My kind - Alessia Cara
Cover By :kamzz
💞

عجبتكم

نبرع في وصف الألم ، نتفنن في سرد صوره ، و نتمعن في أشكاله
وديننا دين شفاء و أمل
#مفارقات

الرد المتأخر والبرود ف الرد والاستفزاز والمجاملات الاوفر تخليك أكره شخص عندي ولوو كنت أفضلهم !🌚

#نهى البوسيفي

جاني شخص وقالي راه في شخص دافع عليك وسكتهم اللي يتكلموو عليك بالغلط كلهم لدرجه لين جي حد بيدوي قالوله أسس راه مايرضاش فيها . ...

وقت جيت وحكيتله ع الكلام هل انه مزبوط ولا لا؟ قالي عيب عليك ف ظهرك سند ليك اني وماحد يقدر يوصل فيك 💙

بينما جاني شخص تاني اليوم قالي راه فلان دوي عليك وقال وقال اهوو قتلك راه مش تقولي ماقالتليش !!

حسيت ان لين يحكي أنه فخور أن جاي يعاودلي ف الموقف باش يكسب حبي ونشكره ؛لاكن مادرتش اي رد فعل وسكتت ف هوا زي اللي زعل من رد فعلي

سكتت وقتله ع الموقف الاول ونهيت كلامي معاه
قتله: الاول يحبني ويدافع عليا لان فعلا يعزني ومايرضاش فيا اما انت تبي تكسب ثقه ف هيي خودهاا هدية مني ليك ومعاش تعاود الدوة بااهي 😒


#نهى البوسيفي

حبك خلاني نتغير 180 درجة
خلاني نبتسم أول مانوض من النوم
خلاني نهتم بصحتي ع خاطرك
خلاني نبعد ع اي شي يضايقني لان عارفه لو اضايقت ح تضايق أضعافي
خلاني نحب الحياة لان انت فيها
خلاني ندوي عليك بالباهي ديمااا
تتوقع لو جي بيناتنا زعل ح ننسئ هذا كله ؟؟
راه مش أني اللي تهون عليا الايام الحلوة والضحك والسهر والاهتمام ع أبسط غلطه منك نبعد عليك راه
تحملتني وفرحتني وع قد الايام الحلوه ح ننسئ كل مُر جاني منك غير تعالئ وقولي نبيك بس💙


#نهى_البوسيفي

أنتِ القمر و أنا سماء الليل ،
لايكتمل حسنهما إلا بجتماعهما 🖤
#غزل

كتبو في العشق اربعين قاعدة واعتبروها أساسية.
أما أنا فكتبت قاعدة واحدة و هي أزلية .
تقول:
إذا كانت أمازيغية ف أحبها و أعرض عن البقية .
#اعتراف

عندما أكبر لا أريد أن أصاب بالزهايمر؟!
فقط لأنني أريد أن أتذكر أولئك الناس الذين تركوا بصمة في حياتي غيرُ روحي وقعوا في قلبي .
يارب سأكون أنانياً !
أريدك أن تجمعني بهم في جنتك علي سرُورِكَ نُسبحك و نذْكُرك في نعيمك يالله .
#مجرد_طلب
#دعاء
#اعتراف

يارب لا أريد في الدنيا شيئا غير رفقتها،
ولا في الأخرة شيئا سوا جوارها .
#دعاء
#مجرد_طلب

مرة فترة عليا ف الكليه نشوف في بنوته قنينه ونازكه هلبااا كانت ديما لبسها حلوو ومهتمه بنفسهاا وبعدها بفترة شفتهاا لقيت الدبله ف صبعها اليسار ،سبحان الله قداش فرحتلها تقول نعرفها ع الرغم ان اللي بينا مايتعداش أبتسامات من البعيد وبس
حصيلوو اليوم جت القعدة جنبها وهدرزت معاها وهكي وانصدمت ف أنها اطلقت !!
هو صح وجعتني صغيره ومطلقه وهكي لاكن عجبتني فيها كيف ولا كانها مرت بتجربة فاشله ولا حتي متغيرة خارجيا " ع الرغم من نفسيتها المتأزمة الا أنها قوية وصابرة وعايشه حياتها ولا كانها مطلقة تتكلم وهيا واثقه من نفسها انها حاولت تصحح هلبا حاجات غلط لاكن لا الوضع ولا المكان ولا العقليه ساعدتها انها تتأقلم وباش ماتخسرش نفسها وتتغير ع خاطر شخص مش راضي يغير ربع تفكيره ع خاطرها قررت الطلاق...


حلوو الشخص اللي مايضعفش من أول تجربه فاشله
وحلووه الثقه بالنفس لما تبدي مش أنتِ الغالطه وتصرّي أنك تكملي حياتك بروتينك الطبيعي
حلووه البنت القوية اللي مايهزهاش راجل ولا يكسرها ويحطمها بكلمه من اربع حروف
الطلاق مش لعبه صح وابغض الحلال بس لو شريك حياتك جي ع كرامتك وهانك وماكانش السند والظهر بلاش منه وحنقعد نؤمن ان "سندي وظهري أهلي وشهادتي وخدمتي"
خليك ديماا كامله وعمرك ماتفكري ان راجل حيكملك ولا ينقص منك شي وعيشي لنفسك ولسعادتك وبس 💙💫
#نهى_البوسيفي

لم أعد أستطيع تحمل هذا العالم !
أون العام لم يعد يستطيع تحملي⁦ !؟
فقط أريد أن أعرف نهاية طريقي ، أو بالأحرى أريدها أن تنتهي وحسب .
أنا في العقد الثاني من عمري و لم أعد استطيع تحمل هذا الكم من الذكريات .
الذكريات الجميلة طبعا!
أعياد الميلاد الرائعة، الأصدقاء الجيدون، الزملاء الوادودون ، الحفلات الصاخبة، الرحلات العائلية التي تكتب بماء الذهب.
هاااااا ( صراخ )!
أنا فقط أريد الرحيل .
ها هل طلبي صعب ! ، قولوا لي ؟!
#لم_يكتب
#لم_ينشر
#لم_يقراء
#قابل_للفك_و_غير_قابل_للتركيب

غنيته هدية للونيتونزز🥺❤️❤️لين❤️

الأكبر من أنك تغلط في حق شخص
هو أنك تغلط ف حق نفسك
وقت تغلط ف حق اي حد تقدر تمشي تتأسفله وتحاول تراضيه وح تلقاه متجاوب معاك "لو يعزك"
اما نفسك ع قد ماتبررلها وتحاول تقنع نفسك تلقى روحك كاره روحك كيف هانت عليك نفسك وكأنك تبريت من روحك وزعلت من روحك وتعالى حلهاا كيف تراضيها 🔥


#نهى_البوسيفي

إنتشال من تحت الأنقاض!
كل يوم وأنا أعود إلي بؤس الحياة ، أحاول النهوض، وكأنني أصارع جثث مرمية فوقي ، كل يوم اشتم رائحة المنتنه، و اشعر بإفرازات تعفنها الدبقة، كل يوم نفس الجثث ونفس الوجوه ،في بعض الأحيان تتغير ، ولكن دائما جثث .
#إنتشال
#قابل_للفك_و_غير_قابل_للتركيب

ليضع كل منا حاجزا عند حدود عمله و أحلامه و أمنياته
#يمكنك_استخدامها

عندما نرى غيوم داكنة أو سوداء، ليس بالضرورة أن يكون شعورنا اتجاهها هو البغض، فقط لأنها داكنة أو سوداء.
فليس كل الغيوم الداكنة أو السوداء تطفح برغوة أحزاننا علي السطح .
فهناك غيوم داكنة أو سوداء تمطرنا إما برحمة و خشية وسكينة فتطهر أرواحنا،
أو تمطرنا ببهجة وفرح فتغدوا حقول أحزاننا الجافة و يأسنا المصفر ، إلي جنات من السعادة الغامرة.
لهذا أعيد و أكرر ليس كل الغيوم الداكنة أو السوداء مصدر للحزن .
#غيوم_داكنة_أو_سوداء