Бұл — британ жазушысы Аллен Карр. Ол өзінің «Темекі шегуді тоқтатудың оңай жолы» деген еңбегімен танымал. Бұдан өзге де адамды тәуелді әдеттерінен (ішімдік, қарыз, артық салмақ) арылтуға арналған шығармалары жетерлік.

Солардың бірінде автор былай дейді: «Шылым шегушілер темекінің жеңілдік сыйлайтыны жайлы жалған иллюзияға тап болуда. Негізінен, ол керісінше әсер береді. Темекі тек абстиненциялық синдромнан туындайтын ауыртпалықты уақытша және ішінара ғана баса алады. Ал шылым шекпейтін адамда ондай сезім онсыз да болмайды. Былайша айтқанда, темекі шегу — тар аяқ киімді кию арқылы саусақтарына жасанды ауыртпалық орнатып, оны шешкеннен кейінгі ләззатты сезіну сияқты».

ДІНДІ ӘЖУАЛАУ

«Дінді әжуа қылу — қалай іске асса да, күпірлік. Өйткені әжуалау жеңілтек қатынасты білдіреді. Ал иманның негізгі тірегі — Алланы барынша ұлықтау. Сондықтан бұл екеуінің (әжуалау мен ұлықтау) бір жерге жиналуы — мүмкін емес нәрсе».

©️ Фахруддин әр-Рази
(Алла рақым қылсын)

📚 «Әз-әзіл»

«Адамдар кітапқа ұқсайды: кейбірі мұқабасымен алдайды, кейбірі мазмұнымен таңғалдырады».

©️ Жақсыбай аға
(Ali-Press баспагері)

Тіл және этнография энциклопедияларында «қария» сөзіне үшбундай анықтама берілген: «Қария — көргені мен білгені көп, жасы үлкен қарт адам».

Яғни қария аталу үшін тек егде жаста болу жеткіліксіз — көргенің мен білгенің көп болмақ керек (естігенің мен жорамалдағаның емес). Бұ тұста мынадай тұжырым шығады: ақыл-кеңес кез-келген қарт адамнан алына бермейді. Өйткені небір жәһіл жандар да қартаяды, тіпті сіз бен біз де:)

Жарандар, оқыңыз «ғилмул-лисән»,
Оқысаңыз, білерсіз мағына Құран.
Құранның мағынасын білмейінше,
Қалайша болады амал қылған?

©️Кашшафуддин ибн Шаһмардан

*** «Ғилмул-лисән» — тіл ғылымы

«Я олимпийский чемпион по откладыванию дел в долгий ящик. Я могу откладывать размышления даже о моей проблеме с откладыванием. Я могу откладывать решение моей проблемы с откладыванием, бесконечно размышляя о моей проблеме с откладыванием».

© Роберт Макки:)

— Осы сендер арабтарды асқақтата бергенше, өз өлкелеріңнің қаламгерлерін неге қолдамайсыңдар?
— Аға-ау, біз Әбу Насыр әл-Фарабидің трактатын, Хусамуддин әс-Сығанақидің ақида еңбегін, Қауамаддин әл-Итқани мен Баһауддин әл-Испижабидің фиқһ кітабын зерттеп жүрміз ғой.

* Фараб — Отырар аймағының маңы;
* Сығанақ — Жаңақорған тұсы;
* Итқан — Түркістан қаласының жаны;
* Испижаб — Сайрам ауданы.

«Білгенге қиын емес кету байып»

©️ Міржақып Дулатұлы

«1562 жылғы картаның бір фрагментінде біз дәстүрлі кимешек киген қазақ әйелін көреміз. Ол киіз үйлердің (картада шатыр түрінде берілген) қасында сәбиін емізіп отыр, ал жанында сәл ересектеу баласы тұр. Тағы бір суретте қазақ мұсылмандардың қалай намаз оқитыны бейнеленген».

©️Мұхит-Ардагер Сыдықназаров,
ЕҰУ Заманауи зерттеулер ғылыми институтының директоры.

«У большинства из нас есть две жизни: первая – наша собственная повседневная , а вторая – та, которую мы могли бы прожить совсем иначе».

©️ Стивен Прессфилд

Уағыздың маңыздылығы жайлы жақсы айтылды. Уағыз адамға ауадай керек. Адамның рухы әрдайым пайдалы инсайт, ғылыми дәйек сұрай бермейді. Шейх Нуруддин Итр айтпақшы: “Уағыздың басты күші – эмоция”. Адамға эмоция, қуаныш, қорқыныш сыйлайтын уағыз қажет.

Халыққа уағыз айтқанша ғылым айтыңдар деп сөйлеп жүргендер де баршылық. Арасында исламтанушылар да бар. Ғылымның “ғ” әрпін енді түсіне бастап, уағызға қабағы тыжыраятын ғалымсымақ болуды қою керек. Сен де сол уағызды тыңдап дінге қызықтың, дінді зерттей бастадың. Енді келіп көзіңді шел баса бастады. Басқаларға жоғары қарап, өзіңді ғалым санатына жатқыза бастадың. Қызықсың бейби.

#әңгіме_болсын_деп

«Не считайте свои неудачи бесполезной тратой времени и энергии. Часто неудача может открыть новые возможности или привести к важным открытиям».

📚 365 дней самодисциплины

Лингвистер «туу» сөзін ырықсыз етісте қолдану — орыс тілінен енген калька дейді. Сонда «туылған күн» емес, «туған күн» деп айту дұрыс.

Бірақ осы тұста мынадай сұрақ туындайды: «لم يلد ولم يولد» аятын қалай аударамыз?

Филолог Назгүл Қожабек оған мынадай аударма ұсынады: «Ол ешкімнен тумаған, Одан ешкім туған жоқ».

* «Туылды» деген нұсқаны да қолданатын филолог ғалымдар бар

Мешіттегі қытай жігіт

Сағат 10:00. Жұмыс орныма жетіп қалдым. Бірақ есік құлыптаулы екен. Демалыс. Содан мешітке барып, өз істерімді атқаруды шештім. Алматы Орталық мешіті маңында әдеттегідей шетел азаматтары өріп жүр. Арасындағы батылдаулары мешіт ішіне кіріп, Алла үйін тамсана суретке түсіруде. Кейін тым батыл біреуі менің жаныма келіп, мұсылманша сәлем берді. Мен де үйреншікті халде «уағалейкум ассалам» деп жіберіппін. «Тек мұсылмандарға ғана солай айтушы еді ғой» деп өз-өзімді жей бастағаным сол еді, әлгі Қытай азаматы мұсылман болып шықты! Қатты қуандым. Жас жігіттен бірден қай қаладан екенін сұрай жөнелдім. Гуанжчоудан екен. Өзім осы жақта, діни салада жұмыс істейтінімді айттым. Ол да қуанып қалды. Кенет жақындары шақырып, шұғыл кетуге мәжбүр екенін айтты. Сөйтіп, қоштастық. Мұсылманша «Әссәләм алейкум» деп қоштастық! Бауырымның аты-жөнін, әлеуметтік желідегі аккаунтын да сұрап үлгермегеніме қапалы боп қалдым…

«Алланың үйінде қытай мен қазақ ағылшынша тілдесті» деген «құбылыстың» өзі қызық естіледі ғой иә?)

Зерттеулер көрсеткендей, жаңа әдетті қалыптастыруға 18 күннен бастап, 254 күнге дейінгі уақыт аралығы керек екен. Сонда орта көрсеткіш бойынша жаңа әдеттің орнығуына 21 емес, 66 күн қажет.

📚 365 дней самодисциплины

«Природная лень побуждает человека избегать авторов, которые требуют постоянного напряжения ума. Поэтому первой задачей образования должен стать решительный отказ от питания ума консервированной болтовней».

©️Алистер Кроули

«Бойындағы теріс әдеттерін өзгертпеген адам өзін азат санаса да, нәпсісінің тұтқыны болып қала бермек».

©️ Абдулкарим Баккар

Мен үшін идеал кітап адамдарды толғандыратын тақырыпта жазылуы керек. Сондай-ақ онда дәлелі бар мағлұматтар болуы ләзім. Нақты қай беттен алынғаны көрсетілсе де жөн болар еді, бірақ оны шарт деп есептемеймін. Тек соңына «Пайдаланылған әдебиеттер» бөліміне кітаптың атауын, баспасы мен жылын жазып кетсе, «нағыз кітап» деп есептеледі. Сондай-ақ құрғақ фактілерді келтіре бермей, арасында қызықты оқиғалар, қиссалар, кейс-стадилер ұсынылса, нұр үстіне нұр болады. Олардан шығатын тұжырымдар да қамтылса, автордың жеке ойын білуге мүмкіндік туар еді. Әйтпесе әртүрлі кітаптардан қазақ тіліне көшірілген аударма ғана болып қалу ықтималы бар. Сосын әр тараудың басына я соңына тақырыпқа сәйкес цитаталар берілсе, мүлде «ғажайыптар маусымы» деп бағалар едім. Кіріспе мен қорытындының өзін «жай ғана толтырылуы керек» бөлім емес, автордың шеберлігі көрсетілетін алаң деп білем.

Өзіміз 2023-тің соңында «Орамал мен қазақ» деген кітап жазып көрдік. Жоғарыдағы «шарттар» осы еңбекте сәл-пәл көрініс табатын секілді. Дегенмен әлі де толықтыруларды қажет етеді. Кей жерінде тым адуын кетіп қалғанымызды байқадық. Қосатын, жаңалайтын жерлері көп.

Ал одан кейінгі «Береке», «Таң намазына тұрудың жолдары», «Диплом жазу», «Нұрлы хат» деген еңбектерімізді «кітап» деп есептемеймін. Олар — қысқа-нұсқа жазылған гайд шығармалар. Мақсат тез арада сол тақырыптарды халыққа оңай түрде жеткізу ғана болды. Ал егер жоғарыда айтылған қағидаларды қосар болсақ, оларды әжептәуір кітап болып қалар деп үміттенеміз.

«Сол күні тозақ келтіріледі де әрі сол күні адамзат түсінеді. Бірақ ол түсінуден оған не пайда?»

89:23