«Дене сырқаттанған сәтте тамақтан ләззат ала алмайтыны секілді, жүрек те күнәмен науқастанған кезінде құлшылықтың дәмін сезіне алмайды»

©️ Зун-Нун әл-Мысри
(Алла рақым етсін)

«Өткенде Қайрат Жолдыбайұлы ағам жазған постта бір қытайлық бизнесменнің айтқанын келтіріп еді: «Маған кейбір мұсылман кәсіпкерлер әлемдік танымал брендтердің копиясын жасап беруге тапсырыс береді. Сөйте тұра, тек халал асханаға апаруға өтініш жасайды. Менің түсінбейтінім, мұсылмандар астың адал-арамдығына мән бергендей, біреудің ақысын жеп-жемеуге неліктен мән бермейді екен?»

©️ Өркен Кенжебек

Бұрын үздік болған нұсқаңды аңсап жүрсең, сол кезеңде жасаған әдеттеріңе қайта орал.

«Көкірегің ояу болмаса да,
жабық болсыншы».

© Рамазан Фаилов

Егер өз-өзіңді сырттай жолықтырсаң, дос болғың
келер ме еді?

«У искусства есть два самых опасных врага: ремесленник, не озаренный талантом, и талант, не владеющий ремеслом».

© Анатоль Франс

Омар ибн Абдулазиз (Алла рақым етсін) бала кезінде жылап қалыпты. Анасы лезде бір адамды жіберіп: «Сені не жылатты?» - деп сұратқанда, ол: «Өлімді еске алып едім» - деп жауап қатыпты. Бұл оқиға Омардың Құранды толық жаттап болған сәтінде орын алған екен. Ұлының бұл сөздері анасына жеткенде, оның да жүрегі езіліп, көз жасына ерік беріпті.

📚 Сияр ағләм ән-нубәлә

Әр нәрсені «қазақтан шыққан», «қазаққа тиесілі» деп ұлттық манияға бой алдырған «ғалымдар» барда қазақ
ғылымы дамымайды.

«Егер біз қолымыздан келетін дүниенің бәрін істеп көрсек, өз-өзімізді танымастай өзгерер едік».

© Томас Эдисон

Оллаһи! Ант етемін Алла атымен,
Орыс тілін білемін һәм хатымен,
История, география пәнді білмей,
Оллаһи, тірі болып жүрмеспін мен.

Келгенше осыларды отыз жасқа,
Іншалла бәрін түгел ұғам басқа.
Отыз жасқа келгенше ұға алмасам,
Жер жұтсын, мәз болмаймын ішер асқа.

📚 Сұлтанмахмұт Торайғыровтың 21 жасында жігерленіп жазғаны.

Алла кейде саған өзің күтпеген, деңгейіңнен әлдеқайда биік ортаны нәсіп етеді. Мұндай сәтте бұл нығметке лайық болуға әрекет қыл. Берілген мүмкіндікті орнымен қолданып, ортаңа сай дәрежеге жетуге талпын. Өзіңді биіктен тапсаң, сол биікті иеленуге «құқылы» бол.

Біреудің еңбегіне қол сұғу

Соңғы кезде мені адам еңбегінің құқығы туралы ойлар толғандырып жүр. Яғни танымал еңбектерді тегін жүктеп алу, брендтердің арзан көшірмесін пайдалану деген мәселелерге сақтықпен қарайтын болдым. Неге? Өйткені олар әдетте өздерінің еңбекпен ойлап тапқан дүниесін тегін я арзан бағада пайдалануға келісімін бере қоймайды. Яғни бұл жерде біреудің ақысына кіру қаупі бар.

– Маған бір ағалық насихатыңызды айтыңызшы
– ең жақының болмаса, көрімдікті ешкімнен сұрама. Танымайтын біреулерден көрімдік сұрап сорлы, қазіргі тілмен айтсақ, “кринж” болма. Көрімдікті шын көңілден жақының өзі-ақ береді.

Әсіресе сторис, статус салып астына нөмеріңді жазып, көрімдік на каспи дейтіндердің қатарынан болма)

Мен үшін рухани бағыттағы ең қызық телеграм арналардың бірі — Записки имама. Блогты жүргізуші — Тимур Алиев (Алматы Орталық мешітінің имамы).

“Ілімнің басы - сөйлеуді доғарып, тыңдау, кейіннен - көкейге түймек үшін ден қоя құлақ түру, кейіннен - жаттау, кейіннен - білгенді амалға асыру, кейіннен - ел-жұрт білмек үшін білім жаю”.

©️Суфиян әс-Сәури.

Абайдың өз қолтаңбасын танытатын қолжазба, өкінішке қарай, бізге жетпеген. Ақын шығармаларының әр жылдары басылған Академиялық толық жинағы, негізінен, Мүрсейіт Бікіұлының 1905 (1906), 1907 және 1910 жылдары көшірілген қолжазбалары бойынша дайындалған. Сондай-ақ әр жылдары көшірілген Сәдуақас Шорманов, Князь Худашев, Төлеу Түгелбайұлы, Шериаздан Марсеков, Турағұл Абайұлы (Ибрагимов), Ахат Шәкәрімұлы тарапынан араб графикасындағы қолжазбалардың да абайтану саласында алар орны ерекше.

📚 Т.Қыдыр. Құнды қолжазбалар. Egemen.kz.

АТАҚТЫ ӘЙНЕКШІ ҒАЛЫМ

«Мен әйнек өңдеумен айналысатын едім. Кейін араб тілін үйренгім келіп, мәшһүр ғалым Мубаррадтың шәкірті болуға талпындым. Алайда ол сабақты ақылы жүргізетін. Сөйтіп күніне 1,5 дирхам табатын нәпақамның 1 дирхамын ұстазыма беріп отырамын деп келістік. Тіпті «Бұл келісім біздің арамызды өлім ажыратқанға дейін жалғаса берсін» деген шарт та болды.

Кейін Убайдулла ибн Сүлейменнің ұлы Қасымға ұстаздық етіп, мол табысқа кенелдім. Одан: «Егер сен бір күні уәзір болсаң, маған не істер едің?», – деп сұрағанымда, ол: «Қалағаныңды», – деп жауап берді. Арада бірнеше жыл өткенде Қасым уәзір атанды, ал мен оның сарайдағы серігіне айналдым. Біршама уақыт ішінде маған 20 мың динар, кейін одан екі есе көп пайда түсті. Оның маған 3 мың динар табыс еткен сәттері де болды».

©️Зажжаж — араб тілі грамматикасының көрнекті өкілдерінің бірі.

💲20 мың динар — қазіргі алтын бағасымен есептегенде 2,4 млрд теңге.

📚 Марғұлан Сейсембай. Миссия выполнима. Технология счастливой жизни.

«Аз білген ғылымымның саясында
Милләтке қызмет ету ижтиһадым».

©️ Міржақып Дулатұлы

Бұл — британ жазушысы Аллен Карр. Ол өзінің «Темекі шегуді тоқтатудың оңай жолы» деген еңбегімен танымал. Бұдан өзге де адамды тәуелді әдеттерінен (ішімдік, қарыз, артық салмақ) арылтуға арналған шығармалары жетерлік.

Солардың бірінде автор былай дейді: «Шылым шегушілер темекінің жеңілдік сыйлайтыны жайлы жалған иллюзияға тап болуда. Негізінен, ол керісінше әсер береді. Темекі тек абстиненциялық синдромнан туындайтын ауыртпалықты уақытша және ішінара ғана баса алады. Ал шылым шекпейтін адамда ондай сезім онсыз да болмайды. Былайша айтқанда, темекі шегу — тар аяқ киімді кию арқылы саусақтарына жасанды ауыртпалық орнатып, оны шешкеннен кейінгі ләззатты сезіну сияқты».