السلام عليكم

طريقة إرسال المجالس الحسينية في قناة المجالس كالآتي بالنسبة لليلة الأولى اكتب
الليلة الأولى المجلس الأول
الليله الأولى المجلس الثاني
الليلة الأولى المجلس الثالث
وهاكذا على حسب عدد المجالس اللتي تصل أحياناً سبعه او ثمانية مجالس لليلة الواحده
ويطبق هذا النظام على باقي الليالي والمجالس

وفقنا الله وإياكم لما يحب ويرضى ونطلبه التوفيق والسداد 🙏🏻

رابط قناة دمعة فاطمة للمجالس ⬇️⬇️

https://t.me/dam3tfatima6

🏴


السلام عليكم ورحمه الله وبركاته

عظم الله اجورنا واجوركم خدام الحسين عليه السلام

بإذن الله سوف يتم إرسال القصائد الحسينية في قناة دمعة فاطمة لمحرم وصفر
حسب المناسبة في كل لليله من ليالي محرم الحرام 🏴🏴

وفقنا الله وإياكم لما يحب ويرضى

خادمتكم ام محمد العمري أسألكم الدعاء 🙏🏻
رابط قناة دمعة فاطمة لمحرم وصفر ⬇️
https://t.me/dam3tfatima3

قصائد إستشهاد الإمام علي السجاد عليه السلام 🏴

آه واويلاه زين العابدين
ـــــــــــــــ
يل بعينك شفت ضيم ومصايب
هلك كلهم ضحايه اعله الترايب
بدر يم الشريعه شفته غايب
دليلك ياعلي اشيحمل رزيه
ــــــــــــــــ
خيام اهلك شفتهه وجّروهه
سكينه اختك تصدهه يضربوهه
والاكثر عمّتك من شتّموهه
تهل دمعتهه ليش الهاشميه
ـــــــــــــــ
على التل زينب اتون ابهظمهه
علي السجاد تنظرهه أبألمهه
عليل انت وحرمكم منهو يمهه
العده رادوا يودّوهه سبيه
ــــــــــــ
عليك انت وشفت عباس مطروح
وابوك حسين فوك الكاع مذبوح
رقيه اعله الجسد ضل تبجي وتنوح
انهدم حيلك على الطفله رقيه
ـــــــــــــ
شفت جسام ثوبه منصبغ دم
بحال امّه عليه بس الله يعلم
علخوك الاكبر وحيلك تهدّم
لما شفته جسد بالطف رميه
ـــــــــــــــ
شفت عبدالله اخوك ابنحره مصيوب
وعليه امّه الرباب املوّعه اتذوب
تنادي يالولد يبني يمحبوب
رحت منّي وبقيت اصفكَ اديه
ـــــــــــــــــ
الشاعر محمد حسن ضيغم

https://youtu.be/auBEAyRlS9g

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

الامام السجاد يفصل ماجرى عليه

طور مالي غيرك



يالموالي تدري شالي صاربيه
يالموالي عذبتني الغاضريه


شفت ابويه بكربلا امخمد انفاسه
ضامي قلبه والدعي بالنعل داسه
اقبال عيني عالرماح يلوح راسه
ودم جبينه خضب الشبيه البهيه

فوق علتي بالسلاسل قيدوني
ومن تميل الناقه بالسوط اضربوني
وعمتي زينب حالها قرح جفوني
تنتخيهم ولا بقت عدهم حميه


يسرونا والعطش فتت قلبنا
ولو عثرنا يشتمون الزهرة امنا
ويضربونا والدماء تسيل منا
والسلاسل جرحت ساقي وايديه

يالموالي من دخلنا ارض كوفه
راس ابويه كالقمر ساعة خسوفه
يضربونه وعمتي الحورة تشوفه
اقبال عيني كسر اضراسه الدعيه

وسرنا للشامات ومني القلب ذايب
فيها شفنا من الدعي كل المصايب
قعدونا بحسرة في وسط الخرايب
والمصيبة من قضت اختي رقية

قيد بيدي وجامعة هشمت صدري
وعمتي زينب تصيح خويه انهتك ستري
انشعب قلبي وانا اقلها عمه صبري
انتي عندك علم من حامي الحميه

وكربلايا عدنا والروس ابيدينا
ومن الناقه عالقبر طاحت سكينه
تصيح بويه قوم شوف اشصار بينا.
وكل يتيمه تنادي ابويه اقطعت بيه


وبالمدينه فاطمة اختي اشوضعها
ترتجينا وامي ام البنين معها
وحال عمتي زيد الفاطم وجعها
وفوق هذا اتجرعت سم المنيه

خادمة ال محمد كفاية الشيخ


https://youtu.be/eM51JcaaDxY

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

لحن_باسم ودعتني بلا خبر



جفني مـــا نام وغفه دمعي من دم أذرفه

والغصص متــرادفه يــــا علي يا علي

*

يبو الباقـــــر هــــــل مسه متعني يمّك

وحضرت ويـــاي الزجيه الزهره أمّك

للبقيع مــــــن أعتنينه نزيــــــــل همّك

وسفه نلكه بهل وضع كبر اللي ضمّك

يا علي جرينه الدمع ويمّك علكنه الشمع

يلي نورك مـــا طفه يــــا علي يا علي

*

نصبت الزهره عزيه جـــــــوار كبرك

بونها وبــــــــــــدمعتها أسمعها تخبرك

هـــــذا يمي يا علي اللي يشفي صدرك

وأني أقسم مــــا نسيتك صبري صبرك

مـــــن الباري أنتظر يذيع إلي هذا الأمر

وأبدي هجمه خاطفه يــــا علي يا علي



مــــــــن انحنت أمنه على كبرك شفتها

تلوج مــــــــن كسرة ضلعها الأمسيتها

دنيت منها يــــــــــا علي وبيدي عنتها

وعلى كبرك يبو الباقــــــــــــر كعدتها

أمي وأمّــــك فاطمه ذرفت المدمع دمه

ولجلك تنــادي بوفه يـــا علي يا علي

*

أنت يــــــــا جدّي اللي شفته مو قليله

وحكك فنيت العمر دمعــــــــك تسيله

ندري صعبه عـــــــــل يفاركله خليله

وأنت فاركت الأبـــــــــو ميصح مثيله

بقيت أنت بــــلا أهل بكربله خِلْصَوْ جتل

البين كل غالي خطفه يـــــا علي يا علي

****

أعلم شكد مــــــن مآسي شـــــال كلبك

تحملتها وجــرعتهــــــــــــا الله حسبك

غا يتك ديــــــــن الله يبقه ويبقه دربك

وذاب عمرك مثل شمعه برضى ربّك

لجل دينك والشرع ولجل أمّك والضلع

جروح كلبك نـازفه يــــا علي يا علي

*

مــــن المصايب مثلك أني كلبي دامي

أنظر الأحباب كلبي بـــــــــلا محامي

عليهم تآمــــــر الحاقـــــــد والحرامي

وأني صابر وأنتظر يـــــــا جد قيامي

سنين صابـــر أنتظر وبْحَشاي أشعر جمر

الأمر عنّك مـــا خفه يـــــا علي يا علي

*

أدعيلي يــــــا جدّي أعودن من غيابي

أنهي كـــــــــل الحل عليّه وكل عذابي

مــــــن الظلمنه وجار أخذ كل حسابي

وأنهي كل حاقـــــد عنود وكل ضبابي

الفضه بعيني كلّه ضاق الشيعتي أهل العراق

والحكمهم شـــــوصفه يـــــا علي يا علي



الشاعر

قاسم حتروش البلداوي

https://youtu.be/R_6qIqYYdGk


قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

الــــــمــــــســــــتــــــهـــــل

أبــو الـباقر الـيوم إيـلوجْ
مًــريـضْ وحـالـتـه حـالـة

والـــسِــمْ مـــــردَ الچبــــدَ
عــلـيـه إلــتـمـتْ إعـيـالـه




الــــــــقـــــــصـــــــيـــــــده
زيـــــن الـعـابديـن الــيــوم
إيـــودع عـيلته بـدمـوعْ

الـبـاقر يـهـل دمــع الـعين
إوسِـكْـنه حـالـه مـفـجوعْ

إسـم إلـه عليك يالمهموم
والأيــتــام يــمــه تــلــوعْ

الـحرم منجمعه يم راسه
بــألـم تـنـظرعلى أحـوالـه

عــلـيـه إلــتـمـت إعـيـالـه

زيـــن الـعـابـدين إيــلـوج
بـسـمه ويـذكـر الـمـظلوم

والــصـار وجــره بـالـطف
ويـتـحـسر ألــم وإهـمـوم

يـذكرعطش چبد إحسين
الدهرسن سيفه المحتوم

ظــل إوحـيـد بـين الگوم
ولا واحــــــــد تـــدنـــالــه

عــلـيـه إلــتـمـت إعـيـالـه

سـكـنـه تـنـاشده ابـلـوعه
تـهـل إدمـوعـها إوتـنـحب

يـبـو الـبـاقر يـبـعد الـعين
يــخـويـه يــومـك إتقرب

يـروحـي إنـتَ أثـر أهـلي
شـخصك يـالولي إمـغرب

صــــــــــد إبــنــاظــرلــيـه
نـحـبْ و الـمَـدْمعَ الـساله

عــلـيـه إلتــمــت إعــيـالـه

يَـسِـكْـنـه زيــنـب الــحـرة
مـــن ودعـــت هـالـولـيان

تـنـادي والقلــب مـهـضوم
حـــرم وأيـتـام بـالـوديان

وعـالـغـبـرالجثث ضــلـت
وخـذوها إمـيسرالعدوان

بـحـديد مچتـفه عـالنوق
تــذكـري إشـلـون يـاحـاله

عــلـيـه إلــتـمـت إعـيـالـه

يقلـــه مـصـيـبتچ سـهـلـه
أكـــوا نـــاس الـيـدفنوني

الچفــن مـوجود يـسكينه
ولازم مــــــا تــغـسـلـونـي

أبويه إحسين ظل عريان
عــالــتــربـان يــعــيــونـي

مـاأنـسى مـصاب إحـسين
وراســـــه بـــيــد چتــالــه

عــلـيـه ألــتـمـت إعــيـالـه

لا والــــي الــبـقـى ونــغـار
حــتــى يــحــن عـالـعـيله

لــمــن حــــرقوا إخـيـمـنه
يـخويه أشـلون مـن لـيله

أهـلـهـن عـالـتـرب نــومـه
الـشـمر يـسـحقهن إبـخَله

ومــا أنـسى الـجرى خـويه
الـعـدوا دم الـدمـع سـالـه

عــلـيـه إلــتـمـت إعـيـالـه

https://youtu.be/UxEowWUphV0


قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

لحن_باسم والله والله بخيم زينب



دمعي دمعي من الطفوف لهل مسه نار

دمعي دمعي مــــا نــشــف لا ليل لنهار



أنــــــي علي السجاد ما سكن دمعي وهاد

والماي مــــــا سيغه ولا حس طعم بالزاد

وكــل لحظه لتمرني حــزني بــألــم ينعاد

وأذكر أذكر كربله وكل الجره وصار

*

مـــن ينوضعلي الزاد تضل عيني همّاله

وأذكــر أبويــه الراح مـتـكـطعه أوصاله

وينخلط زادي دموع يوميه هــــــل حاله

أنسه شنسه بيا وضع ضعن السبي سار

*

تــتــغــيّــر أحوالي وهــمّــي عليّه يزيد

لـــو شفته للقصّاب حــزني يــــرد جديد

يزكي شربــة ماي كبش ألـــذبحته يريد

وضامي ضامي ماشرب ماي أبو الأحرار



حــــــــــز كلبي وأذّاني من حضرت الهزّل

تــمـنـيـت لـنــي الموت حـــل وعَــلَــيْ أقبل

ولا شوف ضعن الحور هـــــل ضيم يتحمّل

وحاله حاله بــــــــلا كفيل ودار الأقطار



مبضّع أبـــويه حسين بهل حال مـن عفته

وعمي بلايــه جفوف عالمشرعــــه شفته

وخويــــه علي الأكبر مــتــــــوذره جثته

سالم سالم مــا شفت مــن بيت الأطهار



يسألني أبــــو حمزه إلنه الــقــتـل عاده

مــــــن الله كرامتنه واحنه أكـرم عباده

لكــن سبي النسوان جــرح الكلب زاده

ويلي ويلي مــــــــن شفت عمتي بلا دار

**

يــــــــا ربي أشكيلك بـيـهـــاي دمعاتي

وأتوسلك كــــل يوم تـنـهـيـلي لـوعاتي

بطلعة أبـــــو صالح لياخــــذلي ثاراتي

وينهي ينهي هـــل محن لـــــو ناده بالثار





الشاعر

قاسم حتروش البلداوي

https://youtu.be/XS8vsvDsoK8


قناة دمعة فاطمة لأهل البيت عليهم السلام انشر تؤجر
https://t.me/dam3tfatima5

على طور يبن امي عالتربان عفتك رميه

‏:
السجاد عليه السلام

د▁▁▁▁▁▁▁▁▁▁▁▁▁▁▁▁
يبن الحسين المظلوم يالماتهــيد احزانه
انته وابوك المذبوح باب الشرع واركانه
د▁▁▁▁▁▁▁▁▁▁▁▁▁▁▁▁



سجاد وبهذا اللقــــــــــب اّثاره
وارث علوم المصصفه وافكاره
سره يشــع بجبــــهتك وانواره
اّية صبر بيهــــه العده محتاره
منبع شهامه والطيب وبعصــمته تيجانه
انته وابوك المذبوح باب الشرع واركانه

د▁▁▁▁▁▁▁▁▁▁▁▁▁▁▁▁
يبن الحسين المظلوم يالماتهــيد احزانه
انته وابوك المذبوح باب الشرع واركانه
د▁▁▁▁▁▁▁▁▁▁▁▁▁▁▁▁

سجاد والسجــده صفت شاراته
صولات صارت عالعده سجداته
ايات كلـــــــــــهه مرتله چلماته
مثل الوصـي والمجتبه وگفــاته
يابو المضيف المفتوح ماتنغلـگ بيبانه
انته وابوك المذبوح باب الشرع واركانه

د▁▁▁▁▁▁▁▁▁▁▁▁▁▁▁▁
يبن الحسين المظلوم يالماتهــيد احزانه
انته وابوك المذبوح باب الشرع واركانه
د▁▁▁▁▁▁▁▁▁▁▁▁▁▁▁▁

خلصت كل هذا العـــمرهم ونوح
گلبك مئاتم للحــــزن يدي جروح
العيون تهمل بس دمه عالمذبوح
لجل النفوس الطاهره تنعه الروح
صارت علامه الاحزان متوشحه بايمانه
انته وابوك المذبوح باب الشرع واركانه

د▁▁▁▁▁▁▁▁▁▁▁▁▁▁▁▁
يبن الحسين المظلوم يالماتهــيد احزانه
انته وابوك المذبوح باب الشرع واركانه
د▁▁▁▁▁▁▁▁▁▁▁▁▁▁▁▁

شفت المصــــــاب اللي جره والامه
صار العـــــــــمر ساحة قهر وايامـه
يابشر يحمل لو نظـــــــــــــر جدامه
كلهه اخوته اتذبحت واعـــــــــمامه
هالمنظر دموع العين رسمت رسم احزانه
انته وابوك المذبوح باب الشرع واركانه

د▁▁▁▁▁▁▁▁▁▁▁▁▁▁▁▁
يبن الحسين المظلوم يالماتهــيد احزانه
انته وابوك المذبوح باب الشرع واركانه
د▁▁▁▁▁▁▁▁▁▁▁▁▁▁▁▁

ياصوره انته مصوره بحسينه
مصابك يبو الباقر جمر يچوينه
مايوم ناســـــــــــينك ابد تدرينه
تدري بمحــبتكم دمه ضــحــــينه.

تدري الجره كله وصار تعلم نزيف ادمانه
انته وابوك المذبوح باب الشرع واركانه
د▁▁▁▁▁▁▁▁▁▁▁▁▁▁▁▁
يبن الحسين المظلوم يالماتهــيد احزانه
انته وابوك المذبوح باب الشرع واركانه
د▁▁▁▁▁▁▁▁▁▁▁▁▁▁▁▁
عاش المئاسي والهضم وي ناسه
والعبره ظلت تخــــتنگ بانفاسه
بالغيره عـــنده موعــــظه بعباسه
مرتفع وبرغم الحزن ظل راسـه
عبره صرت للاحرار ولكل صبر عنوانه
انته وابوك المذبوح باب الشرع واركانه

د▁▁▁▁▁▁▁▁▁▁▁▁▁▁▁▁
يبن الحسين المظلوم يالماتهــيد احزانه
انته وابوك المذبوح باب الشرع واركانه (تمت)
▁▁▁▁▁▁▁▁▁▁▁▁▁▁▁▁

https://youtu.be/czRdfBkxiEA

قناة دمعة فاطمة لأهل البيت عليهم السلام انشر تؤجر
https://t.me/dam3tfatima5