أنخاك نخوه گاصدك يبن الأطايب
جيتك يَجعفر وشكثر عندي مصايب
**
أنخاك نخوه بالتي كسروا ضلعها
وسطروها سطره وسگّطوا محسن طفلها
اللّي بالحسره نادت ومحّد سمعها
و اصبح گلبها مْن الهضم يا ويلي ذايب
**
أنخاك باللّي بْكربلا محّد دفنهم
دمهم غسلهم والترب صاير چفنهم
وذيچ العقيله اللّي مشت للشام عنهم
فوگ الهزل شافتهم بْحرّ الترايب
**
جيتك يَبو الكاظم يَمن أنت الوسيله
أنخاك بمّ الأربعه ذيچ الجليله
اگضي الحوايج سيدي يا بو الفضيله
و نزور حيدر بالنجف وَ يّه الحبايب
**
أنخاك باللّي بالحجر صگّوا جبينه
أنخاك باللّي صوّبوا بالسهم عينه
داخل عليك بزينب الحرّه الحزينه
جيتك إمامي و اطلبك لا تردني خايب
**
أنخاك نخوه بالوصي سيْد الميامين
أنخاك نخوه بالولي مولانا بوحسين
براسه اللي في وسط الفرض خلّوه نصين
ياهي مْصيبه هوّنت كلّ النوايب
**
جيتك يَجعفر سيدي و عندي عقيده
ما تردني خايب سيدي باللي أريده
أنخاك نخوه باللذي سمّـته جْعيده
و أفجعت طه المصطفى و أمّ المصايب
**
يمتى على العالم يشع يا مهدي نورك
كل يوم جمعه سيدي نأمل ظهورك
تنتظرك املاك السما تأمل حضورك
بالعجل انهض و اخذ بثار الأطايب
**
الشاعر : حسن البوخضر
تمّت عام 1433 هـ
نسألكم الدعاء

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

شهادة الامام الصادق عليه السلام

*يـامــولانـــه يـامــولانــه*
*يابـوالكاظم يـامــولانــه*
~

جـيـنـه نـنــعــاك ابـلـهـفـتـنـه
حـاشـاك اتــردهــا طـلـبـتـنـه
بــسـمـك يـالـصــادق نخوتنه
*حاشـا اتـردنـا لـوتـنـسانـه*
~

بـالـهـادي والــزهـــره وسرها
شيعـتـكـم يـنـكـشــف ضرها
دهــــر الــغــدر مـايـغــيّــرها
*وتـحـيي لامـركم وأحزانه*
~

نقسم باللي نـطـبـرت هـامـه
وظلـت تـتـصـارخ ايـتـامــى
ياوســـف مـاتـــم اصـيـامــه
*جـدك حـيـدر يـا رجـوانـه*
~

يا مــولانــه يـا ابـن الــبـاقـر
انـت اللـديـن الـهـادي نـاشـر
بسمك والله الشيعي ايفاخر
*انـتَ رمــزه وكـل عنوانـه*
~

انـت اللـصرت رمـز الشـيعـه
وامرك واجب كلنا انطـيـعـه
هـذا العـهـد حـاشـا نـبـيـعـه
*ياللي بــسـمـك رف الوانه*
~

حـتـى لـون عـمـرك قـضـى
بالـسـم انـتَ فــوز اورضــا
يا بن الزهــره و المرتـضـى
*يامذهـبنـا وسـر بـرهانـه*
~

تمت بحمد الله ومنه
1439/10/21 هــ

*لخادم اهل البيت عليهم السلام*
*المُلا محمد سامي المرعي* الأحسائي

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

نعي للامام الصادق عليه السلام
===========

اصبح اليوم الگلب مالوم

اون بحزن وشايله هموم

صادقنه رحل ياشيعه هليوم

...................😭

بحر العلم ياصادق القول

مقصره وياه شما اگول

اعذرني يغاتي بن البتول

..................😭

هليوم ركن الدين مهدوم

ودين الاسلام اليوم مثلوم

عليك الاسف ياسيد القوم

...............😭

حزنانه روحي ولابسه اسود

گلبي على الصادق تمرد

علينه الحزن مولاي عاود

..............😭

عاد الحزن وذكرنه الحسين

بيوم الذي مطروح علطين

وتهوس براسه الملاعين

..............😭

مصايب كربلا هاجت علينه

وذكرنه العايله وذبحت ولينه

يومك سيدي لامانسينه

احا ياظيم العلينه

==========
خادمة ال البيت وخادمتكم الحجيه ام علي البصره نسألكم الدعاء

أحزان العترة الطاهرة
قصائد الحاجة أم علي /البصرة

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

نخوه


يا سادس انجوم السمه ، ننخاك ، ننخاك
جيناك و نطلب مكرمه ، ننخاك ، ننخاك
◆◇
يا صادق العتره مدد ، ننخاك ، ننخاك
عل كل جرح ذكرك ضمد ، ننخاك ، ننخاك
و انريدك اتزيل الشدد ، ننخاك ، ننخاك
و ابحق مصايب فاطمه ، ننخاك ، ننخاك
◆◇
جيناك و نشكي كل ألم ، ننخاك ، ننخاك
ما يوصفه حبر القلم ، ننخاك ، ننخاك
تدري الموالي انظلم ، ننخاك ، ننخاك
لنه يحب حامي الحمه ، ننخاك ، ننخاك
◆◇
ما تصعب اعليك العلل ، ننخاك ، ننخاك
و ابنظرتك عدنه أمل ، ننخاك ، ننخاك
شافي المراضى بالعجل ، ننخاك ، ننخاك
باللي ضلوعه امهشمه ، ننخاك ، ننخاك
◆◇
نهتف من اگريب و بعيد ، ننخاك ، ننخاك
حاجتنه كل لحظه تزيد ، ننخاك ، ننخاك
و امرادنه منك نريد ، ننخاك ، ننخاك
باللي انذبح من الضمه ، ننخاك ، ننخاك
◆◇
و ابكل گلب عندك ضريح ، ننخاك ، ننخاك
و ابكل نبض بسمك أصيح ، ننخاك ، ننخاك
مولاي دلالي جريح ، ننخاك ، ننخاك
أنخاك ابمدمع دمه ، ننخاك ، ننخاك
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

مصابك يا امام الجعفريه
يذكرني بمصاب الغاضريه
تبجيني مأسيكم يمولانه
ــــــــــــــــــــ
اصفح بالمآسي ودمعي يتجاره
ومن الاعظم اشوفن روحي محتاره
لبو السجاد كلبي ما طفت ناره
وعلى الصادق ترك كل حزني اثاره
يبو الكاظم على مصابك ونيني على جدك صبغت اسود سنيني
عليكم ضلمه اشوفن والله دنيانه
ـــــــــــــــــــــــــ
الك لوعه بدليلي ولوعه من لوعه
بجيت وناظري ضل تهمل ادموعه
ذكرت شلون زينب تبجي مفجوعه
لمن شافت اخوهه مهشمه ضلوعه
مثل ما ونت ولطمت صدرهه وتمنت بالطفوف انطت عمرهه
يبو الكاظم الك هالروح حزنانه
ــــــــــــــــــــــــ
من اذكرك سيدي واذكر الم جبدك
اشوفن صوره تطلعلي الجبد جدك
اويلي السم يبو الكاظم بقه يضهدك
وابو طلبه يحط خده على خدك
وجبد جدك بالمثلث توذر وذر بالطف على الغبره تطشر
وبقه اعله الغبره ثلث ايام جثمانه
ـــــــــــــــــــــــــــــ
مثل مادم ابو السجاد احيى الدين
ولا دامت صلا لوما دماء حسين
يمولاي والك مذهب يكر العين
رحت والمثلك بحيره اجيبه منين
نصرت الباري وأحييت الشريعه فجيعه مصيبتك صارت فجيعه
الزمن بمصيبتك آلام راوانه
ـــــــــــــــــــــــــــ
اهل دمع النواضر واذكر مصابك
سهم صوب دليلي اصبح غيابك
مثل هاليوم انت اموسد اترابك
ويتيمه ابفكدك وماتهجع احبابك
مئآتم لجلك انصبت مئآتم ** يأصل التضحيه واصل المكارم
سهم فكدك سهم يالوالي اذانه
ـــــــــــــــــــــــــــــــــ

الشاعر محمد حسن ضيغم

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

#جديد
استشهاد الإمام الصادق عليه السلام
طور : ما يحاچیها
.
.
( الليله مآجوره .. بالصادق يزهره )

إجت خلف الجنازه ابضلع مكسور
وعلى الصادق تون ابگلب مجمور
وتنادي جددوه اعليه عاشور
بمُصابك يالمتت يا يمه مغدور

( الليله مآجوره .. بالصادق يزهره )

تشوف الكاظم ابلايه عِمامه
مشه خلف النعش دمعه تِهامه
يِنادي اموّدع الله بالسلامه
يخيمتنه نظل بعدك يتامه

( طاحت الخيمه .. بعدك يا عمدنه )

أويلاه اعله گلبچ حين شَيْعوه
ونظرتي بالگبر لمن ينزلوه
وعلى شيبه الترب يا ويلي خلوه
تِغيّب بالگبر واعياله ينعوه

( واندفن مسموم .. ويلاه اعله عمره )

گِعدت عالگبر وابگلب مجروح
ونادت يا حبيبي ومهجة الروح
چبیر أولادي مني اتروح مذبوح
وامن السَم يَيُمه الچبد مقروح

( آه يا يمه .. يالما شِفِت راحه )

عليكم يالولد ما تنشف العين
أنا ابكل لحظه عندي مجلس اونين
عليك أبچي وعلى الظلوا مطاعين
وابكل لحظه اصرخ آه يا حسين

( ليش عگب الموت .. صدره ايكسِّرونه )
_
تمت ببركات الزهراء عليها السلام
#فاطمة_كريم
٢٠٢٤ م

https://youtu.be/0HDGHuI4pUU?si=6A2d8Zo1dUxCljdm


قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

صح شفت نار 😭💔


_*صح شفت نار واجت تجويني*_
_*بس نحر ماشايف انه بعيني*_
_*يجري دمه قبال اخيته*_
_*وخضبوا شيبة لحيته*_
_*بس نحر ماشايف انه بعيني*_

🔷💢-------------------------------

انه النيرانه وسط البيت شبوهه
انه الصادق وحرمت بيتي داسوهه
منظر بي رحت للعاشر بدمعي
شفت زينب عليهه الخيمه حرقوهه
شبجت العشره بدمعهه السايل
وركضت اعله التل تحشم الكافل
جان حارسهه بحميته
خضبوا شيبة لحيته
بس نحر ماشايف انه بعيني

🔷💢-------------------------------

مصيبة عمتي زينب بالقلب جمره
شافت دم اخوهه يسيل من نحره
عزيز الزهره هذا حسينهه الغالي
عله الغبره الحوافر نايمه بصدره
وسلبوا هدمه بنهار العاشر
وهو ثوبه امزق امن الحافر
وبعد اكثر ماحجيته
وخضبو شيبة لحيته
بس نحر ماشايف انه بعيني

🔷💢-------------------------------

مو عطشان انه ولا ضمه بقلبي
من قد الدخان اتعثر بدربي
ضاق النفس بيه وعيني لعيالي
ايتام الحسين اعله الجمر تحبي
عمتي محتاره وتلم بعياله
وفوق نار اخيامهه الخياله
وادم ايحبون اذيته
وخضبو شيبة لحيته
بس نحر ماشايف انه بعيني

🔷💢-------------------------------

عيالي من لهيب النار محميه
وشلت الخوف منهموالجرح بيه
رقيه بلا ابوها والشمر بالسوط
ضربهه وعلوجه طاحت العلويه
فرفحت والالم ياكل بيهه
اشد جمر طافي تحت رجليهه
والابو راح المنيته
وخضبو شيبة لحيته
بس نحر ماشايف انه بعيني

🔷💢-------------------------------

ضل الحزن والهم ياكل بروحي
على حسين ومصابه مايكف نوحي
اجيب الناعي ينعه والعزه منصوب
وكل ماكبر عمري ايكبرن جروحي
والحزن كل يوم بيه زياده
عالهزل مسبيه عمت الساده
حسين كل عمري لجيته
وخضبو شيبة لحيته
بس نحر ماشايف انه بعيني

🔷💢-------------------------------

نــســــــألكم الدعـــــاء وبرائـــــــة الذمـــــه إن وجـــــــــد أخطـــــاء اثنــــــاء نقـــــل القصيـــــده
خــــــادمه لخدمـــــة الزهــــــراء وابنائهـــــــا عليهم الســـــــلام
_*خـــــــــادمتكم ( أمينـــــــــه) تسألكم الدعـــــــــاء🌹🍃*_
لا اجيـــــــــز حذف اسمـــــــــي

الرادود .... محمد بوجباره
الشاعر ... محمد هادي العقابي

https://youtu.be/-gixBqOurpA?si=8HRxQ5yCvdbobvPW


قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

هاشم يابني هاشم يوم النايبه هاليوم

وياكم الكون ايصيح واوويلي على المسموم

**



واويلي على المسموم كلنا انصيح هاليله



يله وياي يالخدام نعش الصادق انشيله



طاحت خيمة الايتام وكت العوز نمشيله



ها يمصاب ابو الكاظم ركن الدين بيه مهدوم



***



يهل السمه ويهل الكاع اليوم الكاظم تيتم



خل نرفع بيارق سود وننصب كل سدر ماتم



مات اليوم والينه جبده اتقطع من السم



اعيون الشيعه سهرانه حقها من تجافي النوم



****



مسموم وغريب يموت ويعالج بقه وحده



ودعنا بشهر شوال راح وبعده شيرده



صارت مظلمه الدنيا الصادق نايم بلحده



وطير النايبه بكل دار بوداع الحنين يحوم



****



حرق الدار ياهالناس يلجم حزنه وايامه



كلما شاف نار البيت تذكر حرقة اخيامه



وتركض ركضة المحروق جمره ....... جدامه



مات وظلت اويه الروح من طف كربلا ملجوم



*



لو قلنه الولي اتغسل واتشيع ابين الناس



نذكر بالمصيبه احسين جسمه انفصل عن الراس



راسه اعله الرمح مشيول صدره ابخيل اميه

انداس



يشبه فاطمه امه ابصدره اشجم ضلع مهشوم



*



مثل امه الزجيه احسين كلها امكسره اضلوعه



والعباس يم الماي طاح اجفوفه مقطوعه



بعيونه العطش واتراب تجري لزينب ادمومه



واعطشان واعريان وامسموم وا مظلوم


https://youtu.be/cN-UlZ_AnX4?si=t1l421HoPxn1oWVS


قناة دمعة فاطمة لأهل البيت عليهم السلام انشر تؤجر
https://t.me/dam3tfatima5