Соңғы айда 3 кітапқа редакциялық жұмыстар жүргіздім. Үшеуі де - бір автордың туындысы. Ол кісіні сіздер жақсы танисыздар. Ин шә Алла, шыққан сәтінде сүйіншілеймін.

Алланы шын жақсы көретін адам Оның бекіткен шекарасынан аспауға, бұйрықтарын мүлтіксіз орындауға ынтық болады…

Кемелдікті (идеалды) іздеп жүрсең, оны махаббаттан іздеме-ақ қой. Себебі, махаббаттың кереметі – кемшіліктерді сүюде жасырылған.

Шамсуд-дин әт-Тибризи

Яғни, нағыз махаббат – ғашығыңның кемшіліктерін жақсы көру.

Шыңғыс ханға христиандар тарапынан мынадай ұсыныс түсті:

«Шәке, мұсылмандарды жаулап алсаңызшы».

Әлемдік масштабта ойланатын Тимучинге бұл ұсыныс ұнап қалды. Оның үстіне мұсылмандар ол кезде әртүрлі одақтарға бөлініп кеткен еді. Сондай елдердің бірі - Хорезмшахтар династиясы.

Дегенмен, қандай да бір елге ешқандай себепсіз шабуыл жасау – аморальдықтың шегі. Сол себепті Чина братан соғысуға сылтау іздеп, саудагерлерін Отырар қаласына жіберді.

Отырар халқы сырттан келген көпестерді шпион көріп, олардан қауіп туындауы мүмкін деп өлтіріп тастады. Шыңғыс хан Мұхаммад Хорезмшахтан сол қаныпезерлерді өз еліне алып келуін сұрайды. Бірақ, шах оның тілегін қабыл етпей, қандай да бір қылмыс орын алса, үкім сол елді-мекеннің сотымен іске асуы керек деді.

Бұл Шыңғыс ханның жүйкесін жұқартты. Дегенмен, ол әлемдік БАҚ өкілдерінің алдында «прав» боп көрініп тұр. Өйткені:
1) Оның адамдарын басқа елдің азаматтары мерт қылды;
2) Оның үстіне хандары оларға үкім беруде баяулық танытып отыр.

Міне, осындай сылтаумен Шыңғыс хан өз әскерін алып, Хорезмшах мемлекетіне аттанады. Хайвай шығарады.

Нәтижесінде мұсылмандар жеңіліп қалады. Өйткені:
1. Өздерінің әскер санына қатты сеніп, моңғолдарды місе тұтпады.
2. Басқа мұсылман елдерімен одақтасудың орнына, тәкаппарланып көмек сұрамады. Сұрағанның өзінде, мұсылмандар христиандармен, қала берді өздерімен-өздері соғысып жүрген еді.
3. Әскерлерінің рухын түсіріп алды. Өйткені о бастағы көпестерді жазықсыз қыру және оған қатысты үкімді кешіктіру фактілері орын алғаны себепті соғысқа қатысушы әрбір адам «біз неправпыз» деген ойда жүрді. Сөйтіп, толыққанды күш жұмсауға ниеттері болмады.

Бұл - Рағиб Сиржәнидің айтқан лекциясынан үзінді. Жалпақ тілде түсінікті етіп жеткізуге тырыстым.

Негізі мұндағы оқиғалар желісі мен тарихи атаулардың басқа да нұсқалары бар. Бұл жолы біреуімен ғана шектелдім.

Сосын қазіргі жағдаймен сәл салыстыруға келетін секілді. Терең ойланған жан үшін тарихта мың ғибрат бар.

Қазір ер жігіт отызға келсе, орданы емес, ортаны бұзады.

Басқалар намаз оқымауға сылтау тауып жатқанда біз неге намаз оқуға сылтау іздемейміз?

Дінді толық ұстануда тапқырлық керек.

Эксперт по прокрастинации Пирс Стил, автор книги «Уравнение прокрастинации» (The Procrastination Equation), отмечает: «Если вы защищаете свой распорядок дня, со временем он начнет защищать вас».

Егер қандай да бір кісі сізге жұмыс ұсынып: «бұл - ешқандай да пирамида емес» деп түсіндіріп бастаса, демек ол жұмыс - пирамида)

Өйткені, «таза» жұмыс өзін «бұл пирамидаға жатпайды» деп сипаттауына мұқтаж емес.

Әлем күрделі күндерді кешіп жатыр. Қаншама сәбилер қыршын кетуде. Бұл - физикалық соғыстың нәтижесі. Алла оларды рақымына алсын!

Көзімізді ашып қарайтын болсақ, біздің елімізде де жасөспірімдерге зиян тиюде. Бірақ бұл - рухани соғыстың салдары.

Яғни, кішкентай күнінен оларға өзгелердің бұрыс мультфильмдері, арсыз бейнелері, зарарлы азық-түлігі ұсынылуда.

Бұл індеттің алдын алмасақ, үдеп кетуі әбден мүмкін. Сол үшін балаларымызды интернеттің «бомбасынан», қоршаған ортаның «ракетасынан» сақтауымыз керек.

Оларға зиян беретін заттарға «бойкот» жариялап, салиқалы болып өсуіне дұға тілеп, шамамыз келгенше әрекет етуіміз - сіз бен біздің ортақ міндетіміз.

Бір тәте орамалды қызға: «Мынауың қазақтың ұлттық киіміне қайшы», - деп сын айтты.
Өзі белорустық жейде, италияндық шорты, американдық тәпішке киіп алған.
Егер «ұлттық киім» деп кимешек меңзелсе, онда оған ең жақыны - хиджаб емес пе?

Кейде Бильбо Бэггинс сияқты жайлы жерде кітап жазып, достарыңмен қауышып, өмірден ләззат алғың келеді. Бірақ әлемде Сауронның зұлымдығы таралып жатқанын көріп, «тосын сапарларға» шығу керектігін түсінесің.

«Если я должен, значит - могу»
– Э. Кант

Нам часто говорят, что все проблемы идут из детства. Мне интересно в этой связи, а если человек счастлив и успешен, то эти заслуги с тем же упорством тоже приписываются родителям или только болячки?

Просто не очень справедливо получается, когда во всех неудачах винят родителей и детские травмы, а в успехах исключительно себя любимого… ))

Әбу Бәкір әл-Бәқилләни деген ашғари ғалымы әр түні 35 бет кітап жазған. Оқыған нәрселерін жатқа білуімен ерекшеленген.

Жаназасына қатысқан Әбу әл-Фадл әт-Тәмими атты ханбали ғалымы ол туралы былай деді: «Бұл кісі 70 мың бет кітап жазған».

Егер бейнелі түрде бір кітапты шамамен 200 бет деп есептесек, онда 350 кітап жазатындай қарымды қаламгер болған.

Алла ол кісіні рақымына бөлесін!

Қайнар көз: «Сияр» (әз-Зәһәби), «әл-Ағләм» (әз-Зирикли)

Алтайдағы орыс ауылының қыздары 14-15 жастарында тұрмыс құра бастаған. Қызығы: бұл - өткен ғасырда ғана "әдеттегі" саналған жайт. Ал поляк халқы мен бұхтармалықтар тіпті 12 жастарынан бастап жұптасқан.

Қайнар көз: Коляскина Е. «Женщина и мужчина в русской деревне Алтая». 65-б.

Mood: өзгелердің проблемасын шешуге тырысып жүріп, өз проблемаңды ұмытып кету)

Азық-түліктерге бойкот жариялау үдерістерінен түсінгенім: біз барлық дерлік салада «тұтынушы» екенбіз, «өндіруші» емес.

Менің ойымша, мұсылмандар әрбір салада озық болу керек: ғылым, кәсіп, өнер, т.б. «Өзгелер» осы арқылы өз идеологияларын емін-еркін жүргізіп отыр.

Сол үшін өсейік, өнейік, өндірейік…

– Д. Алшинов

«Ал», «бер» деген сөз еді екі ағайын,
«Ал» өліп, «бер» деген сөз тірі қалды...

– Мәшһүр Жүсіп (Алла рақымына алсын!)

Әбу әл-Хасан әр-Рустуғфәни өзінің марқұм ұстазы – Имам Мәтуридиді түсінде көріп, оның былай дегенін жеткізеді:

«Алла әйел адамды азан тыңдап, оған жауап бергені себепті кешіреді».

Алла екі ғалымды да өз рақымына бөлесін!

📚 Қайнар көз: «Тәж әт-тәражим» (Ибн Құтлубұға).