⁣💌 وصلتك رسالة جديدة
⏱ وقت الرسالة: 2024/10/07 - 11:36:07 PM
----
شن الفرق بين شهادة جامعية أو معهد عالي في الشغل؟
----

- تبرع لإستمرار عمل بوت صارحني 🎁

بالنسبة ليا و مكان شغلي و تخصصي مشفتش فرق إلي يفرق شن تعرف أنت و قداش تزبط برة المنهج محدش يركز على المنهج الجامعي لأنه فعلا عبارة عن مفتاح بس لا يعني هذا التقليل منه و لكن في قرايتك عمرك ما تركز عليه

⁣💌 وصلتك رسالة جديدة
⏱ وقت الرسالة: 2024/10/07 - 11:51:21 PM
----
شن الفرص المتاحة ليك في الشغل في تخصصك وحاليا شن تخدم
----

- تبرع لإستمرار عمل بوت صارحني 🎁

في فرص هلبا في هندسة البرمجيات بطريقة غريبة و السوق الليبي بالذات مزال يبي.
أنا حاليا إدارة مشاريع تقنية

‏خير ماتبدأ بهِ يومك أذكار الصباح لن تأخذ منك وقتًا طويلًا وكذلك فهي خير ماتبدؤون به يومكم،فلا تعلم أيّ خير ستأتي به وأيّ شر ستحفظك منه اصبحنا و اصبح الملك لله ولا حول ولا قوة إلاّ بالله •

اللهم إني أعوذ بك من الهم والحزن، والعجز والكسل، والجبن والبخل، وأعوذ بك من غلبة الدين، وقهر الرجال

⁣💌 وصلتك رسالة جديدة
⏱ وقت الرسالة: 2024/10/08 - 07:03:04 AM
----
علاش اخترت إدارة المشاريع على باقي المجالات زي تطوير التطبيقات والمواقع وقواعد البيانات وغيرها
مش يقولوا ممتعين اكثر وفلوس اكثر؟
----

- تبرع لإستمرار عمل بوت صارحني 🎁

في مسمى وظيفي جديد قعد منتشر بكثرة في الشركات حالياً واللي هوا Design Engineer (مهندس تصميم)
من الإسم يعني يكون اتنين في واحد مصمم تجربة مستخدم ومطور برمجيات

حني في عصرنا هذا من العوامل الرئيسية في أي سوفتوير بيش يكون منافس أنه يكون عالي الجودة ومصمم بعناية بحيث يفوق التوقعات.

المطور بس غالباً مش حتلقاه يركز في كل شي في التصميم ويديروه نفسه بالزبط ولو خدم بروحه حيكون بتصميم اعتيادي الا لو استعان بقوالب جاهزة بتصميم مليح، واكيدة مارة عليك الصورة هادي اللي توضح نفس المعاناة انه غالباً الشغل النهائي من المطور مايجيش نفس التصميم بالزبط، ف هنا يجي دور مهندس التصميم الليي يقدر يرسملك الحصان كله اللي في الصورة 😉 واللي حنزيدوا نتكلموا عليه في تكملة البوست هذا

مهندس التصميم لأنه عنده خبرة في التصميم وأيضاً التطوير ف تلقاه خاش أكثر في الحاجات اللي ليها علاقة بالتصميم مش زي مطور الفرونت اند اللي مش متعلم التصميم ممكن كل اللي يقدر يديره سوفتوير بتصميم اعتيادي لو حيخدم بروحه ومش دائماً حيركز على أنه التصميم حينخدم على أكمل وجه بالذات من ناحية المظهر.

مهندس التصميم ممكن يكون عنده مهارات زي:
- في التنفيذ حيتأكد بأنه كل شيء مش بس وظيفياً كويس وانما حتى من ناحية جمالية (يسموا فيها الحاجة هادي Polishing the UI)

- يقدر يدير أنيميشنز سواء كتصميم أو كود ويركز على كل النقاط التفاعلية في التصميم

- يقدر يدير تصاميم تكون مش بس تجربة استخدامها كويسة وانما حتى قابلة للتنفيذ

- يقدر يدير تجارب استخدام تفاعلية مميزة وجذابة (هنا نقصد بال creative coding)

- يقدر يدير بروتوتايب مش بس بآداة التصميم وانما حتى بالكود لو في حاجة تتطلب شيء زي هكي وتكون أسرع من أنه يصممها وبعدها يطورها

- يقدر يخدم بشكل أفضل على نظام تصميم من ناحية التفكير المنطقي في القرارات التصميمية أو سهولة التعامل مع المطورين بحكم هوا مطور أيضاً.

---
للعلم في قبل أسماء تانية للوظيفة هادي زي Full-stack designer و UX Engineer وبالذات الثاني يستعملوا فيه لتوا عادي ف لما تلقاه يعني هوا نفسه مش شيء تاني.

لكن المسمى هذا مولي ترند هلبا في مجتمع المصممين والباين أنه هذا حيعتمد بالرسمي في هلبا شركات القدام.

شركات زي أوبر و github و vercel و linear و snap وغيرهم يستعملوا فيه حالياً لما يبوا النوع هذا من المصممين

---
لو تبي تطلع أكثر على الوظيفة هادي تقدر تقرا المقال هذا

⁣💌 وصلتك رسالة جديدة
⏱ وقت الرسالة: 2024/10/08 - 09:52:09 PM
----
شن خططك المستقبلية القريبة والبعيدة
ناوي تكمل ماستر تسافر تتزوج الخ الخ
----

- تبرع لإستمرار عمل بوت صارحني 🎁

نتزوج👀
😂😂😂 دا رقم واحد أصلا
ماستر لا
خطط حاليا نفهم مجالي أكثر

⁣💌 وصلتك رسالة جديدة
⏱ وقت الرسالة: 2024/10/08 - 10:28:06 PM
----
مزال في حد يفكر ف الزواج ف الغلاء توا 🤣 👀
----

- تبرع لإستمرار عمل بوت صارحني 🎁

لحظات و نرد عليك

هو شوف يا معلم في سنن حياتية لا مفر منها جايها جايها، هذا لو أنت صاحب فطرة سليمة، تتأخر تتقدم هذا بعدين للظروف، فا فكرت أنه في حد يبي الزواج أي الأغلب لو مش كل الشباب إلي نعرفهم يبو يتزوجوا و يسعوا بكل الطرق، و لكن كونه الزواج مكلف بسبب حاجات أساسية زي المسكن أو زايدة زي العرس و المصاريف الزايدة إلي فيه فهذا يرجع لكل شخص و سياق القصة متعه في ناس تزوجت إيجار و بتكاليف بسيطة و توا بحوشهم و حياتهم مستقرة و في ناس صرفت و كلفت و مش ماشية الدنيا معاهم، و في النموذجين في العكس، و في الأخير كل زوجين شن يشوفوا مناسب ليهم.

⁣💌 وصلتك رسالة جديدة
⏱ وقت الرسالة: 2024/10/09 - 01:20:53 AM
----
كلام سليم ومنطقي
لكن مفيش ضمانات إن الطرف الاخر يكون متعاون معاك ومقدر الشي هذا
وخطوة زي الزواج ما يقدرش الواحد يجازف فيها ويستعجل وأموره المادية مش مستقرة انت المسؤول ومفيش حد بيرحمك ولا بتعاطف معاك
في نظري تتأخر شوية وتنظم أمور الاساسيات زي ما قلت وأهمها مسكن ملك خاص بيك ومصدر دخل ثابت أفضل من الاستعجال
----

- تبرع لإستمرار عمل بوت صارحني 🎁

هذا حسب المفهوم الدنيوي المادي للأشياء، و قال الله تعالى : (وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمْ اللَّهُ مِنْ فَضْلِهِ).

ولو بتجي بتحسبها برضو بشكل دنيوي👀، المتضرر الوحيد حني كشباب ذكور و إناث، من تأخر في الزواج للفروق العمرية الغريبة إلي تصير، إلي صنع فجوة غريبة من العنوسة، و الشي هذا تقدر تلمسه في المجتمع متعنا، خاصة مع جيل 90 لأنه شبابهم مزال او تأخر في تكوين نفسه بسبب الظروف الاقتصادية، و عمك الراجل لما بيتزوج يمشي ياخذها بفارق عمري كبير بحجة أنه إلي من جيله كبرو وهوا تعب و يستاهل أحسن شي🙂، و في العالم الناس معش قادرة تملك شي غير حني بنهبلوا و نطالبوا بأشياء مش واقعية جدا، فا قصة أنه لازم هاذي مش ضرورية نهائي و زي ما قلت كل زوجين يشوفوا شن يناسبهم.

قصدي شن المنطق من أنه سن التكليف و البلوغ متعك 14/15 كولد و 12/13 كبنت و تتزوج عمرك 25 هذا لو حالك باهي لأنه الفعلي 27/30 ، لا هوا نفسيا كويس و لا دينيا أفضل لك و أعف.

و يظل هذا رأي و مجرد كلام، لأنه أنا واحد من الناس مش حنتزوج إلا و عندي سكن ملك.