عزاء🗒🗒 لوفاةالنبي
بطور قومن بنات النبي خيطوا خيمجن عبي))

قوموا يشيعة علي
هاليوم شيعوا النبي

فاطم تهل الدمع راح الابو وكل هلي
〰〰〰

الزهره تنادي يحيدر
بويه بألم يحتضر
مقدر اعاين جماله ينقصف منه العمر

يقلها دصبري يزهره
عقبي تشوفي القهر
تنصب عليج المصايب
والقلب ماينجبر

صاحت بحسرة وانين قلبي يظل بس حزين
بعده بشوف الهظم
راح الابو وكل هلي

〰〰〰

مقدر اشوف النزل خالي عقب قعدتك
صوتك أذكره بأذاني
وبقلبي تظل صورتك
عمري يليته يبويه يرحل مع دفنتك
قلبي ميحمل غياب
شلون احتمل فرقتك

تبجي ودمعها تسيله بعدك بعيش بهظيمه
بغيبتك بفقد دلالي
راح الابو وكل هلي

〰〰〰

كل المصايب تجيني
من بعد عين الولي
قومك يجون اعلى بابي
ويروعوا كل هلي
يضرموا النار بحقدهم
ويلطموني بمحجري

سقطوا محسن يوالي
وكسروا ضلعي يغالي
اصرخ يفضه بعجل
لحقيني قبل الاجل
وزينب تشوف المصاب

راح الابو وكل هلي
〰〰〰

انت لقلت ام ابيها
ترضى العدوا من يجيها

يضربها صوط بمتنها
تستتر فاطم بيديها

يعصرها ويشتم وليها
يسمعوا حجيها وبجيها

زيدوا همها وهظمها داروا عليها بنيها
هاجت علينا المحن
من قيدوا ابا الحسن

لبسنا ثوب الحزن
راح الابو وكل هلي

〰〰〰

✍🏻✍🏻ام محمد العيسى


https://youtu.be/IdjRzHSW3aY


قناة دمعة فاطمة لأهل البيت ترحب بكم
https://t.me/dam3tfatima5

*بالنبي الهادي نعزّي أم الحسين*

بالنبي الهادي نعزّي فاطمه
و التعازي نرفع لحامي الحمه
نبچي و منّا المدامع ساچمه
*نعزّي الزهره و أمير المؤمنين*

جينا و المدمع على الوجنه انهمل
و الگلب چم هم على مصابه حمل
بالنبي مآجور يا خير العمل
*فگده و الله خلّى كلّ گلبٍ حزين*

سيدي مصابك فجع منّا الگلب
ظل ينادي و يبچي الليله المحب
يا حبيب الله ترى فراگك صعب
*كلّ موالي بعدك يزيد الونين*

هالمصيبه هدّت أركان الشرع
لجلك يحنّ الأصل و يّه الفرع
و كلمن ينادي و دليله منفجع
*اليوم غايب عنّا مولى المسلمين*

جاتك أحبابك تعزّي عترتك
و كل وگت تنعاك و الله شيعتك
و الله ما ننسى يطه مصيبتك
*و يبگى ذكرك سيدي طول السنين*

يا رسول الله إخذ منّا العهد
و الله ما ننساك حتى للأبد
و نسأل من الله يمولاي المدد
*نبگى وياكم يا سيْد المرسلين*

تمت و لله الحمد
السبت ٢٥ / ٢ / ١٤٣٨ هـ
حسن علي البوخضر


قناة دمعة فاطمة لأهل البيت عليهم السلام
https://t.me/dam3tfatima5

.......................

_*الليله السمه تمطر دمه والكون حزنان*_
_*من صاح ناعي الحزن قوض سيد الأكوان*_

_*الله اكبر // الله اكبر*_
_*الله اكبر // الله اكبر*_

.....................................

ياريت ناعي الحزن لا صوت ابفرقاه
وياريت هذا الكون وشمابيه يفداه
احا والزهره بجت بالحزن احا
وعيونها لفراق ابوها اتسيل غدران

_*الله اكبر // الله اكبر*_
_*الله اكبر // الله اكبر*_

...............................

تقله يابويه يابويه على افراقك يابويه ذاب جبدي
ياوالدي والدمع يجري فوق خدي
ياوالدي والحسن ينشد وين جدي
وهذا الحسين لشوفتك يابويه لهفان

_*الله اكبر // الله اكبر*_
_*الله اكبر // الله اكبر*_

...............................

تقله عنك ينشدون يابويه الحسن وحسين
ياوالده يقولون جدنه المصطفى وين
اسمعهم وانحب وصاحو ليش تبجين
خافن انفقد جدنه وذل بوجوهم بان

_*الله اكبر // الله اكبر*_
_*الله اكبر // الله اكبر*_

..........................................
..........................................

نسالكم الدعاء وبرائة الذمه ان وجدا اخطاء اثناء نقل الابيات
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي

السيد محمد الصافي
شهادة رسول الله ص

طور القصيدة 👇🏻👇🏻

https://youtu.be/kmqUFcHxU-A

قناة دمعة فاطمة لأهل البيت عليهم السلام
https://t.me/dam3tfatima5

🏴 *لا تودعني* 🏴

● قصيدة في استشهاد الرسول الأعظم صلى الله عليه وآله

● طور : *ناذر اسنيني*
.
.
.
*لا تودعني .. لا تصد عني .. يبويه*
*لا تخليني .. يانظر عيني .. يبويه*

〰〰〰〰

لا تودعني يبويه وروحي وياك
يعني روحي اتروح مني اخلاف عيناك
بعمري واسنيني يبويه ريت افداك
ولا نظل بعدك يتامه بويه ننعاك

*يا أبو العتره .. قلبي شيصبره .. يبويه*
*وشل يداويني .. يا نظر عيني .. يبويه*

〰〰〰〰

الدنيا ما ترحم أو تدري عن غدرها
بس تغمّض بويه عينك يبدا شرها
وتكشف العدوان بعدك عن مكرها
والوسيعه ايضيق بينه لن كبرها

*تنقلب كلها .. لا ذمم إلها .. يبويه*
*وتالي تآذيني .. يا نظر عيني .. يبويه*

〰〰〰〰

عالقلب خليها إيدك هل مسيه
ابمسحتك رايده اتصبره عالرزيه
لو رحت يابويه شنهو اليظل ليه
ومن بعد عيناك أجرع كل أذيه

*تكثر اجروحي .. وحزني وي نوحي .. يبويه*
*ويسقط اجنيني .. يا نظر عيني .. يبويه*

〰〰〰〰

صعبه يا بويه أشوفك خافي لأنفاس
إمدد اقبالي وعليك إلتمت الناس
وألبس لفقدك سوادي وألطم الراس
وهالمشاهد تدمي قلبي وي الإحساس

*ايذوب دلالي .. آه يالغالي .. يبويه*
*وتظلم اسنيني .. يا نظر عيني .. يبويه*

〰〰〰〰

يالشلت نعش المؤيد بالله بهداي
خذت قلبي وروحي مني اوياها عيناي
اسم الله يرحل للمقابر هذا رجواي
امنين اجتني آيا ويلي امصيبتي هاي

*أنظر لخدك .. يمسي ابلحدك .. يبويه*
*والله تشجيني .. يا نظر عيني .. يبويه*

〰〰〰〰
تمت بحمد الله تعالی
✒بقلم الشاعرة/ فاطمہ كريم
     •••• الكويت ••••
*نسألكم الدعاء لتعجيل الفرج*
*يا أبا عبـــــــــــــــــــــــــدالله*
#مصائب_صفر
.
https://youtu.be/ShtDY6GGHfs

قناة دمعة فاطمة لأهل البيت عليهم السلام
https://t.me/dam3tfatima5

مسلم المطيري

لاتودعني ..لا تصد عني
يبويه

كلمات الشاعرة/ فاطمه كريم
دولة الكويت

يا رسول الله الوداع الليلــة
فاطمة تبجي ودمعهه تسيله

تصيح بويه تعذبت
وداعت الله يالرحت

فاطمة تبجي ودمعهه تسيله


تسمع ينادي الرسول
بويه يالزهرة البتول
كَلبج اعله اوداعي اريدن يقوه صبره
الليلة اخر ليلة هــاي
خلي اودعنج تعــاي
بويه يالزهــــــــرة الزجيه وداعت الله

انا رايح عنج بهاي المسيــه
للمصايب شدي حيلج يالزجيه

غير الهموم اشفت
وداعت الله يالرحت

فاطمة تبجي ودمعهه تسيله


الدنيه ضلمه بلا ضواك
خنكَه لو ماشم هواك
رايح وتاركلي بس همي وغذابي

ليلة وداع وسهـــــــــر
وانته ناوي اعله السفر
شنو بعدك لو رحت يجبر مصابي

بويه بعدك ينكسر مني الضلـــع
يالخذت كلشي وعفت بس الدمع

بصوت الموادع صحت
وداعــــــت الله يالرحت

فاطمة تبجي ودمعهه تسيله


هذا وكتك مو امـــان
الخيانه بكل مكان
بويه اخافن ما يحفضون الوصيه

لبابي لو بالخيل اجو
و لوصيتك خالفو
ينكسر ضلعي اذا دفعو عليـــــــه

بكل وقاحه تجاسرو وبكل صلافه
من علي الكــــرار سلبوها الخلافه

بهل بصاب تحيرت
وداعت الله يالرحت

فاطمة تبجي ودمعهه تسيله


نودعك اليوم وتروح
تبقى بس دمعة وجروح
يالي اغلى من الهوى الاشتمه انته

من زماني شانتظـــر
خذت وياك العمـــــر
كَلبي كله جــــــــروح بغيابك تركته

كَلبي مجروح بغيابك ما يطيب
وادري ما ترجع تطول بالمغيب

كون تدري شكَد نحت
وداعت الله يالرحت

فاطمة تبجي ودمعهه تسيله


من كثر وني الحـــــزين
ما اشوفن دربي وين
عيوني راحت من كثر ما صب دمعهه

ايدي احطها اعله الضلع
ابجي ويسيل الدمع
سنيني بعدك من رحت طفو شمعهـــه

ليلــــة وداعك تمنيت المنيـــه
انته رايح وادري ما ترجع عليه

ابجي اضل بكل وكت
وداعت الله يالرحت

فاطمة تبجي ودمعهه تسيله






حسين الفيصلي

يـــاوالدي ابنفـاسك الاخـيرة
دمعك يهل لحسينك ومصيره
سولفلي عن جرح البين
خبــــــرني يـانور العين
دمعك يهل لحسينك ومصيره


يا طه خبرني القدر شنهو مصير السادة
ادري الشهادة منزله والـقتل عـدكم عادة
چا شنهو يابويه الذي جرح البگـلبـك زادة
وتتـناثر عيونك دمع من قصته وابعاده

هـايالنبي شو ونتك ثجيله
ظنهم رولـك قصة العقيلة
وصفلي احساسك زين
خبــرني يـانور العين
دمعك يهل لحسينك ومصيره



شفت الزلم متحزمه وكلمن يخيط بغايه
ومتحضره الدور سلب لـو هوت منه الرايه
ومحتروگه جدامك شفت يابويه جم عبايه
لـوشفت زينب والحرم يم الـنهر ســبايه



حسينك توذر لـواجت منيته
والريح گامت تلعب بلحيته
وياسهم شگ كلبه ثنين
خبــرني يـانور العين
دمعك يهل لحسينك ومصيره

زينب شفتهه عله النهر بهيده تحچي العباس
وحسين اجاك ابهيبته لوبس رمح شايل راس
دخــــان تشتم بالهوه يكتم بروحك انفاس
ويـــــخبرك عن الخيم حرگتهه مقصود الناس


لاخـــيمه تفيي الضعن لاغيمه
وخيال بنتك من طلع هضيمه
شفت الاهل مطاعين
خبــرني يـانور العين
دمعك يهل لحسينك ومصيره

انياط گلبك بيهه أحس تتكطع بكل شهگه
جـــبريل ينعالك سبي لوضلع گال وسحگه
لوشفت رايه اعله ثره متخضبه ومتمزگه
ويمهه مصروع الگمر وزينب تودعه بحرگه


يابويه شفت ابنيتي سبية
لو صورولك متن من رقية
مهظوم عالنساوين
خبــرني يانور العين
دمعك يهل لحسينك ومصيره

جيته فلا جيت امس بصوته صرخات ايتام
ليش الملك وضع اختلف جبريل اجالك لطام
من المرض جسمك نحل لويحچي يمك عالشام
وليش العمامه مركنه وتضرب اشوف عالهام

گلوب شفت من الهضم كسيرة
لــــو بلـخرابه گاعده الاسيرة
وحزنك تعله الكونين
خــبرني يانور العين
دمعك يهل لحسينك ومصيرة

خادم الزهراء //ع//ابو احمد الطائي



قناة دمعة فاطمة لأهل البيت ترحب بكم
https://t.me/dam3tfatima5

مسلم المطيري

يارسول الله الوداع الليله
فاطمه تبجي ودمعهه تسيله

كلمات الشاعر/ حسين الفيصلي

رئيسية للرسول
قصيده دارميات للرسول الاكرم (ص)



بـنـتـك يطه الـيـــوم بالدمعه تنعاك
والسمه كلها اتصيح وتنوح الافلاك
بالحسره والآه
هاليله ننعاه

بالدمعه والآهات شخصك نـودعـــه
والسمه اتنوح اعليك والعرش ينعه
هالليله باري الكون شخصك يـرفعه
والحب ابو الزهراء يمشي ويتبعــه
والحبه وياه
هاليله ننعاه


عرش الله هذا اليوم بمصابه حزنان
موعد حبيب الروح والباري قد حان
تنعه النبوه اتنوح ياسـيــد الاكــوان
بفگدك يبو الـزهـراء يا اغله انسان
والدنيه ترجاه
هاليله ننعاه


ناح العرش واللوح فگدك يمختار
يامحكم التنــزيـل يالتحمل اســرار
تعرف شراح يصير ياطه وشصار
تعرف اصحاب السوء ياطه تندار
يارحمة الله
هاليله ننعاه


انته النبي الموعـود بأخـر زمانـه
انظر اصحاب السوء هدرو دمانه
شقو عصى الاسلام خانو الامانــه
مارادو الاسـلام بـأرفــع مكـانــــه
وتنادي ويلاه
هاليله ننعاه

بس غمضت عيناك نصبو سقـيفـه
مـــارادو الكــرار اول خـلــيــفــــه
كلمن تبع شيطان يصبح حلـيــفـــه
ونوع الخلافه اتكون عدهم وظيفه
والصدگ والاه
هاليله ننعاه


الشاعر السيد رياض الرسل الجابري



قناة دمعة فاطمة لأهل البيت عليهم السلام
https://t.me/dam3tfatima5

حان الوداع حان الوداع
ياطه ودع فاطمه
صوت ناده من السمه
حان الوداع حان الوداع
****
نزل جبريل المحمد سلم وادى التحيه
يارسول الله سلاماً ياابو الزهره الزجيه
يامحمد آنه مرسل من قبل رب البريه
قبل عزرائيل اجيتك اكتب الآن الوصيه

انت الشراع انت الشراع
أخبر علي حامي الحمه
ياطه ودع فاطمه
حان الوداع حان الوداع
* * * * * * * *
حان الوداع بهالمسه يمه حضر حيدر علي
يارسول الله وحبيبي انته روحي وكل هلي
ياعلي جبريل اجاني يخبره ودموعه اتهلي
الليله افاركم يحيدر روحي تصعد للعلي

وتزيد الأوجاع وتزيد الأوجاع
الدنيا تصبح مضلمه
ياطه ودع فاطمه
حان الوداع حان الوداع
* * * * * *
ناده الرسول الفاطمه بآخر نفس من عمره
جيبي الحسين وحسن ارد اشمنهم يزهره
جابت ولدهه وتنتحب وتوسدو لصدره
شم الحسين ابوريده والحسن شم ثغره

متوسده الكاع متوسده الكاع
أم الحسن متألمه
ياطه ودع فاطمه
حان الوداع حان الوداع
* * * * *
نام الحسين إعله صدره وضل يقبل جبهته
والرسول الصدره ضمه يشمه ضل من ركبته
عن يساره حسين يغفه والحسن عن يمنته
يوصي بالكرار بيهم وضل يودع عيلته

بعدك ضياع بعدك ضياع
علي ينعه وكلمه
ياطه ودع فاطمه
حان الوداع حان الوداع

* * * * * * * * * * *
لزمته من ايده الزجيه بويه بعدك وين اروح
انت روحي ونبض كلبي بدونك ابقه بلايه روح
بيت لحزاني اشيده بويه عني من تروح
خاف أصحابك يجوني ومايخلوني انوح

ياحلو الاطباع ياحلو الاطباع
أصحابك علينه محزمه
ياطه ودع فاطمه
حان الوداع حان الوداع
* * * * * * *
الشاعر عمار الدراجي _ _ _

قناة دمعة فاطمة لأهل البيت ترحب بكم انشر تؤجر
https://t.me/dam3tfatima5