Қазақстандағы банк карталарын алу үшін Ресей азаматтары топырлап кетті ме?

🏦 Путин соғыс бастаған 24 ақпаннан бастап қазақстандық банктерде Ресей мен Беларус азаматтары 11 940 шот ашыпты.

🔹️Жалпы бұл елдердің 162 мың азаматының Қазақстанда шоттары бар.

🔹️Заңды тұлғаларға келсек, жеті ресейлік компания есепшот ашты. Қазақстандық банктерде есепшоттары бар көрші елдің компанияларының жалпы саны 805-ке жетті

@dalainside

🚥 Арба ма, өгіз бе? Қазақстан үшін осы күз барлық мәселенің басын ашып береді

Биыл біз салық (басқа да түсімдер) бәрін қосқанда, 10,1 триллион теңге жинаймыз. Бұл бюджеттің трансфертті есептемегендегі кірісі, яғни нақты өз тапқанымыз. Сонымен бірге 18,8 триллион теңге құртамыз. Бұл бюджеттің шығысы. Сонда 8,7 триллион теңге тапшылық пайда болады. Ол - бюджеттің дефициті деп аталады. Яғни бізге енді 8,7 триллион теңге табу керек. Біз не істейміз?

Жинаған қоры жоқ елдер осы бюджет дефицитін жабу үшін сырттан қарыз алады. Ал бізде жинақталған Ұлттық қор бар. Сондықтан біз бұл ретте баланс ұстаймыз. Биыл біз Ұлттық қордан 4,03 триллион теңге алып, оны бюджетке береміз. Ол трансферт деп аталады. Сонда бюджет дефициті 4,7 триллион теңге болып қысқарды. Енді бізге осы 4,7 триллион теңге табу керек. Енді не істейміз? Бұл 10 миллиард доллар.

Неге шығын артты? Себебі, биыл "Қаңтар оқиғасы" бізді 1 триллион теңгеден астам шығынға батырды. Рубльдің құлауы, Ресейдің күйреуі девальвациялық жағдайды күшейтіп, инфляцияның өсуіне жол ашты.

Қазір жаңалықты қарап отырсаңыз, Қазақстаннан ұрланып, заңсыз сыртқа кеткен капиталдарды қайтару бойынша белсенді жұмыс басталды. Ол тегін емес. Осыдан біраз қаржы түссе, бюджет тапшылығына жаратуға болады. Бірақ әрине, оның дефицит жыртығын жаба алмайтыны түсінікті. Сондықтан Үкімет қалған ақшаны қарыз алу арқылы жабады.

Бізде осы қарыз екіге бөлінеді: сыртқы қарыз және ішкі қарыз. Осы 4 триллионның шамамен 2,5 триллион теңгесін ішкі қарыз түрінде тартамыз. Ол үшін Қаржы министрі Қазақстан қор биржасында теңгелей номиналдағы мемлекеттік құнды қағаздар сатады (облигациялар, МЕКАМ, МЕУКАМ).

Ал қалған 1,5 триллион теңгені біз сыртқы қарыз ретінде таба аламыз. Былтыр біз шамамен 1 триллион теңге қарыз алғанбыз. Биыл одан сәл көбірек қарыз алуымыз мүмкін. Біздің суверенді рейтингіміз жақсы болғандықтан, біз қарызды өте тиімді, жеңіл ставкамен ала аламыз. Мысалы, қазір Ресейге ешкім қарыз бермейді.

Осы жылдың басында біздің мемлекеттік қарызымыз Ішкі жалпы өнімге шаққанда 27,4 пайызды құрады. Біздегі бекітілген параметр бойынша, қарызымыз ІЖӨ-нің 30 пайызынан асып кетпеу керек. Біз ол шектен асқан жоқпыз. Ал ішкі жалпы өнімге келсек, оның көлемі 80,3 триллион теңгені құрайды.

Неге күз өте маңызды? Ресейге салынған санкцияның бізге деген салқынын әлі нақты сезінбедік. Әсері күзге таман біліне бастайды. Егер Новороссийскідегі КТК-ның істен шыққан екі танкерге құю құрылғысы жөнделмесе, онда сәуір айынан кейін мұнай сатуды шектеуге мәжбүр боламыз. Тауар тізбектері де бұзылып жатыр. Біз жаңа транзиттік жолдар таба аламыз ба? Ол да белгісіз. Сондықтан мәселе күзге таман айқындала бастамақ.

Біздің Үкімет үшін 2022 - ең ауыр жылдардың бірі болмақ. Бірақ осы құрамдағы тізгін қаржыгерлердің (Смайылов, Жамаубаев) қолында екені қуантады. Қаржыгерлер бізді осы тығырықтан алып шыға алатын түсінікке ие.

Дәл осы уақытта саяси билікке, әсіресе депутаттық корпусқа әлеуметтік популизмнен ары жүрген дұрыс. "Біз бәріне ақша таратып берейік!", "Кредиттерді кешірейік!" деген лозунгтар пенде ретінде бәрімізге ұнауы мүмкін, бірақ оны орындауға бар қаржысының 70 пайызын онсыз да әлеуметтік салаға (білім беру, денсаулық сақтау, пенсия, айлық пен пособия төлеу) жұмсап отырған бюджеттің ешқандай жағдайы жоқ. Осыны түсіну керек.

Айбар Олжаев https://m.facebook.com/story.php?story_fbid=970213706971942&id=100019499658791

Назарбаевтың әпкесі контрабандамен айналысқан ба?

Қаржы мониторингі агенттігі тарапынан контрабандаға қатысты күдікке алынған Group of the Companies TDА тобының директоры, Egov порталының мәліметінше, 41 жастағы Әли Клышпаев болып шыққанын @kozachkow арнасы жазады. Фирма Алматы облысы, Қарасай ауданы, Шамалған ауылында тіркелген. Бірақ ең қызығы Клышпаевтың серіктесінің аты-жөні. Логистикалық қызмет көрсететін компанияның екінші құрылтайшысы – Елбасының әпкесі Назарбаева Әнипа Әбішқызы. Оның компаниясының директоры контрабанда жасады деген күдікке ілінген.

@kozachkow @dalainside

Украинада соғысып жүрген Адайлар.
Қай жерінде, қай облыста жүргені белгісіз. Тек осындай фото ғана бар әзірге. Толық ақпарат болса толықтырып жазамын.

Оңғар Қабден, https://www.facebook.com/100008177013860/posts/3276181745997694/

Путин Жириновскиймен қоштасты.

Бір түйткіл бар. Жириновский өткенде "Ресей бәрін жеңеді. Жеңбесе мен өле қалайын" деп мәлімдеген. Енді өле қалды.
Осы сөзі "Жириновский қарғысы" ретінде тарихта қалмақ.

Сүйініш Әбділдин «Азаматтарға арналған үкімет» мемлекеттік корпорациясына басшы болып тағайындалды.
Оны Цифрлық даму, инновациялар және аэроғарыш өнеркәсібі министрі Бағдад Мусин ұжымның алдында таныстырды. Ол бұған дейін осы ұжымда басшының бірінші орынбасары қызметін атқарған еді.

@dalainside

Украиндықтардың 91%-ы енді орыстарды бауырлас халық деп санамайды. Сонымен қатар, украиндықтар ресейліктермен достық қарым-қатынасты қалпына келтіру мүмкіндігін өте қиын деп отыр.

@uniannet

Құлайды деген еді, бірақ...

🏘Қазақстанда баспана бағасы күрт өсті.
🔹️Жаңа тұрғын үй наурыз айында ақпанмен салыстырғанда бірден 5,5%-ға артып, шаршы метріне 408,95 мың теңгені құрады.
🔹️Қайталама нарықтағы жылжымайтын мүлік бір айда 4,6%-ға қымбаттап, шаршы метрі 451,3 мың теңгеге жетті.
🔹️Аренда да өсті. Бір айда жалға алу құны 3,5%-ға артып, шаршы метріне 3,5 мың теңгені құрады

@dalainside

🚙 Мегаполис әкімі Ерболат Досаев Hyundai Trans Kazakhstan жеңіл автокөліктер шығаратын отандық зауытта болды. «Астана Моторс» еншілес кәсіпорны қаланың Индустриялық аймағында орналасқан.
Ағымдағы жылы кәсіпорын толық қуатына шығып, жылына 45 мың автокөлік шығаруды жоспарлап отыр. Hyundai Tucson моделінің ұсақ түйінді өндірісі іске қосылды. Енді екі модель – Accent және Tucson – дәнекерлеу және бояу әдісімен шығарылады.
2022 жылы өндірілген автокөліктердің 26%-ын экспортқа жіберу жоспарланып отыр – 10 мыңы – Өзбекстанға, 1,5 мыңы – Беларусь пен Қырғызстанға.
Сапар аясында Astana Group компаниясының негізін қалаушы Нұрлан Смағұлов әкімге автокомпоненттер шығаратын болашақ зауыттың жобасын таныстырды.
Сонымен қатар автокөлік шығаратын тағы бір зауыт салу мүмкіндігі туралы, сондай-ақ шанақ бөлшектерінің қалыптама өндірісін құру туралы халықаралық әріптестермен келіссөздер жүргізілуде. Кәсіпорын өндірістің жергіліктенуін арттыруға ниетті.
https://dalanews.kz/del-qazir/74910-almaty-akimi-erbolat-dosaevqa-avtoko

❗️Солтүстік Қазақстан облысындағы төрт мектепке Үкімет қаулысымен – Әлихан Бөкейхан, Смағұл Сәдуақасов, Ахмет Байтұрсынұлы және Қажымұқан Мұңайтпасов есімдері берілді.👍🏻

Бұған дейін Нұр-Сұлтандағы білім ошақтарына Дінмұхамед Қонаев, Қошке Кемеңгерұлы, Өзбекәлі Жәнібеков, Кемел Ақышев, Фариза Оңғарсынова, Роза Бағланова есімдері берілген еді.

Dauletten

Слования Украинаға С-300 әуе қорғанысы жүйесін берді. Енді Ресей әскери ұшақтары үшін жағдай қиындамақ

@uniannet @dalainside

Доллардың құны түсіп кетті. Не істеу керек? Доллар сатып алған дұрыс па? Әлде доллар тағы түсе ме?

Осы сұрақ бәрімізді мазалап жүргені рас. Әсіресе үйін сатып жіберіп, ақшаны долларға айырбастасам ба екен деп отырған, немесе ірі ақшаны долларда ұстап отырған адамдардың көңілі күпті болып отыр.
Қазір теңгеге 2 фактор дем беруде.
Біріншісі - мұнай бағасы. Brent фьючерстері бүгін биржада барреліне 100 доллар бағамен сатылды. Ол біздің бюджеттің "баррель - 60 доллар" көрсеткішімен қай есептелуіне септесті және есеп балансын жағымды сальдода ұстап отыруға мүмкіндік ашты. Сомалай алсақ, біздің экспортымыздың ақшалай көлемі импорттан асады, сондықтан теңгеге айтарлықтай сырттан қысым жоқ.
Екінші фактор - рубль. Рубль соңғы 5 күнде долларға шаққанда қатты күшейді. Бірақ оның ешқандай нарықтық негізі жоқ және рубль сонысымен өте қауіпті валюта болып отыр.
Рубль неге күшейді? Ресей үкіметі долларды ішкі нарықтан алып тастады. Бір сөзбен айтқанда, рубльдің тез және тұрақты нығаюының негізгі себебі импорттың төмендеуі және шетел валютасын сатып алуға қатаң шектеулер кезінде экспорттың өскенінен болып отыр. Оларда ақпан айының соңынан бастап экспорттаушылардың валюталық түсімнің 80 пайызын сатуға міндеттелді. Осы кезде шетелдік инвесторларды биржадан кетірді де, халықтың қолма-қол доллар сатып алуына тыйым салынды. Нәтижесінде Ресейде валютаға сұраныс жоқ.
Бірақ бұл, қолдан жасалған нарық екенін, көп ұзамай рубльдің құлайтынын сарапшылар біліп отыр. Егер рубль құласа, онда теңге де біршама позициясын жоғалтары анық.
Сондықтан, біз теңгенің қатты күшейе бермей, ақыры 460-480 курсына оралатынына сенімдіміз. Доллар қазір 447 теңге болып тұрса, онда долларды осы кезде сатып алғаннан еш ұтылмайсыз.

@dalainside

ҚНРДА ресейлік Альфа-банк пен Сбербанктің Қазақстандағы еншілес банктерінің де санкцияға ілінуіне қатысты шұғыл мәлімдеме жасады.

"Бұл екі банктің клиенттеріне АҚШ долларымен төлемдермен және аударымдармен операциялар қолжетімсіз болады. Бұл ретте клиенттер ұлттық валютадағы банкішілік операцияларды қандай да болмасын шектеусіз жүзеге асыра алады.

Атап айтқанда, Альфа-Банкке қатысты енгізілген санкциялар бірқатар уақытша шектеулерге әкелді. Банк жеке және заңды тұлғалар үшін АҚШ долларындағы және еуродағы аударымдарды тоқтата тұрды. Бұдан басқа, жеке және заңды тұлғалар үшін банкоматтар мен POS терминалдардың меншікті желісінен тыс Visa және MasterCard карталарының жұмысы тоқтатыла тұрды. Альфа-Банк уақытша жеке және заңды тұлғалар үшін қолма-қол ақша алуға және аударым жасауға лимиттер енгізді, кредиттер беруді тоқтатты. Альфа-Банкті қоспағанда, басқа банктердің карталарымен заңды тұлғалар үшін POS-терминалдардағы төлемдерді қабылдау тоқтатылды.

Бұл ретте клиенттер банкоматтардан қолма-қол ақша алып, жедел төлем жүйесіне (ЖТЖ-не)  қатысушы банктерге телефон нөмірі бойынша мобильдік қосымшадағы ақшаны теңгемен және тәуліктік лимит шегінде басқа банктерге шот деректемелерін аудара алады. Коммуналдық қызметтер, ұялы байланыс және басқа да қызметтер үшін төлемдер тәуліктік лимит шеңберінде штаттық режимде өтеді.

Жалпы алғанда, Ресейдің еншілес банктері клиенттер алдындағы міндеттемелерін уақтылы және толық көлемде орындайды, оның ішінде салымдарға, кредиттерге қызмет көрсету, сондай-ақ ақша қаражатын қабылдау және беру. Бұл банктер депозиттерге міндетті кепілдік беру жүйесінің қатысушылары болып табылады, бұл азаматтар қаражатының сақталуына кепілдік береді." - делінген, мәлімдемеде.

Бізді Альфаға қарағанда Сбербанк көбірек алаңдатады. Ол құласа, қалай зардап шегетінімізді кешке жариялайтын боламыз.

@dalainside

🌊Тартылып жатқан Каспий теңізі. Биіктіктен түсірілген көрінісі.

Ақтаулық белсенді Азамат Сәрсенбаев Каспий теңізінің тартыла бастаған жағалауын көрсетті. Блогердің айтуынша теңіз тұрғындардың көз алдында ғайып болып бара жатқанын айтады.

Dauletten

Алматылықтар Tanuki, Manana, Dragonfly, Bluecat ресторандарына бойкот жариялауда. Осы ресторандардың иесі - Ресей азаматы Александр Орлов. Ол таяуда сұхбат беріп, "Қазақтар жұмыс істей алмайды. Мен жұмысшыларды сырттан алып келемін" - деген болатын.
Бұл ретте "жұмыс істей алмайтын қазақтардың еліне келіп, қалайша табыс тауып отыр?" деген сұрақ туындайды. Оның ресторандарына басқа елден келген клиенттер бара берсін, ал алматылықтар бармайтын болды

@dalainside