Numbeo әлемнің қымбат 510 қаласын жасақтады. Алматыда өмір сүру Астанадан қымбаттау шығып отыр.

Алматы 466-шы орында. Ал Астана 475 орында Минск пен Бішкектен сәл озып қана тұр.

Алматы Ташкенттен арзандау екен. Осы тұрғыда, Алматының өңірлік жалпы өнімі бүкіл Өзбекстаннан асып кететінін айта кетейік. Бюджетті асырап отырған Атырау (мұнай), Алматы (барахолка, Мега, Достық плаза, базарлар мен банктер), Нұр-Сұлтан (квазимемлекеттік, ұлттық компаниялардың офистері осында). Бюджет донорларының қатарына Алматы облысы (казинолар мен Алтын Орда базары) да қосылуы мүмкін.

https://t.me/dalainside

Мы ваши дети, Нурсултан Абишевич...

Бұл - Бутя.

Қалаған уақытында саясатпен айналысып, қалаған уақытында саясаттан кете салатын мұндай адамға сенуге бола ма? Қалай ойлайсыз?..😳

🇰🇿🇷🇺 Қазақстан мен Ресей қандай келісімге келді? Кім ұтты, кім ұтылды?

Каспий құбыр консорциумы жұмысын жалғастырады. Краснодар соты КТК жұмысын тоқтату туралы шешімнің күшін жойды. Оның орнына компанияға 200 мың рубль (шамамен 1,5 миллион теңге) айыппұл салынды.

Бұл әрине, КТК үшін ойыншық сома. Әңгіме басқада. Ресей өз шешімін неге өзгертті?

"DALA инсайд" дереккөзінің мәліметінше, Ресейдің санкция ауыр тиіп жатқан өндірістік және технологиялық секторларына Қазақстанның көмегі ауадай қажет.

Және кей жағдайларда, Ресейге Қазақстанның тасымалдау процессін тексеру бағытында аса белсенді болмағаны керек. Сонымен бірге, Ресей Қазақстанның ОДКБ мен ЕАЭО-дан шықпайтыны бойынша ауызша болса да уәдесін алып отыр.

Ресей осындай жолмен өзіне біршама преференция алды. Бірақ мұнай логистикасы шантажының ғұмыры қысқа. Қазақстан Ресейге деген барлық сенімін жоғалтты. Сондықтан Транскаспийлік жобаны 2-3 жыл ішінде толық жүзеге асырғысы келеді. 2-3 жылдан кейін Новороссийскідегі құбырлар мен порттардан Қазақстан өз еркімен, ал онымен бірге Шеврон сынды ірі ойыншылар да кете бастайтынын болжауға болады.

https://t.me/dalainside

💸 Биржадағы доллардың евромен теңесуі айырбас пунктерінде де котировканы өзгертті.

"МиГ"-те доллар спрэді 5 теңге, ал еуро спреді 6 теңге болып бекітілген. Бұдан біз еуроның анағұрлым құбылмалы екенін көреміз.

Еуро мен доллар курсы теңессе, Қазақстан экономикасына қандай әсері бар?

Глобалды әсері жоқ. Доллар бүкіл әлемде күшейіп келеді. Ал біздің валюталық выручкамыз негізінен долларда жүреді.

Рубль спрэдінің тым аздығы бізге анағұрлым қауіпті. Қордаланып жатқан рубль массасының азаймай отырғанын көріп отырмыз. Банктер спрэдті ұлғайтқан, ал айырбас пункттері олай істемей отыр.

🇪🇺 Еуроодақ Қазақстаннан шығарылған активтерді қайтаруға көмектесуге дайын

Бұл туралы Сыбайлас жемқорлыққа қарсы іс-қимыл агенттігінің Төрағасы Олжас Бектенов Орталық Азия бойынша арнайы өкіл Тери Хакал бастаған Еуроодақ делегациясымен кездесуде айтылды.

«Біз өз тарапымыздан Қазақстаннан Еуропаға шығарылған активтерді қайтару туралы сұраныстарға қолдау көрсетуге дайынбыз», - деп атап өтті Т. Хакала.

https://t.me/ulys1

🇺🇲 Шевронның кезінде жіберген қателігі өзіне де, Қазақстанға да ауыр тиюде

2014 жылы «Теңізшевройл» компаниясы КТК мұнай құбырына бәс тігіп, қайта жаңғыртып, «Қазақстанның Каспий мұнай тасымалдау жүйесі» (ККТС) жобасына қатысудан бас тартқан болатын. Содан бері Теңіз мұнайы толығымен КТК арқылы тасымалдана бастады. Ал Қазақстан сол кезде өз танкерлерін Әзірбайжанға сатуға мәжбүр болды.

@NRG_monitor жазуы бойынша, «ҚазМұнайГаздың» экс-топ-менеджері Мақсат Иденов кезінде американ елшісіне осы туралы шағымданған.
Иденов елшіге «Шевронның ұстанымы бүкіл KКТС жобасына қауіп төндіреді, өйткені ешкім мұнай құбырын, портты және жағалау инфрақұрылымын салуды және жаңғыртуды одан өтетін мұнай болмаса бастамайды» деп айтқан.

Енді Президент Тоқаев Шевронға Транскаспий бағытын қайта пысықтауды тапсырды. Кезінде Теңізшевройл мұнайдың бір бөлігін Баку арқылы жіберуге келіскенде, Ресейдің шантажына ұшырамас едік.

https://t.me/dalainside

⚡ Бүгін Алматыдағы Экономикалық тергеу департаментінің бүкіл басшылық құрамы ұйқы көрмейді

Видео @kozachkow арнасында бар. Адвокаттар өздерінің артынан аңдудың бар екенін байқаған. Сол автокөлікті жанына барғанда, оның ішінде отырған екі азамат шығудан бас тартқан. Адвокаттар коллегиясы көлікті қоршап, Полиция департаменті және кезекші прокурорды шақырды. Прокурордың автокөлікті порталмен алып кету бойынша ұсынысына, оның ішінде адамдар отырғандықтан заң талабына сай еместігін адвокаттар сол жерде ескертті.

Енді не істемек керек?

Ақыры полицейлер көліктің ішіндегі адамдарды күштеп шығаруға мәжбүр болды. Журналист Михаил Козачковтың мәліметі бойынша, көліктің ішіндегі жігіт Экономикалық тергеу агенттігінің Алматыдағы қызметкері болып шыққан.

Мұнда бір қызығы - тергеу органдары тарапынан адвокаттарды сыртынан аңдуға заң тиым салады. Нақты заң бұзушылық тіркеліп отыр.

Енді Экономикалық тергеу агенттігі қиын жағдайда қалды. Шешім қандай болмақ?

https://t.me/dalainside

💸 Ұлттық қор тағы 2 миллиард доллардан айрылды

Осы маусымның қортындысы бойынша Ұлттық қордағы валюталық активтерінің көлемі 2 млрд АҚШ долларына төмендеп, нәтижесінде 51,9 млрд АҚШ долларын құрады.

Бұл елдің тұрақтылығы үшін жағымсыз сигнал.

Активтердің азаюының басты себебі - әлемдегі акциялар бағасының айтарлықтай құлдырауы мен АҚШ долларының нығаюы болып отыр. Сонымен бөлек, біз маусымда Ұлттық қордан республикалық бюджетке трансферттердің кезекті траншын жібердік.

Маусымда Ұлттық қордан 578 млрд теңге трансферт алынды. Ол қаржы Ұлттық қордың теңгедегі шотындағы қалдықтар, сондай-ақ қорға теңгедегі түсімдер есебінен бөлінді. Сонымен қатар, ішкі валюта нарығында 438 млн АҚШ долларына активтер сатылды, бұл теңгелей шаққанда 199 млрд теңге ақша.

Трансферттер көлемін реттеу өз қолымызда. Бірақ әлемдегі акциялар нарығына қатысты ештеңе істей алмаймыз. Жыл басынан бері, акциялар нарығы шамамен 20 пайызға құлдыраған. Ал Ұлттық қор активтерінің біршама бөлігі акцияларға салынған болатын.

Ұлттық қорға акциялардан пайда бар ма?

Қор құрылғалы бері акциялардың біз үшін кірістілігі 3,05% құрап отыр. Бұл өте төмен көрсеткіш. Әрине, "бастысы минуста емеспіз" деп өзімізді жұбатуға да болатын шығар. Бірақ басқа суверенді қорлар, хэдж фондттардың акциядан кем дегенде 15% пайыз кірістілікті оңай алып жүргенін көріп, біздің қай жеріміз дұрыс емес деген ойлар келеді.

Дүниежүзілік банк, және басқа да ірі қаржылық ұйымдар әлем экономикасын рецессия күтіп тұрғанын болжап отыр. Коронавирустың кезекті штаммы өршіп кетсе, Украинадағы соғыс бітпей қойса, онда рецессия ауыр дағдарысқа ұласары сөзсіз. Осы дағдарысқа Ұлттық қордағы небары 51 миллиард доллармен кіру Қазақстан үшін өте ауыр болады.

Оны қаржы саласынан хабарсыз қарапайым оқырмандарымыз үшін былай түсіндіре аламыз. Мысалы, алдағы 2-3 айда сізде еш табыс, жұмыс болмайды. Ал қалтаңызда бар-жоғы 50 мың теңге ғана бар.

https://t.me/dalainside

🎓Бүгін еліміздің бүкіл өңірлерінде жоғары оқу орындарында құжат қабылдау науқаны басталды.

Тамыздың соңы-қыркүйектің басында гранттардың бір бөлігі, бірнеше пайызы бос қалуы мүмкін.
Оларды министрлік дәстүрлі түрде ЖОО немесе ауылдық квотасы барларға бөліп береді. Сонымен қатар биыл батыс өңірлеріне 10 мың арнайы грант бөлініп отыр. Олар үш өңір: Атырау, Маңғыстау мен Ақтөбе.

Еске сала кетейік, жоғары оқу орнына түсу үшін биыл өту балы 65-тен кем болмауы тиіс.
Ал білім беру гранттары ҰБТ сертификаттарының ұпайларына сәйкес конкурстық негізде беріледі.

@baq_kz

Шекарадан өтпек болған іздеуде жүрген ұсталды

Сыбайлас жемқорлыққа қарсы іс-қимыл агенттігі қылмыстық қудалаудан жасырынған адамдарды іздестіруге ерекше назар аударады.

Ағымдағы жылғы 13 шілдеде антикоррупиялық қызметі шекара қызметімен бірлесіп жедел-іздестіру шараларының нәтижесінде Шығыс Қазақстан облысының аумағында Ресей Федерациясымен мемлекеттік шекараны жалған құжаттар бойынша өту әрекеті кезінде Нұрлан Мырзаханұлы Мәсімовті ұстады.

Павлодар облысы полиция департаментінің экс-бастығы аса ауыр коррупциялық қылмыс жасағаны үшін іздестірілді.

Facebook | Instagram | YouTube
📞 Call-центр - 1424

👍«Орысша бір сөз жоқ!» Өзбекстан 200 мың сумдық банкнотты айналымға шығарады

Өзбекстан Ұлттық банкі 15 шілдеден бастап 200 мың сумдық банкнотты айналымға шығару жөнінде шешім қабылдады.
Ұлттық банктің хабарлауынша, банкноттарда «Ұлы Жібек жолы» және Ферғана алқабының көне тарихы көрініс табады.
Банкноттың оң жағында «Ұлы Жібек жолын» сипаттайтын түйе бейнесіндегі су белгісі мен «200000» номиналы орналасқан. Ақша көгілдір түспен боялған.
Банкноттың басты бетінің сол жағында Ферғана облысы Қоқан қаласындағы сол жақ бетінде «Xудоерхон урдаси» («Құдиярхан ордасы») сәулет ескерткіші бейнеленген.
Былтыр желтоқсанда Өзбекстан 50 мың және 100 мың сумдық банкноттарды айналымға шығарған. Бұл ақшалар Сұрқандария мен Хорезм тарихына арналған.
Өзбек ағайындардың жаңа банкнотының екі жағында да орыс тілінде бір ауыз сөз жоқ. Ал біздің теңгелердегі орыс тілді сөздерден көз сүрінеді. Теңгемізге қарап елдегі жағдайды білеуге болады.

Тоқаев азық-түлік бағаларының өсуі туралы:

💬Қазір инфляцияның шарықтап кетуі ең күрделі мәселе болып отыр. Бағаның өсуіне азық-түлік инфляциясы әсер етті. Оның деңгейі 19,2 пайызға жетті.
Жалпы, азық-түліктің кейбір түрі бірден 80 пайызға қымбаттады.

Үкіметтің бағаны тұрақтандыруға бағытталған шаралары тиімсіз болып шықты. Үкімет инфляцияны ескі әдіс-тәсілмен тоқтатқысы келеді. Оның өзінде бюджеттен қосымша қаражат бөліп, бағаны жасанды түрде ғана реттеп отыр. Яғни, қымбатшылықтың себебімен емес, салдарымен күрес жүріп жатыр.

Ал, шын мәнінде, керісінше болуы керек. Үкімет бар жауапкершілікті өңірлерге артып қойды. Олар әкімшілік ресурсты пайдаланып, дүкендерді аралап жүр, басқа тәсілдер және жаңа идеялар жоқ. Мұндай жұмыс ешқашан тиімді болған емес. Бір сөзбен айтқанда, нарық заңдылығына сай келетін жаңа ұстаным жоқ».

@baq_kz

🪟 "Отбасы" факторы кетті. Вакуум қалды. Шынымен де "Жаңа Қазақстанда" өмір сүру үшін бізге қанша уақыт керек?

Президент Қасым-Жомарт Тоқаевтың Үкіметтің кеңейтілген отырысындағы месседждері қазіргі Қазақстандағы жағдайдың риторикалық дилеммада тұрғанын көрсетеді.

Осы сөздерді түсіндіру үшін тағы да көп сөз жазу қажет. Яғни, қазіргі тілмен айтқанда "тағы да бірдеңе деу" аса қажет болып тұр.

Осы Үкімет отырысына дейін, "DALA инсайд" ескі Қазақстан дәуірінде автожол құрылысында субподряд алып жұмыс істеп көрген азаматпен, ауыл шаруашылығымен айналысып, субсидиядан көңілі қалған азаматпен, дәрігерлік жұмысын тастап, донер жасауға бет бұрған замандаспен "асүйдегі" ұзақ философиялық кештің былайша айтқанда модераторы болып көрген еді.

Одан бірнеше тезистер алуға болады:

1. "Отбасыға" жақын ықпалды топтар системадан кетіп қалған. Бірақ әр салада сол система қалып отыр, себебі балама - яғни, басқа система жоқ. Қалып қалған адамдар сол ескі системаны жалғастырады, олар одан басқа ештеңені білмейді.

2. Адамдар (сол ескі системадан әйтеуір табыс тауып, отбасын асырап отырғандар) өзгерістен қорқады екен. Олар жемқорлық өршісе де, әділетсіздік болып жатқанын көріп тұрса да, ең алдымен тұрақтылықты қалайды. Яғни, біреуге айына 100 мың теңге пара (не әр тендерден 10-15% откат) беріп отырса да, оның әділетсіз екенін білсе де, әйтеуір сол жолға қойылған, аз-маз табыс алып отырған тірлігін жалғастыра бергісі келеді. Себебі ипотекалары бар, балаларын оқытып жатыр. Олар өзгеріс болса, осы табысынан да айрыламын деп қорқады.

Осыдан-ақ Президенттің алдында өте күрделі миссия тұрғанын байқаймыз. Ескі системаны толықтай алып тастап, жаңа система жасау керек. Ол үшін тіпті шенеуіктер емес, орта таптың, яғни экономиканың әр секторында еңбек етіп, өзін-өзі тендер, заказдармен асырап жүрген, шағын бизнес ұстап отырған адамдардың үрейін сейілтіп, психологиясын өзгерту қажет. Бұл өте қиын, және 1-2 жылда біте қоймайтын дүние.

Назарбаев өз системасын қалай құрды? Оның басты идеологиясы: "сендер саясатқа араласпаңдар, мені қолдаңдар. Ал мен сендерге өмір сүруге жетерлік тұрақты табыс беріп отырамын" деген тұрғыда болды. Адамдар оған келісті. Бірақ системадағы ақша ағынын бірінші президентке жақын топтар толық өз қолына алып алғандықтан, адамдар әділетсіздікке шыдамады. Назарбаев системасы осылайша сыр берді.

Қазіргі президент системасы "әділеттілік факторын" бірінші орынға қойып отыр. Бұл қуантарлық факт.

Бірақ бізде "әділеттілік немесе тұрақтылық" деп таразыға салатын болса, тұрақтылықты таңдайтын адамдар аз емес. Осы 30 жылдың ішінде тұрақты табыс гарантиясы берілсе, әділетсіз Қазақстанда да өмір сүруге келіскен адамдардың үлкен шоғыры пайда болды. Олар көпшілікті құрап отыр.

Жаңа системаны адамдар қабылдау үшін әділеттілік факторымен қоса, тұрақтылық гарантиясын да беру керек. Яғни Президент "азаматтар, сендер қазір тауып отырған 500-600 мың теңгелеріңнен айрылып қалмайсыңдар, керісінше әділеттілік орнағанда осы табыстарың артады" деген сигнал берген жағдайда, "Жаңа Қазақстанды" құруға деген мотивация еселей артатын сияқты.

Ең басты трагедия - идея жоқ. Ескі система бәрімізді жаңа идея айтпауға, тіпті ол туралы ойланбауға, бас шұлғып орындай беруге, кез-келген қағазды 10-15 мекемеден "согласование" жасап алуға, жауапкершіліктен қашуға үйретіп тастаған. Бәрімізді "Назарбаев системасының зомбилері" деп айтуға болады.

Енді осы зомбиге "Жаңа Қазақстан құр", жаңа идея айт дегенде, оның басындағы процессоры "зависать" етіп, не істерін білмей абдырап отыр.

Президент пен Үкімет арасындағы картина осы. Үкімет мүшелерінің (министрлер, әкімдер, барлық атқарушы аппарат) процессорлары қатып қалды. Себебі олардың виндоустары ескі.

Бір идея бар: Жаңа Қазақстанға Премьер-министр, министрлер, облыс пен қала әкімдері лауазымына 4 жылдық контрактпен Германия, Жапония, Британияның мықты менеджерлерін алу керек.

Бізге спецконтрактпен осындай 40 менеджер жетеді. 4 жылдан кейін олар еліне қайтады. Ал біз шынымен де "Жаңа Қазақстанда" өмір сүретін боламыз.

https://t.me/dalainside

Антикор Ұлттық музей басшылығына қатысты қылмыстық іс тергеп-тексеруін жалғастыруда

Нұр-Cұлтан қаласы бойынша Cыбайлас жемқорлыққа қарсы қызмет 2017-2018 жылдары «Ақпараттық ресурстарда объектілерді танымал ету үшін жалпыұлттық тізбеге енгізілген объектілердің 3D модельдерін құру» жобасын іске асыру кезінде Ұлттық музей басшылығына және басқа да тұлғаларға қатысты аса ірі мөлшерде бюджет қаражатын жымқыру бойынша сотқа дейінгі тергеу жүргізуде.

Ұлттық музей мердігер ұйымдарға аталған жоба аясында атқарылған жұмыстар үшін 1,3 млрд теңге төледі.

Сонымен қатар, жүргізілген сараптамалық зерттеу жұмыстарының нақты құны 83,4 млн теңгені құрағаны анықталды.

Осылайша, жұмыс құны 1,2 млрд теңгеге негізсіз ұлғайтылып, мемлекетке аса ірі мөлшерде залал келтірді.

Тергеп-тексеру амалдары жалғасуда.
Өзге ақпарат тергеу мүддесінде жария етуге жатпайды.

Facebook | Instagram | YouTube
📞 Call-центр - 1424

ЕАЭС - ті Қазақстан үшін тиімді одаққа айналдыру жолдары: +13%

Ресей мен Беларусьтің санкцияға ұшырағанына қарамастан еліміздің ЕАЭС-тегі баж салықтарынан алатын үлесі 7%-дан асқан емес.

Осы үлесті 20%-ға жеткізсек қана, біз үшін Одақ тиімді институтқа айнала алады.

Егер Одақтан шықпайтын болсақ, онда оны барынша сөлін сығып алуымыз керек.

https://t.me/dalainside

🇦🇿🇪🇺 Әзербайжан Ресейді айналып өтіп, Еуропалық Одаққа жеткізілетін газды екі есе арттырады

📍Әзербайжан президенті Ильхам Әлиев пен Еурокомиссияның төрағасы Урсула фон дер Ляйен Әзербайжан мен Еуропалық Одақ арасында энергетика саласындағы стратегиялық әріптестік туралы меморандумға қол қойды.

📍Маңызды құжатқа сай, алдағы бірнеше жылда ұзындығы 1 500 км болатын Оңтүстік газ дәлізінің өткізу қуатын жылына 20 миллиард текшеметрге жеткізу көзделген.

https://t.me/ulys1

Сейітқазы мен Әсет Матаев ақталды.

Жоғарғы Сот Бас Прокурордың наразылығы бойынша Сейтқазы мен Әсет Матаевтарға қатысты қылмыстық істі қарады.

Жоғарғы Соттың қылмыстық істер жөніндегі сот алқасы бүгін, 19 шілдеде наразылықты қарап, сот актілерінің күшін жойды. Сейтқазы мен Әсет Матаевтардың әрекеттерінде қылмыс құрамының болмауына байланысты іс бойынша іс жүргізу тоқтатылды.

Айта кетейік, Сейтқазы мен Әсет Матаевтар 2016 жылы сотталды. Сейітқазы Матаев дүние-мүлкін кәмпескелеумен және өмір бойы кәсіпкерлік қызметпен айналысуға тыйым салумен қоса 6 жылға, Әсет Матаев жеке дүние-мүлкін кәмпескелеумен қоса 5 жылға бас бостандығынан айрылды.

@baq_kz

🏦 Кредиттік ажиотаж және оның ауыр салдары

"Енді банкте кредиті бар адам қайтадан несие ала алмайды" деген ақпарат шыққандықтан, қазақстандықтардың басым көпшілігі заң күшіне енбей тұрып, кредит алып алу үшін жанталаса бастады.

Шын мәнінде, егер сізде несие болса, басқа несие алуға тиым салынған ба?

Мүлде олай емес. Заңға өзгертулер азаматтардың несиелік жүктемесін азайту үшін жасалып отыр. Ол нені білдіреді?

Президент Қасым-Жомарт Тоқаев "Қазақстан Республикасының кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды. Оның негізгі талабы - банк және несие беретін басқа да қаржы ұйымдары азаматтың несие алғаны жөнінде ақпаратты бір күннің ішінде кредиттік бюроға тапсыруы тиіс. Себебі, жүктеме лимиті бойынша, сіз айына төлейтін кредит көлемі сіздің айлық табысыңыздың жартысынан аспауы керек.

Мысалы, сіздің табысыңыз айына 300 мың теңге болса, ал басыңызда ай сайын 10-20 мың теңгеден төлеп отыратын шағын несие болса, сіз тағы да несие ала аласыз. Тек ай сайынғы кредиттік төлем табысыңыздың жартысынан асып кетпеуі керек.

Бұл шара дер кезінде қолға алынып отыр. Себебі бір күнде әр қаржы ұйымдарынан 3-4 кредит алатын азаматтар көбейген. Олардың қарызды қайтару мүмкіндігі күмән туғызады.

Келесі қадам - жеке азаматтардың банкроттығы туралы заң болуы тиіс. Ақорданың қазіргі жұмысына қарап, осы межеге жақындап қалғанымыз сезіледі.

https://t.me/dalainside

📈 Ресей "ҚазМұнайГаздың" IPO бойынша жоспарын бұзуы мүмкін

Кейбір ақпарат құралдарында пайда болған ФСБ-ның "ҚазМұнайГаздың" "Ромпетрол" арқылы Украина қарулы күштеріне жанармай сатуын тоқтатпақ туралы ақпараты тегіннен шығып отырған жоқ. Ресей біздің жанды жерімізді біледі және онымен тышқан аулаған мысықтай ойнап отыр.

Мысалы, КТК мұнай құбырына қатысты Ресейдің түсініксіз қимылдары салдарынан осы құбыр арқылы мұнай экспорттап отырған "Теңізшевройл" компаниясы инвесторлар сенімінен айрыла бастады.
ТШО-ның S&P тарапынан бекітілген рейтингі қайта қарастырылатын болды. Рейтингтің "Тұрақты" деген болжамы "Жағымсыз" деп өзгеруі мүмкін.

Бұл үрдіс "ҚазМұнайГазға да келуі ықтимал. Себебі, ТШО-ның тәуекелі мемлекеттік тәуекелдер қатарына жатады және оған ҚМГ да өз тарапынан жауапкершілік алады.

Биыл "ҚазМұнайГаз" Президенттің тапсырмасы бойынша IPO-ға шығып, акцияларын халыққа сатуы тиіс. Сарапшылар, ұлттық компанияның кем дегенде 10% акциялары сатылады дейді.

Өткен жылы ҚМГ 1,2 триллион теңге таза табыс көрді. Бірақ оның жинақталған қарызы 2,2 триллион теңгеден асады. Сондықтан таза кірістің тек 16,5 пайызы ғана дивидендтерге бағытталды. Ол дивидендтер «Самұрық-Қазына» қоры мен Ұлттық Банкке төленеді.

Қазір «ҚазМұнайГаздың» 90,42% акциясы Самұрық-Қазынаға, 9,58% акциясы Ұлттық Банкке тиесілі.

IPO алдында ҚМГ рейтингтері құлдырап, оның тәуекелдері арта түссе, жалпы оның өз акцияларын сата алатынына үлкен күмән туындайды.

https://t.me/dalainside

💻 "250+": интернет ауылдарды қамтиды

Елімізде ірілі-ұсақты ауылдар жетерлік. Көп жағдайда мұндай ауылдар облыс орталықтарынан жырақта орналасқандықтан интернет пен байланыс секілді өркениеттен тыс қалып жатады. Бұл мәселені шешу үшін Цифрлық даму, инновациялар және аэроғарыш өнеркәсібі министрлігі үш ірі оператормен бірігіп, 2020 жылдан бері "250+" жобасын жүзеге асырып келеді.

Бұл бағдарлама аясында еліміздегі ең ірі мобильді операторлардың бірі - Beeline үш жыл ішінде 1000-нан аса елді-мекенді жылдам желімен қамтыған.

Өңірлердегі жағдай интернет келгелі бері қалай өзгерді?

Толығырақ Stan.kz материалында. https://stan.kz/auildiktardin-sportka-degen-auestigin-arttirdi-zhildam-362583/