لطمية ( ظلت ابلا فاتحه ) لذكرى وفاة عقيلة الطالبين زينب ✋
للرادود🎤عمار الكناني
للشاعر / محمود الموسوي

◾️◾️◾️◾️◾️◾️◾️

(المستهل )

اخت الحسيييييين _ اخت الحسيييين
حسين اختكم _ ظلت ابلا فاتحه
حسين اختكم _ ظلت ابلا فاتحه
.................................
( الرد )

صوت إجا امن الشام _ اسمعه البارحه ااا
حسين اختكم _ ظلت ابلا فاتحه ااا
حسين اختكم _ ظلت ابلا فاتحه ااا
حسين اختكم _ ظلت ابلا فاتحه ااا
آه آه آه آه آه _ آه
◾️◾️◾️◾️◾️◾️◾️
بالحلم زينب اجت _ گعدت اگبالي وبچت
تگلي اكون بصفك ايدفنوني
باچر بغربه الدفن _ والجنازه ابلا متن
اخوان ماعندي تره يشيعوني
حايره ااا _ وعاثره ااا _ وعلى افراگك خويه شوف اشصايره ااا
عايله ااا _ وشايله _ ومايله الدنيا ويه زينب _ مايله ااا
خويه شحچي _ ويوجّعني امتونييي
هاي تالي ابلا دفن _ عفتونييي
◾️◾️◾️◾️◾️◾️◾️
حسين يابعد العمر _ يمك اتمنى الگبر
كون ابو فاضل يشيل _ اجنازتي
غربه تهضمني تره ااا _ الشام ماترحم مره ااا
وأندفن بولايه _ موش اولايتي
شايفه ااا _ وخايفه ااا _ وخاف اهضمك _ من اگلك سالفه ااا
طالعه ااا _ وراجعه ااا _ وسنبله بديرة مناجل _ ضايعه ااا
عازت امتون الگمر _ ياعازه ااا
زينب تحشمكم اعله _ اجنازه ااا
◾️◾️◾️◾️◾️◾️◾️
كون گبري بنينوه ااا _ خنگه ياشامِ الهوه ااا
وأنا كل ساعه انشمر _ بحچايه ااا
ناس تكرهنا وعلييي _ وماكو واحد من هلييي
لا گمر يمي ويشيل الرايه ااا
جروحييي _ ونوحييي _ كُون يم حسين تطلع روحي
ادخيله اا _ الليله اا _ راح اموت الليله _ اخر ليله
كون اموتن هسه يم اخوانييي
حتى واحد يشبگ _ اعله الثانييي
◾️◾️◾️◾️◾️◾️◾️
نقلته لكم بمجهودها وتعبها / خادمة اهل البيت 🎤ام محمد البخيتان
لا اجيز حذف اسمي من مكانه 🚫
نسألكم الدعاء احبتي 🤲
سلامي على قلب زينب الصبور

https://youtu.be/_97f-fBMOLo

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

🏴 كل المصايب🏴

⚫ في استشهاد عقيلة الهاشميين السيدة الطاهرة زينب الكبری عليها السلام

🔘 طور : راح الولد راح يرمله { ملا قحطان البديري }
.
.
.
الليله العقيله الأجل وافاها بالغُربه
الليله العقيله

آه يم الخدر
اتوسدت بالقبر

الليله العقيله الأجل وافاها بالغربه
الليله العقيله

〰〰〰〰

آه يا زينب .. ياللي قلبچ منجرح
آه يا زينب .. ولحظه ماشفتي فرح
آه يا زينب .. وشفتي احسين انذبح
آه يا زينب .. بعينچ وراسه برمح

كل المصايب يزينب والله شفتيها
كل المصايب

شفتي قطع النحر
اتوسدت بالقبر
〰〰〰〰

هالمسه وحدچ .. بغُربه ما يمچ أحد
هالمسه وحدچ .. لا أخو جاچ وولد
هالمسه وحدچ .. قلبچ ابهمه انمرد
هالمسه وحدچ .. من يشيلچ للـــ لَحد
حتی ابمنيتچ زمانج عذبچ والله
حتی ابمنيتچ

لچ فلا ظل ذخر
اتوسدت بالقبر
〰〰〰〰

وين أبو فاضل .. خل يرد امن الشريعه
وين أبو فاضل .. يشوف اخته ابيا فجيعه
وين أبو فاضل .. ايشيِّع الليله الوديعه
وين أبو فاضل .. لا يجي وچفه قطيعه

ما تِحْمِل اتشوف بعد چفینه مقطوعه
ما تِحْمِل اتشوف

وعينه إبلا نظر
اتوسدت بالقبر
〰〰〰〰

ماتت الحره .. نُوح يا قلبي عليها
ماتت الحره .. ولَسَّه لجروح ابإديها
ماتت الحره .. من أثر محنة سبيها
ماتت الحره .. وين أبو الأكبر يجيها

اجفون العقيله المسيه من يغمضها
اجفون العقيله

وينعی أم الصبر
اتوسدت بالقبر
〰〰〰〰

يالتدفنوها .. ابهيده وي الحره زينب
يالتدفنوها .. بالكم بيها اتعذب
يالتدفنوها .. هاي أم قلب اِلمصَوَّب
يالتدفنوها .. امغرُبه وكافي اتغرب

ابهيده يدفان متن زينب ترا أزرق
ابهيده يدفان

والظهر منكسر
اتوسدت بالقبر
〰〰〰〰

اوداعة الله اوياچ .. آه يابنت الأمير
اوداعة الله اوياچ .. آه يم قلب الچبير
اوداعة الله اوياچ .. ورا نعشج من يسير
اوداعة الله اوياچ .. ومن يصب دمع الغزير


يحضر علي اهناك يزينب وَيَّه راعي الجود
يحضر علي اهناك

وتحضر أم الطهر
اتوسدت بالقبر
〰〰〰〰
تمت بحمد الله تعالی
✒بقلم الشاعرة/ فاطمہ كريم
•••• الكويت ••••
شرعاً لا أجيز حذف الإسم
نسألكم الدعاء لتعجيل الفرج
يــــــــــا أبا عبـــــــــــــــدالله

https://youtu.be/C5aONkB3elw

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

#السيدة_زينب


*ياللي تغسلوها … بالهون گلبوها*
*لا لا تجرحوها  … أم المصايب*

————— (١) —————

هاي الوديعة بت علي و الزهره
أخوتها راحت او عايشة عالذكرى
حتى ابدفنها الكسره بعد كسره
و أزرق متنها و ناحله و متغيره

زينب مثل أمها  ... السوط ورمها
و هم تدفن بهمها … أم المصايب

————— (٢) —————

ياللي تغسل زينب المسبيه
بالهون صب الماي عالعلويه
لا لا تهيج اجروحها الشاميه
لا تبچي أمها الراضيه المرضيه

لا تبچي لبچاها  … اليرضى الله لرضاها
لعن الله الأذاها … أم المصايب

————— (٣) —————

ناحل جسمها بت علي و تعاني
بآخر نفسها تقول وين أخواني
بشكي لهم شمر الخنا سباني
‏و معقوله عباس الوفي ما جاني

ما جاني يدفني ... يطيّب جرح متني
و قبري ينزلني ... أم المصايب

————— (٤) —————

زينب غريبه و لا معاها أخوتها
حتى الهواشم ما اجو دفنتها
منهو الينزل زينب ابحفرتها
و أخوتها اخيول العدى سحقتها

و ظلت بلا والي ... شتمتها الانذالي
في اول تالي ... أم المصايب

————— (٥) —————

بت فاطمة عالمغتسل ممدوده
ونتها لاچن ما اختفت موجوده
تبچي على اللي اگعطوا ازنوده
و إعلى الي صابوا عينه ويا جوده

ما تنسى كافلها ... الچان يدللها
و يباري محملها ... أم المصايب

————— (٦) —————

غربتها صعبه لاچن الچان أصعب
لآخر نفسها احسين ظلت تنحب
حتى الحجر صاح و ندب يا زينب
بطلي ونينچ العرش دمعه انصب

اليسمع آهاتچ ... يعرف معاناتچ
مقسى نهاياتچ … أم المصايب

————— (٧) —————

ميته الأميره من قبل موتتها
و ظل الجسد بليا روح بلا اخوتها
موّته الصار و جرى العيلتها
و بذبحة أخوتها حصل ذبحتها

ميته  بظهر عاشور … و لـ إدفنت بلگبور
منها العمر مبتور … أم المصايب

————— (٨) —————

بت فاطمة جور الزمن آذاها
و صبت مثل صب مطر بلواها
ماتت غريبه و لا أهلها اوياها
حتى الجا " سلمان" لا ما جاها

تجرح مصيبتها … ماتت بغربتها
منهو الواستها … أم المصايب

————— (٩) —————

من ترفعوا اجنازة المظلومه
ذكروا الذي اتغسلن بدمومه
هاذي وصية بت علي المهضومه
لا تنسوا احسين و مصابه و يومه

لا تنسوا اش جاله .. ابعشرة خياله
و شتّمني چتاله … أم المصايب

🖋 عبد مُحمد وآل مُحمد / #مفضل_حبيب
سيهات - القطيف

طورها
https://youtu.be/wa17cSIZeqs—

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

🔹 وفاة السيدة زينب ع🔹
         " ردادية للعزاء الأخير "

🔹🔹🔹🔹🔹🔹🔹🔹🔹🔹


عَزُّوا الزَهْرَه يَشِيعَه .. مَاتَتِ الحُرّه الوَدِيعَه


زينبِ الكُبْرَى العَقِيلَه
بِالحِزِن تِقْضِي نَحِيلَه
وَ الله موتَتْهَا ثِجِيلَه
نُوحُوا ليَها بِالفَجِيعَه


وين أَبُوهَا مَا يِجيِهَا
خَل يِجِي السَاعَه إِليهَا
و اُمّهَا خَل تِبْكِي عَليهَا
حِضْرِي ليهَا يَالشَفِيعَه


مِنْهُو يِحفر لَلَحَدْهَا
لا وَلَد لا أَخُو عِدّهَا
مَيْتَه غُرْبَه عَنْ بَلَدْهَا
ضَاقَتِ اِعْليهَا الوَسِيعَه


نَادُوا لا شيخِ العَشِيرَه
زينب اِبْحَالَه مَرِيرَه
ويلي مَاتَتْ بِالكَسِيرَه
وين أَبُو كَفِّ القَطِيعَه


آ عَلَى أُمِّ المَصَايِب
فَاقِدَه كِلِّ الحَبَايِب
وين عَنْهَا اِحسين غَايِب
ضَيْعُوهَا فَرِد ضيعَه


🔹🔹🔹🔹🔹🔹🔹🔹🔹🔹

مأجورين و مثابين و نسألكم الدعاء ..

🖋 حليمة الأحمد
" لا أجيز حذف الإسم أو تغييره أو طباعة القصيدة لبيعها "

١٤٤٠/٧/١١
قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

ثكيله للسيده زينب ع نفس طور تربه ومصلايه للرادود خضر عباس
****
حنت الروح للأودهم شابحه العين تنتظرهم
أرحل بأحزاني بحسرتي لاخواني
واحسيناه واحسيناه
***
حنت الروح وتنادي وين احباب الكلب
ليش ماعندي عشيره موتي بديار الغرب
آنه اخت عباس وسفه وكتي حاربني حرب
جنت اتذكر دلالي بالسياط من انضرب
آنه ياناس العقيله بفركة اخواني عليله
غربتي عنواني بحسرتي لاخواني
واحسيناه واحسيناه
***
عيني عالباب انتظرهم بلكت يحنون إلي
بكربله ابعاد الحبايب وين اخويه وكافلي
عفته مرمي عالشريعه وروحي بالهم تنسلي
جفوفه عالشاطي رميه صحت وينك ياعلي
وين ابو فاضل اريده روحي رادت لمسة ايده
انتحب خلاني بحسرتي لاخواني
واحسيناه واحسيناه
***
ميته من عاشر محرم من شفت راس الحسين
الشمر من يذبح وريده اكبالي ماخلالي عين
تسحك بصدره الحوافر وانسحك كلبي الحنين
اشهك بانفاسي كوه ومابقه بعمري سنين
بحالي مايدرون اخوتي بفكد الحسين حان موتي
والاجل وافاني بحسرتي لاخواني
واحسيناه واحسيناه
**
آنه ام الخدر زينب طولي ماينشاف جان
صرت اتستر بديه وراح من عندي الامان
يسروني وجتفوني وين وداني الزمان
من السياط امتوني زركه ضيعت اهل الحنان
بكربله احبابي ادفنتهم عالترايب من شفتهم
يادمع واساني بحسرتي لاخواني
واحسيناه واحسيناه
*
حان موتي بدار غربه ابلاعشيره ولا اهل
آه يالشام وعذابه شخله بيه وشعمل
ميته من يوم الخرابه وطفله وافاهه الاجل
عالطشت ماتت رقيه والدمع من دم نزل
روحي مهضومه ادفنتهه عميه العيون من عفتهه
عميه يادفاني بحسرتي لاخواني
واحسيناه واحسيناه
***

https://youtu.be/f97_oy0A-Q0

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

( *قصيدة المآسي الزينبيه* )

*والله دنيه... خاينه ومالچ امان*
*والله دنيه...اه من غدر الزمان*

*دنيه هاي اشگد عجيبه*
*چم گلب ضل بنحيبه*

*والله دنيه* *والله دنيه*
....................
والله دنيه شلون غداره وتعيل
ادوس حيل اعله الجرح لمن تميل
تخلي كلب الفاكد امعذب عليل
والدمع ليله ونهاره بس يسيل

*ماشفت راحه بحياتي*
*ابد من زغري لمماتي*
*والله دنيه والله دنيه*
😭😭😭😭😭
ماشفت راحه بحياتي ودوم اون
عالمشو حنت الناكه من احن
سودضلمات الليالي من يجن
تلفي چم حسبه اعله بالي لولفن

*وانه حسباتی ولنی*
*خذن حیلی وهل عمنی*
*والله دنيه والله دنيه*
😭😭😭😭😭😭

مدري ياهو يهون منهن يامصاب
وانه من يوم الضلع گلبي انصاب
دمعتي مابطلت والگلب ذاب
ونار گلبي ماطفت جمره لهاب

*ضاع بعد الاهل خدري*
*والصبر ساجد الصبري*
*والله دنيه والله دنيه*

😭😭😭😭😭😭

صبري حد الگبر رافگني يناس
والحزن دگ بيه اوتاد واساس
والدهر بنيابه بات وگلبي جاس
ونتي بهيده بقت لاخر انفاس

*نعشي باحزانه ثكيل*
*بالهضم بييه يميل*
*والله دنيه والله دنيه*

😭😭😭😭😭😭

من يودي الخبر لهلي يشيعوه
خبرو اخواني اعله نعشي خل يجوه
بهيده وي امتوني لمن يدفنوه
باقيه اثار السياط ويعرفوه

*حافره اجتافي يخوتي*
*ضلت لحد يوم موتي*
*والله دنيه والله دنيه*

😭😭😭😭😭😭

*تمت بحمد الله وتوفیقه بقلمی الشاعره الحاجه ام حسین العسکری ناصریه یحرم الحذف والتلاعب ونسالکم الدعاء*

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

جنايز للسيدة زينب

من ارض المدينة اسمع اونين
جنه ااونين فاطم يامسلمين
محنية الظهر ومغطية العين
وتناشد ال بالدرب ماشين
الشام دربه قولو من وين

تنادي ومنها الدمع يسجب
وتلطم على صدر المصوب
وين ال يعزيني اعلى زينب
بنتي قضت بين الغرب


توجهت فاطم الى الشام
وظلت تهل الدمع سجام
وعلى حال زينب تلطم الهام
علام المتن ازرق علام
شعملو فيج يازينب الظلام


وصلت الى الحورى الزكية
ونخت علي حامي الحمية
والحسن ويا حسين اخيه
وعباس كافلها الشفية
كلكم حيادى وضيغمية
ماتشيعون الهاشميه

دارت العين ال ارض لطفوف
وصاحت يعباس العطوف
مو انت الجنت للمحمل تحوف
قلها يازهرة مالي اجفوف
وسهمي عماني وماشوف
عذريني ترى مبضع بالسيوف

صاحت اجل بوعلي يحضر
وينادي الجاسم والاكبر
واحد يجيب الها سدر
والثاني يحفر للقبر
لن صوت جاها من النحر
يالغالية منج اتعذر
جسمي على الغبرى موذر

صاحت يابو صالح يامغوار
عجل يايمه واطلب الثار
عمتك غريبة بلايا زوار
وانا خايفة يسلبون الخمار
وتعود فعلتهم هالاشرار

خادمتكم كفاية

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

▪️ نعي للسيدة زينب ▪️


آه اني ياونتي ونه طويلة
اونها وهاالمدمع اسيله
اني فاقده اشيوخ القبيله
واخليصي ماكو مثيله
خلاني اون ونه. ثقيله
اني ذايب على الاخوان قلبي
▪️▪️▪️▪️▪️▪️▪️▪️▪️

اني زينب اليحجون عني
اني المتمرمره من صغر سني
سليت المصايب ماسلني
اني الغاليه وحسين يحبني

وطول الدهر مافارقني
ولالحظه يغيب احسين عني
لكن خداه الموت مني
وشفته على التربان مرمي
والراس فوق الرمح يعمي
ياموت خدني وزيحني
آه آه آه آه آه يخليصي
▪️▪️▪️▪️▪️▪️▪️▪️▪️
تدرون شيعه احسين احبه
ولااقدر ولاساعه اعلى بعده
جيفه قدرت انظر لقلبه
وسهم العدو صابه بنشبه
والشمر باالتربان جبه
آه آه آه آه آه يخليصي
▪️▪️▪️▪️▪️▪️▪️▪️▪️
اني مافارقيته امن الصغر
وساعه على فرقاه مقدر
جيفه قدرت انظر المنحر
وحسين باالتربان يعفر
يخليصي ذوبت قلبي
▪️▪️▪️▪️▪️▪️▪️▪️▪️
اويلي واللي فجعني وتاه بالي
راس الولي باالرمح عالي
ومنصوب يايمه اقبالي
وعينه تصب الدمع جاري
خايف يضربونش اقبالي
▪️▪️▪️▪️▪️▪️▪️▪️▪️
رثاء : خادمة اهل البيت
ام علي التيتون
صباح كريم

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

🙌🏻 🙌🏻. 🙌🏻. 🙌🏻.
نخوة للسيدة زينب (ع)

طور يمه ذكريني
————————-
زينب أنخوها والدعا بيها مجاب

قوموا نادوها يا بنت داحي الباب

ما تخيبكم حاشا العقيلة
زينب انخوها والدعا بيها مجاب
———————————-
نوقف ابابج ونرفع اجفوف الدعا

هاذي الكريمه كل دعانا تسمعه

والدمع بالخد كلنه نسيله
زينب انخوها والدعا بيها مجاب
——————————-
جينا محتاجين نظرة من عينج نشوف
مسحي هالدموع ابجا مقطوع الجفوف

ابقمر هاشم وأنتي الكفيلة
زينب انخوها والدعا بيها مجاب
——————————-
الخاطر حسين وطفله ياويلي الرضيع
ظامي اوعطشان بالسهم دامي أو.صريع

والمحب ينخاج وحاير دليله
زينب انخوها والدعا بيها مجاب
——————————-
امن القلب ننخاج والدمع بالخد يسيح
ابجاه أبو فاضل وحسين المرمي ذبيح

ما عندي غيرج همي اشكيله
زينب انخوها والدعا بيها مجاب
——————————
مولاتي زينب جيتج أو همي ثجيل

جبري اقليبي وشافي لينه كل عليل

بيج اعتقادي وأنتي الوسيله
زينب انخوها والدعا بيها مجاب
——————————
تحت هالرايه والدمع بالخد همول

نطلب الحاجة ونقسم ابضلع البتول

ابركزة المسمار ولطم الجليلة
زينب انخوها والدعا بيها مجاب
——————————
اتراكمت لهموم وآنه محتارة وصيح

ضاقت الدنيا ابعيني أو ضاق الفسيح

وكلمن إينا دي وزايد عويله

زينب انخوها والدعا بيها مجاب

****تأليف خادمة أهل البيت ( ع )

ام محمد الخواجه

( صفيه التحو )

https://youtu.be/9EMYExhU79A

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

✨


بچيني اعله زينب

_*بچيني اعله زينب*_ 😭💔


_*لا تغير عليه يارب ... وبعد بچيني اعله زينب*_
_*والدموع ... ولا شاك ... توقع بديها*_
_*علي يصيح ... علي اوياك ... امن ابچي عليها*_

🔷🔳___

اقطع بريتي الهوه وذوبني شمعه
إلا حبل الخدمه يارب لا تقطعه
بالذي عنده الاصابع فقط تسمعه
ارد اعيش ابدنيتي اعله الحوره دمعه

ربي لولا هالمدامع ... چان اعيش انسان ضايع
يمعبود ... إخذ هاك ... علقني بيها
علي يصيح ... علي وياك ... امن ابچي عليها

🔷🔳___

ربي أدعوك ولا ادعو سواكا
خلني من اللي بكى وابكى وتباكا
قد تركت الخلق طراً في هواكا
هذا بيت احزاني والمنبر اراكا

لا تمر اعليه ليله ... مابچيت اعله العقيله
ولا انساه ... الألم ذاك ... وانسى سبيها
علي يصيح ... علي وياك ... امن ابچي عليها

🔷🔳___

ربي اريدن يحترق دلالي خيمه
شما سمعت امن الخيم فرت يتيمه
خضب ايامي بدمه الشيبه الكريمه
روحي اتطوف اعله زينب بالظليمه

اعقد اسنيني وخلني ... بزينب اليحچون عني
صدى يدور ... بالأفلاك ... لجرة نعيها
علي يصيح ... علي وياك ... امن ابچي عليها

🔷🔳___

والخرابه واللي صاحت بيها بابا
عمر ماراح اعله زينبكم خرابه
على زينب دمعتي ساعه إجابه
انمنع ويزور ابوصالح نيابه

دمعة الخادم مناره ... الونه محسوبه بزياره
صحن صار ... وشباك ... مدمع بچيها
علي يصيح ... علي وياك ... امن ابچي عليها

🔷🔳___

بفي عباة ام الستر استر عليه
لو على غير اللطم مديت اديه
خل تظل روحي سبيه للسبيه
وماتمر لحظة عمر مو للزچيه

ربي تحت اجدام فاطم ... عمري سجادة مأتم
وهالسنين ... من املاك ... بضعة نبيها
علي يصيح ... علي وياك ... امن ابچي عليها

🔷🔳___

نسألكم الدعاء وبرائة الذمه ان وجد اخطاء اثناء النقل
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي

الرادود .... محمد بوجباره
الشاعر .... حسن طاهر المعيبد

https://youtu.be/uvG9isvCWjg

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5