«Адамның өз-өзіне деген құрмет көрсетуінің белгісі — төмен адамдармен араласпауы, өзіне лайық емес істерге кіріспеуі және жұрт сөккен нәрселерден бойын аулақ ұстауы».

— Имам Ғазали
(Алла рақымына бөлесін)

Еңбегім адал ма?

Егер жұмысыңның адал не күмәнді екенін білгің келсе, Алладан сол іске тауфиқ сұрап көр. Егер жүрегіңде жайлылық орнап, еш қысылмай дұға етсең, онда бұл — еңбегіңнің адал екенінің белгісі. Ал егер дұға етпек болып бастап, бірақ іштей қысылып, Алладан ол іске көмек беруін сұрауға ұялсаң, онда бұл істен күмән тапқаның. Себебі адам өзінің дұғасына харам мен күмәнді нәрселерді қоса алмайды.

«Қазақтың жаманшылыққа үйір бола беретұғынының бір себебі — жұмысының жоқтығы. Егер егін салса, я саудаға салынса, қолы тиер ме еді? Біреуден бір жылқының майын сұрап мініп, сөз аңдып, пайдасыз, жұмыссыз қаңғырып жүруге құмар. Адал еңбекке салынып алған кісі ондай жүрісті иттей қорлық көрмей ме?»

— Абай

«Мұсылмандық жөн-жоралғыларға сәйкес, қазақ әйелдері бөтен ер адаммен сөйлеспек түгілі, оның көзіне қарауды ар санайтын».

📚 Лысенко Ю. Степень исламизации казахского общества на рубеже XIX-XX вв.

«Қайсыбір құл тіленшілік есігін ашса, Алла оған міндетті түрде кедейлік есігін ашып береді».

— Алла елшісі صلى الله عليه وسلم

Nurbol Rakhmatilla жинақтаған жаңа кітаптың дизайнын жасап көрдік. Бұл еңбекте Арафа күнінің маңыздылығы және онда айтылатын дұға-тілектер топтамасы ұсынылған.

«Алдау қоспай адал еңбегін сатқан қолөнерлі — қазақтың әулиесі сол».

— Абай

«The cold water doesn’t
get warmer if you jump late».

— phonethoughts

«Ақшаны жымқырған кісілер неге шетелге, жылы жаққа қашып кете береді десем, Құдай осылай денелерін ақырындап ыстыққа үйретіп жатқан сияқты»

— Нұржан Арман

«Мы не начинаем дела не потому, что они трудны. Они трудны потому, что мы их не начинаем».

— Сенека

— Сендердің қалаларыңда таң намазы сағат нешеде кіреді?
— Білмеймін, әйтеуір 04:10-да шығады…

Өздеріне жіберілген пайғамбарларды өлтірген; төбелеріне тау төнсе де, Аллаға берген серттерін бұзудан таймаған; Мұса пайғамбардың үмбеті болу бақыты нәсіп бола тұра, бұзауға құлшылық қылған; жәннати тағамдардан гөрі дүниелік қарапайым тәттілерді абзал тұтқан; ақшаға деген құштарлығы кәпірлерден асып түсетін; жеке пайдасы үшін жақындарын өз үйлерінен қуып шыққан қауымнан бұл күндері қандай да бір мейірім күту қаншалықты орынды?

Біздің «тәуекел» деп санайтын кейбір ессіз әрекеттеріміз қаржылық сауатсыздықтан басқа еш нәрсе емес секілді.

Егер ойыңда жақсы жоба жүрсе, оны жүзеге асыруға сәл де болсын әрекет етіп көрсең, Алла тосыннан сол жолда жәрдем беретін жандарды жолықтырады екен.

Күн көру үшін көлеңкеден
шығу керек…

Біра-а-з еңбектің шығуына атсалысыппыз ғой, Аллаға шүкір! Жаратқанымыз табандылықтан айырмасын!

«Қандай да бір кітап жетпіс рет тексерілсе де, қателіктен ада бола алмайды. Өйткені Алла Тағала Өз Кітабынан басқа ешбір кітаптың (толыққанды) дұрыстығына жол бермейді».

— Әл-Музәни (Алла рақымына алсын)

Әбілқайыр ұстазбен алғашқы таныстығым 2019 жылдарға тура келеді. Универдегі блогерлердің бірінші буынына сәйкес келетін бұл уақытта біз де видеоблог жүргізіп көрдік. Сол бейнежазбаларды көріп, респект білдірген алғашқы ұстаздардың бірі — Әбілқайыр Мәдиұлы болатын. Кейін өзі «Abeke million» деген парақшада белсенділік танытып, карантиндегі ең пайдалы контент түрлерін түсірді. Сол кезеңнен бастап, рухани жобаларын үзбей жалғастырып келеді. Бүгінде соның жемісі ретінде қолымыздағы тамаша еңбек жарық көріп отыр. «Әдет» деп аталатын бұл кітап тұлғалық дамуға қажет 12 маңызды қабілетті терең талдап, әр оқырманға бағдар боларлық деңгейде жазылған. Кітаптың мұқабасына қарап-ақ сүйсінесіз, ал мазмұны тіптен жауһарға толы.

📖 Кітапты алу үшін: сілтеме

Ізгілердің біріне: «Адам баласында қанша айып бар?», – деген сұрақ қойылыпты. Сонда ол: «Пенденің олқылықтары сан жетпес көп. Алайда мен олардың 8 мың түрін санап көрдім. Сондай-ақ бұлардың барлығын жасырып қоятын жақсы қасиет таптым, ол — тілге ие болу», – деп жауап беріпті.

📚 Китәб әл-Кәбәир