Нобэ фащэгъэфIэжщ

Уафэр щымыджэмыпцIэу щIылъэр зэрызэпцI лъандэрэ, гъащIэм щыщщ щыгъыныр, зыхуэпэныр Iэщэ-фащэр, фэилъхьэгъуэхэр. А лъэхъэнэ жыжьэ-пасэрейр нобэрейм къэсыху, ди адыгэм щитIэгъэну щыгъыныпхъэр къызэхих-къызэхищIыкIщ псэущхьэхэм я фэ, яц хуэдэхэр, къэкIыгъэхэр (шыпсыранэр, щIэпыр, джыныгур, н.къ). Ауэрэ, ныбжьыр жьым хэту здэкIуэм, щыгъыныгъуэхэр, фащэхэр я щIыкIэкIэ, теплъэкIэ, къызэхащIыкIкIэ, къыхэщIыкIыкIэкIэ зиужьурэ хохъуэ.

«Зыхуэбгъэфащэр уи фащэу» жиIащ адыгэм, икIи адыгэ фащэр, дауикI, хабзэм къыдэхъуащ. НтIэ, ди цIыхубз фIэрафIэхэм я Iэпэ-IэсагъэкIэ, IэпщIэлъапщIагъкIэ, набзэгубзаплъагъкIэ шу блэкIым бзыпхъэ трахрэ, данэмрэ дыщэмрэ зэхащэу, зэхаджэу, я дыщэидэр щхъэращхъэу, ди фащэр факIуэрэ, сыт хуэдэ Iуэхугъуэми екIуу, ещхьу дыкъахуапэ. ХэткIи щапхъэр фIымрэ дахэмрэщ. Аращ къызыхэкIар адыгэм нэсэпасэу зэригъэпэща фащэ дахэр щапхъэ хъууэ хамэри, хэхэсри къыдэплъу, къыддэплъейуэ щIыщатIэгъар, фащэ щIахуэхъуар. А псор зи фIыщIэ ди адыгэ цIыхубзхэ, хабзэу щыIэр тхуэзыгъафIэ, фIыуэ щыIэм я къуэкIыпIэ, фызэщыхуэпыкIауэ, фызыхуэныкъуэ щымыIэу, фызэхъуапсэ къывэхъулIэу сыт щыгъуи ди жьантIэм Тхьэм фыдигъэс!

Мэзлӏыныкъо/Мэзылӏ/Forest monster-men 1/2

Инрэ бэлацэу, нэзакъуэ лъэзакъуэрэ и бгъэм мэисэ* къыхэщыу мэзым щыпсэу псэущхьэ шынагъуэ. И бгъэм джыдэ къыхэщыу къыщыкӏуи къохъу.
Бзэджагъэкӏэ фӏэкӏа къэрукӏэ упэлъэщынкъым. Зэ быуIэмэ - малӏэр, етӏыуанэ уеуэжмэ - къохъуж. Ӏэплӏэ зыхомыгъэщӏ, къыпхуищӏмэ и мэисэр къыпхиӏунщ.
Адыгэ ӏуэрыӏуатэм, Нарт хъищэм ухэплъэмэ, Джэмболэтыжь, Даущджэрджий, Уэзырмэс сымэ Мэзылӏ шынагъуэм яхуэзауэ къыщыхощ.

*Мэисэ - и теплъэкӏэ зэрыщытыр дымыщӏэжу зы сэ гуэрщ. Хэт джыдэ теплъэм хуегъакӏуэр, хэти джатэ папцӏэ псыгъуэу жеӏэр.

Game character
#джэгуалъэ #circassian #mythology #nartepic

Фащэми лъэпкъыми хуэфащэу

Къайсэр адыгэ хасэм къызэригъэпэщауэ Къайсэр къалэкум (Тыркум) деж Фащэ гъэфӏэж махуэм теухуа пшыхь екӏу щекӏуэкӏащ - къалэм адыгэ зэрыдэсыр, я хабзэр зэраӏыгъыжыр, я кӏулътӏурэр зэрагъэлъапӏэр къыхэщу. Къайсэр и хьэблэ нэхъ ин дыдэхэм щыщу Таласкӏэ зэджэм и ӏэщхьэтет Тэӏэщ Ешари нэгузыужьым зыкърыригъэхьэлӏэри и лъэпкъэгъухэм я ӏуэхур ядигъэдэхащ, ядиӏыгъащ.

Хамэм укъызэращӏэнур уи бзэщ, уи хабзэщ, уи ӏуэхущ. Фызыхэсым факъыхэщрэ фахэмыгъуащэу, фи фащэм фыхуэфащэрэ фипкъ мыкӏуэду Тхьэм фыщигъыӏэ ди жылэгъухэр. Дызэхыхьэжыныр, ди хэку дыщызэрыгъуэтыжу дыщызэрыубыдыжыныр Тхьэм насып тхуищӏ.

Мыдрейуэ, Къайсэр хасэми, абы иджыпсту и гуащэтет Уэтей Нуршэхьи Тхьэм фи гуащӏэр игъэбагъуэ

Шыбзыхъуэхэ ӏэстемыр

Шаль (а это значит -
140*140 см, кашемир и шелк)

Состояние отличное
Можно в подарок
Коробка, лента

В Нальчике до 08/10

По стоимости - временное снижение
Если хотели шаль - хороший вариант
⛩️