Щас че?

У кого не получаются гортанные звуки, пробуйте эти упражнения по нескольку раз в день, и вы увидите результат

Не менее актуально для даргинского языка. В даргинском тоже почти все звуки эти присутствуют, городские даргинцы не могут их произносить. Упражняйтесь, само не придет это

Или лучше переделать это же видео на даргинский алфавит?

Upd: попозже переделаю, залью

Хабар на мекегинском

Алхунте гIяхIгъубзнела
Гъубзадеш сегъунтерел,
ХIярхIялиана балуй
Челра урхIергар цархIил.

Дила ада Дузабдихайни дизе муртрел сунела адани сунезе бурибил хабар буруле уриб. Буруй хабарлизебил анцIбукь дила хвала адачал, сунела адачал кабикибилре саби. Хабар ишгъуна саби…
Уиле сай дила хвала ада. Сунела гIемрулизеб бузахъуй санигIят хIясибле ил дяднучIа уиле сай. Кудил шилизер яра магьилизер мекъ – сухIбат даллера, шадлихъла бегIтани ил чучу арикуле уиле сай. Илкьяйдале, жагьилхIелел урибил дяднучIа сайлену дила хвала адала хабардерхурле дуиле сари. Ахирра, дубурла ца пулан шилизев хабарла дяднучIа левнила хабар баиле саби имам Шамилличу. Шамилли, вахъхIе пикрихIевкIуле, сунела марте нукертаке баягъи дяднучIа варґахъес ва ил къалабагъале сунечу кахъес буйрукъбаркьиле саби. Нукертани дила хвала ада варги‌ле сай ва варгьанаке Шамилличу киле сай. Хвала адани бяхъибил дядла макьам имам Шамиллис цIакьле гIяхIбизурле саби ва илини дила хвала адазе сунечув калъахъес тиладибаркьиле сай. Хвала ада кьабул икиле сай. Цакамил заманала гIярагъа балле Шамилли дила хвала ада сунела гIяхIгъубза гIяскарлис дяднучIа варкьиле сай. ШалгIеббухъулере замана – гIяркьулере бурхIне, бузре. ГIяхIле разиле уиле сай дила хвала адаке Шамил. Хвала адас Шамилра игахъуле уиле сай. Амма, сепайда, цацахIеле цIакьле вайетIа гьимурґуле, гIясиуруле уиле сай дила хвала адаке Шамил. Илис сабаб балле ишгъунаре.
ЦацахIеле, хаслера бегIлара дергъ бемжурил, гьужумлике гIяхIгъубзне дуцIбухъунил манзилизеб дила хвала адани хапле дядла тIама кIачIиуле калъиб. Гьачамалра, бегIлара хIяжатил замана, вайбаркьлисъан дядла макьам кIачIаибхIеле, таманле сабурлизевада ухъунил Шамил илике левгIевал кьяркьле кевхъва сай.
- Сен хIу бегIлара гьужумла замана дядла макьам кIачIиуйре? Сен илкьяйдале вашукIулере хIу? Эгер ламртдеш баркьес кьасбаркьалле, хIу нуни хIябтIергаьлике кевяхIкайхъуре! Кьурумсакь! Хъярхъле жаваб биха!
Шамилли махсурта угьуле хIейъни кIуйна – кIвел авъал дурниликеб гIячихъле балуй дила хвала ада Шамилла гьала бекIра ахъбуциле саби кайзурле сай ва илила хIулбазе хIулбе хIердукIуле жаваб бедиле сай.
- Душмантани ибубте хIярхIуба бухIнала бирцIуле, дяд гьалабиркуле саби. ХIярхIубазебада бухIнала бацIбаркьес багьандан камил заманалис дядла макьам къябаэс кIачIаэс кибиркуле саби. ХIу каверхе, хIела кевяхIдеш…
Илгъунаре дила хвала адани кевяхIил имамлис бедибил жаваб.
Дубуртазеб ишберира дила жавлел ебкIибил хвала адакела халкьли ишгъуна далай бучIуле бурар:

Дяд хIярхIуба бицIайке
Къугъай макьам кIачIхIейуй,
Дяд бицIибте хIярхIубе
Уфдаркьиле дурайуй.