عجبتني

الانترو حيكون = الاحصاء

واضحة را سنة أولى لكل التخصصات بيصعبوا ماداما رخولونا توا في التنسيب ، وتو روحكم شدّوا أهو شبه الكُل تنسب معاش عندكم سبلة شدّوا حيلكم وخلاص ومُوفقين كلكم يارب 🥲

باهي نبي نفهم حاجه القوائم امتى بينزلوا ؟؟

كان منزلوش غدوه وله اليوم معناها يجروا بينا ول شهر 2 بنقعدوا ملوحين

السلام عليكم ورحمة الله وبركاته
طلبة AN120
يعلمكم قسم التشريح بمحاضرة تعويضية عن محاضرة الاسبوع الماضي لمن فاتته المحاضرة

الخميس الساعه 11 مدرج جابر بن حيان

💌 وصلت لك رسالة جديدة
✉️ المحتوى : ↓↓
أني مصفية موادي ومتنسبة الحمدلله
لكن يدفتر علاش الجو زايد والاوفر إلي قاعدين ديرو فيه ؟
أدمن دفتر كلكم كنتو خايفين قبل ماتنزل نتيجة وتنسيب وكنتو تقولو غير نصفو بس ،نصيحة معاش تتهزو علي حد أنتم في يوم من الايام كنتو في مكانه وتدعو انكم تصفو.

في نهاية مش كل من خش ربيعي أو مصفاش معناها غبي ومش مكانه طب!
اطلعو منها عقلية صغار هاذي مع احترامي ليكم
----
💡يمكنك الرد بعمل رد على هذه الرسالة .

اولا مش لو حد تكلم ( يمثل نفسه) تحسبوها دفتر بالكامل

ثانيا كلام واضح ومش عقليه صغار مع احترامي ليك

ومقللناش من خش ربيعي
ومقللنا من حد ، انتي شايفه ل صاير قلنا شن فايده تمهيدي لو هذا كله بيصير

وكلام واضح مدابينا كل يقرا وينجح
تسيبو اللب وتجو للعظم ي دكتورة

هادي نوع من الرسائل ديما توصل فيا


حني ك ادمنز الكل مافيش حد نيته سيئة للدفعك ومدابينا الكل يقرا وينجح كلنا عندنا اصحاب واحباب ولو مش دفعتنا خوتنا اقاربنا ، وخوتنا ل بيقرو وجايين للطريق


لكن في بعض مطالب احيانا يكون مش وقتها ومش منصفة واحيانا بعد مطالب غير منطقية


وديما كلامنا موجه للجامعة ، ومش للطالب الغلبان اي طالب بيفكر كيف ينقذ نفسه بس ، نحكو بصفة عامة لو هي هك القصة ليش قرينا تمهيدي من عمرنا؟؟ را توا ثاني سنة ف تخصص

وبالتوفيق ليكم

اي رسائل شبيهة معاش حنتعد بيها ، بررت سابقا وهذا اخر تبرير

قبل كل شيء وقبل مانتكلم على يلي صار اليوم ويلي كان ليهم دور كبير.
•موعد الربيعي حيكون بعد رمضان شهر 3 .

•أصحاب النسب تحت 70 حتتنسبو ربيعي بعون الله لازم تنزل النسبة وقت التنسيب للربيعي مش توا باهي كيف نضمنو؟

بالله بالمنطق 960 طالب يبدو قراية توا الربيعي حيكون للتكميلي فقط وعددهم 600 وانتم معاهم يعني حتنزل النسبة بعون الله.
مش معنى كلامي حتنزل النسبة ولكم احتمال كبير


#منقول

هيا خشو ف موود القرايااا تراا
قالو اليوم دكتور الكلية لغي ف الشيت من الصفحة 11-15بتقروهم ولا بتسكبوا !؟؟؟

عودة العلاقات مع الهستو ودكتور بلحاج

قدّاش مانكره الميكرو

عندكم علم اننا مزنووقيين !؟؟؟

فيه حل :

اشتقت للطرب هذا والله 🤓

احلا راب ممكن تسمعوه توا ف نهايه الصيف

ننصحكم بيه تحياتي

💌 وصلت لك رسالة جديدة
✉️ المحتوى : ↓↓
السلام عليكم ورحمة الله وبركاته
لو سمحتي محتاجة 180 دينار اكاديميا وعادي وقت يكونوا عندي نردهم بس حالياً نبيهم ضروري والله لولا الضرورة مطلبتش لو تقدري تساعدني او تنزلي في قناتك حد يساعدني وبعدها نردهم ليه في اقرب وقت بإذن الله
وبارك الله فيك 🤍.
----
💡يمكنك الرد بعمل رد على هذه الرسالة .

خلّيني نتكلملكم شوية ع الهستو 🧬

ناخد فيها عند الدكتور أحمد بلحاج، وشيتاته لِ توا هي اللي معتمدة عليها، لكن ضروري جدًا ما نمرّوا على شيتات الكلية.

المنهج مفروض Micro و Cyto.

🔬 Micro عبارة عن 10 محاضرات، وإن شاء الله بننزّلكم تلخيص كل محاضرة، بحيث نمشوا فيها وحدة بوحدة وما تتراكمش علينا.