#ماللا_نصرالدین
عمامه‌نین ایشی

بیر ساوادسیز آدام الینده بیر جیزما قارا کاغاز گتیریب ملادان ایسته‌ییر کی ، اونو اوخوسون .
ملا نه قدر کاغازی او یان-بویان ائلییر ، بیر شئی باشا دوشمور و اوخویا بیلمیر
چارا سیز قالیب کاغازی قایتاریب وئریر او آدامین اٶزونه دئییر:
من بو کاغازدان هئچ نه باشا دوشمه‌دیم .

آدام ملانین باشینا -آیاغینا باخیب دئییر:
سن کی بیر دَنه کاغازی اوخویانمیرسان ، بس نییه بو بٶیوکلوکده عمامه باشیوا قویوبسان؟

ملا فورا عمامه‌نی اٶز باشیندان گٶتوروب قویور او آدامین باشینا، دئییر:

اگر عمامه‌ایله کاغاز اوخوماق اولار ، بویور سن اوخو....!


داشلی بولاق
@dashlibulaq

سحر اولدو گون آچدی

لاله لر چیچک آچدی

عزیز جان دوستوم منیم

گَل بیر گولَک چایلاشاق

درد و غمدن اوزاخلاشاق

سحرین خیر یاشاییش

☀️گون آیدین سئوگیلی دوسلار☀️

 
داشلی بولاق↙️
@dashlibulaq

قایتارما هاواسی

ایفا ائدیر ایوب قاراداغلی


داشلی بولاق↙️
@dashlibulaq

⛔️بو گونلر گٶرونور بعضی همشهریلر بیلر، بیلمه‌مَز بیر بالتا آلیب دوشوب دیلمیزین جانینا ، آتالاریمیزدان بیزه قالان بٶیوک میراثی آرادان آپاریرلار، آشاغیدا گلن کلمه‌لر بو گونلر چوخ خطرده‌دیلر و یاددان چیخیرلار....

(این روزها بعضی دوستان دانسته یا نا دانسته بسیاری از کلمات کاربردی زبانمان ،این میراث بزرگ و سند هویتمان رانشانه گرفته و در حال نابودی آن هستند از جمله‼️ ...


✅ یارما
❌ بلغور

✅ ایستود-ایستوت
❌فلفل سیاه

✅ ساری کٶک
❌ زرد چوبه

✅ نار
❌ انار

✅ بوداق
❌ شاخه

✅ کول
❌ بوته

✅ آرپا
❌ جو

✅ تاخیل
❌ غله

✅ سوغان
❌ پیاز

✅ یئر الما
❌ سیب زمینی

✅ گٶیه‌رتی
❌ سبزی

✅ بیبَر
❌ فلفل

✅ دولما بیبَر
❌فلفل دلمه‌ای




داشلی بولاق↙️
@dashlibulaq

#بیتگی‌لر= اوتلار(علف)

🌿 یونجا = یونجه

🌿 کرچن = کرچک

🌿 سیغیر دلی، گٶزیبَن = گاو زبان

🌿 پیتراق = بابا آدم

🌿 کونجود = کنجد

🌿 سالخیم سٶیود = بید مجنون

🌿 میرچالیق = ریشه پیازی

🌿 ایت سوغالاغی = پیاز کوهی بدبو

🌿 غونچا = غنچه

🌿 یانداق = ؟

🌿 وه‌رک = ؟

🌿 آلا قالقان ؟

🌿 کوروشنه : گاودانه

🌿 ساری تیکان = ؟

🌿 بوز تیکان = ؟

🌿 چاییر = نوعی چمن خزنده

🌿 قمیش = نی

🌿 قیاق اوتو =

🌿 موما (ترکیه: فیدان): نهال


داشلی بولاق↙️
@dahlibulaq

قمیش ، قمیش‌لیک = نی ، نیزار

@dashlibulaq

#آتالار_سٶزو
قونشو

*⃣ قونشویا اومود اولان شام‌سیز قالار

*⃣ قونشو تویوغو غاز گٶرسه‌نر

*⃣ قونشو چیراغینا اومود اولان قارانلیقدا قالار

*⃣ قونشو حاققی ، تاری حاققی

*⃣ قونشوم شاد، منده شاد

*⃣ قونشو قونشویا باخار، جانینا اود یاخار

*⃣ یامان قونشو ، یامان قوهوم الیندن

*⃣ قونشوم قونشو اولسا ، کور قیزیم اَره گئدر

*⃣ قونشو اوزاق فامیلدن قاباقدی

*⃣ مالیوی بَرک دوت ، قونشووی اوغرو بیلمه

داشلی بولاق↙️
@dashlibulaq

بعضی یئرلرده اوشاقلار چٶمچه‌خاتین چیخارداندا بو شعری‌ اوخویاردیلار

چؤمچه خاتین نه ایستر؟

شیرهاشیر یاغیش ایستر

اَلی قولو خمیرده

بیرجه قاشیق سو ایستَر

چاخ داشی ،چاخماق داشی

یاندی اؤره‌کلر باشی

آللاه بیر یاغیش گؤنده ر

گؤیرتسین داغی داشی

آلاداغین بولودو

یئتیم‌لرین اومودو

اللاه بیر یاغیش گؤنده‌ر

آرپا بوغدا قورودو

@dashlibulaq

یئددی قارداش بیر باجی..
#ائل_ناغیلی

بیری وار ایدی، بیری یوخ ایدی، تاری­دان سورا هئچ کیم یوخ ایدی. بیر آروادین یئددی اوغلو وارایدی. بو آرواد گئنه­‌ده بویلو (حامله)اولور. اوغلانلار شیکارا چیخارکن دئییرلر:

- آی آنا! بو دفعه بیر قیز دوغسان دوغوبسان، آما اوغلان دوغسان بیز داها بیر ده بو ائوه آیاق قویمویاجاییق.

آنا دئدی:
..

#ناغیل‌لار


- قیز دوغسام قاپیدان بیر اَلَک آسارام. یوخ، اوغلان دوغموش اولسام قاپی‌یا بیر توفنگ آسارام کی سیز بیله­‌سیز.

ووردو آرواد بیر قیز دوغدو و قونشونون آروادینا دئدی‌کی قاپیدان بیر الک آس. چونکو اوغلانلاریما دئمیشم قیز دوغسام قاپییا الک آساجاغام. اوغلان دوغسام توفنگ. توفنگ آسسام اوغلانلاریم قویوب گئدرلر بیر داها بو ائوه آیاق قویمازلار. قونشو آرواد چوخ پاخیل‌ایدی، ال­ک یئرینه توفنگ قاپیدان آسدی. اوغلانلار اووچولوقدان(شکار) قاییداندا اوزاقدان توفنگی گؤروب ائله گلدیگی یئرلرینه قاییتدیلار. گئدیب اوزاقلاردا بیر دوزده دام-داش سالیب اوراد قالدیلار. گونوزلر شیکارا گئدیب، آخشام­لار گتیریب یئییب گئجه­‌لری یاتدیلار.

بو قیز بؤیودو. بیر گون بیر داوار قارنی آلمیشدیلار. آپاردی سو باشیندا یوسون. بیردن بیر قارغا گلیب قارینی گؤتوروب آپاردی. قیز قارغانین دالیسیجا قاچدی. قارغا گلیب، گلیب او قارداشلارین دووارینا قوندو.

قیز هر ط­رفه باخدی. دووارلار اوجا ایدی. دروازه ده باغلی‌ایدی. بیر سو گیلیفی تاپیب اورادان حایاطا گیردی و قارینی قارقانین­ الین­دن آلدی. آما هر نه آختاردی سو گیلیفینی داها تاپا بیلمه‌­دی. اوتاقلارین قاپیسی آچیق ایدی. ایچه‌­ری گیریب ائوی تؤرتؤکونتو و توز-تورپاقلی اولدوغون گؤردوک­ده، ائو ائشیگی سیلیب-سوپوروب تمیز­له­‌دی. ائوده اَت وارایدی قازانا تؤکوب پیشیردی. قارداشلار گلنه یاخین گئدیب صاندیغین دالیندا گیزلن­دی.

اوغلانلار ائوه گلدیک­­ده ائوی تمیز گؤروب، خؤرکلرینی(غذا) حاضیر گؤردوک­ده تعجب­ده قالدیلار. بو کیمین ایشی اولدوغونو بیلمه­‌دیلر. قرار قویدولار کی صاباح قارداشلارین بیری دامدا گیزله‌ن­سین و باجادان ائوی گودسون گؤرسون بو کیم­دیر؟

بؤیوک قارداش دئدی من قالارام! سیز گئدین شیکارا. بؤیوک قارداش دام­دا اوتوروب گؤزلرینی باجادان ایچه­‌ری‌یه زیلله‌­دی. بیر مدت­دن سورا یوخوسو توتدو. قیز صاندیغین دالین­دا اونو یاتدیغینی گؤردوک­ده ائیشیگه چیخیب ائوی تمیزله­‌ییب قازانی اوجاغا آسیب خوره‌­گی پیشیریب گئنه­‌ده صاندیغین دالینداگیزلندی.

قارداشلار گلیب ائوی یئنه­‌ده تمیز گؤروب، خوره­‌گی حاضیر گؤردوک­ده بؤیوک قارداشلارین­دان سب­بی‌نی سوروشدولار. آما او دئدی کی من هئچ کیمی گؤرمه‌­دیم. بیر زامان گؤردوم کی ائو سوپورولیب، خؤره‌ک قازان­دا پیشمک­ده­‌دی. صاباح ایکینجی قارداش دئدی من قالاجاغام گؤروم بو ایشلری گؤره‌­ن کیم­دی و هاردان گلیر. صاباح او دا بیر موددت باجادان گؤزلرینی ائوین ایچینه زیلله‌دی، سونرا اونو دا یوخو آپاردی. قیز چیخیب ائو-ائشیگی سوپوروب، تمیزله‌­ییب، خوره‌­گی پیشیریب گئنه‌ده گئدیب صاندیغین دالیندا گیزلندی. آلتی قارداش بوجور اولدولار و هاممی­سینی یوخو آپاریب هئچ نه‌­یی گؤرمه­‌دیلر. کیچیک قارداشا نوبه یئتیشن­ده دئدی من بو گون بو ایشین اوستونو آچارام. او دا بیر موددت باجادان ایچه‌ری باخدی. بیر زامان گؤردو اونون دا گؤزلرینی زیلله­‌مک­دن یوخوسو توتور. بارماغینی کسیب اوستونه بیر آز دوز تؤکدو و اونون آجیشماغین­دان داها یوخوسو قاچدی. آما، یالان­دان اؤزونو یوخویا ووردو. بیز زامان گؤردو کی بیر قیز صاندیغین دالیندان چیخیب، ائوی سوپورمه‌­یه باشلادی. تئز دامدان آشاغایا یئنیب قیزدان سوروشدو کی: سن کیم­سن؟ قیز باشی­نین قضا و قده­‌رینی و نئجه اورایا گلمه‌­سینی ناغیل­لادی.

داشلی بولاق↙️
@dashlibulaq

بو ناغیلین ادامه وار...

سحریز خئیر دوستلار🌺🌺🌺🌺
@dashlibulaq

کندیمین پوزقون حالی


کندیمین پوزقون حالی
آتش پونهاندی منه
میوه لی باغچالاری
ایندی قورو خاندی منه
اورانین اهلی بوتون
عشق و وفامظهریدی
مهربان قلب‌لری
الفت جاناندی منه
گزنده چول‌لرینی
گؤزلریمدن یاش اَله‌نر

اوسوسوزیونجالاری
سوز شرر جاندی منه
چیخاندا داغلارینا
اوره‌ک دئییر گئتمه دایان
او یاشیل داغلاری
قوروموش تیکاندی منه
قورییان بولاقلارین
گؤره‌نده باغریم قان اولار
اولاردان سوایچمه‌گیم
حسرت دوراندی منه
داراشلیق کوچه‌لر ی
یاده سالارخاطیره‌لر
گَلنده یاده اولار
بیرگؤزل دستاندی منه

@dashlibulaq

آنامین آغ ساچینا
جانیمےقربان دئمیشم

سحرآخشام یورولان
اللرینہ جان دئمیشم

قدریوےمن بیلَنه سن
نه قـوجالدین آنا جان

آنامین بیر باخیشین
دردیمه درمان دئمیشم🍃

@dashlbulaq

یئددی قارداش ،بیر باجی

آغشام قارداشلار گلیب ائوده قیزی گؤرن­ده دئدیلر: ائله بیز یئددی قارداشا بیر باجی لازیم ایدی. بئله‌­لیک­له یاشاماغا باشلادیلار.

بیر گون باجی ناخوشلاییب اؤلوم حالینا دوشدو. قارداشلارین اللرین­دن بیر ایش گلمیردی. بیر د­‌وه گتیریب قیزی بیر تایا قویوب و بیر تایادا قیزیل-گوموش دولدوروب د­‌وه‌­یه یوکله‌­ییب، بیر کاغازدا یازیب ایچینه قویدولار کی هر کیم بو د­وه‌­نی تاپسا بو پوللاری قیزین ساغالماسینا یا اؤلموش اولسا اونون «کفن و دفن» ائتمه‌­گه خرجله­‌سین. دوه‌­نی گتیریب بیر یولا اؤتوردولر. د­وه باش آلیب گئتدی بیر شه­رده بیر شازدا دوه‌­نی گؤروب اووسارین­دان یاپیشیب اؤز سارایینا آپاردی. اوردا یوکو آچدیق­دا بیر قیزین جنازه‌­سینی و بیر تای­دا دولو قیزیل-گوموش گؤردولر. کاغازی اوخودولار. سونرا، بیر آینا گتیریب قیزین بورنونون قاباغینا توتدولار. گؤردولر کی قیزین ه­له نفسی واردیر و اؤلمه‌ییب­دیر. حکیم گتیریب داوا درمان ائتدیک­ده قیز ساغالدی. شازدا دا قیزین ادب کامال و گؤزللیگین گؤردوکده اونلا ائولندی و بیر ایل­دن سونرا بیر اوغلان صاحابی اولدولار.

اوغلان بویویوب یئددی یاشینا چاتان­دا قیزین قارداشلاری باجی­لارین­دان بیر خبر توتماق فیکرینه دوشدولر. هر بیری بیر نوع پالتار ایله هره­‌سی بیر طرفه دوشوب باجینی یا اؤلموش اولسا اونون قبرینی آختارماغا باشلادی­لار. کیچیک قارداش کی چوبان پالتاری گئیمیش­دی، گلیب همن باجیسی اولان شه­ره چاتدی. اورادا بیر نئچه اوشاق اویناماق­دایدیلار. اوشاقلارین بیری اودمو ش ایدی لاکین او بیری اوشاقلار قبول ائتمیردیلر. بیری دئدی: گئت آی آناسی نابللی (نا معلوم) اودماییبسان. اوغلان آناسی­نین یانی­نا قاییدیب قضییه­‌نی دئییر.

کیئچیک قارداش بونو ائشیتدیک­ده مارقلانیر و ایشین نتیجه‌­سینی بیلمک اوچون اوردا اوتورور. اوغلانین آناسی اونا دئییر:

- گئت اوشاقلارا دئ کی ... یئددی دایی­مین جانی اودموشام های اودموشام.

اوشاق قاییدیب بو سؤزو دئدیک­ده داییسی بیلیرکی بو ائله اونون باجیسی­نین اوغلو اولمالی­دیر. اوغلانین آناسی­نین ائوینه گئدیب باجیسینی گؤردوک­ده تانیییر. سونرا دوشوب او بیری قارداشلاری آختاریب تاپیر و باجی­لاری­نین یانینا گلیرلر. دئییرلر کی بیزیم آتامیز-آنامیز ایندی قوجالیب. بیز اونلارین یانلارینا گئتمک ایسته‌­ییریک. قیز دئییر من ده گلیرم. گلیب، گؤرورلر آتا-آنا قوجالیب یئره یاپیشیبلار. آنا قیزینی گؤردوک­ده تانیییر و دئییرکی ائله بو سیزین دوغما باجیزدیر. بئله‌­لیک­له هامی سئوینیب شادلیق ایله یاشاییرلار. سیز ده ساغ و سالامات اولون، آرزیلاریزا یئتیشین.


داشلی بولاق

@dashlibulaq
قایناق:
آذربایجان فولکلورو (یکانات منطقه ­سی منوقرافیاسی اساسیندا)تألیف و گردآوری:میر هدایت حصار

اینانجلار (باورها):

- ایستی سویو گئجه یئره توکمزلر
-آیین اولینده آیا باخیب بیرینین اوزونه باخمازلار
-گئجه پیچاق اوزانار
-گئجه لر دیرناخ توتمازلار

ائل بیلیمی کانالیندان

داشلی بولاق↙️
@dashlibulaq

دیلیمیزی قورویاق


✅ ایناندیم
❌ باور ائله‌دیم

✅ یئیه دوردوم
❌ مواظب اولدوم

✅ توپلادیم
❌ جمع و جور ائله‌دیم

✅ قازاندیم
❌ برنده اولدوم

✅ سٶندوردیم
❌ خاموش ائله‌دیم

✅ سَرینله‌دیم
❌ خنک اولدوم

✅ سیلدیم
❌ پاک ائله‌دیم

✅ آغریر
❌ درد ائلیر

✅ سوروشدوم
❌ سوال ائله‌دیم

✅ دوشوندوم
❌ درک ائله‌دیم -فکر ائله‌دیم

✅ آند ایچیرم
❌ قسم وئریرم

✅ سئویندیم
❌ خوشحال اولدوم

✅ یورولدوم
❌ خسته اولدوم


داشلی بولاق↙️
@dashlibulaq

اَرسین

@dashlibulaq

اَرسین

بو وسیله‌دن تندیردن چٶره‌ک چیخارتماغا استفاده اولونور.

داشلی بولاق↙️
@dashlibulaq

خانیملار چٶره‌ک یاپاندا گاهدان خمیر تندیردن قوپوب ، دوشَردی تندیرین ایچینه ، بو خمیر دوشدوکدن سورا اودون ایچینده بیرآز یانیق، بیرآز کوله قاریشیق ، بیرآزدا بیشمیش اولاندان سورا ، تندیردن "اَرسین‌له "چیخارداردیلار و اونا دئیه‌ردیلر (کوت ) گئتدی

کوتو ،چوخلو حیوانلارا(تویوق، داوار ، ایت) وئره‌ردیلر

داشلی بولاق↙️
@dashlibulaq