تۊ تۊفنگ دأري، مۊ مي دۊ ته مۊشت
تۊ سپر دأری، مۊ مي جؤن ٚ گۊشت
تۊ ولي تنهأی، مردۊمن مي پۊشت

زن! زيويش! آزادي!

«مي آلاله گۊل، گل ٚ بۊن نشۊن
یه ته دؤنه گۊل، صد [ته] دؤنه بۊن
سبزأبۊن یه رۊ، هممه جا فۊبۊن»

زن! زيويش! آزادي!

آمۊ رۊزبه‌رۊز، ويشترابۊنيم
هي رۊزان یئني، تر بۊناکۊنيم
آزادي قصصه-أ هممه جا گۊنيم

زن! زيويش! آزادي!

سکينه ره گيریه کۊنين
مۊناؤن ٚ خۊن-ه کلأنين
أکبر ٚ ره سر شکنين
مهرشاد ٚ شان-ه کۊتأنين

حنانه‌أن-ه جفا کۊنين
قاسم ٚ ره عزا گيرين
محراب ٚ شان-ه تير زنين
عباس ٚ بال ٚ ره ميرين

زینب ٚ ره سک وکنين
هاجر ٚ شان-ه گاز گيرين
فاطمه ره ضجه زنین
مينۊ شان-ه بۊنأگيرين

بهنام ٚ شان-ه کۊشنين
حۊسين ٚ ره تۊرابۊنين
خۊدا نۊر-ه دؤخۊشنين
خۊدا خۊدا خۊدا گۊنين

مهسا ؤ نيکا ؤ حديث
عارف ؤ عرفان ؤ کؤمار
ستاره ؤ سیاوش ؤ
أميرحۊسين ؤ مازیار

خۊن-ه خۊن ٚ همرأ شؤرين
کفتالان ٚ رۊمه-أ مؤنين
زيويش-ه أندي بد دأرين
مرگ ٚ ره هأی دۊعا خؤنين

شؤمۊ یزيد ٚ لشگرين
سبز ٚ لباس أمما وزأین
شؤمۊ شيمي دين ٚ دؤني
مرد ؤ زن ؤ زأک-ه بزأين

تازه نتاج أمما بۊمئه
شيمي تب-ه دؤبۊسنه
میرؤم بزئه دين شيمي شي
أمي برابر فۊسنه


#زن_زيويش_أزأیي

رنجایی که کشیدیم
از یادمون نمیره
امروز اگه نجنگیم
فردا حسابی دیره
چیزی نمونده باقی
تا غول شب بمیره
مهر و گل و رنگ و نور
دوباره جون بگیره

به اسم رمز مهسا
برای فتح فردا
همیشه و همه جا
زن زندگی آزادی!

هستیم توی خیابون
حتی تو برف و بارون
همیشه رو لبامون
زن زندگی آزادی!

دیروز ما سیاه و
پر از غم و اشک و خون
امروز ما همونه
دیکتاتوری جنون
فردا، اگه نجنبیم
خرابه خونه‌هامون
قرارمون شب و روز
محله و خیابون

به اسم رمز مهسا
برای فتح فردا
همیشه و همه جا
زن زندگی آزادی!

هستیم توی خیابون
حتی تو برف و بارون
همیشه رو لبامون
زن زندگی آزادی!

پاتو بکوبون زمین
مشتتو بالا بیار
بذر امید و شادی
تو دل مردم بکار
بذار واسه همیشه
تموم شه این شب تار
نذار بمونه نکبت
رو دور تلخ تکرار

به اسم رمز مهسا
برای فتح فردا
همیشه و همه جا
زن زندگی آزادی!

هستیم توی خیابون
حتی تو برف و بارون
همیشه رو لبامون
زن زندگی آزادی!

#زن_زيويش_أزأیي
#زن_زندگی_آزادی

کمي آزایي؟
تي آزایي مه-ره بنداگۊده
مه-ره بنده چاگۊده

#زن_زيويش_أزأیي
#زن_زندگی_آزادی

آسۊمان ؤ زمي
وچأکان ٚ خۊن ٚ جي سۊرخه
تي دسان-ه
أسيد ٚ همرأ بۊشؤر
خۊن‌مقر در نؤشۊنه

#زن_زيويش_أزأیي
#زن_زندگی_آزادی

مۊ
خۊ جي ترسنم
هین وأسر
همیشک نقاب زنم
ترسنم چۊن دؤنم
اسب ٚ گۋ-ه مؤنم
نأ بيجار-ه فایده‌أم نأ باغ ٚ ره

سيا بؤ شو / مانگˇ ديم-ه دئه نشأس / ألاسۊسئه‌کانˇ ديم بؤسۊته بؤ / دامانˇ قلب نتپس / داران ؤ جانوران / زينده بؤن، زيوا نؤبؤن

گيلˇ وا سر برسی / خنده بزأ / خبر بدأ / همادره / داماني‌ئن جؤنأگيتن / هر کسي هر کي‌ئه رسي / کيشأگيت / خؤشأدا

تؤؤران فترکسن دامان-ه / دکتن دارانˇ جان / داماني‌ئن / دارانˇ مرگ-ه بنيشتن / تؤؤران تا تۊنسن / دارانˇ جان-ه بگيتن

بیجˇ وا / برسأني خؤره / دبيجأني همه-أ/ داماني‌ئن هممه دۊخؤتن / - ترسˇ جي - / هيشکي گب زأ نیأرس

گرمش ورسأ / تش دگیت دامانˇ دل / داماني‌ئن خأس بۋرۋجن / أمما کۊیه؟ / مننيسن خۊ خانه جي دس وگيرن

داماني‌ئن / گۊرچابؤن / داماني‌ئنˇ اۊشماره / برسي آسۊمان-ه

آسۊمان ناله بزأ / بۊرمه هکت / دارانˇ خۊن-ه بۊشؤرد / داماني‌ئنˇ سیاخاک-ه ورأگيت / خۊ همرأ بؤبۊرد

برسي وهار / أمما دامان ...

وختي ديل خۊنه یؤ، ديم زرده یؤ، دۊنيا قفسه
مي جي خأني عاشۊقانه بنويسم؟ مننئم.
مۊ زمين ٚ سر زۊرازۊري خؤره کشئه درم
آسۊمان ٚ جي ترانه بنويسم؟ مننئم.

أمي باغˇ باغٚبان
دکته اي باغˇ جان
مقراض وگيته
گۊل ؤ تيف-ه بئه دره

أمي باغˇ باغٚبان
خأ فتأشه باغ-ه
ببينه داران-ه
کاغذي گۊل خأنه

آمۊ هر شؤو
ترسˇ همرأ خؤسنيم
نبدأ فرده، گۊلان-ه بچينه
سۊبˇ سر
ترسأشي ويريسنيم
گۊلˇ گۊلبرگ-ه ینيم
هوا مئن وؤزنه

أمي باغˇ باغٚبان
أمي مرگ-ه خأنه
أمي نؤبه أن رسنه

یه نفر مي مئن هيسئه
مۊ
نۊدؤنم چي خأنه مي جانˇ جي
همیشک جنگه أمي مئن
هميشک بازنده‌أم

یه نفر مي مئن هيسئه
تنهأیي خأ بپيسه
چۊشمانان-ه دؤبۊسه
بۊخؤسه
ده وينيرسه

یه نفر مي مئن هيسئه
خيلي کاران خأ بؤکۊنه
خأنه دۊنيا-ا چاکۊنه
ولي خۊ کۋن-ه تۊکؤن دأ مننئه

یه نفر مي مئن هيسئه
مينه مينه، مره آواکۊنه
مۊ خلاصابؤ مننئم اۊنˇ جي

یه نفر مي مئن هيسئه
هميشک، همه چي‌ئه ويلاکۊنه
همه‌جا، مره رۊسواواکۊنه

یه نفر مي مئن هيسأبؤ
دأميشک
هميشک
اۊنˇ جا خالي هيسه

مي دؤرۊن تأسئنه.

کۊچئه بؤم / مٚدٚرسه شؤم / أولي نيمکتانˇ سر نيشتم / وختي هجرت بؤتيم گيلانˇ جي

تازه شهر / تازه مٚدٚرسه / تازه آدمان

کۊچئه بؤم / لهجه دأشتم

هم‌کلاسي‌ئن / تا مه-ره رسئن / جۊک گۊتن / خنده گۊتن

هرجا شؤم / تا دهن بازاتم / مه-ره دس‌پرأگيتن

نم‌نمئه کيلاسˇ مئن / ديوار-ه تکأدأم / نم‌نمئه ساکيتابؤم / گب زأن-ه دؤنسم / گب زأ نيأرسم

هرجا شؤم / مي دهن دؤبۊسته بؤ / همه گۊتن اي وچه / چندي خؤجيره / أمما نۊدؤنسن / ترسئم / لهجه دأشتم / کۊچئه بؤم

وختي ديل خۊنه ىؤ، ديم زرده ىؤ، دۊنيا قفسه
مي جي خأني عاشۊقانه بنويسم؟ مننئم.
مۊ زمين ٚ سر زۊرازۊري خؤره کشئه‌درم
آسۊمان ٚ جي ترانه بنويسم؟ مننئم.

وختي شأر ؤ کۊچه وؤ خيابان-ه گۋ بىته
مي جي خأني گۊل ؤ خنده وؤ اۊميد ٚ جي بؤگۊم؟
وختي هر جا شۊنم هر کس-ه ىنم غم دأره
هچي مننئم خنده خنده بؤکۊنم شاد بؤبۊم

وختي جۊري بۊبئه گه هرکي خۊ جؤن-ه چيک زنه
هرکي هرجا رسنه خۊ دؤر-ه ديوار کشنه
وختي آسۊمان ٚ همرأ مردۊم-ه خراکۊنن
چرت ٚ چؤلا گب ٚ همرأ مردۊمان تۊرابۊنن
وختي گه سهم أمي شي جواني جي سکته بۊنه
وختي هر چي دؤوني نتيجه هيچچي نؤبۊنه

بدأ مي چۊشم-ه دؤبۊسم، دهن-ه بازاکۊنم
مۊ أگر هيچچي نؤگۊم تم بزنم تۊرابۊنم

آمۊ نأ کۊلبري تۊنيم
نأ سۊختبري
یته بيجار دأشتيم، یته باغ
اۊن أني چؤراتن
اۊن ٚ جا، سنگي ويلا چاتن

تا دۊمرته "جنگلي" پا نگيره
جنگل-ه فورسن
خۊ وأسر پاگه بزأن
خاک-ه سۊرخاتن تا
ده کسي
سۊرخ سۊرخي نؤکۊنه

ده ايسه هيچچي ندأريم
همه گاز تيجاتن
أمي وزرأندن ٚ ره

سيا پرچم ٚ رفاق نفس کشم

س.ا
تي ساينه
خاک ٚ سر سنگيني گۊت
بؤسۊجأنئن خاک-ه
سياواتن همه جا-ا
تا
دئه نيشأسه بۊن تي ساينه-أ

ساینه تي سۊرخه ولي

یه کۊلبار نؤته کار دأرم
هچي رۊز-ه شؤواکۊنم
همه-أ نیمجه بنأدأرم
مي گۊشي همرأ ور شۊنم

یه کۊلبار نؤته کار دأرم
ولی هيشته-أ رسئه مننئم
دراز ٚ رۊز-ه بي‌کارم
اي دۊنیا مئن أسأ دننئم

چک ؤ پر زأدرم اي تۊر ٚ دریا جي بیرۋجم
خؤجير ٚ چي بیأجم وزرسه جؤن-ه بؤدۊجم

یه کۊلبار نؤته کار دأرم
کتأم مي تخت ٚ مئن، دؤنم
یه کۊلبار قؤل بدأدأرم
ولي مي تخت ٚ مئن مؤنم

یه کۊلبار نؤته‌کار دأرم
همه-أ هرجا شۊنم بؤرم
ندأرم هيشکس ٚ همرأ
خؤره خۊ جی فقط خؤرم

چک ؤ پر زأدرم اي تۊر ٚ دریا جي بیرۋجم
خؤجير ٚ چي بیأجم وزرسه جؤن-ه بؤدۊجم

یه کۊلبار نؤته‌کار دأرم
یه کۊلبار گب بزأدأرم
یه کۊلبار قؤل بدأدأرم
همه-أ نيمجه بنأدأرم