Міне, осы жүйені ұстану керек:
1) ғылыми айналымға енгізетін академиялық еңбек жазу;
2) қарапайым халыққа арналған қызықты шығарма ұсыну.

Pew Research Center ұсынған әртүрлі буын өкілдерінің схемасы

Кей жақындарыңның саған қатысты сыны аяқтан шалу үшін емес, керісінше, аяққа нық тұруың үшін айтылады.

Жаңа мешіттердің ашылғанын көргенде: «Одан да аурухана салмайсыңдар ма?» дей беретін кісілерге шынымен де жеке бір аурухана салып беру керек секілді...

📚 «Кітап сияқты кітап»

ҚАБЫЛ МЕН ӘБІЛ

Қабыл бауыры — Әбілді өзінің бір құрсақтан шыққан қарындасын қызғанғаны үшін ғана өлтірген жоқ. Оның бұл әрекетінің себебі тереңде жатыр. Ғалымдардың айтуынша, ондағы мотивтердің бірі — Қабылдың өз туған жерін жоғары санап, сонымен тәкаппарлық қылуы еді. Өйткені бір көзқарас бойынша, Қабыл мен оның егіз қарындасы жәннатта дүниеге келген. Ал Әбіл мен оның сыңары жерге түскен соң туған. Сондықтан Қабыл жұмақ пен жер тумасының жұп болуын ар санады.

Жылдар бойы көлденең кезген кір көшең дәл сен басқа қалаға қоныс аударған соң гүлденіп шыға келетіні қызық иә? Пәлен жыл білім берген ескі мектебің дәл сен универге кеткен жылы жөндеу жұмыстарын жүргізуші еді ғой. Енді осының бәріне қарап, мынандай бір идея пайда болды: Бәлкім, біз баршамыз сәл ғана уақыт шет елге кетіп қалсақ ше? Біз жоқта бәрі реттеліп, қайта келіп алатын:)

Higgsfield AI – Қазақстанда 1 млрд долларға бағаланған алғашқы стартап. Оның бұл жетістігінің бірнеше сыры бар, солардың бірі: жаһандық мақсат қою және соған жету жолындағы қызметкерлердің күн-түн демей жұмыс істеуі. Негізі мақсат айқын болса, ұйқы да азаяды екен.

Oxford University Press жыл сөзі деп «rage bait» тіркесін бекітті. Аталмыш термин әдейі ашу тудырушы, арандатушы, кей кезде қорлаушы онлайн-контент түрін білдіреді. Ондағы негізгі мақсат — аудитория жинау, трафик арттыру. Соңғы жылда рейджбейттің қолданылуы үш есе өсіпті.

Жәннат тұрғындарының әрқайсысында мың қызметші болатыны туралы хадистер бар. Негізінен, жұмақта қызметке деген қажеттілік жоқ. Өйткені жәннатилер не қаласа, сол нәрсе бірден орын алады. Дегенмен ондағы қызметшілердің болуы — олардың көл-көсір нығметке бөленетінінің белгісі.

📚 Қуртуби тәпсірі

М – Мотивация

Өз ісінің маманы болуға ұмтылып, болашағын жарқын қылуға талпынатын; нәпсісіне құлақ аспай, биік мақсат қойып, руханиятына көңіл бөлетін; салиқалы достарымен тұлғалық даму тақырыбын талқылайтын кітапқұмар, көзі ашық жас жеткіншектер! Мен сендердің фанаттарыңмын!

Есімдікпен сыйласқаннан не пайда, егер етістігіңде сый-құрметің көрінбесе?

📚 «Кітап сияқты кітап»

Егер «Абай жолы» мұқабасын біз жасасақ, шамамен осылай болар еді. Қалай екен?

Өз кемшіліктеріңмен күресу өте қиын, сол үшін адамдар өзгенікімен күреседі…

5 сағат уақыттың қадірі

Жұмыстан 18:00-де шықтың делік. Егер Алматыда тұрсаң әрі үйің қаланың шетінде орналасса, онда шамамен 2 сағатың жолда өтеді. Осы уақытта жұмыстан шаршадым деп көңіл көтеретін дүние қарауың мүмкін. Сөйтіп, үйге 20:00-де келіп, 21:00-ге дейін реттеліп, тамақ ішесің. Әрі қарай төсегіңе жайғасып, 24:00-ге дейін тағы да желіде отырасың. Сонда сенің жұмыстан кейінгі 5 сағатың «қызық» көрумен өте шығады. Егер осылай жалғаса берсе, онда алдағы 10 жылыңның тұтас 2 жылы (!!) құр контент тұтынуға жұмсалады екен.