#بـاغلاشما ( 5 )

اوخویولار

آشیق، عزیز شهنازی

آشیق، یداله عیوض پور
🎸🎸🎸🎸
📀mp3
🌹 گُــوزل مـاهنـیـلار فقــط👇👇


🏔 داشلی بولاق↙️

@dashlibulaq✅

قاري ‌لا اوچ اوغلونون ناغيلي
#ائل_ناغیلی


بير قاری‌نین اوچ اوغلو واريدي.
بونلار بير گون تصميم توتوللار، شاه‌ين خزانه‌سين يارالار. آما اؤز آرالاريندا، دئييرلر: بيزيم ننه‌ميز، چوخ ديندار آدامدي. حتما بيز پوللانساخ گئديب دييه‌جک.
بو قاري‌نين خيردا اوغلو چوخ بیلمیش‌ايميش. دئیير: بو ايشي تاپشيرين منه .
گئديللر، شاهين خزانه‌سين ياريللار، گتيريللر ائوه. اوچ گون بو ماجرادان سورا، کیچیک اوغلان دئيير؛ ننه سني ايستيريک وئره‌ک اَره. قاري‌دا دئيير بالا، عيبي
يوخ، وئرين دا .
اوغلانلار كلک‌باازليقلا اوچ گون اوچ گئجه ، يالاننان بونا توي
توتوللار. بير حالداكي هئش زاد يوخدو آرادا .
بو ماجرادان سورا، بير گون قاري قاپيسيندا اوتورموشدو. شاهين دا گزمه‌لري شهري دولانيرديلار. قاريني گؤروللر، دئييللر: قويون بو قاری‌دان خبر آلاق.
سوروشوللار: قاري ننه، شاهين خزانه‌سين ياريبلار. خبرين وار كيملرديلر؟
قاري جواب وئرير: هه بالا خبريم وار. منيم اوغلانلاريم‌ديلار .
مأمورلار سوروشوللار: قاري ننه مطمئن سن؟
قاري ننه دئییر :هه بالا، من ايمانيمي يانديريب، يالان دانيشمارام كي .
قاريني شاهين يانينا آپاريللار، شاه سوروشور؛ قاري ننه مطمئن سن؟ دئیير: هه، من يالان دانيشمارام .
شاه دستور وئرير، اوغلانلاريني توتوب گتيريللر. خيردا اوغلان او بيري‌لره دئيير :
سيزين حقّقووز يوخدو دانيشاسيز، نه سوروشسالار من دئیه‌جه‌يم .
شاهين درباريندا، شاه سوروشور، دييير: ‌سیزین ننه دئيير: سيز خزانه‌مي اوغورلاییبسيز! دئيين گؤروم دوزدو ؟.
خيردا اوغلان دئیير: نمنه؟! سونرا سسله‌نير، قوربان من دئیيرديم مملكتي آداما تاپشيريبلار، سيز منيم ننه‌مدن سفئه‌سيز. سورا اوزونو شاها طرف توتور دئيير:
بیر خبر آلين گؤرون نه واقت بيز خزانه‌ني يارميشيق آخي؟!

شاه اؤز _ اؤزونه دئيير: دوز دئيير ها قوي بير سوروشوم. قاري ننه‌ سنين اوغلانلارين نه زامان منيم خزانه‌می يارديلار .
قاري جواب وئرير : والله من ايمانيمدان گئچمرم، ايمانيمي دده‌مه‌ده وئرمه‌رم. دوز
اوچ گون منيم تويومدان قاباق .
خيردا اوغلان دئيير: گؤردوز قوربان، منيم ننه‌مين سؤزونه قولاق آسان، اوندان‌دا سفئه‌دی آخي بيز اوچ گون ننه‌میزین تويوندان قاباق هئش وارييديق، گلک سنين خزانه‌وی ياراخ .
سورا، دوزه‌ليللر يولا گئديللر ايشلرينين داليجاق....


داشلی بولاق↙️
@dashlibulaq

سینه دفتریندن ائلیمیزین سؤز خزينه سي-71 'نجی بؤلوم

آپاریجی لار :فاطیمه خانیم‌ فخیمی-جناب علیرضا نوراللهی
یازیچی:فاطیمه خانیم فخیمی
حاضیرلایان:جناب مصطفی سلطانی
🔹ائل بیلیمی آخاقیندان

@dashlibulaq

" دئمه هيجران بئله دي"


دئمه هيجران بئله دی،دردين آليم نازلی نيگار
بونو بيل هيجران اودو سئوگي يه معنا يارادير.

گؤزلرينده دوغولان دويغولاري کاش کی گؤروم!
گؤر اؤز ايچريمده هله بير بئله غوغا يارادير.

نه بيليم،هانسي ووصال،يوخسا محال،بلکه ملال
یارادان قايداسي دیر، سئوگي نی تنها يارادير.

منه سندن قالان او خاطيره لر،بير ده سسين
کؤنلومو پارچالايير،بير بئله صحرا يارادير!

آغلارام هر گئجه،گوندوز فلکين قايداسينا
"فرهاد"-ا نازلي "شيرين""مجنون"- ا ، "ليلا" يارادير.

بو "ياشيل کؤنلومو قوربان ائدرم ،یار يولونا
نه بيليم بلکه فلک،بير بئله قايدا ياراديير.

شعر:عسگر عليائي کليان(عماد ياشيل)

کرج-محمدشهر
ساعت 8 الی 9 صبح روز پنجشنبه
مورخه ی 1395/11/07

داشلی بولاق↙️

@dashlibulaq✅

#اونودولموش پئشه‌لر (شغلهای فراموش شده)
(قوروقچو)

قدیم پئشه‌لردن بیری قوروقچولوق دی کی ایندی من بیلن چوخ کندلرده بو پئشه ییغیشیلیب

هر ایل قیشین آخیرلرینده یادا یازین اول‌لرینده ،نئجه کند اهلی توپلانیب بیر یئره ،چوبان توتورلار ، بیر بئله ایش‌ده قوروقچو توتماغا گٶرَردیلر.

قوروقچو گرَک بئله آدام اولایدی کی کند اهلی هامیسی اونو قبول ائلئیدیلر ، بیرده گرک قورقچو قورخماز ، هئیبتلی و عدالت ساخلایان آدام اولایدی.

قوروقچو دوشَردی چوللره گزَری مردمین اکینه‌جک لریندن ، باغیندان .... یئیه‌لیک دوراردی ،هئچ کیم اونلارا ضرر-زیان یئتیرمه‌سین معمولا اَلینده بیردنه شاللاق یا تسمه اولاردی ،اونودا باغلاردی بیر آغاجین باشینا .
بیز اوشاقلار قورقچونو گٶره‌نده اَسیم-اَسیم ،اَسَردیک، دای دئمه‌کی قوروقچونون بیزده نه ایشی وارایدی!!!

بیزکی یولوموزو دوز گئده‌ردیک ، دوزده گلردیک بیرسینینده باغ -باغچاسینا دوشمه‌گی هئچ یوخوموزدادا گٶرمَزدیک😜 بیز نییه قوروقچودان قورخوردوق؟!!!.

ساغ اولاسیز- شاد یاشییاسیز🙏

٭٭٭٭٭٭٭٭٭٭٭٭٭٭٭٭٭

نئچه‌دنه سٶزجوک‌کی یاواش- یاواش یادلاردان چیخیر آشاغیدا گلیر اوماریم خوشونوزا گلمیش اولا :

🔹پوشک آتماق = قرعه‌کشی
🔹مَرج ائله‌مک = شرط بندی
🔹دوزداق -دوززاق -توتساق = تله
🔹 دامجی = قطره
🔹 دوگون -دویون = گره
🔹 دیرَک = ستون
🔹 قایا = صخره
🔹 سیلدیریم = پرتگاه
🔹 اوچوروم= محلی بر اثر رانش زمین یا سیل تبدیل به پرتگاه شده
🔹 کپیر = نوعی خاک نامرغوب برای کشاورزی ، سفت و سنگی
🔹 کَسسَک = کلوخ
🔹کَرکی = تیشه
🔹بالتا = تبر
🔹 کٶم = طویله
🔹 نین =تویوق‌لارین یوواسی


داشلی بولاق↙️
@dashlibulaq

سلاملار سایقیلار🌹

گون آیدین وطن🌞

@dashlibulaq💕

گوزل بیر خاطیره‌لی شاد ماهنی

آشیق محبوب

داشلی بولاق↙️

@dashlibulaq💕

#بـاغلاشما (12-6)

اوخویولار

آشیق، عزیز شهنازی

آشیق، یداله عیوض پور
🎸🎸🎸🎸
📀mp3
🌹 گُــوزل مـاهنـیـلار فقــط👇👇


🏔 داشلی بولاق↙️

@dashlibulaq✅

#سٶجوکلر


🔸یالقوز- یالقیز = تک ، یالنیز

🔸یالقوزه‌ک جاناوار= تک یاشایان جاناوار

🔸ڪٶلگه‌نَجک = سایه‌بان

🔸 لالا قان = اتکدن باشا
قاندی = قیپ قیرمیزی قانا بَله‌شیب

🔸گیلدیر = یومورو ، گرد

🔸گولوف = دووار آلتیندا سو گئچمه‌یه قویولان دَلیک

🔸دانقیر - تاققیر= تاس ، کچل

🔸پَلتَک= دیلی توتولان آدام ،الکن

🔸 بیغ = سبیل -بوغ یاغلاما = رشوه وئرمک

🔸بوغ = بخار

🔸اوزم = حیا( üzm) -منده اوزم قویمادوز قالا=آبروی مرا بردید

🔶 اوجقار : اوجدا قالان ائو... اوزاقدا قالان

🔸یاراشیقلی = خوش تیپ ،برازنده

🔸 زینه = آب روان بسیار ضعیف، کم
زینه بولاق = چشمه ای که آب بسیار کمی از آن جاری است.

🔸 سیزماق = نشت ، جریان مرموز و خزنده چیزی ،
سو سیزیر = آب نشت میکند
بیلگی‌لر سیزیر = اطلاعات درز میکند.

🔸اٶره‌مک = تولید شدن چیزی
اٶرون = محصول
اٶرتمک =تولید کردن

🔸 کیتیرگه = شیره‌ای که از درخت تراوش میشود ، صمغ


داشلی بولاق ↙️
@dashlibulaq

#آتالار سٶزو

▪️مسچیدین قاپیسی آچیخدی ایتین حیاسینا نه گلیب
▪️دمیر قاپی‌نین تاختا قاپییا ایشی دوشر
▪️دٶیمه تاختا قاپیمی ، دٶیه‌للر دمیر قاپیوی

داشلی بولاق↙️
@dashlibulaq

‍ #بایاتیلار

یول‌لار بوتون گول اولار
اوتدا قوروق پوزولار
قویون چٶلدن گلنده
مه‌له‌شه‌لر قوزولار


آق بولاقدا موغاندا
قویونلاری ساغاندا
ائل-اوبا شنلیک ائدر
قارلا یاغیش یاغاندا

داشلی بولاق↙️
@dashlibulaq

قاوال - دایرا

@dashlbulaq

#قاوال-دایرا

دایرا یا قاوال چالماق، کندلر و شهرلریمیزن توی‌لارینین آیریلماز بیر قیسمی‌دیر

دایرانین سسی آشیق‌لارین ساز-بالابانی‌ایلا هر آذربایجانلی‌نین روحونون خسته‌لیک‌لرین آلیر و شاد آنلارو ساعاتلار یارادیر.
تویلاردا خانیملار دایره‌نی چوخ حرارت-هیجانلا چالاردیلار

دایرا-قاوال نئجه دوزه‌لینیر؟

دایرانین آدیندان بللی اولان دایره شکلینده‌دی .توت و یا گیرده‌کان(جویز) آغاجیندان دوزه‌لدرلر و اونون اوستونه قوزو یا کئچی دری‌سی چکرلر، ایچ طرفینه‌ده بالاجا زنجیرلر سالارلار .بو زنجیرلر قاوالی چالاندا اونون سسینه چوخ گٶزل سس قاتیر.
قاراچی‌لار کنده‌لرده گزه‌ردیلر و قاوال ،کم ،قلبیر ساتاردیلار، آما ایندی‌کی قاواللار چوخلو مصنوعی جنس‌لردن دوزه‌لیر.

داشلی بولاق↙️
@dashlibulaq

‌ای مقدس توپراغیم ، ای مهد ایمانیم ، وطن

قوی فدا اولسون سنین اوغروندا بو جانیم وطن

سن ایگیتلر بَسلییَن مردانه‌لیکلر یوردوسان

اولماسین سنسیز منیم بیر لحظه بیر آنیم وطن

دونیادا سارسیلمیان ، شانیم وقاریم سان منیم

بو سببدن‌دیر دیلیمده اولموش عنوانیم وطن

عزّتیم ، حریّتیم ،عشقیم ، وطن دیر شوبهه‌سیز

اعتباریم ، افتخاریم ، شهرتیم ، شانیم ، وطن

گروطن اوغروندا اولسم دوشمنه باش اَیمه‌رم

اورگه دیب گهواره ده ، بو حکمی قرآنیم وطن

(ائلدارام) هرهاردا اولسام باغلیام اوز یوردوما

وارلیغیم سان ،سنده‌دیر دوز عهد پیمانیم وطن

داشلی بولاق ↙️

@dashlibulaq✅

بیر گوزل و دویغولو دیکلمه 👌

آنا حاققیندا❤️

گوندرن : ا. امیری زنگاندان

داشلی بولاق↙️
@dashlibulaq✅

#بـاغلاشما (12-7)

اوخویولار

آشیق، عزیز شهنازی

آشیق، یداله عیوض پور
🎸🎸🎸🎸
📀mp3
🌹 گُــوزل مـاهنـیـلار فقــط👇👇


🏔 داشلی بولاق↙️

@dashlibulaq✅

#اونودلموش سٶزجوک‌لر

▫️ چَگیردک-چییردک = هسته خرما و سنجد
چگیردک گوجو(ترکیه) = انرژی هسته‌ای

▫️ کٶمه‌لک = خانه محقر

▫️ کٶشه‌نک = خمیدگی پشت انسان
کٶشه‌نکلی = گوژ پشت

▫️ گٶیشه‌مک = نشخوار کردن حیوانات

▫️ ته‌تواز = نانی که در موقع پختن درون تنور بیفتد، در اصطلاح : مثال، ته‌تواز ائله‌مه : اینقدر بیقراری و عجله نکن .

▫️ گٶن = چرم

▫️ درمک = چیدن محصول کشاورزی، در معنای دیگر :جذب کردن چیزی
بو باشماق سویو جانینا دَریب= کفش آب را جذب خود کرده
دَرگی : نشریه، مجله - جایی که اخبار و اطلاعات جذب و پخش شود.

▫️ گییشمک = مشورت کردن

▫️دیره‌نمک = پافشاری کردن
آیاقلارووی چوخ دیره‌مه: زیاد پافشاری نکن
دیره‌نیش = ایستادگی

داشلی بولاق↙️
@dashlibulaq

اینانج لار (باورها)

"یاش آغاجی و یاش اوْتو (بیتگی) یاندیرمازلار، یاندیریلسا خیر برکت قالماز"

آتالار یاش بیتگی و آغاجی جانلی سانیبلار، بیزده طبیعته حؤرمتله یاناشاق.

@dashlibulaq
@dasbulaq

#دئییم لر

*سو باشدان بولانیق دیر :
ایشین کؤکوندن خاراب اولماسی

*ساواشدا پیلوو پایلامازلار :
ساواشدا ووروم شیلاق اولار ،یئمک پایلامازلار (تو دعوا حلوا خئیرات نمیکنند)

*چایدا سو سووداسی :
چیی خیال ،اولمایان بیر ایش

*بیر زاددان اؤتورو سوتول اؤتمک :
چوخ گؤنوللو اولماق ،آرتیق باغلیلیق

*ارکک ائششگه قشوو چکمک :
بیرینین خوشونا گلن سؤزلری دئمک

*آلچا سویویلا اوز یوماق :
آرسیزلیق ، لاپ اوتانمازلیق

ایل بیلیم آخاقیندان گٶتورولوب

داشلی بولاق↙️
@dashlibulaq

لال قیز ناغیلی
#ائل_ناغیلی

آی دولاندی، ایل کئچدی. اوغلان ائولندی، بیر اوشاغلاری اولدو.
آروادی اونون باجی سینی بئله حدیندن آرتیق عزیزله‌مه‌سینی گٶره بیلمیردی. هر دفعه بیر حیله قوروب اونو گٶزدن سالماق ایسته ییردی. اما بوتون جهدلری بوشا چیخدی. اَری‌نین بیر طوطی قوشو ، بیر ده عرب آتی وار ایدی، اوغلان اونلاری‌دا حدیندن آرتیق ایسته ییردی. خائن آرواد بیر گون طوطی قوشونو بوغوب اٶلدوردو. اری ائوه گلنده یانیقلی -یانیقلی دیل توکوب دئدی: باجین سنین طوطی قوشونو بوغوب ئولدوردو. اوغلان دئدی: جانی ساغ اولسون ، بیر قوش نه دیر کی، اوندان اٶتری باجیمین خاطرینه دگیم.
آرادان بیر نئچه گون کئچدی، کیشی اووا (شکار)گئتمیشدی، آرواد اٶز قارداشی‌نی اٶرگدیب خلوتجه عرب آتی‌نین‌دا باشینی کسدیردی. اری اوودان قاییداندا یئنه آه و فغان ائله‌ییب دئدی: سن نئجه دوزورسن کی، باجین ایندی‌ده عرب آتینین باشین کسدیردی. اوغلان دئدی من بیر آتدان اٶتوری باجیمی اینجیده بیلمه­‌رم.
آرواد گوردو بئله ایشلر له ارینی یولدان چیخاردا بیلمیر. اودور کی، باشقا تدبیر توکمه‌گه باشلادی. اری بازارا گئدن کیمی اوز اوغلونو آپاریب شهرین کناریندا قوجا بیر قارییا تاپشیردی. اونا چوخلو پول وئریب دئدی: قاری نه نه، بو اوشاغا آنالیق ائله، بیر نئچه ایلدن سونرا گلیب آپاراجاغام قارییا دا ائله بو لازم‌ایمیش. او ساعت راضی‌لیق وئریب اوشاغی گوتوردو. آرواد قارییا تاپشیردی کی، بو سری هئچ‌کیمه بیلدیرمه‌سین.
آرواد قاری نین یانیندان قاییداندان سونرا باشلادی ائوده یاس توتوب آغلاماغا اری بازار دان قاییدیب آروادینین حالینی پریشان گٶروب دئدی: آرواد نه بدبخت ایش اوز وئریب کی، داد و فریاد ائدیرسن؟

آرواد آغلایا ـ اغلایا دئدی: بوندان دا آرتیق بدبخت‌چی لیک اولار؟ سنین ایستکلی باجین ایندی‌ده اوغلوموزو اولدورتدیریب.
کیشی بو دفعه آروادی نین سٶزونه اینانیب غضب لندی. آرواد دئدی آ کیشی، بس ایندی بیز نئیله‌یک؟ کیشی دئدی: داها بو دفعه دوزمک اولماز منیم الیم گلمیر، قوهوملارینا دئ، گلیب باجیمی آپاریب آتسینلار مئشه‌یه. قوی اوندا قورد ـ قوش یئسین. آرواد بئله بیر فرصت آختاریردی کی، اودا الینه دوشموش‌ایدی. او ساعت قوهوم ـ اقراباسینا تاپشیردی کی، قیزی آپاریب آزدیرسینلار .ائله همن گون قیزی آپاریب مئشه نین بیر یئرینده بوراخیب گلدیلر. یازیق قیز بیلمه دی نئیله‌سین ، دیلی‌ده یوخودور کی، دردینی دئسین. آخیردا علاجی کسیلیب باشلادی گئتمه‌گه. اوچ گون، اوچ گئجه یول گئتددی آجیندان لاپ طاقتدن دوشموشدو ، یئمه‌گه هئچ نه تاپمیردی . بیر دن قاباغینا بیر گیجیتکن لیک چیخدی . تئز اوندان دریب ، اووجوندا اووش دوروب بیر آز یئدی .بیر آز او طرفه باخیب گوردو دوم -دورو ، گوز یاشی کیمی بیر بولاق سویو آخیر . بیر ـ ایکی اوووج دا سودان ایچدی . او ساعت قیزین گوزونه ایشیق‌گلدی ، قیلچالارینا طاقت.

تزه دن باشلادی جیغیرلا(کسه یولونان) گئتمه‌گه.بیر ده گوردو کی ، قاباقینجا بیر قشنگ دوشان گئدیر . قیز دوشانین دالیسیجا او قدر قاچدی کی ، بیر دن گوردو مئشه نین اورتاسیندا گٶزل بیر عمارتین قارشی (اوز بَه اوز) سیندا دایانیب .
بو وقت عمارتین قاپی‌سی آچیلدی ، دوشان ایچری گیردی . آرادان بیر آز کئچمه‌میش ایکی نفر خدمتچی گلیب قیزی ایچری آپاردیلار . قیز قیرخ پیلله کان قالخاندان سونرا ائله بیر اطاقا گیردی کی، آغزی آچیلا قالدی. بورا اوقدر قشنگ ایدی کی، آدام حیران قالیردی. اطاقدان بیر گوزل قیز چیخیب اونو یانینا چاغیردی .بیر یئرده اوتوردیلار. اطاق صاحبی نه قدر سئوال ائله‌دی قیز جواب وئرمه دی، الی‌ایله اشاره ائله‌دی کی، لالدیر.
ائو صاحبی دئدی: ای گٶزل قیز، داها سن لال دگیل‌سن. مئشه‌ده یئدیگین گیجیتکن، ایچدیگین سو سنین دیلینی آچیب، قورخما دانیش. قیز اونا اینانیب، جواب وئردی، گٶردو کی، دانیشا بیلیر. سئویندیگیندن بیلمه‌دی نه ائیله سین قیز دئدی: سن کیمسن، بورادا هارادیر؟ ائو صاحبی دئدی: من سام پادشاهینین قیزی‌ایدیم. آتامین وزیریله وکیلی سٶزٶ بیر یئره قویوب آتامی ئولدوریریب اونا شر آتدیلار. بو ایشدن خبر توددوغیم اوچون منی‌ده اٶلدورمک ایسته دیلر. سنین مئشه‌ده راست گلدیگین دوشان آتامین سحرکار رمالی ایدی. او منه کمک ائدیب، گتیریب بو سرایا چیخارتدی. گوردوگون بو سرای دا اونوندور. او همیشه دوشان جلدینه گیریر. باشینا قضا و قدر گلن بدبخت انسانلارا کمک ائدیر.

بو صحبت‌دن سونرا لال قیزدا باشینا گلن قضا وقدری اولدن آخره‌دک دانیشدی. او گوندن هر ایکی قیز دوست لاشیب بیر یئرده یاشادیلار. آرادان گون دولاندی، آی کئچدی. لال قیزین قارداشی اووا چیخمیشدی، مئشه‌ده یولو آزیب گلیب همن عمارتین قاباغینا چیخدی .خدمتچی‌لر اوغلانی گٶروب ایچری آپاردیلار. لال قیز قارداشی‌نی اوزاقدان تانیدی. اما بیلدیرمه‌دی اوراداکی آداملارا تاپشیردی کی، اوغلانی قوناق ساخلاسینلار. اوغلان گئجه قوناق قالدی. او یوخویا گئدن کیمی ب