یولومدان اولدوم

مدد آللاه آخ بو دردین الیندن
ایتیردیم جاده‌نی یولومدان اولدوم
بولبول ایدیم آمان خارین الیندن
قونچا  خزان اولدو گولومدن اولدوم
 
کیمسه منیم بو دردیمی بیلمه دی
چوخ آغلادیم گؤز یاشیمی سیلمه دی
گئتدی جاوانلیغیم اوزوم گولمه دی
داغیلدی سونالار، گؤلومدن اولدوم
 
شیدا بولبول اوخور قونار گول لره
جنون اولدوم سیرریم دوشدو دیللره
بیر سلام یازارام بیزیم ائل‌لره
آیریلدیم اولوسدان ائلیمدن اولدوم
 
حسرت قالدیم آغلایانیم اولمادی
یارالاریم باغلایانیم اولمادی
دده کاتیب دانیشانیم اولمادی
باغلاندی دوداقلار دیلیمدن اولدوم

دده کاتیب

داشلی بولاق↙️

@dashlibulaq✅

#پروانه_زنگه‌_زورلو🌹

گوزل بیر دیکلمه👌

#آ_داغ_لار🍀

داشلی بولاق↙️

@dashlibulaq✅

#بایاتی‌لار

آغ آلما ، قیزیل آلما
نیمچه‌یَه دوزول آلما
چیرکین آل اصیل اولسون
بد اصیل گٶزل آلما


آغ دسمالین منده‌دیر
سَرمیشم چمنده‌دیر
عالم گٶزل‌ایله دولسا
منیم گٶزوم سنده دیر


عزیزیم گول آلاندا
ساچا سونبول آلاندا
یار یادیما دوشر
اَلیمه گول آلاندا


داغلارا اکدیم لالا
اَلَه آلدیم پیالا
هئچ گٶرونوب دونیادا
ظلم ائوی آباد قالا؟


آغلارام آغلار کیمی
دردیم وار داغلار کیمی
خَزه‌ل اولوب تٶکولدوم
ویرانا باغلار کیمی

🌾🌾🌾🌾🌾🌾🌾🌾🌾🌾

✅داشلی بولاق↙️
@dashlibulaq

باخیرام ننه‌مه ، یانیر اوره‌ییم 💕 باخیرام ، ایینه نی ساپلی‌یا بیلمیر

بویوک بیر طایفیا دایاق اولان کس عصاسیز اوزونو ساخلیا بیلمیر

عینک ده آلیبدی اوزونه بو ایل قوهوم - قونشولاری تئز سئچمگی‌ایچون

جوراب دا توخویور ، آما بیلیرم اولاری توخویور واقت گئچمه‌گی‌ایچون

گئجه لر یوخوسو عرشه چکیلیر سس سیز جه دانیشیر ، سس سیزجه گولور

میللر ایلمه‌لری سایدیقجا بیر _ بیر یوماق آچیلدیقجا ننه‌م بوکولور

بیر زامان طایفانین گوزه‌لی دئ او ایندی دای عومرینین گونشی سونوب

یوز سوزدن بیرینه دینمه‌ین گلین نئجه ده دئیینگن قارییا دونوب...

باخیرام ننه‌مه یانیر اوره‌ییم باخیرام اینه نی ساپلی‌یا بیلمیر

بویوک بیر طایفیا دایاق اولان کس عصاسیز اوزونو ساخلیا بیلمیر.....

داشلی بولاق↙️

@dashlibulaq✅

‌کاغازکونان شاعیرلری:
عسگر علیائی کلیان(عماد یاشیل)

"باغلي يام"

نييه مندن کوسدو بولبول بیلمیرم
باشیم اوسته اسدی آغ يئل بیلمیرم
قاباغيمي کسدي گور سئل بیلمیرم
داردا قالسام،يئنه ائله باغلي یام.

گوزلريمي ببييندن اويسالار
دريمي ده آیاق اوسته سويسالار
منی بئله يامان گونه قويسالار
آغيزلاردا سوسان ديله باغلي یام.

يانديريسا منيم کونول دفتريم
قورودولسا کوکدن هونر جوهريم
الدن گئتسه بوتون اينجي،گوهريم!
تورک ميللتي گئدن يولا باغلي یام.
شعر:عسگر عليائي کلیان(عماد ياشيل)

داشلی بولاق↙️

@dashlibulaq✅

بالاما قوزو قوربان
قوچ قوربان قوزو قوربان

@dasbulaq

#دئییملر


🔸گٶزدن سالماق
(از ارزش و اعتبار قبلی افتادن)

🔸 گٶز- گٶز ائله‌مک
(هماهنگی طرفین از طریق چشم زدن به یکدیگر)

🔸 گٶزونون اودون آلماق
(معادل زهر چشم گرفتن فارسی)

🔸 گٶزو گٶتورمه‌مک
( چشم دیدن کسی را نداشتن)

🔸 دار گٶز اولماق
(بخیل و حسود بودن)

🔸 گٶز آلتیندا ساخلاماق
(زیر چشمی مراقب کسی بودن)

🔸 گٶزدن ایتمک
دور شدن از چشم کسی

🔸 گٶز وئریب، ایشیق وئرمه‌مک
(آزار و اذیت بی حد و حصر)

🔸 گٶز قویماق
(تحت نظر داشتن کسی)

🔸 اٶزونو گٶزه سوخماق
(خود نمایی کردن)

🔸 گٶزلری دولدورماق
( آماده شدن برای گریه)

🔸 گٶزو آیاغی‌نین آلتین گٶرمه‌مک
( زیادی مغرور شدن )

🔸 گٶز گٶره-گٶره یالان دانیشماق
(واضح و عیان سخن گفتن)

🔸 گٶزلری‌نین ایچی گولمک
(خوشحال و شنگول بودن)

🔸 گٶزو توخ اولماق
(در نهایت فقر و تنگدستی خود را دارا نشان دادن)

🔸 گٶز ،گٶزو گٶرمه‌مک
(در تاریکی و شلوغلی کسی کسی را نمی بیند)

🔸 گٶزو سو ایچمه‌مک
(معال فارسی چشمم آب نمی خورد)

🔸 گٶزو باغلی اولماق
(بی خبری از احوال روزگار)

🔸گٶزو یولدا قالماق
(منتظر کسی ماندن)



✅ داشلی بولاق↙️
@dashlibulaq

.......بَئیَنمیر....


یامان ترسه دونور زمانه ایندی.
قینیندان چیخانلار چاغی بئینمیر.
هرکس اؤزون آغا سانیر خان سانیر.
خیرداجا تپه لر داغی بئینمیر .

ایکی گوندور چاتیب ثروته واره.
ادبی حورمتی قویوب کناره .
خلقی یئرده گٶرور اؤزون سواره.
آتین چاپیر سولو، ساغی بئینمیر.

اونودوب طایفاسی وار اؤز ائلی وار.
آنا دیلین آتیب باشقا دیلی وار.
ائوینده سارالمیش ایکی گولو وار.
الوان آچان گوللو باغی بئینمیر .

کاتب اوغلو قاره گولور آغلارا .
تیکان دوروب طعنه وورور باغلارا.
نباتی یاغ قاریشیبدی یاغلارا .
اؤزون توتور اصیل یاغی بئینمیر.
(کاتب اوغلو)

داشلی بولاق↙️
@dashlibuluq✅

ایستی کباب یاغلی فطیر

شاداولون 🌹 شاد یاشایین 🌹💃💃

داشلی بولاق↙️
@dashlibulaq💕

درسه گئدن بیر اوشاق
بوز اوسته چیخدی قوْچاق
سوروشدو بیردن بیره
بوز اوسته دَیدی یئره
دوردو اوشاق نئیله‌دی
 بوزا بئله سؤیله‌دی
سن نه یامان‌سان آی بوز
 آدام ییخان‌سان آی بوز
 آز قالیپ عمرون سنون
 یاز گلر آرتار غمون
اَریییپ سویا دؤنرسن
آخیپ چایا گئده‌رسن

@dashlibulaq
میرزا علی اکبر صابر

عاشیق داستانی 🎵♥️

اوخویان : عاشیق حاجی گؤیچه لی
گؤیچه لی عاشیق علعسگر و هجر خانیم ین داستانی


#عاشیق_داستانلاری

✅داشلی بولاق
@dashlibulaq

Adil fəthi:
بایاغی و ساده اصطلاح لار

آد گونو = روز تولد

دوغوم گونو = روز تولد

آخار اولدوز = شهاب سنگ

آخشام مکتبی = مدرسه شبانه روزی

سویلمه گئجه لری / آخشامی = شب شعر

آخشام یئمیشی = شب چره

آخشاملیق = عصرانه

قاینالتی = صبحانه

گوز آیدینلیق = چشم روشنی

گَؤز گؤره تی = در مقابل چشم دیگران

گون اورتا = نیمه ظهر

گون وارکن = خورشید غروب نکرده

گؤی گؤز = چشم آبی

قارا گؤز = چشم سیاه

قارا قاش = ابرو سیاه

آغ بیرچک = گیس سفید

آغ ساققال = ریش سفید

قارا قان = خون سیاه

دمیر یول = راه آهن

دمیر قیناق = پنجه آهنی

آخشام چاغی = عصر

سحر چاغی = صبح

ایلک آخشام = اول غروب

قارلی ساوالان آخاقیندان



داشلی بولاق↙️
@dashlibulaq

#چٶمچه خاتین(خاتون)

کاغازکونانین چوخ قدیم دَب‌لریندن بیری چومچه خاتین چیخارتماق دبی‌دی

"چٶمچه" دیلیمیزده آغاج قاشیقا دئییلیر ، خاتین(قادین) همن خانیم معناسیندادی.

چوخ قدیم زامانلاردان قورولوق(خشکسالی) ایللر قاباغا گلنده ،انسانلار الله درگاهینا اَل اوزالدیب الله‌دان بو بٶیوک نعمتی طللب ائلردیلر.

"چومچه "خاتین بو شکیلده‌ایدی کی اوشاقلار ییغیشیب دسته دوزه‌لدیب بیر بویوک آغاج قاشیغین باشینا بیر دسمال دولاردیلار و اونو بیر گلینجیک(عروسک) شکلینده چیخارداردیلار و کندین کوچه‌لرینده دولانیب و بیرلیکده اوخویاردیلار:

+چٶمچه خاتین ، چٶمچه‌دی
بوینوزلاری نیمچه‌دی
الله بیر یاغیش ائله
زمی‌لریمیز پئنجه‌دی(گٶیرسین)

کند آدامیدا بو سس‌سَلَمی ائشیتدیکده قاپییا چیخیب بو اوشاقلارا بوغدادان ،مرجی‌دن یا آیران وئره‌ردیلر
بو وسایلی اوشاقلار گتیریب ائولرین بیرینده وئره‌ردیلر کندین خانیملاری ییغیشیب آش پیشیرردیلر و کندین بوتون ائولرینه پایلاردیلار...

داشلی بولاق↙️
@dashlibulaq

چٶمچه خاتین مراسمی
هَشئیین ماحالیندا

داشلی بولاق↙️
@dashlibulaq

چومچه‌ خاتین تٶره‌نی


داشلی بولاق↙️
@dashlibulaq

بازی های محلی آزربایجان

یازان:
پرویز شاهمرسی

#بایاتی‌لار

اوجاغی یاخشی قالا
اودون قوی یاخشی قالا
نه اولار بو دونیادا
پیس اٶله یاخچی قالا



عاشیق ناچار آغلاما
پیس گون گئچر آغلاما
فلک باغلی قاپینی
بیر گون آچار آغلاما


گٶیده اوچان قوش اولسون
ایچدیگین سو نوش اولسون
لیلی‌یه خبر وئرین
مجنون گلیر خوش اولسون

داشلی بولاق↙️
@dashlibulaq

بوغدا بیچینی

#dashlibulaq

Adil fəthi:
چؤرک


☆ چؤره‌کلی آدام: چؤره‌ک وئرن آدام، قوْناق چکن آدام، ائوی گل-گئدلی اوْلان آدام، احسان و یئمک وئرن آدام، الی آچیق آدام، خئیرلی آدام، خئیر یئتیرن آدام

☆ چؤره‌ک وئرن: چؤره‌کلی، چؤره‌ک یئتیرن

☆ چؤره‌ک بیلن آدام: قدر بیلن آدام، حق سالام بیلن آدام، دوز-چؤره‌ک دانمایان آدام

☆ چؤره‌ک قازانان آدام: ایشه گئدن آدام، گلیر و چؤرگلی اوْلماق اۆچون کوْرلوغا قاتلاشان آدام، کاسیب

☆ چؤره‌کدن قاچان آدام: ناشکر، ایشه گئدمه‌ین، ایش قدری بیلمه‌ین، ایشی یاریمچیلیق ترگیدن، کسبی اوْلمایان، کسب دالیجا گئتمه‌ین
قوْناق چکمه‌ین، خیرسیز و احسانسیز آدام

☆ یاغلیْ چؤره‌ک گزن: نان به نرخ روز خور

☆ چؤره‌ک کسَن: گلیر یوْلون باغلایان، چؤره‌ک‌سیز قوْیان، بیرینین ایشینه و کسبینه مانع اوْلان

☆ چؤره‌ک ییْغان: قۇرو چؤره‌ک آلان، نون خشکی

☆ چؤره‌ک ساتان: قۇرو چؤرک ساتان


قارلی ساوالان آخاقیندان

داشلی بولاق↙️
@dashlibulaq