نادت أهل السمه..ياهلا ابفاطمه
ياهلا ابفاطمه.. نادت أهل السمه
---
أفرح أفرح رغم عذالي
وبالحفل رتلت موّالي
هذي بضعة نبينا الغالي
النور منها يظل ايلالي

فرحتي دايمه..ياهلا ابفاطمه
ياهلا ابفاطمه..فرحتي دايمه
---
هذي خير الله بين الوادم
صلى الله ربي عليها فاطم
بيها عقلي يظلن هايم
مايهمني حچي أي لايم

منها كل مرحمه..ياهلا ابفاطمه
ياهلا ابفاطمه..منها كل مرحمه
---
اشكثر دلالي بيها اتغنه
فاطمه حبها أعظم جنه
نعمه من ربنا تبگه اومنه
هيه مشكاته تضوي ابحسنه

بالقدر عالمه..ياهلا ابفاطمه
ياهلا ابفاطمه..بالقدر عالمه
---
من مثلها الزچيه الزهره
بيها اودع إلهي سره
سيده هيه تبگه اودُره
اومنها مخلوقه كل العتره

امن اللظه عاصمه..ياهلا ابفاطمه
ياهلا ابفاطمه ..امن اللظه عاصمه
---
هيبة اجلال اومنها المصدر
والدهر حاشا منها كرر
الوحي چان يجيها اويفخر
اومنها نور الملايك يزهر

بيها كل خاتمه..ياهلا ابفاطمه
ياهلا ابفاطمه..بيها كل خاتمه
---

عادل العبد الله
30/01/2021

الفاتحة لروح من علمتني الخدمة الوالدة *آمنه العبدالله*

قناة دمعة فاطمة للمواليد ترحب بكم انشر تؤجر 🌸🍃
https://t.me/dam3tfatima7

هوسات في مولد السيدة فاطمة الزهراء


يأم الحســـن يأم حســـين يأم التّســـــــعة الأقمار
يالمثلـــــچ مره بهالكون ماصـــارت وأبد ماصار
آيه اعله الحُجج زهراء شاء الباري الچ واختار
حجه اعله الكون امخلّيها *
هاي الطّاهــــــــــــره الخصّــــــــاها باريــــــــــها
حُجّه اعلــــــــــــــــه الحُجج ربّك امخلّــــــــــــيها
يغضب عالغضـــــبها او يرضـــــــه مُـــــــرضيها
هنيالـــــــــــــه الكلمن والاها
*
نور النّور فاطم بالذّكـــــــــــر هــــــــــــــــيّه
العفيفه الطّاهــــره الرّاضـــــيّه المرضــــــيّه
حــــــــــــــوراء الكواكب وانّه انســــــــــــيّه
تزهر والكون ايشع بيها
*
شوصّف بالزّچـــــــيّه او ياوصف يگــــــــدر
عشــر معشــــــار يوصل ولو للكــــــــــــوثر
سُـــــــبحان الإله بفاطـــــــــمه اشـــــــصوّر
مشكاته او مصباح أنواره
*
هنياله الخـــــــدّم من گلــــــــــبه لزّهـــــــــره
او خلّـــص بالمجالس والذّكـــــر عمــــــــــره
باچـــــــــــر بالقيامــــــه هــــيّه تنتظـــــــــره
كل خادم تاخـــــــــذ ويّاها
***
هـــــــــــاي البيها ربّك كل بشـــــــــــــر باها
تاخــــــــــــــــذنه او نطب للجــــــــــنّه ويّاها
رغم كل ناصـــــــبي الماواله بت طــــــــــــه
للجنّه انطب واتصّد عينه

(((( أبو سجّاد الجعفري (ولادة الزّهراء ع )

قناة دمعة فاطمة للمواليد ترحب بكم انشر تؤجر 🌸🍃
https://t.me/dam3tfatima7

موال مديح على طور ( رحت الطبيب العلل )
لميلاد السيدة فاطمة زهراء 🎀😊


رحت الحبيب القلب مولاي بو الزهرة

ويم باب بيته اوقفت وعرفته من
عطره
ماي الورد ريحته والطيب من ذكره 

وشفت الملايك إجت بورودها تبشره

مفتوحة أبواب السما والحورمنبهرة

والجنّة كلها تزينت لولادة الزهرة


قالوا لي ادخل و النبي باسط بساط الجود

كلمن إجا الليلة بفرح يعطيه فوق الزود

وانا استحيت اطلب طلب ولساني كن معقود

محتار شطلب والطلب ادري به ما مردود 

يارب عجل بالفرج والمهدي لينا يعود


ونهدي له آيات الهناء ونعلق بخور العود

_
دلال علي

قناة دمعة فاطمة للمواليد 🌸🍃
https://t.me/dam3tfatima7

🌸 حبينه حبينه.... للزهره حبينه 🌸




حبينه حبينه.... للزهره حبينه نادينه نادينه.... نهواچ نادينه
يا فاطمه يا فاطمه يا فاطمه

****
بالمحشر وفوگ الصراط أنـــادي يا فاطمه
بحماچ نصرخ اه يبنت الهـــادي يا فاطمه
أنا وصحبتي وأهلي ويه أولادي يا فاطمه
حبچ ورثته اورثوه اجـــــــدادي يا فاطمه
تدرينه تدرينه يالزهره تدرينه نادينه نادينه نهواچ نادينه
يا فاطمه يا فاطمه يا فاطمه

****

من غير حبـچ ما تفيــــــد أعمالـــــي يا فاطمه
ولو بالعباده اتگطعـــــــت اوصالــــي يا فاطمه
ولو صمت دهري وضامي ظل دلالي يا فاطمه
مـــــن غيـــــر حبچ تنگطع امالـــــي يا فاطمه
تحمينه تحمينه بالحشر تحمينه نادينه نادينه نهواچ نادينه
يا فاطمه يا فاطمه يا فاطمه

***

الكوثر انتي ومن هو غيرچ كوثــــر يا فاطمه
والگال ابتــــــر عالنبي هــــو ابتـــر يا فاطمه
انتي امتداده وروحه وانتي المصدر يا فاطمه
انتي الشفيعه هناك يـــــوم المحشر يا فاطمه
والينه والينه للزهره والينه نادينه نادينه نهواچ نادينه
يا فاطمه يا فاطمه يا فاطمه

****

كثره الاحاديث التــي نقراهــــــــه يا فاطمه
فاز الــــــذي أم الحسن والاهـــــه يا فاطمه
وألامه بيــچ الهادي هل الوصاهـــه يا فاطمه
أشلون هاي الامـــــه جازت طــــه يا فاطمه
تدرينه تدرينه عالعهد تدرينه ناديته نادينه نهواچ نادينه
يا فاطمه يا فاطمه يا فاطمه
**
🍀الشاعر موسى البديري

قناة دمعة فاطمة للمواليد ترحب بكم انشر تؤجر 🌸🍃
https://t.me/dam3tfatima7

ابيات في مدح الصديقة الزهراء عليها السلام

أرْخي اللَياليَ السامِراتِ علىٰ القُلوبِ الوالِهاتِ
فَالسَعْدُ أجْلىٰ كُلَّ هَمٍّ بَيْنَ نُجومٍ ضاحِكاتِ
إذْ صاحَ جِبْريلٌ يُنادي سُبْحانَ رَبّي ذي الهِباتِ
فَاللَيْلُ أمْسىٰ كَوْثَرِيا مِنْ نورِ فاطِمْ صَلَواتِ
*❈●••┈❁°••°❁┈••✦❈*
يا صُبْحَ عيدٍ ذا المُحَيّا إشْراقُها في السَماواتِ
وَجْهُ الوُجودِ مِنْها أضْوىٰ كالشَمْسِ أجْلَتْ ظُلُماتِ
بالعَرْشِ دُرٌّ قد تَشَعْشَعْ حُروفُ مَجْدٍ ناطِقاتِ
و اللهُ آلىٰ كُلَّ فَرْدٍ يَتْلوها يُعلي صَلَواتِ
*❈●••┈❁°••°❁┈••✦❈*
آياتِ حُسْنٍ قد تَناهَتْ في دارِ طٰهَ بَيّناتِ
ميلادُ زَهْراءُ المَعالي مِيلادُ قُطْبِ المُعْجِزاتِ
خَرَّتْ سُجوداً كُلُّ شَمْسٍ حتّىٰ البُدورُ النَيّراتِ
و بالجِنانِ كُلَّ وَرْدٍ يُضْفي عَبيرَ الصَلَواتِ
*❈●••┈❁°••°❁┈••✦❈*
✍️ الشاعر : ابو شهيد الأحسائي
الأحد ١٤٤٢/٦/١٧هـ
════════════
*لا يجوز و محاسب شرعاً حذف او تغيير التوقيع

قناة دمعة فاطمة للمواليد ترحب بكم انشر تؤجر 🌸🍃
https://t.me/dam3tfatima7

فرحت املاك السمه
اليله مولد فاطمه

فاطمه يا فاطمه فاطمه يافاطمه
...........
نزلت املاك السمه تنشر تهاني
تسابق مسابق مشيها بالثواني
نزلت بجفها العذب تنشر اماني
للبشاره تريد طه ما تتاني

منهو يسبق يعلمه
الليله مولد فاطمه
فاطمه يافاطمه
.............
زين الدنيه نجمها الي يلالي
بمولد الزهره ينورها الليالي
والورد طار ويزين بمعالي
والهوه بنسماته حيره حتى حالي

الهوه صوته يكلمه
اليله مولد فاطمه
فاطمه يافاطمه
......
والفرح عم الهواشم وابتشر
النظر من نورها ابداً مانظر
حيرت عقل الخلائق هالگمر
الوصف وصفه انحنه يمها انكسر

دخيل ربي الناظمه
اليله مولد فاطمه
فاطمه يافاطمه
........
مولد لاهل الارض واهل السمه
عليها الاملاك التهافت حالمه
تحلم تشيل الشمع وتسلمه
وتگعد اگبال الفرح وتكلمه

الفرحه ذنبك هادمه
الليله مولد فاطمه
فاطمه يافاطمه

......

حيدر عيسى البديري

قناة دمعة فاطمة للمواليد ترحب بكم انشر تؤجر 🌸🍃
https://t.me/dam3tfatima7

هوسات لميلاد الزهراء عليها السلام

إضحك يا ثغر البشاير و إقراها جَلْوات
و إگليبي يسمع نشيدك و ترتيل لأبيات
صَلّو عله الطاهر أحمد و بنته صَلَوات
من يرضىٰ الباري لمرضاها
┈┉┅━❀〰❀━┅┉┈
بحِجْر الكرامه تِشَعْشَعْ ع الدنيا مِشْكاة
كوكب سطع عد محمد و أضوىٰ السماوات
فاطم سراج الجلاله و نور الكرامات
و عرش الله اتْزَيَّن لَجْلاها
┈┉┅━❀〰❀━┅┉┈
كوثر لأبوها و يشهد بآياته قُرآن
فاطم شفيعه لمُحبْها و ينوله رضوان
حاشه إللي بيها تِمَسَّك إتْمِسَّه نيران
تاخذ شيعتها بحْماها
┈┉┅━❀〰❀━┅┉┈
✍️الشاعر : ابو شهيد الأحسائي
الأحد ١٤٤٢/٦/١٧هـ
════════════
*لا يجوز و محاسب شرعاً حذف او تغيير التوقيع*

قناة دمعة فاطمة للمواليد ترحب بكم انشر تؤجر 🌸🍃
https://t.me/dam3tfatima7