ابوذيات 🍃🌸✨


الـفـرح گـرّب عـليـنـه حـيـل ودنه
ويَطير السعد فـوگ الـجنـح ودنه
نـزور المـصـطـفى الـمـخـتـار ودنه

ونـسـّوي افـراح يـم سـيـد الـبـريـه

*---------------------*----------------*
الـمُـحـمـد هـل كـلام ويـاك وصله
بــوجـوده شـرّف ألأكــوان وصله
سلامي اعـليـه ماينـگـطـع وصله

يـضـل دايـم لـحـد يــوم الـمـنيـه
*--------------------*-----------------*
بـدربـه مـازلف جـدمـي ولا مال
وعـليه امـعلگه اضنوني ولا مال
ابــدونــه لا ولــد يـنـفـع ولا مال

النفع بس بالشـفـاعـه الاحـمـديـه

*---------------------*----------------*
✍بقلم خادم رسول لله
الشاعر رعـد الـجـريخـي

قناة دمعة فاطمة للمواليد انشر تؤجر🌸🍃
https://t.me/dam3tfatima7

جلوة بطور ضريحك امامي عجبني عجب



ذكركم محمد علينا وجب
خسر من يضدكم
ومحبكم كسب
محبكم كسب

محمد حبيبي ويانعم الحبيب
انا من اذكرك جروحي تطيب
دوايه محبتك يااكبر طبيب
وتربكم شفائي
يطفي اللهب
يطفي اللهب


قصدت لحفلكم وانا مبتشر
اهني امينه ب خير البشر
وأعلي الهلاهل وارش العطر
الكدر عني وله
ويطيب القلب
يطيب القلب


اليكم تحيه وعليكم سلام
ياخير البريه وياخير الانام
بذكرك محمد جميل الكلام
تشعشع ضيائك
يغطي السحب
يغطي السحب


وابو موسى جعفر علينه يشع
نعلق له زينه. وصواني الشمع
هلا بيك امامي،ياحلو الطبع
سلامي عليكم
ياخير العرب ّ
ياخير العرب


يسعده ويحظه الحضرمحفلك
بعث لك تحيه اعله جنح الملك
يهني الزكيه ويهني،هلك
وينال الشفاعة
ورفيع الرتب
ورفيع الرتب

لطيبه سلامي ولارض النجف،
وعلى الغاضريه عيوني ترف
ولمشهد. اريدن اوصل زحف،
واقبل الضرايح
وابوس العتب
وابوس العتب

خادمة آل محمد كفاية الشيخّ

https://youtu.be/o0HUqQXDD0U

قناة دمعة فاطمة للمواليد انشر تؤجر🌸🍃
https://t.me/dam3tfatima7

قصيده المولد النبي صل الله عليه وآل وسلم


ياهله ابميــــلادك "🌺"" هذا احلى اعيادك
انته من الله هديه
بيهه انعم عل بريه
ياهله ابميلادك

🍀🌷🍀🌷🍀🌷🍀🌷🍀


ياهله ابنــــــورك يوجه البـاري
مولدك فرحـه وطفت بي ناري
اسمك اجمل ماتشوفه ابصاري
انتـه محبوبي الشغلت افكاري

ابمولدك يا طه ""🌺"" كل محب يتباهه
مولدك فرحه وسعاده
سيـــدي وحبك عباده
ياهله ابميلادك


🍀🌷🍀🌷🍀🌷🍀🌷🍀

مولـدك هالليله شعشع نــوره
بيـك محتفله الملأ ومســروه
هلا يامؤه اليتـــــيم وســوره
الدنيا كلهه ابهل فرح مغموره

السمه هالليله ""🌺"" نورك يضويله

مكـه نـورك من دخـلها
فرحت وشعلت شمعها

ياهله بميلادك

🍀🌷🍀🌷🍀🌷🍀🌷🍀

يا رســول الله الك نادينه
مولدك خــير ويعم اعلينه
انتــه رحمة ونزلك بارينه
ونته نور الجنه المضوينه

هل بدرنه العالي "🌺"" ابمولدك يالغالي
عالخلگ حلت الفرحه
وليحبك طـاب جرحه
ياهله بميلادك

🍀🌷🍀🌷🍀🌷🍀🌷🍀

بالســــماء اتعلگتلك زيـــــنه
وبالارض محفل الك سوينه
ابجيــتك اتشرفنه وتباهينه
بيـك بين الناصــبه اتعلــينه

انته وجهك آيه "🌺"" ونورك امصلايه
يالنبي اليله انتشينه
وهلهلينه وصفگـينه
ياهله ابميلادك



🍀🌷🍀🌷🍀🌷🍀🌷🍀

اليله ابـد مـا تنوصـف فرحتنه
وعالجرح حبك رسم ضحكتنه
بالــولاده اتجــــــددت بيعـتنه
انـــته ســيدنه ورمـز قادتــنه

شيعتك مبتشره ""🌺" يا زعيم العتره
نحتفل نشــعل شمعنه
خل يموت الي يضدنه
ياهله بميلادك

🍀🍀🍀🍀🍀🍀🍀🍀🍀

تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي

مواليد وأفراح أهل البيت


قناة دمعة فاطمة للمواليد ترحب بكم 🌸🍃
https://t.me/dam3tfatima7

ادااء المبدع حسين العيساوي

قصيدة مولد النبي محمد صلى الله عليه وآله وسلم
على وزن (طلع البدر علينا)

الشاعره دعاء الدندن

نَظَرَ الحُسْنُ إلينا من نَدِيَّاتِ البِقَاع
وُلِدَ الحمد نَجَينا بعد ظلمِِ وَوِجَاع
سَجَدَ الأفق تَلَونا منه في لحْنِِ وَقاع
وَدَعِ الحُزْنَ رُقِينا في عُلُوِِّ وارتِفاع
طَهُرَ المِسْكُ كُسِينا من نَدِيَّات الرِّقاع
هَنِئَ الفَخْرُ محمد آمنه طُهْرُ اتِّباع
إلهي شُكْرُكَ منها اسقِنا طُهْرَ القِصاع
بِطٰهَ القلبُ تَمَنَّى بيننا يَغْدو اجتماع

الشاعره دعاء الدندن


قناة دمعة فاطمة للمواليد ترحب بكم 🌸🍃
https://t.me/dam3tfatima7

حبيبي لا طلع نوره يلالي
حبيبي مشيته مشي الغزالي
حبيبي ياحبيب الله = حبيبي رسول الله
*
حبيبي لا طلع نجمه مضية
حبيبي بالعطا اكفوفه سخية
حبيبي ياحبيب الله = حبيبي رسول الله
*
حبيبي لاطلع ريحته عطره
حبيبي المصطفى والد الزهره
حبيبي ياحبيب الله = حبيبي رسول الله
*
حبيبي لاطلع عطره يفوحي
حبيب الله بعد قلبي وروحي
حبيبي ياحبيب الله = حبيبي رسول الله
*
حبيبي لاطلع يمشي شوية
حبيبي طلعته طلعه بهيه
حبيبي ياحبيب الله = حبيبي رسول الله
*
أبو القاسم وعطره وعطر فواح
ونوره طلع مثل القمر لاح
حبيبي ياحبيب الله = حبيبي رسول الله
*
حبيبي بسمته بسمه عجيبة
حبيب الله أبو الزهره النجيبه
حبيبي ياحبيب الله = حبيبي رسول الله
**
حبيبي عمامتة خضره
حبيب المصطفى والد الزهره
حبيبي ياحبيب الله = حبيبي رسول الله


قناة دمعة فاطمة للمواليد انشر تؤجر 🌸🍃
https://t.me/dam3tfatima7

مولود
لذكرى ولادة منقذ البشريه
حبيب الله أبا القاسم محمد
عليه وعلى أله أفضل الصلاة وأتم التسليم
....................
 يا جماله يا جماله
مثله بالكون أستحاله
....................
أحمد المبعوث أسمه
ياحلات أوصاف رسمه
يا عبير أنفاسه نسمه
بيها عطر أمنالجلاله
....................
يا جماله أومحلا نوره
نور الدنيه أبحضوره
صارت البشرى ابظهوره
للعدل خيط الدلاله
...................
هذا يا مولود صاير
عمت الدنيا البشاير
بالسمه أتأذن مناير
حيل محموده خصاله
....................
أبمولد الذات النقيه
أشرقت شمس التقيه
وله عصر الجاهليه
ونولد عصر الرساله
...................
أنكسر أيوان كسره
بشرى للأعراب بشره
النبي والد الزهره
نوره عالأكوان لاله
...................
صاحب أخلاق أومعاني
حبه متملك كياني
فدوه أروحله عساني
أطمع أبلحظة وصاله
....................
أبذكرى ميلاده السعاده
تعني تحقيق الأراده
حقي أحييها الولاده
وحمد الله تعاله
....................
يا حبيب الله محمد
كلمن أبأسمك تشهد
فاز والشي المؤكد
بالحشر ياخذ مناله
.....................
الواحده أبعشره صلاتي
صلي ويايه يغاتي
سر نجاتك سر نجاتي
عالنبي أنصلي وأله
......................
خادم أهل البيت
الشاعر : أسماعيل الجوراني
الأثنين : 11/11/2019


قناة دمعة فاطمة للمواليد انشر تؤجر🌸🍃
https://t.me/dam3tfatima7

* نشيده : لمولد الإمام الصادق ع *
طور : ألف الصلاة اعلى النبي
أحمد وآله

https://youtu.be/QZsWj9W5-lA

💐💐💐💐💐💐💐💐💐

جعفر الصادق هل علينه وهلّت أنواره

نتعنّه كلنه للبقيع هالليله زواره
💐💐💐💐💐💐💐💐💐

صادق العتره هل علينه مولده ويومه
تزهي أنواره بالسمه وياضي على نجومه
يشبه رسول الله النبي بوصافه ورسومه
كنز المعارف من علوم الهادي
اعلومه

حيّاك يابن المرتضى إبنورك الزاهر
عمّت الفرحه ابجيّتك وبعلمك الظاهر
💐💐💐💐💐💐💐💐💐

سادس أيمة الهُدى وبالمعرفه ناطق
محد كفو بالمعرفه وعلمه بعد سابق
وانت للباطل والجهل يابن الوصي زاهق
أعترف آنه رافضي يجعفر الصادق

أمشي ابدربك يالولي وبنهجك الواضح
وانت أمام المذهبي ولشيعتك ناصح
💐💐💐💐💐💐💐💐💐

مولدك ابهذا الشهر سابع عشر جانه
وسوينه بيها حفلتك والشيعه فرحانه
تحيّه نهديها إلك جعفر يمولانه
واسمك تِرددبالشعر واصبحت عنوانه

ونهني امك فاطمه يالحلوه أفعاله
وحيدر علي ويّه النبي اوبيت الرساله
💐💐💐💐💐💐💐💐💐

صلوا عليه يامن حضر ابمولده الأزهر
راعي المنهج سيّدي وبمنهجه نفخر
نوره تشعشع والمحب إبجيّته نفخر
كل المذاهب باطله بس مذهبك جعفر

أتبعك دنيا وآخره ينور الولايه
مذهبك مذهب النبي وبيه الكفايه
💐💐💐💐💐💐💐💐💐

جانه حفيد المصطفى بنواره لمضيّه
بالدُعا بسمه ننتخي والحاجه مقضيه
ونقسم عليه بالطاهره فاطمه المرضيّه
وبزينب الحوره المشت للكوفه مسبيه

كل الهلا يابن النبي ياحجة الباري
كل سنه أحضر مولدك واردد أشعاري
💐💐💐💐💐💐💐💐💐تأليف خادمة أهل البيت ( ع )

ام محمد الخواجه

( صفيه التحو )
شرعاً لا اجيز حذف الإسم


الفاتحه الى روح والدي الحاج
جاسم طاهر التحو ووالدتي
الحاجه مريم التحو وأخي
الدكتور / أحمد التحو
وجميع المؤمنين والمؤمنات

قناة دمعة فاطمة للمواليد انشر تؤجر 🌸🍃
https://t.me/dam3tfatima7

ابوذيات ✨🌸🍃


يامن
البيكم سيــــدي من لاذ يـــامن

يمن حبكم عسل بالروح يا من

يطاهه اعليــــك صلى الله يامن

عليك انصلي كل صبح و مسيه

ورده

يمن سيفه الكفر افناه ورده

فاز الي ختم بهـــــواك ورده

لبو الحسنين يا مولاي ورده

فرح بــــــولادتك ننطي هديه





ليله امن العمر والنبي ضواهه

صلي عل النبي .. صلي عل النبي

 

ليله امن العمر والفرحه مسموحه ... وادموع الحزن هلليله ممسوحه

علنور البزغ علدنيه بصروحه ... بنور المصطفه هليله نتباهه

ليله امن العمر والنبي ضواهه
 
+++

ليله وبيهه نــور والهه تانينه ... يا ريت ابشكلــــهه كل ليالينه

تبيـــــان المسره واجب اعلينه ... وكل شيعي ابفرح للزهره هناهه

ليله امن العمر والنبي ضواهه

+++

ليله وبالسمه بيهه الفرح ضاهر ... وبمـــــكه بزغ نجــم السعد زاهر

طاهه المصطفه نوره سطع باهر  ... كل صحرة نجد بوجوده حلاهه

ليله امن العمر والنبي ضواهه

+++

ليله وبيهه نسأل خالق الاكوان ... يزيح امن الجوانح ثابت الاحزان

جي بيهه انذكر طاهه النبي العدنان ... رحمه امن العلي طرت ابطرواهه

ليله امن العمر والنبي ضواهه

 

+++


ليله بهالمكان اببهجه جمعتنه ... بيهه للنــــــبي اتجددت بيعتنه

من جينه العترته انذيع فرحتنه ... وابهذا الحفل للـــــــجنه فتناهه

ليله امن العمر والنبي ضواهه

الشاعر زكي الياسري النجفي

قناة دمعة فاطمة للمواليد انشر تؤجر🌸🍃
https://t.me/dam3tfatima7