Forwarded from عکس نگار
گٶل- آرخ آریتماق 🌾🍃🌿
کاغازکونان بٶلکهسینده یازین آغلار گولر(فروردین) آیینین اوللرینده همکٶشنلر بیر گونو قارار قویارلار گئدیب کوشنلرینین گؤل و آرخلارین آریتسینلار .
قارار گونو گئدرلر کٶشنه و بولاقدان باشلاییب و بوتون گؤل و آرخلاری تا او کوشنین سونونا قدَرکی سوواریلیر آریدارلار البته بیر نفرین سو و یئرحاققی چوخ اولورسا گرک ایکی آدام گٶندرسین . وچایلاقلاردا مثلا آقکند چاییندا هر کٶشنین اٶزونون بیر بند و آرخی وار و اوردا سو سووارماق ساعات حسابیدیر و هر زارعینکی دیناری (دینار آقکند شهرینده تقریبا هکتار آنلامیندادی. و کاغازکونانین بعضی کندلرینده پونزادا دئیرلر) یا سو سهمی چوخ اولورسا گرک چوخ ایشلهیه .
بو آرخ و گٶل آریتماق رسمی بٶلکهمیزین اَن گوزل رسمیلریندندیکی ائلیمیزین بیرلیگین گوستریر. گؤل آریتماق گونو اسکی زامانلار اوزللیکله اوشاقلار اوچون چوخ بیر شنلیک گونودی و هم کوشنلرین اوشاقلاریلا اویناییب و ایشلهینلره چای قویوب او گونو سو٘واردیلار .🌈🌈❄️🌊
📝: G-davodi
داشلی بولاق (کاغازکونانین فولکلور آخاقی)↙️
@DASHLIBULAQ🌱🌸☘
کاغازکونان بٶلکهسینده یازین آغلار گولر(فروردین) آیینین اوللرینده همکٶشنلر بیر گونو قارار قویارلار گئدیب کوشنلرینین گؤل و آرخلارین آریتسینلار .
قارار گونو گئدرلر کٶشنه و بولاقدان باشلاییب و بوتون گؤل و آرخلاری تا او کوشنین سونونا قدَرکی سوواریلیر آریدارلار البته بیر نفرین سو و یئرحاققی چوخ اولورسا گرک ایکی آدام گٶندرسین . وچایلاقلاردا مثلا آقکند چاییندا هر کٶشنین اٶزونون بیر بند و آرخی وار و اوردا سو سووارماق ساعات حسابیدیر و هر زارعینکی دیناری (دینار آقکند شهرینده تقریبا هکتار آنلامیندادی. و کاغازکونانین بعضی کندلرینده پونزادا دئیرلر) یا سو سهمی چوخ اولورسا گرک چوخ ایشلهیه .
بو آرخ و گٶل آریتماق رسمی بٶلکهمیزین اَن گوزل رسمیلریندندیکی ائلیمیزین بیرلیگین گوستریر. گؤل آریتماق گونو اسکی زامانلار اوزللیکله اوشاقلار اوچون چوخ بیر شنلیک گونودی و هم کوشنلرین اوشاقلاریلا اویناییب و ایشلهینلره چای قویوب او گونو سو٘واردیلار .🌈🌈❄️🌊
📝: G-davodi
داشلی بولاق (کاغازکونانین فولکلور آخاقی)↙️
@DASHLIBULAQ🌱🌸☘
#آتالار_سٶزو
♦️ یوخسولون آهی ، تختدن آتار شاهی
♦️ قورخورام اَلیمیز حاقداندا اوزوله ، میخداندا
♦️ قوناغا دور گئت دئمزلر ، پالازی آلتیندان چکرلر
♦️ قوردون قورخوسوندان ایتی بوینوموزا آلمیشیق
♦️ قوناقسیز ائوین خئییر برکتی اولماز
♦️ قیز ائوی - ناز ائوی
داشلےبولاق
@dashlibulaq
♦️ یوخسولون آهی ، تختدن آتار شاهی
♦️ قورخورام اَلیمیز حاقداندا اوزوله ، میخداندا
♦️ قوناغا دور گئت دئمزلر ، پالازی آلتیندان چکرلر
♦️ قوردون قورخوسوندان ایتی بوینوموزا آلمیشیق
♦️ قوناقسیز ائوین خئییر برکتی اولماز
♦️ قیز ائوی - ناز ائوی
داشلےبولاق
@dashlibulaq
يئيَر اوْغلوم
سورودَن آيريليب آزان قوْيونو
قوُرد توتوب پارچالار قوُرد يئيَر اوْغلوم.
بختينين قوُشونو اَلدن اوُچوردان
هئي دؤيَر باشينا درد يئيَر اوْغلوم.
اوْغورلوق مال داغدا اولسا تالانار
پاك انسان پير اولار دوُز تك يالانار
نامرد پئيسر بَسلَر عارسيز دوْلانار
دردين خيناواسين مرد يئيَر اوْغلوم.
«آليشيق» تك آليش، سؤنسنده مين يوْل
بيلمهديگين ايشه قوْيماگينان قوْل
سن اؤز كؤلگهندن ده احتياطلي اوْل
آغاجي ايچيندن قوُرد يئيَر اوْغلوم.
دده اشیقلار کانالیندان
#داشلے_بولاق
@dashlibulaq
سورودَن آيريليب آزان قوْيونو
قوُرد توتوب پارچالار قوُرد يئيَر اوْغلوم.
بختينين قوُشونو اَلدن اوُچوردان
هئي دؤيَر باشينا درد يئيَر اوْغلوم.
اوْغورلوق مال داغدا اولسا تالانار
پاك انسان پير اولار دوُز تك يالانار
نامرد پئيسر بَسلَر عارسيز دوْلانار
دردين خيناواسين مرد يئيَر اوْغلوم.
«آليشيق» تك آليش، سؤنسنده مين يوْل
بيلمهديگين ايشه قوْيماگينان قوْل
سن اؤز كؤلگهندن ده احتياطلي اوْل
آغاجي ايچيندن قوُرد يئيَر اوْغلوم.
دده اشیقلار کانالیندان
#داشلے_بولاق
@dashlibulaq
داشلے بولاق
#گولنار ایکینجی بٶلوم پادشاه ناچار راضی اولدو. گولنار خانیم چکیلدی اؤز اوتاغینا، آلتدان گئییندی، اوستدن قیفیللاندی. بیر آت میندی، هامی ایله گؤروشوب یولا دوشدو. گئجهنی گونه قاتدی، گونو گئجهیه، اوچ آی تامام آت سوردو، اوچ آیین تامامیندا گلیب بیر "قالاچا"یا…
#گولنار
3اونجو بٶلوم
. دئو قیزا دئدی:
- بو قالانین قاپیسیندا قیرخ دیلده یازیلمیش داشلار وار. گرَک اونو
سیندیرماق ایستهین بو داشلارین هامیسین اوخویا.
آمما قیز نه قدر ائلهدیسه دئو اؤز جانینین یئرین دئمهدی کی،
دئمهدی. بیر-ایکی گون بئله قالدی. آخیردا دیو گؤردو کی، قیز ال چکمهیهجک. دئدی، ائوده بیر اَل آغاجی وار، منیم جانیم او اَل آغاجیندادی.
قیز احوالاتی گولنارا خبر وئردی. گولنار بیلدی کی، دیو یالان دانیشیب،اونون جانی اَل آغاجیندا اولماز. اودور کی، اونا دئدی:
- او ال آغاجینی تمیزله، یاخشی-یاخشی بَزه!
قیز گلیب ال آغاجینی قیرمیزی ایپهیه توتدو، قویدو ائوده لاپ یاخشی بیر یئره. دئو گلیب ایشی بئله گؤرَنده سببین قیزدان سوروشدو:
قیز دئدی: بس سنین جانین اوردادی، اونون اوچون ائله ائلهمیشم.
دئو گؤردو کی، قیز اونون جانینا بئله حؤرمت ائلهییب، آچیب دوغروسونذدئدی کی، اونون جانی همین قالاچادا بیر چارهوووز وار، اونون ایچینده اوچدنه آغ بالیق وار، او آغ بالیقلارین بیریندهدی. گولنار خانیم احوالاتینهامیسین اؤیرهنیب اوز قویدو هامان قالاچایا طرف گئتمهیه. گئت هاگئت،گئت هاگئت، گلیب چاتدی یئددی تپه قالاچاسینا. گؤردو بیر دار ماغارا وار.
گیردی ماغارایا، بیر قدر گئتمیشدی، قاباغینا بیر یئکه پلت کیمی بیر
قالاچا قاپیسی چیخدی. باخدی کی، بوردان ایچرییه گیرمهیه هئچ بیر یولیوخدو. پالتارینین آلتینا باغلادیغی قیلینجینی چیخاردیب قاپینین قیفیلین سیندیردی،
گیردی ایچرییه. باخدی کی، بؤیوک بیر مهلهدی، دوز اورتادا بیر چارهوووز وار. گلدی گؤردو دوغرودان دا بورادا اوچ دنه یاخشی، گؤزل آغ بالیق وار.
هر نه قدر اَللشدیسه، بونلاری توتا بیلمهدی. آخیردا هوووزون آیاغین
آچیب باشلادی سویو بوراخماغا. بئلهلیکله، بالیقلارین ایکیسینی توتوب اؤلدوردو، ائله اوچونجو بالیغی توتماق ایستهییردی کی، بیر ده گؤردو گؤی تیترهدی، یئر
تیترهدی، بودو دئو آنقیرا-آنقیرا گلیر. تئز بالیغی آتدی تورپاغا، قیلینجی چکیب اونو ایکی بؤلدو. دئو یاری یولدا ییخیلیب جهنمه واصیل اولدو.
گلدی بو یانا، گؤردو داغین اتهیینده باری کیمی بیر یئرده قیرخ دیلده
یازیلمیش داشلار آسیلیب. گولنار خانیم دونیانین بوتون علملریندن باخبرایدی. باشلادی بونلاری بیر-بیر اوخوماغا. آخیرینجی داشی اوخویوب قورتاراندا
ائله بیل کی، داغ حرکته گلدی. باری یاریلدی، گیردی ایچرییه، گؤردو
ملیک ممد بیر قیزیل تاختین اوستونده یاتیب، آمما یاریمجاندی. جیبیندن قورآنی چیخاردیب اوخوماق ایستهدی. آمما باخدی کی، اوخویوب تاماملایابیلمهیهجک. چونکو بیلیردی کی، بئله آداملاری تیلسیمدن اویاتماق اوچون تامام قیرخ گون آراسینی کسمهدن قورآن اوخوماق لازیمدی. اونا گؤره ده قاپینی یئنه ده اولکی کیمی برکیدیب چیخدی چؤله. ائله بیر آز
گئتمیشدی کی، قاباغینا بیر کاروان چیخدی. کارواندا بیر قیز وار ایدی، گولنار اوستوندهکی قیزیللاری وئریب او قیزی آلدی، گئتدی قالاچایا. قیزا احوالاتی
باشدان-آیاغا دانیشدی. ملیک ممدین تاختینین یانیندا باشلادی
قورآن اوخوماغا. او، اؤزو یورولاندا قیز اونون آغزیندان آلیب دالیسین اوخویوردوکی، آراسی کسیلمهسین، چونکو اوندا باطیل اولاردی. بو مینواللا دوز
اوتوز دوققوز گون، اوتوز دوققوز گئجه اوخودولار. لاپ قورتارهاقورتاردا گولنار خانیم باخدی کی، یوخ، تا هئچ ساخلایا بیلمیر اؤزون، ائله گؤزلری یومولور
کی، یومولور. آخیردا قورخدو کی، بیردن یوخو توتار باطیل اولار، قالیب ناچار قیزی اویاتدی، قورآنی اونا وئریب، اؤزو باشین یئره قویدو کی، بیر چیمیر
یاتسین کی، بلکه بیر گؤزونون آجیسین آلا. بو یاتماغیندا اولسون قیرخ گونون تامامیندا ملیک ممد آسقیریب دوردو. گؤزون آچیب گؤردو یانیندا بیر قیز اوتوروب قورآن اوخویور. سوروشدو:
- سن کیمسن؟
بو ناغیلین دوامی وار...
#داشلے_بولاق
@dashlibulaq
3اونجو بٶلوم
. دئو قیزا دئدی:
- بو قالانین قاپیسیندا قیرخ دیلده یازیلمیش داشلار وار. گرَک اونو
سیندیرماق ایستهین بو داشلارین هامیسین اوخویا.
آمما قیز نه قدر ائلهدیسه دئو اؤز جانینین یئرین دئمهدی کی،
دئمهدی. بیر-ایکی گون بئله قالدی. آخیردا دیو گؤردو کی، قیز ال چکمهیهجک. دئدی، ائوده بیر اَل آغاجی وار، منیم جانیم او اَل آغاجیندادی.
قیز احوالاتی گولنارا خبر وئردی. گولنار بیلدی کی، دیو یالان دانیشیب،اونون جانی اَل آغاجیندا اولماز. اودور کی، اونا دئدی:
- او ال آغاجینی تمیزله، یاخشی-یاخشی بَزه!
قیز گلیب ال آغاجینی قیرمیزی ایپهیه توتدو، قویدو ائوده لاپ یاخشی بیر یئره. دئو گلیب ایشی بئله گؤرَنده سببین قیزدان سوروشدو:
قیز دئدی: بس سنین جانین اوردادی، اونون اوچون ائله ائلهمیشم.
دئو گؤردو کی، قیز اونون جانینا بئله حؤرمت ائلهییب، آچیب دوغروسونذدئدی کی، اونون جانی همین قالاچادا بیر چارهوووز وار، اونون ایچینده اوچدنه آغ بالیق وار، او آغ بالیقلارین بیریندهدی. گولنار خانیم احوالاتینهامیسین اؤیرهنیب اوز قویدو هامان قالاچایا طرف گئتمهیه. گئت هاگئت،گئت هاگئت، گلیب چاتدی یئددی تپه قالاچاسینا. گؤردو بیر دار ماغارا وار.
گیردی ماغارایا، بیر قدر گئتمیشدی، قاباغینا بیر یئکه پلت کیمی بیر
قالاچا قاپیسی چیخدی. باخدی کی، بوردان ایچرییه گیرمهیه هئچ بیر یولیوخدو. پالتارینین آلتینا باغلادیغی قیلینجینی چیخاردیب قاپینین قیفیلین سیندیردی،
گیردی ایچرییه. باخدی کی، بؤیوک بیر مهلهدی، دوز اورتادا بیر چارهوووز وار. گلدی گؤردو دوغرودان دا بورادا اوچ دنه یاخشی، گؤزل آغ بالیق وار.
هر نه قدر اَللشدیسه، بونلاری توتا بیلمهدی. آخیردا هوووزون آیاغین
آچیب باشلادی سویو بوراخماغا. بئلهلیکله، بالیقلارین ایکیسینی توتوب اؤلدوردو، ائله اوچونجو بالیغی توتماق ایستهییردی کی، بیر ده گؤردو گؤی تیترهدی، یئر
تیترهدی، بودو دئو آنقیرا-آنقیرا گلیر. تئز بالیغی آتدی تورپاغا، قیلینجی چکیب اونو ایکی بؤلدو. دئو یاری یولدا ییخیلیب جهنمه واصیل اولدو.
گلدی بو یانا، گؤردو داغین اتهیینده باری کیمی بیر یئرده قیرخ دیلده
یازیلمیش داشلار آسیلیب. گولنار خانیم دونیانین بوتون علملریندن باخبرایدی. باشلادی بونلاری بیر-بیر اوخوماغا. آخیرینجی داشی اوخویوب قورتاراندا
ائله بیل کی، داغ حرکته گلدی. باری یاریلدی، گیردی ایچرییه، گؤردو
ملیک ممد بیر قیزیل تاختین اوستونده یاتیب، آمما یاریمجاندی. جیبیندن قورآنی چیخاردیب اوخوماق ایستهدی. آمما باخدی کی، اوخویوب تاماملایابیلمهیهجک. چونکو بیلیردی کی، بئله آداملاری تیلسیمدن اویاتماق اوچون تامام قیرخ گون آراسینی کسمهدن قورآن اوخوماق لازیمدی. اونا گؤره ده قاپینی یئنه ده اولکی کیمی برکیدیب چیخدی چؤله. ائله بیر آز
گئتمیشدی کی، قاباغینا بیر کاروان چیخدی. کارواندا بیر قیز وار ایدی، گولنار اوستوندهکی قیزیللاری وئریب او قیزی آلدی، گئتدی قالاچایا. قیزا احوالاتی
باشدان-آیاغا دانیشدی. ملیک ممدین تاختینین یانیندا باشلادی
قورآن اوخوماغا. او، اؤزو یورولاندا قیز اونون آغزیندان آلیب دالیسین اوخویوردوکی، آراسی کسیلمهسین، چونکو اوندا باطیل اولاردی. بو مینواللا دوز
اوتوز دوققوز گون، اوتوز دوققوز گئجه اوخودولار. لاپ قورتارهاقورتاردا گولنار خانیم باخدی کی، یوخ، تا هئچ ساخلایا بیلمیر اؤزون، ائله گؤزلری یومولور
کی، یومولور. آخیردا قورخدو کی، بیردن یوخو توتار باطیل اولار، قالیب ناچار قیزی اویاتدی، قورآنی اونا وئریب، اؤزو باشین یئره قویدو کی، بیر چیمیر
یاتسین کی، بلکه بیر گؤزونون آجیسین آلا. بو یاتماغیندا اولسون قیرخ گونون تامامیندا ملیک ممد آسقیریب دوردو. گؤزون آچیب گؤردو یانیندا بیر قیز اوتوروب قورآن اوخویور. سوروشدو:
- سن کیمسن؟
بو ناغیلین دوامی وار...
#داشلے_بولاق
@dashlibulaq
در سیزده نوروز زنان قوشابولاق دو دسته شده و دستها در یکدیگر بازی (بنووشه بنده دوشه) را انجام میدهند.
👇👇👇👇
@shahsavan🌹
👇👇👇👇
@shahsavan🌹
هئچ آسلانین(شیر) هایکیرماغی(نعره) آغاجدان دؤزهلن ائوی ییخماز....
من گؤوَهنین سَسیزلیگیندن قؤرخورام....
گؤوه(موریانه)
گوندرن: ا.نوری
داشلی بولاق↙️
@dashlibulaq🍀🌸🍀🌸
من گؤوَهنین سَسیزلیگیندن قؤرخورام....
گؤوه(موریانه)
گوندرن: ا.نوری
داشلی بولاق↙️
@dashlibulaq🍀🌸🍀🌸
Forwarded from دستیار زیر نویس و هایپر لینک
#آتالار_سٶزو
⏺ قولون سینیغی ،بویونا یوکدیر
⏺ اوشاغی اولمامیش دون بیچیر ، اٶزوده گئن بیچیر
⏺ اوشاق تَلهسر، آرمود وقتینده یئتیشر
⏺ زیرنگ قوش دیمدیگیندن ایلیشَر ، آدام دیلیندن
⏺ قورخان گٶزه چوپ دوشر
⏺ قپ مال یییهسینه یئتیشَر
⏺ قارا قارقانین بالاسی اٶزونه شیریندیر
داشلی بولاق↙️
@dashlibulaq
⏺ قولون سینیغی ،بویونا یوکدیر
⏺ اوشاغی اولمامیش دون بیچیر ، اٶزوده گئن بیچیر
⏺ اوشاق تَلهسر، آرمود وقتینده یئتیشر
⏺ زیرنگ قوش دیمدیگیندن ایلیشَر ، آدام دیلیندن
⏺ قورخان گٶزه چوپ دوشر
⏺ قپ مال یییهسینه یئتیشَر
⏺ قارا قارقانین بالاسی اٶزونه شیریندیر
داشلی بولاق↙️
@dashlibulaq
آی بو جهانی خلق ائدن،لطف ائله بیر جهانه باخ
جانه گلیبدی بندهلر،بیر زادی ائت بهانه ، باخ
من بیلیرم یؤرولموسان،دونیا دایانسا دورموسان
لـیـک دوشـن اَیاقــیـدان،بـنـدهی نـاتـوانـه بـــاخ
گوندوز ایشیقدا جورلوسن،بؤینو یؤغونلارین ایشین
بـؤیـنـودا قـیل کـیـمـیـنـلـرین ایـشلـریـنه شـبانه باخ
وار نه قدر بـو حـالـیـمـیز،قـارهدی روزگـاریمـیـز
آنـد ایـچـیـریک یالان سنه،بـیزده اؤلان ایمانه باخ
هاممی دئییرکی من دوزم، بیلمیرم اَیری کیمدی بس؟
بیربئله ایری ایشـلـری،کـیــم گـؤرورو یالانه بــاخ
اوغرو پیشیک ده کوفته نی،یئییر،دئییر به بیلمیسن
تئز سیلیر آغزی بورنونو،یاغلی دؤداغ ،دهانه باخ
الـلـی،آیـاقـلیـلار قـاپـیـر،یاغـلی دیـلی اؤلان تاپـیـر
ال سـیز ـ آیاقـسیز اؤرتادا،غارت اؤلور ،تالانه باخ
صلح سئویرسن آی کیشی ،قؤیما نفاق تؤرَلدهلر
خلـق آراسـیـنـدا بـیـر بـئـله فـیرتانالار سالانه باخ
اوستونه صافلارین قؤیان،آلتینا زیر زیبیل باسان
چؤمچه سینی ووران زامان،گل بو سؤغان ساتانه باخ
سن کی گؤرورسن آنلیسان،یؤخ دئمه منده بیلمیرم
دوزگون حسابی ایسته سن،چؤرتگیه سال ،قاپانه باخ
بوردا تمام اؤلور سؤزوم،هاممیسی یؤخ بیر آزجاسی
حـؤصلـهن اؤلـسـا وئـر قـولاق باقـییه داسـتـانه باخ
داشلی بولاق↙️
@DASHLIBULAQ🍀🌸🍀🌸
جانه گلیبدی بندهلر،بیر زادی ائت بهانه ، باخ
من بیلیرم یؤرولموسان،دونیا دایانسا دورموسان
لـیـک دوشـن اَیاقــیـدان،بـنـدهی نـاتـوانـه بـــاخ
گوندوز ایشیقدا جورلوسن،بؤینو یؤغونلارین ایشین
بـؤیـنـودا قـیل کـیـمـیـنـلـرین ایـشلـریـنه شـبانه باخ
وار نه قدر بـو حـالـیـمـیز،قـارهدی روزگـاریمـیـز
آنـد ایـچـیـریک یالان سنه،بـیزده اؤلان ایمانه باخ
هاممی دئییرکی من دوزم، بیلمیرم اَیری کیمدی بس؟
بیربئله ایری ایشـلـری،کـیــم گـؤرورو یالانه بــاخ
اوغرو پیشیک ده کوفته نی،یئییر،دئییر به بیلمیسن
تئز سیلیر آغزی بورنونو،یاغلی دؤداغ ،دهانه باخ
الـلـی،آیـاقـلیـلار قـاپـیـر،یاغـلی دیـلی اؤلان تاپـیـر
ال سـیز ـ آیاقـسیز اؤرتادا،غارت اؤلور ،تالانه باخ
صلح سئویرسن آی کیشی ،قؤیما نفاق تؤرَلدهلر
خلـق آراسـیـنـدا بـیـر بـئـله فـیرتانالار سالانه باخ
اوستونه صافلارین قؤیان،آلتینا زیر زیبیل باسان
چؤمچه سینی ووران زامان،گل بو سؤغان ساتانه باخ
سن کی گؤرورسن آنلیسان،یؤخ دئمه منده بیلمیرم
دوزگون حسابی ایسته سن،چؤرتگیه سال ،قاپانه باخ
بوردا تمام اؤلور سؤزوم،هاممیسی یؤخ بیر آزجاسی
حـؤصلـهن اؤلـسـا وئـر قـولاق باقـییه داسـتـانه باخ
داشلی بولاق↙️
@DASHLIBULAQ🍀🌸🍀🌸
#آتالار_سٶزو
1)کیشینین باشیندا عقل اولسون،بؤرک اولماسا مهم دَگیل
2)تانری اششگی تانییب،بوینوز وئرمهییب
3)اؤردک گلیب قاز اولماز ،گلین گلیب قیز اولماز
4)اؤزو ییخیلان آغلاماز
5)جاهیلی قاندیرماق بؤیوک هنردیر
5)وارلی اؤلنده یوز توپ آتیلار،یوخسول اؤلسه اوچ ایل سونرا بیلینر
6)تک آتین میدانی اولماز
7)هئچ کس اؤز آیرانینا تورش دئمز
8)اؤزوندن اوتانمایان ،اؤزگهدن اوتانماز
9)آتا نوهنی اؤغلوندان چوخ ایستر
10)ایلان سانجالان،آلا ایپ دن قورخار
11)دیلین فرمانی،ماشین فرمانیندان آساندیر
12)کیشی نین بؤیوکلیگی،آز دانیشماقدادیر
13)گون هر گون بولود آلتیندا قالماز
14)یازدا چالیشان،قیشدا سئوینر
15)تانینمامیش اینسان،تانینمیش شیطاندان پیسدیر
16)بدبخت لیگین بیر حوسنو وار،واقعی دوستلاری تانیتدیرار
17)تورپاغینان اوینویان آج قالماز
18)زحمت چکن،مننت چکمز
19)آروادا چوخ زینت لازیم دیر،کیشی نین کیشی لیغی زینت دیر
20)واردان ضرر گلمز،اینسانلیق اولسا
داشلی بولاق ↙️
@DASHLIBULAQ💕🌹💕🌹
1)کیشینین باشیندا عقل اولسون،بؤرک اولماسا مهم دَگیل
2)تانری اششگی تانییب،بوینوز وئرمهییب
3)اؤردک گلیب قاز اولماز ،گلین گلیب قیز اولماز
4)اؤزو ییخیلان آغلاماز
5)جاهیلی قاندیرماق بؤیوک هنردیر
5)وارلی اؤلنده یوز توپ آتیلار،یوخسول اؤلسه اوچ ایل سونرا بیلینر
6)تک آتین میدانی اولماز
7)هئچ کس اؤز آیرانینا تورش دئمز
8)اؤزوندن اوتانمایان ،اؤزگهدن اوتانماز
9)آتا نوهنی اؤغلوندان چوخ ایستر
10)ایلان سانجالان،آلا ایپ دن قورخار
11)دیلین فرمانی،ماشین فرمانیندان آساندیر
12)کیشی نین بؤیوکلیگی،آز دانیشماقدادیر
13)گون هر گون بولود آلتیندا قالماز
14)یازدا چالیشان،قیشدا سئوینر
15)تانینمامیش اینسان،تانینمیش شیطاندان پیسدیر
16)بدبخت لیگین بیر حوسنو وار،واقعی دوستلاری تانیتدیرار
17)تورپاغینان اوینویان آج قالماز
18)زحمت چکن،مننت چکمز
19)آروادا چوخ زینت لازیم دیر،کیشی نین کیشی لیغی زینت دیر
20)واردان ضرر گلمز،اینسانلیق اولسا
داشلی بولاق ↙️
@DASHLIBULAQ💕🌹💕🌹
#اویونلار
🧀شکر پنیر
بو اویوندا اویونچولار دورد نفردن چوخ اولارلار ، اویونچولار اَل-اله وئریب و بیر اویونچونون باشینا کی آرادا اَگلهشیب دولانارلار ، و دولانا-دولانا اوخویارلار :
"بو قیزین آنا جانی شکرپنیر پیشیرر:
اوجالیغی بو بویدا (اَللرین گٶیه ساری توتارلار)
آلچاقلیغی بو بویدا (اللرین یئره دایارلار)
داراشلیغی بو بویدا ( یئرده اوتوران اوشاغین باشینا جوماشارلار)
گئنشلیگی بو بو بویدا (اَل -اَله لاپ اوزاغا گئدرلر بیر ائله کی اَللری آچیلماسین)
قالخ آیاغا قالخ ! اَندامینا باخ ! کیمی سئویرسن ،چک قاباغا باخ !
و دایانارلار، آرادا اولان اویونچو کی بیرین سئویر ، سئچر و اٶز یئرینده اوتوردار ، بو اویوندا اویونچولار هر نه زامانا کیمی کی ایستهسهلر اوینایا بیلرلر، اطاق دا دا اولا بیلر ، بیر اویوندی کی اویونچولارین ایچینده محبت یارادار و خطاسیز و صدمهسیز دیر.
🔸زهره وفایی (فولکلور گنجینهسی1 اویونلار)
داشلی بولاق↙️
@dashlibulaq
🧀شکر پنیر
بو اویوندا اویونچولار دورد نفردن چوخ اولارلار ، اویونچولار اَل-اله وئریب و بیر اویونچونون باشینا کی آرادا اَگلهشیب دولانارلار ، و دولانا-دولانا اوخویارلار :
"بو قیزین آنا جانی شکرپنیر پیشیرر:
اوجالیغی بو بویدا (اَللرین گٶیه ساری توتارلار)
آلچاقلیغی بو بویدا (اللرین یئره دایارلار)
داراشلیغی بو بویدا ( یئرده اوتوران اوشاغین باشینا جوماشارلار)
گئنشلیگی بو بو بویدا (اَل -اَله لاپ اوزاغا گئدرلر بیر ائله کی اَللری آچیلماسین)
قالخ آیاغا قالخ ! اَندامینا باخ ! کیمی سئویرسن ،چک قاباغا باخ !
و دایانارلار، آرادا اولان اویونچو کی بیرین سئویر ، سئچر و اٶز یئرینده اوتوردار ، بو اویوندا اویونچولار هر نه زامانا کیمی کی ایستهسهلر اوینایا بیلرلر، اطاق دا دا اولا بیلر ، بیر اویوندی کی اویونچولارین ایچینده محبت یارادار و خطاسیز و صدمهسیز دیر.
🔸زهره وفایی (فولکلور گنجینهسی1 اویونلار)
داشلی بولاق↙️
@dashlibulaq
Forwarded from دستیار زیر نویس و هایپر لینک
Forwarded from دستیار زیر نویس و هایپر لینک
آی خسته قوش آواره گزیرسن بو دیاری
زنداندی قفسدی چمنی باغی باهاری
گوزله اوزوی آوچی دیر هریانی بویوردون
قوزغون کیمی دوردگوزلوگزیرکورپه شکاری
فرصت دالیسیجا گزیری ال یئری تاپسا
ویران قویاجاق یوردونو آی کوینگی ساری
تیک اوز یووانی قویما سنه ال تاپا اووچی
سن بو یووانین صاحبی سن قال یئنه باری
جهد ایله کی جان قورتاراسان اووچی الیندن
دوشسن تورا فریاد ائله مه چک بو فشاری
گولشنده کی یوخ ذوق و صفا آی ساری کوینک
قاچ قاچ بو یئرین زهریلیدیر داری نداری
دیلله نسن اگر اووچی ائدر قانینا قلتان
اوچسان آ یازیق تیر جفا قلبینی یاری
مین فیرتینا قالخیب دویه جک باشینا طوفان
هر کیمده اولا داغ کیمی دونیادا وقاری
گلسه باشیوا درد و بلا داغ کیمی دور باخ
آیدیندی بو سوز توستو گئدهر گویچگه ساری
ایستر سنی صیاد اوزونه رام ائده اما
ایغو دو گورهر آج تویوغ البته کی داری
بو یاخشی مثل دیر کی بیزم ائلده دئمیشلر
بیر باخ آشاغی باخما اوزوندن ده یوخاری
غم غصه کیچیک قلبینی کر دویسه سیخیلما
بو گوند ه کئچر آخیری غملر ده قئتاری
اوندا کی چیخار گون یاییلار عالمه بیردن
اوندا کی قارا دان یئری صبح اولجاق آغاری
داغی داشی آسوده خیالیله گزه رسن
گولشنده نه شاختا گوره سن داغدا نه قاری
ظولمون ائوی ویران اول و ظالیم دوشر الدن
قان دورماز اگر کسسه پیچاق قیرسسا داماری
بختین قاپیسی ایندی قیفیللانسا داریخما
هر بیر قیفیلین واردی طبیعت ده آچاری
اوز جانیویلن اوناما بو عرصه ده شئیدا
لیلاج دغلبازیله قیزدیرما قوماری
داشلی بولاق
@dashlibulaq🌸🍀🌸
زنداندی قفسدی چمنی باغی باهاری
گوزله اوزوی آوچی دیر هریانی بویوردون
قوزغون کیمی دوردگوزلوگزیرکورپه شکاری
فرصت دالیسیجا گزیری ال یئری تاپسا
ویران قویاجاق یوردونو آی کوینگی ساری
تیک اوز یووانی قویما سنه ال تاپا اووچی
سن بو یووانین صاحبی سن قال یئنه باری
جهد ایله کی جان قورتاراسان اووچی الیندن
دوشسن تورا فریاد ائله مه چک بو فشاری
گولشنده کی یوخ ذوق و صفا آی ساری کوینک
قاچ قاچ بو یئرین زهریلیدیر داری نداری
دیلله نسن اگر اووچی ائدر قانینا قلتان
اوچسان آ یازیق تیر جفا قلبینی یاری
مین فیرتینا قالخیب دویه جک باشینا طوفان
هر کیمده اولا داغ کیمی دونیادا وقاری
گلسه باشیوا درد و بلا داغ کیمی دور باخ
آیدیندی بو سوز توستو گئدهر گویچگه ساری
ایستر سنی صیاد اوزونه رام ائده اما
ایغو دو گورهر آج تویوغ البته کی داری
بو یاخشی مثل دیر کی بیزم ائلده دئمیشلر
بیر باخ آشاغی باخما اوزوندن ده یوخاری
غم غصه کیچیک قلبینی کر دویسه سیخیلما
بو گوند ه کئچر آخیری غملر ده قئتاری
اوندا کی چیخار گون یاییلار عالمه بیردن
اوندا کی قارا دان یئری صبح اولجاق آغاری
داغی داشی آسوده خیالیله گزه رسن
گولشنده نه شاختا گوره سن داغدا نه قاری
ظولمون ائوی ویران اول و ظالیم دوشر الدن
قان دورماز اگر کسسه پیچاق قیرسسا داماری
بختین قاپیسی ایندی قیفیللانسا داریخما
هر بیر قیفیلین واردی طبیعت ده آچاری
اوز جانیویلن اوناما بو عرصه ده شئیدا
لیلاج دغلبازیله قیزدیرما قوماری
داشلی بولاق
@dashlibulaq🌸🍀🌸
Forwarded from دستیار زیر نویس و هایپر لینک
:
چار اویماقین معناسی :
🐎🐎🐎🐎🐎🐎🐎🐎🐎🐎🐎🐎🐎🐎
چار،چر،سار،سر،شار، شر،شیر،زیر،زر ،چیر و..
تمام به معنی نور،روشنایی ،شفق درخشندگی و...است.
چر در ترکی به شبنمی که در زمستان بعد از منجمد شدن بر روی درختان یا سنگ وغیره می نشیند ومی درخشد ،می گویند.
شیر در تر کی لعابی است که برای درخشندگی روی سفال می دهند.
اویماق در زبان ترکی به معنی اوبا،تجمع ،اؤو،،مسکن،آلاچیق واویما ،یعنی خانه ای که به وسیله ی کندن پدیدار می شود .لانه ،یووا،اووا،اوبا،همه دارای یک معنی است .
چار اویماق =ایشیقلی اوبا،ایشیقلی اؤو،مسکن نورانی ،آیدین یورد.
برای فهمیدن معنی چار ،به دیوان لغات الترک،،کتاب لغت اتیمولوژی دیل دنیز،اسماییل هادی ،وکتاب ،،آذربایجان خالقینین سوی کؤکون دوشونر کن،،میر علی سید اوف ،نگاه کنید .چار اویماق شهری از آزربایجان شرقی است که قبلا جزوی از هشتری (هشترود)بود جای با صفا ،دارای شکار گاه آبگرم وطبیعت تقریبا بکر وزیباست ،در جنوب هشترود ودر همسایگی میانه ومراغه قراردارد.محصول اصلی وبی نظیر آن گندم است ولی میوه ولبنیات هم فراوان دارد ،دارای معادن سنگ وگچ و... مرکز چار اویماق ،قره آغاج است .
@dashlibulag ⬅️
چار اویماقین معناسی :
🐎🐎🐎🐎🐎🐎🐎🐎🐎🐎🐎🐎🐎🐎
چار،چر،سار،سر،شار، شر،شیر،زیر،زر ،چیر و..
تمام به معنی نور،روشنایی ،شفق درخشندگی و...است.
چر در ترکی به شبنمی که در زمستان بعد از منجمد شدن بر روی درختان یا سنگ وغیره می نشیند ومی درخشد ،می گویند.
شیر در تر کی لعابی است که برای درخشندگی روی سفال می دهند.
اویماق در زبان ترکی به معنی اوبا،تجمع ،اؤو،،مسکن،آلاچیق واویما ،یعنی خانه ای که به وسیله ی کندن پدیدار می شود .لانه ،یووا،اووا،اوبا،همه دارای یک معنی است .
چار اویماق =ایشیقلی اوبا،ایشیقلی اؤو،مسکن نورانی ،آیدین یورد.
برای فهمیدن معنی چار ،به دیوان لغات الترک،،کتاب لغت اتیمولوژی دیل دنیز،اسماییل هادی ،وکتاب ،،آذربایجان خالقینین سوی کؤکون دوشونر کن،،میر علی سید اوف ،نگاه کنید .چار اویماق شهری از آزربایجان شرقی است که قبلا جزوی از هشتری (هشترود)بود جای با صفا ،دارای شکار گاه آبگرم وطبیعت تقریبا بکر وزیباست ،در جنوب هشترود ودر همسایگی میانه ومراغه قراردارد.محصول اصلی وبی نظیر آن گندم است ولی میوه ولبنیات هم فراوان دارد ،دارای معادن سنگ وگچ و... مرکز چار اویماق ،قره آغاج است .
@dashlibulag ⬅️
#یئرلی_دئییملر(اصطلاحات محلی)
+ کالا : یئنی دوغان اینک یا داوارین دوشوندن گلن سوت
+ آلاخ : اَکین یئرینده هرزه بیتکیلر
(علف هرز)
+ پییَه : تندیرین قیراغی ،تندیرین ائشیکده قالان قیسمی
+ بارداق/بارداخ : ساخسیدان دوزهلن کیچیک قاب - یاغ یا اونا بنزر شئیلری بارداقدا ساخلاردیلار
+ تویوق باسدیرماق : تویوق کورت دوشندن سورا آلتینا یومورتا قویارلار یاتار اونلارین اوستونده ،جوجهسی چیخسین
+ گاب : اینهگی کٶمده (طویله) باغلاماق اوچون آغاجدان (U)شکلینده بیر شئی دوزهلدیب، ایپی اونا باغلارلار ، گاب اینهگین بوینون ساغلام ساخلار اونون یارالانماسینین قاباغین آلار
+ بویوندوروق : اٶکوزون بوینونا باغلانیب آرابانی چکمک اوچون اوزون آغاج
+ پازی : چوغوندور
+ پاخیر : میس قابین پاسلانماسینا پاخیرلانماق دئیرلر
+ پَردی : دام باسدیرماق اوچون تیرلرین اوستونه تٶکولن تاختا و یا آغاجلارین بوداقلارین تٶکردیلر زیغی دامدا ساخلاسین،آشاغییا تٶکولمَسین
+ چال : بوز ایلا قارا رنگین آراسی ، حیوانلارین رنگین دئمکده ایشلهنر
+ جیمدیک : ایکی بارماغین اوجوندا توتولان بیر شئی، بیر جیمدیک دوز ، بیر جیمدیک اون
یا بیرین جیمدیکلهمک
+ آیا/ اَلین آیاسی : اَل آچیق کن ،اورتا قیسمینه دئیرلر(کف دست)
+ خیناو : بیر ایشی گٶره بیلمهمک ، بیر ایشین گٶرمهیینه یانیق قالماق
+ دوغاناق/دوغاناخ : آت ، قاتیر یا ائششهگه یوک -خلور چاتماق اوچون ، ایپین اوج طرفینه بیر آغاجدان دوزلمیش هاچا باغلارلار تا ایپی چکیب ،یوکو برکیتمهیه کمک ائیلهسین، #آتالار سٶزو وار ، دئیرلر : ایپ گلیب دوغاناقدان گئچر، یانی هر نجور اولورسا مثلا بو آدامین ایشی بیزه دوشهجک
#داشلے_بولاق
@dashlibulaq
+ کالا : یئنی دوغان اینک یا داوارین دوشوندن گلن سوت
+ آلاخ : اَکین یئرینده هرزه بیتکیلر
(علف هرز)
+ پییَه : تندیرین قیراغی ،تندیرین ائشیکده قالان قیسمی
+ بارداق/بارداخ : ساخسیدان دوزهلن کیچیک قاب - یاغ یا اونا بنزر شئیلری بارداقدا ساخلاردیلار
+ تویوق باسدیرماق : تویوق کورت دوشندن سورا آلتینا یومورتا قویارلار یاتار اونلارین اوستونده ،جوجهسی چیخسین
+ گاب : اینهگی کٶمده (طویله) باغلاماق اوچون آغاجدان (U)شکلینده بیر شئی دوزهلدیب، ایپی اونا باغلارلار ، گاب اینهگین بوینون ساغلام ساخلار اونون یارالانماسینین قاباغین آلار
+ بویوندوروق : اٶکوزون بوینونا باغلانیب آرابانی چکمک اوچون اوزون آغاج
+ پازی : چوغوندور
+ پاخیر : میس قابین پاسلانماسینا پاخیرلانماق دئیرلر
+ پَردی : دام باسدیرماق اوچون تیرلرین اوستونه تٶکولن تاختا و یا آغاجلارین بوداقلارین تٶکردیلر زیغی دامدا ساخلاسین،آشاغییا تٶکولمَسین
+ چال : بوز ایلا قارا رنگین آراسی ، حیوانلارین رنگین دئمکده ایشلهنر
+ جیمدیک : ایکی بارماغین اوجوندا توتولان بیر شئی، بیر جیمدیک دوز ، بیر جیمدیک اون
یا بیرین جیمدیکلهمک
+ آیا/ اَلین آیاسی : اَل آچیق کن ،اورتا قیسمینه دئیرلر(کف دست)
+ خیناو : بیر ایشی گٶره بیلمهمک ، بیر ایشین گٶرمهیینه یانیق قالماق
+ دوغاناق/دوغاناخ : آت ، قاتیر یا ائششهگه یوک -خلور چاتماق اوچون ، ایپین اوج طرفینه بیر آغاجدان دوزلمیش هاچا باغلارلار تا ایپی چکیب ،یوکو برکیتمهیه کمک ائیلهسین، #آتالار سٶزو وار ، دئیرلر : ایپ گلیب دوغاناقدان گئچر، یانی هر نجور اولورسا مثلا بو آدامین ایشی بیزه دوشهجک
#داشلے_بولاق
@dashlibulaq
Forwarded from عکس نگار
ایپلیکجه
بو بیتکی یازین ایلک گونلریندن، تپهلرده ، زمی قیراقلاریندا و یا آیری یئلردهکی کوکو واردی گٶیَرر.
ایپلیکجهنی تره اولاراق ایکی نوعدا بیشیرمک اولار ، یا آشین بیشررلر یاداکی قاینادیب دویو ، لپه و یومورتا قاریشیق بیر لذتلی غذا بیشیریب ، یئیرلر
بو بیتکینین کوکو یئرده قالیب او بیری ایل کوکوندن چیچار یا باشقا بیتکیلر کیمی دنی تٶکولوب یئرده قالیب ،گلن ایل بو دنلر گٶیرَر.
داشلی بولاق
@dashlibulaq
بو بیتکی یازین ایلک گونلریندن، تپهلرده ، زمی قیراقلاریندا و یا آیری یئلردهکی کوکو واردی گٶیَرر.
ایپلیکجهنی تره اولاراق ایکی نوعدا بیشیرمک اولار ، یا آشین بیشررلر یاداکی قاینادیب دویو ، لپه و یومورتا قاریشیق بیر لذتلی غذا بیشیریب ، یئیرلر
بو بیتکینین کوکو یئرده قالیب او بیری ایل کوکوندن چیچار یا باشقا بیتکیلر کیمی دنی تٶکولوب یئرده قالیب ،گلن ایل بو دنلر گٶیرَر.
داشلی بولاق
@dashlibulaq
