Өз кемшіліктеріңмен күресу өте қиын, сол үшін адамдар өзгенікімен күреседі…

5 сағат уақыттың қадірі

Жұмыстан 18:00-де шықтың делік. Егер Алматыда тұрсаң әрі үйің қаланың шетінде орналасса, онда шамамен 2 сағатың жолда өтеді. Осы уақытта жұмыстан шаршадым деп көңіл көтеретін дүние қарауың мүмкін. Сөйтіп, үйге 20:00-де келіп, 21:00-ге дейін реттеліп, тамақ ішесің. Әрі қарай төсегіңе жайғасып, 24:00-ге дейін тағы да желіде отырасың. Сонда сенің жұмыстан кейінгі 5 сағатың «қызық» көрумен өте шығады. Егер осылай жалғаса берсе, онда алдағы 10 жылыңның тұтас 2 жылы (!!) құр контент тұтынуға жұмсалады екен.

Өмірімді өзгерткен әрекет

30-маусымда телефонымды техника дүкеніне өткізіп тастадым. Өйткені өмірімді реттеуге нақты бір әрекет керек болды. Ол үшін «заманауи зуһдты» ұстануды жөн көрдім:) Сөйтіп, орнына iPhone’ның ескі нұсқасын сатып алдым. Оның ерекшелігі 64 ГБ-тық жады көлемінде еді. Ал бұл ендігәрі миллион фотоны сақтау, мың қырық қосымша жүктеу дегенді тыюды білдірді. Расымен де, мен осы ұялы телефонымды алғалы бері тек қажет қолданбаларды пайдаландым. Әлі күнге дейін менде YouTube, TikTok, Instagram және Threads бағдарламалары орнатылмаған. Қатты керек болса браузер арқылы кіруге болады. Дегенмен ол іске де шектеу керек екенін түсіндім. Менің продуктивті кезеңім шілде мен қараша айларының аралығында орын алды. Осы уақытта мен негізгі жұмысымнан бөлек, бұрын идеясын ғана түртіп қойған жеке проектілерімді бастадым. Уақытымның өте көп екенін аңғардым. Алайда соңғы екі айда жүйемнен сәл ауытқып, өзіме жеңіл қарап кетіппін. Дей тұрғанмен, бұл өмір сүру салты менің көңілімнен мүлде шықпады. Сол үшін қайтадан digital detox’қа көштім. Негізі осы тақырыпта күшті бір жоба жасау ойда бар.

«Атом әдеттер» кітабының авторы – Джеймс Клир инстаграмға тек пост салу үшін кіреді екен. Алайда өз нәпсісін жақсы білгені себепті көмекшілеріне: «Әр кіріп болған сайын паролін ауыстырып отырыңдар», – дейтін көрінеді. Бұл ісі арқылы ол әлеуметтік желіге кіру мүмкіндігін едәуір шектейді.

– Қыздардың боқтауынан да жиіркенішті не нәрсе?
– Ерлердің дайын асты жамандауы.

Мүмін қайтыс болғанда ең көп жылайтын – шайтан. Өйткені оны бұл дүниеде азғыра алмай кеткені үшін қатты қайғырады.

📚 Мәкәид әш-шайтан

«Когда вас просят продемонстрировать свои знания вне вашей головы, вы понимаете, что знали гораздо меньше, чем думали».

Бұл екі өлең де «Кел, балалар, оқылық!» деп аталады. Сол жақта Ыбырай Алтынсариннің нұсқасы, ал оң жақта Кашафуддин ибн Шаһмардан атты башқұрт ғалымының қазақ тілінде жазған өлеңі. Екеуі де шығармасын Құдайдың бір, дара екенімен бастап тұр.

Қазақ әдебиетінде «кітаби ақындар» дейтін жеке категорияда қарастырылатын тұлғалар бар. Олар басқа ақындардан діни танымының жоғары болуымен ерекшеленсе, өзге діни қызметкерлерден өлең жаза алуымен айрықша болған.

«KITAPSHOLU» жобамыздың екінші маусымы басталды. Бірінші шығарылымда шолу жасалған кітаптар:

1) «Қара жел»
Бекежан Тілегенов
Баяндаушы: Barqytbell

2) «Менің атым Қожа»
Бердібек Соқпақбаев
Баяндаушы: Жаһанбике

3) «Оң қол»
Төлен Әбдік
Баяндаушы: Бүрлен

Шығарылым серіктесі:
Qasymkitap