هدم_قبور_البقيع



اعتذار من الكمر خل يوصله
طول عمري حاير بهل مسئله
شلون ابو القاسم يظل بلا ظريح
اعتذر لو عندي قبه بكربله
*
اعتذار الكمر راده يوصل القبر الحسن
شلون اخيي يگضي عمره بلا مزار ولا صحن
شجره ابو القاسم جبيره  اغصانها كلهن محن
استحي لو عندي قبه واستحي وعندي وطن

ابو دلال السود ما عنده مظيف
هدمّوا قبره الفلا بيهم شريف
الكمر عمره وجنّ اسمعنّهَ يصيح
أعتذر لو عندي قبه بكربله
*
اعتذار الحسن هذا يمر على زين العباد
العنده حاجه منين يدخل ما إلك باب المراد
يا غريب العمر كله شلون يگظي بهل بلاد
لا بواجي ولا مدامع  لا رويه ولا سواد

الراحت ارگبة بأثر كثر السجود
يا اللهي شلون يبقى بنص يهود
من التمنى المشرعه بيها يطيح
اعتذر لو عندي قبه بكربله
*
اعتذار ومن امامي  الباقر السن العَلّمَ
هذا استاذ المبادء  هذا استاذ القيم
يا حسافه تراب قبره ألبل سمه وزع نّعم
السهم ذاك بوسط عيني وبالهدم نفس السهم

الشاهد بعينه اثر حرق الخيام
وسفه قبره ينهدم من الئام
من الامام الباقر القوله صحيح
اعتذر لو عندي قبه بكربله

*
اعتذار من العلّومّه ترست أوراق الكتاب 
ياحلاتِ النعمه كون الصادق تنوره قباب
ونجتمع كل يوم جمعه ونكعد نصدر عقاب
وتحضر ام كلثوم تشهد هيه هم ظد التراب

العلّمَه طش اعله الملائك اجمعين
تراب فوگه ولوّن تمطر صار طين ؟
من الخلص عمره على اجداده جريح
اعتذر لو عندي قبه بكربله
**
اعتذر لّآل الرساله  واعتذر من الرسول
شلون حمزه تراب قبره والله كلش مو قبول
الجان من خبزاته ينطي لو يجي يمه لسئول
هسه بس تراب قبره وليجي يصبح ذهول

لجان كدام النبي يشهر حسام
ومو درع يلبس فقط ريشة نعام
من الذي لوكض حسامه جنه ريح
اعتذر لو عندي قبه بكربله
****
يونس كريم الزيداوي



قناة دمعة فاطمة لأهل البيت ترحب بكم انشر تؤجر
https://t.me/dam3tfatima5

فاجعة هدم قبور أئمة البقيع عليهم السلام
( ٨ شوال )


يا بقيــعَ الحُزنِ هل تبقى جريح
فمتــى يَظهَرُ مـن يَبني الضريح

عجــل اللهم عجل فـــي الظهور
غَيرَ مهدينا فمن يُشفي الصدور
من لــهُ الأرواحُ تفـدى والنحـور
صاحـــبُ الأزمــانِ لبيـكَ نصيح

رايـــةُ الحَـقِّ بهـا يمحـو الظـلام
بيــن ركــن البيـت تعلـو والمقام
تُعلِــنُ هــا قــد بدا عصر السلام
تقتفيهــا رايــةُ عيســى المسيح

قبـــرُ أنـــوارِ الهدى فــي الغرقَـدِ
يشكــو مِن جَـورِ وحِقـدِ المعتـَدِ
يـــا لِثـــاراتِ البـقيـــــعِ سيـــدي
مـــا لنــا غيـــركَ للحُـــزنِ يُزيـح

أنــتَ ثـَــأرُ اللهِ يبـــنَ الأكرميــن
تَرقُـــبُ يـــومَ الظهـورِ كلُ عيــن
ترتجــي ثـــأرَ البقيـعِ و الحسيـن
بظهورك رايــــةُ الظلـــمِ تَطيـــح

إِشفِ قلبَ السِّبطِ مولانا الحسن
إجلي عنــهُ سيدي الهَم والحَـزَن
فمتــى يَبـــنَ الاطائــِبْ تَظهَــرَن
عَجِّلَـن يا صاحِبَ الوجه الصبيح

سيــــدي خاتـَـــمُ أنـــوارِ الحجج
طــالَ ميعادُكَ هـــل يأتــي الفرج
أنتَ من يُصلِحُ في الأرضِ العِوَج
كاشــفُ الغَـــمِّ عن القلبِ القريح

طالـــبُ الثــــأرِ لأنــوارِ الهُــــدى
أنتَ سيفُ الحقِّ في وجهِ العـدا
سيـــدي أرواحُنـــا لـَـــكَ الفـــدا
وفِــــداءٌ لـــدَمِ السِّبـــطِ الذبيـح


كلمات عمار الراشدي


قناة دمعة فاطمة لأهل البيت ترحب بكم انشر تؤجر
https://t.me/dam3tfatima5

شوكت ننصب بالبقيع قرايه
ونعتني لكبر الحسن مشايه
****
شوكت ننصب بالبقيع احنه العزاء
تمشي رايات النصر من كربلاء
تصير ارض الحسن بالعز والأباء
وتكصد الشيعه مشي عنايه
****
والمسيره الكبرئ من ارض النجف
يالثار الحسن زلزلال وهتف
جن مدار الارض يهتز ورجف
ثار ابو محمد يصير الغايه
****
انسوي حنه جاسم إبكبر الحسن
والمناحه تصير بدموع وشجن
والنوارس مشن ويانه وسعن
تعتبر هاي المسيره إبدايه
****
نروح يم كبر الوفه كبر الونين
بينه ريحه تشمها من كبر الحسين
هذه هذه الطاهره ام البنين
ام ابو فاظل تظل وفايه
***
انأذن بارض البقيع المايلي
لافتئ إلا ابو الحمله علي
صوت من عند الروافض يعتلي
وصوت فاطم بالعزه بجايه
****
رايه نرفع للحسن بين النجوم
بيها مكتوب الظلم لا مايدوم
عالكبر نبقه بحزن والله نحوم
الطاغي باجر منهو يمش برايه ؟
****
تمت ولله الحمد / المقصر مع الحسين
              علي النائلي

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

بـاچر  مـهدينه يصفيها
و  قـبـور الغرقد يبنيها

◼️▪️◼️▪️◼️

بـاچر مـن يظهر مهدينه
سـيف  الله القاطع بيمينه
تجفل  كل هالصاحت وينه
تـتـمـنه  الموت يخليها

◼️▪️◼️▪️◼️

بـاچر  يـطلب  ثار المله
يـهتف  لا  هيهات الذله
روس الچانت تشكي العله
سـيـف  الفقار يداويها

◼️▪️◼️▪️◼️

مـن  يظهر  كل المعموره
تسجد يم صمصامه ونوره
كـل مظلوم يلوذ بسوره
و الـنـاس العزل يمحيها

◼️▪️◼️▪️◼️

مـن ياخذ ثاره من المرتد
يـتـعنه  و يقصد الغرقد
يـبـنـي المرقد يم المرقد
و  قـبـور  العترة يعليها

◼️▪️◼️▪️◼️

يصرخ  صرخة تهز القدره
يـم قـبر المظلومة الزهره
يبني  المرقد بأعظم حَضره
يـقـرأ زيـارتها ويرثيها

◼️▪️◼️▪️◼️

الأم عـباس الچافل يفزع
يـنزع  يم مرقدها المدرع
يـبني  بإيده منارات أربع
بـأربـع شـبان يجازيها

◼️▪️◼️▪️◼️

يـرفـع في قبتها الـرايه
و نفهم من رفعتها الغايـه
يعـني إتأشـر للمـشايه
ونقصد مشايه إنطب ليها

◼️▪️◼️▪️◼️

يـم  السبط الأول يرجع
يـم سجاد العترة اليشفع
. يـنصب  شباچ عالمضجع
و  بــقرآن يطوف عليها

◼️▪️◼️▪️◼️

ما بين الزاهـر و الطاهر
مـا بين الصادق و الباقر
نعـقد أعظم مجلس باجر
و عـشرة عاشور إنسويها

◼️▪️◼️▪️◼️

الرادود  باسم الكربلائي
الشاعر  صفاء الرميثي

https://youtu.be/sCJt6f8eSwQ?si=I9fXURq-GU4PvQCv

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

في فاجعة هدم قبور أئمة البقيع (ع) :

____

طبّـت للبقـيـع او تـمشي ما بين ..
گبور امهدّمه او دم تهمـل العين ..

مـحــنـيّـة ظـهَــر تــتـعـنّـه لگـبــور
ابـزيـارة اُمْ إجَـت لـوْلادهـا اتـزور
تمشي او تعثر او تتخطّه و اتدُور
شبِه طير اللي مكسور الجناحين ..

اعله خـدها المنسطر يجـري دمعها
او تناست همها و امصيبة ضلعها
ابْـليـل أظـلَــم إجَـت وجّــت شمعها
و گامـت تنشـد اگبــور الـميــامين ..

اِبْحِجارة چم گبر تمشي او تعثّر
او تـنــاشِــد ويـنـكم گلـبي تفطّر
يـا السجّـاد .. يالبـاقـر .. يجعفر
و انت يالحسن گبرك صبح وين ..؟

اِلگبر مهدوم إجَـت و اگْعِـدت يمّه
تشيـل اتـراب من فُـوگه او تشمّه
او تنادي يالحسَـن ريحـتـك يُـمَّه
أعــرفــها رغــم دُورات لسنــين ..

او سِمْعَت من گبر يمّه بچي و وِيد
لا يِـبْــرَد و لا يِــفــتَـر و لا ايْـهــيـد
أثاري ابچف علـي السجَّاد لحديد
او من عنده غده يتعاله لــوْنين ..

او بعد عدها گبر و ابمرقده اتطوف
بي كل الجـره ابطف كربله اتشوف
الباقِـر گبره بي ريـحه امْـن لطفوف
او جرحه اتورثّه من جرح لحسين ..

او عله الصادق تسِح دمعتها من دَم
اِلـمُـصيبة غربـته او چــبــده التخذّم
فـوگ الـسَّـــمْ علـيـهْ گــبــره ايتـهـدّم
او تنادي ابصوتها يا عَملة البين ..

___

ميرزا عادل 


ــــــــــــــــــــــــــــــــــــــــــــــــــــــــ


قناة دمعة فاطمة لأهل البيت ترحب بكم انشر تؤجر
https://t.me/dam3tfatima5

قصيده لهدم قبور أئمة البقيع عليهم السلام
......

جارت اﭼـفوف الغدر .. والصبر عاف الصبر
بالبقيع اﭼـم گبر .. يالمهدي مهدوم
             ****
يابوصالح الك نبدي بالسلام
ياإمام الناس ياخير الانام
الدنيه غابه بلاشمس عم الضلام
بالبقيع انهدم گبر اجم امام

رجعت التعبد وثن .. والقبور تهدمن
لامناره ولاصحن .. هم عندك  اعلوم
****

الي هضمت كبد حمزه عاودت
ورجعت ام الجمل بالدنيه طغت
بالبقيع اقبور عدنه اتهدمت
وراية اهل الجور يالمهدي عِلت

عبدو الات وهبل .. كل فكرهم بي جهل
ياابن خير العمل  .. الطلعه يايوم
****

الحسن يالمهدي مضلوم اشكثر
الي سمو ﭼـبده رجعو للگبر
هدموه وﭼـان ضنهم يندثر
نور الله يبقه رغم اهل الغدر

نوره مايطفه ابد .. نوره من نور الاحد
الواحد الفرد الصمد .. مايطفه ويدوم
****
ياعلي السجاد الك ونه شجيه
ادري بيك جروح من الغاضريه
يلي شفت حسين ضل جثه رميه
انته نورك باقي من نور الثريه

تذكر بذهنك صور ..  باقي بمتنك اثر
بگبرك ينوح الحجر .. يل دمعك دموم
****

على الصادق گلبي غاطيه الهضم
حير الدنيه بمفاتيح العلم
الباقر اعليه اشأسولف وشأضم
اقبور رحمه بياذنب شو تنهدم

بعيني ضل ينزف نهر .. حگي لو اشبع قهر 
اعله اسياد البشر .. ضل گلبي مالوم
****
اعله ام الاربعه اعمي يعين
هاي باب الله الوسيعه ام البنين
الخِلّصت كل العمر نوح ونين
عمر خلص تلفض وتنعه الحسين

الله خصها بمرحمه .. احدى ابواب السمه
بل الگبر هي لاطمه .. يحسين مضلوم
****
الحسن من الضلم مجروح گلبه
الصادق وزين العباد يناجي ربه
الباقر ينادي الفرج ياربي قربه
وم لِبنين بدمع تقراله ندبه

للعرش نور وعرج  ..  يدعي ياربي الفرج
حجج تدعي للحجج .. الفرج يايوم
****
للشاعر علي محسن الفرطوسي


قناة دمعة فاطمة لأهل البيت ترحب بكم انشر تؤجر
https://t.me/dam3tfatima5