شذى باستغراب :أناااااا ليش
احمد :هيك منشان يجاكرني وإنت ما شاء الله عنك اليوم كل العيون عليك
شذى :وإنت شو عاملو
احمد :انا مو عامل شي بس هو واحد مدود شافني فتحت شركة أزياء فتح ومو بس أنا أي شركة بتفتح وبتكون ناجحة بيفتح متلها وبينافسها وأكيد واحد متلو بتعرفي كيف أسلوبو حتى ياخد يلي بدو ياه

هزت شذى براسها وطلعت عليه شافتو ماسك كاس الخمر وعم يبتسم ويطلع عليها بنظرات مريبة
__
بعد يومين
ببيت شذى كانت باركة هي ونور وعم يدرسو
نور :اوووف طقت روحي ايمت رح أتخرج بقى
شذى :لسا عنا فصل كامل
نور :شكراً ع تذكيرك الرائع يلي بمحلو
شذى :ولو اهلا وسهلا
رن تلفون شذى برقم غريب طلعت في الهاتف وردت
أحمد :مرحبا
شذى :عفواً مين معي؟
أحمد : من كم يوم كنتِ عندي وهلق مالك عرفانتني
شذى :أحمد صح؟
أحمد :هاه منيح في أمل منك...اي ماقلتيلي شو صار بالسكرتيرة يلي رح تبعتيلي ياها
شذى :يييي بتعرف الموضوع راح عن بالي
أحمد :ولايهمك بس اتصلت أذكرك
شذى :خلص المسا بردلك خبر
أحمد :تمام
فات أمجد عندهن وبرك معهن طبعاً أمجد كان بارك بجناحو يلي عبارة عن غرفة منتفعاتها وكان يقضي وقتو بالدراسة
نور لشذى :مين كان هاد؟
شذى بتوتر :هه ههه هادا أحمد ابن هاشم
أمجد :وشو بدو هادا كمان
شذى :سلامتكن..امم نور إنت مو كنت عم تدوري ع شغل
أمجد :شامم ريحة تخبيص
شذى :حاسة الشم عندك ياها مااا شاء الله تقول آخدها من عند شي كلب
نور :نورينا لنشوف عادي تعودنا مابقى مننجلط
شذى :هلق أنا وقت رحت عند أحمد...
أمجد :اييه..
شذى :كان محتاج سكرتيرة لأني فصل يلي كانت عم تشتغل ولحسن الحظ الحلو كنت أنا هنيك وقلتلو في وحدة ممكن تصير
أمجد بشك:واكيد هالوحدة مو نور صح
شذى :ههه هلق عرفت إنك فتت طب مو بالواسطة
نور :وشو بيشتغل هاد أحمد
شذى :عندو شركة أزياء وموضة وهيك قصص
أمجد :ومفكره إني رح وافق؟
شذى :مو من كم يوم قلت خلص رح نفوت كلناا بهالقصة وأنا قلت بخلي نور تشتغل عندو منو بتراقبو ومنو بكون دبرتلها شغلة وهي من شوي قالتلي ملانة
نور :تمام عجبتني الشغلة موافقة أشتغل
أمجد :بس أنا مو موافق
نور :شذوذ كيف هالأحمد حكيلي عنو
شذى :لا تخافي هو شخص منيح ومارح يأذيك ولا بيشبه هاشم ابداً
نور :تضربي مين قلك خايفه هههه قال أنا أخاف قال
أمجد :كأنما قلت لاء
نور :وانا مخي بترجم كلمة لاء اي
أمجد :نووور
شذى :روق والله هو شخص منيح ومو متل هاشم وأنا ما برمي نور ع خطر
أمجد :نفسي بس أعرف إنت وتخبيصاتك لوين رح توصلونا
شذى :للقمة للقمة وبكرى بتشووف
أمجد :بس يا شذى يلي بيطلع للقمة وبطلع لفوق بتنقرف رقبتو وبتصير وقعتو بتكسر أكتر
ما بتعرف شذى نهاية طريقها ولا بتعرف كيف روح الإنتقام إنزرعت فيها حتى كيف واثقة من نفسها ومقتنعة بيلي عم تعملو بدون ما ترد ع تنبيهات حدا..هي مو هيك بس ماعم تعرف كيف صارت
____
المسا ببيت هاشم كان قاعد وصافن وشارد بالعدم لحالو بهالبيت الكبير..قطع شرودوا حدا كابس ع الجرس وماعم يشيل ايدو عنو نفخ بإنزعاج وقام ليفتح لأني الخدامة كانت رايحة..وأول ما فتح الباب طلعت شذى قدامو و بابتسامتها العريضة ع وجهها ومعها شناتيها طلع فيها باستغراب وهو عاقد حواجبو
شذى :شو ما انبسطتت بجيتي بتعرف أنا قلت يعني حاج يا بنت أكيد أبوك اشتقلك وخجلان يقلك تعي اسكني معي..قلت مالي غير أضب غراضي وأروح اطب عليه أشوف شو عم يعمل أكيد أكيد بكون نااطف قلبك علي مو
كانت عم تحكي وتشوبر وهاشم بس قاعد بيراقبها باستغراب
شذى :شو مافي تفضلي..يالله ع كل حال البيت بيتي مافي داعي تعزمني وهي فوتة بس ابعتلي حدا يشيل الشناتي
هاشم ببرود :مافي حدا شيلين لحالك واطلعي لفوق نقي شي غرفة وابركي فيها
شذى :وقف وقف رح أنحرق من حرارة الشوق عندك ومشاعرك الفياضة يلي شوي تانيه بغرق فيها هلق هيك..بس يلا مقبولة منك لازم أطلع نام بكير مو تناسني وتروح ع الشركة لحالك وتتركني
هاشم :كمااان رح تلحقيني ع الشركة
شذى :اكيد لكا يوم الحفلة وقت إنت هيك خبط لزق عطيتني المايك منشان أحكي شو قلت يالله تصبح على خير دادي
طلعت شذى تاركة وراها هاشم عم يسب ويلعن بقلبو
_____
فايتة ع الشركة والحماس باين ع وجهها سألت ع مكتب المدير وتوجهت لعندو دقت الباب وسمعت الموافقة لتدخل..أول مافاتت كان شب أبيض بآخر العشرينات بارك لابس طقم ومشغول بالأوراق قدامو..مصفف شعرو البني الغامق بأناقة لافته طلعت ع حذاؤه كان نضيف وعم يلمع والمكتب من حوليه مرتب بشكل كتير حلو..رفع راسو لتبان عيونو وتضل نور صافنة فيو..اتطلع احمد بهالبنت يلي أول مرة بشوفها كانت لابسة بنطرون جنز و قميص سماوي وخفافة بيضة ورابطة شعرها الأسود لورا ومنزلة غرتها الناعمة ع وجهها الحنطي زادتها جاذبية بس اكتر شي ملفت فيها سحبة عيونها الوساع يلي زايدينهن رموشها السود فتنة وجمال
أحمد :عفواً يا آنسة بس إذا جاية منشان تشتغلي موديل ف نحن طالبين وحدة طولها فوق ال170مو بالستين
نور :لا أنا أجيت منشان أشتغل سكرتيرة شذى قالتلي ع...

احمد :شذى؟؟مين شذى هي
نور :ش..لاا لاا اسفة متوترة شوي خربطت الآنسة ليانا تفضل هي السي في تبعي فيك تشوفها
أحمد :اممم إسمك نور بايسال 22سنة آخر سنة أدب انكليزي..مشتغلة من قبل يا نور؟
نور :لا هي أول مرة
أحمد :تمام شوفي لأكون صريح معك من الأول أنا صار غيرت سكرتيرات كتير ومافي وحدة عجبتني..إذا بدك مايكون مصيرك متلهن لازم بس تركزي ع شغلتين أول شي لازم ألاقي جهدك بالشغل تاني شغلة نحن بشركة أزياء وموضة يعني أناقة ورتابة مابحب الفوضى ابداً
نور :تمام شغلات سهلة
أحمد :ان شاء الله تكون سهلة وفي شغلات تانيه لقدام بخبرك فيها هلق فيك تستلمي المكتب يلي قدام مكتبي وتباشري شغل رح ابعت حدا يفهمك طريقة الشغل
هزت نور راسها وراحت حطت غراضها ع المكتب وهي عم تنقل عيونها بفضول بينما أحمد كان عم يراقبها من البلور وهو مستغرب
أحمد :جد لسا في بنات بتلبس بهالبساطة؟ لا كعب ولا مكياج؟
__
قاعد على تختو وعم يحكي مع حدا ع الهاتف طلع ع الساعة شافها قربت ع ال1
حازم :يلا لازم تنامي بقى
...:عم تقلعني ياحيف هلق هيك الوواحد بيتعامل مع بيستو
حازم :لاني نحن رفقات لازم دير بالي عليك بكرى بتجي بتقوليلي طلع تحت عيوني صرت بشعة شوف وبتلبش تفتحي حنفياتك
...:الحق ع يلي بيشكيلك أصلاً تضرب من بين الرفقة
حازم :اي أضرب روحي نامي هلق
...:ايتاش زعلت
حازم :شوفو النكدية لك ليش نحن بينا زعل روحي تصبحي على خير
...:اي رايحة رايحة لا تدفش
طفى حازم هاتفو وضل صافن بالسقف..كان تايه..في شي جواتو واجعو..بس يلي بيعرفو مشتقلها كتييييير قلبو ما عاد يتحمل غيابها...وفوق كل هالشي عم يتعذب ويعذبها معو..ياترى رح يلتقي فيها شو رح يصير هالسنين كلها مرت ومافي شي عم يصير لإيمت بدو يضل صابر
____
عدا شهر ع نفس الروتين شذى تداوم بالشركة مع هاشم وعلاقتهم نوعاً ما منيحة وبعدها تقريباً كل يوم تروح تشووف أمجد ونور وكمان أحياناً تزور أحمد وصار في بيناتهن علاقة أخوة كتير حلوة
أحمد ونور كتير مرتاحين بالشغل مع بعض وأخدو وجه ع بعض...

طالعة من الفيلا مأسرعة وبتمها قطعة توست عليها مربى وعم تلبس قندرتها العالية يلي بلشت تتعود عليها..أول ما فاتت ع السيارة طلعت بهاشم يلي كان عم يحاول ما يبهدلها
شذى :طب شو أعمل راحت علي نومه
هاشم:هادا يلي بدو يسهر للصبح وعندو تاني يوم شغل وجامعة
شذى:انا والله ما بستاهل كل هاد الضغط ، انا بستاهل انباس واتدلل بس يلا معلش أنا بدي أكون سترونج وّمِن
هاشم:حسبيا الله بس امشي ابني امشي

بغرفة الإجتماعات كانت شذى عم تحضر كل شي
شذى لحالها :هوووه خليك ريلاكس كل شي رح يكون منيح ورح تكسبي المناقصة حازم رح ينتفني أصلاً إذا بعد كل هالشرح والتحضير ما بربحها
بلشت قاعة الإجتماع تمتلي برجال الأعمال والتجار...كانت شذى باركة بالكرسي جنب هاشم وأول ما فات أمير صابها متل القشعريرة من نظراتو المريبة وابتسامتو المقرفة
شذى بقلبها :كمل النقر بالزعرور لك أنا ما كان ناقصني غير هالعاهه لتكمل معي...لك الله وكيل منظرو مؤذي للعين
أمير :آنسة ليانا
شذى :....
أمير :يا انسة
شذى :عفوا عم تحكي معي؟
أمير :هههه ليش في غيرك ليانا هون
شذى :ليانا؟؟ااه أي والله كنت شاردة شوي
شذى بقلبها :لك أنا لسا ماعم أنتبه ع اسمي منيح
أمير :خير ليانا بشو شاردة
شذى بقلبها :وحمى تسلق بدنك إلهي ليانا هيك حاف لا آنسة ولا هم يحزنون هادا من هلق دابقني وشكلو حطني براسو ويا فرحتي وياهناي
أمير :يعني عندك مشكلة بالاستيعاب والفهم ولا انت قصاداً ما بتردي بسرعة
شذى :لا أستاذ أمير الحمد الله استيعابي بيتوزع ع بلد واذا بدك كمان بعطيك منو شوي بس تعبانة شوي وراسي واجعني
شذى بقلبها :الواااه الواااه العين تطرقك إلهي لك أنا ما كان ناقصني غير حمار أشقر متلك يجي يتفلسف علي ويقلي عندي نقص بالاستيعاب
رسم أمير إبتسامة صفرة وطلع فيها بغل
أمير :خلينا نبدأ يا جماعة
شذى بهمس :هه اليوم رح نشهد خسارتك الساحقة

بعد ساعة
كانت شذى عم تضب الأوراق وعم تطلع بأمير نظرات شماته وهو بارك وهادي فجأة تحول هدوءه لنظرات مريبة ماحسنت شذى تفسر معناها..قام من كرسيه وراح باتجاهها وكل هاد تحت أنظار هاشم يلي كان عم يبتسم ويطلع عليهن
أمير :شو هاد آنسة ليانا طلعتي شاطرة كتير ومالي خبر
شذى بغرور :ههه هو أنا لسى كان فيني أخلص أسرع بس بتعرف كنت تعبانه واستيعابي وفهمي كانو ضعاف ع قولتك المره الجاية ان شاء الله بورجيك مواهبي التانية
أمير :هههه لا مارح يكون في مرة تانية..أما بالنسبة لمواهبك فأكيد رح تكوني موهوبة بالخسارة الساحقة قدامي
طلعت فيو شذى نظرة شماتة وغرور وراحت وقفت عند هاشم وتجاهلتو
شذى :بابي عطيني مفتاح السيارة
أخدت المفتاح وراحت ع شركة أحمد

في الشركة
كانت نور ملتهيه بالأوراق واللابتوب يلي قدامها.. أول ماسمعت صوت كعب عم يقرب رفعت راسها لتكتشف انو صاحبة هالكعب هي شذى جايه لعندها وعم تتغندر بمشيتها ورافعة راسها
نور :شوو يااه لابق للشرشوحة مرجوحة ولأبو بريص قبقاب..شو سر هالزيارة يلي باين في من وراها إن
شذى :اليوم لك مافي شي رح يحسن يعكر مزاجي لاني ربحت اليوم مناقصة غير شكل
نور :بالله ياحبيبي الست شذى صدقت حالها بيزنز
شذى :لك هس بدك تفضحينا ليااانااا لياانا بعد أنا واياك معرفتنا سطحيه ببعض احترميني شوي
نور :رح تجي اليوم لعنا وبورجيك الإحترام ع أصولو
شذى :اي لازم أجي لأني حااااسة هاااه في عندي إحساس خطير إنو إحداهُن بلشت تتطور علاقتها بأحدهم يلي هلق بشوفو
نور بخوف :لك ضبيه للسانك جوا حلقك ريتو ماابيطلع إلهي لك آخرتي أنفضح ع إيدك من وين عم تخرطي آآآه
شذى بجكر :لا تدبحيني دخيلك ع كل حال أنا فايتة عند أخوووي
نور :ريتك ما تطلعي
دقت شذى الباب وفاتت
شذى :مررحباا يا حلو
قام أحمد لعندها وهي حضنتو
أحمد :اي شو هالمفاجأة الحلووة هي الله يستر شو في من وراها
شذى :له عيب عليك أنا دائماً بسأل عنك بس انت ما بيلبقلك يكون عندك أخت متلي أصلاً يصحلك أخت دائماً مبتسمة وفرفوشة ونغشة متلي
أحمد :ياخي خلص إنت مفضلة ع راسنا هاتي لاشوف شو عندك وشو جايبة
شذى :جاايبتلك حلوان انتصاري
أحمد :ياا لطييف..ليش ع مين انتصرتي ليكون حررتي القدس ومالي دريان
شذى :هااه قريباً بتصير وحدة من إنجازاتي العظيمة..بس أنا اليوم انتصرت ع هداك ابو عقدة أمير
أحمد :شوو شووو شوو
شذى :اشبك علقت أخبطك بلكي بتشتغل
أحمد :ليانا أبركِ واحكيلي من الأول شو مخبصة
شذى :هههه عيب تقول ع إنجازاتي تخبيص
وبركت شذى حكتلو
أحمد :تعي تعي بسم الله أرقيك لك شو هالذكاء جد ما شاء الله ما شاء الله من عين الحساد استني أدق ع الخشب كمان
ميلت شذى راسها ودقت ع خشب المكتب طلع فيها أحمد ومسح وجهو وهي لسا عم تبتسملو هيك🙂
أحمد :ليانا أختي طلعي أنا مو قلتلك بعدي عن أمير لك أمير شخص مو منيح لك خلي بينك وبينو ألف كيلو متر والله منشانك لك الله عليم هلق بأي طريقة عم يفكر يبعتك فيها ع سابع أرض وإنت جاية ومبسوووطة وجايبتيلي حلو كمان
شذى :اي جايبتلك سوار الست بالفستق الحلبي وبالفستق العادي اي واحد بتحب
أحمد :لياااناااا شو عم أحكي
شذى :والله فهمت خلص آسفة ما كان لازم أقرب منو وابرك اجاكرو واردلو جوابات
أحمد :كماااااان يا حبيبيييي لك أبوك وين لك كيف بخليك
شذى :ييييي أبوك كان طاير عقلو
أحمد :بكرى وقت أمير يطيرلك راسك و يكرهك حياتك بتفهمي أكتر لك هادا لك مابعرف اش أحكيلك عنو
شذى :خلص إذا شفتو مرة تانيه بحاول أصلح الوضع
أحمد :لااا لا عاد تقربي عليه لا من قريب ولا من بعيد اذا بتشوفيه بتغيري طريقك كلوو
شذى :ماشي
أحمد :عطيني هلق هالحلو نزلتيلي السكر
شذى :امسك
أخد أحمد الحلو من شذى وصار ياكل لحالو
شذى :مو ناوي تطعميني يعني
أحمد :ع انجاازك العظيم
زورتو شذى وأخدت شنتايتها وأجت تطلع
أحمد :لك وين رايحة ليكون زعلتي
شذى :شو رأيك؟
أحمد :اي منيح ضلك زعلانة حتى ما ترجعي تخبصي مرة تانية
بلشت شذى تمشي وهي مكشرة وعم تخبط الأرض تخبيط وطرقت الباب وراها ومشت شافتها نور وخافت تسألها اشبها وبلشت تطلع عليها وتتمسخر ع حالها شلون اجت وشلون راحت
_____
بكافتيريا كان بارك شب جذاب وحلو أبيض بعيون سودة وشعر أسود وكعادتو ع الهاتف أجت شذى وبركت مقابيلو وطلبت قهوة ع بين ما حازم يشيل راسو من الهاتف
حازم :ايييه بما إنك جايه وعم تورجيني وجهك معناها بحت صوتي ماراحت ع الفاضي
شذى :اي اطمن إنت هادا يلي هامك انوو صوتك راح وإنت عم تعيد وتثقل
حازم :بما انك رابحة المناقصة ليش معصبة
شذى :لأني رحت عند الأستاذ أحمد وإذ به يزفني بهدلة أطول من برج إيفل
حازم :وليش بقى
شذى :منشان هداك البطيخ الحمار الأشقر امير
حازم :ليش إنت شو عملتيلو لأمير
شذى :ماعملت شي هو اجا يتثاقل علي وانا يعني هيك شوي عصبت واستفزيتو
حازم :بسم الله الرحمن الرحيم من منبري هذا بقلك الله لا يعطيك عافية وعظم الله اجرنا وأحمد بدو تحية ع فعلتو
شذى :لااااا جد أنا في حدا اليوم داعي علي في مؤامرة كونية عم يتخططلها حتى تنزعولي يومي طب مو إنت قلتلي أعمل هيك
حازم :بس إنو أذكرك أنا وقت عطيتك كل شي بتحتاجيه حتى تربحي المناقصة نحن كنا عم نعمل هيك حتى هاشم يثق فيك وتجيبيلنا الأوراق يلي بدنا ياهن ونخلص هالشغلة مو حتى تروحي تتفاخري قدام امير بذكائك الاصطناعي
شذى :نفختو معلاقي والله لك ندمت ع الساعة يلي فكرت فيها اطس بخلقة هداك الحمار خلص والله فهمت

حازم :شذى تجنباً لكل شي حاولي بقى تخلصي كل شي بسرعة حاج صح كنا مخططين نتمهل بهالشغلة بس هلق احتمااال كبير أمير يحطك براسو
شذى :يعني؟
حازم :حاولي تجيبي الاوراق من الخزنة خلال هالاسبوع وبعدها منشوف شو رح يصير
شذى :رح حاول..كيفو أبوك
حازم :منيح بسلم
____
باركة وعم تحاول تسترخي بعد يوم طويل بين الجامعة والشركة والبيت لسا ما غمضت عيونها ولا في حدا بلش يكبس ع الجرس ومايشيل ايدو عنه نفخت بإنزعاج وقامت تفتح وهي نص مفتحة عيونها أول ما فتحت الباب دخلت شذى ورمت الكعب بالأرض وفاتت لجوا ورمت شنتايتها ونطت تسطحت ع الكنبه
نور :ياصبر ياااارب انت وحدك بتعرف شو عم عاني معها
شذى :شو عم تبربري ع الباب تعي تعي
نور :أجيت هلق إنت مو معك مفتاح مابتعرفي تفتحي فيو الا تقوميني
شذى :لك والله كنت تعبانه ومالي قدرة أطالعو من الشنته
نور :عين أمي تشوف تنبلتك غير تمعص رقبتك والله
شذى :نور شو عاملة أكل حاسة حالي رح مووت لك الشاطر يلي اليوم بيمسح فيني الأراضي وبزتني للتاني يكمل
نور :يااامسكينه
شذى :مارح أبلش فيكِ قبل ما آكل استني شوي
قامت ع المطبخ ومعها صحن قد راسها وبلشت تحط كل شي بالبراد من حلو وطبخ وكل شي بيطلع قدامها جابتو وبركت ع الأرض قدام نور يلي عم تستناها توسخ شوي تانيه حتى تقوم تقلعها
شذى :اي منبلش اليوم الكل طاحني اجا دوري اي يا نور شلونك يا روحي
نور :شذى هلق ماسحة الأرض إذا بتتوسخ رح ارجع أمسحها فيك
شذى :هههههههه هلق قوليلي شلون أخي العزيز
نور :يعني كيف رح يكون وعندو أخت متلك
شذى :انت ما بيلبقلك الواحد يمهدلك ..شوفي وأنا حسب خبرتي المتواضعه قليلاً حاسة هاااه إنك بلشتي تطمسي فيه نووور إحكيلي كل شي يلا
نور :مافي شي بيناتنا وأنا بس سكرتيرتو
شذى واللقمة بتمها :خسارة كنت بدي أقلك شو قلي يوميتها عنك بس بما أنو مافي شي معناها مافي داعي
نور :أناا؟حكى عني أنا شذى قوليلي شو قال أمانة
شذى :احكيلي بحكيلك
نور :هلق هو مافي شي بس انو هيك علاقتنا متل الرفقات وصايرين نمزح مع بعض وهيك وكتير مرتاحين بالشغل مع بعض
شذى :يا عين يا عين وإنت شو؟
نور :أنا شو
شذى :لك شقدك طشمة شو نوع المشاعر يلي بتحسيها تجاهو
نور :صراحة ما بعرف بس خايفة تكون مشاعر إعجاب
شذى :يا حبيبي كملت معنا وهداك أحمدنا كتير مرتاح معك وياريتو عارفك من زمان
نور بفرح :قوولي والله هو هيك حكى
شذى :مابعرف أفرح ولا
قبل ما تكمل أجت طيارة ع رقبتها جفلتها وخلتها تحط ايديها ع رقبتها
شذى :أمجااااااد لك الله لا يوفقك شو ايدك تقيلة
أمجد :شوو زمان صرلك يومين مو جايه لعنا ونحن أكيد ما اشتقنالك
شذى :انا أصلاً جايه ع بيتي مو لعندك
أمجد :ولك شذى شو هاشم ماعم يطعميك شوفو ع هالصحن بكرى بتصيري قد البقرة
نور :انت اش بدك فيها
شذى :واخيرا حدا في هاليوم التعيس دافع عني نور حبيبتي هاتي بوسة دخيل عينك
نور :شذى خلصي أكلك حبيبتي خلصي
شذى بإنزعاج :ماشي
____

#سلاسل_متشابكة
#الجزء_الثالث
#بقلم_شذى
بالجامعة وبالتحديد بكلية الطب كان أمجد بارك وحاطت ايديه ع راسو وحاطت هالكتب قدامو وعم يلعن الساعة يلي دخل فيها طب وورط حالو وبلش يندب متل الأرامل والمطلقات
أمجد :هلق جد أنا شو كان بعقلي وقت قررت أفوت هالفوتة ياربي دخيلك لك نفسي أحب.. أطلع مشاوير.. أنبسط وأفرفش أشوف غير هالقردتين يلي عندي بالبيت ويلي زايدين حياتي مأساة.. وحدة شلون ما تحركت بتجذب مشاكل وبلاوي زرقة والتانيه شلون ما حاكيتها بتعصب وبتقوم لتدق بخوانيقك ولك إذا الواحد بدو يقلها مرحبا بدها تعملوا قتلة وتنضف فيه يلي توسخ من بوطها لأني الوساخة بتوترها..يااربي أنت أدرى بحالي وحدك بتعرف اشو عم عاني
وفي هالأثناء وهو بارك عم يندب شاف بنت من كتر مو حلوة وبريئة صار يفتح عيونو ويغمضهن ليتأكد إنو جد موجودة كانت بيضة بعيون حلوة وشعر بني فاتح جاي ع شقار عاملتو جدلة وخدودها حمر وماسكة كتبها وعم تدور بعيونها ع مقعد تبرك تدرس عليه وللصدفة هااه للصدفة ما كان في غير محل غير يلي أمجد بارك عم يدرس فيو ..اجت البنت لعندو خجلانه وعم تضم كتبها لصدرها وعم ترجع خصلة من شعرها لورا إدنها
البنت :عفواً أخي بتمانع شي إذا بركت ع هالطاولة لأني متل مو شايف كل الطاولات مليانة
يمكن ولا كلمة أمجد فهمها لأني كان سهيان فيها تقولو أول مرة بشوف بنت ناعمة بحياتو
البنت :ممكن او لاء؟!
أمجد :أاه عفواً يا آنسة لا تواخذيني ما ركزت معك شو في؟
البنت :إنو عم قلك ممكن أقعد هون لو سمحت
أمجد :اي طبعاً تفضلي بتنوري
بلش أمجد يضب كتبو يلي كان فاردهن ع طول ما الله عاطيه ع كل الطاولة وبلش يطلع فيها نظرات الأجدب المسوسح والبنت تقعد مستغربة منو

أمجد :ااا ما تعرفنا ليك انا أمجد سنة خامسة طب بشري رح أتشرف كتير بمعرفتك
جوى :اسمي جوى سنة تانية كمان طب بشري
أمجد :سبحان الله كمان إنت طب ما شا الله..بالفعل الطب مهنة عظيمة والله صح فيها تعب بس دراستها كتير ممتعة والواحد هيك بيستمتع
جوا :جد؟؟!! أنا والله عم لاقي فيها صعوبة وما عم لحق ولا عم استمتع
أمجد :بااالللعكككس والله بتعرفي إذا بدك أنا بساعدك إذا في شي صعب عندك والله لا تخجلي
جوا :ميرسي كتير لالك جد إنت حدا لطيف
أمجد :والله وإنت كمان كتير لطفية ..ءءأ قصدي لطيفة لطيفة الله يحميك
ابتسمتلو وحطت راسها بكتابها لتدرس
وأخونا الأحوال برك عامل حالو عم يدرس ويقلب الصفحات حتى يبين انو عم يراقبها وإنو مشغول بدراستو
_
دقت الباب وفاتت وأول ما شافها أحمد ابتسم لما شافها جاية ومعها البريد أخدو أحمد ووقعو وهو عم يرجعلها ياهن انتبه ع شي لابستو تحت قميصها الطويل يلي مو زارة أزراره
أحمد :انت لابسة قميص فريق كرة قدم؟
نور :اي هادا فريقي المفضل
أحمد :جد بتحكي ؟
نور :اي يعني ليش مستغرب
أحمد :أول مرة بشوف بنت بتتابع كرة قدم بحس البنات بيكرهوها لهاللعبة
نور :بالعكسسس أنا كتير بتحمس وبستمتع لدرجة لا توصف وقت بشوفها حتى هلق بس أخلص رح أروح شوف مباراة الهن
أحمد :منشان هيك اليوم مبسوطة ومتحمسة
نور :اي
خلص الدوام ونور ضبت غراضها ع السريع وراحت حتى تلحق الباص استوقفها زمور سيارة طلعت ولا بتلاقي أحمد
أحمد :اطلعي أوصلك
نور :لا معلش رح آخد الباص شكراً كتير لإلك
أحمد :طيب شو رأيك إذا قلتلك أنا كمان رح أحضر المباراة
طلعت نور باستغراب من تصرفو يلي حتى هو ما لاقالو أي تفسير
نور :طيب
ركبت معو ومشو وبعد عشر دقايق تقريباً بلشت السيارة تطالع صوت وبعدها وقفت
أحمد :لك شو صار؟
طلع أحمد يطلع ع السيارة ونور باركة عم تتحرقص خايفة تضيع عليها المباراة
أحمد :نور السيارة عطلت والله خجلان منك
طلعت نور من السيارة وهي حاملة غراضها
نور :ولا يهمك خلص عادي
طلعت بساعتها وفتحت عيونها
أحمد :شو في؟
نور :لك احتمال لسا الباص ما راح اذا أسرعت شوي إحتمال الحقو
أحمد :استني منطلع بتكسي
نور :لك مافي تكاسي بتعدي من هون خلينا نروح
رغم انو أحمد بحياتو مو حاضر مباراة بملعب ولا راكب باص من قبل بس هيك سبحان الله راح مع نور يركض حتى يلحق الباص
نور :لك البااص البااص لسا ما رااح
مسكلها أحمد ايدها وركضو وطلعو ع آخر لحظة بالباص وضل أحمد ماسك إيد نور وعم يدخلو لمكان يحسنو يوقفو فيو وأحمد مستغرب من الزحمة والناس..وأخيراً لقوا مكان فاضي وانتبهت نور إنو أحمد ماسكلها ايدها
نور :أحمد بيك ايدي لو سمحت
احمد :آآآه.. اي.. آسف وتركلها ايدها وتابع....وبلاها هالبيك نحن متل الرفقات صرنا
نور :ماشي
كان أحمد بطقمو الرسمي واقف والناس مستغربة منو وفي مرة ابنها بلش يبكي ويصرخ وأمو مو عارفة تسكتو
الأم :بس يا ماما خلص برضاي عليك اسكت لك ابني.. يلا حباب دخيل روحك بس رجعنا ع البيت بتاكل...حسبي الله ونعم الوكيل ليك هاه إذا بدك تضل تبكي رح خلي عمو يضربك

بس الولد يلي كان عمرو 5 سنين ضل يبكي وما يسكت
الأم لأحمد :يا أخي الله يوفقك عيط عليه بلكي بخاف منك وبسكت
أحمد باستغراب :أنا ؟
الأم :اي صرلو ساعة عم يبكي صرعني وصرع العالم
أحمد بجدية مصطنعة :عمو حاج تبكي إذا بدك تضل تبكي رح أضربك وأخليك لحالك واقف هون
مسح الولد أنفو بكمو ووقف شوي بكي وطلّع بأحمد وهو عم يزورو
الولد :كول*را ما دخلك فيني
انصدم أحمد وماعاد طلع معو الحكي.. أما نور كانت رايحة تموت من كتر الضحك طلّع فيها أحمد وزورها وهي كانت رح تفطس وهي حابسة ضحكتها راحت قربت لعند الولد بمحاولة منها تصلح الوضع
نور :حبيبي ما بصير هيك تحكي مع عمو عيب هالحكي
قام الولد بزق بنص خلقتها ومدلها لسانه
الولد :وإنت ضلي بحالك
بلشت نور تكز ع سنانها والغضب يسيطر عليها وكرد فعل لا إرادي ومحاولة لتفرغ غضبها اللي وصل للسما بفعل ولد صغير قربت منو وقرصتو من خدودو بلئم شوي وهي عم تصطنع الابتسامة بوجها
نور : حبيبي هيك تصرف ما بقا بتعيدو سمعان
وقربت عند ادنو وهمستلو... والا والله بحطك وبعفسك تحت رجليي ها
وبعدها بتبعد عنو شوي وهي عم تتصنع اللطف ومبين من وجهها الشر : اتفقنا يا شاااطر
والولد ع شوي رايح ينفجر بكي من أول وجديد ع هالقرصة بس خوفو من نور خلاه ما يفتح تمو
الأم بغضب :لك الله لا يعطيك العافية سودت وجهي بين العالم أنا هيك ربيتك وتابعت بأسف : لا تواخذيني يا أختي ما بعرف كيف أداري وجهي من أفعال ابني
نور وهي عم تطلع ع وجه الولد بلئم وتمسح بزاقو : حصل خير خالة حصل خير
فجأة بتسمع صوت ضحكة أحمد وراها... صارت تطلع فيو وقامت لجنبو
نور :ليش عم تضحك
احمد :ليش برأيك ولد قد ابننا مسح فينا الأرض
نور ما دققت كتير ع كلمة ابننا وبلشت تضحك معو...

وأخيراً وصلوا ع الملعب بعد ما قطعو تذاكر المدرجات قعدو وبعد شي نص ساعة بلشت المباراة بالبداية كانت نور هادية جداََ بس أول ما فريقها روج يقرب من الهدف فجأة قامت وبلشت تنط وتشجع وكأنو حياتها متعلقة فيهن وأول ما سجل الهدف باللاشعور قامت وحضنت أحمد عصرتو عصر وهي عم تنط وبعد ما انتبهت ع حالها رجعت بخطواتها لورا وحطت وجهها بالأرض وصارت متل البندورة الحمرة
نور بخجل :آسفة عن جد.. ما بعرف شو صرلي... وقبل ما تكمل حكي
بقرب أحمد منها وبحاوط أكتافها وبقربها لعندو وهو عم يطلع ع اللاعبين المبسوطين بالهدف ليخفف من شعور الإحراج اللي اجتاحه واجتاح نور وحرك شي بقلبه
أحمد : ولو مو نحن رفقات ها شي طبيعي
نور والحمرة لسا مغطية وجهها : اي.. اي
وكملو المباراة وهنن عم يشجعو بس نور كالعادة تشجع بطريقة خلت أحمد يترك المباراة ليتفرج عليها وشلون عم تضحك وتنقهر ومتحمسة ع الآخر
____

عم تتلفت حواليها وبكل حذر عم تمشي حتى توصل لهدفها..فتحت الباب بهدوء وتأكدت انو مافي حدا جوا المكتب سكرت الباب وتوجهت للخزنة وطالعت هاتفها من جيبها وصورتها وبعدها طالعت ورقة
شذى :لنشوف أي واحد بدو يظبط معي
وبلشت تحط بهالأرقام ويطلعوا خطأ
بهالأثناء كان هاشم متوجه ع مكتبو وعم يحكي ع التلفون وصوتو عم يقرب..ودقات قلبها لشذى بلشت تعلى وهي مو عرفانة شو بدها تعمل بحالها ....قرب هاشم من مكتبو وحط إيدو ع قبضة الباب وبلش يفتحها بهدوء وفات ع المكتب وشافو فاضي وبعدها بكم دقيقة طلع... بس هالكم دقيقة كانو دهر لشذى يلي كانت باركة تحت طاولة المكتب وحاطة إيدها ع تمها وخوف عم ياكلها أكل..أول ما سمعت الباب تسكر وصوت هاشم صار أبعد طلعت من تحت المكتب ورجليها ما عاد حملوها
شذى :أقسم بالله أمي داعيتلي بليلة القدر مافي مجال ياربي دخيلك ع شعرة كان كشفني
قامت وطلعت ع غرفتها وجابت قلم وشطبت الكلمات يلي جربتهن
شذى :ضل تلاتة بس وإذا ما ظبطو أنا رح أتبهدل قامت لبست وأخدت شنتايتها وطلعت تتمشى بلكي تفكر ع رواق ..بس كان في عيون عم تراقبها وأول ما بعدت عن البيت وقفت سيارة ونزل منها تلت شباب فوتوها غصباً عنها وهنن مسكرين تمها
الشب1 :إمشي صارت معنا
شذى :لك شو بدكن مني عيفوني بحالي والله لأخرب بيتكن نزلوني
من كتر الهدوء يلي كان بالسيارة شوي تانيه وكانت رح تسمع صدى صوتها
شذى :طيب قولولي ليش خاطفيني.. احكو لتكونوا خايفين أو عصابة مبتدئة ..طلعو فيني..شايفين عيونكن يلي عم تطلع علي بكرى رح أقلعها وأرميها لكلاب الحاويات خطي ..لك عبروني لا تخلوني أحكي مع حالي ..لك إنتو بتعرفوا مين خاطفين لك والله لأخرب بيوتكن بكرى أبي بلاقيني وبتشوفوا ..ولييي هادا إذا ما قطعتوني وخليتو كل شقفة مني بحاوية وبعتتو لأبي شيفرات وألغاز وخزعبلات حتى يلاقي كل شقفة مني وين..ولي على قامتي هي آخرتي طيب قولولي كيف واشو رح تعملوا فيني بلكي طريقتكن كانت أسهل وأنا عم أعطيكم طرق جديدة

ضربو الشباب التلاته ايديهم بجبينهم وبعدها مسحوا ع وجهن وطلعوا فيها وهي سكتت وصارت تبتسم هيك🙂
وصلوا قدام قصر كبير وفتحولها الباب لشذى ونزلت وغراضها لسا معها وفاتو ع القصر وشذى لسا مو فاهمة شي طالعوها ع غرفة وأول ما سكرو الباب مسكت هاتفها وبعتت لحازم رسالة بتقول(حااازم طلع في ناس جابوني ع قصر كبير بمنطقة راقية بظن هادا أمير والله أعلم شو بدو ماعم يعملولي شي ولا عم يردو علي بس حاسة حالي رح أختنق بدي أرجع ع البيت أمانه ابعت حدا يخلصني)
وصلت الرسالة لحازم وكان شبه مجلوط بعدها رن ع رقم واستنى حتى يرد
عند شذى قامت تتفتل بالغرفة وتطلع ع اللوحات والديكورات انفتح الباب وكان أمير
أمير :آنسة ليانا آسفين كتير ع الطريقة يلي جبناك فيها باردون منك يعني
شذى بقلبها :اجا المعلاق يلي بجيب المغص
شذى :كان فيك تدقلي وأنا كنت بجي لعندك بكل بساطة ما بدها كل هالشي أمير بيك
أمير :هو أنا حبيت أعملك شوية أكشن وهيك ههههه ان شاء الله ما ارتعبتي
شذى بقلبها :وباااا تقشك قش إلهي إذا مالك بيض إنت وطريقة حكيك
شذى :يالله حصل خير بس لهلق ما عرفت ليش بدك ياني
أمير :هيك ولا شي حبيت أتعرف عليك وأعزمك ع الغدا عندي ونبرك وندردش شوي بما إنك لفتتي نظري
وطلع فيها تطليعة مقرفة
شذى بقلبها :ان شاء الله بينحول نظرك أكتر مو أحول مو بس بيلتفت
شذى :الي الشرف أمير بيك وخصوصي كان بدي أعتذر لأني بآخر مرة حسيت إني زودتها ف لا تواخذني
أمير :عادي ما بتتواخذي حبيبتي هههههه عم أمزح معك لا تخافي ما زعلت
شذى بقلبها :لك ااااااع شوو بيض حمى تسلق بدنو ع هيك جوابات وكلام
شذى :هههه مهضوم مابك شي
أمير :هلق فيكِ تتفضلي معي ع الطاولة كل شي جاهز ومنتظرك بس لتجي

شذى :والله ما كان في داعي تعذب حالك
أمير :هه أنا ما تعذبت ولا شي الخدم عملوا كل شي
شذى بقلبها :ياربي لك هادا عم يجبلي مغص بفقرات العمود الفقري قد مالو ثقييييل
توجهوا لمكان الطاولة يلي كان فيها من كل شي حرفياً من كل الأصناف والأشكال
أمير :شو رأيك ؟
شذى :حلوة كتير الله يعطيهن العافيه
أمير :قصدك يعطيني
شذى :لا أنا قصدي ع الخدم لأنهم عملوا كل شي مو هيك
أمير بغيظ :تفضلي آنسة ليانا تفضلي
وبلشوا ياكلو وأمير كل ما يحكي تحس شذى إنها بدها تقوم تطالعلو حنجرتو من محلها او تفتح راسو بالسكين اللي عم تقطع فيها اللحم وتخلص العالم من مخ واحد معفن متلو
فجأة بلش في صوات برا الغرفة وحركة غريبة..طلعت شذى بأمير يلي مستغرب اشوو في ...انفتح الباب وفات منو شب أسمر طويل حاطط نضارة
أمير :آردااام؟شو جابك؟
آردام :أهلين فيك ميروووو حبيبي لك بالله شلون كنت عايش بدوني يا زلمة
وقرب ع أمير وضربو ع كتفو وهو عم يضحك
آردام :واااي واااي واااي ليااااانا كماان هون
راح لعندها وسلم عليها وهمسلها بادنها
آردام :انا آردام أخو حازم
شذى :آرداامووو لك شو هاداا وشو هالصدفة الحلوة
آردام صار يلف ويتفاخر بحالو وجمالو
آردام :بالله ما طالع قنبلة لك أنا جاي عند ميرو حبيب قلبي تعا
وقام لعندو ولفو وأمير مش طايقو بالمرة وبلش يعصب وشذى بلشت تحبس ضحكتها من تعابير وجه أمير
أمير :إنت بتعرف ليانا؟
شذى :اي نحن تعرفنا باميريكا كان آردام جاي سياحة والتقينا صدفة
طلع فيها آردام وابتسم ورفع حواجبو انو شلون ظبطت كذبة فوراً
آردام :له له عاملين أكل ومو عاازميني ليش يا أمير مو نحن صحاب صح بيننا عشر سنين بس عادي ما بخجلك إذا قلتلي تعال شرفني بحضورك اللامع ونورلي قصري المعت
وراح برك محل أمير وحطلو صحنو ع جنب وأخد صحن وبلش يسكب لحالو
آردام :طب انت عازم الحارة ولا بس ليانا؟
ضل أمير ساكت وعيونو عم ينقطو سم ووجهو غبق وع شوي رح يقوم يقتلو
آردام :الووووو حوول ميروو عم تسمعني رد علينا يا مان ولا تعبي قلبنا أحزان
أمير بغيظ :بس ليانا
آردام :لكا ليش كل هالتبذير والبعزقة سيد راسي أبوك ما علمك التبذير حرام والمبذرين بكونو أخوات الشياطين بترضاها ع حالك آآآه؟! لا عاد تتبعزق ضب إيدك شوي حاج لازم بقى نجوزك
أمير :آردام انت ما لك منتبه إني مالي طايقك
آردام :بالله جد.. إحلف أصلاً بعرف إنك ميت فيني مو بس مالك طايقني يا زلمة خلص مارح خجلك
أمير :آردام شو بدك؟؟؟
آردام :لك أجبلك المصحف وأبلش أحلف إني مشتقلك يا زلمة صرلي يمكن سنة مو شايفك هيك يا منظوم لا حس ولا خبر
أمير :أنا ملتهي بشغلي وما عندي وقت حتى اضيعو مع عاهات
آردام :لاااااااع هي يا ميرو ما حبيتها منك من وين متعلمها هي جديدة ليكون بدك تبلش تحكي متل المثقفين سحقاً وتباً لك يا ابن المقعقع ويالك من وغد
قام آردام ومسح تمو بالمحرمة وزتها ع الطاولة
آردام :شو ليونة شبعتي؟

شذى :اي ..شكراً كتير أمير بيك ع هالاستضافة الحلوة بس تاني مرة استخدم هاتفك مو رجالك مو محرزة تتعبهن
مد آردام ايدو لشذى
آردام :نروح؟
قربت شذى وجنكلتو وماطلعت بأمير
آردام :باي ميرو دير بالك ع حالك
هنن طلعو من الباب وأمير قلب كل شي كان ع السفرة وبلش يصرخ ويكسر
انتفض آردام من صوت التكسير
آردام :هادا بكرى رح يتشلوط شلوطة بالنار فوق مالوا مبذر وعامل كل هالأكل هلق عم يكبو يا عيب الشوم بس

طلعوا شذى وآردام من القصر وفرطو تنيناتهن من الضحك
شذى :ياحرام ع شوي كان رح يفقع
آردام :بيستاهل الله لا يقيمو شايف حالو ومو مصدق وهو متل الشحاطة
شذى :شكراً كتير لالك عذبتك معي
آردام :لك شقد مابدك عذبيني كلوو فدا هالعيون الحلوين لك دخيل الله أول مرة أخي بيطلب مني طلب وبيطلع حلو هالقد
شذى :ههه لاتحكي هيك خجلتني والله
آردام :ولك دخيل الله وينك من زمان ولي رح يغط ع قلبي من الجمال تعي معي وخلينا نبعد عن هالمكان
شذى :لااا انت خالص شبك أول مرة بتشوف بنت؟
آردام :لك شايف بنات ع قد شعر راسي بس متلك مو شايف حتى بخيالي
شذى :كول هوا بقى قلتلك بخجل
آردام :لك دخيل الخجول يطلع ع قبري امشي معي امشي
شذى :حاج تتغزل فيني بعرف كل فصولك من حازم يا نسونجي زمانك
آردام :والله هالحازم بدي اتبرا منو آخر ساعة هي طرتي من ايدي لأني غيران مني ودائما داير ع تشويه سمعتي.. طيب ماعندك رفقات ضرب اطبقهن؟
شذى :عوضنا ع الله امشي خلصني قالولك الدنيا بس نسوان
آردام :لك اشبك شقدك دفشة قال منغير جو ومنمزح معك بس ما بيلبقلك الواحد يتغزل فيك يا جعفر
شذى :شووفوو شوفو مين من شوي كان مسحسح؟؟!
آردام :هلق من كل عقلك إنت بتخلي الواحد يسحسح امشي عوضنا ع الله

___
ببيت شذى القديم كانو نور وشذى باركين وتعبانين وشذى حاطها راسها ع كتف نور ومسحلين حالهم
نور :اي وهلق شو رح تعملي
شذى :لازم أجيب الأوراق وأخلص غير هيك هاشم بيمسكني او أمير بجيب آخرتي
نور :امممم كويس
شذى :انت ليش تعبانة؟
نور :اليوم كان في مباراة بتجننن حضرتها أنا وأحمد
شذى :أحمد؟ أحمد أحمدنا نفسو يلي بعرفو؟؟
نور :اي
شذى :والله والأمور متطورة وآخر روااق
نور :بلا غلاظتك نحن متل الرفقات
شذى :وأمجد بيعرف؟
نور :لاء ما أتوقع هالشي المهم
شذى :ع راحتك كيف دراستك
نور :ماشي حالها
شذى :انا جامعتي عم تبكي بالزاوية أظن ما أقدم هالفصل
نور :وتأجلي تخرجك؟؟
شذى :يييي آخر همي
أجا أمجد وهو عم يفرك عيونو وأشرلهن بإيدو حتى يبعدولوا يبرك بالنص ..برك بيناتهن وهنن كل وحدة حطت راسها ع كتف وهو لسا يا دوب مفتح عيونو
أمجد :احزروا شو حلمت
شذى :شو؟؟
أمجد :حلمت إني متت وفاتحين عزاي بكلية الطب وأنا رايح أعزي بحالي ..ولا شو قال صرت أواسيهن إنو عادي متت لا تزعلو والكل يلومني ويقولولي ما بكفي متت وأخدت كل البقدونس معك من حياتنا وما بقى فينا نعمل تبولة وفتوش يا ظااالم ويبكوا وانا أطلّع فيهن هيك وأحاول أعصر مخي وأتذكر وين حطيت البقدونس وبعدها أخدوني وحطوني ب تابوت كلو ليمون والأحلى مشغلين غنيّة كم سهرنا من ليالي للصباح لا ننم
أدنيه كانو رح ينتقبو بسبب الضحكات يلي أطلقتها شذى ونور جنبو طلع فيهم متنرفز وهنن مو قادرين يمسكو ضحكتهم
شذى :لاا ياربي فرطتت
نور :أمجاااااد بربك ضل شي مو حاططو بهالحلم عجب دفنوك بالأرض ولا ببرغل التبولة؟
أمجد :تضربوا إنتو ويلي بيحكيلكن ع أحلامو وجع تفك حلقك انت واياها بنات آخر زمن ما عاد استحيتو تف .....لك حاااج تضحكوا وجع ان شاء الله ضحكتكن لحالها بتفوتكن معهد رقص
شذى :نور ع بالك؟ والله صنعة مرتبة
أمجد :إنتو بنات وجوى بنت؟؟
وقفوا نور وشذى ضحك وفنجروا عيونهن ع الآخر والتفتو لعند أمجد وابتسامة خبيثة شوي شوي عم تنرسم ع وجههن
أمجد :ههه بنات والله عم نمزح شبكن ما بتتحملوا
بحركة خاطفة هجموا شذى ونور عليه ونور بركت فوقوا شذى ساعدتها تثبتو
نور :لك أمجااااد عم تتعرف ع بنات ويعجبوك وما بتحكي؟
شذى :مين هي جوى؟ عم تحب وتتمعشق من ورانا يا مغضوب
أمجد :لك قومووو رح أفطس الله لا يسلطكن ع حدا
نور :احكيلي احكيلي مين هي يلي ضحكانه عليك وأخدتلك عقلاتك ولاااااك
أمجد :يقصف عمرك يا نور طرشتي ادني علي الحلال صوتك اخشن من صوتي
شذى :لااا تضيع الموضووع قر واعترف واحتمااال ما ننتفك هاه احتمااااااال
أمجد :غيرت رأيي شذى جعفر أكتر وصوتها عليم الله بيصرع أكتر من الجاروشة
نور :جيبيلي هاتفو لهالعينتين ليكو قدامك وخلينا نطالع المستور
أمجد :إيدك بكسرها والله
راحت شذى وجابت هاتف أمجد وبالغصب حطولوا بصمتو وبركوا شذى ونور فوقوا
أمجد :لك قوومووو الله يخليكن رح أفطس نور شيلي اجرك من ع رقبتي

شذى :خليني أبحث ع اسمها جوى....جوجو..جوجيتي..جواي..بطيختي ولك نور ما عم يطلع شي
نور :قلي شو مسميها ليكون هيك اسم بجيب المغص متل عشقي وحبي وقلبي ملكتي ومِلكي ومملكتي ونصي البطيخي
شذى : ولا واحد ظبط خليني أجرب أم ولادي.. عيوني.. جراباتي...تاج راسي..كل عمري وحياتي...حبي السرمدي والأبدي..جردونتي دبدوبتي هبولتي جحوشتي ...ولك أمجااااااد شو مسمي ال.....
وقبل ما تكمل شافت أمجد عم يفطس تحت إيديهن
شذى :لك قووومااااي رح نفطس الصبي
قامو وبلشو يهولولوا وهو عم يسعل
أمجد :الا أشرحكن والله بس استنوا علي
نور :طلعي أخي المسحور لهدرجة بحبها كان رح يفطس حالو منشانها
شذى :ولي على عيونها ساحرتلنا الصبي ولك أمجد أنت من إيمت بتطلع بالبنات وبتطبق من ورانا؟
تماسك أمجد وبلش يشد ع قبضة ايدو وملامحو ما بتبشر بالخير وعم يتطلع عليهن والنار عم تطلع منو ..تمسكوا نور وشذى ببعضهن وهنن عم يطلعوا فيو وقبل ما يهجم عليهن ركضوا ع الباب وطلعو من البيت حتى بدون ما يلبسوا وبلشوا يركضوا يتخبوا
شذى :شبو هادا ما بقى بيتحمل مزح
نور :جد صاير خلقو ضيق..بس عممم موووت بدي أعرف مين هي البنت
شذى :لااا والأفندي بقول أحسن مننا طلعي وليه لا بقى تعمليلو أكل ولا تردي عليه
نور :هاا هاا هااا خليني بالأول أرجع
__
_
رجعوا حازم وآردام ع البيت
آردام :حازم أنت أهبل شي؟
حازم :ليش؟
آردام :لك يا أجدب من كل عقلك لسا عم ترد ع أبوك
حازم :آردام مش ناقصك اعتقني يا زلمة
آردام :كان نفسي اعتقك بس بعد الغباء يلي سمعتو منك عم يمنعني
حازم :وين الغباء بالموضوع؟
آردام :لك قصة هالبنت مو فايته بمخي لك من ايمت أبوك منيح وبساعد الناس؟
حازم :يلي بعرفو حكيتو وبعدين هو قلي إنو أبوها كان رفيقو وكتير بحبو وهلق عم يساعد بنتو

آردام :يا مسكين إنت جد أهبل وع نياتك ما هاشم هو يلي كان رفيق أبوك وشفت من ست سنين شو صار وقبل الست سنين شو كان صاير
ضل حازم ساكت وكأنما تذكر شي بوجعو ...انتبه عليه آردام وابتسملو بمرارة
آردام :أخي لا تزعل الله كريم
حازم :ع كل حال هي هاليومين رح تخلص هالشغلة وبعدها منشوف شو رح يصير
آردام :مارح نشوف غير المصايب.. من هلق عم قلك أول غلطة رح أمسكها ع أبوك زاتو بالسجن هو وهداك يلي ما بيتسمى أمير
حازم :ما شاء الله عليك ونعم الابن والله لك إنت ما بتستحي ع حالك
آردام :يعني عاجبك يلي أبوك عم يعملوا بالعالم؟
حازم :مش عاجبني بس بضل أبوك ونحن بكفي نشتغل شغلنا وما نقرب ع شغلو
آردام :خليك هيك مسكين وع نياتك بكرة رح تندم صدقني
حازم :قال إنت ما رح تندم يعني
تركو لآردام وراح توجه ع مكتب أبوه وآردام عم يراقبو بحزن
حالته جد بتزعل بيعمل كل شي بيقولو أبوه.. رغم انو آردام أصغر منو بس مالو متلو صح طايش بس بعيد عن شغل ابوه تماماً
___
بعد ما عملت ألف واسطة لنور ومية عرض ومفاوضات فوتها أمجد ع البيت وهي رجعت ع فيلا هاشم ..فاتت وكان هاشم بارك بالصالون عم يشتغل ع اللابتوب
هاشم :ليانا اجيتي بابا؟
شذى :اي اجيت
هاشم :لاعاد تتاخري هي الساعة داخلة ع ال10 منشانك يا بنتي
شي جوات شذى تحرك كان نفسها تبكي بس ما بتعرف ليش خلال هالشهر هاشم كان شخص منيح معها مو متل ما قالولها عنو صح تتخانق معو وتجننو بس كان بيعطيها شعور الأب يلي انحرمت منو من سنين..ما بتعرف كيف توجهت لعندو وحضنتو وهو مستغرب منها
هاشم :خير شو في ايش عاملة مصيبة؟؟
شذى بنبرة حزينة :ولا شي بس تعبانة
هاشم :خلص بعرف إنك مضغوطة بين الشغل والجامعة منشان هيك خدي عطلة مفتوحة
شذى :بسس ...
هاشم :ما بدي اسمع اي اعتراضات خلص لا تتعبي حالك اهتمي بدراستك يا بنتي هي أهم شي هلق ولحقانه تشتغلي وبعدها أنا لساني عايش وموفرلك كل شي الحمد لله
كانت عم تسمع حكيو يلي كلو حنيه وشي جواتها عم يوجعها..مشاعرها كلها فاتت ببعضها وبدأ الندم ياخد طريقو لقلبها
شذى :ماشي لأشوف
باستو ع خدو وقامت ع غرفتها وهي حاسة الأفكار والمشاعر وكل شي بالدنيا مسجون براسها وهلق بدو يطلع...رمت حالها ع تختها وضلت صافنه بالسقف ..هيك كأنها بفضاء فارغ من كل شي ...بس دقائق ورجعت أسباب جيتها لهون ترجع وتتردد ببالها ...أمها..الأيام يلي عاشوها...أبوها...تعبو وأملاكو...وقت احتاجو لسند وماكان حدا جنبهن...وقت انمدتلهن إيد العون وساعدتهن
شذى :إنت لازم تكملي ما لازم تتراجعي ...الزلمة يلي ساعدك أربع سنين وكان أحسن من الكل معك لازم تردي جميلو..خلص بكرة إنهي كل شي ماعاد في داعي استنى اكتر..وخلي يلي بدو يصير يصير..نامت بعد ألف صراع مع عقلها وقلبها وألف توسل لعقلها يوقف تفكير ولقلبها يبطل ندم....

فاقت تاني يوم ونزلت لتحت كان هاشم عم يشرب قهوة وفي جنبو فنجان مغطى
هاشم :الله كيف هيك الأميرة النائمة اليوم فاقت بالعادة يا بابا لو بتركوكي للعصر ما بتقولي لاء ووقت هلق لازم تنامي لأني مافي شغل فقتي؟
شذى :شو أعمل إذا حضرة جنابك يا بابا صار طارقني ألف محاضرة عن النوم والسهر والنشاط والدقة والانضباط يلي ما بعرف شكلهن
هاشم :بدك تقنعيني هلق انو نصائحي قطعت معك؟!
شذى :نصااائح ؟!الله يسامحك هدوك بهدلات ولولا الحيا كنت رح تطرقني بنص البهدلة كم مسبة تصيب حالك فيهن
قام هاشم ومسك جاكيتو وقام لعندها وقرب وباس راسها وهي واقفة متل التمثال متفاجئة
هاشم :خلص ماعاد في بهدلات كملي نومتك إنت أنا رايح
راح وعافها ..حاستة عم يعاقبها ..ليش قالب لطيف وحنون زيادة والله ما بصير هيك رح يخلي الندم يكبر بقلبها ..بس هلق هي متل الواقف ع سيف كيف ما تحرك رح تذوق الويل حتى لو ما تحركت كمان..شو تعمل في شغلتين جواتها عم يتقاتلو ..
شذى بقلبها :لك ليش هيك عم أضعف فجأة.. لك شذى انت وقت أجيتي حطيتي هدف قدامك وهالهدف ليكو بغرفة المكتب خلصنا ماعاد في تراجع
بتعرفو وقت يوقف ع كتافكن ملاك وشيطان ويبلش كل واحد يزرع أفكارو براسك ويعملولك طوشة ..هيك كان عم يصير مع شذى وهي عم تفتح باب المكتب بعد ما مر وقت والكل صار مشغول وماحدا فاضي لحدا ..كانت عم تشد ع الورقة يلي بايدها منشان تخفف التوتر..طالعت هاتفها من جيبها وتأكدت انو صامت..رجعتو ع جيبها وسكرت عليه
شذى :لك يا نيّة اشبك هلق فتّي بالحيط وماعم تعرفي شو تعملي؟!!
طلعت بالخزنة وهي عم تقلب ملامحها المتوترة لملامح جدية وبلشت تحط الأرقام بحزم..ضل كلمة سر وحدة ما جربتها وكانت ع يقين انها مارح تظبط بس جربت حتى تريح حالها ..بس الغريب صوت الخزنة يلي فتح وانفتحو معو عيون شذى ع الأخير ..بلشت تدور ع ورقها بهدوء وحذر وطالعت الورق يلي راجح *أبوه لحازم* قلها عليهن ..ورجعت كل شي متل ما كان واجت تفتح الباب لتنصدم صدمة عمرها..وقفت متل المومياء وكأنو حدا كب عليها سطح فيو مكعبات تلج

...لسانها الطويل انعقد ووجها أصفر حتى الدم يلي مفروض يجري بعروقها ماعد يجري وقفت مجلوطة وفاتحة تمها..لأني ابتسامة هاشم يلي أول مرة بتشوفها ما بتبشر لا بخير ولا أولاد عمو ..ابتسامة غريبة وواقف بثقة وحاطت ايديه بجيابو وعم يتفحص الورق يلي بين ايدين شذى
هاشم :ههه برافو والله وعرفتي تفتحي وتنقي وتاخدي ومفكرة حالك ذكية لدرجة!!بس لاا مو علي...شبك لسانك الردّاح شو صابو؟؟ انقطع وتوزع ع البلدان المجاورة؟؟ ...معك حق ما تعرفي تردي ..جايه تغدريني بنص بيتي اي شو هاااد يااا جد الإبداع والذكاء والاحترافية عندك ماعاد يوسعو كل مطربانات العالم..ليش عملتي هيك
شذى :لأنك بتستاهل. أخدت مصاري أبي وحرمتنا نعيش متل الخلق لا تعمللي فيها هلق الملاك البريئ أنا بعرف كل شي ورح رجع كلشي من بين عيونك
ضيق هاشم عيونو وهو عم يفكر ويحاول يعرف مين هالحدا يلي عامل فيو كل هالشي..وأبو مين يلي عم تحكي عنو إذا هو أبوها؟! ..طلع فيها شلون تحولو ملامحها من صدمة لملامح حادة وعيونها بلشوا يطلعوا بحقد..نادى ع تلت شباب كانو برا
هاشم :خدوها من وجهي وعملولها اللازم متل ما قلتلكن شكلو رح نتسلى كتير
فاتو الرجال شحطوها وهي عم تعيط وتتوعد لهاشم يلي عم يطلع فيها بحيرة
_
من باب المطار طلّت بنت شقرة حاطة نظارة خافية لون عيونها الزرق ...سحبت شنتايتها وهي من أول ما وصلت الغصة ما فارقتها عم تطلع بالناس وبالمكان..عم تستعيد ذكريات قديمة ..للحظة عيونها دمعت بس بسرعة فتحتهن ع وسعهم حتى ما تنزل دموع وحاولت ترسم ابتسامة وكملت مشيها ..أول ماركبت بالتكسي مسكت هاتفها وحطت ع اسمو وسجلتلو صوت
حور :إيتاش احزر شوو؟!أنا صرت بالبلد خلص ماعاد في مهرب لازم بقى أشوفك ونلتقي جهز حالك ماشي؟
ضبت هاتفها وهي لسا عم تطلع بالشوارع وبدون استئذان دموعها بلشو ينزلو ..هالدموع يلي بينزلو كل مرة ع نفس السبب وبينقضو وعدها لحالها إنها تنسى وتقوى وماعاد تبكي ..بس بكل مرة بتكتشف إنها لساتها عالقة بالماضي بهداك الوقت والزمان...قلبها رافض ينساه وعقلها كل مرة بخونها وبيرجع يستحضر صورتو بذاكرتها..بخونها لدرجة بذكرها بكل تفاصيلو يلي محفورين حفر بعقلها وكل جوارحها ..كان شي بيوجع ..بتعرف لما بتصيبك غصة بتوقف بحلقك وبتوجع قلبك بتخلي كل الحروف عاجزة إنها توصف وجعك..لما يكون حدا محتل مكان روحك وقلبك بس بعيد عن عينك ومستحيل تطولو إيدك أو تفكر ترجع لعندو أو تشوفها لأني كل شي إنت عم تعانيه بسببو...صحاها من حروبها مع نفسها صوت الشوفير يلي عم يخبرها انهم وصلوا

حور :يعطيك العافية استناني شي نص ساعة ورح أرجع
الشوفير :تمام يا آنسة
نزلت حور قدام مبنى شركة عادي مو كبير ولا هالفخم كتير..كانت عم تطلع فيو وتبتسم وبعدها تقدمت وفاتت ع هالشركة
_____
فتحو باب القبو وزتو شذى لجوا وهي بلشت تسب وتعيط
شذى :هااااشم والله لتندم وبكرى بتشوف ..مارح أخليك تتهنى ..طااالعوني من هون يا كلااااب
بس ماحدا كان يرد عليها..أخدت نفس وطالعتو بهدوء مع دموعها يلي عم ينزلو بهدوء ويحرقو خدها وهي عم تتطلع بالباب والحال يلي وصلتلو ..بلشت قواها تضعف وبركت بزاوية من زوايا المستودع يلي كان فاضي ومافيو غير شباك صغير محمي عم يجي منو ضو..ضلت باركة كتير وهي غارقة بفضاء هادي وبارد..ماكانت عم تحسن تفكر بشي ..حست ع شي رج بجيبها وتذكرت هاتفها طالعتو لتشوف انو مافي غير %1 أجت تبعت لحازم بس ماكان في تغطية وطفى هاتفها يلي ما انتبهولو ..ابتسمت بمرارة وهي عم تطلع كيف كل الأبواب عم تسكر قدامها والنحس عم يحاوطها..بس من بين كل هالظلام انفتح الباب وظهر شخص ملتم مو مببن منو غير عيونو السود وصار يطلع عليها وهي متفاجأة في هالشخص ..اطلع حواليه بعدها أشرلها بايدو منشان تجي لعندو ..كانت مستغربة شو عم يصير ومين هالغريب وضلت صافنة فيو
....:تعي ع السريع ماعنا وقت
شذى :أأأنت مين ؟
....:إذا بدك تطلعي من هون تعي معي ع السريع
شذى :بس
....:مابدك أنا رايح ضلك هون
تقدمت شذى ع السريع وطلعوا من القبو ..توجهوا ع منطقة محاوطة بالسياج بس كانت واطية وطلع وشدها وطلعوا من البيت ومشيو شوي لوصلوا لسيارة ركب فيها وهي لسا مصدومة ومو فاهمة شي
....:يعني ع كل شغلة لازم أقلك تحركي؟.. ع السريع إركبي بلا ما حدا يشوفنا
ركبت معو وهو انطلق بالسيارة وبعدو عن الفيلا..وبلش يسوق بطريق ترابي
شذى :انت مين ولوين آخدني إحكي كلمة وشيل هالقناع أنا ماعم أفهم شي
....:لا تخافي إنت هلق بأمان
شذى :حازم بعتك؟
....:مين حازم؟
شذى :ابن راجح يعني مين !
....:انا عرفت حازم لاعرفلك راجح؟
شذى :لكا مين إنت وليش عملت هيك؟وكيف دخلت ع الفيلا؟وليش أنقذتني؟ولوين آخدني؟وشو بدك مني؟

....:ما بدي منك غير تسمعيني سكوتك وتخليني أعرف أسوق
زورتو شذى ودارت وجهها ع الشباك لأني ما عندها خيار تاني
__
وصلت حور لقدام مكتب أحمد وأجت لتفوت بس استوقفها صوت نور يلي مستغربة منها
نور :عفوا يا آنسة بس شو مفكرة شركة أبوك جاية وعم تفوتي بدون لا إحم ولا دستور
ابتسمت حور وماردت عليها ودخلت وأجت نور وراها
حور :سووربراااايز
أول ما شافها أحمد فتح عيونو وانصدم وقام فوراً حضنها بقوة وحرارة وع شوي رح يدمعو عيونو
أحمد :حور يا قلبي وأخيراً
حور :بالله شلون هالمفاجئة
بعدت عنو ومسحت دموعها تحت أنظار نور يلي بلشت تغلي فجأة وهي شايفة أحمد عم يحضن هالبنت يلي لابسة شورت قصيير وبلوزة بيضا قطع راسمة جسمها
أحمد :ليش ماقلتيلي كنت جيت استقبلتك من المطار وعملتلك عراضة من باب المطار لباب الشركة
حور :لو بعرف هيك كنت قلتلك والله ههههه ماحبيت أعذبك
أحمد :من كل عقلك بتحكي والله كنت رح كون أسعد إنسان بهالعذاب
حور :مو مشكلة عذب حالك واطلبلي شي أشربو
أحمد :لك اطلبي روحي أنت...نور وصيلنا ع شي
التفتت حور ع نور يلي كانت واقفة وعابسة وعم تطلع فيهم..بس بالحقيقة هي كانت عم تاكلها الغيرة من جوا
أحمد :شوو نور عم تسمعيني؟!
بصعوبة ابتسمت ابتسامة صفرة وهزتلو براسها وطلعت وهي عم تكز ع سنانها
قعدو حور وأحمد وبلشت تسأل ع أمها والأحوال
أحمد :ماقلتيلي شلون خربتيها وأجيت
حور :والله سمعت أنو طلع عندي أخت وقلت بجي بتعرف عليها
أحمد :قصدك ليانا ؟أنا متاكد رح تحبيها كتير
حور :لاا بتحكي جد؟يعني أنت هيك متقبلها عادي ولا كأنو البنت عاملة شي
أحمد :حوور بزعل منك شو دخلها البنت هي تخبيصات أبوكِ..بعدين صح أنا كمان بالأول فكرت هيك بس جد وقت تعرفت عليها البنت كتير بتنحب مجرد ما تبركي معها كتير بترتاحيلها وبتشيل الهم عن القلب
حور :جد عم تحكي؟
أحمد :اي والله كتير فرفوشة وهبلة وبتغرق حالها بشبر مي
حور :شو سيد أحمد شايفتها أخدت محلي وصارت الكل بالكل يا بعدي
أحمد :شوفوا الهبلة لك إنت مارح تكبري.. كبري عقلك شوي إنت عندي فوق كل شي لو بصير عندي ألف غيرك
حور :في بالي ماعدت مدللتك
أحمد :مو عيب هيك تحكي..بس كمان هي صارت غالية علي..لازم تتعرفي عليها وأكيد رح تحبيها
حور :ماشي
فتحت نور الباب وعطتهن العصير وهي شايفة أحمد شقد طاير من الفرحة مع هالبنت يلي أول مرة بتشوفها..حطت العصير وطلعت وأحمد ولا عبرها
نور :مين هالحيه الشقرة لاازم أعرف ومستحيل اسأل أحمد..طلع واحد نسونجي حابب وحدة ولا لابستلي لبس تقولي جاية من أوروبا ع هالمنظر وأحمد أفندي بارك عم يطلع عليها ويضحك ومبسوط فيها كمان ..اييه شو عليه يا أحمد.....اصلا أنا ليش كتير مهتمة لجهنم هنن التنين شو بدي فيهن..ليش أصلاً عم فكر وقاهرة حالي يسطفلوا

كانت في أفكار عم تتسلل لعقل نور بس هي ماعم تخليها وعم تنفضها فوراً..بس هالغيرة مالها غير تفسير واحد ويلي نور رافضتو

#سلاسل_متشابكة
#الجزء_الرابع
#بقلم_شذى
بعد تلت ساعات صف الشب سيارتو قدام بيت وطلّع ع شذى كانت غفيانه..ماعرف شو يعمل ضل يطلع فيها ويتأملها وهو محتار يفيقها ولا يعيفها ..نزل من السيارة حملها ودخلها شوي شوي ع البيت وبرك يفكر شو بدو يعمل بهالمصيبة يلي جابها لحالو
....: انا فتت آخد شي وطلعت بشي..شو بدي اعمل فيها
برك ع كرسي مقابل الكنبة يلي حطها عليها وصار يطلع فيها ويفكر
....:مالي غير كنان حل المشاكل شغلتو
راح ع السيارة وجاب مخدر وحطو ع وجها ليتأكد انها ما رح تفيق وطلع وقفل عليها الباب وانطلق بسيارتو
___
بفيلا هاشم
كان صافف رجالو قدامو وعم يطلع فيهم نظرات قاتلة وهو واقف وساند اديه ع المكتب..تقدم وبلش يتفتل حوليهم وهنن متوترين
هاشم بهدوء:كيف صار هيك
رجال:والله يا بيك كنت عم احرس المستودع ولا بيجي واحد ملتم بحطلي مخدر و..
هاشم:وانت ياروح امك بتناام ريتك مالك فايق...وانتو يلي عم تحرس برا كيف بفوت حدا ع نص بيتي وبيخطف ليانا ..لشووو حاطتكم اناااا ااااه فهموني
رجال:يا بيك نحن اتفقدنا الكميرات وشفنا انو فايت وملتم ع الفيلا بعدها طلع ع الحديقة ضل فترة منيحة بعدها فات ع المستودع وخطفها للانسة
هاشم:شي حلوو والله وانتو حاطينكم حراسة حتى تشربوا قهوة واطقوا حنك ماهيك!انقلعووو لبراااا وبدكم تجيبولي ياهن هنن الاتنين من تحت سابع ارض فهمان منك الو
هز الرجال راسهم واشرلهم هاشم حتى يطلعوا وهو عم يفور ويغلي ..كلمات شذى لسا عالقة بادنو وعم يفكر فيها ..بلشت اجليه تاخدو لغرفتها فتحها وفات اتأمل الغرفة بعدها اخد مشط الها كان ع الكوميدينا طالع منو شعر وطلع فيو
هاشم:مالي خسارن شي برجع بتاكد ..وعندي احساس انو هالبنت مخبيه وراها اسرار كتيرة ولازم اعرفها واول شغلة لازم اعرفها هي مين بتكون..معقول أمير عرف شي وهو يلي بعتها ....ما اظن مستحيل ..في شي عم يلعب وانا لازم اعرفو

__
من وقت ما استلم الرسالة انقلب كل كيانو هنن هلق بنفس البلد ..حرفيا قلبو دايب عليها بس مافيو يطلع بعيونها يلي سهر ليالي يتصفن فين من ورا شاشة الهاتف ويتذكرن
حازم:ليش اجيتي كنت ضلك بعيدة ولا تعذبيني..ايمت رح يجي النصيب يلي يجمعني فيك ..لايمت رح نضل هيك لا بحسن انساك ولا بحسن اوصلك
فات أردام وهو عم يغني ويرقص ومفرفش ..طلع فيو حازم وابتسم ابتسامة جنابية
حازم:انت دائما فاصل
اجا أردام ومسك ايد حازم يدبك معو وحازم واقف وعم يطلع فيو ونفسو يسلخو كف يطيرو
حازم:حل عني ما كان ناقصني غيرك
تركو وراح ع غرفة امو...كانت نايمة بسريرها وباين انها متحسنة شوي قرب طبع بوسه ع جبينها
حازم:ادعيلي امي انا عم ضيع عم اتعذب مو قادر اعمل شي ومحدا راضي عن شي
____
فاقت الساعة وحدة بالليل وحاسه راسها رح ينفجر كانت الاضاءة خافته وعيونها يا دوب عم يتفتحوا اطلعت بالمكان كمحاولة منها تستوعب وين هي ..شافت حدا نايم بالصالون وعاطيها ضهرو
شذى بقلبها:اكيد هادا هو يلي جابني لهون...مابعرف ليش انا مرتاحة زيادة هون مع اني بمكان غريب مع شخص غريب بظروف اغرب ..طيب اقوم اهرب ولا استنى اشوف شو بدو ..طيب والله عم حس حالي متل الاطرش بالزفة ماعاد عرفت انا شذى ولا ليانا هلق ..يااربي انت ساعدني
صارت تسمع اصوات كلاب وحيوانات برا البيت
شذى:لك هادا لوين جايبني ليكون بغابة يعني هلق اذا بدي اهرب رح اصير وليمة للحيوانات المسكينة برا..احسن الشي اكمل نوم ولنشوف للصبح شو بصير....

الصبح فاق الشب وراح لعندها وضل واقف فوق راسها وقريب منها وعم يطلع بوجهها..فتحت شذى عيونها لتصتدم بعيونو السود يلي كانو عم يطلعوا فيا ووجهو الحنطي يلي لاول مرة عم تشوفوا..بعد عنها وراح المطبخ وهو لسا ما حكى ولا كلمة..استغربت تصرفو وقامت لحقتو شافتو عم يحضر فطور
شذى:انت اخرس
....:لاء
شذى:طب شو اسمك حتى اعرف احكي معك
....:تميم
شذى:طب انت بتعرفني؟ليش جايبني لهون
مارد عليها وكمل الفطور وبرك واشرلها تبرك..وهي انغاظت منو ومن تجاهلها الها وتعاملو البارد معها
شذى:مابدي اكل بدي حكي
تميم:تسطفلي
شذى:كيف يعني اسطفل لشو جايبني بالله
كمان مارد طلع فيو شذى وزوتو وراحت ع باب البيت كان مفتوح..استغربت واجت لتطلع لبرا بس بيطلع هنن جد بمكان كلو شجر متل الغابة..سكرت الباب ورجعت لعندو وهو عم ياكل ولافي شي هامو
شذى:طيب في شاحن هون
هزلها راسوا بالنفي..تأففت وبركت ع السفرة تاكل وهي قالبة وجهها ....خلصو فطور وراح تميم بركب الغرفة
تميم:تعي ابركي خلصيني
شذى:ماشاءالله وطلعت بتعرف تحكي واخيرا
تميم:هلق انت شلون هيك من الصبح عندك قدرة تحكي انا اول ما بفيق بضل ساعتين مالي طايق اعمل شي

شذى:كنت متلك بس مع الوقت والشغل تغيرت..المهم يعني هلق صار فيك تحكي
تميم:اي...شو بدك تعرفي
شذى:كل شي بلش من الاول
تميم:قبل ما ابلش انت وقت كنا بالسيارة سألتين ع واحد اسمو حازم وابوه راجح
شذى:اي؟!بتعرفن
تميم:عائلة بورسن صح؟
شذى:اي صح معناها بتعرفن ليك وديني لعندهم وبعطيك شو ما بدك
تميم:هدي شوي.. في شغلات كتيرة بدي احكيلك ياها وانت في شغلات لازم تقوليلي ياها
شذى:متل شو؟
تميم بهدوء:شو علاقتك بهالعيلة وشو شغلك معن
شذى:....
تميم ببرود:ليك انا حاسس انك ضايعة وبدك مساعدة وانا ورح ساعدك لو غير هيك ما انقذتك من هاشم يلي رح يقتلك
شذى بصدمة:شووو هاشم كان رح يقتلني
تميم:هيك توقعت لكا ليش حبسك.. متل ما انت عندي اشارات استفهم انا كمان عندي ولازم انلاقي اجوبة لتنشال كل الاشارات
شذى:بس انا مافيني احكيلك شي
تميم:ليش؟
شذى:كل يلي بحسن بحكيلك ياه انو راجح وابنو اكتر ناس مناح معي وعم يساعدوني حتى ارجع حقي
تميم:بتحكي جد ؟انت متأكدة انو راجح بورسن شخص منيح
شذى:اي وكتير كمان
تميم:مابدي اخيب امالك فيو بس هو شخص سيئ كتير بس ابنو للامانة مابعرف..وان عمل معك معروف باكيد عم يستنى اضعاف مضاعفة
شذى:لا ما اظن انت اصلا من وين بتعرفن
طالع تميم جزدانو من جيبوا وفتحوا وورجاه شارة محقق وفورا ضبها
تميم:لاني محقق وبعرف منيح شو عم احكي
شذى:يعني انت من الشرطة؟
تميم:فيك تقولي هيك منشان هيك انا فيني قلك انت بأمان هلق وانا هون بس حتى اساعدك مو اكتر ولا اقل وهي مهمتي وراجح يلي عم تحكي عنو شخص مجرم وخطير كمان هادا غير تقربو من امير شاداوغلو منشان هيك ياريت تحكيلي قصتك
شذى:راجح بيشتغل مع أمير؟؟!!لاا اكيد انت مخربط مستحيل
تميم بجمود:ياريت يا انسة ماتشككي بمعلوماتي وتكوني متعاونة وانا رح اعمل كل جهدي حتى اساعدك...وهلق يااريت تقوليلي من وين بتعرفي راجح وليش هاشم كان حابسك عندو
شذى:طيب رح احكيلك بما انك شخص منيح وانقذتني...اول شي هاشم بكون عمي انا بابا مات وقت كان عمري ست سبع سنين وكان وقتها عندو ورتة واملاك تركها الي ولأمي..رغم انو هاشم كان عندو املاك ومصاري بس هو نصب ع امي واخدلها مصاريها وكان رح يتجوزها غصب عنها

تميم:هلق بما انو عم تقولي كنت صغيرة معناها امك يلي حكتلك وليش عم تقولي هاشم مو عمي
شذى:لاء امي ماحكتلي شي في شغلات بتذكرها وفي شغلات من فترة عرفت تفاصيلها وبالنسبة لهاشم انا عشت15سنة بعيدة عنو وكمان ماما وقت تحكي تقول هاشم
تميم:تمام كملي
شذى:المهم ماما ما قبلت تتجوز عمي واخدتني وهربنا لمنطقة بالريف عشنا هونيك..ماما تعذبت كتير ماعافت شي الا واشتغلتو حتى تعيشني عشنا ايام فقر كتير وايام الله بيعلم فيها وكل هالشي بسبب هاشم يلي كان عم يتنعم بكل شي وتاركنا
تميم:معقول؟!بس يلي بعرفوا هاشم مو شخص سيئ لهالدرجة
شذى:لا صدق لك حتى ولادو طفشوا منو...ع كل حال ضلينا هيك حتى صار عمري18سنة يعني تقريبا من اربع سنين بلشت امورنا تتحسن وصار في حدا احيانا يحطلنا مصاري قدام الباب واحيانا غراض ودائما كان عليهم علامة بحرف الB ماما كانت تستغرب بس انا كنت افرح انو في حدا بهموا امرنا وعم يساندنا ويساعدنا وخصوصي وقت حطلي قدام باب البيت منحة من منظمة خيرية قدرت فيها ادخل الفرع يلي حبيتو وفتت حقوق وعدت تلت سنين بعدها بلشت ماما تتعب وتمرض وناخدها من مكان لمكان بعدها طلع معها سل(بهاللحظة نزلوا دموع شذى بدون استئذان وهي تتذكر هديك الايام ومعاناة امها) وفقدتها من نص سنة تقريبا...ضليت وقتها وحيدة الا من جيرانا يلي كانو متل عيلتي ومن رفقاتي نور وامجد هدوا جد احسن اتنين بحياتي واغلا اتنين هنن اخواتي يلي هدتني ياهم الحياة
تميم:الله يرحمها ويغفر لها..شو صار بعدها
مسحت شذى دموعها يلي مارضيو يوقفوا وصوتها بلش الالم يبان فيو وملامحها كساها الحزن
شذى:يلي صار انو بعد وفات امي بفترة قصيرة وصلني كرت مكتوب عليه رقم وعنوان وموجود عليه نفس العلامة يلي هي حرف الB وانا رحت ع هالعنوان والتقيت بصاحبهم يلي هو راجح..استقبلني بحفاوة وصار يحكيلي ع ابي وانو كان يحبو كتير..وحكالي الشي يلي قلتلك ياه ع عمي يلي امي كانت رافضة تحكيلي ياه... ما بعرف ليش بس يلي بعرفوا من وقت ماطلعنا من بيتنا يلي بالمدينة انا صرت اكره عمي لاني تعذبنا كتير بسببو وكمان ماما كانت تبكي كتير...منشان هيك وقت راجح قلي رح يساعدني اني ارجع كل شي واني اخلي هاشم ينذل متل ما عمل فيني
سكتت وحطت ايدها ع وجهها..من كتر الغصة ماعاد فيها تكمل تذكر كل شي مأساوي صاير بحياتها كان صعب..هالاشياء يلي بتوجعها دائما كانت تحاول تنساها وما تضل تفكر فيها ..بس هلق كل شي عم ينعاد بذاكرتها...مابيعرف ليش قلبو وجعوا عليها حسها شقدها متحملة وحابسة بقلبها ..بدون ارادة منو قرب وحضنها لاني كان حابب يحسسها بامان..بحنان..بدفء..مابيعرف بالضبط بس المهم يخفف عنها.....وهي اول ما حضنها فتحت عيونها وجمدت وماعاد يطلع صوتها..كان شعور غريب بالنسبة الها..بس كمان شعور حلو خلاها

تهدى..ضلت حاطه راسها بحضنو لانو خجلانة ترفعوا أصلا وكملت حكيها
شذى:حط راجح خطة محكمة من كل النواحي..كان حابكها بادق التفاصيل خلاني انتحل شخصية مو موجودة اصلا عملي جواز ..عملي اوراق ولادة..اعطاني اسم مرة ع اساس امي ويلي هي كانت حبيبة هاشم السابقة يلي خان مرتوا معها ...عطاني تفاصيل دقيقة قلي ماحدا بيعرفها غير هاشم...حتى جاب عينه دم من ابن هاشم ..وبالفعل كل شي مشي تمام وهاشم صدق كل شي وسجلني ع اساس اني بنتو وسكنت معو واشتغلت بالشركة عندو ..بس تواصلي كان مع حازم ابنو الكبير وكان شخص جد كتير منيح ولطيف حتى حسيتو متل اخي..وبيوم كان من المفروض اربح مناقصة مهمة وكان من احد الاشخاص يلي بدهن هالمناقصة أمير ويلي انغاظ مني كتير ووقت قلتلو لحازم قلي صار لازم ننهي كل شي لاني مامنعرف أمير شو بيعمل..ووقت فتت اجيب الاوراق من مكتب هاشم فات علي وشافني عم اخدن وبعدها زتوني بالمستودع
(رفعت راسها واطلعت بعيونوا)بعدها اجيت انت وانقذتني 💙
قالتها بطرقة خلت دقات قلب تميم تتسارع و ماعاد يعرف شو يحكي..حست ع حالها وانحرجت وبعدت عنو وهي عم تتطلع بالارض وهو قام وقف ومشط شعرو الأسود بايدو كمحاولة لتخفيف التوتر
تميم:بلشت افهم شي
شذى:شو فهمت؟
تميم:بعدين بقلك لاني صعب بالوقع الحالي اشرح ..بس كوني متأكدة كل شي رح ينحل ورح ترجع حياتك احسن من الاول
شذى:تميم شو رح تعمل
تميم:رح صلح كم شغلة غلط
__
خلص احمد شغل وقام يتمشى شوي بالمكتب وقف قدام الشباك وصار يتأمل السما...خطرت ع بالو نور وابتسم لا اراديا..عم يحس اتجاها بمشاعر حلوة..هالبنت عم تجذبوا بطرق عجيبة..كتير مختلف عن باقي البنات..فيها شي بينحب
احمد:وينها هي لهلق ماجابت البريد ولا شفتها متل العادة اليوم
راح ع الانترفون وقلها تجي..جت نور وكان امبين عليها مقهورة وزعلانة عطتو البريد ما حكت كلمة

احمد:شو مين مزعلي سكرتيرتي الحلوة
نور:ولا حدا
احمد:لكا شبك
نور:مزعوجة من دكتور بالجامعة
احمد:ليش شو عاملك
نور:قول شو ماعاملي حاطت حطاتو من حطاتي من وقت مالقطني عم اتفرج ع المسلسل بالمحاضرة وهو كل ما يشوفني بيحتار شلون يدايقني..وامبارحة قلعني من المحاضرة لاني بس كنت شاردة وماعرفت ارد ع السؤال يلي مافهمتو اصلا
احمد:هلق هي هيه
نور:كان جاي ع بالي اقوم اخنقوا لك خجلني قدام كل الطلاب وهو عم يضحك يبعتلوا حمى ان شا الله كان جاي ع بالي اقوم اطيرلو راسو برجلي واطلع بس استهديت بالرحمن وهديت
احمد:هههه يالطيف منيح إنك هديتي
طلع احمد ع ساعتو بعد ابتسم
احمد:طب شو رايك اغيرلك جو واخدك ع مكان متاكد انك رح تحبيه
نور:بس لسا الدوام ما خلص
احمد:بس انا المدير هون جيبي غراضك خلينا نمشي
راحت نور تجيب غراضها وهي مستغربة وفرحانة بنفس الوقت.

وقفت سيارتو قدام ملعب كرة قدم يلي اول ماشافتوا نور نسيت كل الدكتور ع بعضو..اشرها احمد منشان تنزل وهي ماصدقت واحت ركض..فاتو وشلح احمد جاكيتو ورمالها الطابة وهي صارت تنطوتها على رجلها...بعدها رمتلو ياها وبلشوا يلعبوا..واحمد يخليها قصدا تفوت حتى يشوفها عم تنط وتضحك..واحيانا يوفوت كول حتى بس يعصبها ويخليها تتوعدلوا تخسروا وهو يجاكرها
احمد:مابصير هيك حاج تكسري انت لهلق مو عارفة شو عم تلعبي
نور:لا عارفة بس انت من دقرة بتتفشكل
احمد:لاا يا ضل تقولي بتفشلك بسيقاني
نور:تقريبا..بس معك حق شلون بتمشي في مابعرف
احمد:عم تتهاضمي حتى تروحي القصة وانك عم تغشي
نور:بالله شوو قال انا غشيت مالقيت طريقة تانيه تبرر فيها خسارتك
احمد:اي خسارة وفي بينا بس هدف وهلق بجيبوا
واخد الطابة وحطها بمرماها وهي لسا واقفة
نور:اي لااا زودتها كتير هيك
خلص هي تعاد تعي نبرك..راحو بركوا ونور صارت تبتسم
احمد:منيح شفنا سنك
نور:تذكرت شغلة حكالي ياها رفيقي بجامعتو
احمد:شو هي
نور:هادا امجد مرة فات ع محاضرة دكتور اول مرة بشوفوا..ولا المايك ماكان بمحلوا فالدكتور بعتوا يجيبوا من مابعرف وين ..المهم راح امجد ليجيبو ومابيعرف اننو موصول ع بافلات المدرج..ولا بالطريق يحكي ويغني وشاف رفيقو وصار يحكو قلو مين عندكم ولا امجد قلوا ما بعرف هادا دكتور اصلع مدعبل اجردوني شوي اول مرة بشوفوا والطلاب بالقاعة كانو فارطين ضحك ووقت وصل الدكتور قلو الله لا يعطيك عافية فوت الله يخذيك بس
دارت ع احمد شافتو عم يبتسم ووعم يطلع وسهيان فيها
نور:ههه بايخة ما
ضل سهيان فيها وعم يتاملها وهي بلشت تنحرج
نور بقلبها:الزلمة من كتر البياخة كني جالوا مغص ماعاد عارف يرد
نور:نمشي؟؟
احمد:اااا
نور:وين شارد
احمد:اناا؟
نور:عليك العوض امشي خلينا نقوم
قامو واحمد حلحل كرافيتو شوي
احمد بقلبو:انت شلون بتسهى هيك...بس نور اااخ من نور ملامحها صوتها ضحكتها الناعمة حركاتها سحبة عيونها بحسهم بتجبروني اتأملها هالبنت
اخد نفس ورجع طلع في نور يلي بلشت تاخدلوا قلبو بدون استئذان..بس بنفس الوقت هو حابب هالشي ونفسوا يكمل فيه

وددت لو ظللنا هكذا إلى ما لا نهاية: هي تواصل حركاتها وتعبيراتها الساحرة غير منتبهة لي، وأنا أتأملها غافلًا عن كل ما عداها.
____
بارك حور وملانه عم تلعب في هاتفها
حور:وينو هادا ايتاش ما عم يرد مابعرف مين قايلّو اني بعبع ليش ماعم يرضى يقابلني ع اساس بيست فريند ومدري شو طلع كلو كذب
وهي عم تلعب بالهاتف وهيك فاتت ع الانستا وشافتو منزل صورة طبعا مو طالع فيها كالعادة مع موقع المكان ..ابتسمت بخبث وقامت لبست وراحت ع المكان يلي هو جنب البحر وبلشت تتفتل بعيونها ع حدا هي اصلا مو شايفتو
حور:طيب شلون بدي اعرف ها الايتاش وهو اصلا ما بينشر صورو ولا بيبعتلي ياهن مابعرف مين قلو اني بطرق عين ..اجرب ادقلو واشوف مين برن هاتفو
دقت ع اسم ايتاش وهي عم تدور عن هالشخص يلي رح يرد..انتبهت ع واحد بارك ع كرسي وعاطيها ضهرو وهاتفو بلش يرن...بلشت تقرب منو وهو رد وحط الهاتف ع ادنو
....:شو بدها الست حور هلق ...... الووو
وقفت حور قدامو واول ماشافو بعض كانت الصدمة..بلشو شفايف حور يرجفو وجسمها صار بارد وهي عم بتشوف حازم يلي ملامحوا كانت متل ملامح شخص مصعوق..بالفعل شعور صاعق كان عم يتخلخل بين خلايا حازم وهو عم يشوف حور قدامو واقفة والدموع بلشو يتجمعوا بعيونها..مافي كلام بيوصف شوقو الها كان حاسس قلبو بدو يطلع من بين ضلوعوا ليحتويها.ليعانقها..ليروح لعند مالكتو يلي صرلها سنين طويلة آسرتو بعشقها...ماكان حال حور احسن كانت حاسة الدنيا وقفت وماعاد لسانها ينطق حست الهوا عم يخنقها..كيف وهي بعد ست سنين عم تشوفوا..حبها الو يلي حاولت تدفنو الف مرة طلع دفعة وحدة وهو زايد اكتر..بجوز تفكرو هالمشاعر زايدة او مبالغ فيها بس يلي كانو عم يحسوه هالاتنين كان اكتر بكتير من هيك

حور:انت!
حازم:حور...
طلعت حور ع هاتفها وفصلت الخط وهو طلع بحزن
حور:وين ايتاش؟..هادا رقمو كيف واحد متلك مكانو
حازم:حليانه ومتغيرة كتيير
حور:هه كأنك كنت مستني تشوفني جثة بعد ما خذلتني وتركتني ولا سألت عني؟!ولا كنت مستني ارجع اخدك بالاحضان وابكي لاني اشتقتلك واني كل هديك المدة ما نسيتك..ولااا شو مستنى مني بالضبط
حازم:انا بعرف انك متمنيه كل هالشغلات تصير وانك ما نسيتيني..وانا ما خذلتك الظروف كانت اقوى مني..مفكرة كان علي سهل؟!مفكرة اني نسيتك لو للحظة
حور:منشان الله حاج كذب..بس سؤال واحد مين ايتاش؟
حازم:يلي صرلوا خمس سنين بحاكيك بكل حرقة وماكان يبعتلك صورو او اي شي بخليك تتعرفي عليه هو انا..يلي كان يسهر معك ويسمعك وويحاول يسندك انا..ايتاش اسم غبي انا حطيتو حتى ضل معك مو أكتر
نزلوا دموع حور بقهر وهي عمم تتطلع بحازم وقلبها عم يعتصر
حور:شقدك انسان حقير و اناني..لك انت شلون بتعمل هيك فيني..كيف كنت تكمل حكي وانت شايفني عم اتعذب لك...
ماكان فيها تكمل وتورجيه ضعفها اكتر وقررت تبعد وراحت تركض..عايفة حازم وراها والدموع متجمعة بعيونوا وهو عم يراقبها بحسرة لا قادر يلحقها ولا قادر يعمل شي منشانها..كان عم يتأمل حوريتو كيف متغيرة..قاصة شعرها الطويل يلي كان يحبو..عم تلبس لبس قصير يلي كان يعصب عليها كل ماشافها لابستو..عم تحط مكياج كتير..عم تعمل كل شي كان يكرهو..وكأنها عم تنتقم منو..وكأنها عم تنفض وترفض مليكتو يلي كان حاطتتها عليها
حازم:ياريت لو تعرفي يلي بقلبي..ياريت تعرفي يلي انحطيت فيو..بوقتها ماحدا رحمنا..الكل كان متفق يفرقنا..بس شو ماكان رح ضل احاول نرجع

‏لقد شاهدتك ترحل وهذا أقسى حدث مُمكن أن تُبنى عليه ذاكرة كاملة🥀🖤‏لم يلمسنِّي مِن بعدك شيءٌ حنون، كُل الأشياء قاسية وفي مُنتهى الخشونة، كل الأشياء أصبحت تؤلمنِّي، وتقلقني وتُشعرني بالعذاب .
___
كان تميم عم يدور ع شذى بالبيت..شافها واقفة عند المجلى خالصة جلي وعم تعمل فقاعات وتلعب بالرغوة وهي مبتسمة..ضل واقف ع يراقب حركاتها وكيف عم تلعب
تميم بقلبو:هلق هي جد كانت رايحة تخلي هاشم يأفلس؟مسكينه راجح ضحكان عليها وهي عم تحط كل طاقتها لتساعدو..اوووف انا شلون بدي اساعدها واساعد حالي
انتبهت عليه شذى وانحرجت وصار تغسل اديها
تميم:شو رايك تعمليلنا قهوة نشربها برا
شذى:تكرم
سبقها تميم لبرا وهو عم يتأمل هالمكان برا..طالع هاتفو ودق ع حدا
تميم:كيفك بابا...خلصت غسيل؟....اي الحمد الله دير بالك ع حالك وع جوى ..رح اجي بس والله كتير شغول هالفترة حقك علي بعرف مقصر ..بتوصي شي ابو تميم
سكر الهاتف وتنهد تنهيدة ألم وهم طلعت من بين ضلوعوا...اجت شذى ومعها القهوة وكعادتها مبتسمة..طلع فيها تميم وتلقائيا ابتسم
شذى:تفضل
تميم:يعطيك العافيه...حدا قلك من قبل انو ابتسامتك كتير حلوه

خجلت شذى وماعاد تعرف شو ترد
شذى:ههه مابعرف..بس انا هيك دائما مبتسمة متل ماما وبحب ابتسامتي كتير بحس وقت الواحد بيبتسم بصير عندو طاقة ايجابيه..حتى وقت كنت بمنطقتي كانو اهلها كتير طيبين والكل هناك كان يبتسموا لبعض
تميم:والكل كانو يشرحوا حكيهم باديهم متلك كمان؟
شذى:لاء😅مابعرف ليش بس لازم وقت احكي استخدم ايدي بالشرح بحس هيك بعبر عن يلي جواي اكتر وبوصل الفكرة صح
سكتوا الاتنين وصارو يشربوا قهوتهم بهدوء..سمعت شذى صوت شي عم يتحرك..طلع حواليها وشافت قطة صغيرة..قامت بسرعة لعندها وتميم مستغرب شو عم تعمل..شوي اجت هي والقطة
شذى:تميم شوف ما احلاها
تميم:بتحبي القطط؟
شذى:اي شوف شو كيووت ياعمري ما احلاها وعيونها زرق كمان
تميم ببرود:وين الجديد بالموضوع
شذى:رح عيفها معي ورح اسميها...رح اسميها...اماريتا
تميم:شو هالاسم؟!
شذى:هادا اسم رواية قرأتها..البطل فيها ع اسمك وانا كتييير حبيتو ..وانت هلق اخدت دورو لانك حدا منيح انقذتني متل ما عمل مع اسيل..فهي اماريتا وانت تميم ملك اماريتا
تميم:ههه متأثرة كتير بالرواية
شذى: اي يعني..ماقلتلي شو رح نعمل هلق صرلنا يومين باركين هون وماعم نعمل شي
تميم:بكرى رح نروح ع بيت رفقاتي رح يساعدونا نبلش نحل هالقصة
شذى:وهنن محققين متلك
تميم:لاء بس رح يحسنو يساعدونا
____
قاعد أمجد وقداموا اتنين خاطبين بدو يسحبلن دم..والبنت قاعدة وعم تطلع بخطيبها وخايفة
أمجد بقلبو:وبااا الهي قال نافختلي شفافها وكلها بوتوكس وهلق من هالابرة عاملتي فيها قدام خطيبها البنت الكيوت النعنوعة
الشب:لا تخافي انا جنبك هيه ابرة وهلق بقلو ما يوجعك
البنت بمياصة:مابدي مااا خلص بطلت اتجوز رجعني ع البيت
الشب:حبيبتي اتحملي شوي منشانا
البنت:خايفة كتير
أمجد:يالله يا انسة عطيني ايدك اسحبلك

اجت البنت وقعدت وهو بلش يمسحلها بقطنة ع ايدها
البنت:عم يوجعني
الشب:لك ايدك ع البنت شبك
أمجد:ياا استاذ حنش يا ريت ما تتدخل بشغلي ..وانت خلصنا فهمنا انك بتخافي وعاملتي فيها البنت النعنوعة وانت بتجيبي المغص..ما كان ناقصني غير انت وخطيبك هاتي ايدك خليني اسحب دم ريتها بتنسحب روحي واخلص
جاب الابرة وسحبلها دم وهي دمعت ودارت وجهها وخطيبها عم يجحر أمجد
بعدها اجا ورفع كمو لكتفو ليبين عضلات و إنو ما بخاف..وأمجد كان مشتهي يعمل منن سمك قد مو زنخين...سحبلو دم وطلعو
أمجد:لك هدول ايمت رح ينقرضاو ولاا لسا عم يتجوزو ويتكاثرو
طلع من الغرفة وكانو واقفين برا
البنت:حبيبي شفت شو لئيم هالدكتور
الشب:شفت شو زنخ يبعتلو حمى..اصلا اكيد غيران مننا لاننا رح نتجوز وهو حتى مو خاطب
عدا امجد من جنبهم وهو عم يستغفر..وصار يتمشى بالمستشفى...لمح بنت من بعيد وراح باتجاهها
أمجد:جوى؟؟!شو عم تعملي هون
جوى:انت؟..كان اسمك أمجد صح
أمجد:اي والله وذاكرتك قوية..شو مين عندك مريض هون
جوى:انا جاية مع عمي عندو اليوم غسيل كيلى
امجد:عليه العافيه..لازمكم اي مساعدة بدكم شي انا هون عم اتدرب وجاهز يعني بتعرفي بالسنة الخامسة منصير إنداوم بمشافي
جوى:لا يعطيك العافيه
امجد:اامانه اي خدمة انا جاهز
جوى:خلص تأكد أول ما بدي شي رح تشوفني عندك
دردشو شوي بعدها توجهت جوى لغرفة عمها
جوى بقلبها:غريب هالشب بس مهضوم ولطيف
عند أمجد كان عم يراقبها وهي رايحة وعيونو ما انشالت عنها
____
واقف أمير ع البلكون وقدامو اطلالة حلوة وعم يدق لشذى ومافي مجيب
امير:هه ع اساس دقلي بجيك اي شو عليه ..برجع بجيبك بطريقتي..وساعتها مارح تنفدي ورح تصيري من املاك
اجا من وراه واحد من رجالو
رائد:امير بيك الشحنة وصلت واستلمناها وكلو تمام
امير:عظيم..شو اخبار الحملة التبرعيه؟
رائد:عم يتم التحضير الها
امير:مابدي ولا غلط خطي هالعالم خليها تتنعم شوي..
رائد:بتأمر يا بيك
___
عند هاشم كان بمكتبو عم يشتغل بس عقلو مشوش..اخد الورق يلي نسخهم وراح ع خزنة فتحها ع بصمة ايدو وحط فيها الاوراق ورجع كل شي لمحلو
هاشم:عم تقرب آخرتك يا امير رح تلتعن انت وكل اسلافك
دق واحد الباب وسمحلو هاشم بالدخول
هاشم:شو طلع معكم
الشب:ماحسنا انلاقي الانسة ليانا ولا يلي خطفها بس لسا عم اندور
هاشم:ماهادا يلي متوقع منكم شو رح يطلع معكم...شو صار بالتحليل
الشب:عم يأسرعوا فيو قدر الامكان ويومين تلاته وبكون عندك
هاشم: ماشي روح شوف شغلك
___
تاني يوم كانو تميم وشذى ومعها قطتها واقفين قدام بيت رفقاتو..طالع تميم مفتاح وفاتو
شذى:عادي رفيقك يعطيك مفتاح بيتو
تميم بهدوء:اي نحن رفقات كتير
وصلوا ع باب الصالون وشافو بنت وشب عم يتخانقوا
البنت:والله غشاش ***عليك مابقى بلعب معك كل مرة نفس الشي

الشب:روحي يااه انت خروق ومابتعرفي تلعبي وجايه تحكي
البنت:طلع فيني بقوم بدق بخوانيق هاه كل مرة بتربح بالغش يا كذاب وبتجي بتشوف حالك علينا ومفكر حالك بتعرف تلعب مصارعة وانو شقفت سنكوح مو نافع لشي
طالع مسدسين ووجه عليها
الشب:بالفعل مارح انفع لشي غير تفضايت هالمسدسات براسك
صوت طلقة خرب البلاستيشن طلع من مسدس الشخص التالت يلي كان حاطت راسو بالابتوب ولا كأنما..صرخت شذى من الصوت الطلقة وبركت وحطت اديها ع دنيها خلتهم ينتبهوا ع الناس يلي داخلين..نفخ تميم بضيق وزورهم تلاتتهم وهنن كل واحد برك ع كنباية وعم يتزاور بعض بعدها طلع ع شذى ومو عارف شو يعمل
شذى:انت لوين جايبني خلينا نرجع دخيل الله
تميم ببرود:آسفة ع تصرف هالهمج..هنن بس كانوا عم يمزحوا وهيك عصبوا شوي لا تخافي تعي عرفك عليهم
تمالكت شذى حالها وحملت قطتها ووقفوا جوا الصالون
تميم:شباب هي شذى رح تسكن معنا لفترة حتى تنحل مشكلتها ونحن رح نساعدها ...شذى بعرف شايفة هداك الاسمر يلي بارك ع اللابتوب ولا كأنما عمل شي هادا كنان الهكر تبع الشلة والعقل المدبر وصاحب الخطط بما انو اذكى واحد بينا بس جدي بتعاملو مع الكل ...عندك هادا الاشقر اسمو ياماش هادا حطيه ع علقات وضرب رصاص غبي شوي بس قلبو طيب لا تخافي منو....عندك هون الانسة يمان بنوتة الشلة صراحة مابعرف اذا رح تتفقوا مع بعض لاني هي تصرفاتها فيك تقولي صبيانية اكتر
طلعت هي ويمان في بعضها من فوق لتحت كانت يمان لابسة بنطلون جيشي وبلوزة سودة قطع وضابة شعرها الخرنوبي
يمان:هه اهلا وسهلا وجايبة قطتك معك ياروح الماما
ياماش:هعهعهعهعههههي حلوة انت وقطتك شو اسمها
ضحكت شذى ع ضحكتو العاليه لاني كانت جد بتضحك وتجاهلت يمان
شذى:اماريتا
ياماش:رح اندهلها ريتا اسهل بس نصيحة بعديها عن يمان
شذى:ليش؟!
يمان:لاني مابحب القطط و اذا جت لعندي احتمال ازتلك ياها لكلاب الشارع
كنان:يمان اهدي شو حكينا..اهلا وسهلا فيك عنا بتمنى نساعدك وتساعديني
ابتسمتلن شذى وبركت جنب تميم

#سلاسل_متشابكة
#الجزء_الخامس
#بقلم_شذى
من الصبح بكير عم تجهز نور حالها لتروح ع جامعتها
نور:أمجد بدك اعملك فطور قبل ما اروح
أمجد:لا روحي انا بعمل بس نور مالك ملاحظة شي
نور:شذى ما..صرلها كذا يوم مو باينه مالها بالعاديه
أمجد:بلشت خاف عليها اخر مرة كانت بدها تجيب الاوراق وتخلص وهادا وجه الضيف
نور:لك لاا تتشائم اليوم بشوف وينها
وراحت ع جامعتها وبعدها ع الشركة..بمكتب احمد كانت عم تعطي البرنامج اليومي بتفوت بهالاثناء حور لعندن
احمد:وانا عم قول ليش الشركة منورة
حور:منورة فيك حبيبي
احمد:شو رح نبلش شغل اليوم
حور:اي حاج صار لازم حط لمساتي في هالشركة
احمد:يالله لنشوف..نور خدي الانسة حور ع المكتب يلي جهزنالها ياه
حور:آنسة!! ايه والله حلو معناها مالي معاملة خاصة
احمد:شي اكيد الشغل شغل ولازم تعرفي أنا مدير صارم أي غلظ في عقاب
حور:هالله هالله حتى علي؟!
أحمد:أكيد جوا الشركة غير برا يالله نور وديها ع مكتبها
كانت نور واقفة وعم تطلع فيها بغيظ وعقلها لسا واقف عن كلمة حبيبي..طلع فيها أحمد لساها واقفة وملامحها جامدة
أحمد:نور وين شاردة
نور:لا ولاشي تفضلي يا انسة
توجهو نور وحور ع المكتب
حور:يعطيك العافيه يا أمورة
نور بقلبها:يقطع عمرك شو سرنوة
نور:الله يعافيك..بس كأنما لبسك مبالغ فيو يعني عفوا ع تدخلي بس انت جايه ع شركة محترمة
بركت حور ع مكتبها وحطت شنتايتها ولفت رجل على رجل
حور:انا بحب هيك البس وشايفة لبسي عادي ومافيو شي ولو فيو شي أحمد كان حكى
هزت نور براسها وطلعت وهي رايحة تنفجر منها وبلشت تحكي بينها وبين حالها
نور:ياربي دخيلك هالمعلاق رح صير شوفها كل يوم؟! ولااا بتقلوا لاحمد حبيبي لك حبك برص الهي..وهداك احمد تف مقهورة منو كتير نفسي احطهم هم التنين واعجنهم بقلب بعضهم شوية شراشيح اش بدي فيهم
__
واخيرا خلص شحن...بهالكلمات نطقت شذى وهي عم تشيل هاتفها من الشحن ..فتحتوا وشافت رسائل ومكالمات من نور وامجد وامير
شذى:الجلق اشو بدو مني
تميم:عن مين عم تحكي
شذى:في غيرو الحمار الاشقر
ياماش:شوي هي ماحبيتها منك بينسخى تقولي عني حمار حتى لو شعري صبغة مو أشقر خلقة
تميم:انت مين جاب سيرتك يافهمان
شذى:عم احكي ع أمير مو عليك
ياماش:هادا الحقير الملعون تفي عليه من هون لعندو
شذى:ليش شو عاملك كمان
ياماش:ابن ال****خ..
ضربوا تميم ع رجلو وزورو
تميم:ياماش خلص عيب شو هالحكي...ماقلتيلي شو بدو منك
شذى:انااا بعرف من يوم المناقصة دابقني
يمان:ع شو بالله؟بظن مفكرك شي زبالة منشان هيك هالدبانة دابقتك
اجت شذى ترد بس سبقها كنان
كنان:يماان شو هالتشبيه عيب عليك لا عاد تحكي مع البنت بهالطريقة صار الف مرة نبهتك هيه مو متلك وكمان انت بتعرفي أمير وعقلاتو الضاربة
زتت يمان المخدة من ايدها وطلعت معصبة
ياماش:ههههههههه انطمز ابو عبدو
كنان:عمرينها
تميم:هدي شوي عليها شبك انا طالع لعندها
طلع وشذى عم تراقبو شلون راح مكان ما عم تحمل اوزان وتتدرب وحست بانزعاج شوي
ياماش:لا تحطي ببالك وتنزعي مراقك هي هيك عصبيه بس
شذى:مارح انزعج بس ليش هيك عاملة بحالها حرام وكمان اسمها صبياني حتى
ياماش:يا عين اياك تحكي هيك قدامها بتخلعك كف بقفى ايدها بتنزلك سنانك مسيرة قدامك
شذى:وليش بالله هو سؤال ليش كل هالقد شادة ع حالها
ياماش:بيني وبينك وهي وصغيرة كتير كانو يتمسخرو عليها وع اسمها الولاد ويعذبوها واهلها كانو يحلقولها متل الصبيان مابعرف ليش حتى في منن يعاملوها متل كانها ولد وكبرت وصارت متل مو شايفها حاطة الفرد ع خصرها وفاردة عضلاتها
شذى:حراام والله البنت حلوة كتير ما بينسخى عليها
كنان:قبل ما انسى امسكي هالشريحة واعطيني القديمة أكبها بعيد لاني احتمال يتبعوا مكانك من خلالها
واعطاها شريحة جديد
كنان:سجلتلك ارقامنا فيها كمان اكيد رح تحتاجين
شذى:شكرا كتير
شافت تميم ركب بسيارتو وراح وهي قامت لعند يمان بس وقفت بعيدة عنها وصارت تراقبها..كانو عضلات بطنها ظاهرين وجسمها كلو مشدود ومتناسق ..طلعت شذى ع حالها وكان طالعلها شوية بطن وسمنانة شوي
شذى:ههه كانما انا زايد وزني عند هاشم ومو دريانة..خليني اروح اتدرب معها واتقرب منها راحت لعندها وطبعا ابتسامتها كالعادة ع وجهها
شذى:ما شا الله كل هادا عم ترفعي
طلعت فيها يمان بطرف عينها وتجاهلتها
شذى:ممكن اتدرب معك
زتت يمان الاثقال من اديها وقربت عليها وهي عم تزورها
يمان:شايفتني كتير مستلطفتك ولا وجاية عم تبتسمي متل الجدبة ع ولا شي وهلق بدك تلزقي فيني وكانما ناقصتك
شذى:حبيبتي لالي لازقة فيك ولا شي ومالي قاتلة حالي حتى اصلح صورتي بنظرك ولا انو تستلطفيني(قالتها وهي عم تحرك اصابعها التنين لفوق وتحت وضابة الباقي)انا بدي بما انو ساكنين حاليا بنفس البيت ما تنزعجي بسببي وهلق عم حاول ابادر حتى شوي نخفف حساسيتك مني وجاية اتدرب معك

طلعت فيها يمان من فوق لتحت وهي غالقة نص عيونها..حست شذى انها لازم تختصر ع حالها وتترك المكان بس تفاجئت بيمان عم تاشرلها براسها تجي معها
يمان:امري لله خدي وعطتها وزنين ابو ال15 كيلو وهي كمان اخدت وبلشت تمرن اديها..اما شذى كانت بالزور عم تشيلهم
شذى:يمونه بصير اعمل بواحد اسفة بس انا خروق زيادة ومابلعب حديد متلك
يمان:اعملي يلي بدك ياه بس لاتناديني بهيك مياعة
وضلو يدربو او بالاحرى شذى تعذب حالها وهي عم تحاول تقلد يمان يلي كانت مبسوطة وهي عم تشوفها ورايح ينقطع نفسها
__
قاعد راجح يظبط حسابات وقدامو اوراق كتير..سمع صوت الباب عم ينفتح بحزر وفات واحد بجسمو وراسو برا عم يراقب شي..طلع فيو راجح بنفاد صبر واول ما دار انصدم انو في حدا بالمكتب
راجح:خير
اردام:خير يصيبك
راجح:شلون رح يصيبني وانا مخلفة عاهة متلك
تقدم اردام وقعد ع الكرسي ولف رجل على رجل
اردام:لااا دادي هي ماحبيتها منك بنوب مو حرام كل هالوسامة والحلاوة والحنجرة الرنانة وعم تقلي عاهة
راجح:هلق لا تضيع الموضوع وقلي ليش كنت فايت متل الحرامي يلي جاي ينبش بوراقي
اردام:لاا هادا اتهام باطل عيب تقول ع محقق وضابط متلي حرامي يوكارتك ياه(لا يعقل)
راجح:ع هامان يا فرعون والله لو تضل تحكي للصبح مارح صدقك بس صدقني اول ما اشوفك بلشت تلعب بديلك زيادة ماصعلك رقبتك وامورجيك قيمتك
وقف اردام وحط اديه بجيابو ومشى ليطلع
اردام:الله يسامحك قال جيت لارفعلك ضغط قام انت ما قصرت فيني..اصلا ما بقى بجي لعندك رايح عند امي
راجح:بجهنم بعتلي ابني حازم بطريقك
اردام بسخرية:اي رح ابعتلك ابنك الغشيمة
وطلع وهو عم يبربر...وفات بعد بشوي حازم
راجح:شو صار مع شذى افندي
حازم:صراحة مابعرف صرلي يومين تلاتة عم دقلها هاتفها مقفل الله اعلم وين غاطة
راجح:لاني هلق وقت غطاتها ماكنت تعرف تخلص هالشغلة كني عطيناها لهالبنت اكبر من حجمها وهي صدقت
حازم:مابعرف رح احاول الاقيها واذا ما لقيتها بكون هاشم كشفها او أمير عم يتسلى فيها
راجح:خسارة اذا هاشم مسكها بكون تعبنا حالنا معها ع الفاضي..ع كل حال بتوقع اذا هاشم مسكها وهي ماحكتلو مين هي رح يقتلها منشان هيك خلي رجالنا وقت يقتلها يجيبولنا ادلة بلكي منحسن نتحكم بهاشم
حازم بصدمة:بابا شو عم تحكي حرام البنت مالها ذنب لازم نأنقذها
راجح:مالنا دخل يصطفلو كلهم بقلب بعضهم المهم نحن نستفيد وبعدها فخار يكسر بعضو
حازم:بس البنت..
راجح:ليش سائل عليها كل هالشي لتكون حاببها ومالي دريان
حازم:اكيد لاء بس مابصير نعمل هيك بالبنت حرام ع اساس نساعدها وبعدها بس تستعيد الشركات نرجع الشراكة القديمة
راجح بغضب:وطلعت ****وماعرفت تعمل شي مع اننا ساعدناها كتير..هلق بدنا خطة جديدة روح خليني افكر بدل مالك بارك عم تعطيني حكمك ومواعظك
طلع حازم مقهور ومعصب من ابوه وماهو عاجبو الوضع
_
خلص دوام الشركة ونور واقفة عم تستنى التكسي..وقفت قدامها سيارة احمد وحور باركة جنبو وكانو عم يضحكو
احمد:اركبي اوصلك بطريقنا
طلعت بحور يلي باركة جنبو ودودها اشتغل
نور:لا معلش احمد هلق بيجي التكسي
اجمد:طب نحن رايحين عند ليانا بتحبي تروحي معنا
نور:لا روحو انتو وسلمولي عليها
راحو وتركو نور عم تفور وتغلي وطالعت هاتفها تدق لشذى يلي ما كانت ترد عليها..ضربت الارض بغضب وهي حاسة الدم عم يغلي بعروقها..سكرت عيونها ونفخت بضيق
نور:شذى..شذى..شذى وينك تعي مسكيني قبل ما ارتكب بهالحيه جريمه..لازم اشوفك قلبي تعبي بدي ياك رح طق
__
وصلو حور واحمد عند هاشم يلي اول ما شاف حور عانقها بشوق كبير وقلبو كان دايب عليها اما هي كانت مشاعرها مختلطة في جزء منها رافضو ماعم تحسن تسامحو..وهو كمان بداخلوا كان ندمان شوي ع يلي عملوا بالماضي
احمد:اي وينها ليانا جبت حور تتعرف عليها
تغيرت ملامح هاشم وماكان عارف شو يقول
حور:شكلها مو هون
هاشم:ولا رح تكون هون
احمد:ليش شو صايرلها شو عملتلها كمان
هاشم:ههه حتى انا بدي اعرف شو عاملها
حور:كيف يعني انا مو فاهمة شي
احمد :وينها اختي وشو صاير
هاشم:اختك؟!مابعرف من وين بدي ابلش بس متل ما نزلت ع راسي من السما انشقت الارض وبلعتها
بركوا وصار هاشم يحكيلهم يلي صار وأحمد كان مصدوم اما حور كانت مو فاهمه كتير
___
رجعت شذى ع الصالون وهي ع شوي تانيه رح تزحف بعد التعذيب يلي سمتو يمان تدريب وجسمها كلو معضل..فاتت يمان وراها
شذى:دخيل الله لك انا ما بقى بعرف اضل بحالي ياماش طلع اذا بتشوفني بدي ادحش حالي بشي شغلة او اتظارف مع شي حدا وبدي احسن صورتي قدامو بتجيبني من شعري بتشحطني بحبال وبترجعني جسمي حاستو محجر كيف هي لسا عم تمشي

ياماش:هعهعهعههههي لكا هادا ابو عبدو وين رايحه

شذى:اقوم اشوف نور وأمجد ماحدا غيرهم تذكرني يا حيف عليك يا أحمد ع اساس قال مصدق انو اخي
ياماش:هلق جد انت يا شبر ونص كنت ضحكانه ع الكل وفايته فوتك وآخده الدور جد
شذى:اول شي لا تقول عن160سنتي شبر ونص تاني شي الحجر يلي ما بيعجبك بفجك لو تشوف بس كيف اخلي هاشم يتلبك وانا هيك عامة حالي شي شغلة وباركة عم اتفلسف واحكي تالت شي عندي احساس غريب هيك جواي بقلي انو اعمالي رح ترجعلي وينضحك علي ساعتها خلي روحي الانتقاميه ونفسي العزيزة يلي بدها ترجع حقها وروح المغامرة والتخبيص تفيدني
ياماش:الله يساعد انت مخك بياخد وبيعطي كتير..بتعرفي انا بشو عم فكر
شذى:وانا شو عرفني بشو بدك تفكر
ياماش:صح لاني ما بفكر بشي في كنان بفكر عننا هعهعهعهههي
شذى:ههههههه يازلمة ضحكتك من وين جايبها كل ما اسمعها لازم اضحك شوف حتى وحنكي معضل ضحكتني
كنان:الحنك ما بعضل من الرياضة بس بيعضل من الت واللعي والعجن
شذى:بتعرف صرلي ساعة عم يقول هادا لا بيسمع ولا بيحكي حاطت راسو باجهزتو وبارك وخانس بحالو بس هلق ريتك ما حكيت
حط شذى الهاتف ع ادنها بعد المحاولة العاشرة لردت نور
نور بصراخ:خيييير نااااقصك ذوووق اشتريلك ماشايفني عم افصلك
شذى:وباااا ان شا الله بيطلع عليك تركيب غشاء طبل جديد لادني لانك نقبتيه
نور:شذىىىىى جيتي من السما عم اختنق عندي حكي عن سنين تعي لعندي بسرعة قلبي مليان وين غااطة
شذى:هه وين غاطة السؤال الاصح لوين غاطسة ووين صرت
نور:شذى مالي أمجد بس شامه مصيبة احكي احكي ما رح اعملك شي
شذى:حاسة الكلب هي عندكم ياها وراثة راضعينها مع الحليب شي؟
نور:شذى بلشت اخاف باي سابع ارض هاشم حطك
شذى:هو للامانة هاشم حطني بقبو بس اجا واحد ع الاغلب شالفني لسابع ارض
نور:وانت هيك عم تحكي معي وعادي ريلاكس يا بيبي ولا كانما شوي تانيه المصايب رح تفطسك
شذى:لاا وليك جابني وطعماني وحماني مستحيل يكون انسان سيئ بعدين هو محقق ورح يساعدني لاخلص من هاشم وراجح
ياماش:شو هاد انت مين ضحكان عليك و..
نكشتو يمان وزورتو وبعدها طلعتوا لبرا..وشذى مستغربة من حكيو
نور:ومحقق بالله شو بدو يعمل عند هاشم ولا بياخدك بكل ارياحيه من نص بيتو
شذى:هو قلي قصة طويلة بعدين رح يحكيلي ياها
نور:قصة طويلة قلتيلي مو الله يستر بس من يلي ببالي بكرى وقت يصير التخبيص للركب لاشوف كيف رح تطسي بوجه أمجد بدون ما تاخدي بزقة بنص خلقتك
شذى:لاا ولو عم تنحل شوي شوي وهالمرة جد تميم شخص كتير منيح ..قبل ما ابلش احكيلك التفاصيل مين نافخ راس نورتي ومعصبها
نور:ذكرتيني..شذى في وحدة..اقل ما يقال عنها شاضومة..حيه صفرا ..دابقة احمد فرد دبقة ولافة عليه متل الحيه وهو السطل عاطيها مجدها..مو قاهرني شي غير لبسها تقولي جايه من اوربا
شذى:لك نحن شو قصتنا مع الشقر رح اتعقد منهم بكرى بس اصير محاميه ويكون في واحد اشقر رح اعطيه حكم خمس سنين هيك بسبب الحمار الاشقر وهلق هي الحيه يلي عم تقولي عنها..بس شو بتكنلو لاحمد
نور:مابعرف ما سألتها ولا بدي أسألها بس بتقلو لاحمد حبيبي تخيلي!! وانا احمد يحكيلي مابحب البنات يلي بيلبسوا هيك ولا كان يرافق بنات الكذاب
شذى:هلق نور بدي قول شي بس روقي شوي ماشي..انت ليش حامقة حالك كل هالقد ومشغلة دودك
نور :ما بعرف دودي ليش اشتغل كل ما اتذكرها بيجي ع بالي انتفها
شذى:طب بما انك كل هالشي غيرانة ا...
نور:نعاااام انا غيرانة وع مين ع واحد متل احمد يسطفل بس انا ...انو انا هيك يعني...حسيت اي حسيت انها مو منيحة كتير هالبنت..وبما انو احمد صديقي ومديري ..ف حابة ابعدها عنو ..بس يسطفل هلق هو عم يجيب الدب لكرمو وانا خلص ما دخلني وهي ان شا الله تجي ببدلة رقص ما دخلني بجهنم ان شا الله
شذى:قلتيلي مووو رح صدقك لا تخافي
نور:يالله بلشي احكي من طق طق للسلام عليكم
____
حدا يعدلي ما فهمت..بهالكلمات قطع حور الصمت السائد بالمكان..كان أحمد وهاشم باركين وكل واحد غارق بافكارو
أحمد:وهلق شو يعني بنت ضحكت علينا وبركت بينا ونحن نايمين ومو حاسين؟!
هاشم:كيف بدك ياني اشك فيها وهي جايبه شهادة ميلاد واسماء وتفاصيل كتيرة ماحدا بيعرفها وكمان عينه الدم مطابقة وكل كلمة حكتها من سفر واقامة ودخول ع البلد كان صح
احمد:يلي باعتها شيطان حتى حسنان يعمل كل هالشغلات
هاشم:في عندك في اعلى قائمة الشياطين امير وكل واحد شغال عندو بس ما يكونوا عرف....
احمد:شوو في كمان
هاشم:ولا شي انسى
حور:بس شو الفايدة من تدمير شركاتك وافلاسك..وبعدين مين هي يلي ناصب عليها مصاري واخدلها املاكها
هاشم:لو عرفانها كانت هلق ليانا قدامي هادا اذا كان اسمها هيك

احمد:والحل!
حور:هلق انا جيت اتعرف ع بنت يلي لازم تكون اختي وانت هلق جاي تقلي طلعت وحدة جاية تخرب الدنيا ع راسك..وبعدها من نص بيتك اجو واخدوها

أحمد:حسب الكميرات يلي شفتها كان شخص وماكان اصلا جاي ع القبو كان جاي باتجاه بلكون المكتب ..ومستحيل هي تحسن فورا توصل للجماعة يلي عم تشتغل معن..يعني لو جينا للمنطق شوي الاحتمال الاكبر الشخص يلي هلق اخدها كان جاي ياخد شي منك او شي انت ما عطيتو ياه...
حور:هلق بضلوا احتمال بس لو هيك كان بعت اتصل يساوم ..بس اذا البنت حكتلوا قصتها رح يعرف انها ما بتهمك وانها مجرد جاسوسة
هاشم:بس انا هلق لازم اوصل لهالبنت بلكي كان واحد من يلي عاملين حالن معي وبحبوني هو يلي باعتها
حور:طيب ماعندها اصدقاء الا ما يكون حدا بيعرف شي او حاكيه لحدا
هاشم:ما كانت تجيب حدا ع البيت وانا ما كنت حاطط مراقبة عليها لاني اصلا ماكنت متوقع شي منها
احمد:هلق في سكرتيرتي نور هي يلي شغلتها عندي بس علاقتهم حسب ما شفتها عاديه جدا فما اظن نستفاد بشي
هاشم:مالنا خسرانين شي اسألها واستفسر عن الموضوع
حور:بس شو الشي يلي كان بدها ياه وهيك عمل بدو دوافع قوية مافي حدا بضحي بحالو للخطر ومابكون الو شي
هاشم:عم حاول اتذكر او افكر بالاشياء يلي كانت تحكيها بس ماعم لاقي شي
رجعوا الكل هالمرة يغرقوا بافكارهم ليعم الصمت من جديد
___
بعتمت الليل كان أردام والعساكر يلي معو متخباين وعم يترصدو لشاحنة من المفروض تكون محملة بممنوعات وأسلحة
أردام:انتتو متاكدين من يلي عم تحكوا ليش لهلق مافي شي
العسكري:اي هي المعلومات يلي اجتنا وسيدي هادا الطريق مقطوع ومشبوه فيو وفي احتمال تكون صح
لاح من بعيد ضو شاحنة جاية
أردام:اجيتو يا عين عمكم
بلش أردام يقرب من الشارع وهو حاطط فوقو متل العشب حتى يموهو..قربت الشاحنة وأردام ضرب ع دولابها ليختل توازنها..نزلوا الزلمين من السيارة وهنن عم يتلفتوا حواليهم..اعطى أردام اشارة للعساكر يلي جنبو وهنن فورا قامو ومسكوا الرجال يلي قاوموهم شوي بعدها كلبشوهم وخلوهم يبركوا..توجه أردام ع الشاحنة وشافها فاضية ومافيها غير صندوق صغير..فتحوا وهو رايح ينفجر وكان فيو ورقة مكتوب عليها(بتمنى تكون تسليت ومامليت وانت عم تستنى الشاحنة يلي حامة البضاعة بس للاسف يا حلو البضاعة وصلت بكل امان وسلام وسلاسة لا تزعل حبيبي بعرف انضحك عليك يالله المرة المليون بعد الالف احتمال تظبط معك يا *افندي )
جعلك أردام الورقة وبلش يصرخ ويخبط بالشاحنة وركل الصندوق يلي قدامو....من مكان اخر كان امير شايفو وهو فرطان ضحك
امير:لاا مو معقول هالأردام قال شو بدو يمسك علي شي ههههههههههه شكلي رح اتسلي فيو كتير..يالله منيح طلع في حدا اتسلي معو لاني مليت من الاغبيا يلي حولي
____
باركة نور وخايفة من ردة فعل أمجد يلي كانت ملامحوا مابتبشر بالخير بعد ما حكتلوا عن شذى..ضل دقائق ساكت وشارد بالعدم وحا العقدة بين عيونو
نور:أمجد
أمجد:امم
نور:شو رح نعمل
زفر أمجد بضيق كبير :مابعرف..الف مرة قلتلها ونبهتها بس عبس مخها حجر مابترد ع حدا خليها تتحمل نتيجة اخطائها
نور:يعني رح نتركها؟!!
أمجد:اكيد لاء يا جدبة..لازم نلاقي حل نخلص من كل شي هي حاطة حالها فيو..اعطيني رقمها احكي معها رح تجبلي ضيق تنفس والتهاب بالمخ اخر ساعة
اخد رقمها ودقلها كذا مرة لردت
شذى:مين معي؟وشلون جبت هالرقم
أمجد:لا اهلين ولا سهلين ان شا الله
طلعت شذى بالموجودين حوليها وهي فاتحة السبيكر وبلعت ريقها وابتسمت بصعوبة
شذى:أمجد يا مية اهلا وسهلا والله
أمجد:وين انت يا انسة..ليش مابقى تعرفي تبركي وتهدي انا شو قلتلك اااه؟! ..مع اي حمير انت هلق
ياماش:شوو تفضل ولااااه بتطلع ستين حمار و ابن..
سكرلوا تميم تمو وهو عم يطلع فيو بغضب وسكرت شذى السبيكر
أمجد:والنعم والله شو يا انسة مين هادا يلي جنبك
شذى:أمجد الله يوفقك اهدى شوي خليني اشرحلك
أمجد:عم اسمع تفضلي ست المصايب والنكد
شذى:هلق اكيد نور حكتلك ليش انا هون..انا منيحة كتير هون وهلق عم يفكرو بطريقة يساعدوني فيها
أمجد:حلو وانت وثقتي فيهم بسرعة كالعادة
شذى:طيب شو اعمل ما عندي خيار تاني
أمجد:عطيني حدا احكي معو
عطت شذى الهاتف لتميم منشان يحكي معو
أمجد:فيني افهم مين انتو بالضبط
تميم:انا الضابط تميم ويلي معي رفقاتي كان هاشم حاطت شذى بقبو عندو والله اعلم اذا ما كان بدو يقتلها وانا جبتها حتى نلاقي حل لمشكلتها
أمجد:وياترى شذى قالتلك انو هو عمها واكيد وقت بيعرف انها بنت اخوه واحتمال ما يأذيها وتصرفك في من وراه غايات كتيرة
تميم:هي هلق عندي اذا بدها برجعها لعند هاشم واذا بدها بساعدها تعمل يلي بدها ياه بالنهاية الشرطة مهمتها تحمي الشعب

أمجد:ماشي عطيني العنوان يلي انت فيه وانا رح اجي اشوف الوضع ومنشوف شو نعمل
تميم:الدنيا هلق ليل والوقت مو مناسب رح ابعتلك ياه بكرى