🏭 70 жыл бұрынғы затпен салыстырма. АЭС реакторларының қауіпсіздігі мамандар назарында

Мамандар, халықтың АЭС, реактор деп үрейленгенінде психологиялық қақпан бар екенін айтады. Себебі, кезінде АЭС-тер апатқа ұшыраған. Бірақ сол АЭС-терде бұдан 70-80 жыл бұрын жобаланған, қауіпсіздік деңгейі дұрыс жетілмеген реакторлар тұрған еді. Бөлек қауіпсіздік жүйесі де болған жоқ. Барлығы қолмен басқарылып тұрды. Қазір барлығы толық автомат.

Мысалы, «Қазақстандық атом электр станциялары» ЖШС-нің Жоба басқару жөніндегі бас менеджері Әсет Махамбетовтің айтуынша, бізде қарастырылып отырған реакторлар III немесе III+ буыны анықтамасына сәйкес келеді. Бұл сөзсіз жоғары қауіпсіздік деген сөз.

«Жаңа реакторларды жобалау кезінде көптеген тәуекелдер, соның ішінде жер сілкіну, дауылдың көтерілуі, өрт шыққан жағдайда, үстіне ұшақ құлау секілді ірі апаттық жағдайлар есептеледі. Бір мысал айтайын, апат кезінде қазіргі реакторлардың жұмыс дербестігі 72 сағатқа дейін жетеді. Яғни, реактор адам араласуынсыз-ақ өздігінен тоқтап, үш тәулік бойы қауіпсіз жағдайда бола алады. Сондықтан бұдан үрейленудің еш себебі жоқ», - дейді, Әсет Махамбетов.

Пассивті қауіпсіздік шараларын қолдана отырып, апатқа қарсы процесте адамның араласуынсыз, АЭС-те болуы мүмкін ықтимал оқиғалар салдарымен күресу – заманауи реакторларға қойылатын басты талап. Қазіргі уақытта III + реактор жобаларында қауіпсіздік, сенімділік және өндірілетін энергияның арзандау деңгейі одан әрі артқан. Жаңа реакторлардың басты ерекшелігі – бұған дейін АЭС-терде орын алған барлық жағдай ескерілген. Оларда «жобалау кезінде апатты жою» тұжырымдамасы іске асырылады.
https://dalainside.kz/11/manyzdy/23/2022/718/

🤜🏦 Мәжіліс VS Jusan bank: депутаттар "фаталити" жасады

Заңға өзгерістер күшіне енбей тұрып, «Jusan bank» қожайындары 172 миллиард теңге дивидендті шығарып алуға үлгере ме?

Мәжіліс депутаты Қанат Нұров «Мен Мәжілістің банктер капиталының ашықтығын арттыру және олардың мемлекет көмегінен дивидендтер төлеуін шектеу жөніндегі бүгінгі шұғыл шешімдеріне әбден қанағаттанамын», - деп жазды. Бұл жерде әңгіме, «Банк қызметі туралы» заңнамаға өзгерістер енгізу туралы болып отыр. Бүгін Мәжіліс депуттары осы мәселені шұғыл қарады.

Депуттаттардың бұлай тез қимылдауына «Jusan bank»-тің тікелей қатысы бар. Банк өзінің 5-ші желтоқсанға межелеген акционерлер отырысында, қожайындарына 172 миллиард теңге төлеуі мүмкін. Біршама сарапшылар мен депутат Қанат Нұров Жусан банктің оған моральді құқығы жоқ деген пікірде. Себебі, Жусан банк мемлекет көмегін пайдаланды және оның біршама бөлігін өзіне кіріс ретінде санатып, дивиденд арқылы акционерлері алып алды.

2019-2020 жылдары Жусан банктан оның қожайындары (ол кезде «Назарбаев фонд» жеке қоры мен Ғалымжан Есенов) дивиденд ретінде 227 миллиард теңге алған. Енді, 2021 жылдың қортындысы бойынша банк акционерлері тағы да 172 миллиард теңге дивиденд алуға әрекеттеніп отыр.

Бұл ретте – мемлекеттің Жусан банкке көмегі 1,5 триллион теңге деп бағаланады және оның алдында банк басқармасы осы көмекті біртіндеп қайтарамыз деп уәде берген болатын. Банктен мемлекетке әлі күнге дейін бір тиын да қайтпады. Есесіне қожайындары ашкөздікпен бар ақшаны шығарып алуға тырысуда.

🏃 Банкті барынша сорып алып, қоржыны бос қаржы институтын сол қарыздың есебіне мемлекетке қайтарып бере салу – қожайындардың көздегені осы сияқты. «Жаңа Қазақстанда» өздеріне бұдан басқа мүмкіндік жоқ екенін түсініп отыр.

https://t.me/dalainside

💥Имекең үлкен саясатқа қайта оралатын сынды.

Армения президенті Пашинян Ұжымдық қауіпсіздік шарты ұйымының төрағасы қызметіне Иманғали Тасмағамбетовты ұсынды.

https://t.me/dalainside

💥⚡️Тасмағамбетов ҰҚШҰ төрағасы болды

Оның ұйымға жетекшілік ететіні ресми хабарланды.

Тасмағамбетов 2019 жылдың желтоқсанынан айынан бері бос жатты.

Зейнетке шығуы шыққанмен ел арасында Имекеңнің саясатпен тым ертең қоштасқаны жайлы әңгіме толастаған жоқ.

Бертінге дейін Қазақстанның Ресейдегі елшісі болған Тасмағамбетов түнеукүні ғана ел-жұртты Тоқаевты қолдап, дауыс беруге шақырды.

Қазақтілді аудитория Тасмағамбетовтың қайратерлік қабілеті сарқылмағанына сенімді.

Сайлау қарсаңында Тоқаевты қолдауға үндеген Тасмағамбетовтың мәлімдемесі қазақтілді кеңістікте әлі де қызу талқыланып жатыр.

Осы мәселеге орай Dalainside-қа пікір білдірген саясаттанушы Дос Көшім: "Оның сайлауды пайдалана отырып, өзінің Тоқаевтың жақтайтынын жеткізуі - өзін қорғау рефлексі. Иманғали жақсы сөздерді жеткізе айта алатын жан.

Дәл осындай сөздер, кезінде, Назарбаевқа да сан рет айтылған.
Бұл - сатқындық емес. Билікте болған жандардың жел қай жақтан соқса, сол жаққа қисаюы. Бұған Нұрсұлтан ағамыз да ренжімейді. Ол кетті.
Енді билікке келген адамға өзінің құрметін көрсету керек.

Бізге бұл - тұрақсыздық сияқты көрінуі мүмкін. Бірақ бұл - тұрақсыздық емес, биліктегі тұлғаға құрмет көрсету деген биліктің жазылмаған заңы" деген болатын.

Мақұл, бұл өткен әңгіме.

Имекеңнің ҰҚШҰ-ға жетекшілік етуі Қазақстанға қандай пайдасын тигізеді деп ойлайсыз?...

https://t.me/dalainside

😞🇰🇿Тасмағамбетов Қазақстанды Путинге жіпсіз байлап берді ме?!

Телеграм арналар Ұжымдық қауіпсіздік келісім-шарты ұйымының Арменияда өткен жиынын талқылауда.

Кезектен тыс Президент сайлауда жеңіске жеткен Тоқаев Қазақстанның Еуроодақпен байланысты жандандыратын ашып айтқан еді.

Бұл – ұсыныс Путинге ұнамаған сынды. Қазақстанды стратегиялық әріптес санайтын Кремль одақтасының Батыспен тонның ішкі бауындай араласып кеткенін қаламайды. Осы орайда Путин Қазақстанды өзіне жіпсіз байлап қоюдың амалын тапқан сыңайлы...

Бүгін Арменияда өткен Ұжымдық қауіпсіздік келісім-шарты ұйымының кезекті басқосуында ұйымның төрағалығы Қазақстанға өтетінін белгілі болды.

Армения басшысы Никол Пашинянның ҰҚШҰ төрағасы болуға Иманғали Тасмағамбетовтың кандидатурсын қолдауды Тоқаевтан қиылып... сұрағанына куә болдық. Пашинянның ар жағында Путин тұрғаны анық.

Осыдан кейін президент Тоқаевтың олардың өтінішін қабыл алғаны жайындағы ақпарат тарады.

Имекең Мәскеудегі елшілік қызметін өткізіп бергеннен кейін де Кремльді айналшықтап шықпай жүргені енді белгілі болды.

Білетін адамдар бүгінде Тасмағамбетовтың көп уақытын Ресейден өткізетінін DALA INSIDE-қа сыздықтатып айтқан болатын.

Қазақшыл қауым Тасмағамбетовтың көп уақытын Ресейде өткізетіне таңқалған еді.

Бұл тағайындаудан кейін қазақ қоғамында Тасмағамбетовке қатысты жаңа көзқарас қалыптасатыны сөзсіз.

ҰҚШҰ-ның төрағалығы Имекеңнің саяси кеңістіктегі, саясаттың кулуарындағы салмағын арттыруы мүмкін.

Бірақ дәл осы жолы Тасмағамбетов Қаңтар оқиғасынан кейін Қазақстандағы саяси өлшемдердің басқа арнаға ауып кеткенін ескермегенін анық байқадық.

❗️Қаңтар оқиғасынан кейін халықтың Ұжымдық келісім-шарты ұйымына деген көзқарасы күрт өзгерді.

Осылайша ҰҚШҰ қазақ қоғамы үшін токсинді, зиянкес ұйымға айналғаны белгілі. Имекең мұны біле тұра ұйымды басқаруға келісімін бергенін түсіне алмадық.

Қазақстанды былай қойғанда ҰҚШҰ-ға мүше елдер арасында аталған ұйымның тартымдылығы күрт төмендегені белгілі.

Посткеңестік елдердегі аудитория (билік емес) бұл ұйымның қауқары қалмағанын мойындап қойды.

Биыл Петерборда өткен ҰҚШҰ-ның жиынына қырғыз басшысы Садыр Жапаров бармай, ұйымның қырғыз бен тәжік арасындағы қақтығысты шешуге қауқары келмей отырғанын ашық аңғартқан.

Ал армяндар (Пашинян емес) мұндай аймақаралық қауіпсіздікті қамтамасыз ете алмай отырған ұйымнан шығу турасында бастама көтергенін білеміз. Осылайша ҰҚШҰ айдай әлемге өзінің әркетсіздігімен әбден танылып, сүйкімсіз ұйым ретінде танылды.

Ал осындай ұйымға ұлтжанды азамат (мемлекетшіл деп енді айту артық болар) Имекеңнің тағайындалуы оның саяси салмағына көлеңке түсірері анық.

Имекең саясатқа оралу үшін ҰҚШҰ-ны пайдалануы мүмкін бе? Бұл енді бос қиял. Өйткені тарих екі рет қайталанбайды.

Ал осы ұйымның жаназасын тездетіп шығарса, онда тарихта қалуы ықтимал.

⚡️Песков Қазақстанға шүйліккен Кремльдің "шовиктеріне" қатысты пікір білдіріпті.

"Бұл Мәскеудің көзқарасымен үйлеспейді", - дейді.

Сенейік пе?!

https://t.me/dalainside

💥❗️Тоқаев ескі жүйенің кадрларынан толық арылуды көздеп отыр

Депутат Жаңбыршин Жаңа Қазақстанды күрделі өзгерістер күтіп тұрғанын меңзеді.

"Назарбаев? Ескі жүйе отыз жыл бойы "бізден басқа ешкім жоқ..." дегенді құлағымызға құйып келді. Мұның бәрі бекер, бос сөз.

Қазақта "ел қамын жеген Едігелер" жетіп артылады.

Саяси интрига, кландық ойындардан аулақ жүретін адал, таза азаматтар Жаңа Қазақстанның қабырғасын қаласып, ел басқару ісіне араласатын болады", – дейді Еділ мырза.

https://t.me/dalainside

💥🔥 Тоқаев 26-шы қарашада Қазақстаннан заңсыз шығарылған барша капиталды түгелдей елге қайтару туралы жарлыққа қол қояды.

30 жыл бойы "алтын сандықтың үстінде жалаңбұт отырған" халықтың Жаңа Қазақстаннан күтері де осы.

Экс-премьер Әкежан Қажыгелдиннің айтуынша Назарбаевтың семьясы мен сыбайластарына "тиесілі", тұтастай алғанда 300 млрд $-дан асып жығылатын капитал шетелде жасырылуы жатыр.

https://t.me/dalainside

🏦🇷🇺 "7-20-25" ипотекасының негізін қалаған қазақ қаржыгері Ресейдің ірі банкін басқаратын болды

"7-20-25" ипотекасының операторы болған "Баспана" (Ұлттық Банкке қарасты) компаниясының алғашқы төрағасы, оның алдында ұзақ жылдар бойы Отбасы банк пен "БТА Ипотекада" басшылық қызмет атқарған Қайрат Алтынбеков Ресейдің Азия-Тынық мұхиты банкінің (АТБ) басқарма төрағасы болып тағайындалды.

АТБ-ны қазақстандық инвестициялық компания - "Pioneer Capital Invest" ЖШС-і Ресейдің Орталық банкінен аукционда 193 миллион долларға сатып алған болатын. Артынан олар өзі сатып алған Ресей банкін "Назарбаев фонд" дербес қорына аударып берді. Ол қорды - зейнеткер Нұрсұлтан Назарбаев басқарады.

АТБ биыл мол табыс табайын деп тұр. Валютаралық операцияларда Ресейдегі банктердің комиссиялары тым жоғары. Ал халқында басқа амал жоқ. Бірақ операциялардың көбісін АТБ баяғыдай қолма-қол ақшамен жасап жүр.

Алтынбеков кезінде "7-20-25" пен Отбасы банкты цифрландырған еді. Енді АТБ-ны орыстың каспиіне айналдыратын болады.

@dalainside

❗️⚡️Dalainside Тоқаевтың жанындағы ең "қауіпті" адамды тапты. Президент одан аулақ жүргені абзал...

Иә, осыған дейін билікте болғандардың бәрімен ат-құйрығын үзісудің қажеті жоғын түсінеміз.

Биліктің ішінде де Назарбаевтың автократиясына талағы тарс айырылардай болып, әрең жүрген ақ жағалылар болды.

Десе де, Жаңа Қазақстанды құру кезінде ат қосшы болуға да жарамайтын тұлғалардың бар екенін естен шығармаған абзал.

"Қазақ қоғамы үшін құндылығын жоғалтқан сондай шендінің бірі – Ермұхамет Ертісбаев..." - дейді танымал журналист Нұрлан Жұмахан.

Ертісбаевтың аты аталса көпшілік тыжырына қалады. Неге?

"Өйткені ол осыған дейін қоғамдық ортада Назарбавтың диктаторлық саясатын ақтап келген адам ретінде танылды.

Назарбаев билігін ұзартуға өлшеусіз үлес қосқан 10 адам болса, соның бел ортасында Ертісбаев тұр.

Оны Жаңа Қазақстанның іргесін қалауға мүлде жолатуға болмайды.

Назарбаевтың өзі керек қылмай зейнетке жіберген Ертісбаевты халық Тоқаевтың жанынан әсте көргісі келмейді", - дейді журналист.

😤 Күні кеше Арманжан Байтасовқа сұхбат берген Ертісбаев сайлауда Тоқаевты қолдау үшін құрылған Халықтық коалицияны "тарқатпау керек" деп көсілген.

🧐 Оның ойынша, аталған коалиция "стратегиялық мәселелермен айналысу" үшін керек.

"Ертісбаевтың осы әңгімесінен-ақ Назарбаев режимін аңсап отырғанын аңғарамыз.

Халықтық коалицияны сақтап қалғаннан не ұтамыз? Бар болғаны Назарбаев режиміне қайта қадам басамыз.
Мұндай ұйым "Нұр Отан" сияқты ебедейсіз "динозаврға" айналады.

Дәл қазір бізге коалиция емес, жоғарыға халықтың түрлі топ өкілдерінің мұң-мұқтажын жеткізетін көптеген саяси ұйымдар қажет.

Ертісбаевтың ұсынысы?
Бұл Тоқаевтың саяси реформасын жоққа шығаратын кеңес.

Президент Тоқаев қолға алған саяси реформа іске асса Ертісбаевтың "қызметіне" деген мұқтаждық туындамауы керек.

Халыққа керегі өзгеріс, ал Ертісбаев секілділер Тоқаевты "өзгертуге" тырысып жүр", - дейді журналист.

https://t.me/dalainside

🇰🇿 🇺🇿 Тоқаев vs Мирзияев: Астана мен Ташкент инвесторға таласа бастады

Мирзияевтің баяндамасын шолып шыққан Dalainside осындай ұйғарымға келді.

Жаңа Қазақстандағы жедел реформалар өзбек билігінің ұйқысын қашырғанға ұқсайды.

Ташкент шетел капиталын көршінің қанжығасына байлап бергенді мүлде қаламайды.

Шетелдің бизнес өкілдерін шәйға шақырған Мирзияев әлгілерді өзбек нарығына қаржы құюға үгіттеп, уәдені-үйіп төкті.

Жаңа Өзбекстанда инвестордың құқы алабөтен, айрықша қорғаларына кепілдік берді.

Өзбек басшысы Батыстан келетін қомақты капиталдан қағылмау үшін Тоқаевтың реформасымен пара-пара өзгерістер жасауға тәуекел етіп отыр.

Жаңа Өзбекстан дейтін концепцияның мақтауын асырған Мирзияев инвестор дейтін кірпияз қауымға келесідей жеңілдіктер ұсынды:

1⃣ Ташкент алдағы жылдан бастап инвесторларға білім мен денсаулық саласының есігін айқара ашады.

2⃣ Инвесторлар кеңесінің іргесінен оларды жәбірлеуге жол бермейтін Арнайы комитет құрылады.

3⃣ Өзбектің қор нарығына қан жүгірту үшін шетелдік банктерге шақырту жіберіледі. Қаржы институттары толығымен түрленіп, бұл бағыттағы реформа тереңдей түседі.

4⃣ Экономикадағы биліктің белсенділігі күрт бәсеңдейді. Жекешелендіру науқаны қызу жүргізіледі.
"Мен билікке келгелі 1200 кәсіпорынды жекенің қолына тапсырдық", - деді осы тұста Мирзияев.

5⃣ Өзбектің жер қойнауындағы "игілікті" игеру инвесторларға сеніп тапсырылады.

"Ақшаның астында қаласыздар. Өзбекстан алтын қоры бойынша әлемде 2-ші орында, мыс пен күміс қоры да жетіп артылады, 7-ші орындамыз. Әттең, бұларды игеретін технологиядан тапшылық көріп отырмыз...", - дейді өзбек басшысы.

Ташкент 10 түрлі қазба байлықты өндіруді инвесторларға жүктегелі отыр. Осы мақсатта айтарлықтай салық жеңілдігі жасалған.

6⃣ Мирзияевтің тұсында электромобиль өндірісі дәуірлейді. Өзбек басшысы осы тұста Илон Маскке тіл қатып, елдің көлік жасаудағы тәжірибесін мысал етті.

7⃣ Туристер топырлап келетін аймақтарда IT парктер ашылады. Осында отырып, еңбек ететін "айтишниктер" салықтан босатылады.

8⃣ "Бізге ақша әкеле жатқан инвесторды аяғын жерге тигізбей әуежайдан күтіп аламыз. Сол арада жұмысқа қажетті барлық құжатты қолына ұстатамыз. Бұл істі Инвестиция министрі жүргізеді. Бүтін бір министрді басқа жұмыстан босатып, сіздерге басыбүтін бердім", - деді Шавкат ака.

⚡️Мирзяев өзінің тұсында ел экономикасына құйылған инвестиция көлемі 40 млрд 💵-дан асып жығылғанын айтып мақтанды. Бұл Кәрімов дәуіріндегі кезеңнен 10 есе көп.

"Алдағы 4-5 жылда инвестиция көлемін 120 млрд-қа жеткізуді межелеп отырмыз", - деді ол.

Өзбек лидері инвесторлардың Қазақстанға ауып кеткенін қаламайды. Ресейден қашқан шетелдік компанияларды құшақ жая қарсы алуға әзір.

https://t.me/dalainside

🇪🇺⚡️🇷🇺 Батыс Путинге шындап шүйлікті. Кремльді сойқан санкциялар күтіп тұр...

Dalainside Британ үкіметіне қарасты Қаржылық санкциялар басқармасының (OFSI) есебін сүзіп шықты.

😳 Біз мынадай парадокске куә болдық...

🇬🇧 Лондон осы кезге дейін сөз жүзіндегі санкциямен (немесе имитациямен) айналысып келген.

Ел билігі Кремльдің астамшыл әрекетін айыптағанмен, оны тежеуге тырыспағаны, керісінше кейбір қылықтарына көзжұмбайлықпен қарағаны мәлім болды.

Британ билігі Путиннің паранойя дейтін айықпас ауруға шалдыққанын тым кеш түсінген тәрізді.

❗️ Ресейлік активтердің жаппай бұғаттала бастауы ақпан айымен тұспа-тұс келген.

Ресей 🇺🇦 Украинаға басып кірген мерзімнен күні бүгінге дейін Ұлыбритания Мәскеудің 1200 бай-бағланына санкция салған.

Тағы 33 ресейліктің дүние-мүлкін тәркілеуге лицензия берілген.

Дәл осы аралықта 18,39 млрд фунт стерлингке бағаланған Ресей активінің аузына құлып салынған.

💥 Бұл 2014 пен 2021 жылдың аралығындағы барлық санкциялардан 41000 пайызға (!) көп.

Әлгі аралықта бұғатталған ресейлік активтің құны бар болғаны 44, 5 млн фунтты құрапты.

Демек, Киевті үш күнде басып алуды жоспарлаған ақпан айына дейін Путиннің мұртын балта шаппай келген.

Оған бағынышты 💵 олигархтар Мәскеу мен Лондонның арасында емін-еркін қатынап, британ астанасындағы зәулім сарайларында сауық-сайран құрған. Енді бұл дәуір көзден бұлбұл ұшқалы тұр.

Британ билігі OFSI -дың құзіретін кеңейтіп санкциялардың ауқымын ұлғайтпақ.

"Ресейден алыс жүр" деген ескертуді елемеген британ компанияларына қомақты ақшалай айыппұл салынады.

Ресейге шындап шүйліккен басқарма жыл соңына дейін штат құрамын күрт көбейтіп, қызметкер санын 100 адамға жеткізбек.

❗️OFSI директоры Джайлз Томсон: "Кремльге салынған санкциялардың мүмкіндігі сарқылған жоқ. Экспорттық, импорттық тыйымдар, визалық, транспорттық шектеулердің көкесі әлі алда", - дейді.

Ақпан айынан бері Ресейден 1500-ға жуық трансұлттық компаниялар кетіп тынған. Бұл үрдіс үдей түспесе, бәсеңдемейді. Ресейді оқшаулау тенденциясы қарқын алады.

Санкциялардың шалығы Жаңа Қазақстанды шарпып өтпей ме? Бізді осы мәселе мазалайды...

https://t.me/dalainside

🏦 Базалық ставка - 17%. Дайынбыз ба?

Бизнес демін ішіне тартты: ертең Ұлттық Банк базалық ставка бойынша шешімін жариялайды.
Және ол өсуі мүмкін. Инфляцияны тоқтата алмай жатырмыз.

Қарашаның қортындысы бойынша биылғы жылдық инфляция 19,6%-ға жетті. Бұл аз емес. Инфляциялық күтулер бойынша сауалнама ешқандай позитивті жаңалық әкелмеді. Біз жыл аяғына дейін инфляцияның 20 пайыздық қызыл қызығын аттап өтуге жақын қалдық.

Бұл ретте - қазіргі 16% базалық ставка тиімділік пәрменінен айрылады. Сол себепті, ертең Ұлттық Банк комитеті өз отырысында радикалды шешімдер саясатын жалғастырады деген болжам - барлық сарапшылардың аузынан шығуда. 17% немесе одан да көп базалық ставка - ертең жарияланатын шешімнің ең ықтималы болып тұр.

Саяси аспектіні де жоққа шығара алмаймыз. Президент инаугурациядан кейін Ұлттық Банк төрағасын қайта тағайындауы тиіс. Қазіргі төраға - Ғалымжан Пірматовтың статусы автоматты түрде "уақытша міндетін орындаушыға" ауысып отыр. Пірматов кандидатурасы бойынша шешімге инфляцияның ықпал етері сөзсіз. Президент инфляциямен күресте Ұлттық Банк орындаған шараларды дұрыс деп санай ма, бұрыс деп санай ма - әңгіме сонда.

Базалық ставка бойынша жаңалықты ертең білетін боламыз. Ал Ұлттық Банк төрағасы бойынша жаңалықтың қашан шығатынын ешбір инсайдер айта алмады.

https://t.me/dalainside

HAVAL H6 кроссовері Қазақстанға келді

Mycar Almaty автоорталығында Great Wall Motor концернінің бестселлері Haval H6 моделінің асыға күткен тұсаукесері өтті. Танымал кроссоверді брендтің ресми дистрибьюторы – Haval Motor Kazakhstan («Астана Моторс» құрамына кіреді) таныстырды.

Haval H6 тұсаукесері мини-мюзикл форматында өтті. Great Wall Motor Eurasia маркетинг жөніндегі директоры Кэрол Тян таныстырудың ерекше форматына қатысты былай деп пікір білдірді:
«Әрине, техникалық параметрлер мен жүріс сипаттамалары – бұл болашақ көлік иесі ең бірінші кезекте назар аударатын жайт. Бірақ біз автокөліктің мінезін, біздің дизайнерлеріміз модельді әзірлеген кезде оған салған эмоциялар мен стильді де көрсеткіміз келді. Сондықтан тұсаукесерлеріміз үшін әрқашан жаңа форматтар іздейміз».

Автоорталықтарда HAVAL H6 үш жиынтықтама нұсқасының бірін таңдауға болады: Comfort, Premium және Tech Plus. Бағасы 12 990 000 теңгеден басталады.

👉 Қосымша ақпаратты haval-motor.kz сайтынан ала аласыз.

https://t.me/dalainside

📈 16,75%. Қазақстан жаңа базалық ставканы қарсы алды

Ұлттық Банк базалық ставканы 0,75 пайызға, қаржыгерлер тілімен 75 базисті пунктке көтерді. Енді автоматты түрде кредит қымбаттап, ал депозит тиімді бола түспек. Шамамен депозит мөлшерлемелері 18,25% көрсетуі тиіс.

Қазақстан халқы ақшаны құрту моделінен кетіп, жинақтау үлгісіне толық ауыса ма? Бізде қазір 19,4 триллион теңге депозит бар. Оның 35,5 пайызы долларда. Базалық ставканың өсуі дедолларизацияны күшейтіп, доллардағы салымдар үлесін азайтуы тиіс. Тиісінше теңге салымдары көбейеді.

https://t.me/dalainside

🏭 Балқаштағы АЭС: оның көл суына ешқандай әсері болмайды
​
Dalainside.kz Қазақстанда салынатын атом электр станциясының қауіпсіздігі бойынша сериялы зерттеу жүргізіп келеді. Кезекті тақырып – Балқаш суына қатысты.
​
✔️ «Қазақстандық атом электр станциялары» ЖШС Жаңа ядролық және энергетикалық технологиялар бойынша бас менеджері Асуан Сиябековтың айтуынша, АЭС-те радиоактивті қалдықтар сыртқа шықпайды. Бірнеше контур болады. Сол контур бойында салқындатылады.

👉 «Біз суды не үшін қолданамыз? Ең алдымен реакторды салқындату үшін. Бұл суды тоғандардан, жанындағы көлден аламыз. Контурдағы құбырмен жүретін су көл немесе тоғандағы сумен жанаспайды. Сондықтан «радиоактивті қалдықтар Балқаш көліне құйылады» деген пікір дұрыс емес», - дейді, атом саласының маманы.

«Екіншіден, су буланады, қайнап кетеді дегенді де естіп жүрміз. Олай болуы мүмкін емес. Бәрі есептеулі. Су жылына 0,04 пайыз мөлшерде ғана буланады. Бұл өте аз. Сол себептен Балқаш көлі қайнап, тартылып, ішіндегі жәндіктер, балықтарға әсер етеді деген де шындыққа жанаспайды»

Бір қызығы, шетелдегі АЭС-терде үнемі балық аулаудан жарыс өткізіледі екен. Басты мақсат - балық аулап, оған дозиметрлік тексеріс жүргізеді. Соның нәтижесінде дозаның мөлшері асып кеткен жоқ па, суға радионуклидті қалдықтар тараған жоқ па, бәрін тексеріп балықты суға қайта жібереді.

Бір тоқетері, заманауи, жаңа технологияны арқау еткен АЭС салынып, жұмыс істесе Балқаш көліне 🙅 ешқандай қауіп төнбейді.
https://dalainside.kz/12/jana-qazaqstan/05/2022/737/

🇰🇿⚡️🇺🇿 Тоқаев-Мирзияев тандемі: Астана мен Ташкент әне-міне одақ құрады

Жаңа Қазақстан Тұран одағы туралы идеяны тірілтуге мүдделі.
Ел билігі түркі әлемін Ресейден төнетін қауіп-қатерге қалқан болады деп пайымдайды.

Түркітілдес аудитория да бір тудың астына бірігуге бейілді. Президент Тоқаевтың тұсында мұның алғышарттары әзірлене бастады.

Алдағы күндері Астана мен Ташкент одақтастық туралы тарихи құжатқа қол қоймақ.

Жаңарған, түрленген, толысқан құжатты Қасым-Жомарт Тоқаев өзбек жеріне арнайы алып барады.

Ташкент Қазақстан президентін осы айдың ортасында күтіп алудың қамын жасауда.

Кіндік Азиядағы жетекші мемлекеттер одақтастық туралы келісімшартқа 🤝 қол қоя отыра, саяси һәм экономикалық әріптестікті әрі қарай да тереңдете түспек.

Құжатта бөтен мемлекеттердің агрессиясына бірлесіп төтеп беру туралы маңызды тармақ бар.

Технология дәуірінде бөгде елге басып кіріп, ойран салатын жабайы елдердің саны санаулы. Соған қарап-ақ аталған тармақтың нақты кімге бағытталғанын ❗️🇷🇺 бағамдай беріңіз.

Қазақстан мен Өзбекстан арасындағы стратегиялық әріптестік туралы алғашқы келісімшарт осыдан 24 жыл бұрын әзірленген. Көнерген құжаттың тезистері қазіргі геосаяси ахуал мен одан туындайтын қауіп-қатерге төтеп бере алмайтыны анық.

Назарбаев пен Кәрімов дәуірінде құжатты қайта қарауға деген қажеттілік болмады.

Тараптар бауырластық байланыстың өрісін кеңейтуге құлық танытпады.

Ақордаға жақын Dalainside дереккөзінің мәлім еткеніндей құжатты қайта қарау, стратегиялық әріптестікке жаңаша серпін беру, тұтастай алғанда одақтасу туралы ұсыныс Тоқаев тарапынан түскен. Бұл жолғы келісімшарт алдыңғысының олқылықтарын толықтырып, әзіргі аумалы-төкпелі ахуалды есепке алған.

Астана мен Ташкенттің одақ құруына даңғыл жол ашатын келісімшарт 90-ға тарта тармақтан тұрады, ол саяси-әлеуметтік, мәдени-рухани кеңістікті тегіс қамтыған.

Су жаңа құжатта энергетика және қорғаныс саласындағы әріптестікке құмбыл көңіл бөлінген.

❗️Екі елдің біріне жау шапқан жағдайда тараптар жұдырықтай жұмылып, агрессордың арынын басатын шара қабылдайды.

«Мемлекеттің қастерлі құндылығы саналатын бас еркіндігі мен территориялық тұтастығына, жер қойнауындағы қазба байлығына көз алартатын сырт күштерге тараптар бірлесіп төтеп береді» делінген құжатта.

https://t.me/dalainside

💥 Қажыгелдиннің сенімді серігі Мәжіліске барады: Жаңа Қазақстан Бапиге депутаттық мандатты дайындап қойды

Алдағы парламент сайлауында Мәжіліс "мәдилерден" арылып, олардың орнына Ермұрат Бапи секілді мінезді азаматтар келеді.

Dalainside-тың мұндай болжам жасауына бірнеше себеп бар.

Президент сайлауына үміткерлердің тікелей эфирде өткен трэш-тогы кезінде Ермұрат Бапи Тоқаевтың өкіліне өткір сауал қойды. "Қазіргі басшы Назарбаевтың қателігін айна-қатесіз қайталап жүрмей ме?.." деген қаупін жеткізді.

Қошанов мұндай сауалдың қойыларын 😉 сезгендей, танымал журналиске (ДАТ-тың «Бас оқырманына») барынша ашық, толымды жауап қатты.

Ақорданың анау-мынау емес, сайлау алды дебатта биліктің оппонентін сөйлетіп, оған сауал қоятын мүмкіндік беруі – Жаңа Қазақстанның Бапидің санатындағы тұлғалармен тіл табысқанын аңғартады.

Ерекеңе Мәжілістен бір орын бұйырып тұр.

Бапидың есім-сойы Қазақстан билігі үшін 30 жылдан бері – "қара күйе". Ешбір шенеунік Бапиға жуымайтын. ДАТ-қа сұхбат бермейтін. ДАТ-ты тығылып қана оқитын.

Жаңа да әділетті Қазақстан Мәжілісті "мәдилерден" тазартуға мүдделі.

Қажыгелдиннің сенімді серігі журналистикада ешкімге ештеңе дәлелдеуге міндетті емес. Есесіне Парламент Ерекең секілді тұлғаларға сусап отыр.

Бұған дейін Dalainside "Қажыгелдин мен Ақорданың хат-хабар алмасқанын" жазған. "Әкежан Тоқаевтың штаттан тыс кеңесшісі" деген батыл болжам жасаған едік.

❗️ Қажыгелдиннің Қазақстандағы "көзі, құлағы һәм тілі" саналатын Бапидің Мәжіліске баруы Тоқаевтың саяси реформасын толықтыра түседі.

Бапи Парламентке барса не өзгереді дейтіндер бар шығар? Ендеше таратып көрейік.

Ермұрат Бапи 1998 жылдан бері билікке дүрдараз оппозициялық жолда. Назарбаев билігінің халықты қалай қанағанын, тонағанын, қазақты қалай теспей сорғанын жақсы біледі.

30 жылдан бері әділетсіз жүйемен баспасөз арқылы арпалысқан азаматтың Шерағаның заманынан бері ойсырап тұрған орынға отыратын кезі келгендей.

Арнамызға тіркеліп алыңыз👇

https://t.me/dalainside

❗️⚡️Тоқаев Ахметовты орнынан қозғамайтын болды. Шығысқа шаруақор адам керек

Жаңа Қазақстан Даниал Ахметовтің потенциалы сарқыла қоймағанына сенімді.

"Әкімдердің ауыс-түйісі Ахметовтың орынтағына әсер етпейді. Тоқаев Даниалдың калибріндегі кадрлер тапшы екенін түсінеді.

Әкім-қаралардың арасында салықшылар, қаржыгерлер мен заңгерлер көбейіп кетті.

Жаңа Қазақстанға шаруашылықта шыңдалған, өндірістен хабары бар кадрлер керек", - дейді Dalainside дереккөзі.

Ахметов саяси интригадан аулақ жүретін, тиісінше саяси имиджіне нұқсан келтірмеген қайраткердің бірі.

"Өзін "Назарбаевтың өнімі" санайтын кейбіреулерше халық алдында қадірін кетірген кезі жоқ...

Ақорда Даниалдың халықтың ортасында жүретін қабілетін жоғары бағалайды. Оның сенім кредитіне селкеу түспеген", - дейді дереккөз.

Тәжірибелі шенеуніктің өңірдегі орыстілді аудиториямен түсінісіп, тіл табыса алатын мінезі де есепке алынған.

Бізге жеткен мәлімет бойынша Ахметовтің жуыр арада орнын босатуы неғайбыл, ол Шығыс өңірді алдағы екі жыл шамасында басқарады.

Тоқаев Даниал мырзаны орнынан қозғамау туралы шешім қабылдаған. Ертеңгі тағайындаудың "тосын жаңалығы" да осы болмақ.

https://t.me/dalainside

💥❗️ Айтқанымыз айдай келді

Мемлекет басшысының Жарлығымен Даниал Кенжетайұлы Ахметов Шығыс Қазақстан облысының әкімі лауазымына тағайындалды.

Бұған дейін Dalainside Ахметовтың орнында қаларын болжаған.

""Әкімдердің ауыс-түйісі Ахметовтың орынтағына әсер етпейді. Тоқаев Даниалдың калибріндегі кадрлер тапшы екенін түсінеді.

Әкім-қаралардың арасында салықшылар, қаржыгерлер мен заңгерлер көбейіп кетті.

Жаңа Қазақстанға шаруашылықта шыңдалған, өндірістен хабары бар кадрлер керек", - деген болатын Dalainside дереккөзі.

https://t.me/dalainside