كچل‌ین ناغيلي
#ائل_ناغیلی


احد فرهمندي

قايناق شخص: كريم گلبازي مهديپور


كئچميش زامانلاردا، شاه‌ين بير قيزي وارايدي، اونو لاپ جانا گتيرميشدي.
وزيرينه دئدي :
- بيريني تاپاق سسسيز بو قيزي اَره وئرك باشيميزدان اولسون .
- قوربان وئر بير جار چكدير . جارچيلار دئسينلر هر كس سوبايدي، شاه اونو
ائولنديره‌جك. بوتون سوبايلار بورا ييغيلاندان سونرا، بيرـ بير چاغيريب قاباقلارينا
بير كاسا دوز قوياريق، شرط ائله‌ريك هر كس بو دولو كاسا دوزو يئييب قورتارا
بيلسه شاه قيزيني اونا وئره‌جه‌یيک .
شاه، وزيرينين سؤزون قبول ائديب جارچيلار خبري شهرده ياياندان سونرا،
چوخلو سوباي اوغلان آياق قاباغا قويوب راضي‌ليق ائله‌دير. هر كسيمه‌نين قاباغينا
بير كاسا دوزو قويدولار، اونو بوتون يئيه بيلميردي. سوبايلارين ايچيندن بير كئچل اوغلان گلدی اوتوردو، شاه سوروشدو: اوغلان نه اچون گلیبسن؟

- شاه ساغ اولسون گلميشم دوزو يئييب، قيزي آلام .
- اولسون؛ باشلا يئ، هاميسيني يئيه بيلسن قيز سنيندير .
كئچل اوغلان بارماغيني آغزينين سويو ايله ايسلاديب كاسادا اولان دوزا باسيب، بارماغيني يالاياندان سونرا دئدي :
- من دوزو يئديم !
- قاباق كي ائلچي‌لر قاشيق – قاشيق بو دوزدان يئييبلر اما قورتارا بيلمه‌ديكلرينه گؤره قيزي آلا بيلمه‌ييبلر. سن بير بارماق دوز يالاماقلا ايسته‌ييرسن اونلاردان قاباغا كئچيب قيزي آپاراسان؟
- شاه ساغ اولسون منيم نظريمده بير هوندور دوز داغيني يئمك‌ايله او داغدان بير داديم دادماغين هئچ فرقي يوخدور. من دوز يئمه‌گين ده‌يَريني بيلسم بير بارماق يالاماق يئتَر. اما بيلمه‌سم بو كاساني بوتون يئسم‌ده، يئنه بيلمه‌يه‌جه‌يم
شاه اوزون توتوب وزيره دئدي :
- بو اوغلان درين فيكير آدامدير، منيم قيزيم دا ياخشي ساخلايا بيلر. قيزي وئر بو اوغلانا، ياشاملاري اوچون هر نه‌ده ايسته‌ييرلر وئر آپارسينلار



داشلی بولاق↙️
@dashlibulaq

#اونودولموش سٶزجوک‌لر (اصطلاحات فراموش شده)

▪️ پئشَری = یئرآلما ، سوغان و یا ... محصولون چٶلدن گٶتوردوکدن سورا اوشاقلار گئدیب قالانلارین تاپاردیلار، بو ایشه پئشری دئییردیلر

▪️ بارماقچیل = دَری‌دن تیکیلمیش بارماق قابی، بیچین‌چیلر بارماقچیلی گئیه‌ردیلر بارماقلارینا تیکان باتماسین

▪️ قیرچا = قدیم زامان ائولرین دامی سوواق اولاردی ، قار، یاغیش چوخ یاغسایدی داماردی ، دامین تیرلری ائوده همشه تندیر یاندیغینا گٶره قارالاردی ، بو قارا لکه‌لر دامین دامچی‌لارینا قاریشیب ، داماردی ائوه، اونا قیرچا دییه‌ردیلر

▪️ کَره‌لیک = بعضی قابلاری اَسکی زامانلاردا مال حئیوان آزاسی‌لا دوزَلده‌ردیلر ، اونا کره‌لیک دییه‌ ردیلر


داشلی بولاق↙️
@dashlibulaq

خالخالین "دیز" کندینده بیر سوواق دام
@dashlibulaq

بارماقجین، بارماقجیل

#اینانجلار (باورها)
(قجله)

کاغازکوناندا قدیم هر کیمین مسافری اولسایدی کی اونون یولون گٶزله‌ییردی ، ایَر قجله گلیب دامدا اوتوروب قاریلداسایدی سئوینیب، و دییه‌ردیلر قجله اونون گلمه‌گینین خبرین گتیریب ،اونا بیر حب قند آتاردیلار

دییه‌ردیلر: "قجله خئییر سٶیله"..

داشلی بولاق↙️
@dashlibulaq

قجله
@dashlibulaq

"اولدون یاز کيمي"

(1)

دوغولدون پاييزدا ،اولدون یاز کيمي
پارلادين هر زامان بير اولدوز کيمي
ياپيشدين کؤنلومه دادلي، دوز کيمي
گؤزلريم اوستونده يئرين وار،
سنين.

**********
(2)
بيليرم دونيانيز آی قيز اؤزل دی
سسينيز سئحیرلي،چوخ دا گؤزل دی
ووصالين يوباندي،باغريم اوزولدو!
کؤنلومون هاميسي بوگون یار سنين.

***********
(3)
اوغرون باخيش لارين منه جان اولدو
سئوگي نی دانلايان بير نادان اولدو!
يوخونو يوزما کي بلکه يان اولدو !! گؤتوروب،چالماغا بوگون تار سنين.

***********
(4)
نئيله ييم سئوگي میز اولسا دوب،دورو
يول اوسته دوراندا،گؤرسه ده بيري!
آنجاق یاریم گزسه بير بيزيم يئري
اوندا قايدا منيم،بو قرار سنين!


***********
(5)
يولونو گؤزله رم گولوم هر زامان
منه يارانمادي بير بئله ايمکان
هله ده "ياشيل" - ی سيخير ،بو هيجران
قيشدا کولک منيم ، ياغيش، قار سنين.

شعر:عسگر عليائي کليان(عماد ياشيل)

کرج،محمد شهر-جومعه آخشامي
1395-11-07-(گونش ايلي)
ساعت 9 تا 11 صبح

داشلی بولاق آخاقی↙️

@dashlibulaq✅

تولوغوم سني آسارام
یاغین قابلارا باسارام
عزیز قوناغیم گلنده
زنجیرلی قازان آسارام
منیم آتمالی تولوغوم
باشی چاتمالی تولوغوم
سرین چشمه‌لر باشیندا
شاقیللاتمالی تولوغوم
منیم تولوغوم اولوبدو
یاغی قولپوندا دولوبدو
حه‌یتده‌کی قوچ قوزولار
تولوغا قوربان اولوبدو
فولکلور : جمیله داداشی، زنگان، ایجرود، تولد ۱۳۲۲
شکیل: EverydayAZB فیس‌بوک صفحه‌سیندن-ائل بیلمی آخاقیندان


داشلی بولاق↙️
@dashlibulaq

جیغیر اولوب اوزانیدیم داغینا

چمن اولوب سریلییدیم باغینا

شهید اولوب دوشنده تورپاغینا

اوندا وطن منه اوغول دییرمی؟

کهلیک اولوب قایاسیندا سه‌کیدیم

کوتان اولوب تارلالاری سوکیدیم

هر یئرینه گول آغاجی اکَیدیم

اوندا وطن منه اوغول دییرمی؟

قارتال اولوب کوچمه‌ییدیم ائلیمدن

بایقوش اولوب دونمه‌ییدیم دیلیمدن

وطن ایچین قورخمایاییدم اولومدن

اوندا وطن منه اوغول دییرمی؟

دومان اولام داغلارینی بورویم

سال قار اولام گون دَینده اَرییم

بیر ایگید اولام حاققا ساری یئرییم

اوندا وطن منه اوغول دییرمی؟

یاشاسین تورک میللتی ❤️ یاشاسین آنا دیلین سئونلر❤️

گوندرن: ع-آذربرا ٕ

داشلی بولاق↙️

@dashlibulaq✅
ٕ

وطن و غربت...

کؤنلوم آیریلماییر اؤز باهاریندان،
الهام باهاریندان،
سؤز باهاریندان!!
دئییرم: وطنین بیرجه قیش گونو
یاخشی دیر غربتین یوز باهاریندان.
(نبی خزری)

داشلی بولاق↙️
@dashlibulaq

سینه دفتریندن ائلیمیزین سؤز خزينه سي-72نجی بؤلوم

آپاریجی لار :فاطیمه خانیم‌ فخیمی-جناب علیرضا نوراللهی
یازیچی:فاطیمه خانیم فخیمی
حاضیرلایان:جناب مصطفی سلطانی
🔹ائل بیلیمی آخاقیندان

@dashlibulaq

#اونودولموش سٶزجوک‌لر(کلمات و اصطلاحات فراموش شده)

گوزگو

گٶزگو= آینه
نئچه ایل بوندان قاباغا کیمی آینایا گوزگو دئییلیردی ، هئچ اٶزوموزده بیلمه‌دیک گوزگونون آدی نه واقت چٶندو اولدو آینا؟!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بیر قدیم مثل‌ده وار شاید هامی ائشیدیب:
کچل باخار گوزگویه
آدین قویار اٶزگویه

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
گٶزل گوزگو شعری‌ده وار اونودا تقدیم ائلیرم

[گوزگو داش اولدو]


گٶردون گوزَ‌لیم گوزگو نهایت‌ده داش اولدو!
باشلار ایاق اولماق‌دا آیاق دوندو باش اولدو

گٶزدَن کیمی ائل آتدی  گئدیب غیره ال اولجاق؟
گٶزدَن نه فقط دوشمه‌دی ، گٶز اوسته قاش اولدو

ایل‌لر بویو گوددوک قورویان آرخا سو گلسین
سو گلمه دی آنجاق‌کی گولوف‌لرده یاش اولدو

قارداش - قاراداشدان آشاقی  بٶلگو  بوله‌نده
قانلی دویوشون جان بازاریندا داداش اولدو

بیر سورمه‌لی گٶز قالمیش‌ایدی پاخلا گوزون‌ده
گوز دَیدی او بیچاره‌یه  گٶز چیخدی ماش اولدو

ایش دوندو چراغ سوندو سمادَن قیر اَلَندی
او گون کی قویون قوردلا"عاصیم" هاماش اولدو

عاصم اردبیلی


داشلی بولاق↙️
@dashlibulaq

#تاپ،تاپماجا


گٶزو یوخ ، قولاغی یوخ ، کورلاری آپاریر

Gözü yox
gulaği yox
Korlari aparir

جاواب؟؟؟؟؟

داشلی بولاق↙️
@dashlibulaq

گـون آیدین دوسلار💐

نفسـلريز ايــستی🍀

فيـکرينيز آچیق 🌺

اورگينيز ســاغـلام 💓

اوزنـوز گـولش😊

یاشاییشیز گوللو چيچکلي اولسون 🌹
داشلی بولاق↙️

@dashlibulaq✅

#بـاغلاشما ( 4 )

اوخویولار

آشیق، عزیز شهنازی

آشیق، یداله عیوض پور
🎸🎸🎸🎸
📀mp3
🌹 گُــوزل مـاهنـیـلار فقــط👇👇


🏔 داشلی بولاق↙️

@dashlibulaq✅

#تندیر نئجه دوزه‌لینیر

تندیر قدیم ائولرین آیریلماز بٶلوم‌لریندن(قسمت) بیریدی

قدیم ائولرین هامی‌سینین ایچینده بیر تندیر اولاردی، چٶره‌گی ده ائوین ایچینده یاپاردیلار،چٶره‌ک یاپاندان سورا کورسونو قوراردیلار.
آما سورالار حَیطده بیر دام ایشله‌دیلر تندیری‌ده اونون ایچینده قویدولار او داما بیزیم بٶلگه‌لرده(منطقه)تندیره‌سر دییه‌ردیلر.

تندیری دوزلتمه‌یه اَلَنمیش قیزیل تورپاق و گئچی قَزیلی لازیمدی تندیر دوزلتمک مهارت ایستیر و هر آدامین الیندن گلمز. چون اگر بیر آدام بو ایشین قوراللارین بیلمه‌سه تندیر یا چاتلایاجاق و یا اووالاناجاق
تندیری آشاغی شکیلده‌کی کیمی نئچه‌ گونده دوزلدندن سورا قویارلار قوروسون و قورویاندان سورا آپاریب یئرینه سالارلار.

داشلی بولاق↙️
@dashlibulaq

توپراغی ایسلادیب و پالچیق ائله‌ییب و اونو کامل آیاقلاریق تا ساققیز کیمی پالچیق اله گله
@dashlibulaq

ایکنجی دٶنه(مرحله) پالچیغی کئچی قزیلی‌ایله قاتیب و اونو گٶردویونوز کیمی بو شکیلده گتیره‌جه‌ییک👆

@dashlibulaq

بو شکیلده‌کی کیمی نئچه گونون ایچینده تندیری ایشله‌ییب و اونو بوراخیریق گون قاباغیندا قوروسون
@dashlibulaq

دیققت ائله‌مه‌لییک کولفه یا کولبه‌سی یاددان چیخماسین، کولبه تندیرین یئره یاپیشان قیسمتینده ،بیر قاریش پنجره‌دی کی اوردان تندیر هاوا آلیر ، کولبه اولماسا تندیر یانماز.
اگر یازیلاردا ایشتباه اولسا دوسلار پی‌وی ده بویورسونلار🙏



قورال = قاعده ، روش
کولبه یا کولفه = هواکش ، روزنه تنور
کئچی قَزیلی = موی بز

@dashlibulaq