ام يونس: وقت تشوف نظرة الكسرة يلي بعين ياسمين بتنقهر من جواتها بس ما بتبين تعي خدي
بتقرب ياسمين بدها تحملو بتركد رنا وبتاخدو
رنا: بتصرخ لاا
بيلتفتو كلهن عليها ليش صرخت بما فيهن أدم
بتنئز ياسمين وبتبعد
ام يونس: شبكي صرختي واخدتي الولد متل المجنونة
رنا: خفت عليه
ياسمين: بحزن خفتي عليه مني!؟
رنا: اه لا مو هيك بس انتي ماعندك خبرة لسا بالولاد خفت تحملي بطريقة غلط تأذيه
أدم: بوقف وبينزعج من كلام رنا
ياسمين: احملو بطريقة غلط نسيانة اني طبيبة اطفال رنا!!
يعني انا اكتر وحدة فيكن رح احملو صح وخاف عليه حتى اكتر منك
رنا: مارح تحملي وتخافي عليه متل أمو بس معك حق لسا ماشعرتي بخوف الأم على ابنها ويمكن حتى ماتحسي
ياسمين: بتنصدم من كلامها وبتبتسم معك حق
يونس: بصرخ عليها رناا شو هالحكي جنيتي
رنا: ماحكيت شي خايفة على ابني وهاد حقي وبحملو لمين مابدي
يونس: بقرب منها وبياخد ابنو بتوقع ابني هاد متل مو ابنك ومرت اخي مارح تأذيه متل ماعم تفكري بس الجاهل بضل جاهل
رنا: انا جاهلة يونس
ياسمين: خلص ياجماعة لا تتخانقو مابدي احمل حدا تمام بتاخد شنتايتها أدم انا رايحة
أدم: رايح معك بينزلو هنن لتنين وبيطلعو بيسارتهن وبيمشو
ابو يونس: بيتطلع بأم يونس وبرنا ليكو انتو لتنين اذا بشوفكن عم تحرقو قلب ياسمين انتو لتنين مارح تعدو ببيتي دقيقة عم تفهمو وانتي ست رنا هلق صرتي تخافي على ابنككك
رنا: عمي بس
ابو يونس: ولا حرف خرسي انتو لتنين يلي عندكن عقم وتخلف بعلقكن اقسم بالله يلي بسمعها عم تأذي ياسمين بحرف واحد لتكون بنفس الدقيقة مرمية برا البيت عم تفهمو
ام يونس: بخجل حاضر حاضر
ابو يونس: وانتيي
رنا: حاضر عمي
ابو يونس: وانت يونس اذا مارح تضب مرتك وتأدبها رح اعرف اتصرف انا
عند ياسمين بيدخلو على بيتهن وبتجي بدها تمشي ياسمين
أدم: بيمسكها من ايدها ياسمين لاتزعلي
ياسمين: بتلتفت عليه وبتبتسم لا حبيبي مازعلت
أدم: اكيد
ياسمين: اي حقها هي وتصتفل منها لاابنها مابدها ياني احملو مابجبرها ومعها حق بجوز خافت عليه
أدم: بعرف انها عم تغيظك وتحرق قلبك خلص ماعاد نروح لعندهن
ياسمين: تصتفل حبيبي هي هيك فهمها بتمشي وبتدخل على الحمام بتوقف على لمرايا بتبتسم بتتذكر كلام رنا حرقة قلبها كلماتها شعلت جواتها الغصة والنقص بتغص وبتبلش تبكي بأنهيار (لفو شوفو الفيديو) وبتبلش تشهق بتحط ايدها على تمها لتخفي صوت وجعها
بقرب أدم من الباب وبحط راسو عليه وصوت بكاها عم يحرق قلبو بدق الباب
أدم: ياسمين حبيبتي فتحيلي لاتضلي جوا
ياسمين: مابترد
أدم: فتحيلي ياسمين كرمالي
ياسمين: بتقرب من الباب وبتفتحو وبتطلع بأدم وهي عم تشهق وبترتمي بحضنو الله يلعن الناس يلي مابترحم الله لايسامحها على كل كلمة حكتها وحرقت قلبي والله مو بأيدي مو بأيدي بتدفش أدم روح تركني وتزوج خلص مابدي عيش انا مابدي أظلمك معي اكتر وبتبلش تصرخ عليه روح روح ان شاءالله بموت انا روح
أدم: بهديها وهي عم تدفشو بعيد الشر عنك بس شو هالحكي اهدي ياسمين
ياسمين: ترتاح امك وترتاح رنا روح اتزوج كاريس وخليها تاخدك هي حتجبلك ولاد انا لا مارح اقدر انا عاقرر أدم فهام خلص بعد عنيي بتفقد اعصابها وبتبلش تضرب على بطنها انا ما بسوى مابقدر جيب ولد واحد بينعاد الصوت يلي جواتها ناقصة ناقصة انا ناقصةة وبتكسر يلي قدامها يااربب
أدم: وقت يشوفها ماعاد استوعبت شو عم تحكي بصرخ عليها ياسميننن اهديييي بيرفع ايدو وبيضربها كف
ياسمين: بتطلع فيه بعيون متل الجمر
أدم: اسف ما تركتيلي شي اعملو
ياسمين: بتطلع فيه وبتبلش تشهق قلبي موجوع ياأدم موجوع
أدم: بشدها لقلبو وبضمها سلامة قلبك سلامة قلبك بتنزل دمعتو وبيمسحها بيحملها بين ايديه وبيدخل على غرفتهن
بيتسطح وهو ضاممها لقلبو وعم يهديها لتسكن وتهدا بين ايديه وبتغفى
تاني يوم الصبح
بيصحى أدم وبلاقي ياسمين لسا نايمة بقوم من جنبها بهدوء وبيطلع لبرا بيمسك موبايلو وبكون عم يتواصل مع حدا بيبتسم وقت يوصلو الخبر
أدم: اجا بوقتو بسكر موبايلو وبفوت على المطبخ بيعمل قهوة وبفوت على الغرفة وهو حامل صينية فيها فنجانين قهوة وياسمين مرشوش على الصينية بحطها جنب التخت وبقرب من ياسمين بيلمس خدها بخفة وبيطبع بوسة على خدها ياسمينتيياسمين: بتفتح عيونها بصعوبة وبتطلع فيه
أدم: يخليلي هالصباح
ياسمين: وصباحك ياروحي
أدم: جهزتلك قهوة
ياسمين: يسلمو ايديك حبيبي
أدم: يسلملي ياكي ياروحي
ياسمين: بتتجلس وبتبتسم
أدم: بيمسك فنجان القهوة وبيعطيها ياه
ياسمين: كل هالدلال
أدم: وعندي خبر الك حلو كمان
ياسمين: بتشرب شفة من القهوة شو هو
أدم: تواصلت مع عمة أسر

ياسمين: بتبتسم بفرح عم تحكي جد أدم
أدم: في بينا مزح
ياسمين: بتحط فنجان القهوة وبتنط على أدم وبتبتلش تبوسو وتغمرو بحبك بحبككك
أدم: بيضحك ههههه وانا بحبك ياروحي
ياسمين: رح احكي معو أدم
أدم: اي بس هو هلق بالمدرسة ليرجع رح تتصل فيني وتحكي
ياسمين: ياروحي وصار يروح على المدرسة ياترا كيف صار كبر اكيد يقبر قلبي
أدم: هههه طولي بالك بعيد الشر هلق بغار ها
ياسمين: بتبوسو لا انت الأصل ادومتي
أدم: يخليلي ياسمينتي
ياسمين: رح قوم غسل واللبس لنروح على المستشفى تمام
أدم: حتروح اول على الدكتورة
ياسمين: بتختفي ابتسامتها تمام
أدم: اذا مابدك خلص بلاها
ياسمين: لا عادي بروح رح البس ومنطلع
أدم: عم بستناكي
بتلبس وبينزلو بيمرقو على الدكتورة بتبدلها الدوا لياسمين وبتقلها في تحسن بوضعها وفي أمل صار ٤٠% انو تحمل
بيطلعو من عندها وبروحو على المستشفى
عند أوس
بكون ماشي بالجامعة هو ووحدة معو بالمحاضرة وعم يحكو بتكون ماسة واقفة من بعيد عم تراقبو وجواتها نار مدايقة ومابتعرف ليش
بينتبه عليها أوس بيترك البنت وبقرب منها
أوس: صباحو الماسة
ماسة: بنشافة صباح النور وبدها تمشي
أوس: بيمسكها من زندها هدي هدي لوين هلق اجيت لسا
ماسة: بأنزعاج شو بدك أوس
أوس : شو شو بدي بدي حكيكي
ماسة: مافي بينا حكي روح احكي مع يلي كنت ماشي معها
أوس: بيبتسم كأنك غيرانة ماسة؟!
ماسة: بالله لا ليش بدي غار
أوس: لكن ليش معصبة ودقات قلبك سامعهن لعندي اه
ماسة: ما حزرت مابغار اصلا ليش بدي غار عليك مين انت
أوس: بقرب منها وبيمسك ايدها بحطها على قلبو انا يلي قلبي بدوب كل مابشوفك انا يلي حفظت دقات قلبك دقة دقة انا يلي مغروم بنظراتك وخجلك هاد بدم تعرفي مين انا كمان
ماسة: بتتسارع دقات قلبها وبتتلبك أوس تروك ايدي
أوس: بيبتسم طيب بقرب ايدها من شفافه وبيطبع بوسة على نبض ايدها وبيتركلها ايدها
ماسة: بصير وشها احمر من الخجل
أوس: دخيل يلي غار
ماسة: ماغرت
أوس: اي طيب انا غلطان مو هيك بالاذن
ماسة: الله معك
أوس: بيمشي وبيعكس موبايلو عليها ليشوف شو عم تعمل
ماسة: بتزفر بضيق وبتمشي
أوس: بيضحك عليها وبيمشي
عند ريحان بتكون ماسكة بأيدها الورقة ومترددة تروح او لا بتطلع من غرفتها
ريحان: امي
نرجس: نعم
ريحان: بدي روح على السوق
نرجس: السبب مو عندك دراسة وامتحانات فوتي درسي
ريحان: امي حجيب كتاب ناقصني وبشتري اكلات وبرجع مابطول ساعة بس امانة
نرجس: طيب بس لا تتأخري ساعة مافي غيرها
ريحان:طيب الله يخليلي ياكي
بتفوت ريحان بتلبس بنطلون جينز وبلوزة وبوط بتربط شعرها وبتنزل
بتمسك موبايلها وبتكتب الرقم وبترن
برن موبايل عمار وهو بالسيارة
عمار: بيفتح الو
ريحان: بتردد ألو
عمار: بيبتسم وقت يسمع صوتها
ريحان: انا ريحان
عمار: عرفتك اهلين كيفك
ريحان: منيحة رح تلاقيني بالكافيه
عمار: تمام وانا رايح لهنيك مابطول
ريحان: بس ليك صدقاً اذا الموضوع مالو اي اهمية رح اقلب الكافيه على راسك وبتعرفيني بعملها
عمار: بيضحك هههههه أمرك ياستي قبلان
بتسكر ريحان وبتركب تكسي وبتروح على الكافيه
بوصل عمار قبلها وبينزل بيعد على الطاولة عم ينتظرها
بتنزل ريحان من التكسي وبتدخل على الكافيه بتطلع بيلي اعدين لتلمح عمار
بشوفها عمار بوقف وبأشرلها
بتمشي لعندو
عمار: نورتي
ريحان: شكرا
عمار: تفضلي اعدي
ريحان: بتعد وعم تطلع فيه وبيلي حوليها بغرابة
عمار: شو تشربي
ريحان: بلا الذوق تبعك احكي شو بدك وبدي امشي يلا
عمار: مابصير لازم تشربي
ريحان: خلصني نسكافيه
عمار: تكرمي لو سمحت
بقرب النادل
عمار: واحد نسكافيه وواحد قهوة سادة
النادل: تمام
عمار: بيتطلع بريحان وبيبتسم
ريحان: شو الموضوع
عمار: طيب طولي بالك ليش مستعجلة
ريحان: ليك لا تلعب بأعصابي لا احكي لا بقوم وبتقوم
عمار: بيمسك ايدها خلص اعدي رح احكي
ريحان: بتعد هات لشوف
عمار: ريحان
ريحان: بتطلع فيه وقت نطق اسمها كأنها اول مرة بتسمع اسمها بهالجمال نعم
عمار: انا
ريحان: انت شو
عمار: من وقت ماشفتك سحرتيني
ريحان: ما بتستغرب من كلامو لانها متوقعة يحكي شي بس جواتها دايب
عمار: مابعرف شو بصرلي وقت شوفك بتخدر اي بتخدر ريحتك عيونك نظراتك لك حتى عصبيتك وطولة اللسانك
ريحان: بتكون ساكتة وقلبها عم تعلى دقاتو لخبطة جواتها هي وعم تسمع كلامو ماعم تعرف تحكي شي
عمار: بيمسك ايدها
ريحان: بترتعش من لمستو
عمار: لا تقولي اني عم بلعب بمشاعرك او تفكري فيني غلط انا حبيتك ريحان حبيت صغر عقلك وبرائتك لقيت فيكي البنت يلي بحلم فيها العصبية الحنونة المجنونة طويلة للسان انا
عمار: بحبك ريحان
ريحان: بتتلبك اكتر بتطلع بعيونو يلي عم يشدوها لتغوص فيهن وبلمعتهن

بتطلع غنية اخيراً قالها بالكافيه
عمار: شوفي الصدفة بيبتسم وهو ماسك ايديها وماعم يتركهن احكي شي
ريحان: انا انا مابعرف شو قول فاجأتني
عمار: تطلعي بعيوني وبيوصلني جوابك
ريحان: بتطلع فيه وبتزورو
عمار: بيضحك ههههه شو هالنظرة هي حتقومي تقتليني !
ريحان: بتبعد ايدها عنو انا قلتلك اني رح اقلب الكافيه على راسك
عمار: وانا على قلبي متل العسل
ريحان: بتبتسم انت مصيبة على راسي
عمار: انا ولا انتي
ريحان: ليش حبيتني اذا هيك!
عمار: بيتطلع فيها وبيبتسم القلب ومايهوى
ريحان: امم بس انا
عمار: لاتقوليلي جوابك بحط ايده على قلبها وبغمض عيونو
ريحان: ماعاد تقدر تسيطر على نبضها
عمار: بفتح عيونو وبيتطلع فيها عرفت الجواب
ريحان: بتقوم انا بدي امشي
عمار: ماشربتي لسا شي
ريحان: مابدي اشرب
عمار: طيب خليني وصلك
ريحان: لا بروح لحالي
عمار: متل مابدك بيطلعو هنن لتنين
بوقف بالحارة يلي حاطط سيارته فيها بتكون مافيها عالم
ريحان: انا حروح بدك شي
عمار: سلامة قلبك اي بس شغلة
ريحان: شو هي
عمار: بس بيتطلع فيها لاتكسري هالقلب يلي حبك معلش شريرة خانم بيمسك ايدها عطيني كلمة مفيدة ريحي قلبي
ريحان
ريحان: بحركة لا ارادية بتقرب منو وبتبوسو على خدو
عمار: بينصدم من حركاتها يلي مالو متوقعها
ريحان: بتبعد عنو وبتهرب فوراً
عمار: بكون واقف من الصدمة لسا حاطط ايده على خدو بدون مايحكي كلمة بيركد وراها مابلاقيها بيرجع بيبتسم وصلني جوابك وبيركب سيارتو وبيمشي
ريحان : بتوقف تكسي وبتركب وبترجع على البيت
عند ياسمين بيرجعو على البيت هي وأدم
بتكون واقفة وعم تمشي بالبيت عم تستنى ترن عمتو لاأسر
أدم: ياسمين شبك اعدي دوختيني
ياسمين: لهلق مارنت قالتلك ساعة هي صرلها تلت ساعات
أدم: الا ماترن طولي بالك
ياسمين: بتضل عم تفتل بالبيت واعدة على اعصابها
برن تلفون أدم بتركد بتمسكو وبترد
ياسمين: الو
سراب: مرحبا كيفك دكتورة
ياسمين: بتكون عم تحكيها فيديو اهلين كيفك انتي شت سراب
سراب: الحمدلله
ياسمين: هيك بتقطعيني هيك
سراب: معك حق والله حقك علي بس ماقدرت جيب رقم فوراً والتهيت بأسر وبنتي
ياسمين: باللهفة عطيني أسر فرجيني ياه
سراب: يلا
ياسمين: بتطلع بأدم وبتبتسم
بيمسك أسر الموبايل
أسر: ياسمينتي
ياسمين: بتطلع فيه وقت تسمع اسمها من تمو بأشعر بدنها بينزلو دموعها شوقها الو ماقدرت تمسك دموعها أسر ياروحي

#يتبع

..الموسم الاول
#معجزة ـ الحب
#الجزء السابع
أسر: كيفك انا مشتقلك
ياسمين: ياروحي انت لك انا حموت عليك كبران ياروحي شو هالشعرات الحلوين
أسر: اي طولتهن وعملتهن متل أدم بعرف بتحبي هالموديل
ياسمين: ياروح روحي انت بجننو
أسر: مابدك تجي لعندي تشوفيني انا صرت روح على المدرسة وعندي رفقات وعم بدرس والاول على صفي بدي اطلع دكتور متلك وارجع لعندك ياسمينتي ليش عم تبكي
ياسمين: بتمسح دموعها ماعم ببكي ياروحي بس لان مشتاقتلك كتير عنجد كم رفيق عندك
أسر: قصدك كم رفيقة ما برافق غير البنات لانهن بحبوني كلهن والصبيان غيرانين مني
ياسمين: بتضحك هههه ياازعر البنات حوليك لكن
أسر: ايي هههه
ياسمين: بتلف على الصورة يلي معلقتها ببيتها بتكون رسمة أسر يلي تركلها ياها شوف وين حطيتها
أسر: يااي ياسمينتي معلقتيلي رسمتي
ياسمين: اي مشان كل ماشوفها اتذكرك
أسر: بحبك كتير واشتقتلك
ياسمين: وانا بحبك اكتر ياروحي ومشتاقتلك كتير كتير
أسر: بيركد وبفرجيها غرفتو والعابو ومكتبو ودفاترو بكون فرحان فيها قد الدنيا وهي فرحانة فيه لان عم يفرجيها غراضو وعم يضحكو سوا
بضلو ساعتين عم يحكو ويضحكو ومو حاسين بعدين بسكرو
ياسمين: بتطلع بأدم وبتقوم و بتحضنو بحبك كتير
أدم: وانا بحبك كتير بيتطلع فيها انا اليوم شفت فرحتك وضحكتك يلي من زمان ماشفتها انا يلي انردتلي روحي
ياسمين: ووجودك بحياتي احلى شي صار بهالدنيا وهو سبب سعادتي
أدم: وانتي نور بيتي وياسمينتو يلي بلاه بعتم بتعرفي هالشي
ياسمين: اممم بعرف بتضحك وبتبين غمازتها
أدم: اوف بدي اكلها لهيك يلي بينت
ياسمين: بتبوسو من خدو وانا بدي اكل هالخدود
أدم: بيحملها بين ايديه وانا رح اسرقك كلك
ياسمين: بتضحك هههههه أدمم
أدم: ليش خليتي فيها أدم
ياسمين:بتحط راسها على راسو رجاليي
أدم: ياسمينة شاميي
بيحملها وبفوت على غرفتهن
عند ريحان بتكون اعدة وسارحة بيلي عملتو وبيلي حكاه عمار وبمشاعرها يلي عم تتحرك وماعم تخليها تركز
ريحان: هفف عمار اجيت بوقت غلط دوبني عم بدرس وهلق راحت دراستي
بتوصلها رسالة
بتمسك موبايلها وبتفتحها
عمار: مابدي ولا بوسة على خدي منك ولا مية وردة انا بدي ياك بدي ياك
ريحان: كلك على بعضك انا شو بحبك كلك انا بهواك
عمار: بتحبيني يعني
ريحان: عم بكفي الغنية اننن 😝
عمار: بستيني وهربتي شو بفهم منها
ريحان: مابتفهم شي بوسة تعارف فيك تقول او يعني رديتك ياها
عمار: اممم قلتيلي بفهم منها شي
ريحان: ماتفهم شي لان مالي مفكرة بيلي حكيتو حالياً
عمار: ايمتى بتفكري!!
ريحان: على ٢٥ سنة ان شاءالله
عمار: بتحبي تموتيني انتي!!
ريحان: اذا بدك تموت انا شو خصني
عمار: انتي بأيدك لا بموت لا بعيش
ريحان: مابهمني
عمار: طيب متل مابدك رح اتركك حالياً بعرف عندك امتحانات
ريحان: متل مابتحب
عمار: عفكرة انتي كتير عنيدة ومستفزة
ريحان: وماذال بتعرف اني هيك ليش بدك ياني حبك!
عمار: لانك عنيدة ومستفزة والسانك طويل وشاضومة وحبيتك هيك عندك شي جاذبني ووقت فكرت شو يلي عم يجذبني فيكي طلعو كل هدول لانك هيك مختلفة مالك بنت باردة انتي نارية وشعلتي ناري
ريحان: بتبتسم وقت تقرأ الكلام اوف اوف والله يادكتور شكلك غرقان يادكتور
عمار: غرقان وبس انا دايب متل قالب ذبدة عم يدوب بمقلاية على نار هادية
ريحان: بتضحك ههههه شو هالتشبيه
عمار:دخيل هالضحكة انعديت من ملافظك
ريحان: طيب طير بدي ادرس مالي فاتحة المواد وامتحاناتي قربت
عمار: بدك مساعدة قوليلي
ريحان: رح تتذكر دراستك دكتور
عمار: بساعد كيف ماكان
ريحان: ان شاءالله سلام
عمار: سلام ريحوو
ريحان: بتضحك مع حالها سلام

" بتبلش تمرق ايام امتحانات السنة لريحان تعبت كتير لقدرت تدرس كل المواد وتلحق عمار ماتركها كل يوم يبعتلها ويقويها يساعدها بالمسائل ولدروس يشجعها ريحان تعلقت فيه بهالفترة حست باهتمامو وحنيتو عليها كيف خايف عليها متل بنتو وعم يقويها بكل خطوة عم تمشيها كان يستناها عند المدرسة لتطلع تقلو كيف جاوبت تعاملها معو اختلف شوي بس لساتها ريحوو😂"
مجتمعين العيلة ببيت نرجس وعم ينتظرو رجوع ريحان يلي أصرت تروح لحالها تجيب النتائج تبعها وتبع دانيا لانها مريضة
ريحان: بتدخل على المدرسة بتوقف لتشوف علماتهن مع البنات بتدور على اسمائهن بتبتسم وبتطلع عم تركد وعم تضحك
عمار: بكون واقف جنب سيارتو وعم ينتظرها ليشوفها بشوفها طالعة وعم تضحك بيندهلها ريحان
ريحان: بتطلع فيه وقت تشوفو بتركد لعندو وبتنط عليه وبتحضنو
عمار: بيحضنها وهو عم يضحك وببوسها طمنيني شو (لفو شوفو الفيديو )
ريحان: انجحت انجحت
عمار: بدور فيها هو ومبسوط فيها الف مبروك ياروحي بنزلها

ريحان: بتبعد عنو بخجل الله يبارك فيك بتبتسملو كيف عرفت اني هون
عمار: بعرف انك رايحة تجيبي علماتك كنت رح ابعتلك واتطمن لاني خفت يكون اخوكي معك بس وقت قلي ادم انك لحالك اجيت
ريحان: ادم صهري خبرك!
عمار: اي
ريحان: ليش بيعرف انو وبتسكت
عمار: بخبث بيطلع فيها انو شو
ريحان: انو منحكي مع بعض
عمار: لا تطمني بس بيعرف اني انا معجب فيكي
ريحان: معجب قلتلي طيب ياسيد معجب بالاذن بدي بشر اهلي
عمار: بيمسكلها ايدها تعي تعي عم بمزح شبك
ريحان: شو بدك
عمار: بيتطلع فيها بحبك صغيرتي
ريحان: بتطلع فيه بعيون دبلانة ونظرات عشق بتقرب منو وبتهمسلو تحبك العافية
عمار: بيرفع راسو وبيبتسم اخخ منك اي
ريحان: بدي روح
عمار: وصلك طيب
ريحان: لاأول الحارة بس
عمار: بتأمري تفضلي بيفتلحها الباب بتركب وبيطلع عمار وبيمشي
ريحان: بتكون اعدة وصافنة فيه باللحيتو المرتبة بطريقة مميزة برجولتو وركازتو ريحة عطرو يلي معبية السيارة برموش عيونو كيف من كثافتهن مشبكين ببعض وعيونو يلي عم يبرقو بتطلع على ايديه يلي ماسكين الدركسيون وعرقو بارزة بتخليكي تعشقيهن وتغرقي فيهن
عمار: عجبتك
ريحان: بتصحى من شرودها نعم!
عمار: بوقف السيارة عجبتك لهالدرجة حتى عم تفصليني كم رمش طلعو
ريحان: بتخجل شو هنن
عمار: رموشي
ريحان: بتقرب منو كتار ما شاء الله مابينعدو
عمار: ايوا ريحانتي
ريحان: نعم
عمار: بحبك
ريحان: بتبتسم تحبك العافية
عمار: عمرها ماتحبني العافية اي
ريحان: بتكتم ضحكتها اي يلا وصلني هلق ببلشو يرنو علي
عمار: بينزعج اي تكرمي بشغل السيارة وبيمشي بسرعة
ريحان: بتحس بسرعة السيارة عليت بيطلع قدامهن مطب بترتفع ريحان وبتنزل بيهبط قلبها عمار لك هدي ليش مأسرع هيك
عمار: بجدية لتوصلي
ريحان: بتمسكلو ايدو هدي السرعة هدي
عمار: بيتطلع فيها بتخافي!
ريحان: لا بس هدي قلتلك لا نضرب بشي سيارة
عمار: ما بهدي لتقوليلي بحبك وبعلي سرعتو اكتر
ريحان: لك عمار صرت ٢٠٠ هدي هدي يي ٢٠٠ و١٠ وليي عمارر
عمار: مابهدي لتعترفي
ريحان: رح نخبط بالسيارة عماار
عمار: مارح هديي
ريحان: بتمسكلو ايدو بقوة بحبك بحبك خلص هدي هدي
بوقف عمار السيارة فورا وبترجع لورا ريحان من قوتها
عمار: بيتطلع فيها وبيبتسم شو قلتي
ريحان: بكون صوت دقات قلبها عم يدبك بتاخد نفس قلتلك بحبك
عمار: بيضحك اووووه اي من الاول لك بعشق كلشي فيكي
ريحان: بتطلع بتلاقي حالها بأول حارتها بتفتح الباب وبدها تنزل
عمار: بيمسكها من ايدها وبشدها لعندو وين هربانة
ريحان: بتضربو بخفة روح من وشي قطعت قلبي مجنون
عمار: ههههه لك مجنون فيكي
ريحان: بعد بدي انزل
عمار: طيب رح اتركك
برن موبايل ريحان بتكون امها بتفصل
ريحان: بلشت ترن يلا باي بتنزل من السيارة وبدها تسكر الباب
عمار: ريحوو وبيغمزها
ريحان: بتبتسم وبتسكر باب السيارة وبتنزل بتمشب لحارتهن وبتركد على البيت
بتدق الباب ريحان
بتفتحلها امها وهي واقفة على اعصابها طمنيني شو
ريحان: بتفوت بتكون عم تركد لان ومقطوع نفسها من الرعبة من ورا عمار استني استني اخد نفس
بكون الكل واقفين اهل ادم ونرجس وأوس ودانيا
نرجس: لك احكي
ريحان: دانيا مبروك نجحتي جمعتي ٩٠
بتنط دانيا على امها وببلشو يباركولها
ام يونس: الف الحمدلله ياروحي
دانيا: بتبتوس ياسمين وأدم
أدم: اي وانتي ريحان
ياسمين: طمنيني شوو
ريحان: بتنزل راسها بحزن
نرجس: شوو
ريحان: بتطلع بأمها وبتبتسم وتحقق حلم ابونزار يا أمي جمعت ٩٥
نرجس: اي لاا ولللليييييييششش بتركد على بنتها وبتحضنها هي ودموعها على خدها الحمدلله يارب الحمدلله وعم تبوسها وياسمين بتقرب بتحضنها وأوس وأدم كلو عم يباركولها
ريحان: بتمسح دموعها لا تبكي امي
نرجس: من فرحتي ياروحي من فرحتي
ريحان: يخليلي ياكي ويديمك فوق راسي ياحنونة
ام يونس: مبروك بنتي
ريحان: الله يبارك فيكي خالة
ريحان: بتمسك ايد نرجس هاد فضلك ياامي ياام الكل انتي تعبتي وربيتي انتي نور هالبيت ماننحرم منك يااحلى ام بالدنيا
نرجس: بتمسح دموعها وبترجع بتضم ريحان وأوس وياسمين يخليلي ياكن ياضو عيوني انتو
أوس: ببوس ايدها ويخليلنا ياكي
بيعدو وبيحتفلو كلهن وبرن اخوها لريحان لكبير وبباركلها وبكونو مبسوطين وفرحانين كلهن

ياسمين: بتحط ايدها على جبينها بوجع وبتغمض عيونها وبترجع بتفتحهن
أدم: بلاحظ عليها بيمسك ايدها فيكي شي ياسمين
ياسمين: لا حبيبي مافي شي منيحة انا
أدم: اكيد
ياسمين: اي اكيد
أدم: بدك نروح
ياسمين: لا حبيبي قلتلك مافي شي بدي قوم اشرب مي
أدم: طيب
بتقوم ياسمين بتوقف على المغسلة بتفتح المي وبترش على وشها بتعب بتطلع بوشها اصفر بكون بتطلع وبتفوت على المطبخ بتعبي كاسة مي وبتوقف بدها تشربها بتحس بأختلال بتوازنها بتشرب شوي منها وبتوقف ما بتسيطر على حالها وبتوقع الكاسة من ايدها وبتوقع على الارض بتفقد وعيها

أدم: بوقف بخوف وقت يسمع صوت الكسر وبصرخ ياسمين وبيركدو كلهن على المطبخ بشوفها واقعة بالارض بيركد لعندها ياسمين ردي علي ياسمين
نرجس: ياسمين بنتي ياسمين
أدم: بيحملها بين ايده بعدولي بصرخ ريحان جيبي بارفان بسرعة
ريحان: يلا يلا
بيركد وبسطحها على الكنباية وبجيب البارفان برش علي ايده وبقربه منها وعم يحاول يصحيها بتبلش تصحى
أدم: ياسمين حبيبتي تطلعي فيني
ياسمين: بتحط ايدها على راسها بوجع
نرجس: بنتي شو صار معك شو عم يوجعك
ياسمين: جلسوني امي
بيمسك ايدها أدم وبأعدها منيح
ريحان: اختي خوفتينا عليكي
ياسمين: لا تخافي اختي مافيني شي بس من الادوية عم تعمل هيك بس
ام يونس: طيب ماتروحي ترجعي تفحصي حالك عند الدكتورة
ياسمين: بعد اسبوع موعدي بخبرها
أدم: بدي استنى اسبوع قومي هلق بدنا نروح
ياسمين: لا تبالغو ياجماعة منيحة انا والله خلص بس جيبولي حبة لوجع الراس وبيمشي الحال
أدم: وجع راس انتي دكتورة وهي عم تحكي ماعتب على العالم قومي نروح يلا ولا بحملك هلق
ياسمين: أدم عم قلك مافيني شي صدقني خلص خلينا نكفي اعدتنا واذا ما تحسنت منروح تمام
نرجس: خلص ابني خليها على راحتها
أدم: طيب
بكفو اعدتهن وبيرجعو على بيوتهن
عند أوس
بيبعت لماسة
أوس: مسا الخير
ماسة: مسا النور
أوس: كيفك
ماسة: تمام انت كيفك
أوس: مشتقلك
ماسة: مابترد
أوس: شو عندك بكرا!
ماسة: جامعة ودروس بس
أوس: معناها بشوفك بالجامعة
ماسة: ان شاءالله
أوس: ماسة
ماسة: نعم
أوس: ولاشي خلص
ماسة: تصبح على خير
أوس: وانتي من اهلي
ماسة: بتبتسم وقت تقرأ كلمتو وبتسكر وبتنام
.
. " بنص الليل ياسمين نايمة بتكون عم تحلم بتشوف بالحلم جنينة كلها خضار حوليها الياسمين والريحان والنرجس مزروع بكل هالجنينة بتكون عم تمشي بينهن وتبتسم وتشم ريحتهن بتلاقي ابوها اعد من بعيد على مرجوحة مزينة بالياسمين بتركد لعندو
ياسمين: بابا
ابو ياسمين: ياسمينتي بيحضنها اجيت اعطيكي هالهدية
ياسمين: بتبتسم شو هي بابا
ياسمين: بقرب منها وبقول (بسم الله الرحمن الرحيم)
(الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا ) صدق الله العظيم
ياسمين: بتبتسم صدق الله العظيم
ابو ياسمين: هي هديتك بنتي حافظي عليها اوعك تفرطي فيها خافي على الروح
ياسمين: روح شو بابا
ابو ياسمين: روحك بيمسك ايدها وبحطها على بطنها حسي فيه
بيطلع صوت ولد صغير عم يضحك بتلتفت ياسمين لورا عم تدور وين هالصوت ما بتشوف شي بتطلع على أبوها بيختفي بتصرخ بابا بابا ""
بتصحى على صوت أدم عم يصحيها
ياسمين: بتقوم هي وعم تصرخ بابا
ادم: ياسمين حبيبتي اهدي
ياسمين: بتحط ايدها على قلبها وهي عم تردد الاية المال والبنون زينة الحياة الدنيا
أدم: بجبلها مي اشربي ياسمين اهدي
ياسمين: بتاخد كاسة المي وهي عم ترجف بتشرب وبتاخد نفسها
أدم: شايفة حلم شو شفتي قلبي
ياسمين: بتتذكر ابوها والحكي يلي حكاه بابا شفت بابا
أدم: شو كان عم يقلك حتى فقتي مرعوبة هيك
ياسمين: ولاشي ولاشي نيمني بحضنك أدم
أدم: بيتسطح وبيحضنها لقلبو وبتغمض عيونها هي وعم تنعاد الآية ببالها
تاني يوم الصبح بتقوم بكير ياسمين بتكون حاسة بنشاط جواتها مابتعرف شو سره وبتلبس وبتفوت بتفتح الشبابيك
أدم: بتفوت الشمس بعيونو بفتح عيونو ياسمين سكري الشباك
ياسمين: بتقرب منو وبتحضنو وبتبوسو قوم حاج نوم
أدم: شو هالنشاط عيوني
ياسمين: ممنوع الواحد يكون نشيط
أدم: مبلا هو يلي لازم يكون نشيط
ياسمين: يلا قوم غسل لنشرب القهوة يلا
أدم: طيب بقوم
بتوقف ياسمين بالمطبخ بدها تعمل قهوة بتحط القهوة وقت تشم ريحتها بتلعي نفسها
ياسمين: شو صاير معي انا بتصفن هي وعم تصب القهوة وبترجع الاية بتمر بذهنها المال والبنون زينة الحياة الدنيا
بتبتسم براحة وبتحمل الصينية وبتطلع على الصالون بكون ادم اعد بيشربوها سوا
ياسمين: بتبتسم وبتطلع فيه
أدم: شبك عم تبتسمي من زمان ماشفت بسمتك
ياسمين: مابعرف بجوز لان شفت بابا مبارح كنت مشتاقتلو
أدم: ياروحي انتي الله يرحمو يارب
ياسمين: بتمسك موبايلها وبترن على سراب
برد أسر
أسر: الو
ياسمين: لك يسعدلي هالصباح ياروحي
أسر: وصباحك ياسمينة كيفك
ياسمين: الحمدلله انت كيفك عيوني
أسر: منيح انا بفرجيها تيابو شوفي حلوين بدي روح على المدرسة
ياسمين: بجننو ياروحي
أسر: ياسمينة ليكي حاطط صورتنا جنب تختي
ياسمين: ياروحي انت يخليلي ياك
أسر: ويخليلي ياكي بدي روح الباص هلق رح يجي
ياسمين: ماشي حبيبي انتبه على حالك وكول منيح
أسر: ماشي وانتي انتبهي على حالك
ياسمين: ماشي

أسر: باي وبيبعتلها بوسة
ياسمين: باي روحي امواه
بتسكر وبتبتسم
أدم: وهلق فينا نروح
ياسمين: اي حبيبي
بينزلو وبيركبو بالسيارة وبيطلعو على المستشفى
بنص اليوم بتطلع ياسمين من المستشفى وبتروح على الدكتورة بتحكيلها شو عم يصير معها وبتعملها تحليل وبتفحصها وبتكون اعدة ياسمين عم تنتظر النتائج لان طلبتهن يكون سريع بتكون اعدة على على اعصابها وعم تمشي وتروح وتجي بالغرفة بتفوت الدكتورة
الدكتورة: طلعو دكتورة بتحبي قلك ولا تشوفي انتي
ياسمين: لا انا بدي شوف
الدكتورة: بتعطيها الظرف تفضلي
بتمسكو ياسمين بأيدين عم يرجفو شعور الخوف والتردد خايفة يخيب املها مايطلع في شي كلو وهم بتردد بذهنها الاية والباقيات الصالحات بتاخد نفس وبتفتح الظرف وبتفتح الورقة بتتوسع عيونها وبدمعو لا ماعم صدق ماعم صدق انا حامل حامل بتضحك وبتركد بتضم الدكتورة حامل حامل ههههههه
الدكتورة: بفرح الف مبروك ياياسمين الف مبروك انتي حامل وبشهرك الاول مبروك
ياسمين: بتبوسها من فرحتها الحمدلله يارب الحمدلله بتحط ايدها على بطنها انا حامل يعني هههههه هون في بنتي او ابني الدكتورة: الف الحمدلله بس ياسمين حملك حيكون صعب شوي مافيكي تتحركي كتير ومافي تعب ولا ارهاق ليثبت الحمل تمام لان الجنين بتأثر بعدين
ياسمين: بتهز براسها حاضر والله مارح اتحرك بتمسح
الدكتورة: فيكي تروحي تبشري الدكتور أدم
ياسمين: صحيح أدم حيطير من الفرحة والله بتركد وبدها تطلع
الدكتورة: هههه ستني ستني خدي التحاليل وصورة الايكو لاتركدي
ياسمين: بترجع بتاخدهن وبتمشي بترن على أدم
أدم: الو حبيبتي وين انتي مالقيتك بالمستشفى
ياسمين: طلاع على المكان يلي عرضت على الزواج فيه ورا المستشفى
أدم: ليه
ياسمين: طلاع أدم وبقلك
أدم: طيب يلا رح اطلع
بتوقف ياسمين وبتكون عم تنتظرو بوصل أدم لعندها وبقرب منها
أدم: حبيبتي شبك جبتيني فوراً
ياسمين: بتمسك ايديه سمعني شو بدي قول
أدم: بيبتسم عم بسمع
ياسمين: انت تخطيت معي كتير شغلات كنت معي بكل خطوة وبكل دمعة وبكل ضحكة انت معجزتي وانت حب حياتي وكل أيامي بتعرف هالشي
أدم: بيضحك هههه اي شو لزوم هالحكي حبيبتي
ياسمين: بحبك لااخر نفس بتنفسو
أدم: وانا بعشقك لااخر يوم بعمري
ياسمين: أدم المال والبنون زينة الحياة الدنيا بتبتسم
أدم: بشد على ايدها والباقيات الصالحات
ياسمين: بتمسك ايديه وبتحطهن على بطنها أدم انا حامل
أدم: بتتوسع عيونو وبتكبر ضحكتو شوو كيف يعني كيف متأكدة انتي
ياسمين: هي وعم ينزلو دموعها انا حامل ادم متأكدة
أدم: رح صير أب ياسمين
ياسمين: اي اي(لفو شوفو فرحة أدم)
أدم: بيرفع راسو ياربب هههههه بيمسكها وببوسها وبيحملها وبدور الحمدلله ياربي بعلي صوتو رح صير أب ههههه بيحملها بين ايديه وبيركد فيها على المستشفى
بفوت بكونو الكل واقفين
ناهد: دكتور أدم خير
أدم: بصرخ بعالي صوتو رح صير أب
الكل بتنرسم على وشه الابتسامة وببلشو يصفقو بيحضن ياسمين وبدور فيها ههههه
تاج: بتركد بتحضن ياسمين وهي عم تضحك وتبكي
ياسمين: لك حاج تبكي مين يلي بدو يبكي بينا
تاج: مالي مصدقة من فرحتي ههههه
ياسمين: يعمري صدقي صدقي هههه
بقربو الكل بباركولهن
أدم: برن على امه وابوه واخوه بقلهن بدو يشوفهن عن بيت اهل ياسمين
الكل بروح وبكونو بأنتظار ياسمين وأدم بفوتو أدم وياسمين
نرجس: خير ابني ليش هالجمعة الحلوة
ام يونس: جبتنا على وشنا ابني شبك
رنا: اي يعني كل مابدكن تحكو شي بتجمعونا خبرونا على النت وخلصنا
يونس: رنا سديه
رنا: حاضر
ياسمين: بتبتسم ياجماعة بابا اجاني بالحلم مبارح
رنا: عنجد الف مبروك معقولة انتي ياسمين وشو نعمل نحن
ام يونس: خرسي رنا وخلينا نسمع كفي بنتي
ياسمين: بتطنش رنا وبتكفي بتكون ماسكة ايد ادم اجا وعطاني هدية ويلي هي بسم الله الرحمن الرحيم الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا ) صدق الله العظيم
الكل: صدق الله العظيم
نرجس: بتبتسم وشو صار بنتي
ياسمين: اليوم رحت حللت بتبتسم وطلعت حامل
بوقفو الكل مصدومين
نرجس: بصدمة ببنتي عم تحكي جد انتي حاملل
ياسمين: بتبتسم اي امي حامل
أدم: شبكن ياجماعة ياسمين حامل وبضمها
ام يونس: بتبلش تزلغط للللللليييييشش وبتضم نرجس وبيركدو بباركو لياسمين وأدم وببوسو ياسمين ورنا بتقرب هي ومصدومة بتباركلها
أم يونس: الف الحمدلله ياروحي مبروك علينا وعليكن
أدم: يخليلنا ياكي
نرجس: أبوكي بشرك ياروحي
ياسمين: بتنزل دمعتها اي الله يرحمه
نرجس: بتضم ياسمين الف الحمدلله ياعيوني
بيعدو كلهن وبيضحكو وبيمزحو ومو عاطيين فرحتهن لحدا

ياسمين: الدكتورة قالتلي لازم ارتاح وما اتحرك كرمال يثبت الحمل
أدم: والله لااحملك على ايدي وماخليكي تشيلي غرض
ام يونس: انتي ما بتعودي بتعملي شي غير بتعدي وبتتستتي وبس وكلو بيجي تحت خدمتك
ياسمين: بتبتسم وقت تسمع كلامها مبسوطة مرت عمو
ام يونس: قال مبسوطة وبس طاير عقلي هيك بدو يجي أدم لصغير او ياسمينة لصغيرة تملي علينا حياتنا
ياسمين: بتبتسم ان شاءالله يارب
دانيا: اخي اذا صبي شو رح تسميه اكيد جان مو متل الممثل جان يمان اخخ قلبي
ريحان: لا خرسي شو جان ما جان سميه بوراك متل الممثل كمال يلي بحب اعمى
دانيا: لا جان متل جان يمان ويطلع اشقر متل اخي او سميه أراس بولات اخخ قلبي
ريحان: بالله شو خرسي
دانيا: انتي خرسي
أدم: برأي انتو لتنين خرسو
الكل: بيضحكو عليهن
ياسمين: اذا صبي بدي سميه على اسم بابا الله يرحمه
أدم: بيبتسم الله يرحمه
دانيا: واذا بنت اكيد حتسميها ديلان مو هيك ياسو
ريحان: شو هي ديلان على هالاسم
دانيا: مشان تكون متل الممثلة ديلان وبتشبه اسم عمتها
ريحان: خالتها روحي بدها تكون متلي
دانيا: منشوف ياريحان
أدم: حاج تتناقرو نحن منقين الاسم يعني لا حنستشيرك ولا حنستشيرها بنتنا حتكون اسمها مال الشام
ياسمين: بتبتسم واذا طويل عليكن بتندهولها شام متل ما بتندهولي ياسمين وانا اسمي ياسمين الشام
أدم: الله يتمم على خير وتقومي بالسلامة ياروحي
الكل: امين يارب

(بعد مرور شهر)
" بلش حمل ياسمين وأدم ماعم يخليها تعمل شغلة او تقوم بيحملها وبطلعها على الصالون وبدخلها على الغرفة خاف عليها كتير وزاد خوفو اكتر لان بيعرف حملها مو مستقر وعم يصير معاها مشاكل ودوخات كتير ممنوع تطلع كلشي بيجي لعندها وبس تضل اعدة وأومرها عم تحضرلها ريحان وعمار علاقتهن قويت وريحان عم تقضي وقتها اغلبو مع عمار لا على التلفون لا بتروح بتشوفو بأي حجة أوس وماسة لسا على حالتهن أوس كل ماعم يقرب من ماسة عم تبعد عنو ماعم يعرف السبب ولا ليش عم تخفي مشاعرها "
بالجامعة واقفة ماسة بيمرق شب وبوقف عم يحكيها
ماسة: ايمتى اجيت انت
ابن خال ماسة زيد : بمد ايدو وبصافحها
ماسة: بتبسملو شو اخبارك
زيد: تمام الحمدلله انتي كيفك الماسة
ماسة: منيحة تمام شو عم تعمل هون
زيد: والله اجيت نقلت على هالجامعة بدي كفي فيها
ماسة: بفرح عنجد
وفي بركان شغال من بعيد وعم يراقب
بقرب أوس منهن
أوس: بقرب بغضب مكتوم مرحبا
ماسة: بتختفي ابتسامتها وقت تشوفو
زيد: بيطلع فيه اهلين
أوس: حضرتك جديد بالجامعة بيحكي بأستفزاز لان هالوش الحلو ما مارق علينا
زيد: اي والله اسمي زيد
أوس: بصافحة هو وشادد قبضة ايدو تشرفنا وانا أوس
زيد: تشرفنا
أوس: بس عيب توقف تسأل بنات ونحن موجودين
زيد: بيبتسم وبحط ايده بجيابه مالها غريبة الماسة بنت خالي
أوس: بيرفع حواجبو الماسة لا اذا بنت خالك بحقلك
ماسة: بتكون واقفة وشايفة أوس كيف معصب بتحكي اي ابن خالي
زيد: انت مين بس!؟
أوس: انا
ماسة: صديق بالجامعة زيد
أوس: وقت يسمع حكيها كأنو انضرب بسطل مي مغلية اي صديق
زيد: ايوا طيب الماسة انا رح روح بشوفك بكرا اي بحط ايده على كتفها انتبهي على حالك
ماسة: بتبتسم ابتسامة خفيفة وانت كمان
مابتعرف بهالحركة شعلت نار أوس اكتر
بروح زيد وبكون لسا أوس واقف وعم يتطلع فيها
ماسة: بالاذن وبتلف بدها تمشي
أوس: بيمسكها من ايدها بقوة وين رايحة
ماسة: بتطلع على ايدو تركني أوس عم توجعني
أوس: ليش عم تبتسميلو !! وحط ايدو على كتفكك
ماسة: ابن خالي أوس وبعتقد مادخلك ما
أوس: لا تجننيني بيطلع فيها بعيون عم تطلع شرار وانفاسو متل النار ماسة ولا عفواَ الماسة بتعرفي شو بحس تجاهك اكيد وانتي عم تتغابي حاج تشغلي ناري اكتر لان حتنفجر بوش اي حدا هلق
ماسة: بيرجف قلبها من كلامو انا مابعرف شي ولا بحس بشي وماعم بفهم شو عم تحكي وتركني بدي روح
أوس: بيتركلها ايدها وبياخد نفسو وبيضرب على جبينو انتي عم تفهمي مو طيب بقرب منها ومستعد احرق اي حدا بيطلع بوشي وما يلمس شعرا منك فهمتي علي بصرخ اكتر
بوقفو الطلاب وهنن عم يسمعو أوس
ماسة: بتطلع فيه بصدمة وحوليها الطلاب واقفة مصدومة
شو عم تخبص انت
أوس: سمعتي ولا عيد
ماسة: بتبعد عنو وبتركد
بيلحقها أوس وبيمسكها من ايدها وبلفها لعندو ليش عم تهربي مني ممكن افهم ليش
ماسة: انت هلق معصب وماعم تعرف شو تحكي وتخبص تركني روح
أوس: اللهم ربي مالي معصب تصرفاتك يلي عم تعصبني انتي وهاد زيت تبعك
ماسة: اسمو زيد وبعدين ليش معصب منو شو عملك
أوس: ماشفتي كيف حط ايدو على كتفك
ماسة: وانت شو دخلك اه بأي صفة عم تحكي
أوس: دخلني ونص
ماسة: ليش شو دخلك قلتلك ولا عاد تحطني بمواقف بايخة لو سمحت

أوس: بصرخ بوشها لانك الي وبس عم تفهمي الي
ماسة: بتطلع فيه مالي لحدا وياريت تمشي أوس
أوس: ماسة انا انا
ماسة: بتحط ايدها على تمو لاتحكي ومابدي اسمع تمام بالاذن
أوس: بيتركها تمشي وبيطلع بعصبية بسيارتو وبيمشي
عند ياسمين وادم
ياسمين: بتقوم من غرفتها وبتفوت على المطبخ بدها تطبخ بتطلع لغراض وبتبلش
بفوت أدم على البيت وبيسمع حركة بالمطبخ بفوت وبشوفها واقفة
أدم: ياسمين شو عم تعملي
ياسمين: اهلين حبيبي مليت من الاعدة قمت اطبخ شي ناكلو
أدم: كم مرة بدي قلك لا تتحركي من مكانك اه
ياسمين: حبيبي والله مليت لا شغل عم تخليني روح ولا شغل بالبيت كمان بطق هيك بطق
أدم: ممنوع يلا تعي فوتي تسطحي يلا
ياسمين: لا بربك والله طقت روحي مالي متعودة هيك ادم الك شهر حابسني
أدم: حابسك كرمالك حبيبتي وكرمال ابنا
ياسمين: بدك ولد !
أدم: ليش عم تسألي
ياسمين: سؤال
أدم: بحط ايده على بطنها وهو عم يتطلع فيها بدي بنت بتشبهك بتشبه ياسمين ايديها شعرها نظراتها يلي بتدوبلي قلبي بدي شفافها متل شفافك حنيتها طيبة قلبها قوتها حركاتها كلشي فيها وعيونها
ياسمين: لا بدي عيونها بيشبهو عيونك بنفس لونهن لون الموج موج البحر بدي تكون عصبية متلك وقوية تطلع متلك
أدم: واذا صبي
ياسمين: بتبتسم متل أدم رجولتو وحنيتو خوفو علي كل أطباعك بدي يكون رجال متل رجالي
أدم: بيضحك هههه بيحملها وهلق يلا على التخت وانا بعملك يلي بدك ياه
ياسمين: ياالله تعبت من الاعدة هفف
أدم: لا تتعبي لا تتعبي يلا
ياسمين: طيب خليني بالصالون ممكن مابتحرك بس بتسلا
أدم: طيب بيطلع فيها على الصالون وبحطها على الكنباية بجبلها مخدة ورا ضهرها وبيرفعلها رجليها وبقرب منها بيطبع بوسة على خدها من غمزاتها راجعلك هلق رح يجيكي اطيب اكل
ياسمين: شو حتعمل
أدم: معكرونة حبيبتي
ياسمين: بتضحك ههههههه ياروحي انت معكرونة قلبي
أدم: سامحيني مابعرف اطبخ يعني
ياسمين: انا بحب المعكرونة كتر عليها جبنة بس
أدم: لك مو على راسي
بعد شي ساعة بيطلع أدم من المطبخ هو وحامل صينية الاكل ولابس مريول المطبخ وحالتو بتصعب على الكافر
ياسمين: وقت تشوفو بتفرط ضحك عليه هههههه اخخ ياربي هههههه حبيبي شو صاير معك هههه
أدم: بيبتسم عم تضحكي علي ياسمين
ياسمين: هههههن لا حبيبي لا بس المنظر بضحك ههههه اخخ حاسة رح اولد من كتر الضحك ههههه
أدم: هدي هدي وين تولدي لسا ٧ اشهر
ياسمين: ههههه اوف اوف بتاخد نفسها وبصير وشها احمر من الضحك فرجيني شو عامل بغرفة العمليات
أدم: بحط صينية الاكل والله اصعب من غرفة العمليات وربي لابسين مريول المطبخ بدل مريول العملية
ياسمين: هههه بتمسك وشه بين ايديه لك يخليلي طباخ البيت اي
أدم: بيبتسم حاج تمدحي فيني هلق بتكبر الخسة براسي وبقلب اختصاصي طباخ
ياسمين: ههههه لا حبيبي ستنى لندوق وبعدين منقلك اذا بتقلب او لا
أدم: بيمسك الشوكة وبعبيها معكرونة فتحي تمك يلا
ياسمين: كمان بهي
أدم: اي نعم لا تناقشي يلا
ياسمين: طيب حبيبي تذكر انا حامل مابدي فوت على المشافي تسمم اي
أدم: ولووو عيب فتحي يلا
ياسمين: بتفتح تمها وبتاكل اول لقمة
أدم: بيرفعلها بحواجبه ها شو كيف
ياسمين: الله الله بتجنن
أدم: لك قلتلك يخليلي اناملي انا
ياسمين: ههههه نيالو يلي ببوس ايد حالو روحي
أدم: ههههه
ياسمين: بتمسك الشوكة وبتمدها لاأدم طيب يلا دوق
أدم: لتخلصي اكل باكل
ياسمين: مارح اكل لتاكل معي يلا
أدم: طيب بطعميكي لقمة الك ولقمة الي
ياسمين: يلا
بياكلو وبخلصو بشيل الاكل أدم وبفوت على المطبخ بشوف الجلي بوشو
أدم: اخخ ياربي الله يعيني
ياسمين: بتسمعو وبتكتم ضحكتها حكيت شي حبيبي
أدم: اه لا حبيبتي ارتاحي انتي
بوقف وببلش يضب ويجلي وعلى صوت ضرب وطبق
بخلص وبيطلع بقرب من ياسمين وبيعد وبيشلح المريول وبشلفو على الارض
ياسمين: بتكتم ضحكتها يعطيكي العافية سيتي
أدم: بيتطلع فيها عم تتمسخري علي ياسمين
ياسمين: بتضحك ههههه عم بمزح معك يعلي حبيبي تعب
أدم: كرمالك
ياسمين: جيب خدامة قلبي وخلصنا
أدم: هو هيك حبيبتي بجيبها وبعد انا وياها بالمطبخ شو رأيك ومنو بتعلمني الطبخ
ياسمين: بتزورو لا حبيبي خليك عم تجلي انت من شو بتشكي ليكك ماشاء الله بتجلي احسن مني
أدم: ههههه كيف تحولتي غيورة
ياسمين: اي غيورة وعقلي صغير كمان ناقصني بس وحدة بالبيت
أدم: ههههه عم بمزح حدا بجيب الدب لكرمو روحي
ياسمين: اي لاتمزح هالمزح سئيل
أدم: أمرك ياسمين قومي على التخت حاجتك
ياسمين: ياربي اللهم الهمني الصبر شو مأثرة عليك حبيبي
أدم: بلا نقاش بيحملها وبفوت على الغرفة بحطها على التخت وبيعد جنبها
ياسمين: بتبتسم اديش بحبك انا

أدم: خليني خمن قد مافي حب بقلوب العالم كلها
ياسمين: فوق حب المحبين حب
أدم: بيبتسملها ماانحرم منك
ياسمين: ولا انحرم منك
أدم: بقرب من بطنها بتمانعي او بتمانع نام على رجليها لاامك اصلا هي حبيبتي قبل لتكون امكن
ياسمين: ههههه تعا حبيبي تعا
أدم: بقرب وبحط راسه على رجليها وبيبتسم
ياسمين: بتحط ايدها على شعراتو بحنية وبتبلش تلمسهن وتغنيلو أدم يارجالي يامالي ورسمالي انا ياسمينتك وانت شامي
أدم: بيبتسم بحب نيالي فيكي ويا نيالي
ياسمين: بتقرب وبتبوسو على جبينو وبتضل عم تغلغل ايدها بشعرو وبدقنو

بعد مرور اسبوع
بالمستشفى
بينفتح باب المستشفى وبتدخل منو صبية طويلة ومبين عليها بنت عز وشعرها يلي لااخر خصرها ولبسها الغالي وطقة كعبها يلي عم ترن بكل المستشفى
الصبية : مرحبا
ناهد: بتطلع فيها من فوق لتحت اهلين كيف فيني اخدمك
الصبية: الدكتور عمار موجود
ناهد: عفوآ
الصبية: الدكتور عمار سمعتي منيح
ناهد: بدك منو شي
الصبية: اي
ناهد: تفضلي على المكتب يلي باخر الممر وانا بخبرو ليجي
الصبية: شكراً
بكون عمار واقف مع الممرضة وعم يحكيها بتقرب منو ناهد دكتور عمار
عمار: اي ناهد
ناهد: في صبية طلبت تشوفك
عمار: صبية! ماعرفتي مين هي
ناهد: لا دكتور وهي بالمكتب عم تسناك
عمار: طيب ناهد شكراً هلق بروح
ناهد: العفو دكتور
بيمشي عمار وبفوت على مكتبو
بوقف مصدوم من يلي شايفها قدامو
عمار: بتتبدل ملامح وشه للعصبية شو عم تعملي هون
ريناد: بتوقف ولو ياعمار هيك الواحد بيستقبل ضيوفو
عمار: شو عم تعملي هون ريناد
ريناد: اجيت سلم عليك بتقرب منو اكتر لتصير بلزقه ورجع حبنا
عمار: ببعد عنها شو عم تخبصي انتي اي حب
ريناد: ولو عمار نسيتني بهالسرعة
عمار: انتي اصلا ما بتستحقي تنحبي وحدة متلك ما بتستحق شي
ريناد: ليش عمار ليش
عمار: بعصبية لانك وحدة وسخة خاينة
ريناد: انت فهمان غلط عمار
عمار: شو بدك تفهميني قصة صرلها سنين ليش هلق جاية تبرري انا مافي بقلبي حب تجاهك ولا حيكون
ريناد: ليش عم تظلمني ليش
عمار: انا عم بظلمك ياانسة ولا انتي يلي خاينة قليلة الشرف
ريناد: عمار مابسمحلك تحكيني هيك
عمار: بشوفك بحضن رجال تاني وبتقوليلي ما بتسمحيلي طبعاً انجرحت كرامتك هلق
ريناد: بتقرب منو اكتر بوقاحة انا بدي ياك ورح اخدك عم
تفهم

#يتبع

الموسم الاول
#معجزة ـ الحب
الجزء الثامن
عمار: ما فشرتي بقلبي مافي غير وحدة وبس وانتي مارح تتشبهيلها اصلا
ريناد: بتبتسم بأستفزاز بتقصد بنت المدرسة!
عمار: بينصدم شو عرفك فيها
ريناد: تؤ تؤ بزعل منك عمارتي معقول ينخفى شي على رنودة ريحانتك رح تدبل
عمار: اوعك تجيبي سيرتها على لسانك الوسخ عم تفهمي
ريناد: زعلتي ياقطة ليك حبيبي لا بتنفذ يلي بدي ياه لا بتخسر ريحانة شو قلت
بهالوقت بتفوت ريحان من باب المستشفى
ريحان: مرحبا انسة ناهد
ناهد: اهلين انسة ريحان كيف فيني اخدمك الدكتور ادم ماهون والدكتورة ياسمين بتعرفي ماعم تجي
ريحان: اي بعرف بدي الدكتور عمار الدكتور ادم باعت معي شغلة بدي اعطيه ياها وبتكون حاملة وردة بايدها ومخبيتها
ناهد: اي بتلاقيه بمكتبو
ريحان: شكرا الك
بتمشي ريحان بخطوات بطيئة هي وفرحانة الشوق يلي جواتها فاضحها بس بدها تشوفو
عند ماسة بتكون بالمحاضرة بتطلع وعم تدور على أوس
بتشوفه اعد بالكافيه هو ورفيقو وبنت بتكون خطيبة رفيقو بس ماسة مابتعرفهن
بتشوفو عم يضحك معها
ماسة: الو اسبوع مطنشني بس ماعاد اقدر ما شاء الله ضحكتو شبرين وجاية يحاسبني على ابن خالي بتقرب منو مرحبا
أوس: بيتطلع فيها ماسة شو عم تعملي هون!
ماسة: ممكن تجي معي شوي
أوس: ليش
ماسة: بدون ليش عن اذنكن ياجماعة بتمسكو من ايدو امشي أوس
أوس: بالاذن بيمشي معها لوين بدك تروحي
ماسة: ما بكفي اسبوع مطنشني
أوس: وانتي كتير بهمك!
ماسة: اي يلا بدنا نروح لمكان بعيد
أوس: لوين بدك تروحي ياجدبة
ماسة: ليك أوس لا منروح هلق وبحكي كلشي جواتي لا ماعاد تشوف وشي
أوس: طيب امشي
بيركبو بسيارته وبيطلع فيها على الجبل
عند عمار
ريناد: شو قلت
عمار: شو بدك من الاخير
ريناد: بتقرب منو وبتحط ايدها على رقبتو بدي امم شو بدي بدي ياك عمار انت وبس
عمار: مستحيل
ريناد: واذا قلتلك مو مستحيل
عمار: بيتطلع فيها بقرف بعدي ايديكي عني
ريناد: بتبتسم واحد تنين تلاتة استسلم لسحري عمار وبتقرب من عمار بجرئة وبتبوسو
بينفتح باب المكتب وبتفوت ريحان هي مبتسمة
ريحان: عما مابتكفي كلمتها لتوشفه واقف
عمار: بكون مستسلم لريناد وعم يبوسها
ريحان: صدمتها كبيرة دموعها بتنزل متل نيران على خدها بتوقع من ايدها الوردة
عمار: بشوف ريحان بيصحى على حالو وبيدفش ريناد بعيد عنو
ريناد: بتطلع بريحان وبتبتسم
عمار: ريحان انا انا
ريحان: بتطلع برا المكتب وبتركد برا المستشفى هي وعم تبكي
عمار: بيتطلع بريناد الله يلعنك الله يلعنك بيركد ورا ريحان
ريناد: بتبتسم ابتسامة نصر وبتاخد شنتايتها وبتمشي
عمار: ريحان ريحان استني شوي فهمانة غلط بيمسكها من ايدها وقفي
ريحان: بتصرخ عليه بعد عنيي
عمار: والله مافي شي من يلي عم تشوفيه والله كلو كذب
ريحان: شو شو وين الكذب عمار وين لك شفتك بعيوني ماحدا قلي بنص المستشفى عماار ليش بعتلي اجي مشان شوف وساختكن شووو ليشش
عمار: والله ماهيك انا ما بعتت شي والله و هي هي قصة قديمة
ريحان: دموعها عم تنزل بغزارة ما بعتت لك انت حرقت قلبي لك قصة قديمة شو عم تخوني بتدفشو عنها حاج تكذب حاج الله يلعنكن بكرهك بكرهك كسرت قلبي كسرتني ياريت ماحبيتك ياريت
عمار: ريحان ريحان بيمسك ايديها وببوسهن صدقيني صدقيني والله مافي شي مابخونك انا بحبك الك
ريحان: شو بدي صدق شو خيانتك اليي كذبك حبك اي حب عم تحكي ليش حبيتني ليش مابدي شوف وشك عم تفهم لا عاد تطلع بوشي عمار
عمار: لا ريحان لا انا بحبك
ريحان: بترفع ايدها وبتضربو كف بكل قوتها لا عاد تقلي بحبك عم تفهم بتصرخ عم تفهممم وبتدفشو
عمار: خليني بررلك
ريحان: بتطلع فيه بعيون متل الجمر وبتصرخ عليه لاعاد تطلع قدامي ياريت ماحبيتك ياريت بكرهك بكرهك بتركد وبتبعد عنو
عمار: بوقف بقلة حيلة مالو قدران يعمل شي ولاشي خسرها بلمحة البصر بيرجع على المستشفى وهو ماعم يقدر يسيطر على غضبو بفوت على مكتبو مابلاقي ريناد بلاقي ورقة بيفتحها
"محتوى الورقة : وهيك انتقمت منك وتصافينا مو ريناد يلي بتنترك ياعمار ومشان جية ريحانتك فمخططلها قبل تعيش وتاكل غيرها ياحلو "
عمار: الله يلعنك الله يلعنك لازم فرجي هالورقة لريحان لازم كيف هيك بخونها حتى لو بلحظة الله يلعنك عمار غبي غبي بيعد على الكنباية بضيق وبيمسك راسو بكفوف ايديه ماعم يقدر يستوعب يلي صار
عند ريحان بتوصل عند ياسمين وبتدق الباب هي وعم تبكي وترجف
ياسمين: بتنئز من دقة الباب بتقوم لتفتح خير اللهم اجعله خير بكون أدم عم يتحمم
بتفتح الباب وبتشوف ريحان دموعها على خدودها وعيونها حمر من البكى وحالتها بتصعب على الكافر
ياسمين: بتنصدم من منظر اختها رريحان شبك ياعيوني

ريحان: بترتمي بحضن اختها متل جسد بلا روح وبتبلش تشهق وتبكي
ياسمين: ريحان اهدي اهدي خبريني شبك ماما صرلها شي أوس شو والله وقعتيلي قلبي شو صاير معك
ريحان: عم تحكي بنص شهقاتها وكلماتها متقطعة خاخاني وبزيد بكاها
ياسمين: مين هاد وش القصة ماعم بفهم عليكي ريحان طيب اهدي اهدي خلينا نفوت لا تبكي بتسكر الباب وبتدخلها هي وحاضنتها بتحطها
بتحطها جنبها وريحان لسا ماعم تقدر تفارق اختها ومتمسكة فيها
بيطلع ادم عم بنشف شعرو
ياسمين: بتندهله أدم
ادم: بيجي اي روحي ها هي ريحان عنا بيسكت وقت يشوفها عم تبكي ريحان شبك ليش عم تبكي شو صاير ياسمين
ياسمين: والله مافهم شي منها جبلي كاسة مي لهديها
أدم: يلا يلا بجبلها وبيجي خدي ريحان شربي
ريحان: بتاخد الكاسة هي وعم ترجف لسا بتشرب شوي وبتعطيها لياسمين
ريحان: بتاخد نفسها بصعوبة والغصة قاتلتها بتطلع فيهن انا حمارة سلمت قلبي لاانسان ما بيستاهلو بتطلع بأختها هي وعم تبكي اختي شو عملتلو شو ليش يخوني ليش قدام عيوني بشوفو بتغص بشوفو عم يبوسها ليش ليش انا شو عملت لاتجازة هيك ليش
ياسمين: بتنصدم من حكي اختها اختها لصغيرة يلي كانت مبارح عم تنط وتلعب بالبيت مكسورة هلق مين هاد ريحان مين خانك احكيلي
أدم: بيتطلع فيها بخجل عمار
ريحان: بتحط ايدها على ادنها لا تسمعني اسمو لا تلفظو بكرهو بكرهو
ياسمين: بتطلع بأدم انت بتعرف !! ليش ماعندي علم أدم
أدم: بعدين ياسمين مو شايفة حالة ريحان
ياسمين: بتهز براسها وبتطلع بأختها بتمسك وشها بأيديها
سمعيني منيح مسحي دموعك ما تبكي ما تبكي دموعك غاليين وهو ما بيستاهلهن عم تفهمي لاتبكي ريحان
ريحان: بتحط ايدها على قلبها كسرلي قلبي يااختي القلب يلي حبو عطيتو حبي وثقتي ليش يخوني ليش!
ياسمين: بتحضنها هسس خلص خلص لا تبكي
أدم: بقرب من ريحان وحياة عيونك ياريحانتي رح اخدلك حقك منو ولا عيونك تدمع دمعة انتي اختي لصغيرة ويلي بيرميكي بشوكة برميه بجهنم انتي ارتاحي وانا بعرف شغلي معو
برن موبايل ريحان بأسم عمار
ريحان: وعم يرن ليبرر خيانتو كمان الله يلعنك
أدم: هاتي الموبايل وانا رح اتصرف ياسمين تعي شوي
ياسمين: بتبعد عن اختها اهدي راجعتلك وبتقوم مع أدم
بيدخلو على الغرفة
ياسمين: ممكن تفهمني شو عم بصير أدم لك كيف كيف بتخلي هيك علاقة تتم
أدم: ياسمين صدقيني مابعرف انو ريحان بتحبو هو حكالي معجب فيها وبس مابعرف انو هنن عم يبادلو بعض نفس المشاعر
ياسمين: بتحط ايدها على راسها بوجع وبتكون منفعلة أدم المفروض كنت تخبرني ريحان بنت صغيرة مارح تقدر تسيطر على مشاعرها كلنا منعرف بهالفترة انو رح تنجر ورا الحنية ريحان مفتقدة حنية بابا ووقت شافت اهتمام عمار اكيد بدها تحبو اخخ ادم اخخ منك وبيختل توازنها هي وواقفة
أدم:بيمسكها باللهفة أدم ياسمين اهدي ولا تعصبي انتي ما بيسوالك العصبية بتعرفي هالشي تعي اعدي
ياسمين: مافيني شي خلص روح
أدم: ارتاحي حجبلك مي وانده لريحان لعندك لا تقومي وانا رح اتصرف مع هالزفت
وبكون لسا عم برن بيفصل بوشو أدم
بيطلع من الغرفة وبقلها لريحان تضل جنب ياسمين وبيطلع بيركب سيارته بيرجع برن على رقم ريحان
برد أدم
عمار: الو ريحان ريحانتي سمعيني بس سمعيني والله مافي شي من يلي شفتيه كلو كذب هي قصة قديمة هي يلي عاملة هيك مشان توقعني والله
أدم: خلصت سيد عمار
عمار: ادمم شو عم يعمل موبايل ريحان معك
ادم: هاد يلي بهمك بدي شوفك برا المستشفى هلق انا وراها يلا
عمار: طيب طالع
بسكر وبينزل من السيارة وبوقف عم ينتظر عمار
بيطلع عمار وبقرب من أدم
بشوفو أدم بقرب منو بسرعة وبيضربو بوكس بوقعو على الارض
عمار: بحط ايده على تمه بوجع وبوقف شو عملت
أدم: بيمسكو من قميصو بعصبية ولك عمار عم تسألني شو عملت والبنت حالتها بالويل ليش ماخبرتني انك عم تحكيها ليش عم تخونها يا واطي
عمار: حقك تحكي يلي بدك وتضرب وتموتني كمان بس انا ماهيك ياأدم انا ماخنتها انا حبيتها لريحان والله وكنت ناوي اخطبها بس سمعني انت ولا تحكم متل ماحكمت علي ريحان كمان
أدم: بيبعد عنو سمعنيي سمعني لشوف
عمار: بيحكيلو القصة ... وباللحظة قربت مني وصار يلي صار وانا مابعرف شو صرلي نجذبتلها
أدم: بيرجع بيضربو على وشه لانك جحش البنت اجت منهارة كسرت قلب بنت اول مرة بتحب وبتتعلق بشخص ياغبي ريحان لقت فيك حنية ابوها يلي فاقدتها وانت هيك كافيتها لك شو بعمل فيك اه
عمار: بنزل راسو والله معك حق والله انا غبي غبي ومستعد اعمل اي شي لتسامحني ريحان بس ما تفكرني خاين
أدم: ليش انت شوو ماخنتها ولو للحظة ياسيد
عمار: بيضرب على جبينو مبلا مبلا لاني غبي غبي خسرتها
أدم: وتأكد مستحيل تسامحك ريحان لانها نكسرت وما بتعرف لما بتكسر بالانثى حبها شو بصير لو حتشوفك عم تسف لتراب ها مارح تنسالك ياها

عمار: عندي دليل طيب تركتلي ورقة ريناد فيني فرجيها ياها حتصدقني
أدم: هه مفكر حتصدقك بورقة بكل سهولة حتخبرك انك انت يلي كاتبها لهيك بنصحك تبعد عنها هلق لان جرحها لسا عم ينزف وبيلتفت بدو يمشي
عمار: أدم بترجاك ساعدني بترجاك
أدم: بيرفع ايديه والله مافي بأيدي شي بعيد لفترة وبعدها منحكي بالقصة وبنصحك لا تقرب منها اكتر مشان ما تكبر نارها وبيتركه واقف بحيرتو وبيمشي
عند أوس
بكون واقف هو وماسة على الجبل والهوا عم ينسم ويغلغل فيهن
أوس: بياخد نفس بعمق وبيزفرو براحة شو عم بسمعك شو بدك تحكي!
ماسة: بتطلع فيه وماعم تعرف شو عم تعمل ليك أوس انا مابعرف لا شو عم بحكي ولا شو عم خبص بس سمعني
أوس: عم بسمع
ماسة: انت ليش مهتم فيني كتير وعم بتلاحقني وكنت بدك بس كلمة مني
وبعد ما صار هداك الموقف ماعاد حكيتني
أوس: مو انتي قلتي لا تدخل فيني وانا سمعت كلامك
ماسة: بس انا ماقصدي هيك كان
أوس: شو كان قصدك
ماسة: انو ضل ولا تقرب خليك بعيد وكون قريب
أوس: بيضحك على كلامها هههههه ماعم بفهم عليكي كيف بدك ياني ضل وماضل قرب وماقرب
ماسة: بتطلع بعيونو حبني ولا تحبني اهتم ولا تهتم ضلك ولا تضل روح بس لاتروح
أوس: بيسرح بكلماتها شو بدك ماسة علاقة معقدة!
ماسة: لا بس لا تتجاهلني ولا تهتم كمان
أوس: ياربي دخيلك شو بدك كون
ماسة: مابعرف
أوس: بيمسك ايديها ماسة انا بحبك هي بختصار كل المشاعر بحبك
ماسة: بيرجف قلبها وبتطلع فيه
أوس: وانتي!
ماسة: انا مابعرف
أوس: احكيها ماسة قولي انك بتحبيني وهي مشاعرك لملخبطة احكي ماسة احكي عم بسمعك بعرف انك بتحبيني احكي
ماسة: بتصرخ اي اي بحبك منيح بحبك ومابعرف اذا هاد حب ولا تناقض بس هلق بهاللحظة بحبك
أوس: بيبتسم وبيحضنها وانا بحبك بحبك بكل مافيكي بحبك
ماسة: بتبتسم وبتشد عليه
عند ياسمين
بتكون ياسمين متسطحة وحاضنة اختها وعم تلعبلها بشعراتها وتهديها وريحان ساكتة وعم تتذكر يلي شافته بس
ياسمين: بتحط ايدها على راسها بوجع
ريحان: بتحس عليها اختي فيكي شي
ياسمين: لا حبيبتي راسي عم يوجعني شوي
ريحان: طيب وين الدوا
ياسمين: اخدت هلق برتاح بتطلع بريحان وبتمسكلها ايدها بقوة ريحانتي بدي منك تضلي قوية ولا تسمحي لحدا يكسرك او يضحك عليكي كوني قوية واسندي حالك الجأي لنفسك مفهوم انا سندك ان كنت او لا وقت تحتاجيني تعي لعندي مفهوم اختك سندك وحتضل لو شو ماصار ومهمها مر الزمان الريحان والياسمين حيضلو مفتحين اي وعديني تضلك قوية بتنزل دموعها اوعك تضعفي اوعك وتذكري اني بحبك لو شو ماصار مابتخلى عنك
ريحان: بتضم اختها ودموعها على خدودها اختي ليش عم تبكي لاتبكي ياسمين
ياسمين: بتمسح دموعها هرمونات الحامل هههه
ريحان: دخيل الحامل محلاها يلي بدها تجبلي وحدة بتشبها ونصير رفقات ونتفق عليكي
ياسمين: حتحبي ولادي متل مو بتحبيني
ريحان: واكتر اكيد هدول حبايب قلبي حينطو حولي ويندهولي خالتي ريحان خالتي ريحان
ياسمين: بتبتسم وبترجع بتضم اختها

بمر شهر
( بهالشهرأوس وماسة عاشوهن بحب ريحان لساتها على جرحها عمار ماعم بقرب خايف من ردت فعلها ومابدو يجرحها اكتر ياسمين عم تتعب اكتر كل ما عم يتقدم حملها بس الجنين بخير )
عند ياسمين بتكون متسطحة وعم تقلب بموبايلها وأدم جنبها عم ينق عليها بدو ياها تتوحم ويقوم يجبلها ياه بدو يجرب هالشعور
أدم: ياسمين مااجا عبالك شي ياحبيبتي كل الناس بتتوحم
انتي ليش ماعم تطلبي شي
ياسمين: حبيبي حاج نق لو بدي بحكيلك بس ما جايبة عبالي شي
أدم: بفتح عيونو طيب مو عبالك فريز يكون كبير هيك وطعمتو حلوة وبتجنن ولا جانرك وعليه ملح ويكون عم يطقطق ولونو الاخضر عم يبرق ولا عبالك ليمون وملح وهيك وبطلع صوت بتمو بقشعر البدن
ياسمين: بتضربو بخفة حاج أدم أشعر بدني
أدم: اوف ياه مابصير اطلبي شي
ياسمين: نام حبيبي نام
أدم: بغمض عيونو بغيظ
ياسمين: بتصفن شوي عرفت شو بدي
أدم: بقوم بفرحة شو هو احكي احكي شو بدك
ياسمين: لا خلص ماعاد بدي
أدم: لك شو ماعاد بدك احكي عم قلك بصير مشاكل هلق ها احكي
ياسمين: مابدي ادم
أدم: احكي عم قلك ياسمين شو بربك احكي
ياسمين: بدي ياسمين
أدم: ياسمين!
ياسمين: اي بدي شمو واذا بيطلع بأيدي بدي اكلو
أدم: في حدا بيتوحم على ياسمين وهو كل الياسمين
ياسمين: بتضحك يعني اكل حالي مثلاً
أدم: لا يوه شو تاكلي حالك بقوم من على التخت هلق رح جبلك شجرة الياسمين كلها لعندك طيارة
ياسمين: بتضحك عليه ههههه أدم وربي انك مجنون
أدم: تطلع الياسمينة بعين البنت يوه
ياسمين: ليش عم تقول بنت بنت بركي صبي
أدم: لا بنت ان شاءالله بدي شوف ياسمين لصغيرة يلا ما بطول انتبهي على حالك
ياسمين: لك الساعة ٢ من وين بدك تجيب هلق

أدم: لو بدي نط على الشجر متل لقرود بدي جيب ياسمين منيح
ياسمين: هههههه خلص ماشي روح
بيطلع أدم
ياسمين: بتحط ايدها على بطنها سامحني اذا كنت بنت او صبي انا بحبك بتبتسم وبتنتظر أدم
بعد ربع ساعة بفوت أدم على البيت هو وحامل الياسمين بيركد لعند ياسمين
أدم: جبتلك قلتلك لو تطلب عيوني اه ياعيوني بعطيكي ياهن
ياسمين: بتطلع بعيونو لكن خليني اتوحم عليهن هالعيون يلي بدهن اكل
أدم: بيبتسم شميهن
ياسمين: بتمسك الياسمين بأيدها وبتستنشف ريحتهن اووخ ريحتهن بترد الروح
أدم: بيمسك ياسمينة وبحطها على شعرها وهي ياسمين وحاطط ياسمين بتحتاري فيهن
ياسمين: بتبتسم وبتمسك ياسمينة بدها تاكلها
أدم: يي وقفي شو عم تعملي
ياسمين: اشتهيتو
أدم: من كل عقلك بدك تاكلي
ياسمين: لا من نصو اكيد بدي اكل
أدم: انتو عليكن كل شغلة عنجد بتعجز ستني اغلسلك ياها طيب
ياسمين: طيب
أدم: بقوم بيغسلهن منيح وبجيبهن تفضلي لشوف كيف بدك تاكليه اول مرة بسمعها لان
ياسمين: انا حامل حبيبي يعني يمكن اشتهي على صابون عادي
أدم:بفتح عيونو على الاخير صابون
ياسمين: ايي وهلق هسس بدي اكل
أدم: لا يصيبك شي حبيبتي
ياسمين: ما بصيبني أدم رح اكل
أدم: متل مابدك وبيعد عم يراقبها
بتمسك ياسمينة وبتحطها بتمها وهي مستمتعة
أدم: بكون مصدوم وعم يراقبها بس
ياسمين: اممم بتجنن
أدم: دوقيني
ياسمين: هههههه بدك تجرب
أدم: اي يعني
ياسمين: بتمدلو وحدة
أدم: بحطها بتمو وما بيعرف كيف بيبلعها بيمسك الصحن من ياسمين هاتي لشوف حاجة لعت نفسي
ياسمين: بتضحك على منظرو هههههه
أدم: طعمتو متل ريحتو
ياسمين: شي اكيد حبيبي
بتمضي هالليلة على خير
تاني يوم الصبح
بكون أوس عم يرن على ماسة عم يطلعو خارج نطاق الخدمة
بينزل على الجامعة بشوف رفيقتها
أوس: مرحبا
رفيقة ماسة: هلا
أوس: شفتي ماسة شي
رفيقتها: ماسة سافرت مبارح
أوس: بينصدم شوو لوين سافرت
رفيقتها: ماخبرتني والله بس صح بتطلع ورقة وبتعطيه ياها هي منها بالاذن
أوس: بيفتحها
محتوى الورقة
" أوس انا اسفة سافرت مبارح ماقدرت وقف بوشك وقلك انا ما بقدر حب بخاف من الحب وغدرو انسى كلشي صار بينا انا مالي متأكدة من مشاعري كنت وخبرتك انا كنت مخربطة وسافرت مشان ما اتلخبط اكتر وبشكرك على الشهر يلي قضيناه بكل اوقاتو ماسة"
أوس: بحس بسيخ نار عم يلمع بقلبو بيطلع من الجامعة وبيركب سيارته وهو مالو مستوعب يلي صار بصرخ وبيضرب على المقود لك ليشششش ليشش جبانة جبانة عطيتك حبي ليش عملتي هيك حبيتك انا حبيتك ياماسة بيضرب راسو بالسيارة وبيمشي
( هيك القصص مافي نهاية بتكمل الخداع والكذب والخيانة كلو عم يدور ويمشي ماحدا عم يستوعب شو عم بصير ولا معروف شو النهاية بس النهاية سعيدة ممنوعة )
الايام مرقت كتير صعبة على الكل
#تسريع
"ياسمين عرفت معها بنت وأدم مبسوط فيهن عم يعيشو ايامهن سوا كلها ياسمين كبر بطونها وصارت بالشهر التاسع وتعبت كتير بس مستحملة لسا ريحان ماعم تسمح لعمار ليبرللها شي أوس فقد الامل من انو يقدر يلتقى بماسة النهايات عم تتشكل على حسب القدر "
بتكون ياسمين اعدة وواقف أدم عم يمشطلها شعرها وعم تبتسم بتوقع خصلة من شعرها على الارض
أدم: بيرتعب ياسمين شعرك شعرك
ياسمين: شبك أدم شو صار
أدم: بيمسك الخصلة ليكي وقعت كيف هيك
ياسمين: بتبتسملو بتعب حبيبي عادي هي بنتك عم تاخد شعراتي وفيتاميناتي لهيك عم يوقع شعري ماتخاف
أدم: لك هي مو شعرة او شعرتين خصلة
ياسمين: أدم لا تعمل قصة حبيبي خلص عم قلك عادي اما سألت الدكتورة وقالتلي عادي
أدم: بوقف لا امشي معي هلق عند الدكتورة يلا بدي اعرف شو صاير الحمل ما بيعمل هيك ياسمين مابيعمل هيك نسيانة اني طبيب كمان
ياسمين: أدم لا تكبر القصة عم بحكيلك مافي شي
أدم: ليش حاسك عم تخبي عني شي
ياسمين: ماعم خبي شي
أدم: بعصب ياسمين عملتي تحاليلك كاملة!
ياسمين: بتتلبك اي عملتها
أدم: وينهن
ياسمين: عند الدكتورة
أدم: عم تكذبي علي ياسمين
ياسمين: لا ماعم بكذب
أدم: بينفعل مبلا شو صاير معك انتي
ياسمين: ليش عم تصرخ علي
أدم: ماعم بصرخ انتي عم تخبي عني شي
ياسمين: بتجي لتحكي بتحط ايدها على بطنها وبتصرخ من وجعها اخخ
أدم: بيرتعب عليها وبيمسكها ياسمين شبك حبيبتي
ياسمين: بترجع بتتوجع أدم رح اولد اخخ
أدم: اهدي اهدي حجيب الشنتة استني
بيركد بيحمل شنتة الولادة بيسمع صرخة ياسمين عم تعلى
ياسمين: أدمم بسرعة اخخخ
أدم: بيركد بيحملها لا تخافي انا معك اهدي ياسمين
ياسمين: بتتمسك فيه بينزل على السيارة بحطها وبيركب وبيمشي برن لاامو ونرجس والكل ليكونو بالمستشفى بوصل على المستشفى وبينزل هو وحاملها
أدم: بفوت وهو عم بصرخ نقالة بسرعة

بتركد عليه ناهد
ناهد: حاضر حاضر دكتور جيبو نقالة
بجيبو نقالة وفوراً بدخلوها على غرفة العمليات
بيطلع عمار من مكتبو وبوقف جنب أدم
عمار: ان شاءالله بتقوم بالسلامة
أدم: امين يارب امين
بيوصلو عيلتهن على المستشفى وبكون الكادر الطبي كلو مستنفر جنب أدم
بيدخلو باللهفة لعند أدم
نرجس: شو صار أدم مو هلق ولادة ياسمين على اساس باقي اسبوع
أدم: مابعرف شو صار بس بلشت تتوجع جبتها فوراً لهون
ام يونس: الله يخلصها بسلامة يارب
الكل: امين يارب
بتوقف ريحان جنب أدم
بيتطلع فيها عمار بخجل وشوق
ريحان: بتطلع فيه بعيون كلها عتب ولوم وبتبعد عنها نظرو
بينظرو وكلهن على اعصابهن عم ينتظرو حدا يطلع ويخبرهن بوقف أدم وبدو يدخل
بيمسكو عمار
عمار: استنى أدم هلق بيطلعو
أدم: شعور صعب الانتظار يلي برا مو متل يلي جوا هلق فهمت لحظة انتظار اهل الناس وقت كون بغرفة العمليات
عمار: بحط ايده على كتفه شد حيلك انت قدها ان شاء الله الدكتورة ياسمين بتولد وبتجبلك احلى بنت بالدنيا
أدم: امين يارب امين
بعد ساعتين بيطلع صوت بنت عم تبكي من الغرفة
بتنرسم على وشهن الابتسامة
بتطلع تاج هي وحاملة مال الشام لان طلبت تدخل على العملية
تاج: دكتور ادم مبروك عليك مال الشام
بيضحك أدم وبيحضن اخوه وابوه وبقرب من امو ونرجس بتحضن ريحان بقرب من تاج
تاج: بتمدله ياها الف مبروك بنت بتطير العقل
أدم: بيحملها بين ايديه ودموعو عم تنزل على خدوده من فرحتو الحمدلله ياربي الحمدلله نورتي حياتنا يامال الشام بيتطلع بتاج ياسمين كيفها كيف وضعها
تاج: الدكتورة عم يعملولها شوية فحوصات وهي هلق غابت عن الوعي عم ننتظرها لتصحى وبطلعوها على الغرفة
أدم: بمد مال الشام لتاج مشان يشوفو صحتها منيح حروح شوف شو صاير
بيطلع لعند الدكتورة

#يتبع

الموسم الاول
#معجزة ـ الحب
الجزء التاسع
أدم:بخوف شو صاير دكتورة ليش لهلق ما طلعت ياسمين
الدكتورة: طول بالك دكتور أدم عم نعمل فحوصات بس لان حالة الدكتورة ياسمين مو مستقرة تعبت كتير بحملها وبدنا نتأكد وحتطلع لا تقلق
أدم: فحوصات شو دكتورة
الدكتورة:بتتلبك فحوصات لسلامة ياسمين
أدم: احكي شو لفحوصات ماعم تضحكي على انسان عادي لاتنسي اني دكتور وبفهم
الدكتورة: حتطلع نتيجة التحاليل وبخبرك ممكن
أدم: بنفاذ صبر طيب رح انتظر تحت
الدكتورة: حروح شوف شو صار فيهن لان عملناهن من قبل ما نبلش بالولادة
بتطلع الدكتورة وبيطلع أدم بوقف جنب اهلو
نرجس: شو ابني ليش ما طلعو ياسمين
أدم: عم يعملو شغلهن مرت عمي حيطلعوها هلق
بتجي الدكتورة وهي معها التحاليل ووشها اصفر وماعم تعرف شو تحكي
أدم:بوقف لعندها شو التحاليل دكتورة طمنيني
الدكتورة: التحاليل
أدم: بخوف شبهن
بكونو الكل واقفين وعم ينتظرو كلمة منها
الدكتورة: الدكتورة ياسمين كانت عم تعاني من شي قبل الولادة
أدم: ابدا شو صايرر احكي
الدكتورة: بالتحاليل طالع انو الدكتورة ياسمين معها بتلفظ حروفها بأسى كانسر
أدم: بوقف الدم بعروقو للحظات نظراتو عم تترجا الدكتورة تغير حكيها
نرجس: بتصرخ لا يأميي لاا ما انتي كمان يااميي وبتنهار بالارض
ريحان: بتأعد على الكرسي بعدم اتزان وأوس واقف جامد ماعم يحكي اللحظات عم تتكرر نفس الشعور نفس الوجع عم ينعاد كلشي باللحظة
أدم: دمعتو واقفة على طرف خدو كرمال الله قولي غير هيك
الدكتورة: انا اسفة دكتور أدم هي يلي طلعت بالتحاليل وللاسف المرض منتشر بسبب قلة العلاج وصاير بنهايتو الطب واقف عاجز قدام صمود الدكتورة ياسمين هي وطفلتها قدامو
أدم: بحس الدنيا دارت فيه ماعاد يعرف شو يعمل بحط ايده على راسه وبصرخ لاااااا ياربيييي لاااا لاتمتحني فيهاا ياربييي ليشش احلى يوم بعمري ليتحول لااتعس يوم ليششش
ام يونس مشلولة حركتها وماعم تقدر تحكي بس دموعها عم تشرح شو بقلبها
الخبر صادم للكل كل المستشفى واقفة بدموع وماحدا عم يقدر يستوعب الحكي
بتوقف الدنيا عند الكل وبكى مال الشام عم برن بالمستشفى كلها
بينفتح باب العمليات وبطلعو ياسمين من الغرفة بتكون فاقدة وعيها وعم بجروها على التخت لينقلوها للغرفة
بوقف أدم وبقرب منها
أدم: بيمسك بأيدها وبفوت معها على الغرفة والكل وراه ريحان وأوس ساندين امهن وبيعدو بالغرفة عم ينتظرو ياسمين تصحى
بمر ساعات والكل على نفس الحالة
بتبلش تصحى ياسمين وعم تطلع حوليها متل الضايعة
ياسمين: بتأن أدم أدم
بيركد لعندها أدم
أدم: ياعيون أدم صحيتي الحمدلله على سلامتك ياروحي
ياسمين: بنتي بخير انا ولدت أدم
أدم: بهز براسو بوجع بخير بخير ليكها بالحضانة
ياسمين: بتبتسم بتعب وبتحط ايدها على ايدو سامحني
أدم: ليش خبيتي علي ياسمين
ياسمين:بتغمض عيونها بأسى وبينزلو دموعها بترجاك سامحني
بكونو الكل واقفين وعم يسمعو بس
أدم: سامحك انو تضحي بحالك كرمال بنتك
ياسمين:بتقوي حالها وبتحكي معي كانسر مزبوط
أدم: بتعرفي وكنتي ساكتة موتي حالك على البطيئ انا غبي غبي ما لاحظت كان حملك اخد عقلي كلو لك كيف بتعملي هيك كيف بتسمحي لحالك انك وبغص بحروفو
ياسمين: المرض منتشر بعرف ويمكن ماعيش بس كان خياري صعب لا موت الروح يلي أمني فيها بابا لا موت انا وانا مستحيل فرط بهدية ربي الي كنت لازم اقتل بنتي لعيش بس لا لا احسن اني موت
أدم: بقرب منها وعم يبكي متل الطفل لصغير وبحط ايده على تمها لا تحكي هيك مفهوم لاتحكي انتي بدك تعيشي وبدك تموتينا كلنا بعدين تموتي عم تفهمي
ياسمين: بتشهق انا خايفة خايفة ابعد عنك واتركك لحالك
أدم: وانا خايف تتركيني والله خايف بيشهق شهقات حتطلع روحو وبحط راسه على جبينها ليختلطو دموعهن ببعض( الفيديو صوت دموع أدم)🥺
مارح تموتي مارح تموتي
نرجس بتضم ريحان وأوس وبينهارو من البكى وام يونس حاطة راسها على كتف ابو يونس وعم يبكو
اللحظات يلي منكون متوقعينها احلى اللحظات وبتتحول لااتعس لحظات بحياتنا حياة متاهة والقدر ما بيجي بنصيبنا كل مرة مامنقدر نغير المصير ولا منقدر نوقف الزمن ياريت لو بيوقف الزمن او بيترجع كنا قدرنا وقوينا وما وصلنا لااي لحظة بتوجعنا كنا تعلمنا واشبعنا من الناس يلي معنا بكل لحظة بكونو معنا فيها
(العلاج الفيزيائي مارح تقدر تاخدو ياسمين لان المرض بأخره بس أدم أصر عليها تعالجت اسبوع وتعب جسدها اكتر ووقفتو )
بتكون اعدة ياسمين وبحضنها مال الشام حاضنتها بقوة بدها تشبع منها بكل لحظة عم بتمر من حياتها بتبوس كفوف ايديها ورجليها
ياسمين: بكون عيونها متل الجمر من البكى سامحيني سامحيني

أدم: بقرب منها بتعب وبيحضنها من ضهرها وهو عم بشم ريحتها ودموعو معبية وشه بحط ايده على راسها بينزل خصلاتها بين ايديها
ياسمين: بتبكي بزيادة ادم لا تطلع فيني صرت بشعة
أدم: بيمسك خصلات شعرها بين ايديه لا تحكيه هيك انتي بنظري احلى انسانة بالدنيا وحتضلي انا بحبك وحضل حبك لااخر يوم بعمري ممنوع تتركيني مفهوم ممنوع انتي ياسمينة شامي
ياسمين: ياسمين الشام دبل ياأدم وصار بأخره
أدم: لا تحكي هيك لاتحكي بضمها لقلبو كأنو بدو يفتح قلبو ويحطها فيه يخبيها من الكل
بتحط ياسمين بنتها على تختها
وبتطلع بأدم
ياسمين: طلعني لبرا بدي شوف امي
أدم: بهز براسه تعي بيحملها بين ايده وهي جسمها الضعيف
ياسمين: بدك تضل تحملني
أدم: خبرتك لااخر يوم بعمري
ياسمين: يمكن بعمري
أدم: بينزلو دموعها مشان الله حاج تحكي هيك عم تقتليني وربي
ياسمين: بينزلو دموعها وبتسكت
بطلعها لبرا وبنزلها على الكنبة وبوقفو الكل بكون العيلة كلها عندها ماعم يتركوها
ياسمين: ماما
نرجس: بتقرب لعندها عيون امك
ياسمين: رضيانة عني
نرجس: معقول تقولي هيك انا برضى عليكي كل يوم يابنتي بتغص رب السما والارض يرضو على ياسمينة قلبي
ياسمين: بصوت مبحوح وتعبان اوعك تضعفي من بعدي ماما
نرجس: بزيد بكاها حاج تحكي هيك كرمال الله يابنتي عم تحرقيني اكتر
ياسمين: وانتي ريحانة مال الشام بأمانتك بعرف حتحبيها وتهتمي فيها متل بنتك مو
ريحان: بتكون منهارة من البكى بتهز براسها
ياسمين: أوس يااخي وسندي كون سند لاامك واختك بدي افرح فيك وبشهاداتك
أوس: بكون غاصص ودموعو عم ينزلو بحط ايده فوق ايدها نحن بلاكي كيف كيف
ياسمين: مافي حدا بموت ورا حدا الحياة بدها تستمر اخي
أوس: لا تحكي هيك لاتحكي مامنقدر
ياسمين: بتقرب من ريحان وأوس ونرجس وبتحضنهن
عم تودعهن هي عم تشبع منهن ماعم تعرف شو عم بصير بس الوداع صعب صعب كتير صعب عم تشبع من اهلك وانت بأي لحظة ممكن تفارق الحياة الموت بشع بس علينا حق
ياسمين: سلمولي على اخي نزار وقليلو اشتقتلو كتير يمكن مااقدر شوفو ولا ضمو ولا ودعو
نرجس: حيجي قطع بالطيارة وجاية
ياسمين: دانيا مرت عمو رنا سامحوني اذا بيوم غلط معكن
رنا: بدموع الله يسامحك بتركد لعندها سامحيني ياسمين سامحيني انا ما كنت حاسة بقيمتك والله
ياسمين: بتحط ايدها فوق ايدها الله يسامحك انا مسامحتك وانتي سامحيني
رنا: مسامحتك انا والله بتضمها لا تروحي وتتركينا لاتروحي
بتقرب ام يونس وبتحضنها
ام يونس: سامحيني يا ياسمين سامحيني يابنتي
ياسمين: مسامحتك مرت عمو شدي حيلك مال الشام بأمانتكن بأمانتكن ياجماعة انا اليوم هون بكرا بتغص بدموعها بجوز لا
ريحان: بتضمها اختي لا تتركيني ما بكفي بابا تركني كمان انتي ليش هيك الدنيا ليش ليش في مرض بشع متل هاد عم ياخد مني اغلى الناس ياربي ليش
ياسمين: بتشهق اكتر وبتضمها لا تبكي ريحان لا تبكي بالعكس انا حشوف بابا
تاج:بنص شهقاتها قومي ارتاحي ياسمين حاجة وجع حاج
ياسمين: لاحقة لاارتاح تاجي
تاج: بتغص اكتر وبتبكي لاعاد تحرقي قلبي مشان الله
ياسمين: تعي تعي جنبي
تاج: بتقرب وبتضمها رفيقة دربي واختي ليش بدك تتعبيني بهالمشوار لحالي مو على اساس
مكملين سوا ليش
ياسمين: هيك الدنيا يااختي هيك
تاج: الدنيا ظالمة ظالمة
ياسمين: بتمسحلها دموعها كوني قوية مفهوم
تاج: مافي قوة من بعدك يارفيقة الروح
ياسمين: وحضل رفيقة روحك
تاج: لااخر يوم بتقوم وبيفرط قلبها من البكى وبتحضن صهيب وبتبكي بحضنو
بينهار الكل من البكى وماعاد يقدرو يهدو حالهن وأدم اعد جنب ياسمين وماسك ايدها ماعم يقدر يتركها
بتحط راسها ياسمين على راسو
ياسمين: بحبك أدم
أدم: وانا بموت فيكي ياسمين
يومهن بيمضى بقسوة كبيرة غصة بكل قلب وجرح كبير
بيوصل نزار بنفس اليوم بيدخل لعند ياسمين
نزار: وقت يشوف ياسمين بحالتها وجسمها الضعيف وشعرها واقع بينزلو دموعو اي لا لا مو ياسمين يلي بتكون ضعيفة هيك مو اختي يلي كنت اتناقر معها على الاللعاب مو هيك مو هيك
ياسمين: بتوقف وعم تستند هيك يااخي هيك
بيركد لعندها متل الطفل يلي عم يركد على امه وبضمها لا لا ياخيتي لا كسرتيني ياخيتي كسرتيني
ياسمين: اخخخ يااخي اخخ
نزار: هيك ياياسمين بتضحي بحالك هيك
ياسمين: ابوك امني على روح بنتي وما بفرط فيها مابفرط وهيك الله كاتبلي نصيبي نصيبي اخي
نزار: بس نحن شو من بعدك
ياسمين: الله ما بينسى حدا ولا الاله إلا الله
نزار: بيرجع بضمها لقلبو بدو يعوض سنينو يلي بعيدة عنها باللحظات قبل لماعاد يشوفها ابدا
بيمضى اسبوع وبهالاسبوع الكل وقع ونهار ماعاد حدا داق طعم النوم ولا داق الراحة
بيمسك أدم المعلقة

أدم: يلا فتحي تمك
ياسمين: مابدي اكل
أدم: ليش مابدك
ياسمين: مو جايني نفس
أدم: غصب عنك كرمالي كرمالي
ياسمين: بتفتح تمها وبتاكل بتطلع بأدم ليش ماعم تطلع فيني مابدك تشوفني كيف صرت
أدم: بيتطلع فيها ليش عم تحكي هيك انا مابدي اتطلع فيكي مشان مااضعف وابكي اكتر مشان تقدري تاكلي
ياسمين: انت ليش ماعم تاكل
أدم: بينزلو دموعو انا مامهم
ياسمين: بتحط ايدها على وشه وعدني ما تهمل حالك وعدني انك تنتبه على صحتك وعلى مال الشام وعدني تهتم فيها وماتتركها وتضل تحبني وتحبها وعدني تتصل بأسر وتتطمن عليه كل فترة امانة برقبتك مال الشام ياأدم بتبتسم بتتذكر كيف كنت تطعميني بايدك وهلق عم تطعميني وحملتني كتير وقلتيلي لااخر يوم بعمري وهلق عم تحملني كتير
أدم: بيرمي راسه بحضنها ليش ليش ياسمين حاج تحرقيني حاج عم موت عم اختنق يارب يارب اذا بدك تموت حدا موتني انا يارب
ياسمين: بعيد الشر انت بدك تقوة كرمالي صح
أدم: من بعدك مافي قوة ياكل قوتي من بعدك مافي هوا ولا في دنيا
ياسمين: بتنهار من وجعها وبترجع لورا وبتتسطح اهلي برا
أدم: كلهن برا ياسمين: شيل الصينية وخليك جنبي
أدم: بهز براسه وبشيل الصينية وبيعد جنبها بحط راسه على التخت جنبها وعم يبكي متل الطفل
بتمضى ساعتين على نفس الحالة
ياسمين الشام: بصوت مخفوت وتعبان ادم
ادم: بيرفع راسو وعيونو حمر من البكي اي عيون ادم وقلبو
ياسمين: بترفع ايدها وبتلمس خدو بحنية بدي بنتي مال الشام بدي شوفها
ادم: من عيوني بقوم فوراً بجيب بنتو وبحطها جنبها
بتقرب ياسمين وبتبوس كفوف ايد مال الشام وبتضمها وبتشم ريحتها وعم ينزلو دموعها بحرقة بتلتفت على ادم
ياسمين: ادم بدي نرقص سوا رقصة يلي رقصناها بعرسنا
ادم: بيبتسم وبيمسح دموعو من عيون ادم بيمسك ايدها وبقومها شوي شوي وبتتعلق فيه بجسمها لضعيف وببلشو يتمايلو شوي شوي وهي متعلقة فيه وعم تشم ريحتو
ياسمين: حبيتك ياادم وقلت هاد هو الشخص يلي رح كفي حياتي معو بكل لحظاتي بس شكلها حياتي مابدها تكفي معك بدها تتركك لحالك انا وعدتك كفي معك للاخر بس وعودي شكلها خانتني وما صدقت
ادم: عم يبكي بحرقة بيتطلع فيها لا لا يا ياسمينتي ياسمينة شامي وايامي انتي رح تكفي معي ونربي مال الشام رح تكبريها وتزوجيها اي اي والله والله وبيفرط بكى عم يشهق بحرقة وهي ضاممتو بقوة
ياسمين: ادم انت قوي انت رجالي لا تضعف بدي اترك بنتي امانة عندك بعرف عند مين تاركتها
ادم: بيصرخ لك اخخخخخ انا مابقدر مابقدر
ياسمين: بتهمسلو بصوتها الحنون ادم يا رجالي ادم يارجالي يامالي ورسمالي انا ياسمينتك وانت شامي حملني بين ايديك ولف فيني متل ماعملت وقت العرس ادم
بيحملها ادم بنص دموعو وبيفتل فيها هو وحاضنها
ياسمين: بتشهق اخر شهقة بتهمس كلمتها الاخيرة بحبك
وبيرتخي جسمها بين ايديه
ادم: بوقف وبينزل ع ركبو وهو ماسكها ياسمين ياسمين وببلش يحرك وشها بين ايديه
ياسمين: بتكون خلص وقف نبضها وهي بين ايديه ومبتسمة
ادم: بصوت عم يرجف ييااسمين يااسمين وبنتو بتبلش تبكي بيصرخ ادم صرخة بتهد لجبال ياااااسمييييين بترج البيت وقلبو وكل كيانو
ادم: لا يا ياسمين ما وعدتيني تتركيني لا يااااسميين وبحط راسو ع راسها وببلش يبكي وبضمها لقلبو بحرقة وبكسرة قلب اخخخ يا ياسمينتيي اخخخ ليشش ليشش بيمسك وشها بين ايديه لا ياسمين لا
قومي قومي بدنا نربي بنتنا بدنا نربي مال الشام بدنا ناخدها على الروضة وبعدين على الصف الاول اي اي عم يحكي ويضحك ويبكي بدك تصير دكتورة انتي قلتي هيك رح تصير دكتورة و تتخرج وتفرحي فيها وتكوني لساتك صغيرة و اطلع انا وياكي وهي ونلعب بالمراجيح بتعرفي حتكون متلك هي عنيدة وطيبة ياسمين ردي علي مو هيك
كل هاد سوا مو بيرجع بضمها لعندو ودموعو عم تبلل وشها وهو ضاممها وشادد مو قابل يتركها
بيدخلو الكل لعندو
نرجس: لا يا أدم لا تقولها لاتقولها بتوقع بالأرض وبتصرخ من صميم عقلها ياسمينننننن بنتيييي
ريحان: بتركد على اختها وبتبلش تحرك ايدها لا اختي ياسمين قومي قومي لا يااااسميين
أوس: بيحضن اخوه نزار وبينهارو
ام يونس: رحتي بكير يااااسميين رحتي بكير بتقرب على رنا وبتنهار هي وياها
بتقرب دانيا على مال الشام وبتضمها وبتبلش تشهق
أدم: بيتطلع بوشها قومي قومي ياربب ياربب صحيني من هالحلم يارب لا تمتحني بياسمين يارب
الصوت الاخير بصدا هالبيت صوتها
ياسمين الشام: أدم يا رجالي ادم يارجالي يامالي ورسمالي انا ياسمينتك وانت شامي
واقفين الكل باللبس الاسود وساندين بعض بيطلعو بالتابوت من البيت أدم بكون حاملو وعمار وأوس ونزار
أدم: بكون عم يمشي جسمان بلا روح
#ذكريات
ياسمين: لا أدم كمان بدك تطعميني بأيدك بعرف باكل حبيبي

أدم: انتي بتحبي ترفسي النعمة ليش
ياسمين: مو قصة رفس النعمة يخليلي هالايدين وصاحبهن بس بخاف اتعود على الدلال وماعود شوفه
أدم: بيضحك هههههه لا ماتخافي هاد طبعي حضل طعميكي بأيدي لااخر يوم بعمري منيح
....
أدم: ستني لا تفوتي بيحملها وبفوت فيها
ياسمين: هههه طيب ليش تحملني يعني
أدم: هيك بدي ضل حاملك طول عمري بنزلها بنص غرفتهن
ياسمين: بتقرب منو وبتحضنو بقوة
أدم: بيبتسم وبشد عليها اكتر
ياسمين: بتطلع فيه وبعيونو أدم يارجالي يامالي ورسمالي انا ياسمينتك وانت شامي
أدم: بيضحك هههههه يعتبر غزل ولا غنية حبيبتي اول مرة بسمعها
....
ياسمين: هي وعم ينزلو دموعها انا حامل ادم متأكدة
أدم: رح صير أب ياسمين
ياسمين: اي اي
أدم: بيرفع راسو ياربب هههههه بيمسكها وببوسها وبيحملها وبدور الحمدلله ياربي بعلي صوتو رح صير أب ههههه
...
أدم: احكي عم قلك ياسمين شو بربك احكي
ياسمين: بدي ياسمين
أدم: ياسمين!
ياسمين: اي بدي شمو واذا بيطلع بأيدي بدي اكلو
أدم: في حدا بيتوحم على ياسمين وهو كل الياسمين
بينزلو دموعو بأسى
ريحان بتكون عم تمشي ورا جنازة اختها ونصها التاني
بقوة ريحانتي بدي منك تضلي قوية ولا تسمحي لحدا يكسرك او يضحك عليكي كوني قوية واسندي حالك الجأي لنفسك مفهوم انا سندك ان كنت او لا وقت تحتاجيني تعي لعندي مفهوم اختك سندك وحتضل لو شو ماصار ومهمها مر الزمان الريحان والياسمين حيضلو مفتحين اي وعديني
ياسمين: بتطلع فيه اكيد رح تضل عايش ورح تطلع من هون وتروح على المدرسة وتدرس وتطلع احلى دكتور مو هيك ريحان
ريحان: اي اكيد مافي هالحكي هون ممنوع حتصير احلى دكتور وفارس احلام الصبايا
اسر: بيبتسم وبيحضنهن هنن لتنين وهنن بشدو عليه اكتر
أوس بكون كأنو حامل على كتافو روحو اختو وسندو بهالحياة راحت وتركتهن
أوس: خير ان شاء الله في شي
ياسمين: تعا ضب معي الصالون قبل لتنام يلا أوس: يعليكي كيف بدك تتجوزي بلاي انتي مين بدو يضبلك بكرا قولي لاادم بكرا ضب الصالون قبل ماتنام
ياسمين: يعليك شو مهضوم اي بضبو ومابيحكي شي خلي عندك روح المشاركة كيف بكرا انت بدك تتجوز وتتشارك مع مرتك كلشي
أوس: ماتخافي انتي روحي وماعليكي انا مني لمرتي اصتفل ساعتها
ياسمين: ييي احسن اصلا بكرا لتتمنى تشوفني بس
أوس: يااختي ماشي بدي اتمنى
ياسمين: بلا حكي ويلا نضب
نرجس ساندتها ريحان وتاج وعم تمشي كأنها مو بهالدنيا
كالعادة عم تلمي غراضك من الاراضي
ياسمين: بترفع راسها وبتطلع بأمها وبتبتسم ابتسامة طفولية هي عادتي ما بغيرها
نرجس: تاخرتي على المستشفى
ياسمين: اي تاخرت بس عم لم غراض لولاد بدي اعطيهن ياهن
نرجس: بتضحك هههه اخخ منك لك بنتي يلا لميهن وركدي
( شريط الذكريات عم يمرق ياريت فينا نرجعو نرجع اللحظات يلي عشناها نبقى نحب ونصدق بمحبتنا الدنيا فاينة يلي اليوم معك بكرا لا قربو من يلي بتحبوهن لو تعرفو قيمة لفراق كنتو قدرتو لحظاتكن يلي عايشينها )
بتندفت ياسمين تحت لتراب وقلوب الكل مدفونة معها اندفنت الذكريات والحب والحياة يمكن تحبو ريحة لتراب لان حبايبكن تحتها
بتوقف نرجس وجنبها ولادها ساندينها بتطلع على قبر بنتها يلي جنب جوزها
بتطلع فيهن من بعيد بكونو اعدين على المرجوحة يلي كلها ياسمين وعم يبتسمو لنرجس
نرجس: بكرت بأخد ياسمين ياابو ياسمين بكرت كتير
بيلتفتو وبيمشو تاركين حبايبهن
أدم :رحتي وتركتي غصة بقلبي الغصة يلي بتقتلني بكل ثانية عم تمرق وعدتيني تضلي كل العمر! هيك ياكل العمر تركتيني وما وفيتي بوعدك قلتلك بخاف ضل لحالي قلتلك بس تركتيني
بردت بس مو كجسد ... برد قلبي من بعدك
عطشت بس مو من المي .. عطشت من بعد حنانك وحبك
ماعاد حسيت بطعم شي بهالحياة الايام صارت تشبه بعضها ماعاد شفت شي بميزهن
عيوني اشتاقولك يانورهن كل شي فيني مستفقدلك وهلق..!!؟ ليش رحتي يا ياسمينة شامي دبل ياسمين الشام من بعدك وماعاد فتح رجعي ليفتحو رجعي لترديلي روحي مشتهي ضمك وادفن وشي بشعرك بس يلي صار اندفنتي انتي واندفنت معك
ادم: بينزلو دموعو بغزارة على ترابها انا هلق جسة من بعدك انا ميت من وقت ما تركتيني بلا روح وبلا قلب عايش بس جسمان اشتقت لغمراتك اشتقت لنظراتك الطفولية اشتقت لريحتك وقعتي بين ايدي تركتيني ورحتي ايدي يلي كانت تضمك دفنتك الايد يلي بتلعب بشعرك هي الايد يلي مسكتن بايديها وهنن عم يوقعو الايد يلي مسحت دمعاتك عم تمسح على ترابك بهدول الايدين دخلت فيكي على بيتنا اول مرة وبهدول طلعتك منو اخر مرة لك اخخخخخ بيصرخ من وجعو المدفون وبحط راسو على القبر وبيعلى صوت بكاه
بحس بايد على كتفو
بيرفع راسو وبيتطلع بشوف ياسمين لابسة ابيض بس مو بضعفها لا بقوتها وصحتها

ادم: يياسمين انتي هون
ياسمين: بتمسحلو دموعو لا تبكي كنت امسحلك دموعك قبل وهلق مارح اسمح ينزلو دموعك ابدا انا معك وموجودة جنبك انا هلق مرتاحة لا تبكي ادم ما بيبكي ادم رجالي ما بينكسر انت قوتي لا تضعف
ادم: بيلمس وشها وهو عم يرجف عتمت الدنيا من بعدك لا تروحي ضلي مابقدر كفي بلاكي مابقدر
ياسمين: بتقدر ادم رجالي وانت قد الامانة انتبه على بنتنا مال الشام بتبتسم وبتبلش تمشي وتبعد
ادم:بقوم وبيركد باتجاها لا لا خليكي خليكي كرمالي مابقدر مابقدر بيوقع بالارض وبتختفي ياسمين بصرخ ياربيييي وبحط ايدو على وشو وبينهار من البكى وشهقات الرجال المكسورة صداها عم يرن بكل قلب مجروح بوقف ادم بجسم مهدود ما بيتمالك حالو وبيوقع جنب ترابها
والان ماذا هل تذهبِ هكذا !!؟
عودي يا وليفتي عودي يا رفيقة الدرب عودي لكِ اعود من جديد فراقكِ مؤلم جداً كأن جحيم السماء تجمع في قلبي لم اعتقد يوماً ان الفراق مؤلم هكذا كنت انظر للفراق بأستخفاف ولكن عندما تذوقته علمت ان عذاب الفراق مؤلم وفراقك كان كَ مصاب فقد احد اعضائه كَ فراق ام لرضيعها كَ طير فقد احد اجنحته كَ فراق الإنسان لروحه الأمر أشبه بأخرس سقط علىٰ جرحه ملح ، فـ ألتهبت روحه واشتهىٰ الصراخ ولم يستطعَ
#النهاية_الموسم_الاول
#يتبع

هاد موسم الأول 🤘🏻