⚡️2022 жылдың мамыр айында Қазақстан мен Түркия әскери ынтымақтастық туралы келісімге қол қойды.

Әскери техника, оның ішінде түрлі маркалы ұшқышсыз ұшақтар шығаратын «Turkish Aerospace» компаниясының бас директоры Өмер Йылдыз Anadolu ақпарат агенттігіне ANKA ұшқышсыз ұшақтарының алғашқы партиясы 20 маусымда Қазақстанға жіберілетінін айтты.

«Реактивті қозғалтқышы бар Кузгун басқаларға қарағанда ауыр. Оның салмағы 100 келіге дейін жетеді. Ол салмағы 60-90 келіге дейінгі оқтұмсықты көтере алады. Оның қатты отынды қозғалтқыш жүйесі бар, әлдеқайда үлкен қашықтықты еңсереді. Айдың соңына дейін АНКА Кузгунмен жабдықталады», - деді ол.

✍🏻 Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы

Қазақстан Республикасы Конституциясының 44-бабының 3) тармақшасына сәйкес мемлекеттік басқару жүйесін жаңғырту және тиімділігін арттыру мақсатында ҚАУЛЫ ЕТЕМІН:

1. Қазақстан Республикасының Білім және ғылым министрлігі:

Қазақстан Республикасы Білім және ғылым министрлігінің мектепке дейінгі, орта, техникалық және кәсіптік, орта білімнен кейінгі білім беру, қосымша білім беру, балалардың құқықтарын қорғау, мектепке дейінгі, орта, техникалық және кәсіптік, орта білімнен кейінгі білім беру саласындағы сапаны қамтамасыз ету, мектепке дейінгі, орта, техникалық және кәсіптік білім беруді цифрландыру саласындағы функциялары мен өкілеттіктері беріле отырып, Қазақстан Республикасының Оқу-ағарту министрлігіне;

Қазақстан Республикасы Білім және ғылым министрлігінің жоғары және жоғары оқу орнынан кейінгі білім беру, тіл саясаты, ғылым, жоғары және жоғары оқу орнынан кейінгі білім беру мен ғылым саласындағы сапаны қамтамасыз ету, жоғары және жоғары оқу орнынан кейінгі білім беруді цифрландыру саласындағы функциялары мен өкілеттіктері беріле отырып, Қазақстан Республикасының Ғылым және жоғары білім министрлігіне бөлу арқылы қайта ұйымдастырылсын.

2. Мемлекеттік органдар берілетін функциялар мен өкілеттіктерге сәйкес қайта ұйымдастырылатын мемлекеттік органның құқықтары мен міндеттемелерінің құқықтық мирасқорлары болып белгіленсін.

3. Қазақстан Республикасының Үкіметі:

1) қайта ұйымдастырылатын мемлекеттік органның штат санын Қазақстан Республикасы Президентінің Әкімшілігімен келісім бойынша қайта бөлуді;

2) осы Жарлықты іске асыру жөнінде өзге де шаралар қабылдауды қамтамасыз етсін.

4. «Қазақстан Республикасы Үкіметінің құрылымы туралы» Қазақстан Республикасы Президентінің 1999 жылғы 22 қаңтардағы № 6 Жарлығына мынадай өзгеріс пен толықтырулар енгізілсін:

1-тармақ мынадай мазмұндағы жолдармен толықтырылсын:

«Қазақстан Республикасының Оқу-ағарту министрлігі;

Қазақстан Республикасының Ғылым және жоғары білім министрлігі;»;

«Қазақстан Республикасының Білім және ғылым министрлігі;» деген жол алып тасталсын.

5. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

6. Осы Жарлық қол қойылған күнінен бастап қолданысқа енгізіледі.

Қазақстан Республикасының Президенті Қ.Тоқаев

Нұр-Сұлтан, Ақорда, 2022 жылғы 11 маусым
№ 917

Мынау енді сойқан. Ресейдегі ең ірі банктің бірі саналатын Газпромбанктің вице-президенті болған Игорь Волобуев “Азат Ресей” легионына қосылып, видеосын жариялады. Ол Путинге қарсы үндеу жасапты. “Азат Ресей” легионы 90 пайызы ресейліктерден тұратын, құрамының басым бөлігі орыс ұлтының өкілдері саналатын легион. Олар Ресей әскеріне қарсы Украинаны қолдап соғысуда, қазір құрамы 1500-2000 адамды құрайды. Легионға Украина жаққа өткен Ресей сарбаздарынан бөлек ірі шенеуніктер де, байлар да кіріп жатыр екен…

Алматы әкімі Ерболат Досаевтың отставкасын талап ету кезінде қала тұрғыны қайтыс болды. Бұл туралы журналист Серікжан Мәулітбай жазады.

Досаев митингке рұқсат бермегендіктен, өз үйлерінің жанында жаңа тұрғын үйдің бой көтеруіне қарсы тұрғындар Гагарин көшесін жапқан.

Тұрғындардың көшеден өзін өткізбегеніне наразы болған қара түсті Ниссан Теана жүргізушісі көліктен шығып, тұрғындармен төбелес бастаған. Сол кезде өзі соққы алып, басымен асфальтке құлап, қайтыс болды.

https://t.me/dalainside

Алматыда құрылыс компанияларына қарсы жиі митинг ұйымдастыратын белсенді Салтанат Тәшімова жазаға тартылады.

Қазір құқық қорғау органдары оның адам өліміне әкеліп соқтырған рұқсат етілмеген митингті ұйымдастырудағы рөлін тексеріп жатыр.

Ол кем дегенде 15 тәулікке қамалып, ірі айыппұл төлеуі мүмкін. Ал көлік жүргізушісін ұрып, абайсызда өлтіріп қойған митинг қатысушысы қамауға алынды. Ол 8 жылдан 12 жылға дейін сотталады.

https://t.me/dalainside

Жаңа ЖК-ны құлата жаздады

Алматыда енді салынып біткен 20 қабатты Terracotta (Қазақстрой) тұрғын үй кешенінде 2-ші қабаттағы 3 бөлмелі пәтердегі жұмысшылар (7 пятно, 9 пәтер) жөндеу кезінде монолитті қабырғаны сындыра бастаған. Оны байқап қалған көршілері шу көтере бастады. Ақпарат бойынша, ертең құрылыс компаниясы барып тексермек. Тұрғындар пәтер иесін анықтай алмай отыр.

20 қабатты үйдің екінші қабатында монолитті, тіреуші қабырға бұзылса не болатыны онсыз да түсінікті.

https://t.me/dalainside

Кеше автотұрақтың жоқтығынан шу шығарған тұрғындар Гагарин көшесін жауып тастаған болатын. Рұқсат етілмеген митингтің салдарынан бір адам көз жұмды. Осы оқиғадан кейін Бостандық ауданының әкімі Алтай Рахимбетов тұрғындармен кездесті, деп хабарлайды "Адырна" ұлттық порталы. 
Бұл туралы t.me/kozachkow/5384 телеграмм каналы жазды.
Кездесуге келген Бостандық ауданының әкімі митингке шыққандарға айыппұл салынатынын, тіпті 15 тәулікке жауапқа тартылатынын жеткізді. Сөзін тыңдамай, шулаған тұрғындарға ашуланған ол: "Тыңдамасаңдар кетемін, өздерің шешіп алыңдар", — деді.
Тұрғындар әкімнің сөзіне қарсы шығып, талаптарын айтты. Әзірге нақты қандай шешім шығарылғаны белгісіз.

https://t.me/adyrnaportal

⚡ ГЧП-ны шыр айналдырған олигархтар. Мемлекет Айдын Рахымбаевпен не істейтін болады?

Есеп комитеті Айдын Рахымбаев мемлекеттік-жекеменшік әріптестік аясында салып жатқан BINOM мектептері бойынша біршама қаржының талан-таражға салынғанын анықтады. Аудит қортындысы бойынша, барлық жерде ақырғы шығынның инвестициялық ұсыныстан асып кетуі байқалады.

Мысалы, Нұр-Сұлтан қаласы бойынша, әу бастағы сома 37,1 миллиард теңге болып бекітілсе, артынан жоба құны 58,1 миллиард теңгеге өсіп шыға келген. Бұл ретте бір қызығы, инвестициялық ұсыныс өзгеріссіз қалған. Демек, Айдын Рахымбаев 58 миллиард теңгенің емес, 37 миллиардтың тең жартысын ғана өз қалтасынан төлеп, "екі жеп, биге шығып кетпек" болған.

"Бұл сомасы 21 038,7 млн теңге бюджет қаражатын тиімсіз жоспарлауға әкеліп соқты", - деп жазады, Есеп комитеті.

Өз қалтасынан төлеу бойынша. Бұл жерде де Рахымбаев ештеңені өз қалтасынан төлеп отырған жоқ.

Схема керемет. ГЧП бойынша, бір жобаны 50/50 принципі бойынша кәсіпкер мен мемлекет қаржыландыруы тиіс. Басында, түскен табысты кәсіпкер алып отырады да, өз шығынын жабады. Шығынын жапқаннан кейін, табыс бөлінуі керек.

Схеманың кереметтігі - Рахымбаев өзі салуы тиіс ақшаны "Қарапайым заттар экономикасы" мембағдарламасы арқылы (6-7% жеңіл кредит) мемлекеттің өзінен ала салған. Жарайды делік, бәрібір қайтаруы тиіс қой. Шартқа сәйкес - осы мектептерде бала оқуы үшін мемлекет білім беру тапсырысы аясында операторға (Рахымбаевқа) жылына 92 миллиард теңге төлеп отырады. Сонда Рахымбаев, мемлекеттен алған кредитті мемлекеттік тапсырыс арқылы төлемек.

Бұл ретте, 58 миллиардқа мектеп салу бойынша заказ алған кім? Дәл таптыңыз.

https://t.me/dalainside

Досым Сәтбаев - балабол ма?

Депутат Айдос Сарым кезіндегі әріптесі (екеуі де саясаттанушы еді) Досым Сәтбаевқа "әр нәрсені тек сынай біледі, өзі ештеңе істемейді' деп шүйлікті.

🆘Қазақстанда самокаттардың жылдамдығы шектеледі.

Техникалық талаптарды қамтитын электр самокаттарына арналған ұлттық стандарт әзірленді.

Әзірлеушілер электр самокаттарының барлық түрлері үшін ең жоғары конструктивті жылдамдықты енгізуді ұсынды – сағатына 25 км.

Еске сала кетейік, жылдамдықты шектеу себептерінің бірі Қазақстанда самокатшылардың қатысуымен болған апаттардың көбеюі болып отыр.

https://t.me/adyrnaportal

☑️Бүгін – Дүниежүзілік қан доноры күні. Үлкен жиындар жиналмайды және салтанатты концерттер өтпейді. Донорлардың арқасында қан резервтері жасалуда. Ол 2005 жылдан бері тойланып келеді. 14 маусым - қан тобын ашқан дәрігер Карл Ландштайнердің (1868–1943) туған күнінің құрметіне таңдалды. Қан тобы медицина саласына серпіліс әкелген еді. Бұл жаңалығы үшін австриялық иммунолог Нобель сыйлығын алған болатын. Биылғы жылы Донор күні «Қан донорлығы – ынтымақ актісі. Донор болыңыздар және өмірді сақтаңыздар»,– деген ұранмен өтіп жатыр.

Оқырмандарымыздың арасында донорлар болса, алғысымызды білдіруге рұқсат етіңіздер!

☑️14-ші маусым – Халықаралық блогерлер күні. Бұл мерекені өткізу идеясы 2004 жылы пайда болған. Бірден 40-тан астам елден 500 адам бірігіп, өздеріне арналған күн қажет деп шешті. Бұл мереке өз блогында әртүрлі тілде жазатын адамдарды жақындастырады және оларға қолдау көрсетуге мүмкіндік береді. Бүкіләлемдік желіге қол жеткізе алатын әрбір адам жынысына, ұлтына және жасына қарамастан блогерлер қауымдастығына қосыла алады. Сонымен, 2007 жылы 14-ші маусымда Блогерлер күнінің үш жылдығында өз блогы бар әрбір интернет қолданушы барлық блогерлер арасындағы ынтымақтастық туралы шағын хабарлама жариялады. Бірқатар елдерде осы күні бірнеше жылдан бері блогерлердің «тікелей» кездесулері өтіп келеді.

Әлеуметтік желілерді бақылап отырыңдар, қазақстандық блогерлер мұндай күн бар екенін біле ме екен.

☑️Бүгін бүкіл әлем натуристер күнін тойлайды. Олар - «жалаңаш» өмір салтын ұнататын адамдар. Бұл мерекені ЮНЕСКО-ның жанынан құрылған Халықаралық натуризм федерациясы ұсынған. Нудистер мен натуристер бұл күнді қоғамға осы қозғалыстар мен эксгибиционизм арасындағы түбегейлі айырмашылықты түсіндірудің тамаша сәті деп санайды. Маңызды хабар - нудистер мен натуристтердің мәдениетінде эротикалық реңктер жоқ. Нудистер жайлылыққа ұмтылады, ал натуристер табиғатпен барынша жақындасуға бағытталған қозғалыстың өкілдері болып табылады. Бұл философияның негізі – табиғатпен үйлесімді өмір, өзіңмен, өзіңнің кемелсіздігіңмен және бірегейлігіңмен және басқаларды, өзіңді құрметтеу. Сіз білмесеңіз де, Қазақстанда да нудистік жағажайлар бар.

Бұл қозғалысқа қалай қарайсыз?

☑️Бүгін екітүрлі, бірақ саясатпен байланысқан өте танымал екі адамның туған күні. 1928 жылы 14-ші маусымда Куба революциясының атақты команданты Эрнесто Че Гевара дүниеге келді. Қазіргі әлемде танымалдығы бойынша Чемен бәсекелесе алатын тұлғалар аз. Ол еркіндік жолындағы күрестің символына айналды. Революционер Латын Америкасының көптеген елдерінде әрекет етті. 1967 жылы Боливияда тұтқынға түсіп, ату жазасына ұшырады. АҚШ-тың 45-ші президенті, миллиардер – Дональд Трамп бүгін 76 жасқа толды. Президент болғанға дейін Трамп жылжымайтын мүлік кәсіпкері, сонымен қатар шоумен болды. Трамп 2024 жылы президент сайлауына түсуі мүмкін. Forbes журналы биыл оның байлығын 3 миллиард долларға бағалады.

Эрнесто Че Гевара немесе Дональд Трамп?

Минимум 50 мың теңге келеді

Бүгін, яғни 15 маусым - Аллаға құлшылық ететін қарапайым жандарға береке мен ақшаның келетін күні. Ол күні адам жанын таза ұстап, тек позитивті ойлауы тиіс. Таңнан бастап мейірленіңіздер! Бүгін кредиттерді жабуға жақсы мүмкіндік туады.

Комментарийге Әумин деп жазыңыз да, осы постты бөлісіңіз!
https://t.me/dalainside телеграмына жақындарыңызды жаздырып қойыңыз

🔥👎Қытай басшысы әскерді «әскери емес» мақсатқа пайдаланатын жарлыққа қол қойды


Қытай басшысы Си Цзиньпин қарулы күштерді «әскери емес» мақсатта пайдалану жөніндегі жарлыққа қол қойды, – деп хабарлайды Dalanews.kz.
Бұл қауіп әкеледі, Бейжің «арнайы операция» деген желеумен Тайванға басып кіруі мүмкін деп хабарлайды Radio Free Asia. Жарлық 15 маусымда күшіне енеді.
«Синьхуа» агенттігінің хабарлауынша, құжат «ұлттық егемендікті қолдау, аймақтағы тұрақтылық, бейбіт әскери операция жүргізу» секілді алты бөлімнен тұрады.
Бірер күн бұрын Украина президенті Владимир Зеленский «Шангри-Ла диалогы» қауіпсіздік жөніндегі форумда онлайн сөз сөйлеп, Тайвандағы жағдайды қан төгуге әкелмей, дипломатиялық жолмен шешуге шақырған.
Тайван ешқашан Қытай Халықтық Республика құрамына кірген емес. Бірақ Бейжің Тайванды өз аумағының бір бөлігі деп есептейді.
Батыс елдері мен Жапония Қытай Ресейдің Украинаға басып кіру сценарийін қайталауы мүмкін деп есептейді.

👍 Шардараның қарбыздары Ресей мен Моңғолияға кетті

Түркістан облысы, Шардара ауданының диқандары мен кәсіпкерлері қарбыздың биылғы алғашқы түсімін жинап, нарыққа шығарды, – деп хабарлайды Dalanews.kz, Түркістан облысы әкімінің баспасөз қызметіне сілтеме жасап.

Қазіргі таңға дейін аудан диқандары 5300 тонна бақша өнімін Қазақстан аумағынан бөлек Ресей, Моңғолия және өзге де ТМД елдерінің нарығына экспортқа шығарды.

Сондай-ақ, өз еліміздің өзге өңірлеріне аталмыш бақша өнімін экспорттау қарқынды жалғасуда.
Бүгінде тұтынушылар мен кәсіпкерлер қарбызды егістік алқабының басынан бір келісін 105-110 теңге аралығында сатып алуда. Диқандар алдағы уақытта экспорт көлемі арта түсетінін айтады. Ауданда қарбыз қоры мол.
Айта кетейік, биыл ауданда 8500 гектарға жуық бақша алқабы егіліп, одан 222 мың тоннадан астам өнім жинау күтіліп отыр.

Президент еліміздегі орыс тіліне қатысты:

💬 "Қазақстанда орыс тілінің позициясы кеміді, тарылып бара жатыр, тіпті кеміс тілге айналды деп жүргендер - шындықтан өте алшақ...
Толықтай алғанда, Қазақстанда орыс тілінің позициясы қандай да бір нашарлауға ұшыраған жоқ. Оған сенімдімін.

Сабақ орыс тілінде өтетін мектептердің санына қатысты айтар болсам, олар бұрынғы көлемде қалды. Басқа мәселе және бұл шындық – ол қазақ тілінде білім алуға деген сұраныстың артып келе жатқанында".

@baq_kz

🚈 Қазтеміртранс филиалының директоры сыбайлас жемқорлыққа күдікті

Қостанай облысы бойынша Сыбайлас жемқорлыққа қарсы қызмет «Қазтеміртранс» АҚ Қостанай филиалының директоры облыс кәсіпкерлерінен жүк вагондарын кедергісіз және жедел бергені үшін жүйелі негізде пара алғаны үшін әшкереленді.

Күдіктіге қатысты сот «күзетпен ұстау» бұлтартпау шарасын санкциялады.

Күдіктіге қатысты оның кінәсінің дәрежесін анықтай отырып, қорытынды шешімді сот қабылдайды.

Қылмыстық-процестік кодексінің 201-бабына сәйкес тергеу мүддесіндегі өзге ақпарат жария етуге жатпайды.

Айта кету керек, ағымдағы жылдың 19 мамырында Президент Қасым-Жомарт Тоқаев Қазақстан кәсіпкерлерімен кездесу өткізді.

Осы кездесуде Мемлекет басшысы бизнестің жұмысына заңсыз кедергі жасау мемлекет мүддесіне қарсы бағытталған қылмыс ретінде қаралуға тиіс екенін атап өтіп, басым міндеттердің бірі – бизнеске қысым көрсету факторларын анықтаудың неғұрлым тиімді жүйесін құру екенін айтты.

Facebook | Instagram | YouTube
📞 Call-центр - 1424

®Коллажды әріптестеріміз @ulysmedia жасаған

Саясат Нұрбектің министр болып тағайындалуы оның блогерге қарсы сот процессіне деген қоғамдық қызығушылықты арттырады

Саясат Нұрбектің Гүлбану Әбеновамен 5 айдан бері соттасып жүргені туралы @ulysmedia жазады.

Саясат Нұрбек блогердің әлеуметтік желіде жазған посттары үшін үстінен сотқа арыз түсірген. Қоғам белсендісі көптен бері депутаттан Кипрдағы отбасының Қазақстанға оралып, осындағы мектепте білім алуын, жалпыға ортақ емхана қызметін пайдалануын талап етіп келеді.

«Қазір сот процесі жүріп жатыр. Расында да, 2020 жылғы жазбаларыма қатысты бір жарым жылдан кейін ол мені сотқа береді. Алғашында сот бұл істі қабылдамады. Содан кейін олар қайтадан шағым түсірген соң, ақпан айында басқа сот қабылдады. Менің барлық жазбаларым сараптамада», - дейді Гүлбану Әбенова.

Саясат Нұрбек бұған қатысты өз тарапынан ашық пікір жариялаған жоқ. Бірақ оған осы туралы сұрақ әлі қойылмаған да болар. Әрине, зайырлы мемлекет болғандықтан, кез-келген адамның сотқа шағыну құқығы бар.

💸 Қазақстанда көп жылдан бері бірінші рет сауда балансының сальдосы жағымды болып отыр

Бұл жақсы жаңалық және оны Сенат депутаттары алдында Ұлттық Банк төрағасы Ғалымжан Пірматов айтты. Сальдо 2020 жылы 10,3 миллиард доллар болса, ал 2021 жылы ол 20,7 миллиард долларға дейін екі есе артқан. Профициттің өсуі тауарлар экспортының ұлғаюына байланысты.

Ағымдағы шот 2022 жылдың бірінші тоқсанында профицитке шығып, 2,2 млрд долларды құраған. Демек, сауда балансымыз жақсарды. Импорттан көрі, экспортты көп жасаймыз.

Бірақ, медальдің екінші жағы бар. Біздің экспорт пайдалы қазбалар есебінен өсіп отырғаны жасырын емес. Дайын өнімдер, заттар экспорты әлі де ақсап келеді. Бірақ бұл Ұлттық Банктің мандаты емес.

Ғалымжан Пірматов Ұлттық Банктің орта мерзімді перспективада баға тұрақсыздығын қамтамасыз ету үшін тиімді ақша-несие саясатын жалғастыра беретінін депутаттар есіне тағы бір рет салды.

https://t.me/dalainside