لری بونادیر کی، دیشی پیشیک ائرکک پیشی‌یه دئیه‌ر: »نوروز, نوروز« و ائرکک پیشیک جاوابیندا »نرگیس, نرگیس« دئیه‌ر. او زامان کی، جماعت بو سس‌لری دویوب بیلدیلر کی، پیشیک‌لر حامیله‌دیر آرزوسو اولان‌لار بیر یئره ییغیشیب باشلایارلار #خیدیر_نبی قوووتو دوز‌لتمه‌یه آرپا بوغدا, مکه, چدنه, گونه‌باخان توخومو, کونجود قارپیز و قوغون توخومو و اییده بیر- بیرینه قاتیب اویوتمک اوچون دییرمانا آپارارلار. اونوتمایاق کی، اییده و توخوم‌لاری قابیق‌لی اویوده‌رلر. رسم‌دیر‌ کی، دییرمانچی اویوتمه‌یه پول آلمایا و عوضینه کفله ‌ایله بیر آز آرپا-بوغدا گوتوره.
اونو ائوه گتیریب تاباغا بوشالتدیقدان سونرا نییت ائدیب ال د‌یمز بیر یئره قویارلار. دووره‌سینده آینا, داراق, سورمه‌دان و مولچو دوزوب گئجه‌دن سحره‌جان کیمسه اورایا دولانماز. اگر نذرلری قبول اولورسا سحری بالاجا بیر ال یئری اونون اوستونده گورونر کی دئیه‌رلر حضرت-ی خضرین ال یئریسی‌دیر. البته او قادین‌لار کی، بو ایشی گوره‌رلر گرک کی شرعی نظردن تمیز اولالار و موستحب‌دیر کی دستمازلی اولسون‌لار. حضرت-ی خیضرین ال یئرینی گورن ‌ سئوینجک اولار و آللاها شوکر ائتمک اوچون ناماز قیلیب باشلایار قوووت‌لاری پای- بولوش ائتمه‌یه کی، قاپی‌ قونشو و یاخین قوهوملارا پایلاسین. قوووتو آلانلار دا یئرینه قند یومورتا, دوز و یا پول قویوب قابلاری بوش قایتارمازلار. قوووتو یئمک اوچون عاییله ‌لر اونو بیر کاسایا توکوب بال, دوشاب و یا شیره ایله قاتارلار. و بعضی کندلرده بهمن‌ین اون بئشیندن خیدیر نبی مراسیمی باشلانارکن گئجه‌نی شاما پیلوو بیشیره‌رلر و قوووت دوزه‌لتمک اوچون ده ائل قادین‌لاری ال- آیاق ائده‌رلر. قوورولموش بوغدا نوخود، ، مرجیمک و باشقا اویوتمه‌لی شئی‌لری بیر آز شکر ایله قاتیب ال دییرمانیندا کی، »دستو« دئیه‌رلر اویوده‌رلر. سونرا بیر مجمه‌یی‌یه‌ توکوب سلقه- سهمانلی بیر فرش اوزه‌رینه قویارلار.

داشلی بولاق↙️

@dashlibulaq✅

اونودولموش یا اونودولماق حالینده اولان #سٶزجوک لر


🔳 قازی = قویروغون بئلینه ووران ایت ، غرورلا یئرییَن آداما دئیرلر ، باخ گٶر نئجه قازی‌لانیر

🔳 اَت بالا = قوشلارین یئنی یومورتادان چیخان بالالاری

🔳 اَلنگه = حیوان اٶلندن سورا باشینین اَتی چورویوب گئدیب سوموگو قالار اونا النگه دئیَرلر

🔳 کووَر = کئچی‌نین دوغماق واقتینا چاتان دیشی بالاسینا دئییلیر

🔳 خیپیق =خیپان= بوینو قیسیق و یومورو- یوغون آدام

🔳 دانقا = اٶکوزون آشیغی ، به اصطلاح کسی که خود را بزرگ میپندارد.

🔳 باراتا = حئیوانین لئشی
ییرتیجی حیوان بیر حئیوانی یئیندن سورا ،اونون باراتاسی یئرده قالار

🔳 ییرتیجی : حیوان درنده

🔳 سیندیرمک : هضم کردن



داشلی بولاق↙️
@dashlibulaq

#ماللا_نصرالدین
قازان

بیر گون ملانصرالدین قونشوسیندان بیر قازان امانت ایسته‌دی، قونشو نه قدر بهانه گتیردی، ملا ال چکمه‌دی. آخیرده قازانی آلیب آپاردی، ایشینی قورتاردی سونرا قازانین ایچینه بیر بالاجا قازان‌دا قویوب صاحبینه قایتاردی. قونشوسی تعجب ائدیب سوروشدو:ملا بو قازان نه دیر؟

ملا جواب وئردی: قازانین دوغدو. قونشو سئوینیب قازانی آلدی.
بو احوالاتدان بیر قدر کئچدی. بیر گون ملا گئنه همان قونشودان بیر بویوک قازان ایسته‌دی. بو دفعه قونشو دینمز- سویله‌مز قازانی ملایا وئردی. ملا آلیب آپاردی.

بئش گون کئچدی قازان گلمه‌دی، اون گون کئچدی قازان گلمه‌دی، بیر آی کئچدی قازاندان بیر خبر اولمادی. آخیرده قونشو تاب گتیرمه دی، ماللادان قازانین نئجه اولدوغونو سوروشدو.
ملا قاش قاباغینی تورشودوب بئله جواب وئردی:
باشین ساغ السون قونشو ،قازانین اٶلدو.
قونشو آجیقلی آجیقلی:
- قازان دا اٶلرمی؟ ددی
ماللا دا:
-بس قازان دوغار می؟ دئیه جواب وئردی.

داشلی بولاق↙️
@dashlibulaq

اوشاقلار #اویونو

بیر اویون وار، ایکی اوشاق اوتوروب اوینارلار
اویون بئله‌سینه باشلانار:
اوشقلارین بیری او بیری اوشاغین الین دوتوب الینه ، اووجون آچار ،بارماقلارین بیر-بیر قاتلاییب، بئله دییَر:( باش بارماقدان باشلایار)

بورا دایی‌مین خرمنی‌دی
بیر قوش گلدی اوتوردو بوردا
بو توتدو
بو کسدی
بو پیشیردی
بو یئدی
بونا هئچزاد قالمادی
بیر سٶز دئسم قورخمازسان؟
اللرین چالیب بیربیرینه قیشقیرار
او بیری یولداشی‌دا بیرآز دیسکینیب ، سونراسی باشلارلار گولمه‌یه...

داشلی بولاق↙️
@dashlibulaq

اوشاقلار اویونو

دایی‌مین خرمنی

داشلی بولاق↙️
@dashlibulaq

#بایاتیلار

باشیم آغریر آغریدان
آغریسی وار آغریدان
الینی قوی باشیما
خلاص اولسون آغریدان
*
داغلاردا جئیران گزر
آیاقلارین داش ازر
من یارا نئیله‌میشم
یار مندن کنار گزر
*
کؤینگین ساری جانیم
توتوپدو ساری جانیم
بیر بئله دَرد چکیرم
قالماییب یاری جانیم

داشلی بولاق↙️
@dashlibulaq

آتالار دان آنالار دان گؤزل دئییم لر

آنا دیلیمیزه صاحاب چیخاق:

یاسدیغین یۆنگول اوْلسون : الله صحت وئرسین، تئزلیکه یوْرغان دؤشه‌کدن دوراسان

باشی یاسدیق گؤرمز: مجال خواب و استراحت ندارد

یوْرغان باسیب: همیشه تو خوابه

باشی یاسدیغا گلمیر: از درد و اذیت نمی تونه بخوابه

یاسدیق قوجاقلاماق: از تنهائی و ترس در زمان خواب به یاسدیق پناه بردن

یوْرغان آلتیندا یئیه‌سن: یامان بلاها (بالایا) دۆشه‌سن (بیری آرتیق و ناحق یئره پول و مال بیرندن آلسا اوْنا قارقیش دئیرلر)

دؤشه‌کدن دورمایاسان: دایم مریض اوْلاسان

الی یانیغین الی یانیغدان خبری اولار: دردمند حال دردمند را دریابد

تاری قوْرویانی قورد یئمز: آنکه را خدا خواهد گرگ هم نمی خورد

اۆزده خالا، دالدا چالا: در ظاهر دوست و مهربان و پشت سر دشمن و بدخواه

ائله یئمه‌گین بئله قوسماغی دا اولار: چنین بی ملاحظگی اینچنین مکافاتی هم دارد


@dasbulaq