اینانجلار (باورها):

- ایستی سویو گئجه یئره توکمزلر
-آیین اولینده آیا باخیب بیرینین اوزونه باخمازلار
-گئجه پیچاق اوزانار
-گئجه لر دیرناخ توتمازلار

ائل بیلیمی کانالیندان

داشلی بولاق↙️
@dashlibulaq

دیلیمیزی قورویاق


✅ ایناندیم
❌ باور ائله‌دیم

✅ یئیه دوردوم
❌ مواظب اولدوم

✅ توپلادیم
❌ جمع و جور ائله‌دیم

✅ قازاندیم
❌ برنده اولدوم

✅ سٶندوردیم
❌ خاموش ائله‌دیم

✅ سَرینله‌دیم
❌ خنک اولدوم

✅ سیلدیم
❌ پاک ائله‌دیم

✅ آغریر
❌ درد ائلیر

✅ سوروشدوم
❌ سوال ائله‌دیم

✅ دوشوندوم
❌ درک ائله‌دیم -فکر ائله‌دیم

✅ آند ایچیرم
❌ قسم وئریرم

✅ سئویندیم
❌ خوشحال اولدوم

✅ یورولدوم
❌ خسته اولدوم


داشلی بولاق↙️
@dashlibulaq

اَرسین

@dashlibulaq

اَرسین

بو وسیله‌دن تندیردن چٶره‌ک چیخارتماغا استفاده اولونور.

داشلی بولاق↙️
@dashlibulaq

خانیملار چٶره‌ک یاپاندا گاهدان خمیر تندیردن قوپوب ، دوشَردی تندیرین ایچینه ، بو خمیر دوشدوکدن سورا اودون ایچینده بیرآز یانیق، بیرآز کوله قاریشیق ، بیرآزدا بیشمیش اولاندان سورا ، تندیردن "اَرسین‌له "چیخارداردیلار و اونا دئیه‌ردیلر (کوت ) گئتدی

کوتو ،چوخلو حیوانلارا(تویوق، داوار ، ایت) وئره‌ردیلر

داشلی بولاق↙️
@dashlibulaq

کوله دوندوم

اورک یئنه نیسگیل‌لندی
خیال لاندی یارا داغلار
ائله یاندیم کوله دؤندوم
دای گلمیشم زارا داغلار

دئیین گؤروم سازیم هاردا
او سئوگیلیم نازیم هاردا
قار چیچگیم یازیم هاردا
دئه دردیمه چارا داغلار

آرزیلاری یئل آپاردی
دویغولاری تئل آپاردی
ایستکلری سئل آپاردی
دوشوب یادا سارا داغلار

نه‌دن دئییم نه‌دن یازیم
غم الیندن یاندی سازیم
سولغون اولدو یاشیل یازیم
بس من گئدیم هارا داغلار
اورک اولدو پارا داغلار...


@dashlibulaq

محرم محمد زاده(محرم عمی)

﷽
گون آیدین حایات🌹

گون آیدین سئوگیلیلر❤️

تانریدان خیر وبرکت 🌹

شادلیق و جان ساغلیقی❤️

هامینیزا آرزیلاییریق 🌸

☀️گون آیدین توره داغی☀️

داشلی بولاق↙️
@dashlibulaq

یـئری وار دئیک :💕

یارادانووا شوکورلر💕

داشلی بولاق💕
@dashlibulaq✅

# دیلیمیزده قوشا سٶزجوک‌لر(کلمات جفت)


دادلی -دوزلو
یای -یاز
تای -توش
آییق- ساییق
قول - قاناد
دلیک - دئشیک
ازیک - اٶزوک
قوی - گٶتور
داغ - دره
ائو - ائشیک
دال - قاباق
دادلی- دوزلو
قاری -قوجا
دده‌- ننه
آرا -بره
آدلی - سانلی
قویون - قوزو
داش-دمیر
باغ -باغات
قول- بوداق
دام - داش
قاپ... -باجا
دلی -دولو
آلچاق- اوجا
سٶز- صحبت
آل- وئر
گل- گئت
باش- قولاق
باش - بئیین
آل - سات
اَل -آیاق
دیل - دوداق
قارین - قورساق
قورد - قوش
قوهوم - قونشو
ساغ -سول
دام - دووار
یول - یولاق
آی - اولدوز
اَر - آرواد
یار و یولداش
دام -باجا
داغ - داش
دوز -چٶره‌ک
مال - داوار
باغ - باغچا
قوش -قورداق
آرواد - اوشاق
گول - چیچک
کند - کٶشن
یئر -گٶی
قاب قاجاق
بئل -بوخوم یا بوخون!
چال - چاغیر
گٶز - قولاق
اَل - آیاق
سوت -قاتیق
قاش- گٶز
گٶر-گٶتور


داشلی بولاق↙️
@dashlibulaq

٭٭اوخویور محرم عمی ٭٭

او داغلارسیز ،باغریم شان شان اولوب دیر
چمن -چیچک ،چول یادیما دوشوب دیر

داشلی بولاق↙️
@dashlibulaq

کیهان صالحی 👌💃💃

ورولموشام اوگؤز قاشا💃

داشلی بولاق↙️
@dashlibulag

#آتالار_سٶزو
(اوشاق)

*⃣ اوشاق یخیلا،یخیلا بٶیویَر

*⃣ اوشاق گٶردوگون گٶتورر

*⃣ اوشاق، واردی -یوخدو بیلمَز

*⃣ اوشاق ائوین یاراشیغی‌دیر

*⃣ اوشاغین شعورسوزو یول اوسته اوتورار

*⃣ اوشاغا ایش بویور ، اٶزونده دالیسیجا(یوگور) گئت

*⃣ شعورلو اوشاغا نه دده مالی!!
شعورسوز اوشاغا هاا دده مالی

*⃣ اوشاغی اولمامیش، دونون بیچیر، اٶزوده گَن بیچیر

*⃣ اوشاق تله‌سر ، آرمود وقتینده یئتیشر


داشلی بولاق↙️
@dashlibulaq

 #آتالار_سٶزو


🔲 آروادین عصمتی ، اَرین عزتی  


🔲 آرواد وار ائو تیکَر ، آرواد وار ائو ییخار 


🔲 آروادین قوهومو شیرین اولار
  

🔲 آرواد نه بیلیر داغدا بوراندیر ، ائوده اوتوروب حکمو رواندیر
  

داشلی بولاق↙️
@dashlibulaq

#اونودولموش سٶزجوک‌لر
(کلمات و اصطلاحات فراموش شده)

🔹کیزیمَک=کیریمَک = خطره قارشی و یا بیر سالدیری‌نین(حمله ) قارشیسیندا اینسان یا حئیوان اٶزونو ییغیشدیرماق و جانسیز حالدا قالماق

🔹یویورمک=یوگورمک = حمله آپارماق

🔹کٶنَس یا کٶنز = لجوج - سٶزه باخمایان

🔹رف = بیر بٶیوک و اوزون تاغچا

🔹تورتا = کره‌نی ایسته‌سه‌لر اَریدیب ساری یاغین چیخاردالار ، اریدندن سورا یاغی سۆزوب و قابین دیبینده قالانا تورتا دئیه‌رلر

🔹 تولاس = قدیم زامانلار کندلرده دوکتور اولمادیغنا گٶره اوشاغین قولاغی یا دیشی آغریسایدی آنالار اون+ساری کٶک+ قاتیقی قاتاردیلار و بیر خمیر دوزه‌لد‌ردیلر و آغرییان یئرین اوستونه قویاردیلار ، آغریسین کسسین

🔹 شالاخ = فارس دیلینده ایشله‌نن شلخته سٶزونه یاخین بیر آنلامی وار ، زای ، خاراب ، شل


داشلی بولاق↙️
@dashlibulaq

S-a:
#يانيق_كرمي
اوخويور: آشيق محبوب خليلي
سازدا چالير:آشيق فرمان فرضي

داشلی بولاق↙️
@dashlibulaq

بیر اووچونون آوو و گئتسه یارالی
نئجه گلر اونون صبر و قراری
ایتیرمیشم اصلی کیمی مارالی
اووچوسویام دالیسینجا گزیرم

اوره‌گیم له دردی دییه بیلمرم
بو دونیا فانی‌دی گوله بیلمرم
من کرمم واللاه دٶنه بیلمرم
حسرتیم وار بو یوللاری گزیرم

داشلی بولاق↙️
@dashlibulaq

حيدربابا ، يوْلوم سندن کج اوْلدى
عؤمروْم کئچدى ، گلنمديم ، گئج اوْلدى
هئچ بيلمه‌ديم گؤزللروْن نئجه‌اوْلدى
بيلمزيديم دؤنگه‌لر وار ، دؤنوْم وار
ايتگين ليک وار آیریلیق وار اولوم وار
@dashlibulaq🌹

#شعرلر

مرحوم اوستاد دوکتور یحیی شیدا نین گؤزل بیر شعری

عاغیل دیشین چکدیردیم
قورتاردیم آغریسیندان
بوتون دردی آزالدی
اونون یئری بوش قالدی
سونرا گؤردوم یئریندن
تَزه بیر دیش قووزاندی
عاغیللیلار دئدیلر
بو دیش طاماح دیشی‌دیر
بو طبیعت ایشی‌دیر
اونو چکدیرمک اولماز


داشلی بولاق↙️

@dashlibulaq

پنیر مایاسی نئجه دوزه‌لیر؟

مال-داوار کسیلدیکدن سونرا اونون قورساغینی (معده سینی) گؤتوروب یویوب چؤلده بیر ایپین اوستونه سریب و قورودورلار.

اؤروشدن(چٶلدن) شیرین بیانی ییغیب، کؤکونو آییریب یویوب-تمیزله‌ییب قورودورلار.

بوغدا و آغ نوخودو بیرلیکده قاینادیرلار سونرا اونو یئره قویورلار ایچینده اولانلار دیبینه چؤکور و سویو آیریدا اوزونه دورور. اونون سویونو گؤتوروب بارداغا تؤکورلر. سونرا قوروموش قورساقدان و شیرین بیان کؤکوندن آیری-آیری آغ چیت دن تیکیلمیش توربانین ایچینه آتیب آغیزینی باغلاییب بارداغا آتیرلار. بارداغین آغیزینی سله (کسیلمیش مال-داوارین قارینین بیر بؤلومو) ایله باغلاییب، ایستی بیر یئره قویوب اوستونو باسدیریرلار. بیر نئچه گون قالیر مایا توتور. اونو سیناماقدان(امتحان) اؤتورو بیر آز قیزمیش سوته آتیرلار. پنیره چئویرسه، بیل کی مایا حاضیرلانیب. یوخسا مایا توتونجا اوستونو باسدیریرلار.

ائل بیلیمی آخاقیندان

داشلی بولاق↙️
@dashlibulaq