يغايب رجع كل غايب و أسألك ليش ما ترجع
دمـعة زينب إتناديك و إنت إتشوفها و تسمع

🔷◼️🔷◼️🔷◼️🔷

يـغـايـب هاي زينب هاي ما تخفاك حالتها
أسـيـره إمـخـدرة حيدر و العدوان شافتها
مـهـضومه و تدير العين غريبه و راحوا إخوتها
مـا واحـد حضر يمها ...يغايب و شكبر همها
إســــأل ويــن إبــن أمــهــا
ذاك إعله الرمح راسه و جسمه ابكربله إمقطع

🔷◼️🔷◼️🔷◼️🔷

غـريـبـه و تحرس الأيتام و الون اليتامه إتون
تشوف الفاجده الشبان تشوف أم الرضيع إتحن
بـالـهـم النهار إيروح و آه يا الليل من يجن
هـذا اليفز من نومه ...و هاي التبجي مهضومه
ذاك الـــروحـــه مــالــومــه
و زيـنـب بين هذا و ذاك تفتر و الحزن يتبع

🔷◼️🔷◼️🔷◼️🔷

زيـنـب تـدخل الديوان منهو الجان حاسبها
بـس غدر الزمن معروف و إسأل بيش يطلبها
يـغـايـب تقبل إبن إزياد يقرب ليها و يسبها
هاي الأبد ما صارت ...و لا جانت و لا دارت
يــغــايــب زيــنـب إحـتـارت
هـاي أم الـخدر يا حيف عليها الناس تتجمع

🔷◼️🔷◼️🔷◼️🔷

يـغـايب ما تسل سيفك دخيلك طول إغيابك
سهم الصاب جبد حسين ادري ابجبدتك صابك
يـمـهـديـنه إلك جم ثار يمته يبدء إحسابك
زيـنب تنتظر تبدي ...و إتقلك يحادي إحدي
أظــل بــرجــاك يــالــمـهـدي
احشمك و إنت أبو الغيره يمهدي ليش ما تفزع

🔷◼️🔷◼️🔷◼️🔷

مـن كـسر الضلع تبدي لو تبديها من الطف
إخذ دم الرضيع و صيح خل ماي النهر ينشف
عـندك عالنهر جفين و خنصر ضايع من الجف
ثـارك إطلب إبثارك ...و خلي إنشوف بتارك
نـاري تــنــطــفــي و نــارك
تطيب إجروحي من تظهر و لا جفني بعد يدمع

🔷◼️🔷◼️🔷◼️🔷

الشاعر السيد عبدالخالق المحنّه
الرادود باسم الكربلائي

https://youtu.be/PIN4GkaGapA?si=JneO4ixNg15HYVLa

قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3

🏴🏴🏴🏴🏴🏴
😭😭😭😭😭😭
لطمية ( كافي يادنيا ) لأيام شهر محرم لذكرى استشهاد الإمام الحسين ✋
للرادود🎤سيد فاقد الموسوي
للشاعر / حمزه الحسناوي
◾️◾️◾️◾️◾️◾️
ليش اليحبوني ، لازم يتعبوني
يافرحة اعيوني ، من چانوا اوياي
من چانوا اوياي
يافرحة اعيوني ، من چانوا اوياي
صار الهجر موتي ، والفرگه تابوتي
لو صيحت صوتي ، مايعبر اشفاي
لو صيحت صوتي ، مايعبر اشفاي
............................
( الرد )

ليش اليحبوني _ لازم يتعبوني
يافرحة اعيوني _ من چانوا اوياي 2
صار الهجر موتي _ والفرگه تابوتي
لو صيحت صوتي _ مايعبر أشفاي
مايعبر اشفاي
◾️◾️◾️◾️◾️◾️
كافي يادنيا بعد _ مابيه حيييل
فارگت حد ماطلع _ بعيوني شيييب 2
انا غالي وچانوا _ ايسموني خييير
هسه واگف وألتفت _ مثل الغريييب
الفاگد اتبين اجروحه _ ابلايا شوووف 2
يعرف المجروح حتى _ المو طبيييب 2
انا المثل روحي _ من عدهم اجروحي
عافوني وي نوحي _ وانا الهم افياي
انا الهم افياي 2
◾️◾️◾️◾️◾️◾️
فارگت وين المثل 2 _ روحي ولگيييت
المثل روحي ايتعب _ بوگت الوداااع 2
ماي وأندل من اطيحن _ وين اطيييح 2
صعبه عاليندل إذا _ صاحوله ضاااع 2
عافني الشايل خيالي _ ابين ايديه ااا
الچان ينغث  لو مشى _ اخيالي اعله گاااع 2
ماي وأندل من اطيحن _ وين اطيييح 2
صعبه عاليندل اذا _ صاحوا له ضاااع 2
هسه اختلف حالي _ گمت اسحل اخيالي 2
غالي ابظهر غالي _ وأتنطر الجاي
انتطر الجاي 2
◾️◾️◾️◾️◾️◾️
عودوني اعله الضوه _ وطفوا ضواااي 2
دنيا وصياح وأحس _ مابيها صوووت 2
چانت الناس اشكثر 2 _ بس احنا روووح 2
وچنا مثل الدم اذا 2 _ نطلع نموووت 2
وچنا نتگاسم هواء الله _ ومستحييين 2
والسوالف للگلب _ چانت تفوووت2
هسه اشهگ انفاسي _ وأعثر وأهز راسي
وأطشرت ناسي _ يادنيا بهداي 2
◾️◾️◾️◾️◾️◾️
خلصت روحي وبعد _ مابيّه روووح 2
كافي يادنيا اشوگت _ يوصل سراااي 2
انا فارگت اليحط _ گلبه اعله ايديه ااا 2
ولو ردت روحه يگلي _ اشويه هاااي 2
انا عطشان اعله وجه _ المايجوووون 2
كون اريدن ماي اسوي _ الدنيا ماااي 2
اسمع گمت صايح _ معگوله اظل طايح
مو للعطش رايح 2 _ هوه  انا بو الماااي 2
◾️◾️◾️◾️◾️◾️
آه آه آه آه آه آه آه آه آه آه آه آه آه آه 
كلشي هين بس صعب _ فگد العزيييز 2
يريد حيل _ وانا ماظل بيّه حيييل 2
هوه اللي ظل وحده 2 _ يموت اعله كيييف 2
كل شي امبين ابو _ افراگ الثگيييل 2
يدعي گبل المغرب _ الماعنده ناااس 2
الدنيا كون اتخلص _ ومابيها للييل
ماعايش الحيره _ بس الفگد ديره
هاي السما ازغيره _ لليفگد اهواااي 2
◾️◾️◾️◾️◾️◾️
نقلته لكم بمجهودها وتعبها / خادمة اهل البيت🎤ام محمد البخيتان ❤️
لا اجيز حذف اسمي من مكانه 🚫
نسألكم الدعاء احبتي / بنية الشفاء لولدي ( عبدالهادي ولد سعاد ) بالشفاء التام

قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3

القصيدة: إخْذِيْني يَا نَاگهْ
الرادود: مُحَمَّد الجنَّامِيْ
الشاعر: وسام الشويلي
~~~~~~~
إخْذِيْني يَا نَاگهْ مِنّ الكوفه للشام
دَمعاتي تِتلاگه وَي دَمعات الأيتام

حَادي الحِزن ويّه الضعن
يودّيني
يُوميّه ادخِلّي وطن
يبچّيني
~~~~~~~
ما اگول اتذكّرت أنه ابد ما ناسي
كربله بروحي نبض عايشه بأنفّاسي
عالّذي راسه انگطع شيبي تارس راسي
لكن مصاب السبي يجرح ابإحساسي

أنه بهذا الزمن معلوم يا ناس
لكن للسبي ودَاني الإحساس
اريد اعرف شصار ويه اخت عبّاس

من جسمي يا روحي طلعي و تبعي الظعون
خل تنظر جروحي زينب حالها اشلون

دَمعي مِثلهن من مشن
يمشّيني
يُوميّه ادخِلّي وطن
يبچّيني
~~~~~~~
بعالم احساسي أنه چن ركبت الناگه
وابو اليمّه بداخلي يچوي نار افراگه
بالدرب اسمع بچي و ونّه للمشتاگه
تصيح اريدن والدي يا وكت نِتلاگه

رُقيّه تناشد ابزينب عَله حسين
تِگلّلها يَعمّه وَالدي وَيـن
و ليش آنه يضربوني على العين

انظر على خدها دم و دمع مخلوط
تِتنخّه وَالدها كل ما تنضرب سوط

تَرفه اديها و ورُمن
عِمت عيني
يُوميّه ادخِلّي وطن
يبچّيني
~~~~~~~
چنّي امشي وي الظعن و الحَرم مچتوفه
و چم مُصيبه مُؤلمه شاهَدِت بالكوفه
الإلهه لا صُوت انسِمع لا گبُل مَشيُوفه
هَسّه طول الها انلمح والعُيون اتطوفه

احچيها بصعوبه الگلب مَحروگ
الأميره تصير اسيره هاي مَتلوگ
مو بس ابشوارع دِخلت بسوگ

ياهو اليجي يسأل زينب بت علي هاي
اُم خِدر المعدّل شو مِتغيّره اهواي

كِل سَاعه هَضمه هالزَمن
يراويني
يُوميّه ادخِلّي وطن
يبچّيني
~~~~~~~
هالزمن طبعه الغدر يهضّم ابدورانه
يا وسف بت فاطمه اگبال ابن مَرجانه
شامت اوياها حچه و چنّي اسمع آنه
ايگلها وينه كافلچ گطعوا ذِرعانه

ظل ايشيل بيده راس الحسين
و ايضربه بعصاته على الشِّفتين
و زِينب وّي اخوها العين بالعين

بهالحاله فَك عَينه و اهتز راس عبّاس
شِيردله چَفِّينه و اخته ابّين ارجاس

ابچي دِمه هاي المِحن
تِخَلّيني
يُوميّه ادخِلّي وطن
يبچّيني
~~~~~~~
هذا مَوقف يا خَلگ يِجرح بتعبيره
چم عَشيره طالبّت حرّكتها الغِيره
طَلّعوا كل الحرم مشن كلمن ديره
بس بنات اُم الحسن ظَلّن بهالحيره

مَحّد طالب ابذنّي السِبيات
ابحال الذلّه يا وسفه العزيزات
عِدهن بس عِليل و بين شِمّات

مَحّد فِزع الهن والشامت حچه وصاح
چا وينه كافلهن ما يدري الخدر راح

حِيرة بنات اُم الحسن
تِأذِّيني
يُوميّه ادخِلّي وطن
يبچّيني
~~~~~~~
ويّه خطوات الظعن واصَلِت خطواتي
والجَرح يتبع جرح و اشكثر عثراتي
الشام قصّه مؤلمه فجّرت أهاتي
چم هِضيمه تجرّعَت بت علي مَولاتي

اهل الشام وادم مو اجاويد
بذبح حسين عدهم اعلنوا عيد
والنِسوان حِنّه امخّليه بالأيد

صعدوا منازلهُم ظلّوا حجر يرمون
و تصدح هلاهلهم و ابزينب يسبّون

تگلهم وسف عيد انعلن
على حسيني
يُوميّه ادخِلّي وطن
يبچّيني
~~~~~~~


قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3

قصيدة نزله(  للسيدة زينب ع )
جديد...



وا  ويلاه    .......       يم   الخدر

...........................................
كالو  اخت  الكمر  اميسرينها

بالسبي  وبحبال  امجتفينها

تنظر  اعله الرمح راس احسينها

فوك  كل هذا  الألم  بمتونها


     وا  ويلاه   ....    يم  الخدر
.........................................

فوك  كل هذا  الألم  ماينحمل

زينب  بيا  حال  تصعد  عالهزل

وبسياطه  كام  يضربها  النذل

ساعد الله  ام عون كان  بعونها


    وا  ويلاه     .....   يم  الخدر
.........................................

ساعد الله  اجروحها وذاك الضمه

ساعه  تندب  علي  ساعه فاطمه

غاب  عنها  الكمر  بن حامي الحمه

لو  عدل  يحضرها شاف  شلونها


  وا  ويلاه     .....    يم  الخدر
...........................................

لو  عدل  يحضرها  عباس  الكفيل

بالسبي  وذاك  اليسر  دربه  طويل

الناكه  تعثر  بيها  لان  ساعه تميل

وين حارسها  وكفيل  اضعونها

     وا ويلاه    ......    يم  الخدر
..........................................

وين  حارسها  التكفل  بالضعن

زينب بيا حال من عكب المحن

تنادي  ياعباس  ابصوت الشجن

عكب اخوها منخطف كل  لونها

     وا  ويلاه  .....     يم  الخدر
..........................................

عكب  اخوها  تدخل لذاك  القصر

زينب  يسموها  هاي  ام  الخدر

وينها  وين  المصايب  واليسر

عن  اخوها  كامو   ايسألونها

 
     وا  ويلاه  ......  يم  الخدر
..........................................

كامو  ايسألونها   وردت  جواب

يايزيد  اعليك  ماينفع   عتاب

جدي  خصمك  باجر بيوم الحساب

اهناك  حضرلك  جواب  ايكونها


     وا ويلاه     .....   يم  الخدر
..........................................

الخادم....  ابو فدك الشامي


قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3

بصوت. مسلم المطيري

واويلاه. يم الخدر

كلمات الشاعر
ابو فدك الشامي

زينب ع  بعد يوم العاشر....


كلهم مشو     عني ارحلو      ولوحدي ضليت
لا ظل اخو     لا ظل ابن         والله تاذيت
.......................................................................

انه زينب  والمصيبه  رافكتني  من  الزغر
ودعت  امي  وابوي  بدونهم  عشت العمر
محد يسميني بسمي صار اسمي ام الصبر
مخدره وتالي بحياتي امشي بدروب اليسر


عشت اليتم      صار الاسم      بصبري تسميت
لا ظل اخو       لا ظل ابن        والله تاذيت
........................................................................

الحسن كدامي  شفته  ذب  جبتده  بالطشت
هذا اخوي الغالي بعده كون ميته وما عشت
اثنين من اخواني  ظلو  بيهم  الهيبه  شفت
لو  تصير  اعليه  عيله  بيهم  انخه وحشمت

يا دنيتي     عوفي اخوتي      بهل جلمه ناديت
لا ظل اخو       لا ظل ابن        والله تاذيت
........................................................................

دارت  الايام   بينه  ومشت  بيه  القافله
امشي  والعباس  كافل   واتجهنه  لكربله
راية الكافل  ترفرف  والضعن  بيهه  حله
وابو فاظل دكلي صدره يا شمر يا حرمله

دك عل صدر      وصاح الخدر    بيهم توصيت
لا ظل اخو       لا ظل ابن           والله تاذيت
........................................................................

المعرگه  دارت   يعالم   ظلت    اطير   الرگاب
وبعد دوامه  طويله  استشهدوا  كل  الصحاب
استشهدوا من بني هاشم ثله من احسن شباب
ليلى كعدت يم طفلهه  ويم علي  كعدت  رباب

اعله التراب      كلهم شباب     جم شمعه طفيت
لا ظل اخو       لا ظل ابن        والله تاذيت
........................................................................

حسين طب للخيمه اجاني والدمع منه يصب
وكلي  يا  زينب  تحضري   للمسبه   وللضرب
عل شريعه طاح اخونه وما بقه شي  للحرب
وانه راح انذبح هسه  وتحرگ  خيامج  غرب

يابو علي          راح انولي       ودموعي صبيت
لا ظل اخو       لا ظل ابن        والله تاذيت
........................................................................

لوحدي ضليت وعليه  حركو خيامي الكفر
وبيه يشمت يوسفه من بعد  خوتي  الشمر
بخيله صدر حسين داسه وما سلم منه كتر
بوسط ناس وظل ينادي هاي هيه ام الخدر

وانه مره            ومحيره       وللكوفه طبيت
لا ظل اخو       لا ظل ابن        والله تاذيت


خادمكم حسين ابو عباس الكعبي

قناة دمعة فاطمة لمحرم وصفر انشر تؤجر
https://t.me/dam3tfatima3

كلهم مشو. عني ارحلو
ولوحي ضليت

كلمات الشاعر
حسين ابو عباس الكعبي

بصوت. ( مسلم المطيري)

قصيده عن وضع زينب  بدرب السبي
───✤◐►🖤◄◐✤───

كافي  الونين   يزينب  كافي  الونين
راح   تعمين   يزينب  راح   تعمين
الون   ماينفع  بعد    ولايرد  غايب ابد

راح   الحسين  يزينب  راح  الحسين
كافي  الونين يزينب كافي الونين

───✤◐►🖤◄◐✤───

شكد  بجيتي   البواجي   ماتردهم
ضاكت  عليج  الوسيعه  من  بعدهم
العشره  فلت   لاتضلين      بأملهم
أيسي  كطعي  الضنه    ماترد اهل  المحنه
وحدج  زينب   تطبين    بدواوين
كافي  الونين يزينب كافي الونين

───✤◐►🖤◄◐✤───

شكثر  ونيتي  ابد  مانمتي  ليلج
عاتبيتي   شكثر   يازينب  كفيلج
عالنهر   مطروح   مايكدر   يجيلج
انتي  ادره  بحالته   صعبه  صارت   نهضته
خاطره  بالعتب   زينب   لاتكسرين
كافي الونين يزينب كافي الونين

───✤◐►🖤◄◐✤───

عليج   مسجل  يزينب  هل  أمر
وحدج   تمشين  بدروب  اليسر
وللضعن  يحدي  يازينب  شمر
يهوس  برووس  اخوتج
وانتي   تهمل   دمعتج
لمن  تحشمين  بعد  المن  تحشمين
كافي الونين يزينب كافي الونين

───✤◐►🖤◄◐✤───

لاعشيره  اولااهل   تنغر   عليج
بالحبال  الخشنه  مشدوده  اديج
اليتام   التنظرب   تلوذ   بيج
لايذه   كلها      بحماج
وانتي   الصوط  بكفاج
وين  ترحين  يزينب  وين  ترحين 
كافي  الونين يزينب  كافي  الونين

───✤◐►🖤◄◐✤───

شكثر   تحملتي   يازينب   عذاب
ياهو  يازينب  يحمل  هالمصاب
عفتي  الخوان نومه  ع تراب
مكلفه   بعيله   جبيره
والله  حيرتج    حيره
ديرين  بالعين  غريبه  ديرين  بالعين 
كافي الونين  يزينب  كافي  الونين

───✤◐►🖤◄◐✤───

تمت  بعون الله بقلم الشاعره  ام رائد  زوين

●—>>﴾«﷽»﴿๋<<—●

໋৩❥ू┈┈┉💙
           
الشــاعرة العلويه ام رائد

‏                        
قناة دمعة فاطمة لمحرم وصفر انشر تؤجر
https://t.me/dam3tfatima3

نعي للحسين على لسان زينب ع
انازينب ومعروفه واسمي
كعبة الاحزان.
وانا الدهر ذوبني وفجعني
باربعة اخوان.
اول واحد المحسن بس شفته
قلبي ارتاع.
وامي مصوبه ويلي ومنها
مكسره الاضلاع.
ودهش عقلي لقيت القوم
يقودوا فارس الفرسان .
وثاني اخواني المسموم .
شفته وشدة شده.
راسه بحجر اخويه حسين .
والعيله تون عنده.
وكل ساعه الزكي المسموم.
يقذف بالطشت كبده .
وبعدموته شفت نعشه .

بسهام يرمي جنازته مروان.
واما ثالث الاخوان راعي الزود
راعي الباس .
لقيته مقطعه كفوفه.
ومصيوب بعمد بالراس .
وصحت بصوت من شفته .
.اويلي على العباس .
اخويه راح وخلاني .
اسيره بولية العدوان .
واما رابع اخواني.
حسين مدلل الزهره .
شفته وشمر بنعاله .
متربع على صدره .
ماسك شييته بيده..
وبسيفه يحز نحزه .
وشفت راسه على الخطي
وللخيل الجسد ميدان .
انا وشحالتي يناس .
يويلي من عقب ذخري .
خدري مضرب الامثال .
تاليها انهتك خدري.
عمري انا ما ريده .
بالعجل حفروا القبري .

تمت يوم الخميس 17/ 11 /1438 هجري بقلم عزيزه .
ام علي العوض
نسألكم الدعاء

https://youtu.be/qHbN_AULo6A

قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3

شعار خدام الإمام الحسين
لختام المجالس الحسينية
_____

يامظلوم لك ننصب مواتمنا
سامحنا على التقصير سامحنا

لجلك ياذبيح إنقيم هالعشرة
ونلطم بالعزا يامدلل الزهرة
احضرنا إذا حطونا في الحفرة
يامظلوم ياحاضر شدايدنا

يامظلوم لك ننصب مواتمنا
سامحنا على التقصير سامحنا

ماننساك ياغالي يانور العين
حتى اصغارنا ينادوك آه ياحسين
دمعتنا الغزيرة التجري بالخدين
نِعمَ الزاد نذخرها لدفنتنا

يامظلوم لك ننصب مواتمنا
سامحنا على التقصير سامحنا

حبك يابعد روحي دوا افّادي
يا أغلى من أهلي وعمري وأولادي
طول العام أسمع أمك تنادي
وصرختها بحزن تحيي ضمايرنا

يامظلوم لك ننصب مواتمنا
سامحنا على التقصير سامحنا

نتمنى عليك بأختك الحورا
جيرانك نكون بدارنا الأخرى
وكلمن في العزية يصيح يازهرا
تشفع له ياباب الله ياسيّدنا

يامظلوم لك ننصب مواتمنا
سامحنا على التقصير سامحنا

وفقنا إلى الخدمة مدى الأعوام
فيك نذوب لو تقبلنا لك خدام
يامن رأسك مشى للكوفة وياالشام
عليك بزينب تطّيب خواطرنا

يامظلوم لك ننصب مواتمنا
سامحنا على التقصير سامحنا

نريد انعيش في ظلك وتحمينا
ويوم الحسرة من چفّك تروّينا
حب حسين حاضرنا وماضينا
وبك ياحسين رب الكون حافظنا

يامظلوم لك ننصب مواتمنا
سامحنا على التقصير سامحنا
_
بدرية آل عصفور
جديد محرم الحرام ١٤٤٦هـ

قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3