لطميه مربعه لوفاة الرسول

المستهل 👇👇

نعازي ام الحسن بمصاب واليها
مفكود النبي وكلنه نعازيها

•───✧◐🕊🌻🕊◐✧───•

الزهره شال ابوها وبقت محتاره
شلون يعوف بنته ويترك ادياره
من بعده العدو يهجم على داره
يكسرون الضلع والدمعه تجريها

•───✧◐🕊🌻🕊◐✧───•

الله يساعد الزهره اعله ابوها
يوم الشال والدار احركوها
ماهابو ابوها واضربوها
خلف الباب شوفو اشصار تاليها

•───✧◐🕊🌻🕊◐✧───•

الزهره اعله النبي مانامت اليل
صعب فكد الأبو ويهدم الحيل
الحمل اخلاف ابوها عدمن ايميل
وياهو البعد عينك يلتزم بيها

•───✧◐🕊🌻🕊◐✧───•

يحله البيت بويه بكعدت الوالي
ومن يكعد يناشدني على حالي
اتنومس بي وراسي دوم ظل عالي
شحلات البنت ابوها ينشد اعليها

•───✧◐🕊🌻🕊◐✧───•

والمثلك ابو صعبه يفكدونه
تنوح اعليه احبابه اليوم يردونه
عمود الدين انت وانت مضمونه
يمفسر الآيه يموت تاليها

•───✧◐🕊🌻🕊◐✧───•

اظلم كونهه الدنيا بغيابك
حسافه تموت يالماكو بمثالك
يانبع المحنه شيوصفونك
الأبو لبنته تجيه وظل عليها


•───✧◐🕊🌻🕊◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له


قناة دمعة فاطمة لأهل البيت عليهم السلام
https://t.me/dam3tfatima5

الليلة ودعنه نبينه نبينه
فاطمة ضلت حزينه حزينه
=========================
الليلة دنيانه حزينه وانحجب ذاك الضوه
الدنيه شنهي بلا محمد چنها خنكَه ابلا هوه
شحال هالليلة الزجية والابو يسافر نوه
صاحت وهملت دمعها خلها موتتنه سوه

هم بعد ترجع علينه علينه
فاطمة ضلت حزينه حزينه
=========================

الليلة مفجوعه البرية اشلون سيدهم رحل
عكب ما أدّه الرساله كرب من عنده الاجل
حيدر الغسلها جثته و للكبر ويا نزل
هاذه اخوه احزام ضهره اشلون بالسم انقتل

صاح وسفه ياولينه ولينه
فاطمه ضلت حزينه حزينه
=========================
وحده حيدر حضر يمه كَابله بنوح وهظم
وجانت اصحاب الخيانه اتقاسم اطراف الحكم
جن يكله اخلاف عيني يبو الحمله تنظلم
اكبال عينك جن تشاهد وجه فاطم ينلطم

والكلب الله يعينه يعينه
فاطمة ضلت حزينه حزينه
=========================
هاي اصعب ليلة عدها فاطمة وتجري الدمع
تمضي ايام لغيابه وينكسر منها الضلع
ينغصب منها فدكها من ارثها تنمنع
وبالوصية انكاد حيدر و محد يرد الجمع

تنكلب ضدنه المدينه المدينه
فاطمه ضلت حزينه حزينه
=========================
اول مصيبة غيابه وعكبه جم لوعه تمر
فاطمة بجم يوم عكبه الضلع منها ينكسر
وعلي بالمحراب راسه ينضرب وكت الفجر
والحسن ينصاب جبده ويخلص بلوعه العمر

الراح منه ما يجينه يجينه
فاطمه ضلت حزينه حزينه
=========================
ريت حاضر يا محمد يوم وقعة كربلا
عالارض جثة حبيبك يبقى دم امغسله
اخيامك بنار السقيفه وتحترك عالعايله
وتنسبي ابنات الرسالة وتكطع دروب الفله

زينب اتنادي انسبينه انسبينه
فاطمه ضلت حزينه حزينه
=========================
الشاعر حسن بشير السوداني

قناة دمعة فاطمة لأهل البيت عليهم السلام
https://t.me/dam3tfatima5

الليله ودعنه

كلمات الشاعر الحاج ابو علي السعيدي

خادمكم شهاب الاسدي

قصيدة (( اول حزن )) لذكرى رحيل الرسول الاكرم محمد صلى الله عليه وآله لسان حال البضعة الطاهرة فاطمة الزهراء سلام الله عليها
*******





وين رايح - بداعتي وداعت علي بويه عليك
وين رايح - فاطمة بنيتك ونادي ابين أديك

يامحمد غيبتك
منهه شابت بضعتك

وين رايح ... وين رايح

.....................

انه بويه أم الحسن
هذه اليه اول حزن
شلالي حالي
فركتك كسرت ظهر
من متت كلبي انعصر
لجلك يغالي

تدري بعدك - تيهت درب الهوى ومابيه اشمه
تدري بعدك - ياضواي الدنيه كلهه بعيني ظلمه

يامحمد وانتظر
يمي لو لحضه تمر

وين رايح ... وين رايح

...................................


بويه احلفك بالدمع
الصار يم كبرك شمع
موجنه ماي
بجلمه منك يالابو
بيهه احس انه بدفو
يعوض شتاي

هذه حالي - روحي راحت من مشيت وفاركتهه
هذه حالي - ألونه من عكبك يبويه صاحبتهه

يامحمد بس بجي
مني مايطلع حجي

وين رايح ... وين رايح

......................................

يامحمد هسه احس
بصدري مخنوك النفس
من فاركتني
مخنوكه بمصابك و ون
يابويه وتنفس حزن
يالودعتني

بالمدامع - ليك أصيح واختنك بويه بعبرتي
بالمدامع - يالكلتلي ام ابوهه إنتي صرتي

يامحمد من رحت
بونه بوداعك صحت

وين رايح ... وين رايح


...................................


مصابك بجبدي حفر
بويه آهات أو قهر
وشكد عتاب
بويه احس كلبي انمرد
لمن احجي وماترد
جلمة جواب

ريت اسمعك - بويه صرت ابموتتك انه يتيمه
ريت اسمعك - عمري كله خلاف عينك ماله قيمه


يامحمد ياحيات
بعدك اتمنه الممات

وين رايح ... وين رايح

.....................................

جاسني بويه الهضم
وشفت بعيوني الظلم
وذاني حيفه
وجهو صوبي الغضب
وحكي يابويه انغصب
من السقيفه

باب داري . إعليه دفعوه وكسر بسماره ضلعي
باب داري . بويه حرگوه وتراده بهاي وضعي

يامحمد صَيحتي
ريت تنضر حالتي

وين رايح ... وين رايح

.....................................................

كلمات
الشيخ حيدر الكعبي


قناة دمعة فاطمة لأهل البيت عليهم السلام
https://t.me/dam3tfatima5

طيحتك كسرت ظهر كلش جبيره
مات شيخ الدنيا مو شيخ العشيرة
الفقره والزهراء تقول
من لنا بعد الرسول
طيحتك كسرت ضهر كلش جبيره

مامحسبه افراكك يخليني احير
واني ادري أخلافك يضيع الفقير
ياجبير الدنيا من غيرك جبير
ياهو يرفع جف علي بيوم الغدير
الحزن حتماً ينجلي
لو رفعنا كف علي
الكون يرتاح وبعد ما تبقى حيره

صافنه وغييم على الدنيا النحيب
بويه عكبك للكلافه امنين اجيب
كوّن ميشم الهوه اليفكدك حبيب
غيرك اعله اجروحي بس حيدر طبيب
منذ غاب السرمدي
الكون ينعى احمدي
واني لجروح الحزن صرت الاميره

الترافه شلون ما تدفنها كاع
يارحيلك هدد الفقره بضياع
منك ارد اشبع بعد وكته الوداع
شماله جف الموت يحصد بسباع
عندما يرحل ابي
يدفع الباب اجبني
الدفع باب الزهره ابد ماعنده غيره

علي مترب راسه والمدمع دمه
ونزلت اتجي العلي حتى السمه
صاح هنيالك تغسلك فاطمه
حسين ابنك غدا ياهو يلملمه
عندها صوتاً علا
قال ويلاً كربلا
غدا جسم حسين ينلم بحصيره

علي ياسين اللامي


قناة دمعة فاطمة لأهل البيت عليهم السلام
https://t.me/dam3tfatima5

«*الفاجعه الکبره*»

••••••••••••••••••••••••
بـالأحزان بـالأحزان
عترة نبیــــــــنه بـالأحزان
بعدك يبوهــا وليه ولوها
عترة نبیـٰنــــــــه بالأحزان
▪︎▪︎▪︎▪︎▪︎▪︎▪︎▪︎▪︎▪︎
الكون ارتج علـــــــــه امصـاب النبي الهادي
واملاك السمه اويــــــــــــــه فاطمـــه اتنادي
مصـــــــــــــــاب المامثيله امصاب ابدسادي
نارالفرگـــــــــ.ه بويـــــــــــــه حرگت افـّـادي
يالمختــــــــــار يالمختـــــــــار
هاي الوديعــــه يالمختــــــــــار
الگـــوم اهظموها وليه ولوها
عترة نبیـنــــــــــــــــه بالأحزان
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
فاضت روحـــــــــك ابحجر الوصــــي الكرّار
اوجسمـــــك غسّله بدموعه حامــــــي الجـار
اوگبل البـاب بگليبــــــــــ.ــــــــه تشبّ النـــار
وي جسمك دفن آمالــــــــــــــــه يــالمختــــار
للآمـــــــــــــال للآمــــــــــال
ابلحدك دفنـــها للآمــــــــــال
احگوگه اغصبوهـا وليه ولوها
عترة نبیــنــــــــــــه بالأحزا ن
▪︎▪︎▪︎▪︎▪︎▪︎▪︎▪︎▪︎
علّـــــــــــــــي من نزّلك بالّلحد گلبه انصـــــاب
والكــــــــون ا نـرجن من هل عليك اتـــــــراب
اوظلّت دمعتــــــــــه فوگ الوجــــــــه تـنساب
البواچـي فاطمــــــــــه حيدر دليلــــــــــه ذاب
ابـهاذه الحــــال ابهاذه الحـــال
والينه عفتــــــه ابهاذه الحـــال
اعيالـه اظلموهــــا وليه ولوها
عترة نبینـــــــــــــــــه بالأحزان
▪︎▪︎▪︎▪︎▪︎▪︎▪︎▪︎▪︎▪︎
علـــــــــه العتره رحيلك فاجعـــــــــــــه الكبره
اوگـلـــــــــب امّ الحسن مكســـــــــور شيجبره
تلوع اعليك ظلّت فــاطمــــــــــــــــــــه الزهره
انـــــــــــواع الظلــــــــــــم شافـت والف غدره
يـــــــوم البــاب يــوم الباب
اوّل الغـــــــدره يــوم الباب
من احرگوهـــــا ولیه ولوها
عترة نبیـنـــــــــــه بالأحزان
▪︎▪︎▪︎▪︎▪︎▪︎▪︎▪︎▪︎▪︎
یومیـــّه الزچیـّــــــــــــــه تعتنــــــــــــی یمّك
بــأحزان اومنــاحـــــــــــــــــه الطـاهره اتكلمك
اوبدمـــــوع النظر يالمصطفـــــــــــی اتحشمك
منّ اعليك تبچــــــــــــي مارضــــــــــه خصمك
ويــــــــن اتروح وين اتروح
احتا رت الزهره وين اتروح
لامارعوهــــــــا وليه ولوها
عترة نبينــــــــــه بالأحزان
▪︎▪︎▪︎▪︎▪︎▪︎▪︎▪︎▪︎▪︎▪︎
يـــــــــــوم الغمّضت عينـك يبـو العتــــــــره
كـل حاقد علــــــــــــــــــــی العتره ظهر شرّه
علّـــــــي ابحبل الوصيّــــــه امچتّفه امحيره
ظــــل صابــــــــر ابصدره امكســّـره العبــره
من فـرگـــــــــاك من فرگــــــــاك
يجذب ونينـــــه من فرگــــــــاك
سنتك جفوهــــــــا وليــــه ولوها
عترة نبینـــــــــــــــــــــه بالأحزان
▪︎▪︎▪︎▪︎▪︎▪︎▪︎▪︎▪︎▪︎
ابعلـــــــــي والعتره خا نت يانبــي الأمـّــــــه
علــــــــه بــاب الزچيــــــــــــه النــار ملتهمــه
اوبالمحراب راس المرتضـــــــی امدمـّـــــــــه
اوسمّواللحسن ذبحو ابـــــــو اليمــّــــــــــــــه
للسجـّــــــــــــــاد للسجــّـــــــاد
ريتك تشوفــه للسجــّـــــــــــــاد
اوزينب سبوهــــــــا وليه ولوها
عترة نبینــــــــــــــــــه بالأحزان
*
تمّت
الشاعر فالح العامري


قناة دمعة فاطمة لأهل البيت عليهم السلام
https://t.me/dam3tfatima5

بالأحزان. بالأحزان
عترة نبينه بالأحزان

كلمات الشاعر /فالح العامري

بصوت. ( مسلم المطيري)

نزله لمصاب رسول الله محمد ( صلى الله عليه وآله)

فاطمه تصيح بالدمع واسوني
...............

راح ابويه الغالي.... يالتسمعون
بالدمع واسوني...... لا تقصرون
فاطمه گلبي انجرح يحبابي
وينه وينه المنفجع لمصابي
ارد اشوفه ونظر لدمعاته
اكتب اسمه فاطمي بكتابي

ضلعي مكسور. باللطم عينوني
فاطمه تصيح بالدمع واسوني
...............

مو سهل ياشيعه..... جرح لفراگ
لوالدي وعيونه....... روحي تشتاگ
غمّض عيونه الحبيب الغالي
مات ابويه المصطفه اليبرالي
كلها ضدنه تجمّعت اصحابه
ومارضو حيدر يصير الوالي

گلبي ملچوم شيعتي وبچّوني
فاطمه تصيح بالدمع واسوني
...............

چم جرح بغيابه..... يلچم الروح
ما يفيد جروحي.... دمعي والنوح
انصبّت علية المصايب كومه
فاطمه آنه وصرت مهضومه
باجر الاصحاب تحرگ داري
من عزيزه تحوّلت مظلومه

تنزف دموم وي دمعها عيوني
فاطمه تصيح بالدمع واسوني
...............

بالسقيفه جتمعو.... ضد ابوحسين
حاير بلا ناصر..... ناصر الدين
بايعو غيره ونسو افضاله
والنبي لمن رحل اوصاله
عصو امر الله ورسوله الهادي
ياعلي اصبر وحي اوحاله

شيعتي وياي. ابچو لا تنسوني
فاطمه تصيح بالدمع واسوني
...............

أنـدفـن بتـرابه..... والدي وغاب
دنيا ظلمه بدونه...... دمعه ومصاب
ريت وي جسم النبي دفنوني
ولا اظل بالدنيا ويظلموني
ينكسر ظلعي ويطيح اوليدي
ويلي خلف الباب لو عصروني

عمري مأسات ابچي دم خلّوني
فاطمه تصيح بالدمع واسوني

سيد زيد الفحام
___

قناة دمعة فاطمة لأهل البيت عليهم السلام
https://t.me/dam3tfatima5

🎵 طور : #رايح_الغالي

قادم بثاري بيدي بتاري يزهراء
دمعتي و ناري غيرة الباري يزهراء
💠💠💠💠💠💠
انه ابو صالح ييمه و صاحب الكون
فاطمي يجري المصابج دمع العيون
باجر بساعة ظهوري الكل يشوفون
يبتلع سيفي ييمه جيوش فرعون
شاخصه انظاري وجفي فقاري يزهراء
و الحزن داري غيرة الباري يزهراء
💠💠💠💠💠💠
غايب و همج ييمه ابقلبي طوفان
كل مسه مأتم اسوي ابيت الاحزان
الطم بحرقه و اصيح بصوت الاشجان
لعنة اعله السقيفة و آل سفيان
شاعت اخباري منج اسراري يزهراء
مدمعي الجاري غيرة الباري يزهراء
💠💠💠💠💠💠
من غايبي الدنيه باجر اطلعلها
اوكف ابابج حزين ادموعي اهلها
احرق ابأيدي السقيفة و كل اهلها
و اقلع الشجرة الخبيثة من اصلها
اكشف استاري ينبني داري يزهراء
منج انواري غيرة الباري يزهراء
💠💠💠💠💠💠
حمره مثل جروح متنج دمعة العين
منين اجيبن صبر يمه الغيبتي منين
يمته اظهر يمته اصيحن هالكلمتين
يالثارات الزجية و ثار الحسين
شهقة اعباري همي و اكداري يزهراء
ضمج الذاري غيرة الباري يزهراء
💠💠💠💠💠💠
يبقه ضامي اشما رويته طمع التراب
من عمت عينه حرمنه امن اغلى الاحباب
ما يغمض لحظة وحده العنده غياب
عمري خلصته انوح ابعتبة الباب
ليلي ونهاري كلشي بأفكاري يزهراء
بيدج اقداري غيرة الباري يزهراء
💠💠💠💠💠💠
ضلعج المكسور مثله قلبي مكسور
و الليالي الفاطمية عندي عاشور
يمته قبرج يمه اظهره مثل القبور
و ابني الج قبة و منارة و يسطع النور
نجمة اسحاري تقبلي اعذاري يزهراء
ابصدري بسماري غيرة الباري يزهراء
💠💠💠💠💠💠
✒للشاعر : علاء عبد الحسين الكربلائي

https://youtu.be/TZy8H4yX8j8


قناة دمعة فاطمة لأهل البيت عليهم السلام
https://t.me/dam3tfatima5