🤍🤍🤍🤍🤍🤍
لائذ عائذ يا فاطمة
بالحسين التجي وبماتمه
اهدي لج صيحتي للخاتمة
حسين

اخذي ما امتلك وبلا ثمن
عمري كله وقف طول الزمن
شوفي وسط القلب وحده سكن
حسين

يمولاتي انه
بعزه طول السنة
حياتي كربلا

إمامي وندبته
إلهي برحمته
خلقني بس اله

لهفي لغربته
حالة جثته
بساعة طيحته
يصب نهر دمه

بأبي هو
عالغبره هوه
وي شم الهوا
صرخ ضمه ضمه
🤍🤍🤍🤍🤍🤍

عالصدر من ادق ما من ألم
يا عسى لطمتي جانت سهم
مقصر وسيدي صدره انهشم
حسين
ليتني ليتني كنت معه
للحسين الاجل ما اروعه
لو ألف موته لي هم اتبعه
حسين
الي اعظم جزا
حضورج للعزا
سماعج صرختي

اللطم لابنج حلى
وعلي متفضلة
قبولج لطمتي

دمي لو جرا
انحب واذكره
وبحاله شجرى
امتلى الجسم نبل

سهام الصابته
مرمي خلته
واخته شافته
واله الدمع تهل

🤍🤍🤍🤍🤍🤍

اجزع من استمع كلمة رمح
جسمي كبله شعجب ما بي جرح
واصرخ لذبحته كون انذبح
حسين
وي خيامه القلب خل يحترق
انا وي عاشره ما نفترق
والنبض للأبد بسمه يدق
حسين
ليالي محرمه
منامي محرِمه
تظل عيني بسهر

اعله زينب بت علي
عويلي يعتلي
مسه الحادي عشر

منهو تناشده
يمها بس عده
ولاجل السيدة
فلا بقت خيم

كافلها اعتذر
نايم عالنهر
وبجف القمر
فلا يرف علم
🤍🤍🤍🤍🤍🤍

من القبر والعتب خايف تره
طالبج بالعفو والمغفرة
مذنب انا ومحب بن حيدرة
حسين

منتظر جيتج وسط القبر
منتظر فزعتج يوم الحشر
بالدمع منكتب فوق الصدر
حسين
المفر وين المفر
جزائي لو سقر
بعد اقصد لمن

ولاينفع نسب
واضج بين اللهب
احب ام الحسن

لا مال ولا ولد
ينقذني بعد
بس انت المدد
امل يظل الي

جهنم ما تشب
نورج يقترب
تدريني احب
علي علي

🤍🤍🤍🤍🤍🤍

الميرزا محمد الخياط
الشاعر عبدالله بو حمد

https://youtu.be/fAscFNuek8A

قناة دمعة فاطمة لمحرم وصفر انشر تؤجر
https://t.me/dam3tfatima3

مَن لم يجد طعم الهوى ماذا تُراه قد وجد
شكرا جزيلا سيدي لولاك كنتُ لا أحد

سلطان.. وفي قلبي لك العرشُ
سلطان.. وضلعي للهوى نقش
سلطان.. دعاك المهدُ والنعش
سلطان

مملوك..ولا لم أرجو إخلاءا
مملوك.. بذلتُ الوجه والماءا
مملوك.. فخذني اليوم بكاءا
مملوك

يا داءَ قلبي والدوا كالضد بالضد اتحد
الويل لي ان إن أُطردِ لولاك كنت لا أحد

🖤🖤🖤🖤

عطشان.. سقيتَ الدين من نحرك
عطشان.. وتاه الماءُ في سرك
عطشان.. ضممتِ الكون في صدرك
عطشان

ريّان.. لقلبي شئت أن يحيى
ريان.. ودمعاتي هي السقيا
ريان.. فلم تضمئني الدنيا
ريان

نبضي بعينيك ارتوى أمنًا وعطفًا للأبد
وردي وريدي موردي لولاك كنت لا أحد

🖤🖤🖤🖤
ناديتْ..نداءا في المدى زاخر
ناديت.. وانت القادر القادر
ناديت.. أما في القوم من ناصر
ناديت

لبيك.. كجبرائيلك الخادم
لبيك.. أنلني نظرة الراحم
لبيك.. اواسي في العزا فاطم
لبيك

زنجيل أحزاني كوى روحي فجمري ما خمد
للموت تبقى مقصدي لولاك كنت لا أحد

🖤🖤🖤🖤

محبوب.. حسينٌ أنتَ من ربك
محبوب.. وكل السُكرِ في حبك
محبوب.. حياةُ الروح في قربك
محبوب

مُشتاق.. فدعني أقصد القبرا
مشتاق.. لأروي تربة الحمرا
مشتاق.. وأبقى عُودة خضرا
مشتاق

وا لهفتي لنيونى يا وراث الزهر مدد
أرجوك لي لا تُبعدِ لولاك كنت لا أحد

🖤🖤🖤🖤

معطاء.. بلا كم ولا كيف
وتسجي الغيم بالصيف
معطاء.. لتقضي حاجة الضيف
معطاء..

مشكور.. تقبل حبي الفطري
مشكور.. وشكري احتاج للشكر
مشكور.. قلبي آخر السطر
مشكور

🖤🖤🖤🖤
الشاعر /علي عسيلي العاملي
الرادود الميرزا محمد الخياط

https://youtu.be/efg2pehlKto

قناة دمعة فاطمة لمحرم وصفر انشر تؤجر
https://t.me/dam3tfatima3

قصيده لهلال شهر عاشور
〰〰〰〰

لاتهل يهلال لاتجبل علينه
بيك نذكر كل مصايبنه وبجينه
〰️〰️〰️〰️〰️〰️〰️〰️〰️
لاتهل بهلالك انشوف النوايب
اذكره بطف كربله موت الحبايب
شجبت يهلال الكدر من المصايب
افكدت بيك انه الولي واحنه انسبينه
〰️〰️〰️〰️〰️〰️〰️〰️〰️
شفت أشكال المصايب والاذيه
يوم طاح حسين اخيي عالوطيه
وبالغرب وحدي بقيت ابلا تجيه
بس علي السجاد ضل محتار بينه

✍ #ام هاشم الحسني
〰️〰️〰️〰️〰️〰️〰️〰️〰️
بيك تبدي محنتي واصبح غريبة
بيك افگد عزوتي وابقه گئيبة
ورحلة احزاني وانه وحدي عجيبة
وبس انه وصبري ترافگنه ومشينه

✍️ #ام محمد علي الشيباني
〰️〰️〰️〰️〰️〰️〰️〰️〰️
اه يهـــــلال الكـــــدر شيبت گلبي
حزن عاشـور ابتده يادمعه صبي
بنوح راح اگظي العمر والعين تربي
فگدت احبابي وراحوا من إيدينه

✍ #وعــد الكفيل
〰️〰️〰️〰️〰️〰️〰️〰️〰️
لا تهل یهلال زودت الحزن بیه
صحت انه ابصوت وین أمي الزچیه
هلال المصايب ييمه هل علیه
ردت هلساعه تجی تلحگ علینه

✍ #عـلــویــه_ام_فــاضل
〰️〰️〰️〰️〰️〰️〰️〰️〰️
لاتجي يهلال وتزيد المصايب
كلبي من فراكهم والله ذايب
اليوم روحي اتريد لمة الحبايب
والله من هالروحه ماضنك تجينه

✍️ #ام سيف الزبيدي
〰️〰️〰️〰️〰️〰️〰️〰️〰️
هلال بيك اني اشوفن ذبحة حسين
وللكمر چني اشوفن تروح جفين
وكل اخوتي تبقى علغبرة مطاعين
والحرم واطفال تنشد عن ولينة

✍️ #ام علي الحسني
〰️〰️〰️〰️〰️〰️〰️〰️〰️
تمت بحمد الله

بأقلام شاعرات مهدويات الهوى

قناة دمعة فاطمة لمحرم وصفر انشر تؤجر
https://t.me/dam3tfatima3

قصيده ع اليوم الاول لمحرم
""""""""""""""""""""""""""""
آنه زينب والحزن عنواني
هل عليه اليوم شهر أحزاني
""""""
هل علينه اليوم يهلال الكدر
عاد ذكرى حسين محزوز النحر
عادت احزاني عليّ بها الشهر
ريت يشيعه الشهر ماجاني
"""""""""
ذبحوا اخواني سويه ابكربله
لا لفاني ريت ياشهر البله
عيني من اسّا الدمعه هامله
خايفه بيّه تطول أحزاني
"""""""
ساعدوني على المصايب والدمع
نار حزني موجره حدر الضلع
چنت صوتي من الخدو ماينسمع
تالي ميسوره الدهر خلاني
""""""""
دبحوا اخواني وصعبه حالتي
من صحت محد إجاني لنخوتي
يوم بالوادي طحت من ناگتي
گمت أصيح الشمر ماتاناني
"""""""
هل عليّ الشهر وذكراه الجرهر
بالخرابه بيوم اجيت اميسره
تذكرت عباس سبع الگنطره
يوم اجيت وياه من أوطاني
""""""""
نوح ياشيعي واذكرغربتي
يوم طاح حسين زادت محنتي
كل سنه يامحب جدبمصيبتي
انذبحوا بليّه جريمه اخواني
""""""""
تمت
خادمه اهل البيت الشاعره الملايه
العلويه فاطمه

قناة دمعة فاطمة لمحرم وصفر انشر تؤجر
https://t.me/dam3tfatima3

يامدرك الثأر ما منك أخبار
نبچي ونعد ليالي
فوگ الألف عام عايفنه أيتام
يمته ترد يغالي
يا صاحب الزمان

🔳🔳🔳🔳🔳

مابينه وبينك الف عام وكسر يالمهدي
كل جمعه نحسبلك تجي وچم جمعه صار اتعدى
كل العمر ليل انگضه چا يمته فجرك يبدي
تعاتب زمانك والعتب شيجيبلك شيودي

كل لحظه نشتاگ تعبنه الفراگ
وجهك مكانه خالي
عمرك عمر نوح واتصيح الجروح
يمته ترد يغالي
يا صاحب الزمان

🔳🔳🔳🔳🔳

حتى الهوه تدري اختنگ يمته تهب نسماتك
گاع الله يبست سيدي واتخضر بخطواتك
ارجع الخاطر فاطمه نتوسل ابشيباتك
يالگاضي كل عمرك بچي مو كافي من دمعاتك

يالجرحك الماي ارحمنه مولاي
شوف الدمع يلالي
وشيبه ابو تراب شيبنه الغياب
يمته ترد يغالي
يا صاحب الزمان

🔳🔳🔳🔳🔳

مولاي مشتاگين إلك ارجوك تشتاگ إلنه
نعترف ما نستاهلك والغربه تستاهلنه
ابداعة محرم والنحر يالمهدي تتحملنه
من تزعل اعلينه تره رب السمه يزاعلنه

ما راضي ندريك وكل همنه نرضيك
لغيرك فلا نبالي
انحلفك ابإسمين ابزينب والحسين
يمته ترد يغالي
يا صاحب الزمان

🔳🔳🔳🔳🔳

كلما نطب مجلس عزه ندعي الله كون انشوف
ويانه يبن العسكري بصدرك تدگ چفوفك
كل روح تستانس تره لو سولفن بحروفك
نعوف العشيره والأهل وهيهات انته نعوفك

عالفطره نهوك لا مانسيناك
نحبك يبيرغ عالي
يالرايه متطيح بكل مجلس نصيح
يمته ترد يغالي
يا صاحب الزمان

🔳🔳🔳🔳🔳

عاشورك يحنيلك ظهر كلما تشوف اهلاله
تذكر حسين أعله الرمح حرگوا خيامه اگباله
عالنحر يالتبچي شوگت تگطع نحر چتاله
سيفك وثاره يختلف للداسته الخياله

عمتك تبچيك عالتل تناديك
عمن لمح خيالي
يم باب الخيام تنتظرك أيتام
يمته ترد يغالي
يا صاحب الزمان

🔳🔳🔳🔳🔳

الشّاعر / كرار حسين الكربلائي

https://youtu.be/Lp30GuTsz2I

قناة دمعة فاطمة لمحرم وصفر انشر تؤجر
https://t.me/dam3tfatima3

لطم للهلال

وين الفاقده وين
وين ام حسن وحسين
صرختها تجينا
وتزيد بكينا
مادري جالسه وين
*
صرخة بماتم حسين
من بين اليندبون
ونه دون الونين
چنها بقلب محزون
ليمن صاحت حسين
صبت دمع العيون
صيحتها بحنه
  وتفطر چبدنا
مادري جالسه وين
****
ياصوب الحزينه
جلستها بياصوب
اظن امه وحنينه
ومنها القلب ملهوب
يا بني تصيح جينا
وتخلي الكون مقلوب
في الماتم لهاصياح
  تدق الهام بالراح
مدري جالسه وين
****
تنادي آه يبني
يامحروم الميه
مصابك ذوبني
وعمتني الغاظريه
اسعدني يالتحبني
تنادي في العزيه
اني المارعوني
وفي وليدي فجعوني
مدري جالسه وين
*
ياشيعه لو تشوفون
ايدي فوق ضلعي
دم اتصب العيون
مثل السيل دمعي
ياشيعه من تصيحون
اني وياكم انعي
انا المذبوح ابنها
ومافتر حزنها
مادري جالسه وين
**
تمت من كتاب الدمع المسال
الجزء الثامن
لخادمة اهل البيت
ام حسين الدعسري

قناة دمعة فاطمة لمحرم وصفر انشر تؤجر
https://t.me/dam3tfatima3

يوم تبديل العلم.. جينه نقسم لك قسم

ما نعوفك يا حُسين ما نعوفك

♾♾♾♾♾♾

حسين يا قصة عشگ.. محد فهم معناها
منحرك آية دمع.. طول الزمن نقراها
رايتك فوگ العرش.. رب السمه علاها
جينه نكتبلك عهد.. كربله ما ننساها
الدنيه من دونك عدم
جينه نقسم لك قسم
ما نعوفك يا حُسين ما نعوفك

♾♾♾♾♾♾

يارسول التضحيه.. وصار الرمح معراجك
من عطش غصن الشرع.. رؤيته من اوداجك
صار تاج الدين إلك.. لمن تسلب تاجك
يابحر وابكل گلب.. يتلاطمن امواجك
يامَلك واحنه خدم
جينه نقسم لك قسم
ما نعوفك يا حُسين ما نعوفك

♾♾♾♾♾♾

هذا عاشورك يظل.. صورة حزن مرسومه
ابكل محرم يعتلي.. صوت المحب بهمومه
يامحمد ياعلي.. يافاطمه المظلومه
حسين ماننسا ابد.. لا والنحر وادمومه
كل گلب يهتف نعم
جينه نقسم لك قسم
ما نعوفك يا حُسين ما نعوفك

♾♾♾♾♾♾

ارفعنه رايه ابگبتك.. سوده ودمعنه انسيله
جينه يم راعي العلم.. ضيم الزمن نشكيله
اسمعنه سبع الگنطره..يبچي وتهدم حيله
ايگول زينب من رفع.. يمها العلم هليله
ابزينب وحرگ الخيم
جينه نقسم لك قسم
ما نعوفك يا حُسين ما نعوفك

♾♾♾♾♾♾

بين اهلال الحزن.. شهر المصايب جانه
منك انريد المدد.. للخدمه يامولانه
احنه ماناسيك ابد.. يالندري ماتنسانه
لو قرينالك نعي.. تحضر الزهره اويانه
وبظلعها الي انهشم
جينه نقسم لك قسم
ما نعوفك يا حُسين ما نعوفك

♾♾♾♾♾♾

الشاعر / كرار حسين الكربلائي
الرادود / باسم الكربلائي

https://youtu.be/vHKYDzcfcKE

قناة دمعة فاطمة لمحرم وصفر انشر تؤجر
https://t.me/dam3tfatima3

#محرم1440

كأن مولاتي الزهراء لما نظرت هلال المحرم هل قالت بلسان الحال .....


العرش اعلن حــــــداد
وارتده ثوب الســـواد
هل محرم هل محرم
1____

بالسمه هاتف يصيــح
وعزه وماتم للذبيـــح
واحسيــناه
كل ملايـــكة الســــمه
حاظرين بماتـــــــــمه
الليله تنعاه
نشرو هدوم الطـفوف
والمله اعليهن يطوف
واذبيحــاه
صوت بالسبعه الشداد
العرش اعلن حــــــداد
هل محرم هل محرم
2__

الليلة امـــــــك فاطمة
اعله الضلوع مـــحزمه
وتريد عـــوان
نعي لمحزوز النــــــحر
وصوت يعله امن الگبر
للمات عطشان
للمجـــالس رايـــــــحه
تريد تنصب فاتحـــــه
للهلال الاحزان
ادوور العلگ ســـــــواد
العرش اعلن حـــــــداد
هل محرم هل محرم
3__

شافت هلال الشهـــــر
گالت انته اوياالشـــمر
لو وياحسين
شلون الك عين اطلعت
چم گلب هسه افجـعت
من الموالين
ليش يهلال الحـــــــزن
لكربله ابناتي جــــــزن
رافگهن البين
راحن لذيچ الــــــــبلاد
والعرش اعلن حــــداد
هل محرم هل محرم
4____

الظعن راح الكربلــــــه
الموت يحدي القافــله
يحسين يبني
بلوعة التفگد اهــــــل
واهدعشهم والاجــل
دهري نكـبني
بيهم الناعــــــي مشه
بصوته گلبي فلــــشه
ينعى وشعبني
ترفرف اعلام الـسواد
العرش اعلن حـــــداد
هل محرم هل محرم
_

الشاعره ام محمد الحجاج العبادي


قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3

دگ الباب عاشور وفزعنا
صاح وريت لا صاح وسمعنا
صاح حسين ذبحوه.. وقلب الزهره فجعوه
عِند باب ام الحسين اجتمعنا
نسوان و زلم جينا وعشاير
واجبنا نقدر هالشعاير
وننصب هالمآتم.. يم دار الهواشم
عِند باب ام الحسين اجتمعنا

&&&&&&&&&&

حوربنا واجينا ننوح ونعظم أجركم
أخبار ال لفتنا تگول گطعوا رأس ابنكم
عطشان انذبح والماي مهر الزهره امكم
اه يهل الأصل اه.. أهل المنذبح وين؟
جانوا للبشر جاه.. ماحضروا عزا حسين
مو إلهم طلعنا؟.. ولهاي اجتمعنا
يكبر يجسام يليوث الإسلام 2
في وين ابو اسكينه وگع؟ ردوا علينا
جاسم يلرجال دمه جرى وسال 2
ولكبر يويلي اگبال ابوه امگطعينه

لو شيب رمش لحسين من شوفة شبابه
جا زين العباد شلون يابيت النجابه؟
بعيونه يشوف الشيب صار احمر خضابه
وين النسآله شلون.. شاف احبابه تنداس؟
وأطفاله يفرون.. وتنادي يعباس
وين اليحمي ضعنه.. ولهاي اجتمعنا
ياأهل الحرم. قد ذهب حامل اللواء ولن يعود
حامل اللواء لن يعود
ساقي الحسين وقائد جيشه لن يعود
حامل اللواء لن يعود.... حسين

هذه أعلامنا قد رفرفت
لأبي الفضل ونُجري المقلتين
كسروا قلب النبيين به
عندما قد كسروا ظهر الحسين

لولحنا العلم ونصيح لا حول ولا قوة
بلوة طيحة العباس ماكو بگدها بلوه
لليوم اعله ظهر حسين نبجي وعالأخوه
يمتى الياسنه نصيح شبوا بالخيم نار
لسه الكافل يطيح.. وزينب لسه تحتار
نبجي وما گطعنا.. ولهاي اجتمعنا
زينب زينب.. زينب زينب

ياساتر صدگ يحجون عن هاي الرزيه؟
من طبت بلاد الشوم بت حامي الحميه
ماهزكم حجي الينعون لو گالوا سبيه؟
جاوين البهاليل.. والعدهم شرف ذات
عمات ومداليل.. باتن بالخرابات
ماهزكم جزعنا؟.. ولهاي اجتمعنا

يابيت الشموس الضيك افياي
ياصدر الخلگ نحتاجك اهواي
عالفطره إجينا.. الفاگد أهله وينه؟
كُون نسلي قلبه بجيببة الماي 2

عاشر لا تدگ عالباب صوت الدگه جارح
ولاتسأل ترى ابن البيت عن بيت أهله نازح
مو كافي گضوا ياحيف (صالح بعد صالح)؟

&&&&&&&&&&

أداء ملا صالح المؤمن
كلمات الشاعر عبدالله خير الله

https://youtu.be/RWv6hVq8-OI

قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3

*🎤 لطميه حماسيه لختام المجلس*


*❆ الشيعه تنادي بالحزن ❆*

*❆ ماننساك مولانه ❆*

❃❃⇊❃❃⇊❃❃

*ماننسى بيديك الطفل*
*وبركبته طب النبل*
*والمدمع بشوفة يهل*

*( إلك جــان ريحــانه )*

❃❃⇊❃❃⇊❃❃

*ماننسى الأكبر من وقع*
*مقطع وذر لمن رجع*
*قلب أمه بالويل انفجع*

*(حال الشاب بچــانه )*

❃❃⇊❃❃⇊❃❃

*نذكر العريس بحزن*
*رمله عليه تبچي وتون*
*قاسي عليها هالزمن*

*( العرس صار ميدانــه)*

❃❃⇊❃❃⇊❃❃

*وللعلقمي بيوم الرحت*
*ناديت عباس وصحت*
*ياخويه كون انه متت*

*( والأطفال عطشانه )*

❃❃⇊❃❃⇊❃❃

*ماننسى سهم اصوابك*
*نبچي ونون يم بابك*
*نقضي العمر بأعتابك*

*( آه شلون اذانه )*

❃❃⇊❃❃⇊❃❃

*سلبو هدومك سيدي*
*مدلل الزهره يالابي*
*ورماد نيران العبي*

*( ارجوك لاتنسانــــه )*

❃❃⇊❃❃⇊❃❃

*✅ تمت بحمد الله*


قناة دمعة فاطمة لمحرم وصفر ترحب بكم انشر تؤجر
https://t.me/dam3tfatima3