سحریز خئیر دوستلار🌺🌺🌺🌺
@dashlibulaq

کندیمین پوزقون حالی


کندیمین پوزقون حالی
آتش پونهاندی منه
میوه لی باغچالاری
ایندی قورو خاندی منه
اورانین اهلی بوتون
عشق و وفامظهریدی
مهربان قلب‌لری
الفت جاناندی منه
گزنده چول‌لرینی
گؤزلریمدن یاش اَله‌نر

اوسوسوزیونجالاری
سوز شرر جاندی منه
چیخاندا داغلارینا
اوره‌ک دئییر گئتمه دایان
او یاشیل داغلاری
قوروموش تیکاندی منه
قورییان بولاقلارین
گؤره‌نده باغریم قان اولار
اولاردان سوایچمه‌گیم
حسرت دوراندی منه
داراشلیق کوچه‌لر ی
یاده سالارخاطیره‌لر
گَلنده یاده اولار
بیرگؤزل دستاندی منه

@dashlibulaq

آنامین آغ ساچینا
جانیمےقربان دئمیشم

سحرآخشام یورولان
اللرینہ جان دئمیشم

قدریوےمن بیلَنه سن
نه قـوجالدین آنا جان

آنامین بیر باخیشین
دردیمه درمان دئمیشم🍃

@dashlbulaq

یئددی قارداش ،بیر باجی

آغشام قارداشلار گلیب ائوده قیزی گؤرن­ده دئدیلر: ائله بیز یئددی قارداشا بیر باجی لازیم ایدی. بئله‌­لیک­له یاشاماغا باشلادیلار.

بیر گون باجی ناخوشلاییب اؤلوم حالینا دوشدو. قارداشلارین اللرین­دن بیر ایش گلمیردی. بیر د­‌وه گتیریب قیزی بیر تایا قویوب و بیر تایادا قیزیل-گوموش دولدوروب د­‌وه‌­یه یوکله‌­ییب، بیر کاغازدا یازیب ایچینه قویدولار کی هر کیم بو د­وه‌­نی تاپسا بو پوللاری قیزین ساغالماسینا یا اؤلموش اولسا اونون «کفن و دفن» ائتمه‌­گه خرجله­‌سین. دوه‌­نی گتیریب بیر یولا اؤتوردولر. د­وه باش آلیب گئتدی بیر شه­رده بیر شازدا دوه‌­نی گؤروب اووسارین­دان یاپیشیب اؤز سارایینا آپاردی. اوردا یوکو آچدیق­دا بیر قیزین جنازه‌­سینی و بیر تای­دا دولو قیزیل-گوموش گؤردولر. کاغازی اوخودولار. سونرا، بیر آینا گتیریب قیزین بورنونون قاباغینا توتدولار. گؤردولر کی قیزین ه­له نفسی واردیر و اؤلمه‌ییب­دیر. حکیم گتیریب داوا درمان ائتدیک­ده قیز ساغالدی. شازدا دا قیزین ادب کامال و گؤزللیگین گؤردوکده اونلا ائولندی و بیر ایل­دن سونرا بیر اوغلان صاحابی اولدولار.

اوغلان بویویوب یئددی یاشینا چاتان­دا قیزین قارداشلاری باجی­لارین­دان بیر خبر توتماق فیکرینه دوشدولر. هر بیری بیر نوع پالتار ایله هره­‌سی بیر طرفه دوشوب باجینی یا اؤلموش اولسا اونون قبرینی آختارماغا باشلادی­لار. کیچیک قارداش کی چوبان پالتاری گئیمیش­دی، گلیب همن باجیسی اولان شه­ره چاتدی. اورادا بیر نئچه اوشاق اویناماق­دایدیلار. اوشاقلارین بیری اودمو ش ایدی لاکین او بیری اوشاقلار قبول ائتمیردیلر. بیری دئدی: گئت آی آناسی نابللی (نا معلوم) اودماییبسان. اوغلان آناسی­نین یانی­نا قاییدیب قضییه­‌نی دئییر.

کیئچیک قارداش بونو ائشیتدیک­ده مارقلانیر و ایشین نتیجه‌­سینی بیلمک اوچون اوردا اوتورور. اوغلانین آناسی اونا دئییر:

- گئت اوشاقلارا دئ کی ... یئددی دایی­مین جانی اودموشام های اودموشام.

اوشاق قاییدیب بو سؤزو دئدیک­ده داییسی بیلیرکی بو ائله اونون باجیسی­نین اوغلو اولمالی­دیر. اوغلانین آناسی­نین ائوینه گئدیب باجیسینی گؤردوک­ده تانیییر. سونرا دوشوب او بیری قارداشلاری آختاریب تاپیر و باجی­لاری­نین یانینا گلیرلر. دئییرلر کی بیزیم آتامیز-آنامیز ایندی قوجالیب. بیز اونلارین یانلارینا گئتمک ایسته‌­ییریک. قیز دئییر من ده گلیرم. گلیب، گؤرورلر آتا-آنا قوجالیب یئره یاپیشیبلار. آنا قیزینی گؤردوک­ده تانیییر و دئییرکی ائله بو سیزین دوغما باجیزدیر. بئله‌­لیک­له هامی سئوینیب شادلیق ایله یاشاییرلار. سیز ده ساغ و سالامات اولون، آرزیلاریزا یئتیشین.


داشلی بولاق

@dashlibulaq
قایناق:
آذربایجان فولکلورو (یکانات منطقه ­سی منوقرافیاسی اساسیندا)تألیف و گردآوری:میر هدایت حصار

اینانجلار (باورها):

- ایستی سویو گئجه یئره توکمزلر
-آیین اولینده آیا باخیب بیرینین اوزونه باخمازلار
-گئجه پیچاق اوزانار
-گئجه لر دیرناخ توتمازلار

ائل بیلیمی کانالیندان

داشلی بولاق↙️
@dashlibulaq

دیلیمیزی قورویاق


✅ ایناندیم
❌ باور ائله‌دیم

✅ یئیه دوردوم
❌ مواظب اولدوم

✅ توپلادیم
❌ جمع و جور ائله‌دیم

✅ قازاندیم
❌ برنده اولدوم

✅ سٶندوردیم
❌ خاموش ائله‌دیم

✅ سَرینله‌دیم
❌ خنک اولدوم

✅ سیلدیم
❌ پاک ائله‌دیم

✅ آغریر
❌ درد ائلیر

✅ سوروشدوم
❌ سوال ائله‌دیم

✅ دوشوندوم
❌ درک ائله‌دیم -فکر ائله‌دیم

✅ آند ایچیرم
❌ قسم وئریرم

✅ سئویندیم
❌ خوشحال اولدوم

✅ یورولدوم
❌ خسته اولدوم


داشلی بولاق↙️
@dashlibulaq

اَرسین

@dashlibulaq

اَرسین

بو وسیله‌دن تندیردن چٶره‌ک چیخارتماغا استفاده اولونور.

داشلی بولاق↙️
@dashlibulaq

خانیملار چٶره‌ک یاپاندا گاهدان خمیر تندیردن قوپوب ، دوشَردی تندیرین ایچینه ، بو خمیر دوشدوکدن سورا اودون ایچینده بیرآز یانیق، بیرآز کوله قاریشیق ، بیرآزدا بیشمیش اولاندان سورا ، تندیردن "اَرسین‌له "چیخارداردیلار و اونا دئیه‌ردیلر (کوت ) گئتدی

کوتو ،چوخلو حیوانلارا(تویوق، داوار ، ایت) وئره‌ردیلر

داشلی بولاق↙️
@dashlibulaq

کوله دوندوم

اورک یئنه نیسگیل‌لندی
خیال لاندی یارا داغلار
ائله یاندیم کوله دؤندوم
دای گلمیشم زارا داغلار

دئیین گؤروم سازیم هاردا
او سئوگیلیم نازیم هاردا
قار چیچگیم یازیم هاردا
دئه دردیمه چارا داغلار

آرزیلاری یئل آپاردی
دویغولاری تئل آپاردی
ایستکلری سئل آپاردی
دوشوب یادا سارا داغلار

نه‌دن دئییم نه‌دن یازیم
غم الیندن یاندی سازیم
سولغون اولدو یاشیل یازیم
بس من گئدیم هارا داغلار
اورک اولدو پارا داغلار...


@dashlibulaq

محرم محمد زاده(محرم عمی)

﷽
گون آیدین حایات🌹

گون آیدین سئوگیلیلر❤️

تانریدان خیر وبرکت 🌹

شادلیق و جان ساغلیقی❤️

هامینیزا آرزیلاییریق 🌸

☀️گون آیدین توره داغی☀️

داشلی بولاق↙️
@dashlibulaq

یـئری وار دئیک :💕

یارادانووا شوکورلر💕

داشلی بولاق💕
@dashlibulaq✅

# دیلیمیزده قوشا سٶزجوک‌لر(کلمات جفت)


دادلی -دوزلو
یای -یاز
تای -توش
آییق- ساییق
قول - قاناد
دلیک - دئشیک
ازیک - اٶزوک
قوی - گٶتور
داغ - دره
ائو - ائشیک
دال - قاباق
دادلی- دوزلو
قاری -قوجا
دده‌- ننه
آرا -بره
آدلی - سانلی
قویون - قوزو
داش-دمیر
باغ -باغات
قول- بوداق
دام - داش
قاپ... -باجا
دلی -دولو
آلچاق- اوجا
سٶز- صحبت
آل- وئر
گل- گئت
باش- قولاق
باش - بئیین
آل - سات
اَل -آیاق
دیل - دوداق
قارین - قورساق
قورد - قوش
قوهوم - قونشو
ساغ -سول
دام - دووار
یول - یولاق
آی - اولدوز
اَر - آرواد
یار و یولداش
دام -باجا
داغ - داش
دوز -چٶره‌ک
مال - داوار
باغ - باغچا
قوش -قورداق
آرواد - اوشاق
گول - چیچک
کند - کٶشن
یئر -گٶی
قاب قاجاق
بئل -بوخوم یا بوخون!
چال - چاغیر
گٶز - قولاق
اَل - آیاق
سوت -قاتیق
قاش- گٶز
گٶر-گٶتور


داشلی بولاق↙️
@dashlibulaq

٭٭اوخویور محرم عمی ٭٭

او داغلارسیز ،باغریم شان شان اولوب دیر
چمن -چیچک ،چول یادیما دوشوب دیر

داشلی بولاق↙️
@dashlibulaq

کیهان صالحی 👌💃💃

ورولموشام اوگؤز قاشا💃

داشلی بولاق↙️
@dashlibulag

#آتالار_سٶزو
(اوشاق)

*⃣ اوشاق یخیلا،یخیلا بٶیویَر

*⃣ اوشاق گٶردوگون گٶتورر

*⃣ اوشاق، واردی -یوخدو بیلمَز

*⃣ اوشاق ائوین یاراشیغی‌دیر

*⃣ اوشاغین شعورسوزو یول اوسته اوتورار

*⃣ اوشاغا ایش بویور ، اٶزونده دالیسیجا(یوگور) گئت

*⃣ شعورلو اوشاغا نه دده مالی!!
شعورسوز اوشاغا هاا دده مالی

*⃣ اوشاغی اولمامیش، دونون بیچیر، اٶزوده گَن بیچیر

*⃣ اوشاق تله‌سر ، آرمود وقتینده یئتیشر


داشلی بولاق↙️
@dashlibulaq

 #آتالار_سٶزو


🔲 آروادین عصمتی ، اَرین عزتی  


🔲 آرواد وار ائو تیکَر ، آرواد وار ائو ییخار 


🔲 آروادین قوهومو شیرین اولار
  

🔲 آرواد نه بیلیر داغدا بوراندیر ، ائوده اوتوروب حکمو رواندیر
  

داشلی بولاق↙️
@dashlibulaq

#اونودولموش سٶزجوک‌لر
(کلمات و اصطلاحات فراموش شده)

🔹کیزیمَک=کیریمَک = خطره قارشی و یا بیر سالدیری‌نین(حمله ) قارشیسیندا اینسان یا حئیوان اٶزونو ییغیشدیرماق و جانسیز حالدا قالماق

🔹یویورمک=یوگورمک = حمله آپارماق

🔹کٶنَس یا کٶنز = لجوج - سٶزه باخمایان

🔹رف = بیر بٶیوک و اوزون تاغچا

🔹تورتا = کره‌نی ایسته‌سه‌لر اَریدیب ساری یاغین چیخاردالار ، اریدندن سورا یاغی سۆزوب و قابین دیبینده قالانا تورتا دئیه‌رلر

🔹 تولاس = قدیم زامانلار کندلرده دوکتور اولمادیغنا گٶره اوشاغین قولاغی یا دیشی آغریسایدی آنالار اون+ساری کٶک+ قاتیقی قاتاردیلار و بیر خمیر دوزه‌لد‌ردیلر و آغرییان یئرین اوستونه قویاردیلار ، آغریسین کسسین

🔹 شالاخ = فارس دیلینده ایشله‌نن شلخته سٶزونه یاخین بیر آنلامی وار ، زای ، خاراب ، شل


داشلی بولاق↙️
@dashlibulaq

S-a:
#يانيق_كرمي
اوخويور: آشيق محبوب خليلي
سازدا چالير:آشيق فرمان فرضي

داشلی بولاق↙️
@dashlibulaq